روايه ..سعوديات في بريطانيا..لاتفوتكم..كامله

تابع الفصل التاسع عشر


( البندري)
البندري دخلت البيت كان ظلام وفي صوت بالمطبخ ... ماتدري ليه راحت بسرعه لدرج الا صوت محمد اخوها يوقفها : البندري
تشتغل الانوار ..لفت على صراخه اللي واضح انه معصب : نعم
محمد: مو انا قلتلك مافي طلعه
البندري مانتبهت للعجوز اللي طلعت من المطبخ مع مريم وغاده
البندري: انا قلت اب
ماحست الا وكف قوي على وجهها
محمد: مو انا قايلك لا تتاخري امي بتجي
ركضت ام البندري للبندري تبغى تضمها: ليه يامحمد ..
محمد اول مره يعصب على اخته كذا اقهرته ماستقبلت امه علشان تروح زواج اخت صديقتها
البندري تبعد امها ودموعها على وجهها : ابعدي عني .. عاجبك كذا اول يوم تجي فيه محمد يضربني
محمد زاد صراخه: البندري
ام البندري وقفت مصدومه شبه مشلوله
البندري: هذي اول مره تعاملني كذا وتضربني ..لانها جئت وجابت الشر معها ..
مريم : البندري وش هالحكي هذي امك
البندري : انا امي ماتت يوم انها يتمتني وقتلت ابوي
ام البندري ضاعت بدوامه هذا اللي ماحسبت احسابها اغلى عيالها دلوعتها البندري اخر العنقود سكر معقود تلومها على قتلها لابوها كانت تتوقعه من محمد من غاده لكن من البندري لا وليه
محمد: اسكتي سود الله وجهك ...
راحت لعند امه : يمه لا
البندري ناظرت امها : اكرهك
طلعت فوق بسرعه
للكل سكت ماعرفوا شيقولون ماتوقعوا البندري كذا ..
البندري رمت نفسها على السرير تبكي .. راحت كل زينتها من دموعها تبكي قساوها على امها تحس ان قلبها قاسي غصب عنها .. قلبها مايطيق امها اللي على وجهها علامات السماحه والطيبه .. الوجه الملايكي اللي قتل ابوها قدام عينها قبل 14 سنه وهي طفله تلعب بعروسته 6 سنوات تشوف هذا المشهد لاجرامي تشوف امها تجر بالسلاسل وهي تقولها: ليه ياماما طلعتي الدم من بابا انا احبك بس انتي جرحتي بابامن هنا ( تاشر على صدرها وقلبها )
ام البندري بهد ماجلسوها عيالها وشربوها المويه ..تحس بضيقه ماحستها وهي بالسجن.. دخلت سجن ثاني وسجن اكبر
محمد: يمه ماعليك منها مراهقه بكره تكبر وتعرف
ام البندري: مالومها ياوليدي انا حرمتها من ابوها
غاده: يمه لا وش هالحكي ..ترى البندري بس مقهوره لان محمد ضربها كف
ام البندري تناظر مريم زوجة ولدها واللي محمد يحكيلها وشكثر تحبها البندري : يمه مريم روحي شوفيها لاتسوي بنفسها شي
مريم: ان شاء الله يمه
ام البندري : واذا نمت قولي لي

تابع الفصل التاسع عشر


(( لوجين ))
لوجين رجعت للبيت تفكر بمسفر حبيب قلبها اللي ماشافته الا لحضات .. شافته وحفظت شكلها ..اكيد ان الريم حبيبته كانت معه بالسياره ابعد عينه علشان مايضايقها .. آه يامسفر لو تعرف معزتك بقلبي ولو تعرف اني اموت بدونك ..
فتحت شنطته وطلعت بوكها اللي في صورته اللي كانت البوم الصور يوم عيد ميلادها باست الصوره وسكرت بوكها دخلت تتروش
**************
((البندري))
دخلت مريم الغرفه على البندري اللي مقطعه نفسها بكي
مريم: البندري
البندري : مريم تكفين ابغى اجلس لوحدي
مريم وتعرف طبع البندري: طيب بس تروشي وبدلي ملابسك
الندري: مريوم بلييييييز
مريم: ان شاء الله طلعت وتركتها

**************************
(( لوجين ))
بعد ماتروشت
اخذت من الكومدينه الدفتر اللي فيه اشعار حامد زيد حفظتهم من كثر ماتقراهم بالفتره الاخيره
كانت قصيدة .. الاسطوره
والحبيب اللي صـدوده مثـل مداتـه جزيلـه
صد عني واعرفه لو صد عن حاجـه هجرهـا
كن روحي يوم حست في جفاه وصعـب نيلـه
بشرتنـي بالضيـاع وشـدة العـزم لسفرهـا

&
من حفر بضلوع قلبـه حفـرةٍ تكفـي قتيلـه
ليه ما يدفن قتيله بالضلـوع اللـي حفرهـا؟
اشتكيتـه للرفـوف وللبـراويـز الهزيـلـه
وانذعرت من النياح اللي سمعته في صورهـا
قراتها وهي تحس انها تتكلم عنها ودموعها تنزل ..قطع عليخا اندماجها صوت الجوال ..( نوري غطى لى لفاتوره يتصل بك )
لوجين بعد ماتنحنحت تعدل صوتها: الو
نواره تبكي : يالله يالجو فقدتها
لوجين:ههههههههه ماصارلك ساعتين من تركتيها
نواره: حرام عليك 6 سساعات من تركتها ..تخيلي سريرها فاضي والله قهر

تابع الفصل التاسع عشر


ا(( بعد ساعتين اذن الفجر))
صلت ام البندري ودعت لبندري ان الله يهديها .. وقلبها ماطاوعها الا تطمن عليها ..
دخلت غرفة البندري بهدوء وشافتها نايمه بملابسها ومو متغطيه تذكرتها وهي بزر غطتها وفصختها عبايتها وجزمها وخفضت من برودة التكيف ..وجلست بجنبها تناظرها وتتاملها
**

اشوفكم بكره مع البارت العشرين

الخالد

الفصل العشرين



((طلال))
جالس باالكافي مع خويه بدر
طلال: صار لي يومين ادق عليك ماترد
بدر : انشغلت
طلال: لاياشيخ احلف
بدر : والله كنت مشغول مع الجوري
طلال: اوه تطورات
بدر: نعم طال عمرك عندي صور لها وتصوير
طلال: والنعم والله عرفت اربي هههههه
بدر: هههههه لاتخاف جبتلك اخبارها
طلال بلهفه : انطق بسرعه
بدر : تقول دانا انها طول الزواج تبكي وانها ملكة جمال
طلال: مالك دخل فيها خلك على جور
بدر: لاتخاف هذي الجوري دخلت مزاجي والله لاجيب راسها
طلال: كمل وبعد شقالته
بدر: بس طال عمرك وماعندها اخبار الا انها تشتغل ببنك الفرنسي ...
طلال: ايوه اي فرع
بدر: وانا وش دراني المهم ان خويتها بنت الكاسر لابوها مساهمات فيه
طلال: والله لالف البنوك عليها
بدر: لا حالتك صعبه
طلال: آه ياخويي العشق بلوى
بدر بتانيب الضمير: ههههههههه الله لايبلانا ... ايوه قبل لانسى هي ابوها مطلق امها
طلال : لا توني ادري وبعد
بدر: بس وامها فري وسمعتها لك عليه
طلال: كيف يعني ... ؟؟ سمعتها وش مسويه ..؟؟
بدر: يعني ..لبنان وجنيف ..ومعسل وسجاير ... شاليهات .. وغيره
طلال كان حد صاب عليه مويه بارده يعني نواره صارت حلم مستحيل بالنسبه له ... ابعد من قبل هاللحين وش يقنع اهله فيه ..
بدر: بس يقولون هم عايشين عند ابوهم وزوجاته الكثير اللي يغيرهم اكثر من اسيارات وهو هاللحين يدور على زوجه .. مثلك عارف تقدر الشرب والقمار
طلال: كذاب اول مره احد يقول كذا
بدر: دانا ..سمعت ام المعرس تتكلم مع وحده من عمات نواره وغير كذا بنت الكاسر اللي مادري من وين طلغت توني ادري ان عنده بنت ... اللي ماخذه الدنيا عباطه
طلال استوعب شوي وحس باليائس مستحيل جد يقدر يخطبها ودامه مايقدر ياخذها بالشرع بياخذها غصب
بدر: انت عارف ان..
طلال: خلاص كفايه واللي يرحم والديك مابغى اسمع اللي سمعته يكفي
بدر : اوكيه اويه انت لاتعصب تراك غالي
طلال: الله يلعن ويلعن دانا حقتك هذي

الفصل العشرين



((لوجين ))
لوجين جالسه بالبنك هذا ثاني يوم لها دوام ..جالسه تفكر بطريقه تشوف فيها مسفر ونواره تخلص معاملات عميل
نواره:آف انا مانفع بهذا الشغل
لوجين: ليه
نواره: انا ينفع لي اشتغل بمشغل الجوري او مشغل تغليف الهدايه مع ذوق ..مو هنا لا واللي يشتغل معنا رائد التافه اخ ذوق
لوجين: حرام عليك والله انه حبيب
نواره: ايوه يصير خير هو وخشته شكلي ببادل مع البندري
لوجين: لا وش هذا ..سخافه
نواره: لاتحاولين بكلمها وببادل
لوجين وعارفه كسل نواره وكرهها لشغل : اوكيه اذا وافقت اكلم المساهمين
رائد: السلام عليكم
لوجين ونواره : وعليكم السلامه
رائد: ياخت نواره في عميله مهمه رو
نواره: لاحول
لوجين بسرعه وبرزه : خلاص انا بتفاهم مع العميله شكرا يا اخ رائد
رائد: اذا كنتي مو قد الشغل ليه اشتغلتي اجل
نواره: والله بكيفي اصلا انا طالعه ومخليته لك
شالت شنطتها ووقفت
رائد؟؟؟؟؟؟؟؟؟؟؟؟
لوجين: اجلسي وبلا شغل هبال
نواره طلعت من البنك وهي تكلم الجوري والبندري اللي مفروض ان طيارتهم للبنان بكره الساعه 9
نواره: اقولك اذا على بنو انا اتفاهم معها
الجوري: اذا رضت اوكيه مافي مشاكل انا عندي انتي او هي خواتي
نواره: تسلمين بس بسكر هاللحين احكي مع الحلوه
البندري بهدوء:الو هلا نونو
نواره: هلا فيك ..سلامات وشفيه صوتك كانك بعزاء
البندري: ياليتها ماتت ولاجاءت
نواره: من ..؟؟
البندري : ماقدر اتكلم انتي مشغوله هاللحين
نواره: لا
البندري: اقابلك بجلفريز
نواره خافت من صوت البندري المهموم : اوكيه مسافة الطريق
البندري: اوكيه مع السلامه
نواره رجعت لداخل البنك وعطت لوجين خبر واعلنت انسحابها : لو بملايين الدنيا ماجلس هنا هذا يومين دوام وبهذلونا كذا ... لا انا مانفع هنا
لوجين: اوكيه روحي ولاتشيلي هم
نواره: سوري لجو كان بودي اكون معك لكن ماقدر والله صعبه
لوجين:لاوالله عادي دام بنو بتجي لهنا اصلا انت وجودك مثل عدموا
نواره: مالت عليك ...

الفصل العشرين


((البندري))
البندري لابسه عبايتها بتطلع بس شافت امها مع مريم يتقهوا بالصاله ... بعد هذيك السالفه كانت طول الوقت بغرفتها حتى اخوها محمد ماشافها
البندري بدون نفس : هاي
مريم : هاي
ام البندري: وعليكم السلام
البندري طنشت امها : مريوم انا يمكن بكره بسافر مع الجور للبنان عطي محمد خبر لاني ماحكي معه
مريم : اوكيه بحاكيه وبشوف
ام البندري بحنان: وليه انتي ماتحاكينه
البندري بعصبيه :من بركاتك ماكلمه لي يومين
مريم: بنو وبعدين معك
ام البندري بصبر وحلم: ومع من بتروحي للبنان .. مع محمد
البندري: ههههه ومحمد وشيبغى معنا ..انا والجوري صاحبتي
ام البندري ظربت صدرها : لوحدكم
البندري: انتبهي على نفسك لاتشغلين الحسينيه من ربعك الشيعيات بالسجن .... ايوه مع صاحبتي ويمكن تروح معنا نونو ... وبعدين تعالي ( كتفت يدينها ) ليه في شي اوعندك اعتراض
ام البندري صدمها الكلام بس اضغطت على نفسها لان مستحيل بنتها تسامحها بيوم وليله ..
مريم توها بتحكي الا اسبقتها ام البنري : بدون محرم
البندري : محرم وانتي عايشه فيه ...الناس تطوروا ..وب
ام البندري عقدت حواجبها : ومن هذي الجوري محرم لك
البندري ناظرت امها من فوق لتحت : الجوري ..ليه انتي تعرفين من هذي الجوري ... اوه تذكرت ان اخر خبرك فيني 6 سنوات ...انا طول 14 سنه ماعرف عنك شي ولا انتي تعرفين عني شي فبليز لاتدخلين بحياتي ...
مريم: البندري ..اسكتي
ام البندري: يابنتي انا مو عدوتك انا امك
البندري تطنشها : مالي خلق درامى ... مريومه انا طالعه لجلفريز مع نونو
طلعت
.. لفت ام البندري على مريم : ليه خليتيها تروح .. ومن هذي نواره اللي بتروح معها
مريم: ياخاله لاتخافي نواره ثقه
ام البندري بنرفزه : على اي اساس ثقه .. وش هالعبايه المزينه اللي لابستها فستان مو عباءه ..كيف ساكتين لها
مريم ومن زمان مو عاجبتها الحريه اللي فيها نواره بس سكتت
ام البندري بنفسها تقول بتحدي : انا اللي بريبيها على ايدي من جديد

الفصل العشرين


((ذوق))
ذوق واقفه بالبيت الصغير اللي قررت تسسويه مشغل تغليف هدايا وتصميم كوشات خلصت كل شي وكل الاجراءت والديكور والادوات بس بقى تختار الاسم ..احتارت وش تختار ...
دقت على الجوري مشغول ...تذكرت انها اكيد تجهز لسفر لبنان بكره وفكرت انها تختار مثل اسم مشغل الجوري والبندري ( مشغل توينز) هما اختاروا هذا الاسم علشان البندري والجوري انهم توم ...بس هي وش دخلها بتوينز ...
دقت على المنقذ حبيبة قلبها لوجين
ذوق: السلام عليكم
لوجين: هلا والله وعليكم السلام كيفك ..
ذوق : كويسه ..وينك اختفيتي بعد زواج مروه
لوجين : مشغوله والله مع البنك .. المهم انتي كيفك ..؟؟وكيف مشغلك ..؟؟
ذوق : يالله لجو محتاره وش اسميه
لوجين : مايبغالها ..لوجين لتغليف الهدايه
ذوق:ههههههههه بايخه ..اخاف مايجوا زباين
لوجين:هههه لا اضمنلك مليون بالميه ..
ذوق: اوكيه واذ خسرت عليك التعويض
لوجين:هههههه لا اجل اختار اسم ثاني احسن ... وشرايك ب ذوق
ذوق: لا بايخه ..انا افكر بامواج
لوجين: لا وع وش ذا امواج .. انا اقول دلع بنات لتغليف الهدايا والكوشات ..وشرايك ..؟؟
ذوق: والله انك فضيعه جنان خلاص بسميه دلع بنات
وبنفس الوقت صاروا يغنوا ..((اتغير عليك ولااسال وجيك..
وقولك ماحبك وانا بموت فيك ..
ترى طبع البنات تهوى الاهتمام ..
ويحيوا الدلع والحب والغزل والغرام
.....
على ذكر الكلام غروري اللي كان ترى كل هذا ياروحي
..... دلللللللللع بنات ...
ذوق ولوجين:هههههههههه
ذوق: اوكيه باي اشوفك قريب
لوجين: اوكيه باي

الفصل العشرين


فيصل قرر ينزل لسعوديه يشرح لذوق كل شي واسبابه بعد كل اللي صار ..
**************
((نواره والبندري))
بالمطعم ..
نواره بحماس وهي حاطه رجل على رجل بعربجيه : قررت اصير مدرسه اطفال
البندري : كيف ...؟
نواره : ايوه اطفال اموت على البزارين وابغى ادخل عالمهم ودرس حظانه ( وبحركات مسرحيه وهي توقف ) ابغى اكون لهم المربيه ..
البندري: اجلسي فشلتينا
نواره تناظر اللي بالمقهى يناظرونها : اوه هههههههههههه اندمجت
البندري:هههههه اجلسي خلصينا
نواره بصوت عالي : سوري تحمست شوي لاني بصير مدرسه .. مدرسة بزارين اخس مدرسه هههههه
البندري غطت وجهها بالمنيو (القائمه) من الفشيله ...
اللي بالمقهى شباب ضحكوا وبعض العوايل حتقروها واللي ابتسم على هبال المزيونه المتحمسه ..
البندري :ههههههه ... اجلسي فشلتينا
نواره جلست :ههههههه مشكله الحماس
االبندري تعالي نطلع الناس تناظرنا
نواره : وناسه اجلسي يمكن تجينا باقة ورد
البندري:ههههه ماتوقع
نواره: اصبري وبتشوفين .. الا ماقلتيلي متى طيارتكم ..؟؟
البندري: ليه مانتي بجايه معنا يله غيري رايك ..؟؟
نواره : امم مادري انتي عارفه البيت صار فاضي بس انا وبابا ... وبابا مشغول يدور عروس شكلي بقنعه يروح يدور له من لبنان
البندري : انا خايفه ان الزفت اللي عندي تغير راي محمد مث ماخلته يضؤبني
نواره: لا حرام علي لاتظلميها عندي احساس ان مالها دخل
البندري: انتي ماشفتيها والا كان ماقلتي كذا هذي خريجة سجون
نواره تذكرت امها وحركاتها المشبوهه واتوقعت ان ام البندري مثلها : صح يمكن لاكن انتبهي لاتعطيها مجال
البندري: من قالك حتى اني موافقه اشتغل بالبنك علشان اقهرها اعرفها متخلفه
نواره: لا عاد مو تقولين متخلفه صدق تكرهينها بس على الاقل احترمي
البندري : مادري انتي من اي مذهب
نواره:هههههه لاتخافي السني
الجرسون اللبناني : ازا بتريدي
لفوا عليه
الجرسون اللبناني : هاي كابتشينو على حساب الشباب يلي هونيك
اشر على طاولة الشباب اللي ضحكوا قبل شوي على نواره ....
اما نواره والبندري لفوا على الشباب اللي مبسوطين بنفسهم ... وياشرون
نواره رفعت ايدها : ثانكس
الشباب : هلا والله ..
البندري: شوفي الرقم بالمنديل ..؟
نواره: عطيني اياه اذا ماوريتك فيهم
البندري: وش راح تسوي ..؟؟
نواره : بخليهم يعشونا
البندري:ههههههه عن جد انتي هبله ..
البندري رفعت جوالها لجهة يعني شغلوا البلوتوث ....انبسطوا الشباب ..وشغلوا البلوتوث بسرعه
البندري: ههههههههههه ماصدقوا بغير نكي
وكتبت نكها (بنوته كيوت وشفايف توت )
نواره: وانا وش اختار ( ارسل لاكفخك )
البندري:ههههههههه مالت عليك يالعربجيه اختاري نك سنع
نواره :آف عجبهم والا بالطقاق

الفصل العشرين


البندري: لا جد اختاري .. ضايعه بحضن حبيبها ...او .. كا
نواره تقاطعها : لا مو لهذي الدرجه انا ماحب الاسماء الرومنسيه بختار همر 2007
البندري: لاحول يالبدويه انت على بالك واحد من الشباب اكتبي ضايعه بحضن خويها
نواره: توك حبيبها وش غيرها خويها ... اسمعي بكتب "ارسل لاكفخك "عجبك والا كيف
البندري بقلة حيله : كيفك ..؟
نواره : يلعن النك.. مهرب بودره
البندري: وع .. اسمعي تركي 2000 على باله شاعر المليون
نواره: صحيح من تتوقعين الشاعر
البندر: انا مع الشمري مزيون
نواره: وانتي صادقه بس العتيبي قصايده بعد حلوه
البندري: شوفي وش رسل مع وجهه
نواره : وش اكيد يقول عني حلوه
البندري: لا ههههههه يقول ليه جالسه مع اخوك ...يقصدك انتي
نواره: والله مع وجهه ...( تصارخ ) انت هيه مع وجهك
البندري: الله يفضحك
رفعت شنطتها
نواره: اجلسي عشانا عليهم ... ارسلت لهم (( اعزمونا على العشاء ونسجل ارقامكم عندنا وندق الساعه 5 الفجر))
البندري بعد مارجعت جلست :هههههه والله انك ملعونه
نواره: اعجبك ...
جئها بلوتوث فتحته ...
(( اوكيه انتم امروا اي مطعم .. ))
البندري ونواره :هههههههههه
جد خلوا الشباب يعشونهم وبعدها سحبوا عليهم السيفون ...

تابع الفصل العشرين



((لوجين))
بعد ماطلعت من البيت دقت على الجوري ووعدتها تمرها لبيت عمها
لوجين بالسياره
تفكر تبغى طريقه تشوف فيها مسفر وتبين له حبها يمكن يحس فيها...
عند بيت الجوري وبالتحديد داخل سيارة بدر شاف وحده شعرها احمر مره احمر ناري ووجهها ملائكي وعبائيتها ضيقه ومفتوحه ورجولها البيضاء مبينه من تنورتها القصيره ..فتح فمها يحس انه عايش بره السعوديه ...
طلعت الجوري من عند المدخل على بالها محد يشوفها : لجو ..لجو
لوجين : هاي
الجوري: بلبس عبايتي وبجيك
لوجين: لا مايحتاج انا بدخل ...
اشرت لسايق السعودي يروح
بدر لما شاف ان الجوري بالطبيعه احلى من الصور والتصور صمم على اللي بباله اكثر ..
بعد ماسلموا على بعض انتبهت الجوري لسيارة بدر ورفت انه هو حست باعصابه تثور ودها تروح له تكفخه وهذا اللي قررت تسويه لو شافته بكره ..
اول مادخلوه نوره زوجة عمها ناظرت لوجين من فوق لتحت بانبهار واحتقار واعجاب ..عجبها شكل البنت مره وفكرتها بريطانيا : من هذي
الجوري: صاحبتي ..تعالي لوجين الغرفه
نوره: لوجين غريبه مسلمه ...وبعدين من قالك دخلي هذي الاشكال من بنات ديرة امك بيتي ...
لوجين: هاي ..
نوره واللي ثقافتها الانجليزيه على قدها : من هذي
الجوري: هذي لوجين راشد الكاسر صاحبتي
نوره فتحت عيونها على الاخير : راشد الكاسر بنت المليونير السعودي
نواره: ايوه تعالي لجو ماعليك منها
نواره وتغيرت ملامح وجهها لطيبه والتسامح : سامحيني يابنتي اللي مايعرفك مايقدر وانا تعرفين مادخل بيتي كفار وفكرتك بريطانيا
لوجين: لا اصلا انا مو شايفتك ...يله جور وين غرفتك
زوجة عمها انقهرت وحست بنار بجوفها بس هي مو قد الكاسر ...
بعد مادخلوا الغرفه :هههههههههههههههههه
الجوري: ههههه انتي كذا
لوجين : ههههه وشرايك ادبتها اللي ماتربت
الجوري تقلد نوره: سامحيني يابنيتي اللي مايعرفك مايثمنك ههههههه بس سمعت الكاسر بلعت حلقها
لوجين:ههههههه الخايسه تغيرت ملامحها بسرعه
الجوري: المهم ماعليك منها انتي كيفك
لوجين: تمام
تناظر الشنطه اللي على الارض: متى طيارتك ..؟؟
الجوري: بعد ساعتين
لوجين: ونونو بتروح معكم
الجوري: البندري قاسمه تقنعها
دق جوال الجوري بنغمة
هالعيون شلون املها ..
سحر ذوبني بغزلها ..
بوسه من عندك حبيبي...
(( اماني يتصل بك ))
لوجين: اسمعي هذي اماني ماحبيتها
الجوري: بلعكس حبوبه
لوجين مو عاجبها : ردي عليها ردي
الجوري: هاي ...انا كويسه وانتي ..
لا مالك حق
هههههههه
تسلمين ياقلبي
لا والله مشغوله
بكره طيارتي للبنان ..