 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
|
|
#1
04-23-2011
|
||||||||||||||||||||||||||||||||
|
||||||||||||||||||||||||||||||||
وروعة تعصب وتذهب إلى الغرفة .... وبشار بعد يذهب إلى الغرفة ... وما ظل غير علياء
علياء تكلم نفسها : يا حبيبي مرة ثانية غير امي ... ولا بعد عندها ولد .. يازعم اخوي واسمه بشير ... هاي الي ناقصنا ... لا والأخت عندها شنطة ... ليكون بتنام ويانا " وتكلمها " : حياج اتفضلي داخل رانية : ما تقصري .... مشكورة وتّدخلها الحجرة ... وتقعد معاها علياء : إلا انتي شنو اصلج رانية : كيف ما فهمت عليكي علياء " تكلم نفسها " : لا والله ما تفهمي عليي .. يمكن اتكلم انجليزي وانه ما ادري " وتكلمها : قصدي انتي من وين ... يعني وين عايشة .. مثلا انه بعيش في البحرين ... انتي ايه ؟ رانية : اي اي هلاء فهمت عليكي ... انا من لبنان علياء " تكلم نفسها " : ياحبيبي من لبنان بعد .... احنا ناقصين بلااوي ومشاكل ... الا جايب لينا وحدة من لبنان ... وين انودي ويوهنا من الناس ...اففف يالله ...استر علينا وعلى حالنا رانية : وين رحتي حبيبتي .... علياء تنتبه : نعم رانية " تبتسم " : مابدك اتشوفي اخوكي علياء : امبلة بدي اشلون ما ابدي ... اعطيني اياه في غرفة ام محمد ام محمد : وبتعيش ويانا بعد ؟ ابو محمد : لاما بتعيش .... بتروح بس جايه علشان اسوي ليها تذكره البحرين ارخص من السعودية .. ام محمد : اها ابو محمد " يبتسم " : انزين .. يالله قومي قعدي وياها ... لا تخلينها جذي .. انتي طيبة ادري بج ... اهو يوم يومين بالكثير .... واهي رايحة ام محمد : انزين ابو محمد : يالله روحي لها ... وانه بشوف العيال بعد اقول لهم ام محمد : انزين وتذهب ام محمد إلى وين مو قاعده رانية .... وتدخل ورائت ان مافي الصالة الا اهي وعلياء في حين ابو محمد ايكلم روعة ابو محمد : يالله قومي ... لا تسوين لج حركات ... وش عليج منها انتي ... وبعدين بعد عندج اخو ماتبين اتشوفين اخوج روعة : موب اخوي ابو محمد " بداء ايعصب " : اخوج ... ويالله قومي عن الحجي الزايد ... قعدي معاها روعة : انزين ابو محمد يوجه كلامه لفاطمة : وين اختج علياء ؟ فاطمة : علياء وياها تحت ... شكلها دخلتها الصالة وقعدت وياها ابو محمد " يبتسم " : ها جفتون علياء ... اصغر منكم وافهم منكم ... راحت وكرمتها وقعدت وياها ... مو انتون فاطمة : اي صح ... والحين بنصير مثلها ما يحتاج ... يالله انه بروح لها ابو محمد : يالله روعة ... خلونا كلنا ننزل ... وينزل الجميع ... ورضوا بالواقع ... وقعدوا وياها ... وسولفوا وضحكوا ... وعلياء اتبرعت بسريرها حق رانية اتنام عليه ..... وروعة كانت مو راضية ... بس بعد غصّبت روحها وقعدت ... علشان ابو محمد ما يسوي لها سالفة ... وابو محمد سالفة الجداول نساها .. وخلا الباقي مستانسين ... وصار لهم ثلاثة ايام رانية معاهم ... وبعدين سافرت لبلدها اهي وولدها الكل مجتمع على الطاولة اثناء العشاء ... وبدائت الكلام علياء علياء : يبه .. من زمان احنا ما رحنا السعودية ... والحين عطلة نبي انروح روعة " اتكمل " : اي يبا نبي انروح ابو محمد " يبتسم " : خلاص جهزوا شناطكم الليلة ... وباجر نسافر فاطمة : صج يبا ابو محمد : اي صج ...... انزين " بمزح " وش صار على سالفة الجداول بشار " بملل " : ردينا ابو محمد : ههههههههههههههه .... عيل استانستون لمن ماصار في جداول الجميع : ايييييييي ويذهب الجميع لترتيب الشنطة ... علشان بيسافرون للسعودية من الصبح ...... وفي اليوم الثاني الساعة 6 تقريبا ً ام محمد " تدخل غرفة البنات " : يالله قوموا .. بسرعة ..اتفطروا .. وعلشان انروح السعودية لا نتاخر بسرعة قوموا فاطمة : يالله يالله ... انه بصلي اول صلاة الصبح ما صليت ام محمد : انزين يالله بسرعة ... والباقي علاايو (علياء ) يالله يا خيشة النوم قوومي بسرعة علياء تجلس على السرير ... وهي تتثاوب : انزييييييين ... اعنبو من الصبح اتصرخين ام محمد : يالله ... يبون بعد ايسافرون ... وهم مو راضين يتحركون من مكانكم ... لكم خمس دقايق .. ما قمتون ... بقول لأبوكم ايهون وما ايوديكم روعة " تنقز " : لالالالا ... هكو قمنا ويتفطر الجميع .. ويركبون السيارة متوجهين إلى السعودية .... وبعد ثلاث ساعات ... يصلون إلى السعودية بالخصوص الأحساء ....... وبعد فترة يصلون إلى المنزل مال الأهل (( اهل ام محمد )) يرن الجرس بشار ... ويرن ويرن ولحد يرد ... وبعد فترة صوت ام وديعه ( ام محمد ) : يالله يالله ... من عند الباب بشار : هذا احنا ... بشار وجماعة البحرين ام وديعة " تبتسم " : لحظة ... ( وتفتح الباب ) يدخل الجميع ايسلمون على ام وديعة وايحبونها على راسها ... وام محمد دخّلت ابو محمد المجلس ... والباقي في الصالة قاعدين .. وكانوا الباقي نايمين ... لأن كانو سهرانين وعلياء وروعة قالوا بيروحون ايقعدونهم من النوم ... وتركب علياء وروعة للغرفة ... ويدخلون وبصوت وااحد : سبراااااااااااايز .... يالله قووومي ... قعدي من النوم ( بالنسبة لأهل ام محمد ... اخواتها واخوانها كلهم متزوجين وعندهم اعيال .. وما ظل بالبيت الا اختها الصغيرة مناير كملت الثانوية بتروح الجامعة ... والباقي كل واحد ماخد شقة وساكن فيها .. ما عدا جابر مسوي له شقة صغيرة في البيت ... لين ما يزهب بيته .. ) مناير : من ؟ " وتحك عيونها وتفتحهم " : انتووووووو .... المتى الوصول علياء : تونا الحين روعة : يالله قومي بسج نووم مناير : وين حمووووود ابي اشوفه .... وحشني وإلا يدخل بشار وفي يده محمود بشار : وهذا حموود وووصل لج مناير : تعال تعال حبيبي وذهب لها محمود ويقعد على اريولها ويضحك ويسولف معاها ... ويشاركونها بشار وروعة وعلياء ..... وبعدين اجتمعت العائلة كلها .. لأن مناير اتصلت لكل اخواتها واخوانها ... ان عائلة ام محمد جو السعودية لأن من زماان ما راحوا ..... والكل متجمع .. ويسولف ويضحك ... واتغذوا ... بعد الغذة قالوا لازم يطلعون ويا بعض فقرر ابو احمد ( الأخ الأكبر لأم محمد ) ان اهو عنده مزرعة وفيها برجة ... ايروحون يتسبحون والكل استانس وقام ايجهز الشنطة والأغراض الي بيحتاج لها ... في المزرعة وباالأخص في البرجة علياء : لاماما قعدي محلج ... ادري ما تعرفين تتسبحين ... راح تغرقين دعاء : ما راح اغرق ... اعرف علياء : كيفج اذا غرقتين ... بخليج اتموتين مالي خص فيج دعاء : اي كيفي (( دعاء : ابنه خالة علياء ... وعلياء اكبر منها بسنة .. مع هذا علياء قريبة منها واايد . وصايرين مثل الأصدقاء وتذهب دعاء جهة الغزير ولا تعرف تسبح ... وتغرق .. وكانت اتمد يدها لعلياء ... علياء كانت اتقول في نفسها تستاهل ... بس لمن جافتها راح اتموت لحقت عليها .... وتذهب لها علياء ... وتحملها ... والجميع لا يدرون ... وبعد فترة صراع تحت الماء تخرج علياء .. وفي يديها دعاء ... حاملتنها كالطفلة ... والكل استغرب واندهش وخاف في نفس اللحظة علياء : سوو ليي طريج خلوني اطلعها وتخرج علياء ... وتسدح دعاء على الأرض .. وتسوي لها الحركات الي تعرفهم عن الي يغرق .. تنفس اصطناعي وغيره ..... ام دعاء : علياء .. شلون دعاء غرقت علياء " تترك دعاء لأنها قامت من مكانها ... وصارت تمام " : قلت لها لا تروحين الغزيرة مصممة انها تعرف ... والي ما يطيع يضيع ام دعاء " توجه حديثها لبتها " : وانتي ما قلت لك اذا ما تعرفين لا تسبحي دعاء " منقهرة " : كيفي انا علياء " حست بأن دعاء منقهرة " : دعاء تعالي شوي بقول لج شي دعاء : ايش علياء : تعاالي وتنزل لها دعاء في البرجة ... وتقوم علياء بتعليم دعاء خطوة خطوة اشلون تتسبح ... إلى ان نجحت دعاء وعرفت تتسبح ..... وبعد فترة يخرج الكل من البرجة ... علشان ايصلون ويتعشون ... وبعدين راح يتسبحون الصبيان ... وبعد ما اكمل الجميع من السباحة والأكل ... الحين صار وقت الرحيل كل عائلة اتروح البيت ... وعائلة ابو احمد عزمت عائلة ام محمد في اليوم الثاني على الغذة في بيتهم ... وفي اليوم الثاني ... طبعا ً بعد التعب والسهر ... اذن اذان الظهر والكل كان نايم ... ولا احد صاحي ... صارت الساعة 1 دخلت ام محمد الغرفة على عيالها : يالله قوموا ... علشان انروح بيت خالكم .. نتغدى قوموا علياء : الساعة جم ام محمد : الساعة 1 روعة : والمتى احنا بنرجع البحرين ام محمد : عقب ما نتغدى بنقعد شوي وبنروح ... يعني الحين شيلوا اغراضكم وياكم فاطمة : يمه ما قعدنا واايد ... بعد خلى باجر انروح ام محمد : ابوكم عنده شغل باجر ولازم نرجع اليوم فاطمة بملل : انزين وتذهب عائلة ام محمد بيت ابو احمد ... ويتغدون ... ومن بعدها ... قعدوا ايسولفون ... ام احمد : علياء كبرتين وااجد علياء " بخجل " : ايي كبرت بعد بروح الثانوية وش علبالج ... خلاص كملت ايام الهبالة روعة : ههههههههههههه من قال ... اصلن الثانوية مرحلة الهبالة ... ادشين المدرسة علبالج مستشفى الميانين علياء : لالا ما اظن ....احنا ما بنصير مثلكم .. جيلنا افضل فاطمة : طل افضل وتدخل اهني ام محمد : يالله يا عيال قوموا بنمشي ويقوم الكل يلبس ويسلم .... اما بشارفكان قاعد يلعب بلاي ستيشن ويا احمد علياء : يالله قوم بنمشي للحين تلعب بشار : رووووووحي ما شبعت توها بادية المباراة ابي اكملها ام محمد : يالله قوم شتكمل ... اربع وعشرين ساعة مباراة مباراة ... يالله قوم ويقوم بشار بعصبية ... ويركب السيارة ويصك الباب بالقوة .... وبعدها انطلقت السيارة في العودة إلى البحرين 
|
|
04-23-2011
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
ولمن وصلوا لجمارك البحرين ...
الشرطي : روح رقم 15 ابو محمد : اوكي تسلم ووقف ابو محمد السيارة ... ونزل من السيارة حامل الجوازات ... وإلا جميع الشرطة يأتون بناحية ابو محمد ... احد الشرطة : نبي انفتش السيارة بالكامل .. خلى ينزلون ابو محمد : إن شاء الله ..... يا عيال يالله قوموا يبون ايفتشون السيارة " ويخرجون العيال من السيارة ... ويقفون بره والشرطة محيطة بهم .. " الشرطي يكلم المسؤل : اي ما عليه حاضر " ويوجه حديثه إلى البنات " : البنات تعالوا وراي ... اهناك انفتشكم روعة ترفع حاجبها .... وعلياء اتبوز .. والباقي مشوا .... ووصلوا البنات لمكان التفتيش الحجرة المخصصة ... دخلو كلهم الحجرة ... إلا الشرطي يقول : لالا ... مو كلكم مرة وحدة .. وحدة وحدة ام محمد : ننطر في الطريق ... نقعد في الداخل ... وهي تدخل الحجرة الثانية الشرطي : لا ما يصير وتدخل علياء اول وحدة .... وتقوم الشرطية بقفل الباب .. وهنا تخاف علياء ... وادخلتها الحجرة المخصصة للتفتيش ... وتأمر علياء بفصخ العباءة .... وتفصخها ... وكل حين جزء تأمر من علياء ان اتفتشها ... وعلياء خايفة وتسوي الي تبي منها .... وبعد وقت خرجت علياء من الحجرة ... واخذت جوازها وطلعت بره ... علياء " توجه حديثها لأم محمد تبي اتقول لها شسوت فيها " : يمه والشرطي ايطالع علياء ويأمرها بأنها اتروح ... .. وتذهب علياء إلى جهة ابو محمد ... واندهشت رأت السيارة كل الأبواب مفتحة ... والأغراض مرمية في الشارع . ... وتذهب بسرعة .. تبي تفهم القصة ابو محمد : قعدي على الكرسي وانتي ساكتة علياء " تطالع من حولها " : إن شاء الله وبعد وقت ... اينادي ابو محمد علياء ... ويهمس في اذونها ابو محمد " هامسا ً " : سمعي روحي قولي لأمج اذا قالوا لكم فصخوا اثيابكم .. قولي لها لا ترضى .. علياء " تبداء بالبكاء " : اهم فصخوني اثيابي انه كاامل ابو محمد " يعصب .... ويذهب ابو محمد بناحية الغرفة ...والشرطة تلاحق ابو محمد ... ويطلبون منه حالا ً يوقف مكانه ... ولكن ما اهتم .. ويلحقه بشار ... اما علياء فكان ابو محمد ماسكنها من ايدها ... واهي تبجي .... ابو محمد " بصريخ " : ام محمد طلعي من الحجرة ... لا تخليهم ايفتشونش ... طلعي ... احنا ما سوينا شي الشرطي : ما يصير هاي امر ولازم الكل يفتش بشار : اسكت مالك حق اتفتش اخوااااتي ... الحين اتخليهم يطلعون الشرطي : سكت ولدك احسن لك ابو محمد " يعصب " : تبوني اسكته ... هذوني شتبون مني مفتشيني ... وش جايفيني مال مخدارت ... هدووني وهدوا اعيالي . تخرج ام محمد وروعة .. الي تهاوشت مع الشرطية لأنها ما تبي تفصخ اثيابها ... ام محمد : مالكم حق اتفصخون اعيالي اثيابهم ... ماسوو شي لكم .... مافي ... خلونا وعلياء لم تستحمل الوضع وانهارت في البجي .... ابو محمد " مازال يصرخ " : جووف البنية شسويتون فيها ... حرررام عليكم حرااام ... بتستين واهي ما سوت شي ولاتدري بشي الشرطي : انزين تعال اشوي اهناك عن الفوضة نتفاهم ابو محمد : اييي الحين تتفاهمون بعد شنو ... بعد ما سويتون الي تبون علياء مو قادرة تستوعب شي ... كل واحد ايصرخ من صوب ... ويمر في ذاكرتها الشرطية شلون فصختها اثيابها ... فانهارت في البجي ... وهدت يد ابوها ... والشرطة كانو محاوطينهم من كل جهة ... وتركض علياء تهررررب بأتجاه السيارات تبي تطلع من المكان ...... والجميع يلتفت لها بشار " يصرخ " : علياااااااااااااااااااااااااء والشرطة تركض خلفها ..... والمسدسات في ايدهم ..... اما علياء فكانت تبجي ... ويمر في ذاكرتها يوم الشرطة تدخل البيت واتكسر الباب ... وكل شي صار لها ... والحين . وكانت تركض بلا وعي واذا الشرطة قدروا يلحقونها ويحاوطونها من كل جهة ... والمسدسات بناحيتها ..... ابو محمد والكل يركض لهم قبل ما يقتلونها ام محمد " تصرخ " : لالالالالالالالالالالالا بنتي ابو محمد : هدوهااا علياء ... تنظر إلى الشرطة ... وتمرر نظرها إلى كل شرطي ... ووتتكلم ببجي : شتبوون مني ... تبون تقتلوني قتلووني ... تبون تسجنوني مثل ابوي سجنوني ..... شتبون منا ..... حرمتونا من ابونا لمن كنا يهال ... وكنا محتاجين له " وتشهق " : حرمتونا من كل شي ... عيشتونا في فقر وظلم ... ما خليتون لنا شي نفرح ابه .... وبيتنا وبقتونا ... والسيارة واخذتونها ..... شتبون بعد .... كاااافي " وتمسك علياء راسها ... وحست كل الي حولها ظلام اسود ويغمى عليها ... وتسقط على الأرض بشار : عليااااااء والكل يركض بناحيتها .... والشرطة تتباعد عنها ... ويقومون بأتصالات للأسعااف .. ام محمد " ببكاء " : ردي علي يا علياء ... ردي علي ابو محمد : انا رايح اجيب ماي من السيارة روعة " تلمس علياء " : علياااء قومي ... علياء لا تسكتين ... قوومي عليااء اما بشار فكان من بعيد حاظن محمود علشان ما يخاف وقاعدين على الأرض ... فاطمة : عليااء قومي ... لا تتطنزين ... قوومي تكفين اما علياء فكانت اعيونها مغمضة ولكنها تذرف منها الدموع ..... . وبعد فترة من الصريخ ... يصل الأسعاف بصوته القوي ... ويذهب بناحية علياء ... وينزلون السرير ويحملونها .. ويذهبون .... ابو محمد " والدمعة في عينه ينظر إلى الأسعاف ..... ويكلم ام محمد والباقي ": يالله قوموا ... عن الطريق خلا اتمر السيارات ... تعالوا قعدوا على الكراسي اهناك فاطمة حاظنه ام محمد وتذهب معها ... وروعة تمشي وراها .... قعدوا البنات ويا ام محمد على الكرسي ... اما ابو محمد فأخذوا اهو و السيارة ... وكذلك بشار علشان يفتشونه ..... وبعد فترة رجع بشار بس ابو محمد لا ... ام محمد : انه لازم اتصل لأم ناصر اقول لها كل شي .. روعة : ما يصير حاولت التلفون مافي اهني ارسال ... ما يتصل فاطمة : يعني شلون بنقعد اهني لباجر الصبح .. بشار : انزين ... انا ابي اعرف الحين اهم ليش سووا كل هذا ... شمسوي ابوي ام محمد : ما تعرف شمسوي ... مو لأنه باجر في مسيرة ... وابوك الرئيس فيها بشار : والحين على كل مسيرة .. بيسون لينا جذي ... والله حالة اما علياء فكانت في الأسعاف تتكلم وعيونها للحين مسكرتنها ... : حراام عليكم ..... خلووني ... لا .... لا وبعد وقت وصل الأسعاف للمستشفى ... ودخلوها بسرعة غرفة الطوارئ .. وجوا ليها الدكاترة .. وحاوطوها ... وماي ... وايسون ليها شغلات ..... وبعد وقت تفتح علياء عينيها بهدؤ وتنظر إلى حولها ... علياء : وين انه الدكتور : انتي في المستشفى علياء " تستغرب " : ليش شصار ؟ الدكتور : اغمى عليج علياء" تتذكر شوي شوي " : اي اي .... " وتنتبه ... وتجلس على السرير " : وين الباقي .. امي وابوي ؟ الدكتور : الحين راح ايجون .. لا تحاتي انتي بس ارتاحي .. لازم ترتاحين واتهدين علياء " تنسدح على السرير " : إن شاء الله وبعد فترة اكملت الشرطة التفتيش كامل .. وتركت عائلة ابو محمد تمشي .... ووصّل ابو محمد العيال البيت علشان يرتاحون .... وبعدين اهو مع ام محمد راحو المستشفى حق علياء .......... وبعد فترة ... يصلا ابو محمد وام محمد للمستشفى ... ويدخلان الغرفة على علياء .. ابو محمد " يبتسم " : شخبارج علاية علياء " ويها شاحب " : الحمدلله ام محمد : يالله عاد .. ما اقدر انام الليلة بدون ما يكون حسج في البيت ... وبعدين من احصل لي وحدة من الصبح اصرخ عليها " بمزح " علياء : هههههه ... ما عليه جوف الدكتور ... لأن قال لازم انام الليلة ... بس حتى انه ما احب انام في المستشفى .. ابو محمد : اوكي .. امج بتقعد وياج الحين ... وانه بروح اجوف الدكتور شيقول علياء : اوكي ويذهب ابو محمد إلى الدكتور ... ويطرق الباب ويدخل الغرفة . ابو محمد : السلام عليكم الدكتور : وعليكم السلام ابو محمد : انا ابو علياء ... يغيت اعرف الحين اهي وش فيها الدكتور : حياك ... اقعد ابو محمد : الله يحيك الدكتور : مشكلة بنتك الحين اهي تعاني من ازمة نفسية .. يعني صادها انهيار عصبي ... واحنا ما ندري احتمال ايكون شديد او عادي ... فراح اتكون مسؤليتكم تعرفون اذا شديد او عادي . ابو محمد : شلون نعرف الدكتور : انتو راح اتجوفنها في البيت اذا على اقل شي اتصرخ واتعصب .. واذا بجت تبجي واايد واتقول كل شي في قلبها يعني اهني اهي منهارة عصبيا واايد ... واذا رجعت مثل ما اهي ... يعني صار لها هذا بس ازمة وانتهت ابو محمد : اها .. انزين الحين نقدر ناخذها الدكتور : كيفك ابو محمد : خلاص باخذها لأن اهي ما اتحب .. الدكتور : وحاولوا اذا عصبت واايد .. تطلعون ابها اتهدونها اترفهون عنها .. لأنها مسكينة توها ياهلة .. وشلها بالأنهيار ابو محمد : خلاص .. لا توصي .. اعرف لها انا ... يالله عن اذنك الدكتور : اذنك معااك وبعدها ... اخذ ابو محمد علياء ورجعوا البيت .. وطبعا صارت لسالفة علياء نشر على العائلة كلها ... والكل خاف عليها ...بس ام محمد طمنتهم وقالت الحمدلله ......................... وفي اليوم الثاني علياء تقعد من النوم ... وتنزل علشان تتفطر ام محمد : وين وين وين علياء " ترفع حاجب " : شنو وين .. بتفطر ام محمد : انتي اليوم عندج راحة لا تتحركين ولا خطوة ... كل شي تبينه يوصل لج .. يالله ردي الغرفة علياء " تبي اتعجز ام محمد " : انزين بس الكمبيوتر ما تقدرون اجيبونا ليي فوق ... لأني لازم اقعد .. ما اقدر ام محمد : قلت لج كل شي بيوصل لج .. بنجيب لج الاب توب والواير موصل لفوق .. يالله روحي علياء " تستانس " : اووووووكي وتذهب علياء للغرفة ... وبعد فترة تأتي الخدامة وفي يدها صنية الفطور .. وتقوم علياء علشان تاكل ... الخدامة : اذا خلصتين ناديني علشان اجي اخذه
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض المتطور
