 |
|
|
|
|
|
#1
06-11-2011
|
||||||||||||||||||||||||||||||||
|
||||||||||||||||||||||||||||||||
في الرياض بندر العاشق المستهام في عمق زحمة الرياض و بالتحديد بشارع خريصـ الجو يزيد توتره في الساعه 2 الظهر .... عند الإشارة .. ولا يزال يرمق السيارات بنظرة تحمل طابع الإستياء ينتظر و ينتظر .... تارة يضغط بقوة على الدركسون .... مد يدهـ و التملل لا يزال يسطير على مودهـ و ضغط " تكـ " حبك وجع بعدو معي حبك حلم هربان من قلب قلبي انسرق وبكيت ع غيابو مطرح ما كنا نحترق صار الجمر بردان والعطر عندو وفى اكثر من صحابو وحدي بدونك ماقدرت ما اصعب الحرمان تركوا الندم عندي عيونك وغابو مجروح قلبي وصرخ عم ينداهك ندمان محروم طعم الهنا عغياب احبابو انت لمين انت الي قلبي الك منو الي انت ملك قلبي هواك يللي بحلاك عمري حلي انت لمين انت الي قلبي الك منو الي انت ملك قلبي هواك يللي بحلاك عمري حلي تذكر هالاغنية ... وذكرياتها في تركيا و في إيطاليا و في الرياضـ تنهد بحسرة فظيعة و هي لا تزال تداعب خياله !! بقلة حيلة ضرب يده بقوة على الدركسون ........ ( وش فيني منيب راضي انساها !! خلاص لازم انساها هي راحت ولا كأنها عرفتني بيوم ...!!! خلاص مستحيل ترضى ترجع لي بعد كل اللي صار ...بس احبها يا بشر اعشقها اموت فيها ذبحتني هالبنت ) - - - من الطرف الآخر\ و كانت قناة روتانا تبث " حبك وجع " فيديو كليب في ايطاليا حيث تمكث الجروح الباقية زينة سمعت الاغنية و تذكرت ذكرياتها ضعفت شوي وهي لا تزال تسترجع ايام هالاغنية !! تحس قلبها يطعنها خصوصا وهي غيرت القناة ما تبي تسمع الاغنية تبي تهرب من ذكرياتها بس المشكلة كانت اغنية ثانية لإليسا. فاتت سنين وانا بسمعك ولاعمري فكرت أخدعك مالكش جرح بيوجعك ولا ئلب عز عليك؟! وعايزني تاني أسدئك ؟وأسيب حياتك تسرئك؟شيئ مستحيل اني أسمعك أو حتى فكر بيك والله انا ئلبي جنيت عليه وبكل بساطة لعبت بيه ،وعايزني أرجع دلوئت ليك!!!! بحياتي معاك. شفت الاسوئة فيك وعرفت الغدر ده من عينيك ،أنا بعد ده كلو ازاي ولي؟ أرجع لهواك؟ حست بالذكرى تحاصرها و تضعف وهي تتذكر ملامحه الجميلة التقاطيع ...! عيونه .... بسمته ..... شموخه ... عصبيته ... طيبة قلبه !! من دون شعور لقت نفسها رجعت للي كانت تهرب منه ...!! ماسكه صورته وهي تبتسم إبتسامة نكراء زينة و دموعها تبلل عيونها مدت يدينها تتحس عيونه و خشمه بهواء الخيال الفارغ : صدقني بنساك ... صدقني مصيري بنساك .....ولا كأني عرفتك بيوم بنساكـ ....و بنسى كل ذكرياتك و ايامك و جروحك بتحدى كل جروحكـ و تشوف !! تجمعت كل الأحاسيس لتجعل من قرارها ... قرار شامخ قوي يتحدى كل الصعاب و الجروح الماضية المكلومة ...!!!!! _ - ابو بدر : زينة زينة طلعت من غيبوبة احزانها : سم يبه ابو بدر : انا طالع بروح اشوف نواف بيجي هنا زينة ابتسمت بغموض : الله يحييه و انتبه للطريق بابا ابو بدر : لا تعال سوقي احسن هههههههه زينة تبتسم بحماس : ابشرك تجاوزت مرحلة التعليم خلاص ( حركت المفتاح) صرت ماهرة بالقيادة الحين تبي تجرب ؟؟ ابوها : ههههههههه اقول اجلسي بس بتجريبن علي زينة : هههههه المفروض تحمسني بابا ا بوها : ليش احمسك ترى بالديرة مابعد سقتوا للحين تدرين او لا ؟ زينة : هههههههه أي والله لا بس يعني على الاقل اسنع اموري هنا ابوها : زانت علومك بس يالله ضبطي كل شيء ...اكيد المسيكين تعبان و حالته حاله !! زينة بعطف : ابشر يبه و لا يهمك انت بس جب ولد اخوك و تعال ازهلها << ميب سهله ابوها يبتسم لها : تعلمتٍ كلام العربجة من بدر خخخ زينة : ياحبني له يجنن بدر والله ههههههههه احسن شيء انو اخوي ابوها يبتسم بدهشة : افا و انا و امك زينة انطعنت بقوة و تذكرت جرحها الدامي ... سكنت شوي بصمت فظيع وقالت بصوت متقطع زينة : وانتم بعد !!! ابوها : يالله حبيبتي انتبهي لنفسكـ .... طلع ابوها للمطار ....... و زينة لا تزال تسترجع ذكريات مضاوي المكلومة .... قررت تتحدى الظرف و تقول لابوها .... بس حبها لبدر فوق كل شيء ..مستحيل اضحي باخوته خصوصا وان امه تنفذ تهديداتها باي طريقة !!! - - بين زحمة الوجوه ... و غربة الملامح المكتظة بالزحمة .... نلمح نواف بجاذبيته يتخطى الخطوات و يتجاوز البشر بطريقة تعكس عن مدى قلقه من حال واقعه بهالديرة اللي بيستقر فيها مع الايام .... وقف يتلفت بذهول و شموخ يبين مدى تنفرفزهـ من داخل .... (()) هلا والله بنواف)))()) نواف بفزع : هلاااااا بعمي والله ابو بدر يضمه : هلا والله يالله تحييه الحمدلله على سلامتك نواف يبتسم : الله يسلمك بشرنا عنك ابو بدر يده على كتف نواف : بخير وان تكيفك اخوانك و امك و خواتك و الديرة كلها وشلونها نواف يبتسم : تصدق اشتقت لها ههههههههه ابو بدر يبتسم : لاعاد بتصير معي انت انسى ترجع الرياض خلاص انجز و شد حيلك بدورتك بس و بعدين بضبطك بالسفارة معي إن شاءالله نواف : الله يكتب اللي فيه الخير يا عمي والله يقدرني واكون عند حسن ظنك ابو بدر يناظره : لا إن شاءالله انا متوسم فيك كل خير ههههه يالله يا بطل اول ترتاح و تأكل و تريح شوي نواف : يا سرع الاأيام قاعد اتذكر آخر مره جيت هالمطار قبل ست سنوات او اكثر يمكن ا بو بدر : يالله قديم اثاريك وانا على بالي جيت مع العيال جووني العالم نواف : لا ما جيت معهم كان سعود و حجرف اعتقد ابو بدر : يالله لك الحمد و الشكر اشوى اللي جيت عشان تساعدني و تخفف شوي نواف ( يالله من اولها بيكرفني بالشغل ) : افا عليك يا عمي اهم شيء راحتك بس ... و هم بالسيارة ..... ابو بدر يدق : هلا زينة هاه جهزتِ كل شيء ... ايه عافيه عليك يالغالية يالله حنا جايين بالطريق إن شاءالله نواف " قلبه بدأ يضرب و بقوة .... كيف بواجهها لابد احترم مشاعرها و احاول ما احرجها ...." و ما أن وصلوا لمقر إقامة ابو بدر ... نواف بدأ بالعد التصاعدي للشعور ..... و يقطع خطواته من غير شعور .. زينة عرفت انهم وصلت مباشره لبست حجابها الوردي بأبيض بأناقة و حست بحنين فظيع للوطن ... ابو بدر فنح الباب : حياك نواف ادخل نواف لا يزال تائه شعورياً دخل و هو منزل راسه : الله يحييك زينة استحت و حست بشعور غريب اول مره تواجه احد عيال عمها ... زينة : مراحب نواف الحمدلله على سلامتك نواف من دون ما يناظرها بس قلبه يردح سامري ^_^ : الله يسلمك انتِ كيفك ..؟ زينة تبتسم : بخير ياعساك بخير تفضل حياك نواف مشاعره يحس زمزمتها ادوخت راسه ..... ابو بدر يبتسم : وش فيك نواف وين سوالفك الليي تو او لا تكون مستحي من زينة بس هههه نواف رفع راسه و ناظرها ( ياليتني ما شفتها ناوي على قبري ذي شكلها ) : لا وش دعوة يا عمي بس تعبان اصلا لي فترة ما نمت ... عشان كذا بس امخمخ و انام و تشوف هذرتي ههه زينة : إن شاءالله ترتاح هنا نواف : إن شاءالله .... اكيد برتاح زينة ابتسمت ( الله يستر بس وش قصده بذالكلمة لا يكون للحين يفكر فيني مستحيل يا نواف ) ... بعد ما تعشوا و شربوا الشاهي ... نواف وقف : يالله الحين استأذن لاني من جد ماعدت بشوف ههههه ابو بدر : وين اجلس بس تونا ههه نواف : بكرة إن شاءالله اجيكم ابو بدر : ههههههههه تجينا ليش من الخبل اللي قال لك اننا بنخليك تطلع نواف : اوووما ذي هههه تكفى يا عمي ماعليش لاني لي طقوسي الخاصه ابو بدر : و مين بيردك مارس طقوسك بيديك و رجليك ههههه البيت تطارد به الخيل و انا عمك نواف ( ياليل وشلون بصرفه الحين ؟ ) : معليش يا عمي اوعدك بنشب لكم كل وقت بس عاد سوري اصلا حتى ولد خالتي محمد معه خبر اني بروما و اني بجيه في شقته ابو بدر جلسه : اقول انثبر بس عيب تقول ذالحكي لعمك تفهم او لا ( رفع صوته ) نواف : افاا ذا وانا اقو لان عمي ابو بدر شبابي و كول يعني منتب مثل اخوانك الدقة ا لقديمة شوي ههههه ابو بدر : حلالاه العقال بس نواف : ههههههههه زينة : ههههه خلاص نواف وش مطينها معك اجلس هنا صادق ابوي نواف : ومحمد طيب زينة تهز كتوفها و هي تبتسم ... نواف يطق جبهته : ايه صح نسيت ههههه طيب ولا يهمك بس شويات بطلع و ارجع ابو بدر بمسخرة : على اساس انك تدل يعني اخاف نبلش فيك انثبر بس نواف : يؤ افا ياعمي ترا ميب اول مره اجي ايطاليا و روما بالتحديد صح اني اول مره اشخص بذالمنطقة بس عاد ابو بدر قاطعه : لا بس ولا عاد يالله اخمد بس و بكرة تروح اللي تبي نواف يبتسم : ابشر طال عمرك و قبل كل مشوار لازم نستأذن يعني ههههه ابو بدر : انشد زينة نواف يبتسم و ناظر زينة : الله يعينك كيف صابرة على ذالقرارت الإستبدادية هههههه اهااا توني استوعبت ليش بدر فال السبحة بالرياض اثاريه مكتوم هنا ابو بدر يبتسم : اصلا انت واياه طينة وحده هههههه نواف : افا عمي ذاك الشبل من هذا الاسد زينة : هههههههه يالله من زمان ماضحكت كذا نواف يناظرها و قلبه بدأ يدق : دوم يارب حياتكم ضحك و فرفشة ابو بدر : نواف ماقلت تو انك تعبان و مالك خلق سوالف ليش تناقض نفسك هاه !! نواف : ياليل البعارين ابد بدر : وش قلت نواف : سلامتك هههههه وين غرفتي بس ابو بدر : زينة دليه على غرفته زينة تبتسم : حياك الله نواف : افا بس حتى منتب مكللف عمرك توريني غرفتي ماهقيتها منك ابو بدر : اذلف بسرعه قبل اسنعك نواف : وش فيها قفلت الاخلاق و مسكت تكرنة معك زينة تبتسم : يالله عشان ترتاح نواف يناظرها و يبتسم : تدرين اجلسي بتهبد و اول غرفة تجوز بحتكرها ابو بدر : ليش على كيف امك الدعوة نواف : والله بكيفك عمي بس انا انقل لك تعليمات عمتي هيا اللي تشكي انك جاحدها من 3 شهور ابو بدر : أي والله اني مقصر معها الله يعين بس نواف : وأنا وش دخل اهلي بالسالفه خخخخ ابو بدر : توكل لغرفتك قبل اكوفنك بذا نواف : النحشه يا ولد يالله تصبحون على خير طلع و زينة معه نواف يحس مشاعره يحاول قد ما يقدر يضبطها ....ألتفت لها و ابتسم نواف : ماقصرتِ يالغلااا تعبتك معي زينة تبتسم : افا عليك بس و امانه أي شء تبيه قلي تراك بمكانة بدر و الله نواف تنح " بمكانة بدر " : الله يسلمك دخل و قفل الباب و تكأ ظهره على الباب و تنهد بعمق .....و لا تزال صورتها بين عينه و هدبه زينة اتخذت طريقها و راحت لغرفتها ..... - - - في السعودية ...... بندر انهك حاله من حالة التفكير التي استغرقتها العديد من باكيتات الزقاير .... سلطان : بندر للمرة العشر طعش اقولك اتر ك ذا لقرف عنك بندر : تدري ما اسرف بهالشكل إلا اذا تضايقت سلطان : ياخي اقرأ قرآن .... ردد اذكارك اعتمر ...اوووما انك تطيح بذالقرف مشكلة من جد صحيح كلنا ندخل بس عاد الله يتوب علينا مو بهالشكل مثلك بندر : الله يهدينا يارب سلطان : وش قصتك وش بلاك متكرن و خامتك ام العبيد و بعدين ياخوك اللي بالشغل مالهم ذنبب وش فيك تمارس سطوتك عليهم مساكين ترا اتق الله فيهم بندر بعصبية : ياخي غبي الثور ذا اقوله ارفع البلاغ رقم 123 يروح يرفع 33 من جد رفعة ضغط سلطان : طيب اصولها انت دارس و فاهم و تعرف كيف تتصرف مع هالحالات ..! بندر : ياشيخ لا تعقدها سلك بس ترا من جد معصب سلطان : اقول كل تبن ولا يكثر تراك مطين جوي وبقوة كان ما تدري بندر : ههههههههه ياحبني لك بس اشغلتك من الظهر وانا مسنتر عندك سلطان : أي والله اشغلتني من الظهر جالس على قلبي حتى امي صارت تعرفك و تعرف وش قهوتك بعد بندر تذكر امه : إلا اقولك يا سلطان امك كيفها الحين ...؟ سلطان : بخير ياجعلك بخير بندر : سلطان بسألك امك يوم حملت من عمي وش جابت بنت او ولد ؟ سلطان : وشذاللحسة خخخخخخ وقسم انك ملحوس وبقوة بعد ...ماتت اصلا قبل تشوفها امي بندر " ماتت قبل تشوفها " : ماتت وهي باي شهر سلطان : يارجال وش فيك اقولك ماتت ماتت ماتدري يعني مافي مجال مافيه نسب بيننا ادري انك ميت و تتلزق فيني باي وسيلة بس ما يمديك خخخخ بندر يبتسم : ههههههه بن افليك على غفلة سلطان : يخسى بن افليك قدامي ولا شيء اطق له بأصبع بعد بندر شرد " يا هقوتي ان فيه شيء.. إحساسي ان فيه شيء ورا ذالسالفه يبي لي جلسة مع عمتي هيا" سلطان : والقحطاني يناولها للشهلوب خخخخ بندر : ههههههههههههه وش عندك تخفف دمك سلطان : ابد طال عمرك شفتك شارد و اشتغلت النذالة معي عاد قلت يا ولد اقطع جسر الوادي اللي عبر منه بندر : يا كثرك بس هههههههه يالله يا ملحوس اشوفك بالإستراحة إن شاءالله سلطان : كان الماصل ولد عمك بدر فيه انسى اني اجي بندر : والله براحة امك عاد بس حبيتا قولك و بدر بيجي سلطان : اجل انا بسنتر بذا و هه اذا شفت ان ودك تجي و أنو نفسك تشاورك تبي تمرني حياك بندر : انا منب مرتاح لحد ما ازوجك اخاف عليك من الوحده القاتلة هههه سلطان : اخو العيال ههههههههه افا كيف اعرس وانت اعزب بندر : شد حيلك بس و تزوجـ انا جربت حظي مرتين على الخيبة سلطان : يارجال ولا يهمك و الله لو عندي اخت كان ما تعداك ترفض ما ترفض ماعندنا دلع بنات حنا بندر : و ليش ما توافق اصلا دايركتلي بتطيح علي مو كفايه اخوها ذابحني هههههههه سلطان : كش عليك بس راز نفسك عشان هالخشة يعني بندر : هههههههههههه والله ماجاب لنا البهاذيل إلا ذالخشه سلطان : أي بهاذي لانت بكبرك بهذله ياخي بندر : ههههههههه مشكلتك عاد يالله بالاذن سلطان : حياك الله و حيا الله من زار و خفف بندر : خخخخخخخ تلمح او ما تلمح ما ينفع معي ذالاسلوب ابد ...اذا ارتحت سنترت و مشكلتك ني ارتخت معك سلطان : نذ*** اجل بناس عزيزين هههههههه بندر " تذكرها يالبيه ياعيونها " : هو يمكن مو انت انت يعني بصورة شخصية يمكن احد حولك سلطان : ولعنة وش اسوي لك مين قصدك يا أنا يامي لا تشككني بامي ههههههههه بندر : هههههههههههه وش دراك يمكن امك هي اللي حببتني فيك سلطان : اصلا من قبل ما تشوف امي وانت مطيح علي 24 ساعة بندر : هههههههههه بس زاد غلاك اكثر سلطان : ياعمري يامي والله اني احوووبها بندر : تحوووبها مشكلة رفيقنا غازي المكاوي ماثر علينا بشطحاته خخخخخ سلطان : ياحليله رايق بندر يلبس شماغه : يالله يالاذنـ نشوفك على خير .... - - - في الإستراحة .... كل الشباب متواجدين ..... حجرف يتصفح المنتدى اللي تحت اشرافه ... و استغرب رساله خاصه وصلته من عضوة محترمه مره و اغلب مشاركتها راقية و حضارية .. استنكر انها ترسل رسالة خاصه لانها ترفع نفسها عن أي موقف مشابه لكذا ... فتح الرسالة و شاف الرساله قراها بإصغاء و كان محتواها شكوى ,,,, تشتكي من عضو ازعجها بالرسائل الغرامية و الحكي الفاضي ... و كان اسم العضو " ساحر القلوب " حجرف استغرب لان ذالعضو جديد توه مشتركـ حجرف : اقول نايف مين ساحر القلوب تعرفه .. نايف : والله مدري مين هشام : ساحر القلوب .....؟؟؟؟ والله كاني سمعت ا م عزوز تطريه اكيد من العيال ؟ نايف حرك شفته بحركة إستغراب : بدق اشوف .....مرحبا داليا كيفك ..؟ داليا : تمام بخير آند يو نايف : لا يكثر و عن التميلح قولي تعرفين مين اللي باليوزر نيم باسم ساحر القلوب اللي بمنتدانا ؟ داليا : إلا رامي ولد نسرين ليش وش فييه ههههه نايف : متأكده داليا : 100%100 بس ليش ..؟ نايف : اقلبي فيسك ....بعدين اقولك يالله انتبهي لامي وعن الهذرة بالتليفون مع فلانه و علانة داليا : مع فلانه و علانه ياخي قول ريم و الهنوف ثنتين بس تراهم هههههههههه نايف ابتسم : سلميني عليهم طيب هههه يالله باي داليا : اخيرا نطقت خخخخخخخخخ ياي وناسه يالله باي بقولها طوط طوط سلمان : وش فيك فال ابو السبحة بالكشرة نايف : ياليل ليش حاسديني سلمان : ههههههه اووما ذي احسدك يارجال انت حسنة اذا ابتسمت مرة بالشهر حجرف مازال مندهش من رسالة البنت و يقراها كذا مره نايف : حجرف يقولون رامي حجرف بعصبية : رامي الخالد نايف قام من مكانه و جلس جنب حجرف : الله الله بس ليش حجرف ضغط على شفته بعصبية ....... 
   
|
|
06-11-2011
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
(8)
<<<؛؛ لم تزل ذكرياتي .. تختبىْ ألوانها .. و القماش يبدل خاماته .... و ينسج لوحـ الحضـــارة طوب حـــــزين؛؛ >>> من بين خلف ضباب الواقع لا يزال بندر شارداً في تلك الحقيقة المتجاهلة المعاني بندر جالس في غرفته و معه قلم ضاغطه على شفته بقوه تنم عن توتره نايف : وش عندهم هههههههه شكل عندك قضية ميب صاحية ؟ بندر يناظره : أي والله يا هي قضية يا نايف ماش عجزت افك رموزها اشغلتني من شهرين ثلاثة شيء كذا نايف : اوما ذي ههههه انت مدوخ حرامية و مجرمين الرياض كونان السعودية ههههه عجزت عن قضية وش ذالقضية هات لا تستهين فيني وش دراك هه يمكن اطلع بشيء بندر بتمعن يناظره : كم مره قلت لك لا تقلل من شأنك نايف : ابوك يالنظرة و قسم دقتني ام الركب خخخخخ ولو فيك من ابوي يا بندر على هالنظرة بندر يتبسم و يناظر القلم : من جد ياخي منيب بحب اللي يحتقر حاله نايف بإقناع : هو مو إحتقار للنفس افا بس بس يعني بصراحة ليش نهك على بعضنا قدامك انت و عليماتك انا منيب شيء بندر يقلب القلم : سبحان الله ( ناظر ساعته ) يا الله تأخرنا على الإستراحة والله غير يحطنا ابوي ضحايا خخخ نايف برجته المعتاده : ابوك يالولد تأخرت على عمتي هيا و الله غير تشكيني على ابوي و يوديني بخبر كان بندر : لا عمتي هيا اتركها علي انا بمرها و اوصلها الإستراحة نايف : الله يرحمك يارب و ينجيك من كل هم .... يالله بالإذن بنحاش قبل تغير رأيك بندر يبتسم : انتبه للطريق و مروا اميرة لان هشام مخيم بالبر نايف : ياليل البعارين من جد ترا انت العاشر طعش واحد اللي يقولي هالخبر بندر : خخخخ بالله عليك من جدك ياحبي لها اميرة كلن يحبها و يأخذ همها نايف : أي والله حتى محمد داق علي يوصيني بندر بتمعن : ياذا المحمد مدري وش قصته مابعد وصل ممشى سلحفاه هو و زوجته حشى تبوك صارت ميب الخبر ؟؟ نايف : ابو حميد يمشي ساعه و يوقف عشر ساعات ههههه بندر : ههههه طيب يالله لا تتأخر عليهم طلع نايف و زعق بأعلى احباله الصوتية : داليــــــــــــــــــــ ـــــــــــــــــا رامـــــــــــــــــــــ ــــــــــــــــــــــــ ــ ا يمــــــــــــــــــــــ ـــــــــــــــــــــه رامـــــــــــــــــــــ ــــــي رامي توهـ مصحصح يضبط ازارير ثوبه و شماغه على كتفه ماله خلق : ياليل التكانة ياخي وش معجلكم من جد قروشة نايف يدينه على خصره : اقول لا يكثر هرجك ثم اخليك انت و الجدار زي بعض يالله نجزهم داليا : اعوذ بالله امنيتي مره بحياتي نروح مشوار مع اخواني بدون قروشة نايف شد اذنها : وش قروشة هاه علمك ذالعليمي رامي ؟؟ ارتحت يا مصرقع الحين راما : خير إن شاءالله اشوفكم كلكم تهاوشون اخوي خير خير نايف بمسخرة : لاااااا اانا ما ناقصني غيرك انت بعد تغردين يالله نادوا امي تأخرنا راما : رامي ما انا برايحين معهم تعال ندق على ابوي داليا : احلفي بس مسويه زعلانه يالله بس مالنا غير نايف اسكتيِ لا يجحدنا بسب عزة نفسك ذي بندر طلع على اصواتهم ... بندر : وش فيكم يا دافع البلاء وشذالتزعيق !! نايف : يا رجال انا مادري وش وهقني مع ذالمبزرة شكيت بصراحة اني خاش روضة اطفال رامي : لو سسسسسمحت ( بتركيز على النطق) نايف يشده : اقول اسبقني على السيارة بسس و لا يكثر هههههه رامي : لا تدف انت و شماغك ذا اللي مقاسه 58 بندر : خخخخخخخخ الله يهديكم بس امي بس لا تشغلونها ام تركي : عاد نايف و رامي نار و حطب الله يعيني بس نايف يشد شعر رامي : مشكلتي مااصبر عنه يالله انجز خخخخ الحقونا ننتظركمـ رامي : لا تحاول لا مايمديك ابد ماعليش ابعد يدك ذي لا .. نايف قاطعه : اقول امش بس هههههههه في السيارة ... داليا : نايف بليز مررنا اقرب محلـ نبي مؤونة لنا رامي : يامال جوع الفقر استغفر الله انتم وين تودون الاكل وين ماادري نايف : خخخخخ بلعتهم اكثر من حكيهم و نومهم و كل نشاط يمارسونه راما : دلو قايلة لك لو اني مع ابوي كان اصرف لنا داليا : لا يامحلاتي انا عاد مشخصه مع ابوك انتِ الثانية نايف : دليل اسكتي لا احوس ذالخشه زود على حوستها ذي انت واياها رامي : مهرجان الربيع على عيونهم ما لاحظت ههههههههه ( التفت وراء ) نايف سحب وجهه : مادري متى بتكبر و تصير رجال هذا كبرك كبر ابوي و تلتفت وراء ... ام تركي : نايف وش فيك عليه رامي : شفتِ شلون يمه شفتِ شلون لا وتقولون لي ليش ما تنوم عندنا آآآخ بس ام تركي : الله يصحلكم بس نايف و قف عند " سعد الدين " نايف : رامي انزل معهم يالله عشر دقايق ان زودتوا دقيقة وحده و صارت احدعش موب احسن لكم بحرك السيارة و ابتلشوا مع الليموزينات ... داليا و راما نزلوا بسرعه حتى أن داليا تكرفست بشنطة راما داليا : بلا بشكلك يالخبله بزر و كاشخة بشنطة وش اسوي لك ...لا بعد شنطة اميرة رازة فيسك فيها اول مرة اشوف بزر تحب الكشخة و النصب كش عليك بس راما بعصبية : أي قولي انك منقهره لان خالتي اميرة عطتني ذالشنطة اللي خقيتِ انتِ و الهنوف عليها داليا تكشش عليها : عوووع عليك انتِ و اميرة امشي بس قبل يتكرن نايف و نبتلش مع ذالبنغالية و الهنود و ليموزناتهم رامي بصوت عالي و قدام كل الناسـ : يالله انتِ واياها ( زعق بصوت عالي ) داليا و راما دخلوا و ناويات على نايف بفاتورة تقص الظهر ..... داليا : هههههههههههه يا حرام يا نايف ميب اول مرة نسويها فيه رامي يرفع حاجبه : و مي نقالك نايف اللي بيدفع انا اللي بدفع ( و يطلع صرافته) وذي وش فايدتها راما : أي والله احسن فكنا من منتهم ههههههه داليا : بضطر اقمط جد ام ابو العافية عشانكم ياعيال اختي الأفاضل رامي : عشان الافاضل ذي خخخخ خذي اللي تبين طبعا رامي متكل على صرافته اللي ابوه توهـ ضبطها له .... طلعوا بعدما لطعوا نايف ربع ساعه في السيارة نايف بعصبية : خير لو نمتو احسن ترى رامي يدخل بطاقته ( يعني شوفوها ): تعرف زحمة و ناس نايف : لا تقول انك قعدت تهايط قدام البنيات داليا : ههههههههه فاتك يا نايف و الله عايش الدور حشى تقول ولد جيتس راما بغرور : يخسى جيتس قدامنا ولا شيء اصلاااا داليا : بدأ الهياط يالله ههههههههه ام تركي : لحول ولا قوة إلا بالله لا تنسى اميرة بس نايف : ياليل البعارين والله نسينا المخرج يبي لنا رويسه دق جوالـ رامي ... حجرف يتصل بكـ رامي : سم حجرف : سم الله عدوك وينك ...؟ رامي : وش وينك ..؟ حشى اللي يسمع يقول مطفر ماعنده رصيد .. حجرف : اقوووول لا يكثر وعن التميلح وينك فيه رامي : بالطريق مع نايف و جدتي و خالاتي حجر ف : خير إن شاءالله ابيك اذا جيت و يستحسن تجيب اللاب تبعك معك رامي : من غير ما توصي ( ضغط شنطة اللاب ) معي حجرف : حلو يالله اجلـ انجزوا .... شويات و وصلوا الإستراحة .... عند جلسة الشباب حجرف يطق جواله بيده : وش رأيكـ الحين ..؟؟ رامي بدلاخة : وش دراني انا و قسم مادري عن شيء اكبر همي عاد منتداك الخايس ذا حجرف : لا تحوس و تلف و تدور انا مابي اتهور و اقول لابوك عن حركتك يا حمار رامي بعصبية : خير حلفت لك بربي اني ماادري عن شيء صحيح اليوزر نيم لي بس و الله موب أنا اصلا لو بفكر اسوي مثل كذا مو بمنتداكم ذا يعع ضاقت عاد كله تعليم و حوار و نقاش جاد حجرف : بمنتدانا او غيره مبادئك وحدة بأي منتدى رامي بقهر : شف ترا من تو ساكت عنك اقنعتك و الله العظيم موب انا و قسما بالله موب انا حجرف : دام انك حلفت بالله صدقتك و جايز يكونـ احد خاش باسمك رامي : و مسوي زحمة و من تو تستعجلني على بالي حباً فيني اثاريك طالع نسخة من خالي بندر ياسفاه بك بسس حجرف : اقول لا يكثر و اركد خلاص و ش دراني عاد انا البنت ارسلت لي مسج و قالت لي كذا رامي يدهـ على خدهـ : اها تقولي البنت ... أي بنت ..!! عند الهنوف و تشوف ذز از ماي فيس ان ما قلت لها حجرف بنظرة كلها ذهولـ و صار خقاق شكله : أي الهنوف و أي بنت رامي يضحك : يعني اني مادري ياهوووه ياثقل ياحركتات حجرف : ههههههه من جد من الهنوف رامي : بنت الجيران خخخخخخخ يالله بالاذن بروح لابوي يناظرني بنظرات تعال جنبي حجرف : أي ما شاءالله بيدهن سيرك بكم ريال الله يخليه لك هههه رامي : خمممسه و خميسسسه قل هو الله احد ... قل اعوذ برب الفلق .... ياعساها تنفقع عيون الحسود حجرف : مصدق انت و وجهك اني بنضلك مقيولة ناظر وجه العنز و احلب لبن خخخخ رامي جالس جنب ابوه و اخوه محمد الصغير يلعب عندهـ .. خالد بصوت خافت : وش فيه المدير يشتكي من تصرفاتكـ هاه ؟ رامي مباشرة : والله انو كذاب ولا عنده سالفه بس يبي يتمشكل اصلا هو يموت على مجالس الأباء عارف ليشـ لانه يحس بنقص و يعوضه نقصه بهاللمة الطيبة من الأباء ... خالد بنظرة متفحصة : انا هالحكي من وين تجيبه مادري من وين ...! عموما اللي شفع ل كان تقريرك ممتاز ليس إلا رامي بحماس : يا بوي من وراء خشيمهم بجيب ممتاز اصلا ما يقدرون يعطوني حتى جيدجداً خالد يناظره : اها كذا تقولي عشان الفلوس يعني اجل اسمع ذالخبر ملفك راح ينقل لأقرب مدرسة حكومية فاهم رامي بفجع : اعوووذ بالله يبه تكفى إلا هي ترى ضغط وانا خبرك فيني كتمة و ضغط و سكر ( يعد بيده) يعني افترض اجتمعت كل ذالامراض فيني مرة وحده وش بيصير خالد يبتسم بحزم : علم ياصلك و يتعداكـ خلاص القرار صدر رامي بترجي : افا يبه منيب بخبرك صاحب قرارات تعسفية صرت مثل عماني الكبار ... والله قهر اللي اقل مني حالة مادية مشخصين بمدار س وين وانا يا رامي بن خالد الــ .... اللي ابوه اكبر رجال أعمال الرياض انطلع بمدرسة حكومية عيب عيب يبه ما هقيتها منك خالد بحزم : لو تفزع لي كل الــ..( اسم العائلة ) ... منيب مغير قرارك فاهم او لا و بعدين تعال مره ثانية ياليت ماعاد اسمع لكنة الغرور واني ولد فلان بن فلان على لسانك رامي : افااااا يبه المفروض تحثني افتخر باصلي و نسبي جدي ابو تركي عودنا على كذا خالد : هذا جدك ابو تركي اللي متكي بصدر المجلس بس انا ابوك فاهم كيف يعني ؟ وبعدين اشوف جدك ابو تركي اللي يجوز لك من قراراته تأخذه و اللي ما يجوز لك تشوته رامي ( يحس بضيقه لان حجرف قبل شوي محاكيه بخصوص سالفة المنتدى ، و نايف طول الوقت يضغط عليه بالتعليق و المسخرة ... و سفر نواف اللي يحبه و يقدره من بد عمانه والحين ابوه يحاكيه بلهجة حازمة ....) ... رامي ناظر ابوه : اللي تبيه سووه يبه .... جلسـ جنب ابوه و شرد و الضيقة مبينه عليه ( ما يعرف ليش اشتاق لأمه و بجنون هاللحظة .... ليش بس يا دنيا حرمتينا من امنا امي وين ...؟ وانا و اختي وين ...؟ .. وش تسوي امي الحين ... لها فترة يمكن اسبوعين ما سمعنا صوتها ....) خالد مباشرة جلس جنبه عمه عبدالله و هاتك يا سوالف بعد مرور ساعه يمكن ... تناولوا العشاء ... وخلصوا حجرف + نايف : يالله بالاذن ابو تركي بعصبية : وين و ش عندكم ..؟ حجرف يطق نايف : قايل لك ابوك لازم يعارض ..... ابد عمي طال عمرك بالعمل الصالح بنروح قريب و نجي بإذن الله سلمان : وانا بعد بروحـ معكم مشويري قريب << ييبي النحشة من جلسة الشياب بس خخ ابو تركي يبتسم : وانت يا بندر ماودك تنحاش مثلهم هههه بندر ابتسم : هههههه افا عليك يبه بس وانا القى مثل هالكناري وين ... ابد منيب رايح .. إلا يا رامي غريبة ماودك تخاويهمـ ... رامي بعد صمت : منيب رايح معهم خالد مباشرة استغرب ردة فعل رامي لانه يموت على المشورة : غريبة ليش ؟ رامي نزل عيونه تحت : منيب رايح ماابي اروح نايف : غريبة خخخخخخخخ وش عندهم متكرنين و حالتهم حاله " هنا" رامي بينت ضيقته : والله ما ينعرف لكم ... أنا كائن حي زين ماله مزاج ولا مود يطلع الحين فهمت او لا . ...؟؟؟؟ جده ابو تركي : يا دافع البلا اتركوا الولد براحته تعال هنا يا رامي اجلس جنبي رامي تنهد بعمق و ما احد ادرك ذالشيء إلا خالد و بندر بحكم قربهم منه .... رامي بخطوات متثاقلة يقوم .... رامي بخطوات متثاقلة يقطع الخطى .... لحد ما جلس جنب جده فهد على المركا بندر يناظر خالد : وش فيه متكرن و حالته حالة ! خالد بخيبة امل : ماادري والله بس يمكن تضايق شوي لان توني داق راسه بكم كلمة بندر : يارجال والله العظيم كل يوم اقول بجلس معه اشوف وش فيه حاله متغير بس وقتي ما يمديني ارجع من الدوام إلا و اهو نام ذا غير و غير خالد : وانا بعد والله كل يوم اقول بجلس معه بس وقتي و شغلي والله العظيم صاك فيني الشغل بقوة ذالايام بندر : الله يهديك مايصير مهما كان لابد تعطيه شوي من وقتك حتى امه والله توصي كثير عليه خالد " امه هي السبب بكل شيء " : أنا معطيه كل اللي يبي و موفر له كل إحتياجاته و من ناحية اني مقصر واي وربي اني مقصر معهم بوقتي بس الشكوى لله بندر مسكه الصداع و ضغط بقوة على راسه .. : الله يعين يارجال خالد : وش قصتك انت لا تقولي انك للحين لذا الوقت ما بعد شخصت حالتك بندر يبتسم : يارجال عن الوسوسة ذا حكي حريم مانيب بحبه ترى خالد : اقول علم ياصلك و يتعداك بكرة تجي المستشفى مكلمهم من اسبوع وانت جحدتنا الله يسلمك ماش منتب كفو اللي يحجز لك بندر : هههه مصدق اني بصوم و افطر على بصلة الحين صار سنة و 5 شهور ما شخصت الحالة و بالتالي اجي و اكشف بمستشفاك ليش بايعن عمري انا خخخخ خالد يبتسم : ليتك وصلته يالقطيعي عاد ذا و انا قايلك لك مجانا كل شيء بندر : هو عشان كذا هههههه انا منحاش اصلا و الله يا طويل العمر تبي الصراحة ان إجازاتي بتنزل بعد ما اخلص قضية الحيوان فواز معك انت و بدر و بعدين بإذن اللي ما تنام عينه بأجز نفسي و بسافر إستجمام و اكشف برى خالد : والله براحتك بس عندنا اطباء من جد بارعين و انت براحتك ..إلا بطاري الإستجمام لا يكون بتعرس بس و بتروح شهر عسل ّ! بندر يبتسم " آآخ يا جرحي بس " : لا وين الله يرحم والديك اوووما اعرس ههههه خالد يبتسم : والله مادري سمعتك تقول إستجمام قلت يمكن الرجال ناصي المالديف او هاواي بندر : هههههههههه والله انك منسم الحين اقولك بشخص حالة صداعي هناك تقولي هاواي او مالديف خالد : خخخخخخ لا ياثور اقصد لينك قلت إستجمام و الإستجمام يعني انت و معك زوجتك وإلا بندر " سقى الله ايام زوجتي الحبيبة " : ذا بالنسبة لك طال عمرك بالعمل الصالح خالد يبتسم : أي والله خخخ ساعات اني احسد نفسي على ام محمد بندر : الله يوفقكم و خليكم لبعضـ خالد : آمين يارب و عقبال عندك إن شاءالله ..... اقو لانا الحين بشوف رامي وش قصته ؟ لا اوصيك على سالفتنا و فهم بدر وش اتفقنا عليه ووش استجد ..؟إلا من اللي معك بيستلم القضية بندر يبتسم : سلطان خالد : ههههههه زين والله ريحتونا يعني شغلات كثيرة بتطيح عنا انا و بدر بندر يبتسم : بس وش رايك بالخطة اللي من طويل العمر فلان بن فلان ... خالد : والله الخطة قوية بس مادري عن بدر يقدر عليها او لا احس قوية شوي خصوصا وانها بتأخذ وقت بندر " تذكر شكل زينة لو تسمع الخبر " : تعتقد اهله كيف بتكون ردة فعلهم بعد ما يدرون انو بدر .. قاطعه خالد ببسمة : ههههههه قول كذا انا ادري انك تحوس حول ذالسالفه من تو بندر ببسمة كستها غلالة حزن : لا ابد مو كذا بس لازم اتصور كل النتائج اللي بتصير صح او لا لاني انا المكلف و باسمي ذالقضية عرفت كيف خالد : هههههه ياحليكم بس انتبه اجل لقضيتك و شف بدر و سلطان وش بيقولون ؟؟ بندر : غصب عليهم بيوافقون خخخخ مو برضاهم دامك رضيت انت المشكلة الكبيرة و بما اني قدرت اقنعك ماعليك منهم ازهلها بس خالد : هههه يالله اجل بالاذن بروح مع رامي اشوف وش قصته بندر : موب سهل يارجال خخخ ناظر مشخص بالمركا جنب ابوي حنا يالكبار مابعد شخصنا بمكانه خالد : ههههه اتركنا حنا عمي سعود و عمي ماجد مابعد وصلوا ذالمركاز بندر : اهنيك والله انت وولدك على ذالمقعد هههههه خالد : الله يستر بس مدري وش فيه بندر : والله ان ودي احشره بس ما فضيت خصوصا وانه قايل لامي ذاك المرة تقنعك عشان يسافر لامه خالد ملامحه تغيرت منصدم : ايش ... يسافر لامه ...هو ..قال كذا بندر يمسح وجهه : يارجال يمكن منضغط هو و قال كذا شف و ش فيه .. خالد من غير شعور : خير إن شاءالله يالله اشوفك على خير قام خالد : يالله تمسوا على خير انا مضطر امشي ابو تركي : بدري وش عندك خالد : أي بدري الله يجزاك خير ورانا دوامات من صباح رب العالمين .... يالله رامي مشينا رامي طبعا كان صامت طول الوقت : مشينا ( قام ) سعود : ما شاءالله يا رامي اطول من ابوك بتصير هههههه رامي ابتسم مجاملة ... خالد : يالله في امان الله .... طلعوا ... بندر جالس يفكر في قضيته اللي راح تبدأ او بالاحرى اللي بدأت ... سعود : اقول بندر : قل و لا يكثر سعود : مشكلة اللي على بالهم يمونون ميب مشكلة بعديها ل كلاني مرووق و عايش مزاجي بندر يبتسم : ياحليك و قسما بالله تذكرني انو فيه رومانسية بالعالم لا زالت كل ذا فرحة لان زوجتك حامل سعود بعصبية : احمممم احممم كح كح ....اصلا وش دخلك تجيب طاريها بس الشرهه علي اللي قايل لك مالك شغل فاهم ولاعاد اسمعك تغرد بذالحكي بندر : ههههههههههه مادري عنك ذاب وجهك و شوي و تلصق فيني قلت اسكتك بشيء انا ادري انو يرفع ضغطك ... سعود : ارحم الله ابو ذالوجه هيك يعني خخخخ << بدأ الإستهبال بندر : هيك لكان ابن عمي سعود : ههههه ماقول غير ياشين السرج على البقر المهم بندر : اقولك لا تفوتك نظرات تركي احس توهق من جد هههههه سعوود : ملحوس اخوك ذا والله يستاهل ورا ما حضر زواج ولد عم ابن آخي ابوك ههههه بندر : ابوي من جد عليه حركات هههههه سعود : لا تغير الموضوع و قلي وش صار معك انت و عمتي هيا ؟ ( طبعا بندر بحكم حبه و صدقة لسعود ما يخبي عنه أي شيء .... و سعود يعرف بشكوك بندر حول ام زينة ... وانو بيسأل عمتهم هيا ) بندر بصوت خافت : يارجال والله ياعمتي ذا فيها عرق من ابوي و عمي عبدالله قعدت تلف و تدور كل حكيها مكرر نفس اللي نعرف سعود : انت مع إحتراماتي نيتك شينة بالحرمة ... مستحيل اللي في بالك يصير صدق والله لو اننا عايشين بشيكاغو مايصير اللي انت شاك فيه بندر بعد صمت : والله شف انا ذالحكي ماجبته من عدم اولا احساسي و خبرتي لها دور ... ثانيا انا قلت لك وش صار معي بالضبط يوم كنت في بيت سلطان ... وغير سالفة الصحة النفسية سعود : بس مو شرط ام بدر ام يعني مادري وشلون قايلة ميب مثل الامهات ناظر بدر ولدها تزوجت ألد اعداءه يعني ماهمها إعتراضته ولا شيء بندر : اصلا يوم تزوجته و بدر كان برا مادرى لحد ما وصل الديرة و انصدم يوم عرفه يعني فيه فرق شاسع بين معاملتها لبدر و معاملتها لبنتها سعود بلؤوم : قصدك زينة ... ياخي منيب فاهم ليش ما تقول اسمها ؟ بندر تنهد بعصبية : وش دخل ام جيران ابوك بالسالفه ...؟ سعود : اهاا شفت ذالعصبية دليل قاطع أنك للحين تبيها و انها لازالت تسكن ذا (ضرب على قلب بندر ) بندر بنرفزة : مو كاننا شقلبنا الموضوع ..؟ سعود : اقول ريح اعصابك بس موضوعك منتهي و فاشل من الحين مستحيل بندر : و إحساسي طيب و خبرتي اللي تقولي ان فيه شيء و كايد بعد سعود : صحيح انك خبرة 7 سنين ماشاءالله تحقيق و ادعاءات عامة بس معليش يا ولد عمي ذالشيء مستحيل مستحيل مستحيل بندر : كذا تتوقع سعود : يارجال ميه بالمية وشذالخرافات بس شكلك تبي أي شيء يوصلك لهم بس بندر ناظره بصمت بدون أي تعليق ...... استأذن الجميع و مافيه إلا بندر اللي ينتظر بدر .... - -
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض المتطور
