انت ما تدري انك صرت لي نبض ودم

الـــبــــــارت الحـــادي عــــشـــــر ..



يـــلا يـــاقــلبــــي ســـريـــنــــا ضـــاقــــت الدنــيــــا عـــليـــنــا ..

عالــبحـــر ..

حسين " الحمدلله على كل حال .. هذا نصيبي !! بس انا احبها وما راح انساها بس ما راح اقصر بحق اللي بتصير مرتي !

رن تلفونه وقطع تفكيره !
حسين رد : الو
خالد : وينك انت صارت 8 !!
حسين بصوت واضح عليه الخنقه : منو موجود
خالد : انت تدري انه بس اهلنا
حسين : عرفت منو العروس ؟
خالد : بنت عمتي
حسين خذا نفس : خالد
خالد : شفيك قولي !
حسين : اعترفتلي انها تحبني بس شالفايده
خالد انصدم : ها !
حسين : لميتها حسيت بدفا حظنها بس هالدفا بعده شتات !!
خالد كسر خاطره : حسين
حسين : هلا
خالد : بتيي ولا لأ ؟
حسين : ياليت لو ما اقدر ايي
خالد : تعال واشهد على زواج عمك
حسين : لاا خالد لا تسويها !! خالد لا تنسى انها ناطرتك لا تذبحها خالد انا بيي واذا سويت هالشي راح اذبحك
خالد : ما اقدر اخليك جذي !!
حسين : انا مستعد اعيش كل هذا بس انت ما تخذل البنيه انا ياي ربع ساعه واكون موجود !
خالد خذا نفس : ربع ساعه ما ييت راح اتحجى
حسين : باي وراح ركض سيارته و داس بسرعه ..

حسين يدق على خالد : لا تسويها ياكلب
خالد : لو مو بالدوانيه جان سبيتك عدل !! لا تدوس لا انام فيك اهني
حسين قط التلفون و قام يدوس اكثر

الساعه 8:20

بالدوانيه ..

الملاج قاعد ويمه ابو العروسه .. والصوب ثاني مخلين مكاان حق حسين و بعده بوحسين

حسين ابتسم ودخل بثقته المعهوده : السلام عليكم
الكل : وعليكم السلام
حسين : اسفين عالتأخير وقعد مكانه

وبعد 10 دقايق تم كل شي !! وقامو يباركوله واهو مخنوق وكل اللي يبيه ..

حسين " وينه حظنها الدافي !


خالد دق على ساره وقالها انهم ملجو وقعدو يباركون حق العروس
وبعدها كلمو حسين اللي اصر انه ما يدخل عند الحريم وراح الصاله الثانيه بيشوف مرته !!


حسين " شلون بتكون حياتي ؟ راح اييب عيال من غيرها !! تربيهم وتكبرهم زين اهي شلون شكلها اخلاقها ؟ اسلوبها؟ شخصيتها كل هذا انا ما اعرفه ! اللي اعرفه اني ابي شوق حبيبتي وبس ..

دخلت ام حسين و ام خالد و ام شهد ( ام العروس )

حسين قام واهومبتسم سلم عليهم وباس راسهم وقعدو يباركوله وبعدها طلعت ام حسين ويت معاها شهد مرت ولدها ..

حسين قام مره ثانيه وحاول انه ما يبين انه اهو عايفها! باس يبهتها وباركله وطلعو الحريم وبقو بمكانهم

حسين قعد : حياج قعدي لا اتعبين عمرج
شهد قعدت بدون ولا كلمه


** شهد 21 سنه خريجه حقوق بيضه وجسمها حلو ملامحها ناعمه **

حسين " حلوه ! بس ما تيي ربع شوق ! شسمها ؟والله فشله نسيت اسأل خلود

شهد " خايفه وهذا شكله مايحس
حسين قام وقعد يمها مسك ايدها اللي كانت ترجف من الخوف : لا تخافين مافي شي يخوف انا معاج
شهد ابتسمت
حسين رفع راسها وباس خدها

حسين قام كلم امه اللي دخلت المصوره وقعدو يصورون مع احراج شهد و ضيقه حسين ..

بعد ماطلعت المصوره
حسين وقف جدامها ومسك ايدها : مبروك عليج مره ثانيه .. و لاتحاتين شي انشالله بحطج بعيوني وما راح اقصر معاج بأي شي .. راح اخذ رقمج من امي واكلمج بليل اقدر ولا تعبانه ؟

شهد : لا تقدر
حسين ابتسم : يلاتامريني على شي ؟
شهد : سلامه عمرك
حسين : ديربالج على روحج واذا بغيتي شي لا تستحين
شهد : انشالله
حسين : مع السلامه
شهد : بحفظ الرحمن

حسين طلع بصوب وراح البحر مره ثانيه ..
وشهد طلعت وراحت غرفتها خصوصا الحفله ابيتهم واول ما وصلت غرفتها ابتسمت من قلب .. بس بعدها نزلت دموعها وما قدرت توقفهم ..


شوق : هلا فجر
فجر : شلونج الحين
شوق : لا تحاتيني انا بخير انتي خلج بالحفله واستانسي مع البنات
فجر : شوااق اكيد ما فيج شي
شوق : ايي حبيبتي مافيني الا العافيه والحين بنام تصبحين على خير
فجر :وانتي من اهله ..نوم العوافي
شوق : يعافيج ..باي
فجر : باي

شوق سدته صكرت الابجوره .. حطت راسها على مخدتها و تلحفت عدل غمضت عيونها واهي تستغفر ربها وتدعي انه يصبرها على هالدنيا والعذاب اليـاي ..!!


* صـــابـــر و اخــبـــي دمــــعـــه الحـــب بســــكـــــات ..

البـــــارت الـــثــــــانــــي عــــشــر ..



الاحـــد .. مر يومين عالاحداث ..


بالمستشفى

شوق دخلت المستشفى ومبتسمه بس واضح انها تغطي ورا هالابتسامه جرح اعظمـ ..


* لا تـــغـــرك ضحـــكتـــي .. تــرا كـــلي جـــروحــ ..


شوق اول ما شافت خالد ابتسمت
خالد :وكالعاده
شوق : ههه صباح الخير
خالد " واضح الحزن !! : صباح النور .. شلونها دكتورتنا ؟
شوق : تسلم عليك
خالد : ااوه !! اليوم دكتوره شوق متواضعه وتضحك وتسولف بدون نفسيتها
شوق :ههههههههههه اهم شي نفسيه حرام عليك
خالد : من قدناا دكتوره شوق تضحك معاي
شوق : الله يهديك صراحه
خالد : توني مادحج رديتي عالنفسيه ؟
شوق : حرام عليك مو نفسيه بس كل من يرى الناس بعين طبعه
خالد : شرايج تطقيني بعد ؟
شوق : لو مو مكان عمل جان سويتها
خالد : ههههههه توكلي توكلي
شوق :خووش طرده بس بروح لأنه وراي شغل موعشانك
خالد : قطتها !! رقعي اكثر
شوق لفت ويها وراحت

شوق " دايما يخلي الواحد يبتسم غصبا عنه ..الله يوفقك وين ماكنت ! تستاهل كل خير ..

دخلت شوق مكتبها ولقته فاضي تأكدت انهم عند في حطت جنطتها وقعدت مكانها عدلت اوراقها وكل شي وبعدها طلعت راحت مكتب في ومثل ما توقعت كلهم هناك
شوق : السلام
الكل : وعليكم السلام وقامو يسلمون عليها
شوق انصدمت لأنه كان في دكتورين عندهم ومستغربه من وجودهم !!
شوق " العاده خالد بس هذيل منو ؟!
شوق قعدت على الكرسي اللي يم في وخذت ورقه وقعدت تشخبط بدون هدف بس جذي تشغل عمرها

سناء : شلونج شووق
شوق : الحمدلله بخير وانتي شخبارج ؟ اليوم متشققه
سناء : هههههههه ايي بعد مجابل هالدكاتره شلون ما نستانس
شوق مو مستوعبه : الله يهديج
دكتور سلمان : دكتور سلمان .. جراحه
شوق بس سمعت اسمه ابتسمت : عاشت الاسامي
سلمان : عاشت ايامج
دكتور ضاري قام : انا دكتور ضاري .. اعصااب
شوق : فرصه سعيده
ضاري : انا اسعد .. سناء اذا بغيتي شي دقي اوكي ؟
سناء ابتسمت : اوكي
ضاري : سلام وراح
شوق مصدومه !!!!
سناء : شرايج بأخوي اينن مو ؟
شوق : اخوج ؟!
سناء : ايي اخوي بالرضاعه فديته حنون
شوق : هههههههههه ايي يلا باي
سناء : وين ؟
شوق : بتمشى ..

شوق طلعت وقعدت تتمشى بممرات المستشفى واهي تفكر بحالها

شوق " معقوله ؟ كنت ما افكر فيه والحين اعشقه ؟

* عمري مافكرت فيك وماخطر في البال حبك .. لين قلبي قال ابيك وقالت عيوني احـــبـــــك ..

قبل ملجه حسين بفتره ..

شوق نازله الصاله : هلا يمه
امها : واصلج هالجيس الكبير قالو من رفيجتج
شوق استغربت : اوكي وشالته وصدعت


شوق قعدت على فراشها و بطلت الجيس وطلعت علبه كبيره

شوق " غريبه !

بطلت العلبه وكله اوراق مكتوب عليها اشعار و سي دي
شوق بعد ما قرت كل الاشعار " يحبني لهدرجه ؟
خذت الـ Cd وحطته بلابه وشغلته

شوق انسدحت واهي تسمعه
وبعد ماخلص
شوق " صوته حنون فديته !!

شوق " انا شلون اقول فديته !! خل يولي
بهالوقت اندق عليها رقم غريب
شوق ردت على طول ماتدري ليش !
شوق : الو
حسين : عجبتج ؟
شوق : ايي مشكور
حسين : حسيتي شكثر احبج ؟ كل قصدي من هذا انج تعرفين شعورج وتحددينه عشان لو في امل اكنسل كل هذا !!
شوق : لا حسين انا ما عندي اي شعور حلو تجاهك ..
حسين انكسر : اوكي مع السلامه
شوق : مع السلامه وسدته

نرد للواقع ..

شوق " كنت غبيه !! كان واصل لي ولي عندي وانا رفضته وما استوعب الا بيوم الملجه ؟؟ استوعبت اني احبه ومن اول يوم دوام له واهو شاغل تفكيري بس كنت اسوي روحي مو مهتمه @@

شوق واهي مكمله مشي بالممرات لمحته ..

حسين قرب لها : شلونج يالغاليه
شوق لفت ويها : حسين انا وياك مو لبعض وانت متزوج الحين وهالحجي كله ماله داعي
حسين بصوت داافي حنوون دخل قلب شوق بسرعه : احـبج
شوق نزلت راسها ونزلت دمعتها معاها : والله انا بعد بس مو من نصيب بعض ..
حسين : شنو بايدي اسويه؟
شوق ابتسمت : كمل حياتك طبيعي .. ومشت عنه
خطوه ..
خطوتيـن ..
ثـلاث خطـوات ..

وو.................

البــــــارت الـــثــــــالــــث عـــشـــــر ..



خطوه ..
خطوتيـن ..
ثـلاث خطـوات ..وو طااحت ..!!!

حسين كان لاف ويها وعيونه عليها بس طاحت راحلها ركض واهو مهستر .. شالها وعالطوارئ على طول .....


حسين : شوق قومي لاا تخليني !!!


بالطوارئ

الدكتور : حسين حبيبي خلك شوي برا احنا نعرف شغلنا ..
حسين يهدي عمره : دكتور لازم اتطمن عليها
الدكتور : مافيها الا العافيه بس الدكتوره شوق فيها انهيار عصبي ومو قاعده تريح عمرها !! تضغط على عمرها واهي توها بهالعمر .. لا تضغطون عليها وين اهلها ؟ ليش ما بلغوهم !
حسين : اهم بالطريج بس اهي شلونها ؟
الدكتور : حسين انا فاهمك وانا بحسبه ابوك بس انت متزوج وسؤالك عنها ماله اي مبرر !!
حسين : دكتور انت مو فااهم شي
الدكتور : اللي فاهمه انك حابها بس ضيعتها منك وصرت لغيرها خلك بعيد وخلها ترتااح من عذابها هذا !
حسين : اوكي مشكور .. سلام


-----------------------------------------------

: شوق انسب وحده لك وانا عاجبتني
: انا مايهمني شكلها المهم اخلاقها نفسيتها شلون ؟
: عسل وما راح تندم صدقني
: خلاص عيل كلمي اهلها !!!!!
: مبروووك ياولييدي انشالله بكلم امها الحين !
: شدعوه الحين ؟ بعد المغرب مو من صباح الله خير
: لا لا انا وامها نمون على بعض الحين بحاجيها
: على راحتج .. انا رايح الدوام سلام
: بحفظ الرحمن ..

: والله وصار اللي ابيه ! شيخه البنات بتكون لضناي .. بتوافق ؟ وليش لأ !! وخذت تلفونها ودقت

ام شوق ماتدري عن بنتها شي ولا بلغوها بأي شي ردت على تلفونها واهي شاقه الابتسامه : هلاا ولله
: هلاا فيج حبيبتي .. شلونج ؟
ام شوق : الحمدلله بخير وانتي شخبارج وشخبار العيال
: كلنا بخير وعلى طاري العيال .. انتي شلون بناتج وبدر
ام شوق : كلهم بخير يا ام زياد ..
ام زياد : ايي تعرفين كبرنا وقمنا ندور مره حق عيالنا
ام شوق : هههههه بتزوجين زياد ؟
ام زياد : ايي والله ابي افرح فيه
ام شوق : زين تسوين احنا مو ضامنين عمرنا وشلون رضى ؟
ام زياد : لا كلمته و قلتله عن البنيه واخلاقها واهو وافق عاد قلت اكلم امها
ام شوق " حسافه ! بس شيبي ابنتي واهي كملت الـ 26 : ايي كلميها محد بيردكم انتو والنعم فيكم
ام زياد : عشان جذي انا كلمتج وطالبين القرب منكم
ام شوق ابتسمت من قلب : لنا الشرف حبيبتي
ام زياد : تسلمين .. كلمي بو العيال و البنيه وسألو على راحتكم ومتى ما قررتو عطونا رايكم
ام شوق : انشالله ما تسمعين الا اللي يسرج
ام زياد : انشالله .. يلا حبيبتي تامريني على شي ؟
ام شوق : لا سلامتج سلمي على الاهل
ام زياد : يوصل .. وانتي بعد مع السلامه
ام شوق : مع السلامه

ام شوق " ما راح اخليها ترفض هالمره ...


بعــد اســبوعــيـــن ..

بصوت الجسمي اللي يطرب الكل .. نزلت العروسه بابتسامه حزينه نزلت بحياها بهدوءها ! بغرورها او ثقتها و بعفويتها .. نزلت والكل يسمي عليها شافت امها نزلت دمعتهم !!

نزلت دمعه الام بس لأنها مستانسه حق بنتها ولأنها قريب بتفارق بنتها
نزلت دمعتها لأنها تعبت من كل شي وصارت شبه ميته مثل ما تقول ..

شوق واهي مكمله طريحها للكوشه " انتي ميته واحساسج مات .. على الاقل هالشي بيفرح امج وابوج !!


قعدت عالكوشه بدو يسلمون عليها ويباركون لها .. صورو معاها واهي مبتسمه وترد عليهم بدون اي احساس بطعم الوناسه ..!

بعد ساعه تغطو الحريم ودخل بهيبته وابتسامته اللي مافارقت ويها

دخل وعيونه عليها " اهيي حلااالي الحين !! هالملاك اللي قاعد جبالي لي !!

وقف جبالها باس يبهتها ومسك ايدها : مبروك
شوق : يبارك فيك
وقف يمها صورو جم صوره وقعدو
شوق " صوته حنون بس شالفايده ؟ الحنان شي دورته من وانا صغيره والحين بلقاه ؟ مستحيل !!!!
شوق " انا انسانه انخلقت عشان تفرح اللي حولها وتدوس على نفسها ..!!

الـــبـــــــارت الـــرابــــع عـــــشــــــر ...




شوق " انا انسانه انخلقت عشان تفرح اللي حولها وتدوس على نفسها ..!!

لبسها الدبله والشبكه صورو وشربو العصير و قصو الكيك وبعدها طلعو والكل يدعيلهم بالتوفيق .. دخلو الغرفه اللي بعيده عن هالازعاج كله

زياد واهو مااسكها قفل الباب وقعد على اقرب قنفه وقعدها بحظنه وحط راسها على صدره : الحلوه ليش متضايقه ؟ خلينا نكون صريحين من البدايه انا ما احب اللف والدوران وخلينا نعرف بعض من هاللحظه عشان نكمل باجي حياتنا مرتاحين

شوق غمضت عيونها وبصوت حزيين و وااضح !! : دامك تبي الصراحه من البدايه ! خلني جذي لأني عمري ما حسيت بحنان ودفا غير بهاللحظه .. خلني جذي انا مرتاحه وايد ! الله لا يحرمني منك كلك !!

شوق " ايي !! هالحنان اللي ابيه هالحظن اللي احتاجه ومابي انحرم منه لأنه حتى ابتسامته تخليني ابتسم غصب !!

زياد ابتسم لها وباس يبهتها : خلاص ريحي عمرج خلج جذي دام اثنينا مرتاحين
شوق ابتسمت
زياد عض شفايفه : لا تبتسمين لأنه بدون شي مو قادر اقاوم هالمره مع ابتسامه
شوق من الحيا ضحكت !!
زياد : قلتلج مو قادر اقاوم اذا صار شي انتي السبب
شوق : حلالك بس يفضل لو تقعد عاجل
زياد : ههههههه لا انا بس ابي اول كلمه دام حلالي يعني اقدر اسوي
شوق حطت صبعها على حلجه : هالحجي مو وقته والله لأني ماتاقلمت عالوضع بس اتأقلم انا راضيه اني اسلملك نفسي حتى لو قبل العرس لأني مرتك وحلالك
زياد : انا مايهمني هالشي المهم انه انا وانتي مع بعض ومرتاحين والاهم من كل هذا متفاهمين
شوق : انا مستعده اكون لك كل اللي تبيه بس انك تكون معاي وفاهمني
زياد : دكتورتي انتي وباسها على شفايفها
شوق خلته يبوسها واهو ذاب !!
شوق بعدها وخرت راسها وبغت تقوم
زياد :خلج بحظني وبعدين شفايفج اخيـــه عذاب والله
شوق ابتسمت : من ذوقك
زياد : هذا الصج وقعد يقرص خدودها
شوق : آآي وخر عورتني
زياد : بيبي !
شوق : مو بيبي
زياد : امبله بيبي
شوق : لا
زياد : بيبيتي ويطلع لسانه
شوق ابتسمت : جذي اوكي
زياد : هههههه فديتها وباس خدها
شوق غنت له : اسعدني و إلي عم تشتألي .. حدك طفله صغيره بكون ( غنوها باللبناني )
زياد : فدييييت الطفله
شوق ابتسمت واهي مستحيه : تفداك كلها
زياد يبوسها
شوق لاتعليق
زياد رد باسها
شوق : لا تبوس استحي
رد باسها مره ثانيه
شوق بدلع : زيااااد
زياد ما يرد عليها مكمل بوس
شوق : زيااااد
زياد لا رد بس مكمل بوس عناد فيها
شوق : زيااااااااااد
زياد مكمل وليلحين على هالوضع ..
شوق : زياد والله استحي
زياد : كيفي
شوق ضحكت واهي مستحيه : هههه اوكي كيفك و حلالك بس هم راع شعوري انا استحي
زياد : بس خلاص كيفي
شوق ويها الوان ولا تعليق
زياد ابتسم لها
شوق: انا لازم اروح الحين طولنا وايد
زياد : خلج شوي
شوق : لا طولنا وايد
زياد : اوكي بس ديربالج على روحج
شوق : وانت بعد
زياد : عطيني رقمج بدق عليج
شوق ابتسمت وعطته رقمها واهو حفظه وبعدها قامت وباسها على شفايفها ولمها حييييل !!!
شوق غمضت عيونها واهي تتنفس براحه
بعد ربع ساعه وخرت : مشكور :$
زياد : مبروك ياعروسه والله يقدرني واسعدج وباس يبهتها
شوق ابتسمت : ويقدرني واسعدك
زياد : حلااتها بيبيتي وقرص خدودها
شوق : ههههه
زياد : يلا روحي غرفتج تسبحي وبدلي وانسدحي عشان ادق عليج
شوق : انشالله وانت لا تدوس
زياد : من عيوني
شوق باست عيونه : فديتهم
زياد تشقق !! : حياتي والله يلا مع السلامه
شوق : مع السلامه
زياد مشى وطلع
وشوق " الحمدالله الله عوضني فيه!! عسى الله لا يغير علينا


** تعـــــوض فـــــيك حرمــــانــــــــي **

البـــــارت الخــــامــس عـــشـــــر ..

عالبــحــــر

حسيـــن " خسرنا بعض وكل واحد كمل حياته بصوب ومع شخص ثاني .. ما اقول الا الله يوفقها ويعوضها فييه !! الكل يمدحه ما راح احاتيها بس راح يفهمها ؟ راح يلمها ويطبطب على ظهرها كل ما ضاقت الدنيا فيها ؟


رن تلفونه شاف رقمها ابتسم ورد : هلا والله
شهد : هلا فيك .. شلونك
حسين : الحمدلله بخير وانتي شخبارج
شهد : الحمدلله
سكتو
شهد : اممم حسين
حسين : هل وغير رايه .. عيونه
شهد استحت : تسلم لي عيونه .. امممم باجر فاضي ؟
حسين : افضالج افا عليج
شهد ضحكت : امي وابوي عازمينك عالغدا
حسين فكر بالموضوع : اوكي بس شرط بعدها نطلع نشوف شقتنا ونقرر عالاثاث اوكي ؟
شهد ابتسمت : انشالله
حسين : عااشت اللي تسمع الحجي
شهد :ههههههههه
حسين : بس تضحكين! سولفي
شهد : شقول
حسين : قولي اي شي لا اعضج الحين
شهد : ماكو شي اقوله الحين يمكن لي شفتك سولفت
حسين : اوكي بس اذا ما سولفتي باجر راح اعاقبج
شهد : تمونن
حسين : فديتها
شهد : تفداك كلها
حسين : يلا انا ارد البيت واكلمج اوكي ؟
شهد : انشالله
حسين : تامريني على شي
شهد : سلامتك
حسين : يسلمج يلا ديربالج على روحج
شهد : انشالله
حسين : مع السلامه
شهد : بحفظ الرحمن
حسين سده ...

حسين " طيبه وحنونه واتينن بس مو قادر اكلمها اكثر مو قادر !! مابي اغلط واقول اسمها !! الله يعيني ..



----------------------------------------------------

شوق منسدحه ناطره زياد يدق عليها

شوق مبتسمه وتفكر " موافقتي عليه عشان امي اللي بس تحن وكلامها انها حابه تشوفني عروسه! خلاني اوافق والحين صرت حرم الانسان الحنون اللي كنت بحظنه اليوم ! الله يا دنياا !! اللي خذيته بموافقتي راح والله يرحمه واللي اختاره قلبي صار نصيب غيري والحين اللي عشان امي صار حنون وفهمني من اول يوم ؟ الله يوفقنا يارب ..!!

قبل اسبوعين ..

ام شوق : حبيبتي انتي كبرتي وانا يحقلي اشوف بنتي العوده مستقره بحياتها ومرتاحه وانا وابوج ما راح ندوم لج
شوق : لكم طوله العمر
ام شوق : حتى لو ! محد ضامن عمره و اهو خوش واحد و انا بكون متطمنه عليج وانتي معاه صدقيني ما راح تندمين زياد ماكو مثله
شوق ابتسمت : خلاص يمه انا موافقه
ام شوق : بقناعه ؟
شوق : ايي
ام شوق تشققت وقامت سلمت عليها : مبرووك يابنيتي الله يهنيج
شوق : يبارك فيج


-------------------------------------------


شهد " حسين باجر بيي شلون بشوفه ؟ شلون بكمل حياتي معاه ؟ شلون وشلون وشلون !
شهد " ايي احبه والله حبيته بس اهو قلبه مو ليييييييييييييييييييي !!!!!!!!!!!


يوم ملجه حسين و شهد

شهد بالسياره مع اختها

شهد : وصليني المستشفى بحط الورد على مكتبه وايي
اختها : انتي غبيه بالله شافج ؟ مو حلوه يشوفج قبل الملجه
شهد : خوو ما يعرف شكلي يلا بسرعه
اختها : اوكي و وصلتها المستشفى
شهد نزلت واهي تغطي ويها عدل لأنها متمكيجه دخلت مكتبه حطت الباقه وطلعت و اهي راده شافت حسين

حسين شايل شوق ..

حسين : شوق قومي لاا تخليني !!!


شهد دمعت عيونها : لعيونها كسرني ؟ عشانها مايبيني ؟ بس انا مافيني شي لو يحبها ليش ما تزوجها ؟ وطلعت من المستشفى واهي تحاول ما تبين انها متضايقه ..


-----------------------------------------------------


زياد واهو منسدح : خلصت ؟ اممم خل ادق واشوف ودق عليها
شوق من ثاني رنه ردت : الو
زياد عض شفايفه : شلونها
شوق ابتسمت : تسلم عليك انت شخبارك
زياد : بخير الله يسلمج
شوق سكتت واهي مبتسمه
زياد : هممممم Babytii وين وصلت ؟
شوق : اول شي انا مو بيبي وبعدين موجوده ما وصلت مكان
زياد : فديييييييتها يا ناس طع شلون تتحجى وتقولي مو بيبي
شوق : انت الشايب انا مو بيبي
زياد : امبله بيبي
شوق :زياااد
زياد : عيونه
شوق : زياد !!
زياد:روحه
شوق : زياد خلاص
زياد : كيانه وعمره وحياته كلها امريني
شوق استحت : مايامر عليك عدو بس خف عليي استحي
زياد يفكر : لو انتي الحين يمي جان عضيتج على هالحجي
شوق : زياد ما راح تخف من كلامك ؟
زياد بعناد : لا وشبتسوين ؟
شوق تستعبط : ما راح اعطيك الحلاو اللي ماما يابته لي
زياد : ههههههههههههههه فديتهاااااا والله فديتهاا شوقيييي باخذج الحين مو اله عرس
شوق : لا والله !!
زياد : ايي والله
شوق ابتسمت : زيااد مابقى شي اصبر
زياد : من اول يوم مو قادر اصبر الله يعينااا
شوق : هههههه محد قالك
زياد : وينج من زمان انتي
شوق : موجوده !
زياد : اخـــيييه اخورها الحين لا تتدلعين
شوق : مو قاعده اتدلع بس دايخه فصوتي يطلع جذي
زياد : انومج ؟
شوق مثل اليهال : ايي ايي وعدلت سدحتها
زياد : تبين ادبخج ولا اقولج قصه
شوق : الاثنين
زياد : هههههههه تعالي عندي ومن عيوني
شوق : زيااد لا تخليني اسويها ترا كاهو بيتكم مو من بعده
زياد يفكر : جنها دخلت راسي .. منو موجود بالبيت
شوق تصرقعت : لا زياد مو من صجك
زياد : لا من صجي ومن اول يوم مو قادر اخليج بييلج الحين
شوق : اي شي !!!
زياد : ايي
شوق استحت حييـــل !!
زياد واهو يلبس تيشيرته : هممم
شوق : زيااد
زياد : عيوني
شوق :بتيي من صجك ؟
زياد : ايي نطريني
شوق : اوكي :$

البـــــارت الــســــادس عـــشـــــر ...


شوق :بتيي من صجك ؟
زياد : ايي نطريني
شوق : اوكي :$
زياد : شووقي
شوق : هلا
زياد : اذا ييت وطردتيني اذبحج
شوق عضت شفايفها واهي مستحيه لأنه كان هذا تفكيرها : لا ما راح اسويها
زياد : اوكي وشغل سيارته
شوق : اوكي سده وبس توصل دق علي
زياد : لا خلج بسمع انفاسج على الاقل لين اوصل
شوق ابتسمت
زياد داس وبـ 5 دقايق وصل

بيت زياد يم بيت شوق بينهم فريجين تقريبا ..!

زياد صفط وقفل سيارته ونزل


شوق : دقيقه انزل ابطل الباب
زياد : لا ماعندنا بنات يبطلون البيبان الساعه 2 وشي
شوق : هههههههههههههه
زياد : اوريج !!
شوق خايفه شلون بيكون يمها !!

شوق " بلا عبط اليوم كنتي بحظنه خلاص طاف

زياد : شووقي شوي واصعد اوكي ؟
شوق: اوكي
زياد : مع السلامه
شوق : مع السلامه

زياد دق على بدر : سلام
بدر : وعليكم السلام هلا والله بالنسيب
زياد : اعذرني داق هالحزه
بدر : لا تموون ولا يهمك
زياد : دام امون ابي طلب صغير منك
بدر : عيوني لك
زياد : بطل لي الباب بصراحه بنام عند مرتي اشتقت لها
بدر : ههههههههههههههههههههههههه من اولها !! انشالله دقيقه

بدر سده بويها ونزل بطل له الباب
زياد سلم عليه : نردها لك انشالله
بدر ابتسم : شدعوه !! تعال اوصلك
بدر صكر الباب وصعد مع زياد و وصله غرفه شوق

شوق واقفه عند الكبت " امبييه شلبس بجاامتي تفشل خل اغيرها
وسحبت بجامه مستره بس بالوقت اللي دخل زياد

شوق تنحت
زياد ابتسم قفل الباب وراح لها
شوق ابتسمت واهي تشوفه يايلها
زياد لمها : قلتلج اسويها وبعديين لا تغيرين بجامتج شكلج جذي احلى و بعناد .. بيبيه بعد
شوق : انا مو بيبي !!
زياد : فديتها شالها وسدحها على فراشها وانسدح يمها وحط راسها على صدره واهو ماسكها من خصرها
شوق مغمضه عيونها
زياد : خليني اسولف واشبع منج وبعدها انومج
شوق ابتسمت : اسمعك
زياد قعد يمسح على شعرها ويسولف لها عنه واهو بس تضحك او تبتسم كانت مرتاحه بكل معنى الكلمه ..
زياد : شوقي
شوق : هلا
زياد : الله يقدرني واسعدج .. انتي تستاهلين كل الخير وانا من اول يوم عرفتج عدل وانشالله بحطج عيوني وما راح افرط فيج ! ما راح اضايقج ولا بنزل دموعج لأنج ملكتيني من اول لحظه وانا مرتاح معاج وايد ادري غريبه انه ما اعرفج الا من جم ساعه بس انا صج حبيتج !! ومتأكد انه مع الايام راح اعشقج بعد وقرص خشمها
شوق : آآي عورتني
زياد : baaabytiii !!
شوق : مو baby !
زياد : امبله وباس عيونها
شوق واهي دايخه حدها : زيااااد
زياد: هممم ياعيونه
شوق : نومنيييييي
زياد : شرط
شوق : امرني
زياد مد شفايفه : بوسه
شوق : لااااا
زياد : كيفج ما راح اخليج تنامين بدون لا تبوسيني
شوق : زيااد عشااني
زياد : تؤتؤتؤ
شوق : اوكي وخذت نفس وعلى طول باسته وردت راسها على صدره
زياد يعفس شعرها : حلاتها يلا غمضي عيونج عشان انومج
شوق : اوكي وغمضت عيونها
زياد قعد يقولها قصه ونامت بسرعه وقعد يخزها واهو مبتسم

البـــــارت الـــســـابـــع عـــشـــــر ...






لــــي كتـمـــــت مــــن همـــك بكــــيــــــنا ..!!!


شهد بدارها " جذي اكون خلصت طلعت لسانها وضحكت على خبالها تعطرت ونزلت الصاله تنطر حســـــــــــــــــيــــــــن ..



بالصـاله

شهد اول ما نزلت لقت امها وابوها واختها واخوانها سلمت وقعدت والكل مستانس لوناستها ..
ومع السوالف وبعد 10 دقايق رن تلفون شهد ابتسمت

شهد : عن اذنكم وردت الو
حسين : قوه
شهد طلعت من الصاله : اهلين
حسين : شلونج
شهد: الحمدلله وانت
حسين : الحمدلله بخير .. انا برا طرشي وحده من الخدم برا
شهد : انشالله ..
حسين : مع السلامه
شهد : مع السلامه
شهد سدته " لا بطلع له انا وطلعت واهي مبتسمه وطايره من الوناسه

حسين اول ما شاف الباب تبطل وطلعت شق الابتسامه واهو يحك راسه من التوتر
شهد : السلام
حسين : وعليكم السلام
شهد وقفت يمه : شنو اشيل
حسين : لا تعبين عمرج انا اشيل
شهد : لا والله انت كنت تبي مساعده وانا ييت
حسين : بس انا مابيج تعبين عمرج
شهد قعدت تفكر بس بالغلط قالت بصوت عالي : شدعوه مهتم
حسين انصدم : شهد ؟
شهد : ها ولا شي لاا بالغلط
حسين مسك ايدها : شهد شفيج ليش هالحجي
شهد لفت و كانت بتدخل : بطرشلك الخدامه انا داشه
حسين لفها : شهد شقصدج بهالحجي
شهد صرخت : مو قصدي شي و لفت بسرعه

و مع صرخه حسين باسمها شهد صرخت باعلى صوتها واهي تشوف شريط حياتها يمر والموت قريب !!!!!!!!!!!!!!!!!!!!!


السياره دعمتها ومشت وحسين قعد عالارض واهو ماسك شهد : شهد قوومي شهد ودق على الاسعاف بسرعه وقعد يصرخ

شهد واهي مبطله عيونها عالخفيف والدم تارسها من كل صوب وتتكلم بالغصب : لي رحت اذكرني بالخير انا حبيتك والله بس انته قلبك حق شوق مو لي! شفتك يوم ملجتنا .. انا مرتاحه لانك اخر شخص شفته قطت عمرها بحظنه احبك حسين وراح صوتها انقطع نفسها ..
حسين شالها وبالسياره وداس على اقرب مستشفى

حسين : شهد قوومي يالخبله قومي مو وقت عبط قوومي قومي !!! لاتروحين قومي !!!!!



------------------------------------------


زياد قام وما شافها يمه استغرب بس على طول راح حمامها غسل وطلع دق عليها

شوق دخلت ومعاها عصير : صباح الخير تفضل العصير قبل الغدا
زياد ابتسم : يا حلاه اليوم اذا مصبح فيه عليج وباسها وخذا العصير منها وقعدو على القنفه وبعدها سألها عن الجبله وصلى ولما خلص نزلو تحت حق الغدا و اهو متفشل لأنه من اول يوم نايم عندها واهي لا تقل عنه باحراجها بس اللي ريحهم
بو شوق : لا تحااتي كلناا مرينا بهالحاله
زياد : هههه فاهمني عمي

و مر الوضع عادي ..

--------------------------------

بالمستشفى حسين دخلها الطوارئ وكان بيدخل معاهم

حسين : انا دكتور !!!ماله داعي اقعد برا
خالد : بس انت خايف وايدك ترجف ما راح تساعدها خلك برا !!!
حسين : خلود جب بدخل يعني بدخل
خالد طق جتفه : اكل تبن واقعد اهني ودزه عشان يقعد عالكرسي ودخل مع باجي الدكاتره اللي حايسين فيها

كافي انهم عارفين انها من معاااارف الدكتور حسين !!


في : بنااات تحت مرت حسين الدكااتره حايسين فييها
سناء : اي شي ؟
في : والله
سميره : انا نازله وراحو كلهم يشوفوونهم


في : حسين
حسين لف ويها عليهم : دكتوره سميره دشي طمنيني مو راضين يدخلوني وبصراخ اي قانون يمنع انه دكتور يجابل حاله مرته
سناء : حسين بلا صراخ هد عمرك واقعد لا تحاتي مافيها الا العافيه والحين سميره بتطمنك واشرت حق سميره اللي دخلت على طول واهو قعد وفي راحت تييبله ماي

في : تفضل اشرب وهد عمرك
حسين خذا منها وقعد يشربه واهو يستغفر ربه ..

سناء تطالع في و في نفس الحاله !! اثنينهم خايفين عليه ...

سميره طلعت وحسين قام وبعيونه الف سؤال
سميره :

الــبـــــارت الـــثـــامـــن عـــشــــر و الاخــيـــــر ..


( الــفـــصـــل الاولـــ )



سميره طلعت وحسين قام وبعيونه الف سؤال
سميره : اطلب لها الرحمه ونزلت عيونها واهي خايفه من رده فعله
حسين : الله يرحمج وطاح عالكرسي وسند ايده على ركبه وراسه بينهم وقعد يتمالك نفسه وبعدها بـ 5 دقايق طلع من المستشفى و عالبحر على طول


عالبحر..


حسين قاعد عالرمل ومجابل البحر والمكان فاضي اختاره عشان يطلع اللي فيه بجى من قلب

حسين " ابجي على شنو ولا شنو ؟ انا مثل الياهل اللي فقد كل العابه !! مو قادر اتحمل اكثر انا تعبت روحي بتطلع انا ابي ساروه دق عليها

ساره : هلااا باللي راح عند الحبيبه ونسانا
حسين نزلت دمعته وساره حست انه فيه شي
ساره : صاير شي ؟
حسين : شهد توووفت !!!!!
ساره صرخت : شنووو
حسين : توفت كانت طالعه تساعدني واندعمت
ساره بجت : الله يرحمها .. شلون اهلها
حسين : مادري ما اتوقع احد بلغهم انا بروحلهم سده وراح بيت شهد اللي كانو بحاله صعبه مايدرون وين بنتهم اللي اختفت فجأه !!

حسين دخل والكل لف عليه
ام شهد راحت له واهي تبجي : بنتي مادري وينها اختفت فجأه ندق وجهازها مغلق
حسين نزل راسه ونزلت دمعته وام شهد مسحتها له : شفيك ياوليدي شصاير
حسين ما رفع راسه ليلحين : شهد عطتج عمرها
ام شهد شهقت : لاااااا بنتي !!! لا يمه بنتي كانت اهني ما راحت اهي موجوده بترد الحين لا تتغشمر اهي بتيي انا ادري
حسين مسكها وقعدها واهو يهديها والباجي يبجون !!!!!!!!!!!

بوشهد يمسح دمعته بطرف دشداشته : الله يرحمج الله يرحمج


مرت ايام العزا .. الاسود طاغي عليهم

بعد وفاتها بـأسبوع ..

حسين بدار ساره

ساره تمسح على راسه واهي تبجي معاه

حسين : ساره انا ماتهنيت بعمري ماتهنيت كلش !! وما كنت اقول الا الحمدلله !!! بس الحين مو قادر اتحمل الوضع اكبر من طاقتي .. ساره انا عانيت من صغري بمرضي وعلاجي برا ولما رديت الكل يعايرني ليش شعري كان دايما يطيح وما يطلع !! وبعد ما شفيت امي قل اهتمامها فيني ما قامت تهتم مثل اول وجني بعد ما صرت زين ما اهمها وماعشت طفوله حلوه مثل الباجي وبمراهقتي ماطلعت واستانست مع ربعي مثل باجي الصبيان كنت دايما بالبيت ادرس تنازلت عن ابسط حقوقي بس عشان ارضيهم واهم ما حققولي شي من اللي كنت ابيه !! بالمدرسه كنت منبوذ بين الطلبه ما اذكر اني رافجت احد كنت بالنسبه لهم مثل السم اللي لازم ما يقربون منه !! تخرجت ودخلت الكليه وحتى السياره خذوها بكيفهم ! صح حلوه بس مو مثل ما كنت ابيها الصبي دايما يكشخ بالسياره لأنها من اختياره واهله اهدوه ياه بس انا ابوي كل اللي قاله لي هذي بس عشان ما تاذي احد بالروحه والرده ! يعني مو لله ..

حسين : ماقدرت اكمل اهني كورس واحد وسافرت برا ورحبو بالسالفه لأنهم ما يبوني وانا هناك ما اذكر انهم دقو علي كنت دايما انا اللي ادق واسأل عليهم واهم بسرعه يسدونه ولما رديت بالشهاده الكل افتخر فيني حياتي هناك خلتني انسان ناجح واثق من نفسه ومسؤول عن روحه وحياتي هذيج خلتني اكون صابر على كل شي بس كل شي وله حده !! انا لي اهني حدي ما اقدر اتحمل اكثر .. ساره انا عشقت ترابها بس اللي صار خطبولي غيرها والحين اهي لغيري وانا ما اقول الا الله يوفقها و شهد الله يرحمها وخذا نفس الانسانه الحنونه الانسانه الناعمه اللي زرعت الامل فيني مره ثانيه من دون ماتدري ... اللي حببتني بالحياه ورجعت لي النور كنت متاكد انه راحتي بتكون معاها بس شكلي كنت غلطان لأنه انا ما يحقلي اتهنى !! استغفر الله .. هذا المكتوب ومالنا اي حق بهالحجي بس والله احتاجها يمي الحين !! كنت ابي اكون معاها ونعوض ايامنا اللي طافت كلها كنت ابي اشكيلها وابجي بحظنها مثل الياهل كنت ابي احس بلمسه ايدينها ودفاها وحنانها كنت ابي اعيش كل شي معاها !! ساره انا وخذا نفس قوي ولف ويها الجهة الثانيه وقعد يمسح دموعه اللي مو راضيه توقف

حسين رد لف ويها عليه : ساره قولي حق شوق اني ابي راحتها والله يوفقها قوليلها تحاول تحبه لأنه زياد حنون ويستاهل كل الخير انا اعرفه خوش واحد والله .. قوليلها اني بروح قريب وما راح ارجع .. قولي حق امي وابوي اني مسامحهم على كل الجروح اللي اهدوني ياها .. قولي حق سجى تحافظ على روحها وتصون نفسها وما ترخصها خليها تكون واثقه من نفسها اكثر واخر شي قولي حق خلود يتزوجها وما يخذلها واني احبه اكثر من روحي و والله لو طلب روحي ما تغلى عليه !! خوويلد روحي اللي لي بعد اكون ميت !! انا وياه نكمل بعض قوليله لي رحت لا يزعل ولا يتضايق وقوليله لا يكتم بقلبه وخل ياخذها بسرعه عشان لا تروح منه .. انا مو قاادر اكمل هالطريج !! لاتنسين كلامي ضروري !!

مسح دموعه وقام طلع من غرفتها راح الحمام غسل ويها ونزل .. كمل طريجه



بعد اسبوع ..



بــبـــيت بو خالــد

ملجــه خـــالـــد & فـــــي ...


حسين : مبروك معرسنا مبرووك
خالد ابتسم : يبارك فيك

*** خالد يحب في من زمان وخطبها و وافقو وصار كل شي بسرعه وملجه محفوفه بينهم ***

من باجر الصبح

حسين قام من نومه واهو مسخن ابتسم وخذا اقرب ورقه وكتب عليها واهو سايح من التعب

حسين " ساره لا تنسين كلامي .. خالد احبك يا اغلى من نفسي علي !! الحمدلله بروح وانا متطمن عليك انك عند وحده امينه وتموت عليك
سجى ديربالج على روحج .. يمه يالغاليه مشكوره على كل شي ! انتي وابوي ماقصرتو

حط الورقه عالكومدينو يمه ورد نام


الساعه 2:30

ساره دخلت : حسووووون قوم يلا غداا ميته يوع وانت ليلحين خامد
ساره بطلت الستاير والشمس دخلت عدل وقعدت تناقز على فراشه ولا تعليق ساره خافت وبعدها لاحظت الورقه ومن اللقافه قرتها وتصرقعت وخافت من الشعور اللي يالها وهزته شوي شوي ومسكت ايده اللي كانت ثقيله وطاحت

سااره : لااااااااااااااااااااااااااا وكسرت الابجوره لمته وطقت صدره اكثر من مره واهي تبجي وتشم ريحه تيشيرته

بعدها دخلو اهلهم وشافوها وتصرقعو الكل انصدم طلب له الرحمه وبجى من قلب


خالد كان يكلم في وبس سمع اصوات بجي راح غرفه حسين وشافهم شاف اخوه وروحه بويها الابيض راح صوبه وجاس ايده البارده وطاح على ركبه ونزل راسه على ايده ونزلت دموعه حالته النفسيه صارت زفت خذا اقرب تيشيرت من كبت حسين وراح داره ركض


خالد قفل باب داره صكر الليتات وقعد بالزاويه يشم تيشيرته ويبجي

خالد " رحت وتخليت عني رحت وخليتني بدنيا وصخه مافيها احد يحس بالثاني كنت مستعيل على موضوع زواجي لأنك حاس !! رحت يا اخوي رحت وييينك بس ؟؟؟ ارجعلي ولا تعال اخذني معاااك

يعطيك الف عافيه

شاكره مرورك العطر