الزمن طبعــهـ كــذا

دخــل الغرفـــه وفتح النور شافها تطالعه بعيــون نعسـانه وحده مفتحــه وثانيه مقفلــه ...
ياســر (فديت هالوجــه ياربـــي بس الثقل واجـــب ):لاتطالعينــي كذا جاي أصحيك عشــان بنت أختك هديل صجتنــي تبيك ..
سالي بغبـاء:تبينــي ويــن ...
ياســر :ويـن يعنــي .. على الجــوال ...
سالي أستوعبت اللي قالــه وبأنفعال سألته :من قلت يبينــي ..
ياســر وفوق راســه علامــة استفهـام :بنت أختك هــديل ...
سالي فزت واقفه على رجلينهـا :وين الجــوال ..
ياســر :بالصـاله ...
بلمح البصــر كانت سالي بالصالــه والجـوال بيدها وياســر من مكـانه على باب الغـرفه يراقبهـا ...
سالي :هديــل وش فيك حبيبتـــي ... أيــه قلت لك .. ليـه وش صـار .. احلفــي .. وهو وش قال .. أيــش ياحبيبــي .. وخواتك وش قالن ... أجل ويــن كانن فيـــه .. يالحمــاره متــى صار هلكــلام .. كيف ضعتــي ..؟!! .. اهآآآ تستاهــلين أجـــل ... ايه تستـاهلين كيف ترضيــن تطلعيـن بدونـــي ... ضربك يامــل الماحـــي .. أيه بس أشوفه أربيــه لك ..طيب طيب بكــره أجيكم .. بس لاتنسـين مثل مأتفقنــا .. ايه سلمــي على خواتك وأمك وأخوانك وسعــود وميري وراجــو ..لاتنسيــن .. وقفلت منهــا ..
ياســـر جاء يجلس على الكنبــه اللي جالسـه معه:ماشاءالله مانسيتــي أحــد ..
سالي :اكيــد انا مأنســى احـد من اللي أحبهم ..
ياســر شد خصلــه من شعرها كانت نازلـه على وجها:أجل تحبين السواق والخدامــه ..
ياســر :وماتحبينــي ..
سالي طلعت لسانها :الله لايقــوله ...
ياســر بمكــر: بس أنا مأدري ليش أحسك تحبينــي وكل هالحــركات اللي تسوينهـا عشـان احبك ..
سالي اللي بلعت الطعــم :هذا واحد من أحــلامك مافيــه احد يحب عــدوه ...
ياســـر :أجــل أنا عــدوك ...
سالي بطنـازه :لاحبيبـــي انت وش رايك يعنـــي ...
ياســـر :طيب وليــه كل هالعداوه ...
سالي بنرفزه :أنت اللي جبتها لنفسك وش تبــي فينــي تزوجنـــي ..
ياســر :قسمــه ونصيب ..
سالي :أجــل لاتقعـــد تلوم حظك بعديــن ترى كلــه قسمــه ونصيب ..
ياســر بقهــر :وش قصدك ...
سالي :قصدي واضح يا ياســــر ... الا متــى تحسب بنبقــى كذا بيجــي اليوم اللي بتكــره الساعــه اللي تزوجتنــي فيهــا وبيكـون أسعــد أيام حيـاتي لأنــي بفتك منــك ,, بتــرتاح منــي بس بنفس الوقت بتتعذب تدري ليـــه..؟!! .. لأنك تحبنــي وتمــوت فينــي وأنا أكــرهك وأحتقـــرك .. وأفضــل الحياة بجحيــم على الحيــاه معك ...



نهـاية الجزاء التـاسع عشـــر ..

الجــزاء العشــرون
الفصل الأول

(..تحملتك بمـافيـه الكفـايه ولاظنــي بتحملك ثانــي .. أنا أتعبنــي تقصيرك معايــه .. حسـافه ماتوقعتك أنانـــي ... أنا واضح معاك من البدايــه... أحسب ان الزمن على الكيف جانـــي .. جروحك للأسف جت من وراي .. وحظي اللي رفعني لك رماني ..أنا ادري كــل شــي وله نهـايه .. وأنا وأنت بشــر والعمـر فانـــي .. مادامك ماتبــي قربــي وهوايــه ..حــراام يضيع في قربك حنــاني .. ابعــرف بــس وش ذنبــي وخطـاياه ..؟؟!!.. ابعــرف ليــش تخلينــي أعانـــي .. وبكــره أنت تجــي تدور ورايـــه ..ولاكـــن مأبغـــى من هــوبغانـــي ..)


سالي :قصدي واضح يا ياســــر ... الا متــى تحسب بنبقــى كذا بيجــي اليوم اللي بتكــره الساعــه اللي تزوجتنــي فيهــا وبيكـون أسعــد أيام حيـاتي لأنــي بفتك منــك ,, بتــرتاح منــي بس بنفس الوقت بتتعذب تدري ليـــه..؟!! .. لأنك تحبنــي وتمــوت فينــي وأنا أكــرهك وأحتقـــرك .. وأفضــل الحياة بجحيــم على الحيــاه معك ..
ترك الكــرسي اللي كان قاعد معهـا عليــه وبكــل برود قال :مأتوقع هذا منظـر بتطلعيــن فيـه قدام أخــوك أنصحك تدخليــن تغيـرين ملابسك ..
سالي مافكـرت تعانده لأنها كانت مشغــوله عن المــوضوع هـذا بمــوضوع ثانــي لذة الأنتصــار كلامها طعنــه بالصميم يستاهل هذا جزاه وجزاء كـل من فكـر يوقف بوجــه سالي ...
بعـد نصف ساعــه كانت جالســه مع سعــود وياســـر اللي كان لاعـب الدور صح واللي يشــوفه مايصدق أنــه قبل شــوي أنجــرح من حبيب ... سالي مللت من دور الرزانــه جلست تطفــر فيهم بكـــل الطرق ... لين طلعــوا وفكــوها ...
سعــود :انت من صدقك بتجــي معي وتترك سالي بروحهـا..
ياســر بضيق:بوصلك تحـت وراجع لهـا...
سعــود :ياســـر والله سالي طيبــه تنحب بس أنت أعرف كيف توصل لقلبها تلقـــى مافيه أطيب منــه ...
ياســـر كاتم اللي بنفســه لأنه لوتكلـــم ماراح يقدر يوقف بركان الغضب اللي داخلـــه :خلهـا على الله ياسعــود ..
سعــود مكان عنــده شــي يقــوله هــو عارف أختــه وعنـادها والأمــر أنها أذا اكــرهت أحد تكــره بكــل جوارحهــا ولسـانها مافيــه أسلط منــــه وأهون شي تســويه تجـريح النــاس واللي سوواهـا أهلـها فيـها ماهو بهيــن زوجوها بالغصب وماحد جالس يدفع الثمــن الا هالزوج ..!!!
نزلـوا فالمصعـــد والصمت طاغي عليهم بس وصلـوا لدور الأرضــي قال ياسـر لسعــود بالتردد :وش رايك نجــلس هنا بأقولك شــي ...
وبعــد ماجلســوا ..
سعــود :هات أسمعك ..
ياســــر :سعــود تذكــر الشقه والتعديلات اللي سويتها فيهــا ...
سعــود بالضحكــه بعد ماتذكـر وش سوى ياســر :ايه اذكــر وش فيهـا بترجعها مثل ماكانت ...
ياســر بخبث :لا بنســافر شهــر عسل ...
سعـــود زادت ضحكتــه :ومن ماسك ماقلنا لك من البدايــه خل الحنان ذا عنك بــس مافهمت ذي يبيلهـا ترويض ...
ياســـر:ليتنــي سمعت لك من البدايــه ماكان ذا حالي ..
سعود :يعنــي خلاص عزمت ...
ياســـر :أدعلـــي ...
سعــود :ومتــى أن شـاءالله طيارتكم ..
ياسـر بغباء :أي طيــاره ..
سعـــود :اللي بتطيــر فيكم لشقــه ..
ياســر :تصدق كذبت الكذبـه وصدقتهـا أخاف أتصل على شركــة الطيران أحجــز ...
سعـــود :لاعاد صدق متى معزم ...
ياســر :بكـــره من الساعـه ست الصبح ..
سعــود :وليش هالأستعجــال من صباح الله خيـــر ...
ياســـر :لأن واحد اذا صحــى من النوم مايفكـــر زيـن وانا بأستغل هالنقطــه واقص عليهــا ...
سعــود :وأهلك ..

ياســر :قبل مأنام بتصل على أبوي وأقول له ان طيـارتنا الفجــر ..
سعــود :أجل أنا بأجيكم بسوي نفســي أوديكم للمطـار ومناك أنت تكمل باقـي الخطــه ..
ياســر :اوكـي أتفقنــا .. واللحيــن الله معك بطلـع أنام ...
سعــود :طرده يعنــي .. هذا جزاء المعروف وأوقف بعد بصفك ضد أختــي صدق أنك مالك أمان ...
ياســر :من زمان توك تدري ..
وجلســوا يسولفـــون فتـره بعدها طلــع سعــود وبقــى ياســر نصف ساعــه جالس يفكـــر بالخطــوه الكبيــره اللي بيبداها من بكــره فترويض سالي ..
وحضــوضه فيهـا ومصيــره لوفشلت هالخطـــه ...
كانت سالي توها مصليــه الفجــر وراجعه تنـام يوم قالهـا ياســر:لتنـاميــن سعــود بيجـي بعد شوي يوصلنـا المطـار ...
سالي بتأفف :مطار أيش مو قايل أنا ماراح نسـافر ..
ياســر :قلت ماراح نسـافر شهـر بصل بس أنا اللحيــن بسافر لشغــل ومضطـر أخذك معـي ولاتبيــن تجلسين فبيت أهلــي لين أرجــع ..
سالي كانت بتوافق بس يوم فكــرت فيها شوي أكيــد ماراح تسلم من لسـان أمــه وعمتــه اللي أكيــد ماراح تضيع فـرصه عشان تشمت فيهــا ..
سالي :لا خــلاص بجـي معك ...
ياســر سوى نفســه تضـايق من أنها تجــي معه مع أن شعـوره العكــس وهذا جزاء من خطتــه ...
ياســر :خذي شنطتك المقفلــه والباقي تجــي تأخذه أمي اليوم مع الخدمات ..
سالي :ماشاءالله مدبر أمــورك ..
ياســر :متعود على الطــواريء ..
سالي بالسخـريه :ماكذبت جنــى يوم سمتك رجل المهمـات الصعبــه ...
ياســر تضايق يوم درى انه يتكلــمون عنــه وبمصخــره بعـد بــس ماحاول يوضـح لهــا ..
بعــد ساعــه كانــوا فالسياره مع سعــود ...
وفعــلاً سالي كانت مخدره وماتدري وش اللي قاعـد يصير حـولها ...
سعــود بهمس لياســر :والله انها ماتدري وين الله حاطها وش هـوله نضرب مشـاوير للمطــار خل أوديكــم مباشره للشقـــه ...
ياســر :صدقنــي بتكشفنــا احسـن شي نكلــم اللعبـه مثل ماهــي ...
سعــود:جوالهـا وينــه ..؟!
ياســر :تغافلتهـا وطلعتـه من شنطــة يدهـا ...
سعــود :تلقي معها اكثر من واحد ..
ياســر :لامتأكد فتشت شنطتها البارحــه بعد مانامت كل شــي تمــام ..
سالي بصوت ثقيل من النوم:انتوا من الصبح وش تكلمــون عنــه ..ليش تهامسون تكلمـون عنــي ..
سعــود:صحيتـــي .. ماكنا نتكلم عنك بس مانبغـى نزعجك بكــلامنــا مو أمس طاردتنا عشــانك ماتحبيـن سوالفنــا ...
سالي طنشتــه ورجعت تنــام ...
ياســر :طلعنا لشقه علــى طــول ...
سعـود ماصدق خبـر طير السياره وبغضــون نصف ساعــه كانوا قدام البيــانه اللي فيها الشقـــه ..
وقف السيـاره قدام البوابــه مباشــره ..
ياســر بأرتباك :سالي سالي ..
سعــود :خبل أنت بتصحيهــا .. شلها وطلعهـا فــوق ..
ياســـر :خبل أنت ولوشافنــي أحد ..
سعــود :قلي من بيشوفك والساعه ماجت سبع الصبح والنـاس بأجازه .. بعديــن شقتك مدخلها خاص يعنــي لوبتدخــلها وطلعها وانت شايلها ميــة مره ماحد شايفك ...
ياســر :طيب انا بشيلهـا وانت جيب شنطتها وتعال عشـان تفتح لي الباب ...
شال ياســر سالي بكــل براعه وطلع فيها السلم ..
وقدام باب الشقــه سعــود جالس يلعـب بأعصـابه ....
ياســـر :سعود واللي يرحم والديك أفتح الباب أختك نومها ثقيل بــس مو لهدرجـــه ...
سعــود يسوي نفســه بيفتح الباب بس المفتـاح يطيــح منه :طيب أنا وش مســوي اللحيــن المفتاح مو راضـي يدخـل بالقفــل ...
ياســر بعصبيــه :سعـــووود أختك كسرت ظهــري أفتح الباب يمــل ..
سعــود بسرعه فتح الباب :خلاص فتحتــه بس أنت فكنا من دعاويك ..
ياســر دخل للشقــه برجله اليمنــى وهــويسمــي ...
سعــود بذهــول :ياســر يالمجنــون الشقـــه تصفـــر ...
ياســر :بدخـل أختك للغرفــه وراجع لك يالكــ .........
فتح ياســر واحد من أبواب الغــرف برجــله ودخل سعــود وراه .. بكــل رقــه نزل سالي علــى الشـي الوحيـد الموجود بالغـرفه سجــاده ...
وطلعــوا من الغرفــه وقفلوا الباب علــى سالي ..
سعـــود :ياســر جب لها فراش حـرام بعــد مستحيــل بترقد علــى السجاده اللي داخـل والله نومة الأرض تكســر الظهــر ...
ياسر: عجـزت معك مره تبغـاني قاســي ومره تحاول تحنن قلبــي عليهـا ...
سعـــود :الرحمــه لابد منهـا لاتنسـى هذي أختــي بعديــن سالي تعودت على الرقــه والدلال كيف بتعيشهـا كذا والله تمــوت ..
ياســر بالسرعه :بسم الله عليهـا جعل يومي قبل يومهــا...
سعـــود من قلب :آآآآميـــــــن ...
ياســـر :أقول بـــس أنقلــع من هنا يكفـي تكــره واحد فينــا ...
سعـــود بالترجــي :تكفى ياســر انا مالي شغــل مأبغــى سالي تفقد ثقتها فينــي مع ان كل اللي أسويــه عشــانها ..
ياســـر :ولايهمك انا أحرص منك على هالمــوضوع ... واللحيـــن خلنا نطلــع نفطـر شكلها مطــوله بنومتهــا ...
وبس طلعــوا ياســر وسعــود وصكــوا باب الشقــه وراهم ...
فتحت سالي عيونها وبالدهشــه جلست تطالع المكــان حولهــا .. قفزت من محلهـا بالرعب ويـــن هـي وش وصلهـا هنــا ...؟؟!!!
طلعت من الغــرفه وأول شــي طاحت عينهـا عليــه شنطتهــا لأنه أصلاً ماكان فالصـاله شـي غيرهــا ..بلمح البصــر فهمـت كل شــــي ,,
بقهــر فكت ازاريرعبـاتها ورمتها على الأرض وداستهــا .. حيــوان حقيــر أستغفلهـــا وجايبها لمكــان خالي يسجنها فيــه والكــل يحسبهــا مسافـــره أكيد بيعذبهــا ويهينهــا ويذلهـا

هــي الغلطـانه تهـورت بالكــلام معه أمــس وهذي نتايج فعلتهــا ليــه غلطـة عليــه يعنــي كان لازم تحقــره بالكــلام وتقــول أنها تدري أنه يحبهــا
يستاهــل محد قاله يفضح نفســه وبالطالعه والنازلــه ماعلــى لسانــه غيـر حبيبتـــي وحبيبتــي .. حبتـه القراده ... جلست سالي بنص الصاله وعلى السراميك البارد ... ماهــي بغريب علــى واحد نذل مثلـــه شـي عادي يسجنهــا بمكــان مثل هــذا حتــى ماعنـده ضميـر يأنبـــه يارب مثل سجنــه لي دخلــه سجن مايطلـــع منــه طـــول عمـــره ...
جلست على حالتهــا هذي مده طــويلــه ماتدري كــم ..؟؟!! وماتزحزحت من محلهـا لين سمعــت صوت باب ينفتــح وياســر بطــوله الفـارع اللي حست بضائلتها قدامــه خصوصاً وهــــي جالســه على الأرض ...
جاها صــوته البارد يبدد الخـوفه اللي داخلهــا :صحيتــي ..
سالي :لاا للحيــن نايمــه وكل اللي قاعـد يصير معــي حلم صح ...
وبقهــر قفزت واقفــه وقربت منه :تدري أنك حقير ..
ياســـر :من زمـــــاااان بس شكلك انتي اللي توك تدريــــن .. شفتــي الشقه وش رايك فيهــا ,, ورفـع الكيس اللي بيده قدام وجهـا :جبت لك فطــور من أمــس مأكلتــي شـــي ...
سالي بنرفزه :ولاراح أكــل لين أطلعنــي من هالمكــان ...
ياســر برود :اجــل بتمــوتين الله يعينك .. بس لايفوتك طعميـه يحبهـا قلبك وأخـــر وجبــه أجيبها من برى لأنه من بعدهـا أنتي بتطبخيـن لنفسك أذا كنتــي تبغيـن تأكــلين ولاتحمليــن همــي باكــل من برى ...
سالي وجسمهـا كلــه يرتجف من القهــر صرخت بوجــه :حيــــووووو ..... وقطع كــلامهــا ياســــــر بكف تردد صداه بالشقـــه الفارغـــــه ..
ومسكهــا مع شعــرها ورفع وجهــا ...
ياســروهو يهزها بغضب:أسمعينــي زيــن ياسالـــي صبرت عليك كثيـــررررر بس من بعد اليــــوم ترفعيــن صوتك علــي أو تقلين أحــترامك .. أقسمممممم لك بالرب هالكــون لأقلب حيــاتك جحيـــم والله مايفكك من يدي غيــر المــــوت ...
سالي كانت تهتــز بين يديــه مثل ورقـــه كان بقبضتـه معلقهــا بين السمـاء والأرض حست بالدوخــه قويــه بالسبب الطريقــه اللي ماسكها فيهـا هذا غيــر الخـوف من كــلامــه اللي صب قلبهــا أول مــره توقف هالمــوقف قدام انســان بقمــة غضبــه حستــه صادق بكــل كلمــه قالهــا بس قوه جبــاره داخلهـا منعتهـا تنزل الدمـــوع اللي ملت عيــونها لين فكهــا وكأنهــا شي قذر ونفض يده منهــا ...
وبدون مايناظــر فيهــا مشـى لواحد من الأبواب كان مقفــل فتحــه بمفتــاح,,, من الزاويــــه اللي كانت فيهـا شافت الغرفــه كان فيهـا أثاث بعكــس كل الشقـه اللي كانت خاليــه على عروشهــا .. انتبهت على تقفيلــه لباب .. جلست بالتعب علــى الأرض يعنــي بيعذبهـا وهو يرتاح فهميـها ياسالــي هو بيعاقبك .. بــس أنا ماسويـت أي شـي يستحق هالعقـــــاب ...ومـاهو من حقــه يعاقبنــي أنا سالـــي حـرت نفســــي محد له حق علـــي .. شلــون يعنــي موكفايه متحملــه زواجهــا منــه بيدوس علــى كرامتهــا بعــد بــس مو سالي اللي تسكــت له يحسبهـا بتستسلــم من البدايـــه نجــوم السمــاء أقرب له من هالحلـــــم...
قامـت سالي من محلهــا بتشـوف سجنهــا دخلت أول شــي صادفهـا كان المطبــخ كان متكامـــــل من مجاميعــه فتحت الثلاجـــه بس ايش كانت فاضيـــه .. ليه مســوي فالشقــه كذا كان يقدر يسجنهــا بالشقـــه بدون مايســـوي كل هــذا
بس هــو يبغــى زياد على عذاب السجــن النفســـي عذاب جســدي ...
××××××××××××××

وهـــج مــن بعد موقفهــا الأخيــر مع سلطــان تأدبــت وصارت ترد على أتصــالاتــه وتنــام على السمــاعــه مافيــه أي أمــل تتجــاوب معـــه مكالمــه توصـل لساعــه وساعتيـــن وعدد الكلمــات اللي تقولهــن ماتعــدى العشــر والله سلطــان ينــرحم وبوحده من المــرات سلطــان فقد أعصــابه من برودهــا ..
سلطــان :وتاليتهـا معك يعنـــي أنا أتكلــم أبغاك تشـاركيــن فالحديث مو نعم لا تــرى كرهتينــي بهالكلمتيـــن ماصار هذا حيــاء ذبحتينــي فيـــه ...
وبعــد ماردت ...
سلطــان بالصراخ :غبيــه انتي ماتفهمنــي أكلمك ردي علــي ولاراضيــه باللي أقوله لك ...
ويوم ماشاف فيـــه أمل ترد عليه قفل بوجهــا ... وهج أنصدمت ماعمــر أحد عاملهــا بهالطــريقه أنجــرحت بقوه ليش يقــول عنها غبيــه اللي هذا أوله ينعاف تاليــه .. هذا عصبــي مستحيــل تحملــه أجل عشــانها ماردت عليــه سوى كل هذا أجــل بعدين وش بيســـوي فيهـا لوأخطأت والأنســان ماهــو معصــوم من الخطــأ ... وقضت ليلهــا تبكــي .. وسلطــان رمــى جوالــه وحط راســه ونــام ومافكــر باللي ســواه .. وهج بالأخيــر قررت ترسـل له رساله تعتذربعــد هو صبــر عليهــا كثيروبأستثــناء اليوم هــذا اللي صارخ فيه عليــها كان حنــون معهــا وطيـــب وهـــي بدت تحبـــه ..!!!(ياحليلــك ياوهـــج ).. صحــى سلطــان لصلاة الفجــر وهو راجــع من المسجد شاف المســج اللي جايـه من وهج ,, جــــن معقــوله تنازلت وأرسلت أكيــد تعتــذر فتح المسج وكان فيــه كلمــه وحــد <.. انا اسفـــــــه ..> شفتــوا براءه اكثـر من كذا أول ماوصل سلطــان غرفتــــه دق عليهــا بعــد هو عصب عليهــا وطلــــع كل الضيق اللي فيــــه ساعتهــا ... فالمــره الأولــى ماردت بس المــره الثانيــه ردت ...
وهج :هــلآآآ ..
سلطـان بالثقل :صباح الخيـــر ..
وهج بلعت ريقهـا تشجعــي ياوهج وأعتبــريه وحده من صديقاتك وكلميــه عادي موقدامك بيشوفك وشدت عيـونها وقالت:أهليــن صباح الفـــل ...
سلطــان :وهوجــي حبيبــي أنا آســف على كلامـــي معك أمــس ..
وهج :ماصــار شــــي ..
سلطــان ندم زياده :صدقينــــي أنا كنت متضايق من شــي ثاني مومنك ياقلبــي ...
وهج :والله يعنــي خلا أرجــع مثل قبل ماتزعــل منــــي..
سلطــان :لاعاد أنا ماصدقت تجاوبيــن معـــي وخلاص بننســـى اللي صار ونفتح صفــحه جديده ..
نســت وهج كــل احراجهــا منــه وجلست تسولف معــه عادي ... وماحســت بنفسهــا ليــن فتحت جنــى عليهــا الباب بعربجيـــه ...
جنــى كانت بتصــرخ بالكــلام اللي كانت تقـوله بس يوم شافـت وهج تحذرها تفتح فمهــا سألتها بغبـاء :هــي أنتــي يالخبــله من تكلميــن على الصبــــح ..
وهج حطت يدهـا على السمـاعه :وش تبيــــن ..؟!!
جنــى تذكــرت اللي قاهـرها: ساليـــووووووه سافــرررت الحمــــاره ...
وهج بالصدمــه :سافـــــرت ويــن .. لاااكيــف تسافر وماتقول لنــا...
جنــى :مأدري عنهــا النذله.. وبا سخـريه : ماعلمتنـا يمكـــن خايفــه نقولها خذينـا معك ... المهم نسيتينـــي وش جايـــه أقولك نصــورر بيطلــعنا للبــر بالسـرعه تجهــزي ...
وهج تفاجأت :اللحيـــن ..ليــه كم السـاعه ..؟!
جنــى :عشـــر ليــه أنتي من متــى تكلميـــن ..؟
وهج تذكــرت سلطــان :جنــووه انقلعــي بكلــــــم ...
جنــى :أيه صح من هذي اللي تكلمينهــا هالوقت ...
وهج اشــرت لها أنه سلطـــان بس جنــى الغبيــــه قالت بصوت عالي عشـان تحــرج وهج :سليطيــن أيه قولــي من البدايـــه .. وطلعــت وهي تضحك علـــى وهج اللي دفنت راسهــا بالمخـده اللي بحظنها من الأحــــراج والقهــر .. وبعــد ماتخلصت من أحرجهــا رجعت تكلم سلطــان اللي قالهــا :اختك هذي يبيلهــا قص لســان ولاناصــرصــار نصـــوور..
هج :مو تقــوله .....
سلطــان يأخذها علــي قد عقلهــا :لامانــي قايل له شــــــي ..
وهج كملــت مع سلطــان سوالف ونســت طلعــة البــر اللي كلمتها عنهــا جنـــى ... وماحســت الا علــى ناصـر داخـــل عليهـــا ... ماوجــه لها أي كــلام بـــس سحب منهــا الجـــوال ..
ناصـــر :سلطــانوووه واخرتهــا معك بنطلـــع فكنــا يأخـــي ...
سلطــان بالروعــه :بسم الله من ويــن طلعت انت .. وبعديـــن اطلعـوا أنا مانعكــم ..
ناصـــر :يالله عاد سلطــان عــــن الأستهبـــال موفاضــــي لك .. مع الســلامــه .. وقفـــــل قبل مايسمـع رده ...
وبس مــد الجــوال يعطيـــه وهج دق ...
ناصــــر :لاترديـــن عليــه وأذا قالك شــــي قولــي كان مع ناصــر يالله بالســـرعه ننتظــــرك تحت ...
فالسيــاره ..
ناصــر كان قدام يســوق وبالمقعــد اللي جنبــه سعــود ..
وورهم أم ناصــروهج وعادل وفالاخيـــرجنــى وسامــي وهديـــل ...
هديــل بتافف :ياربــي خلاص ملينــا مانبــي نسمع محمد عبــده ...
ناصــــر :اللحيــن انا مشــاورك ...
سعــود :معها حق يأخــي فجـرت روسنــا ياتحط أغانــي زينــه ياتصكــه وتفكنــا من وجع الــراس ...
ناصــر يتمصخـــر:وش الأغانــي الزينــه بالرايك أغاني نانســي وهيفـاء وهبـــي ...
سعــود يجاريه :أيه عادي وش فيهـــا ..
حتــى شوف , ولف راســه للي ورى :كم واحد منكم يبــي يسمع نانســـــي ..؟!!
أول من نطق سامــــي :أنا
عادل :وانا .. هديــل :وأنا ...
سعــود وهو كاتم ضحكتــه :ووهج وجنــى ماسمعنـا رايهم ...؟!
وهج :انا عادي أي شـــي ...
ناصـــر :ايه خلاص يعنـــي تبي محمد عبــده حتـى سلطــان مايسمع الا لــه ...
وهج صدق تنرفزت من ناصـــر اللي طالع عليها هاليوميــن وبتعليقاته اللي كلها سلطــان ..
سعــود بالضحكـه :وأنتي جنـــــى ..؟!!
جنــى بطنازه :خالد عبـد الرحمـــن ..
سعــود :يازينك ساكتــه أنتي خارج التصــويت ...
جنــى :لاظلـــم وش حيث أنتم تختارون اللي تبـــون...
ناصــر بتسلط :يالله خلاص أنتي خارج التصــويت ولابتحطيــن راسك براســي ..
سعــود :بقــى أم ناصـــــر ...
أم ناصــر :أن أقـول لوتصكــونـه أحســـــــــن ...
كلهم صارخــوا بأعتراض ...
سعــود:خلاص أنتي صوت محـايد ... وعلــى كل حال النتيجــه فصالحــي ..
ناصــر :من قال أناعـن عشــر أصوات ...
هديل :اووووف تهاوشــوا خلاص حطــوه على الـ أف أم وفكــونا ...
ناصــر :حاضـر عمتــي هديــــل ...
هديــل :الللللللله وناســه ..
بس ناصــر عاندهـا وقفلـــــه ...
سامــي بصوت واطـــــي :خخخخخخ ياحلــو الكسحــه ...
ناصــر :سمعتك...
سعـــود :ماشاءالله تمطــــــررر ...
جنـــى :وووووووواااو صدق مطـــر ..خلاص بننزل هنــا ..
أم ناصــر :خبله أنتي بتنزليــن بالنص الشارع ...
ناصــر :هانت مابقى شـــــي .. بس تأكدوا من كل اغراضكــم اللحيــــن خلاص بنطلــــــع من المدينــــــه ...
أم ناصــر :كل شــي موجود وكامـــل ...
سعــود :ايه تأكدوا موعقب شــوي نسينـا السكــر نسينا الكبــريت الخ ...
ناصــر بمصخــره:حلوه الخ بالدرس وطنيــه انت ...
سامــي بصوت واطـــي :وووعععععع ياكــرهه ...
ناصــر :سمعتك ترى ,,, متعقــد هاه تستــاهل ولاأحد يجيب نص العلامــه بالوطنيـــه ...
سامــي :الاستاذ مستقصدنـــي ...
سعــود بالضحكــه :ياقدمك انت وعذرك الا صدق للحيـن يدرسونكــم وطنيــه ولاشوهو معنــى الكــلمـه بالتدريســهم لهــا الوطنيـــه اكبــر من شي ينكتب أو ينقــال ولاحتــى ينعبـــر عنــه ...
هديــل :اوووف متى بنوصـــل ..
سعود رماها بكرتون الكلينكــس :انا اللحيــن أتكلم بكــلام مهم وأنتي تقاطعيـني بسؤالك الغبــــي ...

ناصــر :لاتضــرب أختــي بعديــن موذنبها أن عنـدها خال غبـــي مايعرف يقدر المـواقف ...
وبدت حــرب كلاميـــه جديده مأنتهت الا بوصولهم للمــوقع المقصـــود ...
أول ماوقف ناصـر السيــاره ...
سامــي وهديل نطــوا من السياره للأرض ...
هديــــل تدور على نفسهــا:يامحــلاااااااااااااات الجــوووو ...
سامــي :انتبهــي بس لاتطيـرين ...
هديــل :هييييييي انت وخر عنــي موكفايه مطلع روحــي بالسياره ولا أقول خلك محلك أنا اللي ببعد بهج بهــررب بعيــد عنك ...
سامــي :تعالي يالخبلـــه وين رايحــــه ...
ولحقهــا ..
ناصــر :يمه وين تبيــن نفرش ...؟!
أم ناصـر وهي تأشـرعلى بقعــه :هنــــاااك ...
وبعد مافرشـــوا وجلســـوا وزمزميـات الشاي والقهــوه قدامهم قالت جنـــى :بتجســلون أنا بروح امشـــي ...
وهج :خذينــي معك ...
ناصــر :لا أجلســي أنتي أبغاك بمــوضوع .... والتفت على عادل :وأنت فارق وش فيك لاصق ..
قام عادل وهــو مقهــور ولحق بجنـــى ...
ناصـــر :يمــه سلطــان يبــي الزواج بأجـازة العيـــد ..
أم ناصــر :أي عيد تونا معيــدين ...
ناصــر :عيد الأضحــى ..
وهج :وشووووووو ..؟؟!!
ناصــر :أعصــابك انا ماقلت خلاص بنخليه بعيد الأضحــى هوقــال بـس أنا رفضت ...
وهج ارتاحـت :اشــوى على بالي ...
ناصــر :بس مافيــه مفــر بالأجازاه الصيفيــه ...
أم ناصــر :ايه بالأجازه الصيفيــه ماعليـــه ...
وهج :لاوش ماعليــه أنا قايله من البدايــه مابي زواج الا بعد مأتخرج من الجامعه ...
سعــود اللي من الصبح ساكت :يقولون لك الرجال يبــي العرس بأجازة العيــد من العجلــه وهي تبيــه يحتــري لين تخــرج ياحليلك ياوهج ...
وهج بعتب:خااااااالـــي ...
سعــود :أنا أقول الصدق ...
ناصـــر :معه حق سعــود أجل تبينــه يتحرى لين تخــرجين ,, أنتــي على بالك سلطــان صغيـــــر ...
وهج (اووووف درينــا أنه شايب وش اسوي لــه .. وينك ياسالي تدافعيــن عنــي كلهم اجتمعــوا علي بس انا بعد لازم مأسكــت ويكــون لي رايي ):
قلت مأبــي اللحيـــن ..
سعـــود :ايه أحســـن قولــي مأبغــى اللحيــن ماتدريــن بكــره الا هــو متزوج عليك وأنتــي أحتـــري لين تخــرجيــن ...
وهج ماتحملــت كلامهم وقامت عنهم وهــي تبكــــي معقــوله سلطـان يسويها ويتزوج عليـها أيه يسويها ليــه لااا ... ذولــي رجال مامنهم أمان أهــون شــي يسوونـه يتزوجــون وبنــات الناس كثيــــر ... طلعت جوالها من جيبهـا وفتحتــه لأنها كان مقفــل ودقت على جــوال سلطـــان اللي رد بصوت ثقيـل وضح أنه كان نايم :أهلــين وهوجـي بهالســرعه اشتقتــي لي ...
وهج اللي صوتها رايح من الصياح :سلطــان أنت صدق بتزوج علــي ...>> بدينـــا بالشغــل الهبـــل ..
سلطــان حس نفســه للحيـن نايم ويحلم بس لحظــه صدق هذي اللي تسأله وهج :أتزوج عليك وش الطــاري ...
وهج :خالي سعــود يقول لومارضيت أتزوجك بالأجازه بتزوج علـــي ...
سلطــان بحمـاس :وهو صادق ...
وهج بقهــر نساها كــل تحفظاتها وبجــرأه أكتسبتهــا من معشـرت سالي فوق السبع سنــوات:ياحســافه توقعتك غيـــربس أنت مثلهم رجــال مالك أمان ...
وزيــن أنك طلعت على حقيقتك مــن اللحيــــــن ..
سلطــان اللي أنصدم بردها مادرى وش يقــول هذي تكلــم جد وهو يمــزح معهــا كيف بيــرقع اللي قاله لاتاخذ عنــه فكــره سيئـه عاد هذي على طــول تصدق :وهــوجه وش فيك ياقلبي صدقتــي وأنا أقدر أتزوج عليك ,, وخالك الغبــي هذا خليــه يزوج نفســه بالأول ...
وهج :ليش حاقد علــى خالي عشــانه طلعك على حقيقتك ...
جنــى من وراهـا :حتــى هنا تكلميــــنه ... ياهــي حيـاه تقصــر العمـــر ...
سلطـان :هذي ليش أخذينها معكم ..
وهج رجعت لسذاجتها :حرام نخليها فالبيت لحالها ...
سلطــان ستغــل الفرصــه وغيــر المــوضوع ووهج نست هــي ليش متصـله عليــه لأنه كان يطلعها من سالفه ويدخلها فالثانيه ...
جنــى وعادل اللي كانوا مع بعـــــض ..
عادل كان يقلب بالصور اللي عنده فالجــوال ..
جنــى :لحظــه ورنــي هالصوره ...
عادل :هذي صــورة نايف ولد عمتــي شيخــه شوفيهــا ...
جنــى بأستهبــال :والله هذا هــو ..
عادل اللي على نيـاته :أيه والله هذا وحتــى اسمعــي هالأغنيــه بالصوتــه غناها لنــا بالعيــــد ...
حبيبتــي مانــي معلم بأسمهـا
حلفتنــي مأعلم بأسمهــا
واسمحت لي بس أوصف حسنهـــا
تخاف يدري خالهــا أوعمهـــا
خافت أن الناس تتكلـــم كثير
اليوم تمدحها وبكـره تذمها
ماهمــا الا حكـــي عذال الهــوى
ولاالحبايب حكيهم ماهمهــا
تضحك حيــاتي دوم ماتحــب الزعل
وش هـو العسل لوقلت يشبــه دمها
اذكــر في مــره أهديتهـا ورد والزهـور
جت تشمــه ذاب فيهـا وشمهـا
حبيبتــي ماعانقت وأحــد أبـــد
بــس النسيــم اللي تجــرأ وضمهــا
حبيبتــي ماكلمــت غيــر أحد
ماباسهــا الا أبوهـا وأمهــا
حبيبتــي ماني مأعلم بأسمها
حلفتنــي مأعلم باسمهـــا
وسمحت لــي بس اوصف حسنهـا ..
جنـــى بعد ماخلصت الأغنيـــه :والله حلــو صوته ولد عمتــي ...
عادل :أيــــه مـــررررره روعــه وغنــى لنا أغانـي كثير ...
جنــى :بس أغنيتــه ذي ماصخـــه ...
عادل :بالعكس روعـــه ...
جنــى :يحــب أجـــل ...
عادل :هــي أنتي هذي اغنيـــه ..
جنــى :طيب ليش غناها ...
عادل :طيب خليه يحب كيفــه أنتي شكــو ...
جنــى :مافيــه شي أسمــه انتي شكــوولد عمتــي هذا ..
عادل :قلتيهـا ولد عمتك مــو أخوك وحتــى لوكان أخوك مالك دخــل بعد ...
جنـــى :لوكان أخــوي أرحم ...
عادل :هي أنتــي يالخبلــه وش قاعــده تقــولين ...
جنـــى :مأقول شــي أكلم نفســي ... أرسل عــلي الأغنيـــه ...
عادل :شفتـــي أعجبتك وتقــولين ماصخـــه ...
جنـــى :ايه مهنــا مثله بس أرسلها علـــي ...
عادل :ماتبيــن صورته بعـــد ...
جنــى(ياليـــت ) :وش ابــي فيهــــــا ,, بس أرجــوك اول ماتشــوفه قولــه أني أنصحــه يسوي عمليــة تجميــل للعــوج اللي بخشمـــه ...


××××××××××××

صحــى ياســر على العصــــر وبعد ماصــلى صلاة العصـر والظهـر اللي فاتــه طــلع معصب لسالي اللي كانت للحيــن جالســه بالنفس المكــان اللي تركهـا فيه الصبـــح وكيسة الفطــور اللي جابها على حطة يده مأنلمســت شلــون يعنــي الدعـوى عناد ..
ياســـر :ليش ماصحيتنــي ولاحتـى الصلاه فيها حقد ...
سالي مالقتــه بال وكأنه مافيه أحد يكلمـها ...
ياســـر بقهـر :سالي أنا أكلمـــك ...
نفس الشـــــــي ماتحــركت ولاتكلمـــت ..
ياســـر (طيب هيــن صبرك علــــي كلها كم ساعــه وانتي اللي بتجيــن لحد عنــد ترجينـــــي ) واخذ مفاتيحـــه وطلع من الشقــــــه ...
سالي بعد ماطلع بالصــراخ مبحــــوح :أن شاءالله هذي أخـــــر طلعاتك اللي ماتشوف النــــور بعدها ...
كانــت جيعانه وهلكــــــانه جلستها على الأرض بهالطــريقه كسرت ظهـرها بس وش تســـوي مافيــه شي تجلــس عليـــه ولاالنـــوم كيف بتنــام علــى السجـاده اللي داخــل ماراح ترقــد حرام عليــــه أشــوفه فيــه يوم يارب ...
رجع ياســــر بعد المغـــرب وكانت سالي على نفــس الجلســه بس ايش نايمــــه ... كانت متربعــه ومسنده ظهـرها على الجدار ويدينهـا فحظنهــا .. دخــل الفــراش والغطــاء اللي كان جايبهم لها بالغـرفه .. ورجـع لها بيصحيهــا من التقطيبــه اللي على وجها عرف أنها تعبـانه فجلستهـا بس أول مامد يده بيلمــس كتفها ...
صـرخت عليه :لاااتلمسنـــي ...
ياســـر قام عنهـا :كنت بصحيك .. قومــي جبت أغراض سوي لنا العشــاء ...
سالي :وشوووووووو .. أنا أسويلك أنت عشــاء والله لو تمـــوت عنــــدي ...
ولفت عنــه بتدخــل الغرفــــــه .. بس ياســر بكل قســـوه جرهـا من يدها ودخلــها المطبـــخ :اللحيــن بتســوين عشــاء ياسالي وغصبً عن هالغرور اللي ماليك ...
سالي وهي تحاول تفك يده عنها :ماراح أسوي لك شــي .. أتررررك يدي ..
ياســـــر لف يدها اللي ماسكها على ظهـرها وضغط عليها بقســوه :هاه واللحيـــن بتســوين ...
سالي الألم منعها تكلــــــم يدها خلاص بتنكســــر وهذا وحــش مستحيــل يحس ...
ياســـر فك يدها فجأه ...
ووقف يطالع فيهــا وهي تحــرك يدها بألم ...
ياســـر وشكــله مبسوط :توجعـــــــك خســاره كان ودي أكســرها بعد بس قلت كيــف بتشتغــل بيد مكســـــوره ...
سالي :عادي شــي موجديــد عليك الحيــوانات من متــى صارت تحـــس ...


نهاية الفصــــــــل ...

الجــزاء العشــرون
الفصــــــــل الثانــي...



(..أكثر من أول أحبك بس مأبغــى أقول .. اخاف لقلت تتغلى علــي مرره..انا بالصراحه أحبك حب مو معقــول ..اكبر دليل لغلاتك غيرتـي مررره .. شف دمعتي ولهفتي حتى العيـون تقـول ..أحلى كلام أحفظــه يضيع بالنظـره ..
لما تقـول احبك التفت بذهــول .. من فرحتي فيك تخنق صوتي العبــره ..لغبــت احس الدقايق فالغياب تطــول .. وتشب في غيبتك وسط الحشى جمــره.. )

ياســــر أنقهــر يعنـــي ماتابت بعد اللي صــار الصبح ,,لازم يطقها عشـان تحترم حالها ... مسكــهــا مع شعــرها بقســــوه وهــزها :أنا وش قلت لك الصبـــح ...
سالي ويدها على يده اللي ماسكه شعــرها :أترك شعـــررري ..ماراح تخــوفني بهالطــريقــه ...
ياســـر ماكلمهــا بس زاد شده لشعــرها ...
سالي ودمعتهــا نزلت من الألم :أترررررررك شعــري قطعتـه يمل قطــع اليد ...
ياســــر هزها بقــوه خلتها تتأرجــح فالهـــوى :بتعيــديــن الكــلام هذا مــرره ثانـيـــه ...
سالي ماردت عليــه من المــره الأولــي ولاالثــانيــه بس بالأخيـــر ماقدرت تسحتمـــل صرخــت :خلااااص ماراح أعيـــده ...
ياســـــر دفها على الجدار اللي وراها :كررريهــا وشوفــي وش أسويلك ...
سالي أول مافكـها طلعت بســرعه ودخلت الغرفه اللي نامت فيها الصبح كانت بتقفـل عليها الباب بس ياللأسف مالقت مفتاح ...
حمــدت ربهــا أن ياســـرماحاول يلحقهـــا جلست ساعــه على هالحــاله وبعدها دخــل عليهـا ياســــر ...
ياســـر وهو واقف علــي الباب :أمشــي تعشــي ...
سالي صدت للجهــه الثانيــه :مأبـــي ...
ياســــر :سالي تعالي تعشــي دام النفس طيبه عليك ...
سالي بعناد :وأذا ماجيــت وش بتســــوي ..؟!
ياســـر :مايحتاج تعرفيـن وش بسوي وأحسلك تعالي ...
بعد هالتهديد المفـــروض سالي تطيـــع بس من قال سالي تستسلم بهالسهــوله ...
سالي :قلت لك مأبـــي ولاكــل شي عند غصب ...
ياســـــربعصبيـــه :لاماني غاصبك وعمــرك مأكلتـــي .... حتــى لو بتمــوتيــن مايهمنـــي ...
سالي رفعت يدها لسمــاء :آآآآميــن ليتنـــي أمــوووت أفضل من عيشتــي وأنا زوجـة واحد مثلك ..
طلع ياســـروركــل باب الغــرفه وراه بقهـــــر ليه تعذبــه وتعذب نفسهـــا الا متــى بتظـل هالحال آآآآآه لو تدري كيف يتعــذب لمــد يده عليهــا يحــس الألم يأكـــل قلبـــه لاشافهــا تتألم بس هـــي اللي جبــرته بعنــادها على هالطــريقه يعنــي وش كان بيصيــر لو رضت بقدرهـــا مايبيهــا تحبــه مثل مايحبها بس لوتحتــرمه وهو زوجهــا وهذا واحد من واجبـاتها بــس سالي وش عرفها بالواجبــات خل ترضخ فالبدايـــه لفكــرة زواجهــا منــــه اللي يحسهــا للحيــن ماترسخت براسهــا ...
مــرت يوميـــن وهم علــى هالحــاله سالي تطــول لسانها وياســـر يده طــويله لدرجــة ان سالي بدت تخاف على شعــرها لأنه اذا استمــر على هالحــاله كل شــوي ماسكها مع شعــرها أبشروا بعــد أسبوع بتصيــر صلعاء .. بــس الحمدالله سالي عقلت وصارت تأكـــل وياســـر يوم شاف هالتحــسن حاول يجبــرها تطبخ بــس مأقدر عليهــا حتــى طق طقها بس مانفــع معها بالأخيــر أستسلم وقرر هــو يطبــخ منها يعلمهـا ومنها يروح عن نفســـه ... سالي فالبدايــه مارضت تجــي تشوفــه كيف يطبخ بــس بعديــن رضت بس عشــان تطفــرفيــه وتخرب عليـــه ..
سالي من مكــانها فوق طاولــه الطعــام :وش بتســوي ..
ياســـر (مابغيتــي تكلميــــن زي النــاس)بأستهبـال:وش بســوي حلاهنــدي ...
سالي تســوي نفسها مغصوبه على الضحك:ماتضحك ...
ياســـر :مولازم أضحك وبعديــن وش هالسؤال الغبــي يعنــي توقعيـن وش اعرف اسوي غيــر الكبســه ...
سالي :وععععععععع المهم خلصنــا وش الطريقه الغبيــه اللي تفرم فيها البصل ...
ياســـر رفع يده اللي فيها السكيــن :بدال ماتمصخــرين تعالي خذي مكــاني ..
سالي:والله هذا الباقــي يالله كمــل بس ...
ياســر طنش كلمتها اللي لوجت بوقت ثاني حاسبها عليها .... ياســـر بدت تنزل دمــوعه من البصـــل ...
سالي بالضحكــه طالعه من قلب :ههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههه... يوووووه ياربـــي مأقدر شــوف شكلك كيف صدق تحفــه ...
ياســـر سوى عمــره مأهتم لضحكهـــا مع أنـه ذاب ...
ياســـر :جيبـــي التـاوه ...
سالي بغرور:هذا اللي باقـــي تشغلنــي عنــدك مــو انت اللي متكفــل تسوي
العشــاء أجــل تحمـل اللي يجيك ...
ياســــر :الله لايحــوجنــا لك ...
بعد ماخلــص ياســـر شغلـــه وطلـع من المطبــخ رجعـت سالي على الطبخــه وزادتهــا ملح وفلفل ...
دخــل ياســر عليهـا فجأه ووقفت بمحــلها متكتفـــه وفيها رجفــه ..
ياســـر بأستغــراب :وش فيك ..؟!!
سالي هزت كتوفهـا بعدم اهتمــام وللحيــن الرجفــه فيها :مافينــي شي أنت وش اللي رجعك ..
ياســـر :بشوف ويــن طسيتـــي ...
سالي بعـد مأستعادت قوتهــا :آآها ,, أجــل دامك تأكــدت أنـــي مافريت أرجــع لجنتـــك ...
ياســـر :تبين تدخلينهـــا ...
سالي :لاشكــراً خــلاص تعــودت علــى الجــو كذا ...
ياســــر :يعنــي راضيه بهالعيشــه أجل لتجينــي بعـدين التشكــين ...
سالــي بعزة نفــس :اذا بأشتكــي فمنــك مو لــك ...
ياســـر :مغروره ياســالي بس شوفــي لويــن بيوديك هالغرور ...
سالي :بيحفظ لـــي كرامتــــي ... وغيــرت المــوضوع :متــى بتخلينــــي أكلم أهلـــــي ...
ياســـر بسخــريه :ايه صح أهلك عاد انتي من حبك لهم بتمــوتين لوماكلمتيهم ...
سالي :بدون مصخــره ذولا أهلـــي ومن حقــي أكلمهم ..
ياســـر بالضحكــه :لاحبيبتــي ماحسبتيهـا صح دامك فهالشقــه مالك أي حق وكــل الحقــوق لــي ...
سالي بأنفعــال:تدري أنك ... وبترت جملتهــا .. ومــن قهـــرها ركلت الكــرسي وطيحتــه على الأرض حتــى شعــورها ماتقدر تعبــر عنـــه فاليـــوميــن اللي فاتت عاشت من الضيم اللي ماعاشتــه طــول عمــرها ,,قضت حيــاتها كلها ولســانها سلاحهــا حــره تقــول اللي تبــي وتغلط علـى اللي تبـــي مافيــه أحد يحــاسبها كــل كلمــه تطــري على بالها تقــولها وماتفكـر فيها مــرتيــن ياما جـرحت كثير وهزمت كثــير بس جاء اليوم اللي لقت فيــه اللي يحاسبها على كــلامها ويخليهـا تفكــر بالكلمــه مرتيــن قبل ماتنطقهـــا ... ياســر للحيــن واقف بمحــله ويراقب كل حركــه أوهمســه تطلــع منها وبعد حركتها الأخيــره يوم لجمت لسـانها قبل ماتطلــع منه السبــه
كـان وده يصرخ بعالي صوتــه وأخيراً ياسالي فهمتــــــي الدرس ...
طلعت سالي من المطبــخ وجلست بقهــر على السراميك البارد ...
ياســــر :لاتجلسين كذا كنك شحــاده ..؟!
سالي :طيب جالســه كافيــه خيــري شــري وش تبـــي فينـــي ...
ياســـر :شكلك مــلانــه طيب بخليك تابعيــن التلفزيــون وش رايك ..؟!!
سالي بالسخــريه :اتصدق أنك طيب بس للأسف عرضك ماهــو بمغــري ..؟!
ياســـر عـشـان يقهــرها :طيب أنا بطلــع التلفزيــون وغصباً عنك بتابعيــنه ...
سالي طنشته ماردت عليـــــه ماعاد تهتــم بالرد عليــه مع ان هالشــي قبل كان متعــه لــه ...
طلــع ياســـر من غرفته طاولة التلفزيــون اللي كانت بعجــلات .. وبعدها طلع كنبــه طــويلــه وفتح التلفزيـــون وجلس قدامــــه ..
ياســــر :عاجبتك الجلســه على الأرض تعالي أجلسي معـــي ...
سالي :ايه صح من حبــي لك ...
ياســـر بالتسليــه :طيب وليه ماتحبينـــي شوفي وش حــلاتي ...
سالي من مكــانها :ياحــرام قاصين عليك من قالك أنك حـــلو ..من شينك حتــى راجــو احلــى منك ..
ياســر بحــركه كان عنــدها وشالهــا رغم مما نعتهـا وجلسها بجنبــه على الكنبــه وحط يديـــه على كتــوفها يقربها منـــــه ..
سالي حاولت تبعد يده عنهـا بس ماقدرت يده قــويه .. سألها بعد شــوي :وش رايك بالفلم ...
سالي اللي ماهــي معه :أي فلم ..
ياســر :اللي قدامك ماتشوفينــــه ...
سالي :ايه مثل وجهـــك ...
ياســر قرصهـا مع خدها :مشكـــوره حبيبتــــي هذا من طيبك ..
سالي :ياحمـ ..... اووووف عورتنـــي ...
ياســـر باسهــــا محل القرصــــه :شاطــره حبيبـتي خليك كذا عاقلـــــه ...
سالي (حبتك القــراده بــس هيــن والله لوريك يولد أمك ) وسألتــه بالدلع :ياســر أحلــى أنا ولا البطلــه اللي بالفلم ...
ياســــر (لا علـــى هونك علي مأستحمــل أنا كل هالدلــع ):أكيــد أنتــي حبيبتـــي هذي مايبيلها سؤال ...
سالي سوت نفسهـا زعلانــه :لاهي شعـرها أحلــــى من شعــري ...
ياســـر اللي مرت عليــه الحــركه :من قال ياعمــري أنتــي شعرك أحلــى شعــر شفتها بحيـاتي كلها ...
سالي :واحلــى من شعرك حتــى ...
ياســـــر وهويلعب بالشعــرها :أكيــد ياعمـــري ...
سالي :طيب ليه ماتقص شعــرك ماهــو بحــلو كذا صح...
ياســــر اللي راح فيهــــا :صح دامك تقوليـــن ماهـوحلـو أكيد موحلــو ...
سالي اللي شمــت ريحــة شــي غريب وعـرفت وش هــو فقالت بخبث :ياســر يأسفنــي أقولك كبستك أحتـرقت ...
ياســـر:كيف لامستحيـــل ,, وفزمن مكــانه وركــض على المطــبخ ...
لحقتــه سالي وشافتــه واقف حمقــان بعد ماطفــى الفرن ...
فقالت تغيضــه زياده :ونعم المعلـــم عزا الله وعــرفت اطبــخ ...
ياســـر بقهــر :ماشاءالله عليك اللي يسمعك يقــول من صدقهـا بتعلم ...
سالي :أي شـــي منك مأبيه وأترك تعليمــك لنفسك ...
ياســـر :ايه انتي شكلك اليوم مأنطقيتــي عدل ولاماتجرأتي وقلتي هالكــــلام ...
سالي بقهـــــر :أيه هذا اللي فالح فيــه ماتقدر علــي الا بالطق ...
ياســــرمع شــدة أنفعاله خاف لايســوي شي يندم عليــه فطلـع من المطبــــخ ومن الشقــه كلهـــــا ...

وتحت عند سيارته لقــى سعــود ينتظـــره ...
سعــود :وينك يالرجــال تأخرت من الصبح أدق عليك ماترد ...
ياســــر بعد ماركب السياره :سعــود اختك بتجننـــي ...
سعــود بالضحكــه :هي تــوها بتجننك يعنــي للحيــن ماجنيـت ...
ياســـــــر :أنا جنيت من أول مافكــرت أتزوجهـــــا ...
سعـــود :يالله عاد كنــي عطيتك وجــه لاتسب أختــــــي ....
ياســـــر :اللحيــن هذي من صدق اختك ياسبحـان الله ...
سعــود :تدري وش مشكلــة سالي انها صعب تحــب أي أحد وأذا حبتك الله يعينك عليهــا غياره بشكــل غير طبيعـــي ..
ياســــــر :آآآآآه ياسعــود أنا مأبيها تحبنــي ولاتغار علي كل اللي أبيه انها تقبل حيـاتها معــي صعبــه هذي ...
سعــود :ياســروالله عورت قلبــي شكــلي بتهــور وروح وأمسك ساليــووه مع شعراتها وأخليها تحبك غصب ...
ياســـر :تتريق انت ووجهك بعديــن من بيسمحلك تلمســها بس ...
سعـــود :توك تتشكــى منها واللحيــن ماترضــى عليهـا..
ياســـــر جحده بنظــره: أنا أشكــي لك من متــى ان شـاءالله ...
سعــود وهو يأشــر قدامــه :انتبــه على طريقك بــــس ..
----------------------------
:تـــرى ذليتيــنا الله ليحــوج مخلـوق لك ...
أبتهــال :ياربيـــه منك ذبحتنــي ترى أقولك مأقدر أكلمهــا أخلاقي ماتسمـح لــي ...
نايف :بتهبليــن فينــي أنتي وش اللي اخلاقك ماتسمح لك كل يوم وأنتي مكلمتها وش معنــى اليوم ...
أبتهال :بكلمها بس لطلعــت من عنــدي ...
نايف :حسبي الله عليك من بنــت وش الفــرق طيب عدينــي هالكــرسي اللي حاطـه رجليك عليه ...
أبتهال عدلت جلستها وللحيــن عيونها على شاشة الكمبيوتــر :نايف حافظ على اللي بقــى من احترامك وأطلــع ..
نايف جـرله كرســي وجلس جنبــها :وهذي جلســـه ماني بطــالع ليـن تكلمينهــا ...
أبتهــال لفت عليــه :نايف بليز أنت أخــوي وأكبــرمني وماودي أغلط عليك اللي تطلــبه مني مستحيــل أسويــه كيف تبغاني أكلم البنت وتسمع صوتها حـرااااااام والله الشــــي هذا حـــرااااام بعــديــن أنت ماتركت هالطــريق ولامســويلي فيها من برى مستقيم ومن داخل ربنا العالم ...
نايف :اللي يسمعك اللحيــن قايل بشوفها كله أسمع صوتها ماقلت أبي أكلمها لابس أسمع صوتها ...

ابتهال :ايه اللحيــن تسمــع صوتها وبعديـن تكلمها وبالتدريج ترجع لطـريقك الأولــي ...
نايف :مالك دعـــوى يالله كلميهــا ولاترى بأخذ رقمها من جوالك ...ويوم شافها تطالعه بنظـرات شك :ايه لاتطـالعيني كذا تراني مجـنون وسويها ..
أبتهال بتردد :بكلمها بس أوعدني هذي اخــر مره تطلب منــي هالطلب ...
نايف :اوعدك بس يالله خلصينـــــي ...
دقت أبتهال علــى جنــى وحطتــه على السبيكـــربعد الدقــه الثانيــه .. جاها صــوت جنــى ممزوج بالضحك :أهليـــن توتو ...
أبتهال ويدها على قلبها :هلا جنــي وش اخبــارك ..
جنــى اختفى المـرح من صوتها :جنـي يأكل راسك ..
أبتهال اللي أستردت شوي من ثقتها بنفسهـا : خلي عنك بس وش أخبــار أجازة العيـــد معك ...
جنــى استرسلت بالسوالف وقالت كــل اللي صار معها فهاليوميــن من طلعتهم للبـــر وضيـاع هــديـل وسفــرت سالي وحتــى هوشــاتها مع وهج .... ومـاكنت تدري أن فيه اذن تسمعهـــــا غير أذن أبتهـال ,,
ومن خلال احاديثهم تفاجأ نايف يوم سمــع أسمــــه بالسـالفه وهو اللي ضـايع بصوتها ..
جنـــى بالضحكــه :أبتهال أخوك ليــه للحيــــن ماسوى عمليــة تجميــــل ..
أبتهال أنحــــــرجت وماتدري وش تقــولها بس قررت تجاريها :لا والله وأنتي وش دراك أنه مسوى العمليـــه ...
جنــى :شفت صورته بجــوال عدول اخخخخ والله شكلــــه تحفــه مكشـخ من قلب ذكــرني بأيام كنــا صغار نــفرح بالعيـــد ونلبس كل شــي جديد ...
أبتهال ماقدرت تسكت أنفجــرت تضحك خصوصاً على شكـــل نايف اللي شكلــه حقــد على جنــــى ..
أبتهال بخبث :يووووه ياليته يسمعك بـــس ...
جنــى اللي على نيـاتها :ليه وش قلت أنا ماجبت شــي من عنــدي أن أقولك اللي شفتــه وكله كــوم والقلم كـوم اللي يشــوفه يقول الجمهــور ينتظــرونه برى بالأتوجـرفات ..
أبتهال :ههههههههههههههههههههههههههههههههههههههههههههههههه ههههههههههههههه ,, جنـــى خلاص واللي يرحم والديك مأقدر أتحمـــــل حسبي الله عليك قطعتــي الرجــال ..
نايف وده يذبح أختــه اللي شكـلها فرحت بالفرصــه اللي جتها على طبق من ذهب وأستغلتهـــا عشـان تنتقم منـــــه ...
وفجأه والسب بالنـايف على قـايم علــى أصولـــه أنفتح الباب ودخلـت فاتـــن وبأعلى صوتها عنــده :ناااااااايف أنت هنا وأنا مدوخـه راسي أدورك أنزل تحت شـوف أمــــــي وش تريد منك ...
أبتهال ونايف كان مفهيــن ويطالعــون فيهــا ,, وجنـــــــى قطعت تعليقهـا اللي كانت تقـوله بعد ماجاها الصوت واضح نايف أنت هنــــا ... هذي كافيــــــه تفهمها كــل اللي صـاير .. بس هـــــي كذبت أذنها وبصـوت مرتبك سألت أبتهال :أبتهال أنتـــــي عندك احد ...
أبتهـال شالت السبيكــر :جنــــى خلاص أكلمــك بعديــن مع الســلامــه وقفلت قبل ماتسمــــع ردها ..
فاتن بلاهه :أنتي تكلميــــن وهذا عنـــدك ...
نايف بقهــر :غبيــه أنتي كيف تدخليــن على الناس كذا ,, وأنتي الغبيــه الثانيــه ليش مأنكــرتي أن عنــدك أحد ..
أبتهال :صح مــو هي غبيه بلهــاء هــذي حتــى الأصمخ يسمـع صوتها ...
فاتـــن:موتقــــولون وش صــار اللحيـــن ...
نايف بقهــــر :انتي للحيــــن واقفــه انقلعي مأبي أشوفك قدامــي ..
فاتن :عاد أنا اللي مـــره ميته على شوفتك ..
وطلعت وماقصــرت بتقفيل الباب ..
نايق :يمـــل قص اليد ...
أبتهال :أستغفــر ربك وش الدعــوه هذي بـعد ...
نايف :عاجبك اللي صـار بسببها يعنـــي ..
أبتهال :اصلاً كل اللي صـار بسبة عنــادك ومحـداً بيأكلهـا غيــــري ..
نايف :وش أسوي فيك غبيــه ليه مرقعتيهـا من لحظتهــا ..
أبتهال :قلت لك مأقدر جنــى ماهي غبيـه وهي ماسألتنــي الا وهي سامـعه الصوت بس كرد طبيعــي بتسأل ..
نايف :وش بتســوين اللحيـــــــن ..
أبتهال :مافيـه أحسن من الصدق أي عذر ماراح ينفعنــي والله يستــر لتقاطعنـي بعدها والله مألومها لوسوتها ..
نايف :عطينــــي جوالك ..
أبتهال خبته وراها :لا وش تبــي فيه ..
نايف ضحك يوم فهم سبب رفضهـا :ياخبلــه جيبيه بصور فيــه ماني مكلمهـا ..
أبتهال بأرتياح مدت له الجــوال:وش تصــور ..
نايف :بصور هالمــزيون اللي واقف قدامك وأبيك ترسلينها عليهــا ..
أبتهال اللي بالســرعه حاولت تأخذ الجــوال منـــــه بس هــو رفعه عنهـا :خبل أنت بتورطنــي معها أنا مأدري كيف بتسامحنــي لو قلت لها الحقيــقه وأنت بتزيد الطيـن بله بتصرفك هــذا ...
نايف :أقول وخــري عنــي بس مأبيك تطلعيــــن بالصور .. وبترسلينها عليهــا غصب وقبل ماتكلمينهــا حتـــى وقولــي لها نايف مامطيــر البنات فيــه غير هالخشم ..
أبتهال :أنتي بتخبل فينــــي اليوم تبغى البنت تأخذ فكــره سيئه عنــك ..
نايف :لا أبيهـــا تمــوت من الغيـــره ...
أبتهال :تغار وليــه تغار وعلى ميـــن ..
نايف اللي خلص تصــوير :يالله أرسليهن اللحيــن واكتبـي الكــلام اللي قلت لك ...
أبتهال :طيب أطلع خلنـــي على راحتــي أنزل تحــت ماسمعت فاتــن وش تقــول شوف أمــي وش تبــي فيك ..
نايف :لامانــي بمتحرك ليـــــن ترسلينهن لهــا وأمي لحق عليهـا ...
وفعلا ً ماتحــرك لين أرسلت الصور وكتبت الكــلام اللي قالته وطلــع بدون مايشـــوف نتيجــة اللي ســـــواه ...
-------------------------