كبرتي وَصرتي بـ آلعشرين , طويله وَفآتنه وَتغرينْ ( كآمله )

قامت مشاعل وزيااد نايم في الغرفه..طلعت برا وكان المكان هادي..والظاهر الكل نايم..
طالعت ساعتها كانت 6 المغرب..ابو زياد اكيد يقيّـل مثل عادته هـ الوقت..وام زياد الظاهر طالعه..
فكرة تتصل على ملاك..

ملاك:هلاوالله وغلا
مشاعل:هلابك..كيفك لووكه؟
ملاك:الحمدالله بخير انتي كيفك؟؟
مشاعل:تمام..بس الطفش..من الطفش باحله بعمري
ملاك:امممممم..شرآآيك نطلع؟
مشاعل:اوكي..تبين امرك..بس وين؟
ملاك:هههههه..الظااهر نسينا اننا متزوجات..ماراح تشاورين زياد؟
مشاعل نست:يوووووه!..نسيت والله..اوكي
ملاك:هههههه..اوكي وانا بقول لـ نآصر..

سكرت مشاعل من ملاك وراحت لـ غرفتها هي وزياد ويوم دخلت لقته قايم وجالس ع السرير ومدد رجوله وجالس ع الابتوب..حست انها انانيه لانهاا حتى مافكرة تسـآعده انه يقوم ويروح الحمام ويشيل لابتوبه يعني ماقدرت انه معـآق

مشاعل:زياد؟
زياد من غير لايناظرها:هلا
مشاعل:اممممم..ودي اطلع انا وبنت عمي لـ السوق..منها نتسوق ونتمشى
زياد:اوكي
ماتوقعت انه بيوافق..حست انه ممكن يسوي حركة نذاله ويقول لا..اتصلت على ملاك بعد ماأخذت الموافقه وقالت انها بتجي بس مسآفة الطريق..
وهي نازله من الدرج شافت مريآتي..
مشاعل:اممم..مرياتي انتبهي لـ مي..انا في روح اوكي؟
مرياتي:اوكي مدام..

طلعت وركبت السياره..وراحت تمر ملاك
\
/
\
\
/
دخلت العياده بعد تردد..خلاااص هي لين متى بتهرب منه؟؟..شافت الممرضه اللي كانت معها في مواقفها مع سعود..
وريف:أهلين مروى
مروى:هلاوالله..كيفك ياشيييييينه لك وحشه
وريف:الحمدالله وانتي اكثر والله..كيفك انتي طيب؟
مروى:والله تمام.."تغمز"..اكشخ صرناا نتغطى بعد
وريف:خخ..شفتي عااد.."ماقدرت تخفي اهتمامها"..الا وين؟.......
مروى:ههه..مسافر صار له يمكن اسبوع
وريف بخيبة امل كان ودها تشوفه:اهاا..ماتدرين وين؟
مروى:اممممممم..والله علمي علمك
وريف:اهاا!..."الفضول"
مروى:تعاالي جالسي سولفي لي عنك وش سويتي في الفتره اللي ماكحلتي عينك بشوفتي
وريف:خخخ..اوكي يللآآ..
\
/
\
/
ع المغرب.جلست رغد بالصاله كان ناصر جالس ومعاه الجوال..
رغد:وين ملاك؟
ناصر رد بسخريه:اكيد ماتدرين..صارلك فتره حاسبه نفسك ولاتدرين وين ربي حاطك
لمت يدينها لـ بعض كأنهاا تبي تخفي الحقيقه..وطالعت في التلفزيون..وش تقول دراسه..وهي مقدمه اعتذار؟..خلها ساكته احسن

لاحظت عليه القلق وهو ماسك جواله..:وش فيك؟
ناصر:تركي
ارتااعت رغد وقالت ..ليش يقول اسم تركي وهو معصب اكيد في شي..يمكن دراا:وشفيه؟
ناصر:صاار لي اسبوع وكم يوم اتصل مايرد
رغد..أسالني انا صار سنه اتصل ولا يرد..:طيب يمكن عند اخوانه
ناصر:اخواانه قلقانين عليه..بس يقولوون انه كبير وبيرجع..انا قلبي قارصني..
رغد:طيب..بغلت عنه؟
ناصر:اخوانه عيوو..يقولون لاتبلغ..قلبي على ابني انفطر وقلب ابني علي ححجر..الحين انا قلقاان عليه وهم اخواانه ولاهاامهم
رغد:أ..ان شالله بيرجع..
\
/
\
/
سكر الجوال بعد ماأنهى المكالمه..الحمدالله تأكد حجزه..
دخلت وفصخت طرحتهاا ورمت عبايتهاا ع الكرسي..التفت لـ السرير وانتبهت له..
مشاعل:السـلآم عليكم
زياد من غير لايطالعها ومن غير نفس:وعليكم السـلآم
طالعت فيه مشاعل..صدق الدنياا ماترحم ودواره..قبل اناا كنت اكلمك بهـ الطريقه من غير لاأرحم احساسك..والحين انت اللي جااي تكلمني كذا..وابيك ترحمني..
زياد:على فكره...حالنا كذا لايمكن بستمر.."وابتسم بس مو الابتسـآمه اللي تحبها"
مشاعل؟؟:........
زياد:انا مسـآفر ان شالله..
مشاعل ارتااعت ليش بيسافر ويخليني:وين؟؟..ومتى بترجع
طالعهاا وكأنه يقولهاا.."وش دخلك"..:مو لازم تعرفين..انا ابسـآفر..وان رجعت مابي القاك هناا..حالنا كذا لايمكن يستمر..انتي تحسين نفسك معروضه علي وانا موب هاضمك ابد..يعني متعادلين..فـ عشان كذا ابي لما ارجع ماألقآك..وورقة طلاقك بتوصلك اول ماتوطى رجلي الريااض
\
/
\
/
وقفت وخذت شنطتهاا:اوكي مروى لازم اقوم..تبين شي؟
مروى:خسآره مامليت منك
وريف: مالعليه.."وكملت"..الله يحيك في بيتنا يالغلا..بـ أي وقت
مروى استغربت ان وريف تعزمهاا..يوم كانت وريف تشتغل مافكرت تعزم احد ابد بس ماعلقت:ان شالله وقت ثآني مو الحين
وريف تلسم عليها:ان شالله!..يللآ فمان الله

وهي ماشيه طالعه من عند الممرضآت مرت من مكتبه طالعت فيه بـ حب..وشكثر تحب صاحب هـ المكتب وهو ولاحآآس فيها كللللش..مشت متجهه لـ الباب بتطلع بس

- وريف؟؟؟

قاله بـ تردد..وكأنه مشكك في البنت..وقفت مكانهاا..هذا صوته..ابتسم سعود..دامها وقفت فـ هي وريف اكيد
{ وينك عني وينك..ودي بـ شوفة عينك..!

سعود:وريـف!.."هـ المره قالها بـ ثقه اكبر"
التفت له:نعم
ابتسم يوم شافها متغطيه..هو عشان كذا ماعرفها بالبداايه..بس كيف تخفى عليه..:كيفك؟
وريف بـ كل رسميه وتحفظ:الحمدالله بخير!..انت شلونك دكتور سعود؟
سعود ابتسم من كلمة دكتور:الحمدالله...ليش تركتي الشغل؟
وريف:................
سعود:وريف انا جـ.."وكأنه متردد بس كمل"..ممكن تعلميني وين بيتكم
قالت بخوف:لـ..ليش؟؟؟؟
سعود:ابجي مع امي..ابيك بـ موضوع.."وكمل بـ ثقه"..خآآص!
وريف:انت وامك؟؟
سعود:اذا مافي احراج
وريف:لا..لاشدعوه...
عطته العنـوان..وطلعت برآ العياده ومية شعور داخلهاا..
\
/
\
/
وصلت لـ حي شعبي..مكآن ماقد مره تخيلت انها بتروح له ابد..تحس ان هذي النهآيه..شعور شين انك تحس نفسك بتنذل وتموت عشان فلوس..

- انـزلي!
قالت بـ خوف وهي تصيح:وين بتوديني؟..وش هـ المكاان؟
قال بـ عصبيه خوفتها:انـززززززززززلي!!!!!
فتحت البـآب بيد ترتجف ونزلت..سمعته يقول قبل يسكر البآب:لوك معطيتني الفلوس..كان ماواجهتي هـ المصير.....سكري الباب
دانه:لاعمي الله يخليك..مابي اجلس هنا..تكفففففففى!!!
عمهاا:اقول سكريه لااجي اسكره اناا
دانه:عمي الله يخليك.."وشهقت من قوة صيآآحها"..الله يخليك لك عيآلك..تكفى تكفى!!!..مابي اجلس هنااا
عمها صرخ بـ شكل خوفها:سكـــررررريه!!!!!!!
سكرت الباب من غير وعي لان الخوف هو اللي يحركها حالياا..وشخط عمها بـ سيارته وهي جلست في هـ المكاان المخيف..ماتدري وش مصيرهاا الحين!!

>..:..الجزء الثـآني..:..<

أستعيد شريط ذكرياتي..
لـ أجدهـ حـافلٌ بـ..
الدموع..والبكاء الصامت المؤلم..
وشهقات مكتومــه..وابتسامات
لم اعرف لها معنى


تفآجأة بـ الخبر يوم عرفت انه رجع الرياض وهـ الشي خلاآهاا تحزن..هي ماصدقت خبر جاها عشان تحس بـ لاماان..يقوم يروح؟؟..

وهي ماشيه التقت بـ اسيل وهند..
اسيل:هلا ريموووو
ريما ابتسمت:هلا والله
هند:كيفك منذو مبطي عنك ياقبيحه؟
ريما:وش اسوي..مشاغل..خخخ
اسيل تغمز:مشاغل ولا لهيناا مع عبدالملك؟؟..هههه
هند:هههههههه
ريما ماعلقت ولا حتى ابتسمت..قالت اسيل يوم لاحظت وجهها:اقول ريما..انا ماسويت كذا الا عشـآنك..لاتنسين انك حآمل..ومو من صالحك تكابرين..ع الاقل عشان هـ البرئ اللي في بطنك
ريما ويدها على بطنها:هو مايدري اني حامل
هند:روحي قولي له..
اسيل:ان ماقلتي له بقووله اناا
ريما:لاوالله...وش رايكم تتزوجونه؟؟
اسيل:هههههههههههههههههههههههههههههههههههههههههه..ت غارين؟؟..لاتخافين احنا مو من نوع خطافات الرجال
هند:ركبي جمله مفيده يرحم امك..
ريما انحرجت لان غيرتها بانت ماتخفي ان في مشاعر ايجابيه اتجاه عبدالملك..
ريما:اقول اسوله وهنووده
هند:الله يستر..هلا!
ريما:هههههه..افكر ارجع الرياض
اسيل:افااااا..ليش؟
ريما:خلاآآص طفشت من باريس وابي ارجع الرياض وحشتني موووت
اسيل:بس توعديناا انك تزوريناا..اوكي؟
ريما:ان شالله
هند تذب:ههه..ان وافق عبدالملك

"عبدالملك"
طلع من المستشفى وهو مسـآنس..واخيرا خلص علآجه..مابقى الا العلاج النفسي وبيخلصه ان شالله في الرياض..ان واقف ريماا تتزوجه بيخلصه بـ مساعدتهاا..
\
/
\
/
طالعت حوآليهاا في هـ الحي المخيف لـ درجه خلتهاا شوي تفقد عقلهاا..مشت ومشت تبي أي بيت تدخله عشـآن تكلم بس تخآف من عيآل الحرام..مشت وشافت بقـآله "متهآلكه".. شكلهاا قديم ..بس لحـظه!.. لو اتصلت على احد كيف بتوصف المكان وهي اساساا ماتدري هي وين؟؟..قربت من البقـآله بس لاحظت ان البنقاليين اللي يشتغلون اشكآلهم مقرفه ولا تريّح من يشوفهاا..قررت انها تتعدا هـ البقآله وتمشي تشوف لها مكان ثآني..
مشت ماتدري كم لهاا بدا التعب يتسلل لـ جسمها ..ورجولها موب قادره تشيلها ابد..عبايتها امتلت ترآآب وبدا تعطش الجوع يآكل معدتهاا آآكل..انتبهب لـ عدد من الاولاد يلعبون اعمارهم تترواح مابين الـ 13 والـ 17..فكرت تستنجد بهم بس القوا عليها بعض العبآرات اللي خلتها تنحـآش عنهم بـ اسرع مايمكن..

شآفت ارض فاضيه وعليها تلة ترآآب..جلست ورا هـ التل..تلتقط انفآسهاا..لو الجوال معهاا..بس آآخ يالققهر
"لوكنت هنآ ياحمد!...ماكان شفت من هـ العذاب شي"
\
/
\
/
- كلللللللللللللللللوش..الف الصلاة والسلآآم عليك ياحبيب الله محمد..
ضحك على امه وقال بـ فرح مايقل عن فرحهاا:يمه الله يهديك..جايني مولود انا وأنا مدري
ام سعود:الله يسمـع منك..الحين اقوم ادور لك احلى وحده بـ الريآآض كلهاا..وبنت حمآيل..وووو
سعود:يمـه..انا ابي وحده معينه..ابيك تروحين تخطبينها لي
ام سعود:هو!..منهي ان شالله..وعساهم ناسن و النعم فيهم؟
سعود:وسبعة انعاام بعد..اسمهاا وريف عبدالله الـ".."
ام سعود:ماشالله والنعم..بس وش اسم البنت مره ثانيه؟؟
سهود:ههه.وريف؟؟
ام سعود حركة يدها ثمن مسكت ذقنها:اخااف انك غلطان وانا امك..الظاهر ريوف
سعود:لالا..وريـف..و ر يـ..ف..وريييف!
ام سعود:اجنيتن ذي؟..ولا امهاا؟
سعود:لاسعوديه ابا عن جد..وامها مدري بس اظن سعوديه
ام سعود:والله تسانك تبيها اروح اخطبها لك اليـوم
سعود:لالا خليها بكره ان شالله..مطيور انا
ام سعود:ههههه..ليتك مطيور مزوجتك من زماان

"عند وريف"
-أحلفـــــــــــي!!!
وريف تضحك بـ خجل:والله!..هو قال بيجي البيت
ناريمان تستملح:يمكن بيتعرف بس..هو ماقال بخطيك بـ الحرف الواحد
رمت وريف المخده على ناريمان:يووووه!..ياخف دمك انتي بعد!..لا ان شالله بيخطبني
ناريمان:هههههههه...اجل سوي سواتي ارسلي رسآله لـ ابوي..خذي الموافقه
وريف:ان شالله..تهقين يوافق؟
ناريمان:انا واقف علي..تلقينه وقع وهو مايدري وش السآلفه
وريف:الله يهديه..
ناريمان:طيب بترجعين لـ شغلك
قالت وريف بـ شعور حلوو:ماأظن..لاني مع سعود ماأظن بحتآج لـ الوظيفه
ناريمان:هههههه..الله يوفقك يارب..
\
/
\
/
يوم قـآم عنهم بعد ماقآل خبر سفره اللي الكل يجهل سببه..بدت ام زياد تذرف الدموع من جديد وهذي عادتهاا كل ماقآل زياد انه بيسافرر
سحر:ياربيـه يايمه!..لازم الدمووع يعني؟؟
ام زياد:مو بيدي.."تمسح دموعها"..خلاآص ماراح اصيح مره ثاانيه..
مشاعل حالهاا كان من نووع ثاني..هم بيفقدوونه يوم..يومين..شهـر..بس اناا خلاااص لـ الابد..واللي قهرهاا انها يوم رمت حب فرآآس وراهاا وحبت زوجهاا اللي من جقها تحبه..صآر ابعد لهاا من فرآآس..

رن جوال
المتصل>>اشواق
مشاعل طلعت:هلاآآ
أشواق:هلايالقاطعه هههههه
مشاعل:والله مدري من القااطع..انا ولاانتي..
اشواق:وش اسوي من قالوا لي اني انخطبت وانا مااغير دوران في ذا الاسوااق..المهم ميشوو وش رايك نروح نشتري لناا فسااتين عشان زواج فراس
مشاعل:فراس؟؟..متي
اشواق:للاحووول نسيتي يعد؟؟..خخخ..المشكله انا بعد اخت المعرس والى الان ماعندي فستاان..
مشاعل:اوكي..بكره ان شالله اليوم مقدر
اشواق:خلاااص..يللا..قووووود بااي اشوفك بكره ولا في الجامعه كاني داوومت
مشاعل:هههههههههههه..الله يكون بـ عونك..
\
/
\
/

طالعت في التذآكر بـ فرح لانها بترجع الرياض..حطتها على الطاوله وشافت 2 مسكول من عبدالملك ورسآله..ورسآله من سعود

عبدالملك
"اهلين ريما..حبيت اقولك اني دقيت عليك ولاحصلتك..بس اذا يهمك انا خلصت علاآج وان شالله را اثبت لك اني صدق تغيرت.."

ماتدري ليه فررحت من كل قلبها لانهخلص علآج..رسلت له مسج..
"الف مبروك لك..والله يحللك ويبيحك..وترآني راجعه الرياض ان شالله بعد بكره"

يوم كتبت هـ اللرسآله..فتحت رسآلة سعود

"هلا!..اذا فاضيه اتصلي علي"
حست بـ شعور "شين"..لانه أرسل لها هـ المسج..شعور مو حلوو ان البنت تفتح جوالها وتلقى مسجين وكلهم من رجال مايقربون لها بـ ولا "نص صلة قرآبه"
اتصلت عليه تبي تعرف وش يبي

سعود:آلوو؟
ريما:هلا سعود
سعود:هلا ريما شلونك؟
ريما:الحمدالله...بغيت شي؟
سعود:ريما!..يمكن بتستغربين روحتي لـ الريآض فجأه..بس هذا كله عشآنك..ان شالله تقدرين تتوصلين لـ حل في مشكلتك..وترآ عبدالملك فعلا رجآل وينشرا
ريما:داق علي عشآن كذا؟
سعود فاهم وش يدور في بآلها:يمكن تعتبرينه سبب سخيف..بس ماودي اتركك من غير نصيحه..
ريما سكتت شوي..متردده في قرآرهاا:انا مواقفه..بس ماراح اواقف بسررعه..ابخليه بتعذب شوي..
سعود رد فآجأهاا:بـ رآآحتك..بس ترى من تغلى تخلى.."قالها بـ مرح"
\
/
\
/
بطله من احد بطلآت كبرتي..الى الان مافي جديد معهاا..تركي اللي رآح ولا ترك لها شي تستدل فيه عن مكـآنه

طق..طـق!!
رغد:ادخل
دخل ناصر وسكر البآب ورااه..:كيفك؟
رغد:الحمدالله
جلس ناصر ع السرير:اممم..رغوده!
رغد خاافت..كل شي من نااصر صار يخوفهاا:نـ..نعم؟..في شي
ناصر:وش فيك ارتعتي..انا جاي بكلمك بـ موضوع وبطلع
رغد:ايش؟
ناصر:في واحد جااي من فتره خاطبك مني..بس بـ صرآآحه انا متردد..يعني ماأظن انه يناسب لناا..بس ماحبيت ارده وانتي ماعندك خبر..
رغد:منهوو؟؟..نعرفه؟
ناصر:لا..مومرره..الوالد الله يرحمه كان يعرف ابووه..هو يدرس برآآ وجاي خاطبك ويبيك تروحين معااه بريطانيآ
رغد:.....................
ناصر:وش قلتي؟؟..شوفي مابي رد الحين بس..اذا تبين رايي..لأ
رغد:اممممم..بفكر!
ناصر:رغد!..انا من رآآيي بيجيك اللي احسن منه
رغد:ناصر هذا قرار راجع لي..وانا ان شالله بستخير ربي..واللي فيه الخير بيقدمه ربي
ناصر قآم:برآآحتك..ماأبي اغصبك علي شي..بس فكري زين
رغد تبتسم:ان شالله..

همسـه فولتريه:{..الحب هو نسيج الطبيعه الذي زركشه الخيـال..!

طلع نآآصر وهي حايره توافق وتبيع حب"خآسر" مع تركي؟؟..وأمل "كاذب"..ولا ترفض..
اذا تبي تقهره وتبين له انه ماقدر ينزل من كرآآمتها و توافق..بس ان دراا هـ المتقدم لهاا انهاا...

مسكت رآسهاا بين يديهاا التكفير صاير يتعبها كثير..انسحدت ع السرير..وهي تحاول تاخذ اجازه من التفكير..

نذكرت انها ماخذت حبوب اليوم..فتحت درج الكمدينه وطلعت منديل فتحت بس ماافي شي..اظطرت تروح لـ غرفة ملاك عشاان تجيب لها كم حبه..

طلعت من غرفتها بـ خوف وهي تمشي بـ أطراف اصابعهاا..دخلت الغرفه ولقت العلبه اللي فيها الحبوب..اخذتهاا ودخلتهاا في جيب الجينز الي كانت لابسته..وهي طالعه تفآجأت

{ ادع علي بـ الموت ولاسمني..بس لاتفارقني دخيل الله وتغيب!!

-رغد؟؟..شتسوين هناا؟؟
ارتبكت رغد..:أ..أمممم..كنت جايه ادورك..ابي اسولف معك..
ملاك:خخخ..انا في الصآله
رغد:مـ..مدري توقعتك في الغرفه..
ملاك:عزام يبيك تشرحين له مسألة رياضيات انا مقدر لان عندي اختبار احياء
رغد:اوكي!..
دخلت غرفتهاا بعد ماخذت الحبه طلعت عشاان تروح لـ عزام اللي صار لها فتره مقصره معه هو ولمى
رغد ماقدرت تمسك نفسهاا:الحين الحبوب اللي ورتيني اياهاا..كيف الوحده ممكن تاخذهاا؟..
ملاك:انا كنت آخذها من قبل..يعني من بعد زوااجي علطوول لان امي تقول مفعولهاا مايبدى اذا الوحده اخذتها بعد ذاك الشي..هههههه
رغد اكتسب وجهها الالووان كلها..يعني الحين الحبوب مالهاا مفعول علي..يآآويلييييييي
ملاك:وش سر اهتمامك فيهاا..مو اول مره تسأليني
رغد ارتبكت:..أ..انا كنت افكر..احسها مضره بالصحه
\
/
\
/
فتحت عيـونهاا والمكآن ظلام..ماتدري متى غفت وكم صآر لهاا..قامت بس رجولها موب رآضيه تشيلهاا..ضغطت على نفسهاا قـآمت..الشآرع هاادي..بدت تمشي من غير هدف بس صآرت تمشي..

وقفت عند محطـه عرفت ان هـ المكـآن اللي حطها عمهاا فيه..عرفته لان البقآله اللي كانوا فيها البنقآليين كانت قريبـه..جلست وكأنهاا تنتظر الفرج هنا...يمكن عمها يحن عليها ويرجعها
بس مافي امل
\
/
\
/
من بكـره
نزل الدرج وهو يدندن بـ أغنيه من اغاني راشد الماجد اللي يحب اغانيه..كان لابس ثوب ابيض وشماغ احمر..وتوه معدل السكسوكه..جزمه سودا وريحة عطره يشمها المزكوم من على بعد ميل..^_^"

همسه بلزاكيه:{{الحب شعر الحـواس

ام سعود وقفت وهي لابسه عبايتها:ماشالله ماشالله وش هـ الزين..وش هـ الحلاوه..والله وطلعت تشبه لي
سعود:ههههههههههههه..دامني اشبه لك فـ انا زين
ام سعود:هههه.لا انت احلى..يللاا مشينا قبل لاتطير البنت ثمن ابتلش فيك اجلس اطرك 30 سنه ثانيه تعرس
سعود:هههههههههههههههههههههههه..يمه احبك!!

"عند وريف"
-وريف ياغبيـه وينك..هم في الطريق وانتي توك
التفت وريف لـ اختها بـ خوف:وافق ابوي؟؟
ناريمان:توني قايلة له ..لاتستعجلين ع الرد بيجيك..المهم أخلصي علي.."طالعت نظراته لـ نفسها".. لبسك حلوو امشي بس تجهز الشاهي لاتنسين ان مافي شغالات
وريف:طيب طيب..نظره اخيره بس..
طالعت شكلها في المرآيه..كانت لابسه تنوره بيضـآ ستيرت..وبلوزه حمرآ ومربوط شريطه ساتان ع الخصر..ومخصره مبينه جسمها حلوو..وصندل ربط..اما شعرهاا مخليته على طبيعته وماسكه نصه بـ كلبسه..

يوم القت النظره الاخير بـ قلق ورضا مع بعض..راحت المطبخ عشان نتساعد اختهاا..

"سـ ع ـود"

ام سعود تناظر البيت:هذا بيتهم؟
سعود:على الوصف..ايه هذا!!
ام سعود:اجل مشيناا.."ونزلت"..انزززل
ضحك سعود وهو يهز رآآسه..داايم مستعجله..
ودخلــوا!!
\
/
\

يوم خلصت من تجهيز شنطته..خلتها ع السرير وجلست وهي تصارع دموعها لاتنزل..

- خلصتي ترتيب؟
مشاعل:ايه..
زياد طالعهاا بـ برود:وش فيك بعد؟
عصبت منه..يقههههر:ابد سلآمتك!
اخذ لابتوبه اللي كان ع الطاوله وحطه في الشنطه مع التذاكر وبعض الاغراض المهمه
مشاعل:طيب ماودك تعلمني متى بترجع؟؟.."طالعها مره ثانيه"..ع الاقل اعرف متى بتطلقني
زياد بيقهرها:متى ماصفى كيفي!!
مشاعل وقفت وقالت:اوكي..ان صفا كيفك تعآل..انتظرررك بس اناا..
وجت بتطلع بس قآل:روحي بيت اهلك..من الحين احسن لك..نصيحه يعني مو اكثر
مشاعل وهي مو فاهمه سبب تغيره المفآجأ..طلعت ولاردت ماتبي تبين انهاا ميته عليه
\
/
\
/
طلعت من غرفتها وهي معزمه على رايها..مافي شي بيخليها تترآجع..دخلت المجلس اللي دايم يجلس فيه ناصر
رغد :ناصر؟
رفع ناصر اللي كان يقرآ الجريده راسه لهاا:هلا
رغد:تتذكر يوم تقول ان في واحد.....متقدم لي؟
ناصر:ايوه؟
رغد:أ..انا موافقه!
ناصر:امدآآك
انحرجت منه..وش بيقول عنها الحين..
ناصر:رغد!..متأكده؟
رغد:متأكده يانااصر..وعجلوا بالملكه
ناصر:طيب ليش؟؟..ليش مستعجله؟؟
رغد:لـ شي في نفسي..الله يخليك يانااصر لاتسألني بس ابيك تعجل وبس..
تحس انها مستحيه من نفسها بس لازم..لازم
ناصر:طيب تعآلي اكلمك
رغد:نعم.."قربت وجلست عنده"
ناصر:انا قبل فتره طويله..كنت رآيح لـ محامي وقال ان الوالد الله يرحمه تآرك لنا ارض..ويقول المحامي انها بتدخل عليناا ذهب..وانا هناا لازم اعطيك نصيبك
رغد:لالالا..خله خله عندك..مابيه الحين
ناصر:ليش؟؟.."مستغرب منهاا"..فيك شي رغد
رغد:هاه!..وش فيني مثلاً..خلها عندك نااصر أأمن لها
وقامت طلعت عنه..تحس ان كل دقيقه تجلسهاا معه بيدري..
\
/
\
/
جلست ناريمان وقآلت بـ كل آدب:والله يآخاله لازم ناخذ رآي وريف اول..ورآي ابوي بعد
ام سعود:ايه مايخالف وانا امتس..خذوا رآحتكم..
ناريمان:وريف..وديتي الشاهي لـ سعود؟؟
جت وريف اللي كانت في المطبخ مستغربه من طلب اختهاا بس قآلت:لا لسـى..هذااني بوديه..
طالعت ام سعود بـ وريف بـ أعجآآب..والله وعندك ذوق ياسعود..صحيح مافي جمال زايد بس نعوومه وبياض بشرتها وقصرهاا وهدوء ملامحهاا..معطيهاا جمال حلوو لايق عليهاا..

"عند سعود"
جالس ع الكنبه ومتوتر..يهز رجله بـ كل توتر..سمع صوت البآب وهو يندق دخلت وريف وهي متغطيه ومعها ام سعود:السـلآم عليكم
سعود وقف يوم شآف وريف وابتسم:وعليكم السـلآم.."وفي نفسه يقول ليتها الشوفه ونخلص"
حطت وريف الطوفريه وطلعت علطووووول..ضحكت ام سعود على شكل وريف المستحيه..وسعود المحبط لانها طلعت ولا سآلته حتى عن حاله..ولا تركت مجاال يسأل هو بعد..

ام سعود:معليه ابتركك ..تقهو وانا امك
سعود:ان شالله..
وطلعت وتركته لحآله مره ثانيه
\
/
\
/
- اقولك معد لهاا حس..مدري وش صاار عليهاا..صآر لي فتره انتظر منهاا مكالمه أي شي بس ماترد..ارسل لهاا مسجاات بس مافي رد
خالد:والله مدري شقولك يامااجد..بس يمكن لاهيه..يمكن ........."وسكت لان مافي شي يقدر يقوله"..
طلع ماجد وأتجهه لـ بيت عم داانه عله يلقآهاا

"عند دانه"
وهي جالسه ع التراب لانها حلآآآص غسلت يدها من ان احد ممكن يفكر فيهاا صآر لها يوك تقريبا ولا في شي جديد..مجرد سيارات تمر وتخااف توقف احد ويصير من عيآل الحراام ويعيشها عيشه العن من عيشتها في بيت عمهاا..بس لفت نظرها سياره وقفت عند احد المحلات الموجوده ونزل صآآحبهاا اللي عرررررفته علطوول..فررحت من كل قلبها يوم شآفته..اخيرا جاا الفرج..
الحمدالله ياربي...الحمدالله!!!

"نرجع لـ ماجد"
يوم فتح له فاادي:لاحوول!..وش تبي بعد؟؟
ماجد عارف ان الكلام مع فاادي لايودي ولايجيب:وين ابوك
فادي:وش عندك مع ابوي؟
ماجد:ابيه بـ كلمة رآآس..رح نااده
طالعه فادي بـ نظراات وراح جواا ثواني وجاا ابو فادي
- نعـم؟؟..بغيت شي؟؟
ماجد:السـلآم عليكم اول
ابو فادي:عليكم السلام.....نعم؟
ماجد:انا جآآي أسأل عن دانـه!..أ..امها تبي تشوفهاا
ام فادي:قل لـ امهاا لامنها جابت الفلووس بتشوف بنتهاا
فادي:ههه..دانه رمينااهاا خلاآص...بحححح
ماجد طارت عيونه:رميتوهاا؟
ابو فادي:هـ البنت هي جنت على نفسهاا..لوها معطيتني الفلووس كان هي معززه مكرمه في بيت عمهاا..بس اللي مثلها يستآهلون الشآرع..قل لـ امهاا ان دانه مآآتت
ماجد يكذب اللي يسمعه:انت وش قااعد تقول؟؟؟..
ابوفادي وهو يسكر البآب:يللآ..في أمان الله..
وسكره
ماجد يحـآول يستوعب..دانه؟؟..وين وداهاا..وين رماها النذذل..رجع يضرب بـ البآب لكن من غير فايده..جلس يضرب ويضرب..لكـن من غير فايده..
\
/
\
/
طلع سعود من بيت وريف وهو مبسووط..لان وريف مبدئيااً موافقه
سعود وهو يسوق:هاه يالغاليه!..شرآيك بـ مرتي
ام سعود تضرب على صدرها:وهـ..يازين ذا الكلمه منك..مرتي..حارمني منهاا طول هـ السنين
سعود:ههههههه..بسمعك ايااهاا طول الايآآم
ام سعود:والله زينه ماشالله..وشكلهاا اخلآق
سعود:تدرين ودي اعجل بـ العرس..احس ان الموافقه يتصدر قريب
ام سعود:خلاآص وانا امك..ابروح اقول لـ جدتك..وانت رح احجز لك قااعه
سعود:وان ماوافقت..وش اسوي
ام سعود تتبسم:لا بوافق..انت اسمع كلامي
سعود:صآر..

سعود كان وااثق مليوووون بالميه ان وريف بتوافق..بس هل بتوافق؟؟^_*
\
/
\
/
يوم وصلت لـ صآحب السياره شافته وتأكد اكثر انه "فواز"..اتجهت له ..
دانه:فـواز..
التفت لهاا وطالعهاا..أبتسم يوم شافهاا..اتجهت له كان واقف مع هندي والظااهر يسأل عنهاا..
فواز:وينك صآر لي مده وانا ادورك
دانه تجمعت دموع الفرح مع الحزن:ابـوك!..هو حطني هنا
تنهد فواز وهو موب رآضي عن حركآت ابوه:اوكي..امشي انتي الحين معي..كلمي امك وروحي لهاا..
دانه فررحت من قلب..وحمدت ربهاا انه رزقها بـ ولد عم طيب مثل فواز..
ركبت معه وعطاها جواله واتصلت على امهاا..

دانه:آلوو
ام فهد:هلا والله..من معي؟
نزلت دمعة دانه:هلا خآلتي..انا دانه
ام فهد:دانه!..يآهلآ والله ومرحبا..شلونك يالغلا بشرينا عنك..وش صاير معك معد لك حسس
دانه تمسح دموعها:لا الحمدالله انا بـ خير..تكفين ياخآله ابي اكلم امي..وينهاا
ام فهد:ان شالله..هذي هي..

ثـوآني وجااها صوت امهاا..:آلوو..دانه يمه ؟؟..وينك؟..بشريني عنك
دانه:يمـه..يمـه..ابي ارجع لك..يمه اشتقت لك والله.."وبدت تصيح بـ صوت"
ام دانه:وش سوا بك عمك اللي مايخاف ربه
دانه احترمت وجود فواز:مافي شي.."مسحت دموعها"..بس ابي اجيكم..

فواز:دانه!
دانه:نعم!
فواز:خليهم يوصفون البيت..عشـآن اوديك لهم
طالعت دانه فيه لـ ثواني..صحيح ماكانت تشوف الا ظهره لانها وراا..بس متعجبه من هـ القلب اللي شذ عن ابو وامه واخوانه..
ام دانه:دانـه..وين رحتي
دانه:يمه..ابي احد يوصف البيت عشاان ابجي
ام دانه:صدق ياداانه؟؟..بتجين؟
دانه:ايه.."قالتها بـ فرررح"
ام دانه:ان شالله بنادي ماجد..
\
/
\
/
الحين هي جـآلسه في الريااض ولا في شي قدامهاا تسويه.. "تنهدت"..بديت احس ان مشااعري اتجااهه تقل..يعني حبي له قلّ..هـه!..على مين اكذب..هو كل مايصدني اكثر.انا احبه اكثر..
طوول عمرك يامشـآعل راعية كرامه لاتظنين انك بتنسين جرحه لك بـ سهووله.وطو ل عمرك فاشله في الحب

×..الفصل العشرين والأخير..×
>..:..الجزء الاول..:..<

همسه حكيمه:{{ الحب من طرف واحد مثل عمليه خطره بلا تخدير ،، الموت فيها وارد

أبطـآل من كبرتي..تنـآسيناهم لان في منهم اهم منهم..والحين لما هدت امواج المهمين..نجي لهم

//

كانت تمشي في السـوق وهي طفشـآنه من اختهاا اللي من محل لـ محل ولاهي مفكره او حاطه في رآسها ان ملكتها قريب..
روان:اشواااااااق..ترا والله طفشت...خـ..."خلاآها تسكت صوت جوالها"
المتصل>>غاده

روا:آلوو
غاده:هلاآآآآآآ والله وغلآآآ
روان:هلابك غاده
غاده:كيفك؟
روان:تمام التمام...انتي؟
غاده:ازززقح.."سمعت صوت الصجه"..عندك صجه وينك فيه؟
روان:في السوق مع اشواق..تخبرين ملكتها قربت ولا عجبها شي حضرتهاا
غاده:هههههههه..تحفه هـ البنت سلمي عليهاا
روان:ههههه موب رايقة لك هي الحين..بس ان شالله يوصل
غاده:عقبـآلك يالغلا
روان...يكفي انك علقتيني بـ خالد..والحين نسيتي وعدك لي:خخخ آآمين
غاده:اوكي اجل اخليك..ان رجعتي دقي علي
روان:ان شالله..
غاده:بـآي..بـآي!!

سكرت روان من غاده ودخلت محل كانت اشواق فيه..كله فسآتين سهره..لفت نظرهاا فسـتآن ليموني حلوو ونااعم جلست تطالع فيه وهي تفكر ليش غاده معد صارت تجيب طاري خالد..تخليت شكلهاا بدال اشواق..
تركت الفسـتآن بـ ملل..يمكن يوم شآفها هوّن..امممممم..ماأظن يمكن مشغوول..انا اللعب على مين..خلاآص ياروان انسي صدق انك مطيوره ومخفه..

- وش فيك انتي..صار لي سنه اقولك يللآ
التفت روان:ماسعمتك..يللآ مشيناا
\
/
\
/
يوم قآمت من النوم..ابتسمت بـ رآآحه من زماان مانامت بـ رآآحه كذا..سكرت عيونهاا بـ شكل يدل على انهاا تحلم..والله ماجد طلع رجـآل وينشد به الظهر..هي كيف بس اخذت عنه هـ فكره..كيف قارنته بـ فادي النذل..بس خسآرة الجوال لأن فيه الصور بس احسن شي سوآه ماجد انه طلب الخلع اللي يمكن يتم بـ سهوله ان عرفوا ان فادي مدمن..بس فواز هو المسكين..اممممم..هو كبير ويعتمد عليه يعني وصل الـ 30..واللي عيشه طوول هـ العمر في بيت اهله بيعيشه البااقي من عمره

وخرت اللحآف ونزلت من السرير دخلت الحمام توضت وصلت الظهر وركعتين شكر لـ الله..طلبته ان خلعها لـ فادي يصير بـ سهوله ومن غير مشااكل..لان يكفي المشـآكل اللي صآرت..

اتجهت لـ دولابهاا ولبست تنوره طويله وبلوزه ونزلت تحت..كان في الصاله امها وام فهد ومشـآعل..
دانه:السـلآم عليكم!
الكل:وعليكم السـلآم
ام حمد:عساتس نمتي زين يادانه
جلست دانه جنب امها:ايه والله يمه..نمت زين..
مشاعل:الحمدالله على سلآمتك دندن
دانه:الله يسلمك ياميشوووو..والله اشتقتت لك مووت
مشاعل:وانا اكثر وربي..

- احم!..ياولد

تغطـوا دانه وام حمد..ودخل بندر ومااجد..بندر سلم وطلب من مشاعل ترقى له فووق لانه حيل مشـتآق لهاا..
ماجد:عندي لكم خبر..حلووووووو
ام فهد:بشر
ماجد:مسكـوا فاادي..وعرفوا انه مدمن.."وقال يكلم دانه"..وان شالله طلاقك منه بيكون بـ أسهل مماتتصورين
فرررحت داانه كثير لانهاا بتتطلق من فاادي..نزلت دموع الفرح وضمتهاا امهاا بـ بقووه:مبروك ياداانه
ام فهد:هههههه..مبروك؟
ام حمد:ماتدرين قد ايش انا مبسووطه ان دانه بتترك هـ المدمن
دانه ماتدري ليش صااحت بس الطلاق مو شي سهل ع البنت..حسبي الله عليك ياعمي..

ماجد:دانه!
طالعته:سم
ماجد:سم الله عدوك..تقدرين ترفعين قضيه على فاادي الحين..
دانه بـ برآءه:قضيه؟...
ماجد:ايه.."ويأشر على نفسه"..وانا معك
ام حمد:وش لك بالمشـآكل يابنتي..خليه ياخذ جزااه..ربك بيجازيه
دانه:لا!..ابرفع عليه قضيه..لاتنسين ان عمي ضربني..وان فاادي حاول يخليني آآخذ من السم حقه!..مارآآح اسكت عن حقي يمه..انا شفت الويل منهم
ام فهد:هي صآآدقه لاتسكتين عن حقك
ام حمد:بـ رآآحتك..واحناا معك ان شالله!!
\
/
\
/
دخلت غرفتهاا وهي تسـأل نفسها عن سبب خوفهاا ورجفتهاا..خلاآآص يارغد كلهاا 24 سااعه وتصيرين حرم احمد الـ".."..هـ اللي ماتعرفين عنه شي ابد..آآآآه وينك ياتركي..تعآل شف وش صاار لي من بعدك..احبك وربي احبــك!!

"في مكـآن بعيـد..بعيـد عن رغد..كان توه طالع من المستشفى"

فتح عينه..الحين هو خلآآآص لازم يحدد هو وش يبي..
ضرب الدركسـون بـ كل قووه امتلكهاا..

آلله اكبر آلله أكبر..
أشهـد ان لاآله الا الله..أشهد ان لااله الا الله
أشهد ان محمد رسـول الله..

تنهد وهو يسمع صوت المؤذن وهو ينـآدي النآس لـ الصلآة..نداء مايذكر انه استجاب له الا من بعد نـآصر..
اتجه لـ المسجد ودخل...وبدوا بـ الصلاة جمااعه..وصلى معااهم وهو يحس نفسه غريب..

//

يوم طلع من البيت شخط بـ سيااارته ولا يدري ويين..مشى مشى فيها لـ"لا" مكان..نزل منهاا وطلق رجووله..وجلش يمشي بعيـد عن ازعآآج..ردة فعلهاا صدمته..بس فعلته صدمته اكثر..كأنه يتذكر ويرجع ينصدم مره ثانيه..
مايذكر وش صآآر بعدهاا..بس اللي يذكره انه دخل المستشفى..بعيـد حق هجره..مايدري وش هـ المستشفى ومن نقله له..اول ماصحى طلع وهو على هـ الحال مو رآضي يرجع الريآض..مايبي يشوفهاا..يتنفس هواا هي تتنفسه..هو سلب برآءتهاا..الطهر اللي كانت تتسم فيه رآآح بـ سببه..
اذا انت وصخ ياتركي..ليش لازم الكل يصيرون وصخين مثلك..طول هـ الاسبووع كان يخضع لـ علآج نفسي..

//

خلص صلآة وجلس وسند نفسه ع الجداار..شاف مصحف عنده وقرآآ منه بعض الايآت بس الآيه اللي خلت دموعه تذرف هي:
"قل يآعبآدي الذين اسرفوا على انفسهم..لاتقنطوا من رحمة الله"
رحمة ربي وآآسعه..ان شالله ربي بيسامحني..
بس بيسـآمح نفسه؟؟..ورغد بتمسـآمحه؟

- السـلآم عليكم!!
طالع تركي لـ الشخص اللي جا يسلم عليه..كان المؤذن رجآل كبير بالسن وبادي عليه الوقآر..
تركي:وعليكم السـلآم
الؤذن:اقدر اجلس؟؟
تركي هز رآسه:تفضل
المؤذن:انا اول مره اشوفك هناا..وشكلك مو من اهل هـ المحافظه وانا بوك..اقدر اعرف وش سآلفتك
طالع فيه تركي بـ استغرآب:وش سالفتي؟
المؤذن:شكلك مهموم..فضفض لي ياولدي..اعبرني ابوك
تركي ابتسم بـ سخريه:ابوي.."سكر القرءآن ورجع يطالع المؤذن"..ابوي ماات من زمآآن
المؤذن:ابي اسمع القصه كلهاا اذا ماعندك مآنع
تركي محتاج يفضفض:لك اللي طلبته..

قآله تركي كل القصه..كيف كان مع ابوه ووش صار بعد وفاة امه..وكيف انه اتجه لـ الحرآم عشان يتنقم من ابوه..وأخلآقه صارت "عدم"..وصاير كثير سفر..وحكى له قصته مع رغد..كيف ان ناصر عطاه الثقه وهو ردها له بـ"الخيانه"..

يوم خلص من كلامه..انتظر صفعه تجيه..تصحيه!..انتظر كلام جارح يحسسه بـ كبر اللي سوآآه..بس تفآجأ بـ الرجال يقول

- طيب بعد هذا كله..انت رآضي عن نفسك
ماتوقع هـ السؤال بس قآل بـ سرعه:لا..ابداا موب رآآضي
المؤذن:انت لقيت الدفاا عند هـ العائله..ليش ماجيت البيت من بابه ورحت خطبتهاا؟
تركي:كنت غبي!
المؤذن:هذا الشيطان يابوك..وغلطتك لازم تصححها
تركي:شلوون!..ابمووت انا..شلوون اصلحهاا انت بس قل لي
المؤذن:رح اخطبهاا..أكيد هي تنتظرك..بنت شريفه مثل هذي ماتتفوت..لاتظن انهاا استحابت لك انه بـ رضآآهاا..لا!..هي ضعيفه ويمكن كانت ضعيه قدامك..او خايفه منك
تركي:خآيفه مني؟؟..بس انا ماأبي اضرهاا..
المؤذن:بس انت ضريتهاا..وسلبت شرفهاا
تركي:.......................
المؤذن:انت الحين رح اخطبهاا..أطلبها من اخوهاا..وبين انك قد هـ الثقه واللي صآر نزوه ولاراح تتكرر..
\
/
\
/
يوم طلعت مشاعل من غرفة ابوهاا..شافت مسكول من سحر
واتصلت عليهاا
مشاعل:هلا سحر!..
سحر:هللللووو..كيفك ميشوووو
مشاعل:الحمدالله..انتي كيفك وكيف شادن وصالح
سحر:بخير الله يسلمك..كيف امك؟
مشاعل:بخير..ميشوو وش مسويه
سحر:ههههه..حسيت اننا عجز..شلون فلان وشلون علاّن..
مشاعل:ههههههههههه..شفتي كيف..المهم اخبآرهاا..
سحر:لاالحمدالله..مبسووووووطه مع عيالي
مشاعل:الحمدالله
سحر:اقوول دريتي
مشاعل:ههه..والله انتي العجوزه
سحر:اففف..اسكتي بقولك..
مشاعل:ايش؟؟
سحر:عمي ابو اروى..طلق زوجته..وموب رآضي يخلي اروى تشوف امهاا
مشاعل:افاا..ليش؟
سحر:مدري..هم من الاول موذاك الزوود
مشاعل:حرآآم بعد هـ العشره
سحر:بيني وبينك..يستآهلون..اقصد عمي واروى
مشاعل:الله لايبلاناا بس

أسبــوع مر من حيآة ابطآلناا..


يوم رجع الريآآض ارتآح لان اول مهمه له انتهت وهي انه يقول لـ نآصر عن رجعته..

تركي:آلوو..هلا نصوووور
ناصر:هلاوالله وغلا..وينك ياشيخ صارلي سنه اتصل عليك ولا لقيتك..خوفتني
ابتسم تركي بـ ألم..كان بيضيع هـ الحب والاهتمام اللي كان يدوره من غير لايدري..صدق انه غبي:ابد يالغآلي..بس انشغلت وشلكي سحبت على جوآآلي
ناصر:وين انشغلت
تركي:رحت لـ جده..ونسيت جواالي..
ناصر:حتى اخوانك مايدرون عنك
تركي:أخوآني..امممم..."يدور كذبه"..مايدرون اني مسآفر
ناصر:لاعاد تتعودها ولا تراا بالعقآل
تركي:ههههههههههه..ان شالله عمي..اوآآمر ثآنيه؟
ناصر يتدلع خخ:ايه
تركي:آآمرني
ناصر:أنا زعلآن..
تركي:ههههههههههههههههه..فديتك اناا!!..وش يرآآضيك بس انت تتدلل ياروح تركي
نآصر:خخخ الله يقرفك بس..رح لـ مرتك وقل لها ذا الحكي

أبتسم وهو يتذكر هـ اللحظآت من احلى لحظات حيآته..صدق ناصر طيب وهو أستغل هـ الطيبه..
رفع جوآله وفي فكره في رآسه

"رغ ـد"
قلبهاا يضرب طبوول لان ملكتها اليوم..من يصدق ان رغد بتتزوج زواج تسكيته
هي ماتدري هي وش جآلسه تسوي..لالاأكيـد انهبلت..

رن جوآلهاا..عرفت الرقم..عرفت المتصل..هذا تركي
رصت السماعه الخضرا بس ماتكلمت
قآل تركي بـ حب وشوق صادق:رغد؟
رغد نزلت دمعتهاا بس بـ صمت..:..............
تركي:رغد حبيبتي..الله يخليك ردي علي
رغد:لاتقول حبيبتي...ترآآني مو لعبه بـ يدك..
تركي:رغد..ابي... ابيك تسآمحيني..
رغد وضح من صوتها انهاا تصيح:مارآح اسـآمحك..لـ آخر يوم في عمري..انت نذذل..حقير
تركي:انا ماراح الومك على كل كلمه تقولينهاا..انا صدق نذل وحقير واكثر من اللي قلتي..
رغد:..........
تركي:رغد..
رغد:.......
تركي:رغد ..رغد ردي علي
رغد: متعمده ماترد عليه:.........
تركي:رغد والله امـوت فيك..الله يخليك افهميني
رغد بدت تصيح اكثر:انت تكذب علي..تدري اني ضعيفه.."وقآلت بـ نبره اقوى بس لازالت ضعيفه"...بس ترآآني مو ضعيفه ياتركي..انا مو ضعيفه!!!
تركي:طيب رغد انا بجي اخطبك من نآآصر..وابي اصحح غلطتي...وش قلتي
رغد:انا انخطبت خلاآص..واليوم ملكتي
تركي انصدم..كأن احد كب عليه مويه بآرده..:انخطبتي؟؟
رغد:اللي سمعته.."قآلتهاا وكأن هي بعد ماودهاا"
تركي من غير لايحس بـ نفسه:طيب وأناا؟؟
رغد:انت؟...مثل ماقلت لك..مجرد ذكرى
تركي بـ كل ثقه..ثقه تعودتها منه:تدرين؟..كلامك عكس اللي جواااك..انتي لي يارغد لي انا وبس..
رغد بـ خوف:وش بتسوي؟؟..
تركي:ههه..انا مارآح اسوي شي..يكفي ضريتك..بس انتي اللي بتسوين..قلبك بيحكمك يالغلا..انا متأكد انك مستحيل تبيعين حبنـآ بـ سهووله..مع السـلآمه

وسكـر وتركها في حيره..من كلامه اللي يمكن فهمته بس تكذبه..لأنهاا عارفه ان ماودها بهـ الزواج ابد..بس وش بتسوي؟
\
/
\
/
وهي جآلسه ع السرير تفكر..قامت وطالعت نفسها بـ مرآية التسريحه تتأمل في وجهها الطفولي الهادي الملامح..دخل اختها وهي معها ورقه
- وريــــف!!!!!..وين بشـآرتي؟
طالعت وريف اختها :وش السآلفه؟
ناريمان:ان شالله ملكتي وملكتك في نفس الوقت.."وقآلت بـ شوية حزن"..الظااهر يبي لك تقدمين ملكتك..لان راعي البيت يبي الاجاار ولا بننطرد
وريف:وصلت موافقتي؟؟؟؟؟؟؟؟
ناريمان:يسسس!!!
وريف:آآآآآآآآآلله..موافق طيب؟
طالعتها ناريماان..وحممر وجهه وريف:وشوو؟؟..امزح..هههههههه
نارريمان:ههههههه..ايه وافق..وطبعا بـ حكم اني ولية امرك حالياا..اتصلت بـ ام سعود قبل شوي وحددنا الملكه ان شالله بكره
وريف:بكره؟؟..ليش؟؟
ناريمان:ادري تسرعناا..بس البيت مانقدر على اجاره.."وغمزت"..وكل وحده لازم تروح بيت زوجهاا
وريف:امممممم..اوكي!
ناريمان:يعني رآضيه
وريف:أكيـد..
ناريمان:اوكي امشي السوق يناديناا
تأففت:أففف..طفشت من الاسوآق
ناريمان:ههههههههه احمدي ربك بس..ملكتك بكره وانتي مابعدك خلاقين
وريف:الا عندي والله..
ناريمان:ادري انوو عندك..احنا من كم يوم رحنا السوق..بس ماعندك شي ينفع انك تقابلين اهل سعود فيه
حمر وجهها وهي تتذكر سعود..عريس..ولاآآ.. عليهاا
ناريمان:لتس غووووو!!
\
/
\
/
يوم حلوو على أبطـآل ثانين..بعد مارحعت دانه لـ بيتها لانه صاار أمأأن لهاا بـ حكم ان فادي خلاآص في السجن..وأخوانه مالهم كلمه على دانه
دخلت ام حمد وهي شايله ورقه في يدهاا..:دانـه
رجعت دانه بـ كرسيهاا لانهاا جالسه ع الجهاز وجالسه تنهي بحث:نعم يمـه..
ام حمد:تعـآلي شوي
دانه:ان شالله.."ورآحت لهاا"..سمي!
ام حمد:عندي لك ثلآث اخبآآر..اختااري اللي تبين
دانه:هههههههههه..كللللهم
ام حمد مدت الورقه:أول واحد هذي ورقة طلاقك..
اخذتهاا دانه وهي تطآلع فيها بـ دهشه..كأنه اول مره تطالع ورقه
ام حمد:الطلآق صعب بس ربي عوضك
دانه:عوضني؟
ام حمد هزت رآسهاا:ماجد!!
دانه فهمت:...ووش فيه ماجد؟
ام حمد:هههههههه..هذول الحين خبرين..
دانه بـ حيا:والثـآلث؟؟...
ام حمد:عمك يبيك تتنازلين عن القضيه..ومستعد يتركك في حـآلك..تنازلي يمـه..لااحنا ولاهم ناقصين مشاكل
دانه:اتنـازل؟؟..مستحيييييييييييييييل..انا شفت الويـل منه..ماتدرين وش دقت يوم كنت عنده..كاان يعذبني كلل يوم
ام حمد:طيب عشـآن خاطري.."وقامت تحايلها عشان ماتعاند"..قولي له انك مستعده تتنازلين بـ شرط يوافق على زواجك من ماجد...هاه وش قلتي
دانه حمممر وجهها..:هاه؟
ام حمد:ههههههه...من قال هاه سمع
ادنه:مـ..مدري اللي تشوفينه..عندي بحث انا الحين..
ام حمد:ههههههههههههههههههه..الله يوفقك
\
/
\
/
- يللآ اجل تركي..اكلمك بعدين لان الملاك جواا..
تركي:فمان الله

سكر ناصر من تركي ونآداا رغد عشان توافق على زوجهاا احمد...لان الملاّك ينتظر جواا
رغد:أ..أروح؟
ناصر:يللآ مشيناا.."وقفها"..رغد..لـ آخر مرره..انتي متأكده؟
رغد بـ تردد..:أمممم...ايه
ناصر:الله يوفقك..قولي لـ الملاّك انك موافقه

يوم دخل نااصر مر في خيـآل رغد تركي..
" رغد والله امـوت فيك....الله يخليك افهميني"...أصدقه؟؟..ولالا..ناصر ماينصحني بهـ العريس..وش اسوي ياربيـه..

- موافقه يابنتي؟؟
أوافق..ولالا؟..ياريب ألهمني..لاحظت نظرات ناصر وهو ينتظرهاا..ماكانت تشوف الملاّك ولا احمد..بس نآآصر لانه قبآل الباب

-لاموب موآفقـه!!!..
وبســـــــــــــــرعه اتجهت لـ غرفتها وسط دهشة الكل..وعصبية احمد ونآآصر..

نآصر كان معصب بس شي جوآآه يقول.احسن انهاا ماوافقت لانه مأرتااح لهـ الاحمد..بس فشيـله
\
/
\
/
- وش فيك يامشاعل..
ردت مشاعل على ابوها:مافيني شي..
بندر يمزح:مافي شي بالطريق؟
مشاعل..الى الان مايدري..ماراح اضيق صدره..يكفي صدري اناا ضآيق وحالات الهستيرياا:هههههه..لا..ولافي اعرآض حتى
\
/
\
/
يوم نزلت من الطيآآره كانت صحتها مو ذااك الزوود..يمكن لانهاا حامل بـ السابع وركبت طياره؟؟..بس الطيااره تتعب اللي في التااسع؟؟..المشكله ان ماطلع لها بطن..

تحس بـ دوار خطر تطيح..الحمدالله انهاا اتصلت بـ السواق يجيهاا

-ريمـآ؟؟..يعني ناويه تخليني في بـآريس؟؟
التفت لـ صاحب الصوت كان عبدالملك..ماتوقعت انه بيلحقهاا..بس في نفس الوقت ماتوقعت انه بيتركهاا..الصدآآع زااد عليهاا وبدت تدووخ
عبدالملك:بسم الله عليك..وش فيك ؟
مسكها وسآعدهاا تتوزان..:امشي نروح المستشفى..
ريما:مآآبي..خلني
عبدالملك:موب وقته العنااد..امشي معي
ريما ماقدرت تقآوم وخلته ينقلها المستشفى
\
/
\
/
"وهو يدخل البيت"- طآآير من الفرحه طآآير..قلبي على نآآر نااطر...
ام سعود:هههههه..شفت ان العرس يفررح وانت حاارم نفسك؟؟
سعود يبوس رآس امه:حجزت في قصر الريآآض
ام سعود كشرت:مثل ولد خالك يوسف؟؟..
سعود:وش اسوي مالقيت في الويك اند الا الريآآض
ام سعود:انا وصيت ام علي تجيب طقاقه..تقول تعرف في ذا الخرابيط
سعود:حلوووو..ولو ان عزام يكفي..بس معليه
ام سعود:ههههههههههههههه..ياحبي له
\
/
\
/
"شخص ثااني طربان"- آآه قليل بشوق تلقاني .. وأنا رحلتي أكبر.. وأنا نارٍ ترباني .. مدام تحملا أسرار
ملاك:عزااموه..لايسمعك نصووري..ترآآه معصصصب من رغد
عزام يرقص:هلاهلاهلا!!..عآآشوواا..
ملاك:عـــزام!!..والله ان يجيك طرااق من نااصر
عزام:تصطفـل رغد وأخوهاا..انا مبسووط الدرااسه مابقى شي وتخلص..هههههه
ملاك:هههههه..ياشين السرج ع البقر..تصطفل اجل هاااه؟؟

"رغ ـد"

قآم عنهاا نااصر وهو زعلاآن عليهاا..من حركتهاا البآيخه..وكيف كان شكله قدام احمد واهله
رغد:والله آآسفه..آآسفه يانااصر
ناصر:وين اصرفهاا فيه ذي؟؟..
رغد:.............
طلـع عنهاا وهو مقهوور منهاا..تكرها شوي وهي لي الحين ماتبي تقول سبب رفضهاا

"مـر أسبوع ثااني..والاختبارات النهائيه خلصت.."

-والله ياتركي انا ماالي كلمه بعد كلمة اختي..وانت رجال وماتنرد..ولوها ذبيحه ماكفتك
ابتسم تركي بـ رآآحه الحين ناصر موافق:طيب ممكن اعرف رآآي رغد؟
ناصر:ان شالله انت بس عطنااا فرصه..وربي يقدم اللي فيه الخير

"رغ ـد"

همسه دينيه:{{ ليس هناك ما يمنعك من أن تعشق ولكن !! لا تجعل من ذلك العشق فسقا تجاهر به


على سجادتهاا تدعي ربهاا انه يفك ازمتهاا..هي الحين تابت بس وندمت بس ياليت الندم ينفع الحين..عشـآن تصلح غلطتهاا

>..:..الجزء الثـآني..:..<

لاتحدد لي مرآحل..‘
{.. لالا
ياتجيني حب!
ياتودعني رآحل..!


حست بـ نفسها وهي في سيارة تاكسي..الظآآهر مابعد وصلنا المستشفى..

يوم وصلوا اول ماوقفت السيـآره..فتحت البـآب ونزلت بسررررعه
- ريماا!!!...وين؟؟

ماردت عليه..ماتبي تدخل المستشفى..تخااف يدري انهاا حامل منه..ماتبيه يرجع لهاا عشاانها حامل وبس..

ركضت وركضت..وصلت لـ مكان كله زرع وحداايق..كان مظلم..جلست على العشب بـ تعب لانهاا ركضت والركض مو زيين لهاا..
بس اللي فآجأهاا ان عبدالملك لحقهاا..قدر بسبب بظئهاا ولانهاا حامل فـ بسهووله وصل لهاا..

جا من ورآآهاا وجلس صدره ملاصق لـ ظهرهاا مد يده ومسك بطنهاا:ليش ماقلتي لي؟؟
تسآرعت انفآسهاا..ولاتكلمت
عبدالملك:ريماا انتي حامل؟؟..ليش ماعلمتيني؟؟
مرت لحظة صمت..هنا ريما بدت تصآآرخ من الالم..عبدالملك ماترك لها الخياار نقلها لـ المستشفى بسرررررعه
\
/
\
/
"من بكره"

يوم طلع الملاّك ..جآ الوقت اللي يشوف فيه زوجته!..
دخلت ام سعود وورآهاا وريف:الف الصلاة والسلآآآم عليك ياحبيب الله محمد..كلللللللللوووووش
سعود:هههههههههه..
دخلت ام فهد:الف مبرووووووووك ياولدي..والله الافرآح صارت تجي من كل جهه انت وماجد وفراس اشواق ومشاعل في سنه وحده
ام سعود:صلي على النبي ياميمتي..
ام فهد:ههه..اللهم صلي على محمد.."مسكت يد وريف وجلستهاا جنب سعود"..ماشالله ياسعود.مرتك مزيوونه
سعود يطالع وريف:أكيـد مو هذي وريف!...
ام سعود:مبرووك يالغاالي..مبروك ياريووف
هنا ضحك سعود من قلب:ههههههههههههههههههه..وريف يمه
ام سعود:يووه نسيت يمه..سامحيني كل يوم انسى
وريف بـ حيا:لا عاادي يمه
ام فهد:مبرروك اقول سعود حط ...مرتك بـ عيونك!!!..ودلعهاا ترانا يالحريم نحب الدلع
مسك سعود يد وريف:ان شالله يمه..ماراح ابخل عليها بـ شي..
ام سعود:يلأا اجل نخليكم..
وطلعــوا
طالع سعود وريف:مبروك ياقلبي
بدا قلبها بدق..قلبي؟..:الله يبآرك فيك...
سعود:والله وتحقق منآياا..خخخخ
وريف ضحكت بـ حيآآ:واناا بعد
سعود جا بيبوسهاا من خدهاا بس قآمت من الحياا صارت الحركه لاأراديااً..ابتسم سعود عكس ماهي متوقعه..ليه لا وسعود هو الانسـآن المتفهم..
مانسى انهاا تخاف من الرجآل..وهو مستعد يصبر عليهاا..
وريف بـ أحراج:آآسفه ...بس
سعود قام لهاا:لاعاادي..انا مقدر شعورك حبيبتي..
طالع لبسهاا اللي كان عباره عن تنوره زرقاا جينز وبلوزه سااده بيضاا..لبس عاادي وسنبل مرره..بس كيووت عليهاا حتى مكيآج ماحطت..
سعود:اوكي جيبي عبآيتك..وناادي امي وامي هياا
وريف:ان شالله
ويوم لفت بانت رسمة ذيل الطااؤوس في ظهرهاا..وطوول شهرهاا البني النآعم..
ناريمان كانت داايم تتهزا بـ شعر وريف وتقول شعر اندنوسيه من نعوومته خخخ

همسه ؛ فرنسيـه:{{الحب صداقه شبت بهـا..//..نيران

\
/
\
/
حالتها النفسيه وكثرة البكي من يوم سآآفر اجربتهاا تاخذ منوم يخليهاا تسلي نفسهاا بـ الاحلاام شوي..

همسه سيمونيه:{{ الحب تجربة حية لا يعانيها إلا من يعيشها

كان يمشي وهي تشمي ورااه بـ خطوات اسررع منه...وكأنها مهتمه به وهو لاهاامه شي فيهاا..تحبـه يانااس تحبه بس هوو..لا

الظلااام كان داامس..
فجـــــاه

قاامت من النووم بـ فززع..كانت ترتحف وخاايفه حيل..الى الان مو مصدقه انهاا بتتركه وانها خلااص بتنفصل عنه صدق...
شربت من المويه اللي جنبهاا:بسم الله ..بسم الله.."وبدت تنزل دموعهاا"..يارب رجعه لي..يارب حنن قلبه علي ووربي محد عاالم بـ حالتي غيرك..يارب رده لي..
\
/
\
/
طالعت شكلهاا بـ المرآيه..كانت لابسه تنوره لـ نص السااق سودا وبلوزه تركواز نص كم..وشعرهاا مجعدته..
تنهدت:وأخيرا ياوريف جعدتي هـ الشعر..والله الحظ صااير يحبني مدري وش عنده..اول شي زواجي من سعود..وانه قدر حااالتي وخلااني في غرفه لحاالي..والحين شعري رضا يتجعد..

رمت ابتساامه لـ نفسها..ومشت لـ الدرج ونزلت..

ام سعود:هلاوالله بـ مرة ولدي
وريف:هلا يمـه..
طالعت وريف بالغدا المحطوط ع السفره :كان خليتني اساعدك
ام سعود:لاانتي عرووس..والمفروض تجهزين لـ عرستس..ولا انا غلطاانه
وريف:عاادي والله...واذا عروس تراني اعرف اطبخ
ام سعود:زين والله..اجل خلاااص نبي نذوق طبختس..بس موب هالحين بعد عرستس
وريف:هههههه..ان شالله
ام سعود:الا سعود وينه
وريف ارتبكت ماتدري..اصلا هي مالها دااعي تنزل من غيره..وماتبي ام سعود تدري انها في غرفه وزوجها في غرفه:اممممم..يتروش..قال لي اسبقيني
ان سعود:طب روحي عسيه وانا امتس
وريف:ان شالله..
ورقت له فووق وفعلا كان يتروش
\
/
\
/
-هلاوالله...زين اللي قمتي انتي من جيتي وانتي ماغير ناايمه..
ابتسمت وهي تنزل اخر درجه:وش اسوي رااسي مصدع..ابروح آآكل لي شي..
اتجهت لـ المطبخ التحضيري..بس يوم مسكت الخبز ماأشتهت شي وجلست تسوي لها قهوه مره اللي معد اشتهتاا من يوم حبته..
ورجعت بترقى مره ثانيه
ام فهد:هاوو!..وش فيتس انتي منتيب صااحيه
مشاعل:يمه ماعليه رااسي يوجعني

همسه شناويه:{{ الحب جحيم يُطاق . . والحياة بدون حب نعيم لا يطُاق


يوم دخلت غرفتهاا فتحت دولابهاا وطالعت في فسـأن اللي جابته لـ زواج فراس اللي كان اسود وعناابي..
لبسها يوم ملكته بعد كان اسوود..لان هذا اللون اللي يستاهله..يللا الله يوقفه مايقى على زواجه الا يومين

رن جواله
المتصل>>سحر
مشاعل:آلووو
سحر:هلا ميشوووو
مشاعل:هلا بك
سحر:ميشوو انتي ليش ماقلتي لي؟
مشاعل:قلت لك ايش؟
سحر:انك انتي وزيااد يتنفصلون؟؟
مشاعل:هو قال لك
سحر:بصرااحه ايه..

//

سحر:هلا زيااااد..وينك يالشين لك وحششششه
زياد:خخخخ..وانتي بعد والله..ومي وشاادن وصالح..
سحر:ههه..وميشوو
زياد:........الا ترااني راجع ان شالله بعد بكره..
سحر بدت تحس يوم ماقال اننه مشتااق لها:الا انت سفرتك مالهاا دااعي
زياد:ابي اغيّر جوو..مافيهاا شي.وعلى فكره تركت العكازاات..
سحر:والله..مبرووووووووووووووووووك..يللا ان شالله نشوفك تطااامر
وياد:هههههههههه..بس لي الحين اعرج
سحر: ايه مايخالف..والله فررحت لك من كل قلبي.."تجس النبض"..وش قالت ميشوو يوم قلت لها؟
زياد:ماقلت لهاا
سحر:يعني مفآجأه
زياد:لا..انا بطلقهاا..
سحر انصدمت:لـــــــــيش؟
زياد:كل واحد منا في طريق..
سحر:بس انتواا كنتوا......انت تحبهاا يازيااد
زياد:مشاعرنا مو مهمه..خلاااص احناا مو لـ بعض..

//

مشاعل:هو قاال لي..بس ظنيته بيترااجع
سحر:اسمعيني..انا عندي فكره..والله لـ أخليكم ترجعون لـ بعض احسسن من اول بـ 60مرره..بس صبر علي
مشاعل:وش فكرتك؟؟
سحر:اوووكي..اسمعي
\
/
\
/
اول ماطلع من الحمام وهو لاف فوطه على خصره شافهاا جالسه ع الكنبه اللي في صالة الجنااح..مسك فوطه الثانيه ونشف شعره وطلع لهاا

-وريف!..وش فيك جالسه هناا؟؟
انحرجت من شكله:ا..امي تقول انزلوا ولا ابي انزل من غيرك
ابتسم سعود وتقدم لهاا وجلس ع الطاوله اللي قدامهاا..وهـ الشي خلا وجهها احممر وواضح حمااره..:خآيفه مني؟؟
وريف:.......لا..ليش اخاف؟
سعود:طيب ارفعي عينك لي وشوفيني
وريف:...............
سعود:ارفعيهاا ياقلبي..انا زوجك ولافي شي يخووف
وريف.ماتقدر..:................
سعود مسك يدهاا وقربها له..:سعـود..لا
سعود بـ همس:وش بسوي يعني..لاتخافين ماراح اضرك ابد...
حط يدهاا على كفته:طالعيني
رفعت عينهاا وطالعته..قال:شفتي..انا ماأخوووف..هههههههه
وريف قاامت:انا بنتظرك برا العرفه
وطلعت وهي ميته حيـآآ

"بصبر عليك ياوريف..ادري انك تحبيني.."ابتسم"..وانا اموووووت فيك"
\
/
/
\
"بدون لاتحط عينهاا في عين اخوهاا"- موافقه
ناصر:قسم بـ الله يارغد ان فشلتيني زي اول..بتشوفين شي عمرك ماشفتيه
رغد:...........ان شالله..
وطلع عنهاا..
\
/
\
/

اول مانزلت الدرج لقت ابوهاا في الصاله:وين امي؟
بندر:رايحه لـ بيت ام حمد..
مشاعل:هم خطبوو دانه رسمي؟
بندر:اممممم..اليوم ماجد زن فوق راس امي..والحين رااحوا
مشاعل:وانا آآخر من يعلم؟..سعود تزوج ورغد انخطبت..وانا مدري
بندر:انتي ماغير ناايمه..ولا سالفة الخطبه من زماان
مشاعل:ايه صح...لاتلوموني بس والله نفسيتي زززفت..
بندر:افااااا..ليش؟..عشان زياد مساافر
ابتسمت ولا علقت..وجلست معه لان من زماان عنه:الا دانه تطلقت؟
بندر:ايه..
مشاعل:شلون عمها وافق؟
بندر:طلب منها تتنازل عن القضيه!..وهي شرطت عليه تنازل بشرط يوافق على ماجد..
مشاعل:والله وصاااار مجود يحب
بندر:خخخخ..لايهمك مايبي الزواج الحين ذا الى الان العوومه
مشاعل:ههههههههههههه..
\
/
\
/
- احنـا آآسفين بس الجنين عطاك عمره
عبدالملك:اهم شي هي..بـ خير ان شالله
الدكتور:لا الحمدالله عال العااال
عبدالملك:الحمدالله ..اقدر اشوفهاا؟
الدكتور:ايوه تفضل..
دخل عبدالملك على ريمـآ:سلآماات
ريما:.................."تصيح"
عبدالملك:ريماا..يكفي دمووع..الله يخليك
ريما بـ دموعها:عبدالملك!
عبدالملك بـ وله:عيونه وقلبه..آآمريني
ريما:انا مواافقه
ابتسم واتسعت الابتسـآمه :والله؟؟..صدق ياريماا؟
ريما:ايه مواافقه..
\
/
\
/
- ههههههههههه..حبيبي انت.وربي اني ماغلطت يوم اخذت رقمك
هو بـ صوته الساحر:شفتي كيف..وانتي تسوين لي حركآآت تغلي..اقول حبي
اروى:آآمرني
هو:متى اشوفك!..ترا صاار لي اسبوع ماشفتك
اروى:امممممممممم..خلهاا الخميس..عشان يكون مثل العيد لان في مثل يوم الخميس انا تعرفت عليك..وحتى الظروف منااسبه ابوي طلق امي وهو مايدرون عني الحين..
هو:ماأصدق ان صاار لنااا 4 شهور واحنا مع بعض..صدق انهاا احلى شهور مرت علي..
اروى:هههههه..ياحبي لك..تدري بعد انك احلـى شي صآآر بهالدنياا

- مين تكلميــــن ياقليلة التربيه والاصل
التفت لـ ابوهاا اللي كان معصصب وشكله سمعهاا:ابوي!..اقدر اشررح لك..الموضوع مو مثل ماأنت متصوور
استلمهاا ابوهاا ضرب وهذي نهاية كل بنت سلكت هـ الطريق
\
/
\
/
مر هـ اليومين ..ورغد وافقت على تركي وطبعا موافقتها وصلت..
رن جوالهاا
المتصل>>تركي..
حطت الجوال ع السايلنت ولاردت يكفي انه تسررع في الملكه..ولا خلاها تتجهز..هي لازم تسوي حركاات زعل شوي على ابسط الموااضيع عشان لايحس انهاا سهله...
كل ماتذكرت انه قال امووت فيك..تسـآآنس..كل شي صاار حلوو حتى توبه سمر..

سمعت جوالهاا يعلمه انه جايها مسج
"تعرفين وش قد أحبك وإلا باقي تجهلين
وتعرفين وش قد صوتك يترك بحالي شجون
فاعرفي إني وصلت بحبك لحد الجنون
إيه نعم أموت فيك وأعشقك وأحلف يمين
بإنك اللي ساكن مابين روحي والعيون
وش تبين أكثر مادامك كل حاجه تملكين
لعن أبوغيرك ماعاد فيني شي ماحب بجنون
سولفي لي وأضحكي لي قد ماأنتي تقدرين
وأجمعي في داخلي غيمه فرح فيها مزون
تهطل بداخل حشاي من حبك صدق وجنون
وتنبت من أثارها ريضان ورد وزيزفون"

كأنه يدري هي وش تفكر فيه..احبك ياتركي..احبــــك..

يوم زواج فـرآس..

هـ اليوم يعني الكثيـر لـ 3 من شخصيات في كبرتي..اولهم فرآس اللي اخيرا يجتمع مع زوجته..
والثـأنيه الحين تعرفونهاا..

اشواق:روآآآآآآن روحي جيبي لي الحلق..تكفييييييييين..
روان:طيب طيب..بسم الله
طلعت روان وراحت لـ غرفتهاا تجيب حلق اختها المرجوجه..رن جوالهاا
المتصل>>غاده
روان:هلا غااده
غاده:هلاوالله وغلا بـ مرة اخوووووووي في المستقبل
رجف قلب روان..من زماان نغزتها زي كذا:........
غاده:ههههههههههههههههههه..وش فيك خبقتي..مو انتي مرة خااالد؟؟
روان:ماشالله من متي؟
غاده تتنهد:من يوووووم شاافك ...انتي مااخذه قلب وخييي..
روان:ههههههههه.."ضحكة حيا ^^"
غاده:اجل عااجبك الوضع
روان:...........
غاده:يووووه..رواانووه ابي اعرف انتي ودك بـ اخووي ولالا؟
روان:والله...............خالد والنعم فيه

-روآآآآآآآآآآآآآآآآآآآآآآآآآآآآآآآآن!!


روان:اقول بتفرشني اشواق ان مارحت لهاا..يللا باي
غده:اوكي اشوفك اليوم في الزواج..المهم قوولي ثمن شكري في وجهي تبينه ولالا؟
روان:لاحوووول..موآآفقه
طوط.طوط.طوط!!
^^!
\
/
\
/
- لاوالله تعبـآن من الطيااره..
سحر:اوكي..بس اسمع خل مي عندي اليوم لين ماترتااح..
زياد:والله تسوين خير..اجل انا راايح البيت تامريني على شي؟؟
سحر:سلآمتك
وسكر منه..

"عند اروى"
-انـزلي يللا..ولعد ابي اشووووف وجهك مرره ثانيه
اروي خافت:يعني خلااص بدلي اعيش عند امي؟؟..وخوالي؟
ابوها:ايه..يللا انزززززززلي لابارك الله فيك ولافي الساعه اللي عرفت امك فيهاا
نزلت اروى وهي تجر اذياال الخيبه وراهاا..هي الحين خاافه من مواجهة خوالهاا اللي دروا بالسالفه..
\
/
\
/
ماجد وملكته على دانه قريبه..
ريما وافقت على عبدالملك وصارت خطبتهم رسمي..
وسعود عرسه على وريف بعد شهر من ملكتهم
اروى اللي انتهى بها الحال مع خوالهاا ونظراتهم لها الملئيه بـ الاحتقار والكره..
فراس زوااجه اليوم ع البنت اللي حبهاا في ايام مكلته حب طااهر
رغد ملكتهاا بعد أسبوعين..وهي اسعـد انسـآنه وملاك اللي جابت نسبه صحيح مو ذااك الزوود بس الواسطه تمشي اللي مايتمشى^_*
خالد اللي كل ماجا يخطب روان جا شي وخرب عليه..الله يتمم على خير..
مشـــآعل وش نهايتهاا؟

//

رجعت من سفرتي..وتوني رآجع من المطاار..هلكان ومنهد حيل حيلي..ماأشوف بين عيوني الا السرير..
حطيت مفاتيحي بالباب..فتحته ودخلت بيتي..
كان في انســآنه ماكنت ابي اشوفها ابد..من بد الكل..ماأدري ليش..بس مشاعري مو مستقره بجهه ومتذبذبه..حتى سواليفي مع نفسي متعبه..بسكت عشان اوفر طاقه لين اوصل السرير..

دخل زيااد بيته الي كان مظلم ويوحي للي يدخله مافي احد قلبه يدق موجود في هـ البيت..

حتى والبيت يوحي ان مافي احد..كان في وحده فيها عدد من القلوب الي كل قلب بدا يذووب قي حب زيااد..يجي مكانه قلب جديد ويذوب فيه من جديد..
"احبـك يازيااد"
قالتها مشاعل وهي تتنهد وتشوف كم بااقي على رجعة زياد اللي قالت لها عنهاا سحر..
سمعت مشاعل فتحت الباب اللي أعلن وصول زياد البيت..قامت بخطاوت سريعه ورشيقه واتجهت لـ المرآيه اللي كانت جنبهاا..وقفت قدامها وتأملت شكلها الاسطوري..والجذاب

مررت يدها اليسره اللي كانت مقيده بـ ساعه ملياانه المااس..على نحرها الكرستالي..والنقي
واعطت لـ نفسها نظره تفحصيه سريعه ابتداءً بشعرها الكستنائي الذي رفع بـ انااقه الستيناات..مرورا بـ لون بشرتها الي اخذ لون زهرة الفانلياا..وعينها بلون شواطئ المالديف..ورمالها..كحلها اللي انرسم بـ فن وابدااع وشفتيها الصارخه بـ الاحمر القااني..
وكان لـ الفستان نصيب الاسد من جمالها..كان يربط ع الرقبه وبدون كتوف ولا ظهر..لونه عناابي وبـ دانتيل فخم اسود..كان طوويل وماسك على جسمها اللي كان صاخب بـ الانوثه..وضيق عليها لـ حد الركب وبعدين بدا ياخذ راحته بـ التووسع..والامتداد ليهديهاا منظراً اميريا مليئا بـ الغرور..كانت بهالمنظر سهم من سهام الفتنه

كان يمشي بـ بطئ ويجر الشنطه معااه المكان مظلم والصمت شااحب..الصاله مافيها احد الا ضوء القمر اللي كان هـ اليوم مكتمل..
وصوت دقات الساعه اللي يعج بالمكان..كان زياد منكس رااسه ويهوجس..رفع راسه لـ يبحث عن الصوت وخطوات الانثى بحذائها الرنان..رفع راسه لـ يفاجئ بـ شكل مشاعل الوحشي اللي افترسه من اول نظره..
وقفت مشاعل بـ جبروت وكبرياء انثى محطمه ووقف زياد بـ اشتيااق رجل وعيون مترقبه وقف بـ شعور ينااقض شعوره السـآبق تماماً

كان يرقى الدرج هو يرقى درجه وهي تتقدم خطوه
زياد
"كان هـ الليله بهاك ماهوو عادي"

مشـآعل
"مشكلتي اهواه وحبه هو مجنني"

همسه شكسبيريه:{{تكلم هامسا عندما تتكلم عن الحب..!

قرب لهاا لين صار يقدر يحس بـ أنفااسهاا..تأمل وجهها اللي حبه من اول يوم شافهاا فيه..من يوم كانت صغيره وهو يحب هدوءهاا ويوم كبرت الحين..يمووت في تراب رجولهاا...
ابتسم لهاا وخذ يدها ولفه حول رقبته..أبتسم بـ فررح وقـآل:
كبرتي وصرتي بالعشرين...طويله وفاتنه وتغرين..
ضحكة مشاعل بـ حيا وغنج..
وكملـوا ليلتهم بـ صخب..

"الليله في عروسيتن...انا .....وهي"

أخيراً صرتي فـ العشرين
طويله
..وفاتنه
وتغرين
يغار الورد لاشّمك
ويكره نفسه الياسمين
أخيرا صرتي في العشرين
على مهلك
دخيل الليل فـ عيونك
قولي لي قبل لا تمشين
قولي لي سر هذا النضج
وهذا الغنج والضحكه


//

لـ عيون معجبي تركي ورغد..

- رغآآآآآآآآآآد!!!
طلعت رغد من غرفة الملابس وهي لابسه روب ورافعه شعرهاا وحاطه مكياج وشكلها رايحه لـ زواج
رغد:سـم سـم ياعمري..وش بغيت
تركي وهو متورط بـ نواف اللي بلغ من العمر 3 شهور:تكفين خذي ولدك البثر..انا قايل لك لاتجيبين عياال الا بعد سننننه..ولا سنتين
رغد:بسم الله علي..الا بجيب الحين..ويعدين نواافي حبيبي
تركي بـ زعل:ايه من جاا البثر وانتي ماغير محقره فيني
رغد:انت شي ثآآآآني..انا احبــــك قد البحر واكثر
شالت نواف وجلست تلعب وقف تركي وقرب لها:يووه تركي موب وقتك..ترا نواافي معي
تركي:مالي دخل..تبين اشوف ذا الازرق والاحمر والاخضر وارووح..معليـش..هذا فوق قدرتي..صار وجهه ملاضق لـ وجهها..
بــــس
- احم احم!!.. ع الاقل احترمني عشااني صرت عم وخاال
تركي:لاحوووول..محسوب علي اخو زوجه
عزام:ههههههههههههههههه..تبون اغني لكم في هذي المنااسبه السعيده؟؟
رغد:لايرحم امك..انا بكمل لبسي تأخرت على زواج ماجد..والله ان يكفخني
ودخلت رغد غرفة الملابس وخلت نواف عندهاا..
وعزام كان طرباان والضحيه تركي..
خليلووو..خليلووو..جمالك يجنن

^^




تمـت

تعبت وأنآ آنززلهآ
آتمنى لكم الإسستمتآع في القرآءه ,
والروآيه منقوله وهي لـ الكاتبة"عاد انا احبك"
لقلوبكم آلسعآده :004:

يعطيك العااافيه ياقلبي