الزمن طبعــهـ كــذا

نايــف لــه ثلاث أيـام بالشـرقيــه واليــوم بــس رجـع للبيــت أمــه اقلــبت الدنيــا عليـه وكلمــت أبــوه اللي دوروه بكــل مكـان حتــى فارس كلمــوه وقالهــم آخـر يوم شافــه فيــه والغـريب أنـه الوحيــد اللي شافـه بذاك اليــوم .. صح أنــه خـلاص صداقتهــم تحطمــت بـس حاول يدوره ولـو فيــوم من الايـام كـان عـزيز عليــه سأل عنــه كل ربعـهم محــد يدري عنـــه ... شيخــه انفجعــت يوم شافــت شكــل ولــده اللي أنقلب حالــه بثلاث أيام الارهاق كان وضح عليــه ويده ملفــوفـه بشـاش وضاغـط وكانت مربـوطـه برقبتــه ...الكــل حسـب أنـه مســوي حادث وهــو ماصحح لهــم خلاهــم على ظنهــم .. رجــع وهــو مصـر علــى قرار لازم ينفــذه بــس أمــه صدمتـه يوم قالت له بكــل بساطــه ان اليــوم ملكـة وهــج وكانت مقهـوره لأن محــد عزمهــا .. نايف تضـايق بس بنفــس الوقت ارتاح لأنــه ماعاد بيضحــي بحبــه عشـان شــرفه ... وقطــع وعـد على نفســه انــه بيغيــر حيـاته واصدقاء السوء بيهجـرهـم وبيكمــل دراستــه وبنفس الوقت بيشتغــل مـع أبــوه وخــواتــه بيتنبــه لهـم وبشدد عليهــم مايبغــى المـوقف اللي صار معــه يتكــرر معهــم وصدق كمـاتدان تديــن وأي واحــد يلعـب بأعــراض الناس لابــد يجــيه يـوم وينطعــن بعـرضـه ...
ولاناصــر الشديــد اللي عمــره ماغلط علــى حد علمــه اختــه يصيـر فيهـا كــذا أجـل هو اللي مهمــل خواتـه ومسيب لهــم الحبـل على الغارب وش بيصيـر معـه ...
وياليــت صدمـته بنت خالــه تكـون هـي العقــاب المنتظـــر .. بــس اللي ماتـدريــه أن وهـج ماكانت عقــاب لك ولا لنـاصــر لـوهج ديــن وبيتسدد حسـابــه

--------------------------
صحت سالــي على الساعــه وحــده ونصف الظهــر بعــد مأرسلــت رسالـه لياســر وكانت فعـز نشوتهــا وهي مرتاحــه لأنهـاتـدري ان الرساله بتصيبــه بالصميـم ..
بــس نشوته تبخــرت يوم فتحــت جوالهـا ولقت فيــه رساله منــه بتـاريخ أمــس بعـد نصف ساعــه من الرسالـه اللي ارسلتهـا
((..للأســف طمـوحي أكبــر من انــي أخلـي النـاس بــس تكـرهك بخلــيك تكـرهين حتــى نفسك وانتــي تدريـن متــى ..!! بــس صبـرك علــي .. وكرهــك لـي مايعنـي لي شــي ..))
ضـربت الجــوال علــى الجدار وجلت تدعس بحذاهــا بقايــه ... كان ودهـا تصرخ تلفظ عليــه بس راعــة حرمــة الشهــر ..
نزلت للصاله تحـت ماكان فيـها أحــد سمعــت صوت جاي من الخيمــه ماحبـت تدخـل سمعـت صوت ناصــر وسعــود وأم ناصــر ...
مــرت علـى المطبــخ ماكان فيـه حتى الشغالات نايمـات غـريبــه ... يعنــي مافيــه مفــر رجعـت لهـم بالخيمــه يوم شافـوها سكتـوا ...
سالي بعصبيــه :ليــش سكتــوا يـوم دخلــت .!!!
سعــود :اللهــم أنــي صائــم ...!!
أم ناصــر :ايه صح سالي مانقــدر نأخذهـا معنــى وزواجهــا بعــد شهــر بس ..
سالي اللي ماتــدري وش السالفه بس عنــاد :الا بــروح ..
ناصــر باستغــراب :اللحيــن انتـي تدرين امــي وش تقصــد ..
سالــي :مو لازم ادري بس رجلــي على رجلك ...
ناصــر :حتــى لو قلت لـك أنا بنفطــر فبيت عمــي أبراهيــم ...
سالــي كانت بتقــول لا بعــد أمـس بــس لزوم العنــاد :الابــروح وش حيت أنتــي تروحيــن ليــش مجنــونه ولا مشــوهه تتركـوني بالبيـت لحالـي ...
سعــود :ول عليهــا ماعنــدها وقت أمــوت وعـرف ليش مصـره علـى الروحــه ...
سالي برود :ولا شــي بس صلـة الرحـم واجبــه ...
سعــود: هــذا تأثيــر الشهــر عليك ...
سالي :وتمنــى يكـون له نفــس التأثيــر عليك وتصحح بعـض غلطــاتك فحقــي ...
سعــود بدهشــه :أنا بأيش غلطــة عليك ..!!!
سالي :حاسب نفســك زيـن وبتعرف بأيش غلطــة علـي ...
سعود كان بيتكــلم ..بس ناصـر قاطعــه ..
ناصــر :بتتعـب بكلامك معهـا وماراح تقـدر تفهمهـا ...
سالي :أجـل أنت اللي فاهمنـــي ..
ناصــر :حاولت باللي أقـدر عليــه بــس أنتي ماساعـدتي نفسك ...
سالي :وكيف اساعـد نفســي من وجهة نظرك يافيلسـوف ...
ناصــر :ارضــي بالواقـع وعيشي مثــل ماقــدر عليــك .. زواجــك ياسالــي قدر مكتــوب لك من قبل ماتنوجـديــن فهالكــون متــى بتفهميــن هالكــلام ...
سالــي :اذا كان زواجــي قــدر فصـراعـي عشان اخلــص نفســي منــه قدر بعـــد ...!!!

الجزاء السـابع عشــر
الفصـل الأول





(( ..الا يامطـوله صبــري اذوق المـر من كاســه ,,, أنا ياكمـا قسـى دهــري علـي وكـم قسـو ناسـه ,,,تهنـى من سلـى قلبـه مشى كـلاً علـى دربــه ,, وطيـت الشوك أنا وحــدي ولاقبلــي حــداً داســه,, أحــد مثلـي بكـى لمـا بكـى دمـعه ولا فـاده ,, أحد مثلـي قسـم همـه معـه فـي شـربـه وزاده ,,, الا مـن قد صبـر مثلــي وأنا فـي حالتـي مبلــي ,, وقل الحـظ من صغـري معـي للحيــن هـو عااده ....))


قبـل صلاة المغــرب بالـربع ساعــه الكــل يبغــى يـرجـع للبيتــه عشـان الفطــور فتشـوفون أنــواع الزحمــه عنــد الاشــارات ولا اصــوات البـوري تـــدوخ وتسبب ربكــه ,,, ياســر من سيارتــه كان يشـوف المنظـر هذا كان مــداوم اليــوم بالشـركه مــع انــه جمعـه بس كان وراه شغـل متــراكم قــرر يقضيــه رغــم الـوقت الضيق مايبغــى يشغـل باله بشـي مايسـوى ... عيــن علـى الاشاره وعيـن علـى الساعــه لو ماكن ابــواه عــازم وعنــدهم ضيــوف علـى الفطــور ماكان استعجــل مـد يده بيشغــل المسجـل بـس تذكــر انهـوا رمضــان .. مســح علـى جبينـه بتـوتر راســه مصدع الحـاله هـذي لازم يمـر فيهـا بدايـة كل رمضــان بس ابتعـاده عن دخــان فتــرة النهـار كلهـا ... فتـحت الاشاره والسيــارت انطلقت الرؤيــه عنــده ماكـانت واضحــه اصمــد يا ياســر مابقــى شــي ...

___________________
بالسيــارة اهــل ناصــر اللي كانـوا جاييـن مع الســواق ...
جنــى :أحــلى دوار بعــد هـذي البيـوت مو بيتنــا مالت زريبـة غنم ياحظـك سالي بتسكنيــن بهالبيت ...
سالي : من قالك انـي بسكـن هنـا دا بعـــده ...
سعــود: ليـش الشيخــه وين بتسكــن ...
سالي :صح أني ماكنت مهتمــه قبـل بس دام الدعــوى جــد فبسابــع أحـلامه أعيش معــه أمه أم اربع وربعيــن ...
سعــود :سالي اذكـري الله حنـا صيام وماله داعـي هالكــلام ..
سالي :الا لــه دعــوى واليــوم تقـوله هالكــلام .. واذا كان مصــر اعيش مـع أهلــه قسم بالله لأطيــن عيشتهــم وأقلب حيـاتهم جحيــم ...
وهـج :سالي خلاص مـوبوقته هالكــلام ..
سعـود :لاخليهــا تكلــم هذي صايـره ماتحتــرم أحــد ..
سالي :أنا من يومــي كذا ماهـي مشكلتـي ان أخــوي مايعـرفنــي ...!!!
الا حــد هنـا وانتهـت المحـادثـه لأنهــم وصلــوا بيت أبـراهيــم وتفــرقـوا ...
فمجلــس الحــريم لمـا دخلــوا سالي وهــج وجنــى المجلــس ...
بسمــه :فتـون اليــوم كم التـاريخ ...
فاتـن باستغـراب :ليــه ..؟!!!
بسمــه :مأدري حسبتــه اليوم عيــد الحب ...
فاتــن طالعت بسالـي وفهمـت وش قصد بسمــه بس ماضحكــت الا اغتاضـت ... الاحمــر علــى سالي مــو حلــو بس الا فتـان خصـوصا مع البشــره البيضـاء وشعــر اسـود جمـالهــا خطيــر ... بالـوقت اللي سالي تسلــم علـى فطــوم كنت تلمـس اطـراف اصابعهـا ولا خدهـا مجـرد لمــس وبسرعــه ابتعــدت فاطمــه انجرحــت حتى ولو كانوا قبل مايتواطنون توقعتهـا تغيــر بعد ماصارت مرة ولدها ..
شيوخ بتعليق :سالــي ورى ماتحبين راس عمتــك ..
سالي باستهبـال :أي عمــه ..؟! اذا قصدك عمتــي مزنـه الله يرحمهـا وعمتــي الجازي ماشـوفهابين المـوجودين واذا قصدك أم ياســر فهــي للحيــن ماصـرت عمتــي اذا تزوجــت ولدها ذيك السـاعه قولـي عمتــي وطنشت شيخــه وسلمـت من البنـات علـى ابتهـال بــس وصافحـت بطرف اصابعهـا بسمــه اللي انحـرقت وفاتــن اللي ابتســمت لهـا برود ومـاكان عنـدهم فرصــه يجلســون لأنه اذن وانتقـلوا لصالـة الطعــام....
علــى الفطــور فاطمــه :الا سالـي ماقالك ياســر انا بنزفــه ..
سالي باستهتــار :والله زيـــن بعــد لازم تفــرحـون فيـــه ..
فاطمــه بقهــر :وش افهــم من كلامك هــذا ...
سالي ماردت عليهـا بسرعه شربت من كاسهـا ورفعــت يدها ترجـع فيهـا شعـرها علـى ورى وبعــد مانفذ صبـر فاطمــه قالت سالـي :انا تبــونه ينزف خلــوه ينزف لحــاله ..
بسمــه :وش الحركـات ذي بعــد أنتـي بتخـربين علينـا بأي طريقــه ...
سالــي بخبث :ياســر قايل لــي أنه مايبــي زفــه وأنـه أنتـوا المصــرين .... وأنا أحــاول اسـاعــده ...
فاطمــه بأستغــراب : أنا مكلمتــه مأعتــرض قال ســوى اللي تبــونه ...
سالــي بحــركة اسـف :والله ماتوقعتهـا من ياســر يقـولي كــلام ويقــولك كـلام ثانــي .. بــس الي فهمتــه من كــلامه أنــه مايبــي زفــه .. ورفعــت كتوفهــا بضعف ...
الكـــل يطالع فيهـا وداري أنهــا ذا كــلام جايبتــه من عنــدها بـس محـد يقدر يكذبهــا ...
بسمــه :اذا علــى ياســر أنا اقنعـــه ..
سالــي :بتقنعيــه اقنعيــه أنا ماعنــدي أي مانــع .. جنــى اللي جالسـه جنب سالي كانت كاتمــه ضحكتهـا لأن حركات سالي تدل علــى ثقـه مفرطــه بعكـس بسمــه وأمهـا اللي مغلـوبين علـى أمــرهم ....
فاتن كانت تطالــع سالي بحســد سارقــه كل الاضــواء والامــر اسرقت ياســـر من قبــل ,, ياسـر اللي كانت تمــر من جنبــه ومايعبرهــا تسلــم عليــه ويرد عليهــا الســلام وهــو مو داري هــي من ... كــل هذا تســويه فيـه سالي ....
شيوخ قطعــت الصمت اللي كان طاغــي على الجلســه :مبــروك ياوهــج نسيت اقـولها لك يــوم سلمت عليك ...
وهــج وجهــا اشتعــل وبخجل ردت علــى عمتهــا وماتدري كيف طلعـت منهــا ...
شيــوخ :بس ماتوقعنـاها منــك ياوهـج ترفضين ولد عمتك وتفضليــن عليــه الغــريب ...
بالآ منــه وهج الخجــوله وش تـرد عليهــا وبتجمــع مثل هــذا ,,, أمهـا ماحبت تـدخـل تبغــى بنتهـا تعتمـد علـى نفسهـا خصوصاً وأنهـا مقبلــه على الزواج وبتبتعــد عنهـا وبتختلط بالنـاس جدد وكانسـانه مستقــله ...
بعــد كــلام شيـوخ قلبيــن اشتبت فيــهم النـار جنــى تلقت صدمـت عمــرها نايف خطب أختهــا ... ماتدري كيف سيطــرت على نفسهـا وماطيحت الفنجـان من يدهــا ... وبسمــه نايف خطـب غيرها وهــي اللــي سنيـن وسنيــن تحلــم باليــوم اللي بيخطبهـا فيــه بـس بسمــه ماسيطـرت علــى حركـاتها وطاح الكـأس من يدهـا بس مأحــد ربط بيـن الموضوعيــن ..
فطــوم : سلمتــي يمــه ... وكملــت علـى كلام شيـوخ:وارفضت ولد عمهــا من قبلـــه ...
قلب واحــد هنـا أحتـرق وهــو محتـرق من زمــان ...
لاعاد سالي ماتحمــل هالي شنــون عليهــا الحـرب وهج حبيبـة قلبهـا ماتقــدر تسكت لهــم ...
سالي :والله علــى حد علمــي خطبـة المسلــم على اخيـه المسلــم ماتجــوز فالهـاالسبب ناصـر ولد أختــي رد عيالــكم
ناصـر مو وهــج وسلطــان زوج وهــج رجال والنعــم فيــه فليش يردونــه ,,, واذا علــى الغـريب والقـريب .. فبامأغــراب يصيــرون أغلــى مـن اهل وكثيـر أهــل البعــد عنهــم غنيمـــه ..
كلمــه زياده وتشب حريقــه فكـلاً كتــم اللي بصدره وسكــت لأن اشيــاء كثيــره تغلــي بقلـوبهــم لو طلعـت بترجعنـا للأيام داحـس والغبـراء ...
بعــد الفطــور بدورة الميــاه سالي و وهــج ..
وهــج :مادري كيف اشكــرك والله انقذنتيـي من وقف مأدري وش كنت بقـول والأكيـد كنت بالصيــح ..
سالي بطنازه وهــي تحط من الروج :فالحــه يافـرحة أمـك فيــك اللحيـن اذا ماكنتـي تعرفيـن تردين علــى شيـوخ وفطـوم كيف بتـردين على حـريم أخـوان زوجـك ...
وهــج اللي عيونهـا دمعت :والله مأدري سالي أنا خايفــه ,,, وكفايــه تحطيــن الروج مره فاقـع ...
سالــي :مو من اللحيــن تخافيـن ليلة عرسك خافــي ,, بعـدين أنا حــره اسوي اللي اريـد ...
وهــج :اللحيــن هو حلــو لاحطيتـي زياده بيطلـع ماله داعــي ..
سالي بأستهبـال :وش رايك اكبـر شفايفــي ..
وهــج :ورحــي لياسـر عشـان بنفس اللحظــه يطلقك ...
سالي وهي ترجع الروج لشنطتهـا :والله بسوي نفســي مصخـره وماهـو مطلقنــي ... وش رايك فينــي ..
وهـج وهي تزفهـا تطلعهـا :والله خطيـره مع هالاحمــر ولا روج احمــر ولا أبلة الفيزياء المصـريه اللي كانت تدرسنــي ...(هههههههههههههههههههههههه)
سالي ظربتهـا بالشنطــه على راسهـا :تنكتيـن أنتـي وجهــك ..الاأختــك وينهــا ..
وهج :ماعـرفش بسس راحـت مع أبتهـال .. بس هـذي غرفة ميــن ..؟؟!!
سالي :وأنا ايش درانــي مو فطــوم قالت روحـو لهــا ..
وهــج :لاتقـولين فطــوم خلاص صارت عمتــك ..
سالي :عمـت عينهـا ..
ياســر :وش تســوين هنــا ..؟؟!!!
سالــي اللي كانت طالعــه من باب دورة الميــاه للغـرفه ..
وقفت وهـج اللي كانت وراهـا بيدهــا ..
سالي :والله أمك اللي ارسلتنــي لهـا ولا أنا ماراح ادخلهــا لو كنت داريـه انهـا غرفتـك بعــدين أنت ماتدري ان البيت فيـه حريم ليــه تدخــل ..
ياســر فصخ ثــوبه وفتــح دولابــه يدور ثــوب ثانــي يلبســه وماعبــر سالي ..
سالي بشهقــه وهي تحط يدهـا على فمهـا :ياقليل الادب ..
ياســر لبس ثوب عـودي وغتــره سكــريه وقرب من سالي وهـو يسكـر ازاريـره ..
ياســر :صكــي اللي فـوق ماعـرف له ...
سالي :لاياشيــخ روح لأمك تصكــه لك ..
ياســر بأستعجـال :يالله عـاد مانــي برايح أدور أمــي عشان زرار ...
سالي حطـت يديهـا ورى ظهـرها علامـة الرفض :قلت لك ...
ياســر بعصبيــه :سالي يالله والا تبغينـي أتأخــر علـى الرياجيــل ...
سالي ابتسمت بخبث اذا ماخنقتك مأكــون سالي .. وقربت منــه وبنفسهـا تقـول ياهــو عمــلاق ..
سالي :طيب رجــع يديك ورى ..
ياســر ســوى نفســه مو مهتــم ورجـع يديه علــى ورى ...
سالي وهــي تحـاول تصكـه له بدون ماتقــرب ...
ياســر بنفخــه:يالله عاد ...
سالي ارتبكــت وقربت لين صارت يدها عـلى صدره ..
سالي بقـرف :وعععع مصدقت تفطــر شربت القـرف هــذا ..
ياســر بتسليــه :مـو عاجبك ريحــة طيبــي ...
سالي وهي للحيــن تحــاول لا ...
ياســربخبث:شكلك ماتطـولينــه ...
سالي :وش اسوي لك طــويل نزل راسك ...
ياســر :متأكــده انزل راســي ..
سالي اللي ودها ينزل راســه عشـان صدق تخنقـه:لاامــزح معك ..
ياســر نزل راســه لين لامــس راسهــا وبخفــه باسهـا على خدهــا .. سالي ماتدري وش اللي صار فجـأه شافت ياســر واقف عنــد الباب ويصك ازرار ثـوبه بسهــوله وقالهــا :مشكـوره علـى الخدمات .. وطلــع وهو يضحك ...
وهــج :وش صــار ..؟!! وش فيك واقفه كــذا ...
سالــي :الحقيــر مرتيــن لعب علـي مره فالسيـاره ومـره الحيــن .. ومسحت خدهـا بقرف ..
وهــج :من ياســر .. بـس وش ســوى ..
سالي :ماسوى شــي .. بس شـوفي خدي فيــه شي .. واشرت علــى خدهـا اليسار ..
وهــج :لامافيــه شي بس مـرره أحمــر ...
سالـي بقهـر وهـي تقلد صوتهـا:مافيـه شي بـس مره أحمــر ورجعت لصـوتها الطبيعـي: موهذي المشكلــه ...
_______________________

بعــد الصــلاه بخميـة الرجــال الســوالف اشكـال ألــوان ...
ناصــر كان جالس بجنــب نايف اللي كانت يده للحيــن ملفـوفه وبجنبـه من الجهـه الثانيــه سعــود اللي لاهــي بالسـوالف مــع ياســر اللي وراه ...
ناصــر كانت يســولف مــع نايف ســوالف عـاديـه كان حاس أن نايف عنـده كـلام بس ماهــو قادر يطلـعه وبالـوقت نفســه عنــده شعــور أن نايف فيـه شي مختلف نظـرة عيــونه واضح فيــه الحــزن حتـى لو اخفــاه ...
وفجــأه بدون مقــدمات وناصــر سرحان فيـــه رمــى القنبلـــه ...
ناصــر تزوج أختـــي ..!!!!
ناصــر جلس دقيقتــين علـى بال مستــوعب الطلــب :بس أختــك متزوجــه ولا ..؟!!
نايف :اللي تزوجــت فاتــن أنا أتكلــم عــن أبتهــال ..
ناصــر: وليش تخطــب لهــا ..
نايف :لأنك رجــال والنعــم فيك وزواجــك من اختــي أمنيــه ولاتحـسب أختـي فيهـا شي يـوم أخطب لهــا بس والله ودي أتطمــن عليهـا ..
ناصــر وهو للحيـن تحـت تأثيـر الصدمــه :وليـش أنا بالذات ..
نايف بحــزن :لأنك ولـد خلهـا ماودي اخطب الغـريب ويحسبهـا رخيصــه ...
ناصــر مايدري ليـش ارتاح لكــلامـه وبدون مايفكـر بالكلمـه نطقهـا :وأنا يشـرفنـي نسبكــم شاور الاهــل وأنا بتقـدم وخطبهـا من أبــوك ...
وبأبتسـامـة رضــا انتهـي الحـوار ...
وعنــد ياسـر وسعـود ...
سعــود :أي صيــانه تسـويها الشقـه علـى خبري فيهـا مافيهـا أي عيب ..
ياســر :يأخــي لازم يصيـر فيهـا شي انا كذا طاري علــي اجدد فيهــا ...
سعــود :والكــلام اللي قلت لك عنــه ..
ياســر :لاتشغــل بالك مايصيـر الا اللي يرضيك بعــدين لاحقيـن على هالســوالف ورانا زواج وشهــر عســل (قصدك بصــل ) بعـدين نفكــر وين نسكـن اذا عنـد الاهـل ولابــرى ..
سعــود :الله يريحك مثـل ماريحتنــي والله هالأخـت قلق ..
ياســر بضحكــه :وأنا أشهـــد ...
سعــود بنص عيــن :والله اخاف من هالضحكــه ...
ياســر رجع يضحك :اللحين حتـى ضحكـي صار يخــوف ..
سعــود :أنت كلك علـى بعضك تخــوف ..
ياســر :اجـل ليش ماخـوفت اختــك ...
سعــود :مسكينــه ماعرفتك على حقيقتــك ولاعـاشت معــك أيـام امريكــا ..
ياســر اللي أنقلب حاله بعـد هالكلمــه :سعــود ارجــوك حنا وش قلنــا الموضوع هـذا مأبــي اسمـعه ..
سعــود :سـوري ماتـوقعتك للحـين تحسس منــه ...
___________
بالسيــارة اهــل ناصــر وهم راجعيـن للبيــت ..
أم ناصــر :سالي فيك شــي .. حتــى عشـاء ماتعشيتــي ..
سالي بأستخفـاف :اسـوي رجيــم زواجــي قرب ...
جنــى :والله صدق الزواج قــرب وحنــا ولاأهتمينــا لازم نشتــري لنــا فاستيــن ولا ايش بالقيمــه الفلانيــه هـذا زواج خالتــي الغاليــه ولد عمــي ...
سالي بقهــر :يازينك ساكتــه ..
جنــى :ليـش تبينــي اكــون بارده ولافيــه وحده تلبــس فستـان عرسهـا من ذوق أحـد ثانــي ..
سالي بتهــور :مخليــه لك الاهتمــام لتزوجتــي حبيب القلــب .... وسكتت وانتبهــت للكلمــات اللي طلعـت منهـا بدون قصد ...
بــس ربنــا ستـر لأن امهــا فهمتهـا طنازه و وهــج كانت بوادي ثانــي والبقيـه صغــار ومافهمـوها ...
لمـا وصـلوا البيت كان ناصــر جالس بسيـارته وهو سعــود يتنظـرون سامـي وعادل يركبـون معهــم ويرحـون للمسجــد يصلـون الترويح ...
ناصـر لأمـه بالصـوت علـي شوي :جهـزوا القهــوه بيسهرون عنـدنا الشباب ...
سالي وجنــى اللي دخلــوا للخيمــه ..
سالي :يعنــي مانقـدر نسهــرهنــا ...
جنــى :قهــر ياليتــني ولــد ...
سالـي :ولا لـو اقــدر اجلس معهــم ومحـد يشوفنــي أنواع الاستهبــال ...
جنــى بضحكــه :مره متأثـره بأفــلام الخيال العلمــي ...
سالــي :مايحتـاج يالواقعيــه ...
جنــى :الاصدق وش فيــك احسك مـوعلـى بعضك ...
سالي :تبيــن الصدق مقهـوره وأدي انتقــم .. وغيرت الموضوع بســرعه :بتداوميــن بكـره ...
جنــى :تبين اعلق علــى الجواب الاول .. ولا أجاوب علـى السؤال الثاني ...
سالــي :لاذا ولاذا أبيك تجيبيــن لـي شي اشربــه عطشــانه ...
جنــى :مأذكــر أني خدامـة ً لك ولا أصغـر عيالك ...
سالي بمكــر :أفااا جنــى هذا ردك وانا الي بعـد كــم اسبــوع بفارقكــم وبذيك الحـزه دوري أحد يشاركك همـومك ويقاسمــك مغامــراتك ...
جنــى :الصـراحه تأثــرت ,,بس جملـتك ركيكـه نحوياً ...
سالي :بتروحيــن والاكيف ...
جنــى :اوكي بروح بس لاتعصبي ..
سالي :ونادي لــي هديـل علـى طريقك ...
جنـى بقهـر هزت راسهـا :طيب أي اوامــر ثانيــه ...
بعـد دقايق جتهــا هديل تركــض ...
هديل :خالتـوو بسرعه قولـي شو بدك ...
سالــي :هديل حبيبـي قلب خالتـو اذا طلبت منــك شي تنفذيـه ..
هديل وهي تربع :على حسب الطلــب ..!!
سالـي :هديل أنا بتزوج وأتـركم بعــد كم اسبــوه بـس ..
هديــل :احسـن عشان كلما جيتـي تزورينـا جيبيـن لي هــديه ...
سالـي :هدددددددديل ...
هــديل :طيب اسمعــك أول ...
سالي :أبدق لك عــلى رقــم وانتـي تكلميــنه وتقـوليـن لـه اللي اكتبه لك أوكــي ..
هديـل : بس قبل أعـرف رقــم ميــن ..
سالي بقهـر :اثيــر ابوهـا للجنــه ...
هديـل : من أثيــر ..؟َ!
سالي: بتســوين اللي قلت لك ولا ايش ..
هـديل: طيب ..
طلعت سالي جوالهــا من الشنطـه وغيرت الشريحــه ...
ودقت الرقــم بس كل مره يعطيهـا مغلق ...
سالي بقهــر :اووووووووووووووف مأغلقــه الا اليــوم ..
هـديل :يعنـي شلون بتكلميــن ولاكيف ..
سالي :لاخــلاص حظي نحس ....
_____________

طــول الوقت وهــو سهـران مـع الشباب وباله مــو معـه عرض نايف قــوي شـوي هـو كيف وافق حتـى قبل مايشـاور أمــه هـي أكيــد تعـرف فالبنـات احــسن منـه بس الشكــوى لله عط الرجـال كلمــه ومايقدر يتراجـع عنهــا ..
سمع سلطـان يناديــه ..
ناصـر :هـلا وش بغيـت ..
سلطــان :تعال معـي للسيـاره ابـيك بموضوع ...
بعـد ماستأذنــوا من المــوجوديـن طلـعوا ..
ركب سلطــان سيارته وركـب ناصـر جنبــه ...
أخـذ سلطـان كيس من ورى ومـدها عليــه ...
ناصـر وهو يتفحص الكيس : وش ذا ..؟؟!
سلطــان :هديـه بسيطــه ..
ناصـر بأستهبـال وهو يفتح الكيس :شكـراً والله ماقصـرت ..
سلطـان سحب الكيس منـه بقهـر :مو لك للمــدام ..
ناصـر بغبـاء :أي مــدام ..
سلطــان :يالله عـاد بلا استهبــال ...
ناصــر رجع يأخـذا الكيــس :اشوفـه قبل يمكــن فيــه ممنــوعات ...
سلطــان :ايه صــح علـى طاري الممنـوعات :وطلع من درج السياره كـرتون جــوال :حط هـذا معـه نسيتــه ...
ناصـر :لاياشيــخ واحســن من جهـازي بعــد والله كان نفســي فيـه من زمان شكـراً علــى الهـديه ..
سلطـان :نصــور عــن اللعـانه ..ورقمــي مخـزن فيــه ..
ناصــر :لاياشيــخ الترقـم عينــي عينــك ...
سلطـان :ارقم ميـن يابابا هـذي زوجتــي ... مايكفــي منعتـني من شوفتهــا بعـــد ماتبينـي أكلمهــا..
ناصـر :اللي يسمعــك يـقول اختـي بترضى تكلــمك ..
سلطـان :ناصـر خل عنــك هالحـركات مو تروح تعبـي اذنهــا ..
ناصــر :عاد أختـي خجـوله شسويلهــا ...
سلطــان :أنت بس عطهـا الجـوال وانا اتفـاهــم معهــا ..
ناصــر :بخليهـا ماتفتحــه ...
سلطــان بقهــر :نصـوووور تــرى هـذي زوجتــي وأقدر اخــذها هاللحيــن بعــد ...
ناصــر :أحلــى يالقــوي ترى محــد عنــدك تفضــل الباب مفتــوح خذها فبجامتهـا بعــد ...
سلطـان :أذا البيجامــه البيضاء ماعنــدي مانــع ...
ناصــر :وش قاعــد تقــول أنت ...!!!
سلطـان بقهـر خر كل اللي عنــده:لاتســوي نفسك منصــدم ولاتحسبنــي بتزوج اختـك بدون ماشوفهــا ...
ناصــر :شفتهـا بس كيف و متــى ..؟!!
سلطــان رجــع راسـه على ورى وغمض عيـونه وجلس يتذكــر :تذكـر يوم تنزلنـي لبيتكـم وتقـولي أدخــل افطـر بالمطبــخ ...
ناصــر وده يكفخــه :أيــه ...
سلطــان :دخلت وحطـت لي الخـدامـه الفطــور وجلست أفطــر وأنا مندمج بالاكــل سمعـت صوت اعذب مايكـون رفعت عيـوني شفت غزال .. طـررررررررررخ ...
سلطـان ويده على راســه اللي ضربه ناصـر عليــه :كسرت راسي وش الدفاشـه ذي ...
ناصــر :تكلــم عـدل ...
سلطــان :قلت لك جلست افطــر ودخلت وهـوجــه ... طـرررررررررخ ...
سلطــان بقهـر :وش قلت اللحيــن ..
ناصـر :لاتدلع اختــي ...
سلطـان كمـل ويده علـى راســه :شفت حبيبـة قلبـي ولاتضـرب مأقصــد اختــك ..
ناصـر:طيب اخلص علـي صارت حكـاية الف ليله وليله ...
سلطـان :دخلت وهـي مو منتبـهه لــي شربت ماي جعلـه صحـه وعافيـه على قلبهـا ..
ناصـر بقهـر :وبعـدين ...
سلطــان :بس لاتطق ...
ناصــر :اذا خرجت عن الموضوع بطق واكـسر راسك بعــد ...
سلطــان :طيب .. سألت الشغاله عنــك وقالت لهـا لاتعلمهـا أنهـا ماداومـت وشافتنــي وهربت وسلامـة قلبك ...
...طبعـاً سلطـان ماقال كــل شـي ...
ناصــر بشك :وبس ...
سلطـان :أيــه وبس ... يالله ننزل للشبـاب ...
وبعـد ماطلـعوا الشباب من عنــدهـم طلع ناصــر لغـرفة وهــج ومالقــى فيهـا هناك .. مر على غــرفة جنــى اللي كان أنواع الازعاج طالعــه منهــا ...
ناصـر دق علـى الباب بس من الازعاج مــو سامعينــه ...
ورجـع يدق بقوه اكبــر بالاخيــر افتحت لــه وهج اللي انقلب لــون وجهـا يوم شافتــه ...
ناصــر مسكهـا مع يدهـا وطلعهـا :زين أنه أنتـي اللي فتحتــي تعالي بكلمـك بموضوع ...
وبغـرفة وهج ...
مد لهـا الكيســه وقال لهـا وهو كاتم ضحكتــه :هذي من سلطــان ...
وهــج دمعــة عيونهــا ..
ناصــر :ليه وهـوجه والله سلطـان مو وحش وكفايـه أنه اعـز اصدقائي ولاماتثقيـن بأخــوك ...
وهج هزت راسهــا علامـة نعــم ...
ناصـر بضحكــه وهو متفاجيء :ايه تثقين ولاماتثقين ...
وهــج بصـوت ناعم :اثـق ...
ناصـر :طيب امسكــي الكيسـه فيهـا جوال وشي ثانــي مأدري وشـو ,, بس المهــم أسمعــي اللي بقـوله لك زيــن سلطـان معطيك الجـوال عشـان تكلمينــه ومخــزن رقمــه فيــه .. وهج شرقت بالهــوء وناصـر جلس يضحك ..
ناصـر :طيب انتظري بكمــل كلامــي الجـوال خذيه واستخـدميــه وكلمــي على كل صديقاتك وخوذي الوقت اللي تبينــه واذا مالقيتـي احد تتصلين اجلـسي أنتـي وسالي كل وحــده بغرفـه وسولفن بالجــوال أهــم شي الفاتـوره تجي بالشهـر فوق الالفيــن واذا مأنتــي قد المهمــه عطينــيه انا وانا ادور أحد يصـرفه عليــه ... اتفقنــا ..
وهــج :خلاص ...
ناصــر :بس اسمعـي سلطـان لاترديـن عليــه واذا رحمتيــه وتنازلتـي وكلمتيــه لاتكملينـه أنتــي خليــه هو يتصـل وأنتـي ردي عليــه ....

طلــع ناصــر بعــد ماعطــاها الجــوال .. قلبتــه بيدهــا ورمتــه هــو والكيــس علــى السرير ورمت نفسهـا بعــدهــم ...





نهــاية الفصــل

الجــزاء السـابع عشـــر
الفصل الثانـــي





صحت وهــج على الساعه 2 لقت نفسهــا نايمـه بمــلابسهـا,,, وش اللي صار تذكــر كانت جالسه مــع سالي وجنــى كيف جت هنــا ..؟!! صح ناصـــر حست وجهـا اشتعــل يوم تذكــرت وش كان يبــي فيهــا ناصــر ولا يبيهـا تطنــشه لا مأقدر حــرام عليــه ناصـر ليه يسوس فينــي كذا وش اســوي اللحيــن مستحيــل اعمــل زي ماقال فشلــه ... أخذت الجــوال وبدت تقلبــه بيدها افتحــه ولامافتحــه ,, طيب بفتحــه شوي واشــوف رقمــه ناصــر يقول مسجـل فيه بعــدين ارجــع اقفلــه ... تـوها بس فتحــت الجـوال وبتشــوف الاسمـاء اللي فيــه ,,, رن بيدها ورمتــه ,,ومسكــت مخــده وخبت وجهــا فيها من الفشلــه وكأنه جالس يشوفهــا ,,ياربي مالقى يدق الابالوقت اللي فتحتــه فيــه وش اســوي اللحيــن درى اني فتحتـــه ,, والجــوال للحيــن يرن ,,,ياربي اسكـت خلاص بس سكت رجـع يرن ,, لااااا رجـعـت تخبي وجهـا فالمخــده ياربي اسكـت خلاص موراده لــوتمــوت ,,, بس شكلــه مصــر شالت الجــوال بيد مرتجفــه وهو يرن والكيــس باليــد الثانيــه ورمـتــه بالدرجهـا وصكــت عليـــه ,,, طلعــت من الغرفــه وصوت رنيـن الجـوال المكتــوم يلحقهــا ...
نزلت تحــت ومرت على المطبــخ بتشرب ماء شافــت أمهــا تجهــز القهــوه ولوازمهــا ,,, بس فيــه شي لفت انتباهـا شغالــه جديده ...
وهــج :يمــه من هــذي ...
أم ناصــر :هــذي لوجيـن اوجولين والله مأدري وش اسمهــا ...
وهــج :يمه أن اسأل وش تســوي هنـا مو اسمهــا ..
أم ناصــر :هذي شغالـة خالتــك ...
وهــج بغباء :أي خالــه ..؟!
أم ناصــر :ليه أنتي كم لك خالـه عايشه معنــا ..
وهــج توها تفهــم :سالـ,ـي .. بس وش تبـي بالشغالــه ...
ام ناصــر :مادري عنهـا اسأليهـا وش تبــي فيهـا دلع ...
وهــج :يمــه هذي مو اللي فبيت جـدي ...
ام ناصـر وهي تشتغــل :الا هــي أختــك صوت لنا منـاحه لين أخذتهــا وكــانت بتأخذ وحــده ثانيــه بس جدك قدم لهــا على وحـده جديده بتاصل بأخــر رمضــان وبنخليهـا عنــدنا لين تستقــر خالتك بيتهــا ...
وهــج :طيب ليش تأخــذ شغالات من بيت جدي ماهــو ملزوم فيهــا تحتـري لين زوجهـا يجيب لها شغاله ...
أم ناصــر :هي مختارتهــا عشـان تعرف تطبــخ وتشتغــل وتدبر كـل شي تعرفيـن خالتك كأس مويا ماتعرف تجيبـه لنفسهــا ....
وهــج :ومــن متى هالكــلام صايره تخطط من ورانا ...
أم ناصــر :مأدري عنهـا لها يوميــن مستلجــه تبــي كل شي مــره وحــده ...
وهــج :حتى أنا ابي شغاله مثــلها ...
أم ناصــر بعصبيــه :لاياشيخــه أنتي من بكــره اشوفك واقفـه بالمطبــخ تبين تفضحينــا عنــد الرجال وأهلــه ...
وهج :ليه هو متزوجنــي خدامــه له ولأهلــه ....
أم ناصــر بالصدمـه :وهج وش هالكــلام ...
وهــج :يمــه لاتحــاولين أنا مستحيــل اعيش مع عايلــه مثل ذولا من اللحيــن أقول لكــم أبي بيت لحالــي ,, وأذا موقادر خلوه يطلقنـــي ...
أم ناصــر :وهج وجع اعدتك خالتك خلوه يطلقنــي وش ذي والله لو سمعك ناصر ليدفنك بمكـانك ..

وهج بخــوف :لايمــه خلاص انا اسفــه انسي اللي قلتــه .. وكملــت بعد دقايق :يمه بليز لاتقــولين لنـاصر أنا مأدري وش في هاليوميـن صايره اقط كــلام ..
ام ناصــر :بس انا ادري معديتك أم لسـانين ...
وهــج :ايه على طاري ام لسانيـن وينهـا ..
ام ناصــر :والله ماشفتهـا ليـه هي مانمت معك ..
وهــج :لا ومالقيتهـا بغرفـة جنـى ..
أم ناصـر:أجل مأدري عنهــا ..
طلعت ام ناصـر والخدمات وراها يشيـلون الصوانــي ...
طلعت وهـج السلم وهي تأفف وش هالحظ اتزوج مــره وحـده والله مصيبــه وطاحـت على راســي ومحـد اكلهـا غيري .. وبالنص الطريق تذكــرت شي وراحت تركض ورى أمهــا مافيــه زواج قبل ماتخلص دراستهـا ولا يدور غيــرها ....
أدخلــت الخيمــه بأندفاع وندمـت يوم شافت العيــون المسلطـه عليهــا ...
أم ناصــر :وهج تبيــن شي ...
وهــج وهي تقرب وتجلس عنــد أمها بخجــل :هـاه .. لااا ...
سعــود بنص عيــن :وش اللي هـاه لا ..كنتي بتقـولين لأمك شـي وش هــو ..؟!!
وهـج وهي تعض على لسانها:لا ماكنت بقـول شي...
سعــود بخبث:متأكــده أحسك كنتي بتقــولين شـي ويتعلق بالسلطــان ...
وهــج دمعت عيونهـا :ماكنت بقــول شــي ..
سعــود :احلفي أنك ماكنتـي بتقــولين شي وعــن سلطــان ...
لاخــلاص وهج ماتقــدر تكبح دمـوعها اللي سالت على خدهــا ...
سعــود كان بيكمـل عليـها بس ناصـر غمــزله يسكــت ..
أم ناصــر اللي انقهـرت من سعــود :وهج تبغيــن شااي ...
وهج هزت راسهـا لاا ..
ناصــر :طيب حليب ...
وهج :لاا ...
أم ناصـر :طيب روحي صحي الباقيــن ..
ناصــر :وخصوصاً هدول جريهـا مع اذنهـا وجيبيهــا صجــوني هي وسالي لعب وصـراخ مانمت منـهم ...
وهج طلعت من الخيمــه وهي ودها تذبح سالي اللحيــن هي بأمس الحـاجه لهــا والاخـت قاعـده تلعب مع هديل ...
ناصـر بعد ماطلـعت وهج :خير يأبو الشباب وش فيك علــى أختــي ...
سعــود :اتسلى فيهـا شوي بعــدين هذي هــي أختـي قدامك علق عليهــا مثل ماتبــي ماراح أدافــع عنهـا..
ناصــر :لاعاد ذولــي مانقـدر عليهــم صارو من أصحــاب الملايين ولاهــدية الزواج أرض وويــن بمكــه والسياره بسواقهــا ومبلـغ وقدره بالحســاب ...
الا وش توقعك موقف خالي سعــد من المــوضوع ...
سعــود :اذا كان سعــد أيام اول فتــوقع أقل شـــي يذبح سالي لو هي قدامــه فذيك الساعــه ,,, الا وش رايك أتزوج يمكــن أبوي يعطينــي هـديه محرزه مثــل سالي ...
ناصــر بتحطيــم :لا مأتــوقع سالي غيــر الناس بس تبــي رضاها ,,, لاتورط نفسك بالزواج وأخرتها لاتطــول عنب اليمن ولابلح الشـام ...
أم ناصــر :لاتسمــع كلامــه أنت بــس عزم وأبوي ماهــو مقصــر ...
سعــود :امزح والله أمزح أنا مو ناقص وجع العرس بعـــد ...
ناصــر :يعنـي بتجلس طــول عمــرك بدون زواج مايصير لازم يجيك يـوم وتنــدم فيــه على سنيــن عمـرك اللي فاتت بدون زواج ...
أم ناصــر :وأنت يالناصح ليــه ماتشـوف عمــرك قبل ,,, ولابتحتـري لين تكبـر ومحـد يبيك ...
سعــود بضحكــه :الحق ناصـر أمك خايفه لتعنـس ويفوتك قطـار الزواج ...
ناصــر :عانـس هاه اجــل اسمــع هالخبــر قريب ان شاءالله بتنعــزم علــى زواجــي ...
سعــود وأم ناصــر مع بعض :من صدقك ...
ناصــر :عنـدك شك يمــه أكيــد بس بعـدين نتكلــم بعيــد عن العـذال ...
سالي من على باب الخيمــه وبدون سلام ولاكــلام :من العذال ..
ناصـر :وعليكم السلام ومن غيركــم أنتــي وأخوك ...
سالي اللي جلست وأخذت زمزميــة القهــوه عنـدها : ايه قصدك حنـا خوالك ... اللي ماتتحتــرمهم ....
ناصــر :اذا تزوجتــي وجابك ياســر تزورينـا أقـولك قدامــه لاحظــي بس قدامــه خالتـــي ...
سعــود انســدح من الضحك علــى شكــل سالي المعصب وهــديل تشـاركــه الضحك وهــج ودها تضحــك بس احترمت حالهـا كافيــه احراجات موناقصــه سالي بعــد تنقلب عليهــا...
ناصــر :هــدول ليــه تضحكيــن فيه شي يضحــك ...
هــدول وهي للحيــن تضحك :ضحكــة خالي سعــود تضحك ...
سعــود سكت :وشوووووو ..
ناصــر :أجل خذي راحتك اضحكــي قد ماتبــين ...
أم ناصــر :ناصــر وش بعــد هذا خلاص هــديل عيب هذا خالك ...
هـديل سكتت شوي وبعــدين رجعت تضحــك ...
سعــود بعصبيــه :هديـل اذا ماسكتــي ترى بشيلك وأرميــك بالشــارع ...
وبعــدين جيبــي ألواني اللي اخذتيهــا يالحــراميــه ....
ناصــر :أي الــوان ...
سعــود :الوانــي كنت داير المكاتب كلـها ادور عليـها يوم لقيتهــا جت هالنتفــه وأخذتها منــي وكانت أخـر علبــه ...
سالي :ويييييه وأنت للحيــن تذكــر علبــة الالـوان اجــل أنا وش أقول ...
سعــود :خلاص انسـي ياكلمــه ردي مكـانك ...
سالي :ايه علــى بالي بعــد ... وقرصت هــديل اللي جالسه جنبهـا تقول الكلام اللي متفقيـن عليــه ...
وفجأه انفرجـت هــديل تبكـــي ....
والكــل مصـدوميـن ..
سالي :هدول حبيبتــي وش فيك ...
أم ناصــر ضمتهــا:هديل حبيبتــي وش فيك .. الكــل يسألهـا ويحاولــون يفهمــون وش فيهــا ... وهي ساكتـه وتبكــي وكل ماسألوها بحنان ورقــه زادت فجـرعة البكاء ...
وبطلــوع الروح وبعــد ترجــي وتدليــع انطقت من بين شهقاتهــا ...
هــديــل بالشهقــه : مـ,,ـأبــ,,ـي خالتـ,,ي تز, و,ج أبيه,,,ـا تبقى عنــ,,,دنا ...
سالي بمكــر :لاحبيبتــي وش هالكــلام خلاص الزواج بعــد شهـر وأنتي كبيره وفاهمــه ..
هــديل وهي تهز راسهــا :لااا مأبـ,,ي أجلـ,,سي عنــ,,دنا ...
ناصــر :هدول خلاص سالي تزوجت مايصلح تجلس عنـدنا ورجلهـا وش يقــول ...
هـديل :ابي خالتـي مالي دخــل ابيهــا ...
سعــود بعصبيــه :وش ابي خالتــي هذي بعــد شوفيهـا جالســه ماراحـت ...
سالي :سعــود لاتصـرخ عليهـا خلاص حبيبتــي هديل أنا ماراح أطلــع من هالبيت الا وأنتــي معــي وش رايك ...
هديل بفـرحه من بين دموعهــا :صدق أروح معك ..
سعــود :وش تروحيــن معها مايصلح.... ووجـه كلامـه لسالي : سالي لاتعبيــن راس البزر وتـوعدينهـا بأشياء ماتقــدرين تسـوينهـا ...
سالي :وليش مأقـدر اسويهــا هـديل عنــدي اغلى من أي شي عنـدي ومستحيــل أخليهـا تبكــي وأنا اقدر اسوي لهـا اللي تبيــه ..
ناصــر :مجنـونه أنتــي وش تأخذينهــا معك هذا من سابع المستحيلات ليـش يتيمـه ماعنــدها أهل ولاعايشه بملجـأ تحنين عليهـا وتأخذينهـا معـك ....
هـديل يوم سمعت كلامــه جلست تبكــي ...
سالي :زين اللحيــن بكيت البنت بعــدين وش فيهـا أنا خالتهـا وياما ناس عاشـوا عيالهـم بعيــد عنهــم وظـلوا أهلــهم ...
ناصــر بقهـر :يمه شوفي وش تقـول أختــك ... سالي اصحــي أختــي مستحيـل أخليهـا تعيش مع رجال غريب ...
سالي :ماهـو رجال غريب زوج خالتهـا ولد عمهــا وبعـدين كلهـا كم شهــر أو كم سنــه على الكثير ليــن تكبــر وتعـود على حيـاتي بعيـد عنهـا ...
سعــود :سالي بس عن الاحــلام حتــى لو أهلـها رضـوا ياســر مستحيـل يرضــى ...
سالي :عمـره مارض بعــدين انتوا جالسيــن تناقشون بموضـوع مالكــم أي شأن فيـه الرأي رأي أمهـا ...
ناصــر جاء بيتكلــم بس أمه قاطعتــه :خلاص بعــدين نتكلــم ... قالت هالكــلام وهــي تأشــر على هــديل اللي حاطـه راسها بحظنها وتبكـــي ...
-------------------------

بعــد السحـور بغـرفة وهــج وسالي
وهــج نامــت وسالي جالسه تسـولف على راسهــا ...
سالي : توقعيــن تنجــح الخطــه والله لو ضبطت الخطــه أكــون ظربت عصفـورين بحجــر واحـد تبقـى هدولـي معــي وتسـاعدنـي بتطفيــش ياســر بس لو تضبط ...
وهــج :اوف سالي ماتعبتــي مواصــله من أمــس ...
سالي :لامافينــي نوم بأخذ اللاب توب واطلــع ....
وبالصـاله تحــت اشبكت سالي فتحــت المسن ولقت اغلبيــة اللي ضايفتهـم اون لايـن حتــى جنــى ...
دخلت علــى جنــى ..
سالي (ناويلك علــى نيــه ) كانت توها حاطتــه :
وش تســوين يالساحـره مانمتــي...!!!
جنــى (على كف الغلآ شلتك وخليتك وسط عينــي أداري خاطـرك وأكســر خواطـر ناس تغلينـي ):
اسوي نفس اللي تسـويه ... (وحطت لها وجـه يغمــز)
(ناويلك علــى نيــه ):
ليه مانزلتي على السحـور ...
على كف الغلآ شلتك وخليتك وسط عينــي أداري خاطـرك وأكســر خواطـر ناس تغلينـي ):
ياقدمــك وش سحــوره طلبنـا أنا وعادل وسامــي على الوحـده ...
(ناويلك علــى نيــه ):
خيانــه ليه ماعزمتــوني ترى ماعزمك علـى عرسي ...
على كف الغلآ شلتك وخليتك وسط عينــي أداري خاطـرك وأكســر خواطـر ناس تغلينـي ):
أوكي لاتعزميــني بس بعـد بجــي ,,, اقول سالي ظفي وجهك عنـدي ناس اهــم منك ...

(ناويلك علــى نيــه ):
اقــول جنـوه اللحيــن ابتهال صارت اهـم منــي بس هيـن اذا ماوريتك ...

على كف الغلآ شلتك وخليتك وسط عينــي أداري خاطـرك وأكســر خواطـر ناس تغلينـي ):
سالي والله مشغــوله ...
سالي كانت بترد عليهـا بس انشلغت مع عبير اللي دخلت عليهــا ..
عبيــر الورد :
ازيك ياقميــل ...
(ناويلك علــى نيــه ):
تمــام بـس من شفتك أنقلب المــود ...
عبيــر الورد :
من اللي ناويــه عليــه ...
(ناويلك علــى نيــه ):
بس اشوفك اليــوم بتعـرفيــن ...
وأخــذتهـم السوالف مأنتبهــت الا على الساعـه8:30
(ناويلك علــى نيــه ):
يــوووه عبور شوفي الساعه كم بروح اتجهــز ...
عبيــر الورد :
لااوين تـو الناس ...
(ناويلك علــى نيــه ):
وش تــو الناس أخاف أم ناصــر تقوم اللحيــن وتشـوفنـي تعطيني محاظـره بعـدين كلها ساعـه واشـوف كشتك ايه صح امشطي شعـرك لاتنسيـن
...
عبيــر الورد :
وأنا اقـول وش مستعجله عليــه أكيــد الكشـه تبيلهـا ساعه على ماتستشـورينهـا ...
(ناويلك علــى نيــه ):
أيــه صح روحـي زين الغيره تسـوي أكثــر من كذا .. باااي حبـي اشوفك بالجامـعه ...
عبيــر الورد :
لحظــه سالي ذاكــرتي للأمتحــان النفس ...
(ناويلك علــى نيــه ):
أي امتحــان تستهبليــن انتــي ...
عبيــر الورد :
والله الدكـتــوره قايلتــه يوم السبت اللي طاف ....
(ناويلك علــى نيــه ):
صح تذكـرت يالله باااااااااي ..
وقبــل ماتطلــع أنتبهت على المـوجودين وشافت جنــى احسن بعـد مو بس هي المواصلــه ...
طلعــت فوق ركــض سبحــت وجففت شعــرها ولبست بدلـه رسميــه سودء ولبس بوتهــا...
وطلعـت لها عبـاه عاديــه وبرقع بعـد اللثــام ....
واخذت شنطتهــا وقبـل ماتنزل صحــت وهج ...ومرت علـى غرفة جنــى اللي كانت للحيـن جالسه على الكمبيــوتر ..
سالي :هي انتــي ياحلــوه يالله لبــسي شوفي الوقت ...
جنــى :الوقت تسع ونص بس احب اقولك انا ماني مداومــه الليــوم ...
سالي بالصـدمه :طيب وش تســوين ..
جنــى وعيونها على الكمبيــوتر: لاخلصت اللي بيدي بروح أنام ...
سالي طلعت من عنـدها مقهــوره يعنــي هي بس اللي بتداوم وهي مواصلــه نزلت تحت ماشفت أحــد كلهم بيغيبـون أول يــوم بس هي وهج اللي بيدامـون وين ناصــر عنهــم ....
لقت وهج تنتظـرها تحت ..
سالي :اتصلت عليــه ..
وهج :ايه واقف من زمان برى ...طلعن وركبــن السياره سالي فتحت الدريشــه جلست تذاكــر وانقهــرت ان وهج ماعنـده هالمـاده دارستها العـام صدق قهــر ...
وهم عنــد الاشاره ...
سمعت وهج تقـول بضحــكه :ماشاءالله تدينـا بعــد الزقاره مســواك ...
سالي ماردت عليهـا لأنهـا مافهمـت قصدها ..
وهج :سالي أرحميــه من الصبح وعيـونه عليك الحقي ناظـريه قبل ماتفتح الاشاره ...
سالي :وهج وش فيك مصخنــه وش قاعـده تقــوليـن ...
وهـج لفت راسهـا وشافت ياســر بس اللي صدمهـا أنه اشر عليهـا تغطي عيـونها ...
وهــج ماتت ضحك :اللحيــن من الصبح عيونه مانزلها وأخـرتها غطـي عيونك ..
سالي :شفتي كله منك لو طنشتــه وحرقت دمــه ...
وهــج :وش درانــي حسبتــه مشتاق وده يكحـل عيونه بشوفتك طلع أبو الشباب يغـار..
سالي نزلت عيـونها بالكتاب وقالت :اللهــم أني صائم مأبي أفطــر عليك ....
داخــل المحـاضره الاولــى كانوا عبيـروهج وسالي مع بعــض ...
وهج وعبيـر يسلفـون وسالي تذاكــر للمحـاظـره اللي بعـدها .. الدكتــوره أنتبهـت عليهــا :سالي تعملــي ايه ..
سالي :اكتب معــاك دكتــوره..
الدكتـوره :أوكي يابنتــي افهمـي بعدين أكتبــي ...
وهـج وعبيــر أنصـدمـوا بسالي اللي مارتبكــت بالعكـس كذبت بكــل برود ...
عبيــر بقهـر :الكذب حــرااام حنــا بالنهـار رمضـان ...
سالي ويدها علـى فمهـا :كذبه بيضاء مأحد متضرر منهــا ..
وهج بأنفعال :الكـذب كذب مافيــه كذبه بيضاء وكذبه حمـراء ...
الدكتـوره اللي كانت منتبـهه من البدايـه على سوالف وهج وعبيــر وكانت ساكتـه عليهم بس اللحيـن زودوها فطـردتهـم ...
سالي ضحكــت عليهم من قلب بينهـا وبين نفسها بس قدرت تسيطـر على ضحكتهــا ...
كملت الدكتـوره المحاظره وكملـت سالي مذاكرتهـا ...
-----------------------

ياســر ومأدراكــم ماياســر الرجــال جالس يخطط وبدأ ينفــذ وسالي ياغافلين لكــم الله بس للأسف اللحيــن ماراح تعـرفون شي من خططــه الا بعــد الزواج ...
اللحيــن هو بالمكتــب ولأول مــره من زمان يشتغــل ويحس له نفـس لشغــل
وليلــة أمــس قضاها كلهـا نوم يعنــي أخــر راحــه بس تكــدر اليوم يوم شاف سالي عنـد الاشاره حتــى رمضان مأحتـرمتـه متى بتــوب هــذي ..؟!!
ياسـر بصوت مسمــوع :اللهــم انـي صائــم ورجع للشغلــه ,,, على الساعــه اربـع خلص شغلــه ...
جلس يحك راســه يحـاول يتذكـر الفطـور اليــوم عنـد مين وقتـه مره ضيق والزياده زحمــت السيــر كان بالسيـاره يوم اتصــل عليــه نايف وقال له يروح لبيتهــم يستقبـل الرياجيــل لأنه بعيد وماراح يوصـل الابعــد الاذان ....
عكــس ياسـر طريقه لبيت عمتــه ....والحمــدالله وصـل قبل مايجـي أحــد الاأبـوه وأخوانــه وبعـد شــوي بـدو الرياجيــل يجــون ... بس استغـرب الضيـوف كثير مــره مأقتصـرعلى الاقـراب بس زي مأبــوه مقتــرح ..يوم سأل أبــوه قاله لأن اغلبيــة الضيوف من معارف عمتــه ...
اللي كان جالس جنبــه أخــوه ريان اللي كل دقيقه وعيـونه مغمظـه ويتأفف ويناظـر الساعه ...
ياســر :هي وش فيك أنت فضحتنــا اجلس زيــن ...
ريان :اوووف متـى بيأذن ..؟!!
ياســرصد للجـهه الثانيــه :ولاورع أول مره يصــوم ..0
وأول مأذن أول من وقف ريان بس ياســر مسكـه لين صـار أخـر واحــد وبعــد ماطلعــوا الرياجيــل طلع هو ورمـاه علـى الكرسي بقــوه ...
ريان اللي طاح على يده:وجعععععععع اخ يدي ...
--------------------
أول ماجـت جنــى وسلمت علـى المـوجـوديــن طلعت لغرفــة أبتهـال زي ماتفقـوا اليــوم على المسن وجلسـوا يسالفــون حتــى أذن ونزلــوا تحــت بس لما جـوا بيدخلــوا غرفـة الطعــام سمعــوا اصـوات كثيره وشكل أمـة محمـد كلها معزومــه ... وتفشلــوا يدخلــون ...
ابتهـال :امشــي نفطـر بالمطبــخ ..
جنــى :لاعادي خل ندخــل ..
ابتهــال :لا مستحيـل استحــي والناس ذولا ماتساعدك تطالعك كأنك سلعـه معروضـه للبيــع ..
جنــى :خلاص ولايهمــك نفطـر بالمطبــخ ...
دخلــوا وطلبــوا من وحـده من الخدمات تحط لهم فطــور .. وجلسوا علـى الطاولـه يفطـرون وبدون كــلام ....
نايف اللي كان متأخــر ويـوم جاء الرجال جلسـوا على الفطـور ماحــب يقاطعهــم دخـل المطبــخ شاف خواتــه تاركـات الحـريم ويفطـرن بالمطبــخ صدق مايعرفـن السنـع مو وقت التربيــه,,,, جلس معهــن على نفس الطاولــه وأفطــر ...
نايف كان لابس ثوب اسـود ومصفط أكمــامه لين نص يده وشمـاغه فاصخــه وحاطـه على كتفه لا و نص شعـره جاي على وجـهه وفيـه ماااي ...
بعــد خمــس دقايق ..حست جنــى اللي كانت سارحــه بخيـالها بعيــد بريحـة عطــر غريبــه بالجو وشخص جالس قدامهــا وأبتهـال اللي أنتبهــت على نايف وبما أنه أخــوها عادي عنـدها ونست البطــه اللي جالسـه جنبهــا ...
نايف رفع راســه بيقـول شي ,,, بس تلاقت العيــون نسى كــل شي مرت دقيقتيــن (احسبــوا دقيقتيـن صدقيـات ) وكـل واحد منهــم يطالـع بالثانــي ...
وأبتهــال خبــرخيــر البنــت ولاحســت ...
--------------------

بغرفـة الطعـام سالي وهــج جالسات بجنب بعــض وهات يالتعليق لاوالمصيبــه اللي جالسه على يسار سالي فطــوم ...
سالي بهمـس بأذن وهــج :طالعي عجــوز بليس كيف تطالعك ...
وهج :أي وحــده الزرقاء ولا الحمـراء ...
سالي وعلى صوتهـا شوي :وش زرقاء وحمــراء ...؟!!
وهج :قصري صوتك قصدي اللي لابسـه أزرق او اللي لابسـه احمــر ...
سالي :أهاا ..اللي لابســه أحمــر ... شوفيهـا أيه اللحيــن شوفيها كيف تناظـرك اللحيــن ...
فطــوم :كل الناس درت من تقصـدين ..
سالي :وأنتي معنا على الخـط ...
فطــوم ملت من ملاسنــها فحتــرمت نفسهـا وسكتت وهي تخطط أول مايتزوجهـا ياســر بتبدأ تزن علـى راسـه يأخذ وحــده من بنـات خواتهــا
...ابتسمــت بخبث وكملــت فطــورها ...
وعنــد شيخـــه ...
أم مطلق :أي وحـده فيهــن الصفــراء ...
شيخــه بقهــر من غباء ام مطلق :لا اللي لابســه بنــي (تقصد سالي اللي كانت لابســه بنطلـون بنــي مع قميص أبيض مقلم بخطــوط عريضـه بنـي وبينهـا خطـوط ناعمـه بالذهبي وفوقهـا بلــوزه سنــاره بنيــه ,,, ووهــج كانت لابســه تنوره قصيـره ميدي بيضـاء وبلـوزه صفـراء لهـا ياقـه مرتفـعه وسحاب من قدام وعلى طـول اليـد خطين بالابيض وبوت اصفـر طويـل ,,,)
الصفــراء بنت أخــوي مأبيك تضريـنــها ...
أم مطلق :وهـذي وش تصيــر لك ...
شيخــه بملل :اللهــم طولك يالروح أن الله وين بلاني فيك مليـون مره قلت لك تصيــر مرة ولـد أخــوي ..ياســر ولـد فاطمــه ...
أم مطلق :أخـو الصفــراء ..
شيخــه :لاوش اخــو الصفراء أخــو اللي لابســه بنــي ... وأشرت على بسمــه ...
أم مطلق اللي مافرقت بين الثنتيــن لأنهـم كلهم لابسيــن بني بس يختلف :وهـو كيف يتزوج اختــه ...
شيخــه :ياويلي ويلاه مو هذي زوجتــه الثانيــه الثانيــه ,,, شكلك ماعنـدك سالفــه بس العتب علــى مضـاوي اللي دلتنـي عليك ..
أم مطلق :لاوش هالكــلام ان شاءالله بس متــى تبينــي أنفذ المطلــوب ...
شيخــه :للمـره المليون تسأليني بعرسهــم ...
أم مطلق :كيف توس تقـولين مرته واللحيــن بعرسهـم والله انتــي اللي ماعنـدس سالفــه ...
شيخــه :مرته ملك عليهـا بس باقي العرس ...
أم مطلق :أيــه بس لازم تأشـري عليهــا بالعرس أخاف اضـر أحــد ثانــي ...
شيخــه :اشرك عليهــا أقولك بعـرسهم يعنـي هي العـروس فيـه اشاره أكبــر من كـذا ....
أم مطلق : أيـه خلاص بــس أعزمينــي ..
شيخــه :وش أعزمك أنتــي بعـد لازم بطـاقه بس مأدري من ويـن باجيبهـالك لأن البطاقات محــدوده بس خمسيـن بطاقــه ....
أم مطلق :وش هواله بطاقات بس زيادة مصـاريف عزمـوا الناس بتلفــون وافتكــوا ...
شيخــه :اللحين أنتــي بتدفعيــن شي من جيبك .. والله الشغلــه ...
أم مطلق :وش رايس أجــرب فيهـا هاللحيــن عشـان تصدقيـن بس ترى علـى هذي أبي 2000 غيـر العشـر المتفقيـن عليها ...
شيخــه :احسن بعــد عشــان اشوف بعيــوني بس مافيـه الالفيــن لين اشـوف صدق ..
أم مطلق :تبين اللحيــن ...
شيخــه :لاماهـو هنا أخاف يشكــون أنا اقولك أذا كان الوقت منــاسب ...
وهــج :سالي ياويلي شوفي كيف تطالع شوي وتأكلنــا بعيونهــا ..
سالي بخـوف :اتصــدقين أول مره أخاف مأتصــور نفسي معها بمكــان واحـد لحالنــا ...
وهـج صرخــة بصوت قصيــر :الله لايقــوله سالي بيغمــى علي من نظراتهـا صكــي زرار بلــوزتك قطعتــك من النظرات وكأنك مو لابســه شي ...
سالي وهي تصك زرارهـا :اتصدقين أخاف يحتـرق جلــدي بعـد هالنظرات بس عمتك وش عنــدها مع الاشكـال هذي اقص يدي لوكانت من صديقاتهــا ...
------------------
نرجــع لجنــى ونايف فالمطبــخ صح ونسيت أبتهــال الخبلــه بس من حقـي أنســى صدق بارده !!! ...
بعــد الدقيقتيــن >>>> ذبحتكـم بالدقيقتيــن هذي صح هههههههههه...
نايف وقف وعيـونه بالارض :أسف مأنتبهــت ...
أبتهــال اللحيـن بس أنتبهت علــى الوضــع فصـرخت بالنايف :ناااااايف برررررررررررى .... اصلاً نايف كان بيطلــع من قبل وكان وده يرجــع يناظــر بالزيــن اللي افطــرمعــه بس خاف ربــه وطلــع ...
وبرى رجــع وطالــع شال جنــى اللي كان مربوط علـى يده تحــت ساعتــه ونزلــه ونادى علــى أبتهــال ومــده لهـا ..
أبتهـال طالعت بالشال ورجعت تطالع فيـه:وش اســوي فيــه ...
نايف :عطيــه لهـا ..
أبتهـال فهمت قصده بس مأستوعبتــه :وش اســوي .؟!
نايف :عطيــه جنــى بسرعه بطلــع اصلي ... ورجع شمــه للمـره الاخيـره وعطاه أبتهــال ...
أبتهــال رددت بعــد ماراح نايف :اعطيــه جنــى .. وبالشطانه كملـت :لاذي خيـانه وش بينهــم .؟؟!!
دخلـت على جنــى اللي سرحانـه وعيونهـا على كرسي نايف ...
أبتهـال وهي تجلس على الكرسي :خلاص ياحـلوه روميـو راح ...
جنــى بعـدم تصديق:يعنــي هو صدق كان هنـــا ...
أبتهــال بأستهبال :مين روميـو ولانايف ...
جنــى رفعت كأس العصيـر :والله لسبحك فيــه ,,تكلمــي زيـن ...
أبتهـال :طيب يمــه متوحشـه أيـه كان هنـا وقالي أعطيــك هذا .. واشرت لهـا بالشـال ..
جنــى اللي كانت شايفتــه علـى يد نايف بس ماصدقت عيونهــا,, وش قصــده من الحــركه هذي وش معنــى نظراتــه اللي كان يناظـرها فيهـا لأنه تفاجـيء بس لو تفاجيء فيهــا ماجلس كل هالمـده يناظـر فيهـا,, معقــوله يكن لي أي مشـاعر معقــوله يحبهـا زي ماتحبــه ,,ولا أي بنت يشوفهـا يجلس يناظـر فيها بهالطريقــه أنقهــرت يوم وصلت هالفكــره بس هذي موأول مره يشوفها فيــه ثالث مـره ,,, مـره عنــد المسبـح يوم ورفعـت يدها تحسس خدهـا ,,, ولفت علـى الجهه الثانيـه ومره فبيتهــم وكان يناظــرها بالنفس النظرات هـذي
معقــوله تكــون أعجبتــه ومـدت يدها تزيــن شعـرها وكانه للحيـن جالس قدامهــا ههههههههههه .
أبتهــال :هيييييييي بنت جنــى ..
جنــى :هاه ..
أبتهـال :ويــن وصلتــي مره تزينين الشعــر ومـره تحطيـن يدك علــى خدك ... وكملـت وهي تغمزلها :لاتكــونين تصـورتيــه يبوسك ...
جنـى بصـرخه :وجججججججججججججججججججججع قليلة أدب ...
أبتهــال :طيب قليلة أدب شوفي من بيعطيــك هـذا .. واشرت بالشال بوجهــا ...
جنــى :هاتيــه أبتهـالوه هاتيــه ولا أفضحــك قدام القاريء وأقولهـم عن حبيب القلــب ..
ابتهــال وهي شوي وتصيـح :لاحــرام عليك أنا بعرضك ...
جنــى :طيب هاتيــه ...
أبتهــال :طيب احلفــي قبـل ...
جنــى :والله ..
ابتهــال :اخاف تخونين فينــي ...
جنــى :استغفرالله العظيــم وش حركات العيلين دي دحنــا بالشهـر رمضــان ...وتـونا مفطـرين وأفطـــرمعنـا أخــوك أبو خشم منعــوج ...
أبتهــال :وشوووووو والله اعلمــه أصلاً هــو متعقــد منــه تجين أنتــي تعلقيـن عليــه ...
جنــى :لو فيك خيــر علميــه ..
أبتهــال :لاتحــدين ...
جنــى :طيب عطيني الشال ...
أبتهـال وهي تمــده لهــا :تراك حلفتــي ..
جنــى اخطفتــه منها وربطتــه على يدهـا وحطـت الساعه فوقـه :أبتهـال تحـب بنــدر ..
-------------------

بعــد الفطــور
وهــج :سالي امشــي نطلــع والله مانـي متحملــه أجلس دقيقــه زياده ..
سالي :طيب كلمــي أمك شكلــهم مطوليــن ...
وهــج :ايه فيــه عشــاء بعــد صلاة التراويــح ..
سالي :لا مستحيــل مأقدر استحمــل للي 31 ساعــه مانمــت مأقدر أحس راسي بينفجــر ...بجرب اتصــل على سعــود يرجعنـا للبيـت ..
دقت علــى سعــود اللي رد عليهـا بسرعــه ...
سالي :احلى حركات العـاده تطقنـا ساعه على بال ماترد ...
سعــود بضحكــه :وش تبيــن ...
سالي :نبيك ترجعنـا البيت أنا وهــج ..
سعــود :لاوش فاضي لكـــم ..
سالي :أنت وين اللحيــن ...
سعــود :فالشارع ...
سالي :يعنـي مو عنــد الرجال .. اجل خلاص بنطلـع لك أنا ووهج ... وصكت الخط قبل مايرد عليهــا ...
قامــت سالي وجلست جنب أم ناصــر عشـان تكـلم مع أم ناصر ..
شيخــه :شوفي شكلـها بتطلــع اذا طلعت هذي فرصتــك الحقيهـا بس لاتوضحيــن ...
أم مطلق :أجل بطلــع من اللحيــن .. ووقفت وتعذرت من الموجـوديـن بصــوت عالي وطلعـت ..اصلاً أغلبيـة الموجـودين يبـون الفكه منهــا ...
بعــد ماقامت أم مطلق جلست فطــوم مكـانها ...
فطــوم :وش عنــدك مع ام السحـور هذي ...
شيـوخ بابتسـامه خبيثــه :هذي هي اللي بتفكك من مرة ولــدك الخايســه ..
فطــوم بالصدمــه:وش قصـدك ...
شيخــه :قريب بتعرفيــن ...
طلـعن سالي ووهــج واستأذنــوا من الموجــدين وسالي تكلــم بمصخـره ...
طلعــن من المجلس ولبـسن عباياتهــن
وسالي رجـعت تتصــل بسعــود ...
سالي: وينك ...
سعــود بعصبيــه :برى يالله بسـرعه من ساعه نحتريكــم ...
سالي :ليه من معــك ..
سعــود :أخاف أقـولك وماتطلعيــن ..
سالي بأستخفاف :ياســر ..
سعــود :احلــى يالساحره وش دراك ...
سالي :وش يســوي معــك ..
سعــود :نلعب بالوت ,, اللحيــن انتي ماتبيــن انرجعك للبيــت أطلعــي ...
سالي صكت الخط بوجهه وطلعت كان ودها تكسحــه وترجع تدخــل بس الصـداع بيذبحهــا ...
وهــج :هاه وش قال ..
سالي :امشـي نطلــع .. وهج امسكيــن لاطحـت احس الدنيـاتدور فينــي ...
وهج :ياعمــري سالي لاتخافيــن أنا معك ...
سالي بأستهبــال :قهر مأقدر اسكــت لازم ارد على بعـض ناس ...
وهج :اصلاً هو ماراح يكلمك بيستحي على وجهه اخوك موجــود ...
سالي :طيب يالله نطلــع ..


فيــه عيون من بعيــد تراقبهــم وتمتــم بكلمــات وعينهـا على سالي ..

.اطلــعن سالي ووهــج مع الباب وشافــن سعــود واقف قـدام السياره ويوم شافهــن جايات يمشــن ركـب جنب الســواق ... قربن من السياره وقــدامــها صرخــة سالي صـرخه من اعماقهــا صرخه توقف شعــر الراس ....
وطاحت على ارض الشارع بانهيــار وهي تتلــوى على نفسها وتصــرخ صـرخة عذاب صـرخة ألم صـرخة اللي تنتزع روحــه منـــه ...





نهاية الجــزاء السابــع عشــر ...
اشــوفكـم بأول فصــول الجــزاء الثامــن عشــر
ابغــى اشــوف ردودكــم وتوقعاتكــم
تحيــاتي لكــم ...