 |
|
|
09-10-2011
|
#151 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
سكر الجوال وعطاه هاجر ضربها بشويش على راسها وطلع واهو مبتسم لغرفته دخل وسكر الباب سمع جواله يرن انسدح على السرير وحط الوسايد خلف راسه
عبدالرحمن : ألو سمر : هلا عبدالرحمن : سمورتي غنيها لي مره ثانيه سمر : مو توني غنيتها لك عبدالرحمن : تعرفين اني كنت معصب ومجهز لك كلام كثير بس لما سمعتك تغنينها خقيت بصراحه وهدت اعصابي سمر : ههههههههههههههههههههههههه عبدالرحمن : تضحكين يعني من الصبح مشغول بالي عليك لا مو من الصبح من البارح وانتي تضحكين سمر : لا ههههههههههههههه عرفت نقطت ضعفك يعني اغني لك تهدى عبدالرحمن (أبتسم) : مو كل مره تسلم الجره سمر : يعني تحذير عبدالرحمن : تحذير قوي انتبهي سمر (بدلع) : يماااامي تخوف عبدالرحمن : اااخ منك سمر(بدلع مقصود) : أأخ منك اللي خذيت قليبي مني عبدالرحمن : دلوووووووووووووعه سمر : ما سمعت وش قالوا عن الدلوعه قالوا .. دلوعه والدلع منبعه فيني أخاف اتدلع أزياده واموت الناس فيني عبدالرحمن : سمسم حرام عليك خفي علي من دلعك الناس مو ميته عليك الناس خلاص ماتت سمر : ههههههههههههههه اسمع هذي ( اغلى هديه – تركي ) جاب لي اغلى هديه يوم قال يحبني تحققت الامنيـــــــــه يحبني ويودني ياما عانيت وقاسيت صابر ماهمني انتظر كلمه منه انه حيل يحبني عرف كيف يجيب راسي ملك قلبي وايا احساسي ماني ناسي ماني ناسي اول لحظه شافني من زمن وانا اتمنى ان قلبه يحبني يحتويني واحتويه وانسى كل شي صابني ماهقيت ان المحبه فوق فوق تشيلني والقدر يومه جمعنا وسط قلبك حطني يالله تحفظ اللي وياه بالغلا جمعتني لاماانسى ذيك اللحظه يوم شفته وشافني ياعواذل موتوا غيره هاالغلا مكتوب لي هو حبيبي اللي اهمه وهو بس يهمني عبدالرحمن ( حط يده على قلبه) : آآآه سمر (بخوف) : بسم الله عليك وش فيك عبدالرحمن : يا حلوك سمر بسألك سمر(بهيام) : لبيه عبدالرحمن : تحبيني سمر : أمممم بقول لك هذي الأبيات وبتعرف شعوري عبدالرحمن : قولي سمر : بقول لك أحبك ... وأسهر الليل ع ـشآنك ~ وأنتظر بلهفة أتـ ص ـآلك وأخجل لما يـ ج ـيني سؤالك تحبيني؟! ومن الحيآ ما أجآوبك ,, وأسرح أفكر بـ غ ـلاتك وشنهي أحلى ص ـفاتك يا ح ـياتي ! وتعيد علي سؤالك وتقول: أنتظر ج ـوآبك ؟ وأهمس لك: أنت عمري ودنيتي أنت روحي ومهجتي أنت غاية منيتي ايه أحبك وأحلى اوقاتي بقربك .. عبدالرحمن (بهمس وحب ) : وانا ايه احبك واحلى اوقاتي بقربك انتي بس سمر(أستحت وهي تشوف البنات يطالعونها) : طيب بسكر عبدالرحمن(يتعدل) : وين وين توك متصله ومن امس جالس لحالي لا سمر : حمني والله عبدالرحمن (يقاطعها) : سمر اسمعي إِنْ غاب صوتك حياتـــي مَاتَحَمَّلْني وإنْ جيت ضَيَّعْت بك شوقي من جْنوني أشتاق لِـرْضَـاكْ وإِنْت اللي مْزَعِّلْني لاضاق خَـاطِـرْك ضاق الكون بِـعْـيُوني سمر : صح لسانك عبدالرحمن : صح بدنك بس لا تقطعين الصوت ما اتحمل سمر : والله بطلع اتمشى مع البنات في مزرعة العم محمد وما يصير اكلم وانا امشي الناس وش تقول عبدالرحمن : .................. سمر : حمني عبدالرحمن : ................. سمر : زعلت يا قلبي اسفه والله عبدالرحمن(أبتسم وحب يتغلى) : ................ سمر(أبتسمت) : احبك وبقول لك من عرفتك وانت يزداد غلاك ... وصار قلبي بالمشاعر يحتويك ماحسبت العمر دونك هلاك ... لين بان الشوق في عيني اليك انت امر قلي بس وش مناك ... ومن عيوني غصب عن عيني يجيك عبدالرحمن : ياااااااااااااااااويلي منك يا سمر سمر : هههههههههههههههههههههههههههههه عبدالرحمن : أقول سكري لا تحديني اركب سيارتي واتجه لقريه اهل العم محمد اللي مدري وين سمر : تبي اعلمك وين عبدالرحمن : اها شكلي وحشتك ومشتاقه لي سمر : مشتاقه لك ولشوفتك والجلسه معك وبقول لك تشتاق لي وتظن ماني لك مشتاق والله يدري كم من الشوق فيني ارقب قدومك وداخلي نار الاشواق واكبر دليل النوم مازار عيني انا اشهد ان القلب في غيبتك ضاق ولو الامل لاقول ضاعت سنيني عبدالرحمن (أبتسم ) : ما بكون بخيل وبرد عليك وبقول نفس كلامك لأن غلاك بقلبي مثل غلاي بقلبك من عرفتك وانت يزداد غلاك ... وصار قلبي بالمشاعر يحتويك ماحسبت العمر دونك هلاك ... لين بان الشوق في عيني اليك انت امر قلي بس وش مناك ... ومن عيوني غصب عن عيني يجيك سمر : يالبيه ما يآمر عليك ظالم ابي بس تكون بخير عبدالرحمن : طيب بسكر عشان ما اشغلك بس لا تسكرين جواله مره ثانيه وسمعي وش بقول لك يامسـٍـٍكَرْ الـ جَوّآلْ فـ وَجْهً مَغْـٍـٍليْكَـ خَلّ الـ تْغّلـٍـٍـٍيْ لـَ عْنّبَـٍـٍوآ والًديْنه .. خَلّـٍـٍـٍكـْ عّلْى خَبْـٍـٍريْ ياعَسْى اللّـٍـٍـه يَخّليْكـَ ياقّـٍـٍرْهَ قَلّيبيْ وَمهجْهَ ضْنينّـٍـٍـٍه ~ سمر : ههههههههههههه من عيوني خلاص توبه عبدالرحمن : مع السلامه يالقلب سمر : مع السلامه يالقلب سكرت سمر من عبدالرحمن وضمت الجوال وهي تتنهد سمر : وهـ أحبه يا ناس فرح (تقلدها) : وهـ أحبه يا ناس حبك برص زين سمر : يحبك من الغيره فرح : يا ويل حالي وش الغيره سمر : اكلم حبيبي وانتي لا فرح : حبيبي بعد كم يوم بيكون قدامي اشوفه ويشوفني مو محتاجه جوال سمر : بعد سنتين عذاب صار افراج البنات : ههههههههههههههههههههههههههههههه وضحه : بنات وش رايكم نروح المزرعه مزرعتنا مي : مو كأن شمس تونا العصر توه أذن وضحه : خلونا نروح قبل المغرب لا تمشون بسوي لنا شاي وقهوه ونآخذ فرشه ليالي : خلونا نطلع يالله البنات : يالله الوضحه : بس ما تقدرن تمشون في نقاباتكم كذا لازم تتغطن مو حلوا سمر : وش اتغطى اطيح على وجهي فرح : ما سوينا حساب ان نطلع و هنا ناس كثيره تنقد على شكلنا الوضحه : أسمعوا اذا رضيتن تلبسن براقع البنات : برااااااااااااااقع الوضحه : أيه وتراها والله جديده عذاري : مو سالفة جديده بس اول مره افكر البس برقع مي : بيطلع حلو الوضحه : ههههههههههههههههه ترى كلها برقع وش خايفات منه لا عمليه ولا شيء (توقف وتتجه للدولاب) اسمعوا البس وخلنا نطلع من الباب الخلفي عطت كل وحده برقع لها وتأملتهن مي : يووووه ما يستوي هذا اللي فوق الخشم الوضحه (تقرب) : ههههههههههه اسمع قران البرقع مي : اصلحه يجي يمين اغير يتحرك شمال سمر : اخير بلزقه بصمغ افففففففف الوضحه : كلها ساعه مو الزمن كله ليالي : الحمد لله اني متعوده عليه كل ما جينا لبسته فرح : الحال من بعضه عذاري (تطالع نفسها في البرقع) : وهـ فديتني اهبل صرت بنت البدو (ألتفت عليهن وحطت ايديها على خصرها وبغرور قالت) حـنـا بـنــات الـبــدو دوم عـطـرنـا هـيــل نـرهـي مــن الـدلــه صـــدق الـوفـاااتـي \ / لا دندن الدنـدان نصبـح كمـا البـرق تهليـل نـرعـب نـجـوس الــذل مــع كــل حـاتــي \ / صبـرك واقـول الصبـر يـا ابـن المحاليـل ارجـــع لـثــدي الام واطـلـبـهـا مـامـاتــي \ / امشـي بكيـفـي دوم وكيـفـي يــرد الخـيـل مـا همنـي قـول المـوت لــو قــال بـاتـي البنات : والنعم عذاري : احم أحم ينعم بحالكم وضحه : يالله عشان تقدرون تشوفون المزرعه قبل تروحون تراها كبيره سمر : ما شاء الله الله يزيدكم ويبارك لكم وضحه : تسلمين طلعوا البنات بعد ما سون شاي وقهوه وشالنها في سله وطلعوا من البيت وهن متجهرات للمزرعه سمعوا صوت وحده وقفوا وألتفتوا وضحه : هلا حسنه حسنه : هلا فيس يالله يحي اهل المدينه كيف حالسن البنات : بخير وانتي حسنه : من الله بخير وين مروحات وضحه : حياك معنا بنروح نتقهوى وسط المزرعه حسنه : تسلمين دوم راعيه واجب يا بنت محمد بس ما عرفتيني على البنات وضحه (تأشر على البنات) : هذي مي وهذي عذاري وهذي سمر وليالي وفرح تعرفينهن حسنه : ما شاء الله بنات عم مي : ايه وضحه : خلونا نروح يالله حسنه (تمشي معهم) : تمرحون(تنامون) اليوم هنا ولا تعاودون للديره سمر (تعدل برقعها اللي طفرها) : لا بنمشي بالليل بس جينا عشنا الوضحه ونروح حسنه : تستاهل بنت محمد من يتعنى لها وضحه : تستاهلين الطيب حسنه : مير الله يشهد أن جيت وضحه ضيقت خلقي مو لشيء بس مستقبلها تتركه هناك وتجي هنا ليه وضحه (وصلن للمزرعه وحطت الفرشه وجلسوا) : ظروف مالي نصيب حسنه : من كنا في الأبتدائي وانتي اشطر البنات الكل كان يغار منك ليالي : حسد حسنه : في منه بس مو كلهن يحسدنس سمر : وأحنا جينا عشان نقنعها ترجع معنا نبي تكمل الشهرين الباقيات حرام يروحن عليها حسنه : والله صدقتي عقب التعب تضيع عليها انا لو أمي كان رضت اجي الرياض اكمل كان والله ما تركت الدراسه احدن يعاف التعليم مي : وليه ما كلمتي وضحه (تصب قهوه) : حسنه هي وحيده امها وامها حرمه مريضه الله يشفيها البنات : أمين حسنه : الله يجزاكم خير ( ألتفتت للوضحه) أسمعي والله اني احبس واموت فيس مير خلي عقلس في راس وارجعي معهم ترى ما يفيدس لا رجل ولا اخو ولا ابو يفيدس نفسس بس وضحه : والله عارفه بس انتي مو عارفه شيء حسنه : ما يحتاج اعرف ترى البنات باين يحبنس ولولا حبس في قلوبهن ما تركوا الدراسه اليوم وجو لها فرح : وضحه خاطري تكونين معي في عرسي تكفين لا تحرميني منك سمر : وضحه ما نقدر نروح من دونك مي : رجعي معنا وضحه (تتلفت حولها ) : حلوه المزرعه ماشاء الله حسنه(طالعت للبنات وفهمت انها تغير السالفه خزتها) : صرفي يعني البنات : ههههههههههههههههههههههههههههه حسنه جلست مع البنات 10 دقائق ورجعت بيتهم والبنات جالسات مع بعض ليالي (ضمت رجولها لها) : وضحه بعد شوي بنرجع الرياض فكري الأيام اللي غبتي فيها عن الكليه محلوله أي عذر طبي نقدر نجيبه وترجعين بس تضيعين مستقبلك عشان خطأ من انسان أناني لا سمر (تكمل) : يا وضحه جلوسك هنا ما راح يفيدك بشيء غير الحسره والقهر انك اتخذتي قرار خطأ مي : فهد وخلاص ابوك حلف إلا يطلقك منه ليه تدفنين عمرك هنا فرح : وجدي لو كلمتيه يقدر يجبر خالي تكلمين دراستك عذاري : لا تصعبينها وضحه : انتو لا تصعبونها الامر مفروغ منه والله صعب تعرفون لو ابوي عرف ان فهد صار زوجي فعلا لا يمكن يطلقني بس انا ساكته عن الموضوع مي : لو عرف عادي ابوك ما يرضى لك المذله وضحه : خلاص بنات خلوني انا اخترت ولا يمكن اتراجع دراستي مقابل طلاقي وبصراحه ابي اتطلق ما اتحمل فهد سمر (رن جوالها) : ألو هلا يبه ....... ألحين تو الناس (طالعت للوضحه) .... ما رضت يبه ... خلاص راجعين ..... مع السلامه (سكرت وألتفتت للبنات) ابوي يقول خلونا نمشي قبل تغيب الشمس وضحه : والله مر الوقت بسرعه ما شبعت منكم مي : ارجعي معنا فرح : تكفين وضحه(هزت راسها) : أسفه والله صعب سلموا لي على الكل رجعوا البنات للبيت ووضحه دخلت البيت ما حبت تودعهم ويشوفوا دمعتها يعز عليها فراقهم وطلعوا الكل وصعدوا السياره متجهات للرياض واهن يحسن الدموع في عيونهم ----------------------------
|
|
  ربي يحفظك لي ياأمي ولايحرمني اياك 
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
