لاتظن أني ماأحبــك

جا فيصل وأهله وجا الشيخ الي يكتب الكتاب والمعازيم ملو المكان ويحترون المعرسة تطلع عليهم
عند الرجال كان الفرح والسعادة غامرة كل الوجيه وخاصة خالد وفيصل
الشيخ : نبدا
خالد : أي يا شيخ أبدأ
الشيخ : بسم الله المعرس عطني بطاقتك الشخصية ولي أمر البنت أيضا والشهود
فعل الشيخ المراسم للملكة وباقي راي العروس
الشيخ : أبي أسمع أموافقت العروس
خالد: أنشاء الله
راح خالد جهة الصالة
خالد : أمي
الجوهرة : سم يا وليدي
خالد : وين لينة
الجوهرة : هذه عندك بالغرفة
خالد : طقطقططقط
العنود : تفضل عمي
خالد : الله وش هالحلاة وش هالزين
لينة : تحلى أيامك أنشاء الله
خالد : جات اللحظة الحاسمة الي راح تنقل فيها ولايتي عليك لزوجك
لينة : ليه
خالد : خلاص راح تتزوجون وفي هذي الحالة هو ولي أمرطك يصير
لينة : لا ما أبي أبيك أنت
خالد : يا حلاة هالكلام الي يطلع
حب خالد راس أخته
خالد : الشيخ يبي يسمع أموافقتك راح أخليه يقرب جنب الباب وبعدها راح يسألك وأنتي قولي الي عندك
لينة : إنشاء الله
خالد راح للمجلس وجاب الشيخ معاه
الشيخ : السلام عليكم
لينة: وعليكم السلام
الشيخ : أنتي لينة عبدالعزيز
لينة : أيه نعم
الشيخ : هل أنتي موافقة على الزواج من الشاب فيصل
لينة :....................
الشيخ : يابنتي هل أنتي موافقة
لينة بصوت فيه خوف قليل : نعم ياشيخ أموافقة
الشيخ : الله يبارك لكم أنشاء الله ويرزقكم الذرية الصالحة وخذي الدفتر وقعي
وصل خالد الدفتر والبنات حول لينة
لينة : خايفة
العنود : سمي بسم الله وقعي
وقعت لينة
العنود : لولولولششششششششششششش
نورة : لولولولوشششششششششش
الصوت طلع لبرة والكل فرحان
طلع خالد وصل الشيخ للمجلس
أحمد : مبروك
فيصل : الله يبارك فيك عقبالك إنشاء الله
فيصل راح يسلم على أبوه وبعدها سلموا عليه الجماعة
أما عن لينة فكانت مع الجازي والعنود الي دخلوها على الحريم وبدت بعدها الفرحة
الكل كان فرحان والكل منبهر من جمال لينة الي ياخذ العقل
خالد : أدري تبي تشوف زوجتك
فيصل : أي والله تراني أحترق
خالد : أصبر خلني أسنع درب لكم
دخل خالد للحريم الي كانوا فرحانين ومشغلين أغاني الطقاقات
خالد : أمي
الجوهرة : سم يا وليدي
خالد : خلو لينة تجي الغرفة فيصل يبي يشوفها
الجوهرة : أنشاء الله
راحت الجوهرة للينة الي البنات جالسين حولها الي ترقص والي تسولف معاها
الجوهرة : يالله يا بنيتي زوجك يبي يشوفك
لينة : أنا
الجازي : لا أنا هههههههههه
لينة : لا عاد تراني خايفة وأنتوا تخوفوني زود
الجوهرة : سمي بالرحمن وقومي
أم فيصل : ها بتروح لولدي الحين
الجوهرة : أيه بس خايفة
مريم : ترى كلنا كنا كذا خايفين وخاصة أن كان الي حولنا يخوفونا بعد
الهنوف : ما عليكي أخوي مو عوة
الكل : هههههههههه
لينة :أجل بسم الله أمسكت الجوهرة يد بنتها وصلتها عند باب المجلس
خالد : فيصل تعال أبيك
عبدالرحمن : وش عليه أحنا الي الله يخلف علينا
فيصل : وش الي ماسكك سوها
عبدالرحمن : ماسكتني هالجامعة والا كان أنا قبلك
فيصل : أجل خلني أسبقك
عبدالرحمن : وين بتروح عني جاي وياك
راحو عيال العم مع فيصل لأن لينة حلال عليهم
فيصل : ها ها
خالد: تعال ما فيه حد
دخل فيصل للغرفة لكنه وقف يوم شاف لينة
خالد : وش فيك
عبدالرحمن : منصدم
فيصل : ماشاء الله تبارك الله
خالد : قرب
لينة بروحها مستحية ويجي فيصل هم يكملها أقفطت حيل
فيصل : عبدالرحمن تعال أقرصني ما أدري أنا في حلم ولا علم
عبدالرحمن : أبشر بس كذا
عبدالرحمن يقرص فيصل وفيصل ساكت والكل مستغرب كيف مستحمل حتى الجلد بيطلع لكن
لينة بنعومة : عبدالرحمن كافي
فيصل : الحين أنا بعلم
قرب فيصل وسلم على لينة وسلم على عمته الجوهرة أ/ا الباقي أطلعوا من الغرفة وخلوهم لوحدهم
بعد ساعة قلطوا العالم على العشاء النساء والرجال
إبراهيم جواله يدق
إيراهيم : منوا الي يدق علي هالحزة
خالد : هذا واحد يحبك
إبراهيم : هذا أتصال خارجي
الكل وقف عن الأكل
إبراهيم : ألو
خليل : ألو السلام عليكم
إبراهيم : وعليكم السلام هلا بالغالي خليل
عبدالرحمن فرح ويعقوب والكل إلا وليد لكن مو مهم
خليل : ها لينة أعرست
إبراهيم : الحمدلله تونا كاتبين الكتاب
خليل : أجل الكل فرحان أبوي عطني أكلم عمي خالد وبعده فيصل
إبراهيم : خالد خليل يبي يكلمك
خالد : ها خليل أنا ........
إبراهيم ": شقول له ماتبي أتكلمه
خالد : لا عطني أياه
خالد : السلام عليكم
خليل : وعليكم السلام مبروك ياعمي وعقبال وليد إنشاء الله مع الجازي
خالد : الله يبارك فيك جد تتكلم
خليل : أفا يا عمي وأن كنت أخطيت عليك فسامحني تراني ما كنت بحالة عدلة
خالد فرح من كلام خليل وجلس مبتسم الكل مستغرب
خليل : عمي عطني فيصل
خالد : فيصل مو جنبي جالس مع حبيبته
خليل : الله يهنيهم إنشاء الله بكلمهم أجل سلم على الجماعة وبارك لهم
خالد : يوصل مع السلامة

الجزء العشرين:


خالد : ياجماعة خليل يسلم عليكم ويعتذر أنه ما كلمكم واحد واحد لأن بطاقة التليفون زين تكفي للأهل داخل
أبراهيم : خالد بشر طاح الحطب
خالد: هو كان فيه حطب من الأساس خليل مثل ولدي ومعزته من معزت وليد
إبراهيم : الله يريحك يا أخوي وشكثر كنت شايل هالهم
عند النساء كان الجو فرح وناسة كثير تعرفون خطوبة والكل يعز لينة وأم خالد مو شايلتها الأرض من الفرحة
أم الهنوف: الجوهرة
الجوهرة : سمي
أم الهنوف: تدرين أني على قد فرحتي بزواج ولدي فيصل إلا أني كثير فرحانة أن ناسبناكم
الجوهرة : الله يجزيش خير وأحنا بعد صحيح كنا كذا لكن أشهد أنكم بيضتوا الوجه
البنات جالسين مع بعض
الجازي: الهنوف وشخبارك
الهنوف: أبشرك بخير
الجازي: ما عرفتينا على بنات خوالك وعمامك
الهنوف: لا حقين خير بس قبل لا أعرفك مين الأمورة هذي
الجازي :هذي أسيل بنت عمي عبدالوهاب وأمها مها
الهنوف: هذي بنت مها ماشاء الله تبارك الله أقول منوين ماخذه الحلا
أسيل : وأنتي حلوة بعد
الهنوف: أفرها تفهم
الجازي: أيه أسيل تفكيرها أكبر من عمرها أكبر من عمرها
الهنوف: تعالي أحبك
قربت أسيل والهنوف حبتها
غادة وعايشة مستانسين على الرقص خاصة حمام جانا مسير
سارة : قمر طالعيهم ياحلاتهم
قمر : أي والله ماخذين الأنظار قومي سارة نقطي عليهم
سارة : وليه مو أنتي
قمر : ماني أمخليتها بخاطري بنقط عليهم
قمر : لولولوششششششششششششش
قمر تاخذ خمسمائة ريال من شنطتها وتنقط على غادة وعايشة
العنود جالسة مع جمانة ونورة وريم
ريم : حظهم والله خذو الفلوس وأحنا خلف الله عليناماحد ينقط علينا
العنود : قومي رقصي وبينقطون عليك
نورة : يالله ريم وأنا وياك
قامتع ريم ونورة يرقصون
مها : ليلى ناظري ريم وشحلات رقصها
ليلى : أي والله ريم أول مرة أتسويها
مها: الرقص
ليلى : ايه ولا وتعرف بعد ماشاء الله ماينضل المال إلا أصحابه
مها : قومي نقطي عليها
ليلى : أجل عن أذنك
راحت ليلى ترقص مع بنتها وريم مو شايلتها الأرض من الفرحة أمها ترقص معاهالا وتنقط عليها
نورة : أنتظر أحد ينقط علي الكل حصل إلا أنا
ليلى: صبر أمك بتنقط عليك
منيرة كات جالسة مع أم أشجان وشيماء
منيرة : أم أشجان هذي بنتي الي أهناك
أم أشجان : ماشاء الله وشحلاتها
منيرة : تحلى أيامك
شيماء : قومي منيرة نقطي على بنتك
منيرة : ......... الفلوس مو قاطتها على الأرض وبعدين ما جبت شي معي
شيماء: أجل بروح أنا أنقط عليها
راحت شيماء باتجاه نورة وطلعت خمسمائة أما نورة كانت ماتدري أنها جاية لأنها معطتها ظهرها
نورة تمسح الفلوس على راس نورة
نورة تلف وجها
نورة : مشكورة يمه ...........

نورة بخاطرها: هذي عمتي وين أمي أه يايمه وينك الغير يفرح لي وأنتي لا
نورة : مشكورة عمتي
جمانة: العنود شوفي أمي تنقط على نورة
العنود : وشعليها حرمة ولدها
الجازي : قومي الهنوف
الهنوف : لا ما أحب إلا الخماري
قربت العنود جنبهم مع جمانة
العنود : حصلوها يالجازي
الجازي : وشي
العنود : النقوط
الجازي : ماحد ردك روحي رقصي
العنود : مو الحين لين م ا ترقص الجوهرة بروح معاها
الجازي: الجوهرة ما ترقص إلا على الخماري
العنود: زين على زين
منال وهيبة جاو ناحية البنات
منال : جمانة قومي معانا
جمانة : بترقصون
منال : أيه بس مو الحين
هيبة : قومي بسرعة
راحت جمانة مع البنات
العنود يدق جوالها
الهنوف: العنود جوالك يدق
العنود : أي والله جوالي
العنود تناظر الرقم
العنود : وش هالرقم غريب شوفيه الجازي
الجازي : جد غريب لكن هذا من من ......
العنود : وش فيك
تغيرت ملامح الجازي ما ينعرف هي فرح ولا حزن المهم كل الخواطر مرت عليها في ظرف هالثواني
لاعنود : الجازي الجوال يدق
الجازي: خذي هذا أكيد أخوك خليل
العنود : والله الله يبشرك بالخير عطينين أياه
خليل : ألو
العنود : خليل خليل
خليل : أيه أنا خليل السلام عليكم
العنود : وعليكم السلام أهلين بالقاطع
خليل : توني واصل والله زين عدلت أغراضي بالغرفة
العنود : والله مشتاقين
خليل : وأنا أكثر ألا مبروك عليكم زواج لينة
العنود : كان ودنا تكون هنا معانا في هالفرحة
خليل/: والله أني فرحان أن كنتم فرحانين
العنود : وكيف السفرة
خليل : بعدين أقولك مين جنبك
العنود بطيبتها : جنبي أممممم الجازي والهنوف
خليل : الجازي جنبك
الجازي بخاطرها : لا تصدقها أنا مو جنبها أنا معك وين ماتروح روحي معك هيمانة ليتني ماقلت لك روح لكن المسافر راح
العنود : الجازي خليل يسلم عليك ويبارك لك زواج لينة ويقول عقبالك
الجازي بخاطرها : ليه تقولها أدري أنك ملتاع زيي لكن لا تقولها
العنود : وش أقول له
الجزاي : قولي له الله يبارك لك وعقبال ما تاخذ الي تسعدك
العنود : أظن سمعت
خليل : أيه سمعت وليتني ما سمعت
خليل يمسح دمعة طاحت غصب على جبينه
خليل : العنود وين أمي
العنود تروح جهة أمها الي كانت ترقص مع البنات
العنود : أمي وين البشارة
شيماء : وش فيك
العنود : يمه خليل يكلم بالجوال
شيماء بصوت مرتفع: خليل يكلم وأنتي باردة
شيماء : ألو
خليل : أمي
شيماء : ياعيون أمه
خليل : السلام عليكم
شيماء : وعليكم السلام
خليل : يمه أسف
شيماء : خلاص فات الأسف المهم أهتم بروحك
خليل : يمه لا تصيحين
شيماء : مين قال أني أصيح
خليل : والله أني حاس فيك بس قولي للعنود تمسح أدموعك
شيماء: العنود يقولل لك خليل مسحي دموعي
العنود : أهههههههه ياخليل حتى ببعد المسافة تحس فينا جد أنك (صادق الأحساس)
تمسح العنود دموع أمها وتروح ناحية الجوهرة
العنود : أجديده خليل يكلم
الجوهرة : خليل عن أذنك مريم
مريم : أذنك معك

راحت الجوهرة أتجاه شيماء أما العنود راحت لليلى تقول لها أن خليل يكلم وجات ليلى معاها
خليل : يمه مبروك على الزواج
شيماء : الله يبارك فيك وعقبالك
خليل : أنا لا ما أفكر في هالشي الحب الي في قلبي ماراح ينعطى لأحد ثاني أمي ما أوصيك عليها
شيماء تناظر للجازي: لا توصي حريص هي في عيوني
خليل : يمه أعتبريها زوجت ولدك
خليل بدا يبكي وصوتها عالي من البكا
شيماء : لا يايمه
خليل يمسح دموعه بس كيف يمسح همه وحرقة قلبه
خليل : خلاص يمه مع أني مو قادر لكن لا تنسين
شيماء : هي في عيوني وخذ هذي جدتك سلام ولا تقطع كلم
خليل : إنشاء الله
الجوهرة : السلام عليكم
خليل : وعليكم السلام هلا بالغالية مبروك عليك ألف احس أنك طير في السما الليلة
الجوهرة : الله يبارك فيك كأنك حاس يا وليدي بس لو أني غالية مارحت من دون ما تسلم علي
خليل : السموحة ياجديدة لكن الظروف ما ساعدتني
الجوهرة ": مسموح يا وليدي
خليل : جديدة لا تنسينا من دعاك
الجوهرة : أبشر وإنشاء الله ربي يوفقك ويسهل دربك ويرزقك ببنت الحلال
جات خليل غصة ورجع همه
خليل : هذي أحلى دعوة سمعتها جزاك الله خير
الجوهرة : خذ هذي ليلى
ليلى : أهلين بالسواق الخصوصي مالنا بسوريا
خليل : أهلين عميمة كيف حالك
ليلى : حالي مو شي من دونك
خليل : الله لهذي الدرجة أنا غالي يوم أني سافرت بس
ليلى : لا تقول كذا تراك عزيز على القلب
خليل : تسلمين يا عميمة المهم تراهم طولوا علي وللحين ما كلمت لينة ولا فيصل أبي أكلمهم
ليلى بخلي علي يوصل لهم السماعة تعرف ممنوع الدخول عليهم
خليل : زين أجل سلام ولا تنسين سلمي على الكل وعلى عمي سامي
ليلى : أبشر
علي خذ السماعة وصلها للينة
علي : عمتي كلمي رجال
لينة : منوا
فيصل : منو ذا بعد
علي : ما أدري
فيصل : ألو
خليل : السلام عليكم
فيصل : وعليكم السلام منو
خليل : أنت منوا أنا أبي حبيبتي لينة
فيصل : أنت منوا
خليل : قلت لك حبيبتي لينة
فيصل : حبك برص وعشرة خرص
خليل : أفا فيصل لهذي الدرجة تغير
فيصل : هالصوت مو غريب
خليل : أنا خليل
فيصل : خليل الحمدلله على السلامة
لينة أنبسطت يوم أعرفت أنه خليل مع أنها أول شي خافت لأن من أولها صار كذارجال
لينة : عطني أكلمه فيصل
فيصل : صبري أكلمه
خليل : فيصل كيف لينة تكشف مو عيب عليك تستغل غيابي
فيصل : خلاص خطفتها وماني مرجعها إلا على موتي
لينة : شب عاد لا تقول كذا
خليل : هههههههههههه تقول له شب ياعيب على الرجال
فيصل : أقول تراك شر بس حرة هذي ليلتها تقول الي تبي
خليل : المهم مبرروك عليكم وعقبال الزواج

فيصل : ما هنا زواج لين ماترجع
خليل : لا لا تنتظروني ما أظن أرجع المهم عطني لينة ومبروك مرة ثانية
فيصل : سمي خليل يبي يكلمك
خليل : ألو
لينة : ............
خليل : ألو
لينة : ............
خليل : لا يكون أنقطع الخط
لينة: لا ما أنقطع بس أنا زعلانة
خليل : إلا زعلك ترا مانقدر عليه وأنتي خابرة
لينة : أجل ليه سافرت قبل خطبتي
خليل : أههه أحسن لأني ماراح أرضى أن أحد ياخذك مني
لينة : أصبغ سير وش عليك بأمريكا بتشوف الشعور الشقر والعيون الزرقاء مو زينا
خليل : لا والله أنتوا أحلى ألف مررة منهم
لينة : أنزين راح أقبل أسفك بشرط أرسل لي هدية
خليل : تامرين أمر الحين يمدي أبارك
لينة : تفضل
خليل : أول شي السلام عليكم ورحمة الله وبركات
لينة : وعليكم السلام ورحمة الله وبركات
خليل : مبروك ألف وعقبال الذرية الصالحة وهلا هلا بفيصل ما يحتاج أوصيك عليه أدري غثوك بهالكلام لكن خذي مني هالكلام
الرجال منا يحب أن سوا شي لزوجته يشوفها فرحانة وتشكره لأنه راح يزيد من هالشي وما يحب أن المرة تنتقده أول أتخطأه وتطلب من أحد ثاني تصحيح أمر زوجها أنتبهي لهذي النقطة وأسف أن أزعجتك بالنصيحة
لينة : أفا تراها أحلى نصيحة جاتني بس أنتوا وصيتوه علي
فيصل : أفا أنتي بعيوني وبسكر عليك بعد
لينة أقفطت حيا
خلل : أحلى بدا الغزل أجل أخليكم
لينة : يله مع السلامة
خليل : سلام
خليل : أههههههههه وين كنت والحين وين كنت اكل فرحان ومستانس وأنا هنا جالس بأجزاني, لا أنا عاهدتها أبتعد لا وإنشاء الله أرجع والشهادة معي وأشوفها متزوجة ومستانسة مع وليد , ليه أقول كذا عن جد خليل تبيها تروح منك , أنا أبيها لكن لازم أضحي مثل ماضحت وأكون قد التضحية لأني أحبها وابي لها السعادة بس هي كيف حالها الحين الله يعينها وينسيها خليل خلني أنام حق بكرة للجامعة والله يعينا على أول يوم مين بنشوف بس خلني أصلي ركعتين حقت الوصول من السفر صحيح سنة منسية من الرسول صلى الله عليه وسلم وخلني بعدها أوتر وأنوي نية صالحة لسفري
نترك خليل ونروح لشيماءالي قربت ناحية الجازي
شيماء : ليه الجميل زعلان
الجازي أطالع شيماء وعيونها مليانة دموع
شيماء : لا إلا الدموع تراها غالية علينا وعلى قوم ثانين وأن نزلتيها بتتكنسل وصايتنا عليك منهم لأنهم وصونا عليك وعلى سعادتك
الجازي : كل هذا ولا تبيني أصيح
شيماء : أيه هم يبونك فرحانة ومستانسة أنسي ترا النسيان نعمة
الجازي : بحاول لكن ما راح أوعد لأن هالشي مو بيدي
شيماء : شكلي بحط شريط خماري نرقص عليه
حطت شيماء شريط طق خماري
شيماء : قومي معي نرقص
العنود : الله يمه يالله خلينا نرقص
شيماء : أول شي تقوم الجازي
العنود : أيه يالله قومي الجازي
قامت الجازي بعد محاولات
العنود : بروح أقوم جدتي
شيماء : جدتك أسبقتنا
العنود : يا محلا رقصها
شيماء : يالله بنات
راحوا البنات يرقصون وشبكت معاهم هيبة وجمانة ومنال
أما ليلى يوم شافت أمها ترقص قومت الهنوف وأمها وراحت ترقص معاهم الجو كان فرح والرجال هم فرحانين لكن للحين ماندري وش صاير بين فيصل ولينة
خلونا نتسمع وش يقولون
فيصل ماسك يد لينة ويناظرها وهي وهي في عالم ثاني أمنزلة عيونها بالأرض ومستحية حيل
فيصل : الله تدرين كنت أتمنى هذا اليوم بفارغ الصبر تدرين كنت أحلم فيه وأقول لأمي وأختي أبي يصير لي كذا مع حبيبتي وسبحان الله كل هذا يصير بس ماكنت أقول أن حبيبتي ماتناظرني طالعيني عاد أشوي بس, بخليك على راحتك بس مو على طول , المهم تدرين أني أحس بحياش عن طريق يدك أدري تقولين أني على طول خربتها لكن عرفي أني مارضيت أني أتزوج أي بنت بس يوم شفتك وعرفتك على طول في شي في قلبي تحرك أول مرة أحس كذا بعدها عرفت أنك أحتليتيه وملكتيه وماراح ترضين لأحد ثاني يسكنه معك كنت أحلم بهاليوم أحط يدي بيدك وتوصل حرارة جسمك لي كنت أحلم ان أشوف الملاك الي ربي مقدرها لي وسبحان الله تحققت كل أحلامي أنا ما أبي شي بهالدنيا غير سعادتك وعرفي أني صرت خادم لينة
لينة : حاشاك
فيصل : الله عيديها زين سمعت صوتك , عيديها لينة , ترا صوتك مررة حلو غني لي أتمنى أسمع صوتك , أفا أتزعليني, خلاص زعلت
)ارجوكم أستشعروا هالشي وحاولوا تتذكرون لحن هالشعر(
لينة ترفع وجها وتحط عينها بعين فيصل
لينة :
ولا تزعل ولاتتعب شعورك
ولا تاخذعلى خاطرك مني
أبتأسف إلين أرضي غرورك
وبقول أني مقصرغصب عني
أنا معذورة لوغبت بحضورك
وحسن الحسن عن حسنك شغلني
لأنك بالحلى لو شفت نورك
أبعيني ساعة الجرح تعذرني
ولا تزعل ولاتتعب شعورك
ولا تاخذعلى خاطرك مني
أبتأسف إلين أرضي غرورك
وبقول أني مقصرغصب عني
وش أحلى من العدالة غير جورك
تجمع يا حلو منك التجني
ولو أن الشورة في كل شي شورك
طلبتك بس في ذا الشي طعني
وش أحلى من العدالة غير جورك
تجمع يا حلو منك التجني
ولو أن الشورة في كل شي شورك
طلبتك بس في ذا الشي طعني
ولا تزعل ولاتتعب شعورك
ولا تاخذعلى خاطرك مني
أبتأسف إلين أرضي غرورك
وبقول أني مقصرغصب عني
فيصل جلس يصفق
فيصل : كل هذا لي تراني أذوب كذا والله ما أقدر والله ما أقدر أخاف قلبي مايقدر على هالحب لينة أحبك وأحب الي تحبينهم وأحب الي يحبونك لينة لا تخليني أرجوك
لينة : حتى أنا
فيصل : وش أنتي
لينة : أنت عارف
فيصل : قوليها تراني ما أسمع زين ولا أفهم بسرعة
لينة : .............. أحبك وأموت فيك
فيصل : الله وش حلات هالكلمات توها صارت توني أعرف معناها
ليه كذا يارب
لينة : وشو
فيصل : ليه ماخلاني أتعرف عليك بدري أتعرف عليك بالبحر أول شي وبعدين أهيم وأحلم بأني ألاقيك مرة ثانية ويم أهلي قالوا أنهم لقوا إنسانة طيبة وأهلها أجاويد وطيبين فرحت لكن زعلت لأن حبيبتي صاحبة العيون السود ما أدري وينها ترا حبيتك بس من شوفتك الأولة ويوم عرفت أن أهلي يبون أتزوجك أنتي ودي أن الكل يحس بالفرح الي في قلبي عشان يعرفون وش كثر الحياة حلوة وش كثر الحب جميل وعذب
لينة : فيه أحد يطق الباب
فيصل : ما عليك منهم قفلت الباب
الهنوف: فيصل لينة
لينة : هذي الهنوف
فيصل : أجل ما عليك منها يبون يحرموني من اللحظات الأجمل بحياتي
لينة : وليه الباقي كيف
فيصل : الباقي أحلى وأحلى وأحلى
لينة : أجل أفتح الباب لا حقين على الحلاة
فيصل : لهذي الدرجة زهقتي
لينة : لا تقول كذا ولا مليت ثانية لكن يمكن عندها شي مهم
فيصل : تامرين أمر
فتح فيصل الباب والهنوف أدخلت مع مريم
مريم : ماشاء الله تبارك الله عليكم
الهنوف : يا حلات هالأوقات بين العروسين
فيصل : دام تدرين ليه جيتي
مريم : خلاص ياوليدي الساعة الحين وحدة خلنا نروح
لينة : تو يا أمي وين بتروحون
مريم : أنا أمك
لينة : أيه أنتي أمي
قربت مريم ولمت لينة
الهنوف : أقول فيصل أطلعت لنا أخت ثانية
فيصل : تف في فمك هذي حبيبتي لينة زوجتي
الهنوف : أجل عناد بنمشي
فيصل : لا الهنوف تو الناس
مريم :ابوك يقول خلنا نمشي وعمامك وخوالك مشوا ما بقى إلا أحنا
لينة :أنتوا مو غرب أساسا ناموا عندنا
فيصل : فكرة حلوة
الهنوف : جد ما تستحي ما عليك منه لينة الولد عاشق ولهان
فيصل : أي والله
مريم : يالله أحنا بنلبس عباياتنا عطنا مفتاح السيارة
فيصل : عند أبوي أخذوه
أطلعت مريم وبنتها الهنوف أما فيصل جلس يودع لينة
فيصل : لينة بترك الحين لكن بكرة بجيكم أعرف بتملون مني لكن تصبروا لين يجي اليوم الموعود وترا لك هديتين عند أمك سأليها خلاص
لينة : خلاص
فيصل : ياله سنعي درب لي
سنعت درب لينة لفيصل وقفوا عند باب المجلس
فيصل : مع السلامة يالغالية
لينة : الله يسلمك فمان الله
فيصل : يالله روحي
لينة : ما أقدر أنت أول
فيصل : لو علي مارحت سلام
في المجلس الشباب جالسين مع عمامهم
عبدالرحمن : المعرس وصل حياك وقلنا وش سويت خلنا ناخذ خبره
فيصل : إبراهيم ولدك متولع يبي يتزوج زوجوه
إبراهيم : يبشر بالخير بس خله يخلص جامعة
عبدالرحمن :قلت الحين جاتنا واسطة كبيرة بتقول الليلة أفره ما جبت شي جديد
فيصل : الله يعينك تصبر
خالد : وين رايح
فيصل : لا والله الأهل أطلعوا فمان الله وما وصيكم على زوجتي
خالد : ما توصي حريص
فيصل : مع السلامة
الكل : مع السلامة
عبدالرحمن : يبه عمي ودنا نرقص مع عمتي وجدتي
إبراهيم : يالله عاد
عبدالوهاب : فيك رقص قوم خلنا أنسنع درب
عبدالرحمن : يالله
دخل عبدالوهاب وخبر الحريم ان الأولاد بيدخلون يبون يرقصون
الكل تغطى ألا المحارم

أدخلوا الشباب كلهم إلا إبراهيم جلس مع سامي مالهم خلق جالسين سوالف عن الشركة
ليلى: ألف الصلاة والسلام عليك يا رسول الله لولولولشششششششششششششششش
الكل بارك للينة بعدها شغلو المسجل على الطقاقات ورقص عبدالوهاب و عمر وأحمدوعبدالرحمن وحمدان وخالد وليلى
الجوهرة نقطت عليهم بالغالي وخلوها تشاركهم بالرقص
عبدالرحمن يدري أن فيه مين يراقبه لكن مايقوى أنه يرفع عينه أتجاه البنات
العنود : يا حلاتهم الله يخليهم لبعض لولولولششششششششش
نورة : العنود خلينا أنقوم لينة ترقص وياهم
العنود : فكرة حلوة ياله
أسحبت العنود ونورة لينة وقربوها عند الرجال بعدها جا عبدالرحمن سحبها لكن قبل كذا وقعت عينه على عين نورة الي ما عطته وجه
عبدالرحمن بخاطره : كل هذا زعل ليه يارب
لينة : أهلين داحم
عبدالرحمن : والله أني زعلان عليك بس مسامحك إذا رقصتي معنا
لينة : أنا أطول أساسا
كملو العيلة رقص وفرح وعند الساعة ثلاثة الكل راح بيته
الجوهرة : سمي يا بنتي هدية زوجك
لينة : وشي
الجوهرة : أظن جوال مع شريحة والهدية الثانية ما أدري أمغلفة
لينة :أنزين عندي جوال بس مايرد الكريم الا الئيم
الجوهرة : كيف فيصل
لينة :الحمدلله أن ربي وفقني بواحد زيه
الجوهرة : الحمدلله
راحت لينة غرفتها
لينة : أحط الشريحة أدري متولع أهو بس خلها بكرة والله تعبانة حيل
نامت لينة من بعد ما صلت الفجر
جا اليوم الثاني حامل معاه أحداث جديدة ومواقف لكن مو الحين بذكرها بالجزء الجاي

لجزء الحادي والعشرون:



العنود :لينة لينة فتحي الباب
لينة : منوا
العنود : أنا فيصل حبيبك
لينة : هههههههههه لعبي غيرها
العنود :: شقول لك أجل مو فاتحه
لينة : صبر قمت
أفتحت لينة الباب ولقت بوجها العنود ونورة والجازي
الكل: مبروك
لينة وهي فرحانة : الله يبارك فيكم وعقبالكم
الكل وجه أنظاره نحو الجازي لكنها أخذلتهم لأنها عبست وتضايقت من الكلام
الجازي بخاطرها: أهههه أنا الي دوري جاي لكن ليه أخليهم يحزنون معي أنا ماسويت الي سويته إلا لأني أبي الكل يكون فرحان أما أنا وخليل فالله لنا عشان لازم أفرحهم
الجازي غيرت ملامح وجها : طبعا أنا الجاية ولا
لينة : أكيد
الجازي : أجل أستعدوا ليوم ملكتي
نورة : جد خلاص قرب اليوم الموعود
الجازي: أيه خلوا الحزن ورانا وخلونا نفرح وش ماخذين من هالدنيا
العنود أطالع الجازي وتقول بخاطرها : ما أظن أن الفرحة بتعرف مكانها بقلبك........
الجازي بخاطرها: أدري يالعنود لكن لازم يفرح الغير وأنتي لا تشلين همي مو مهمة أنا
العنود بخاطرها: لكن
الجازي بخاطرها: وشقلنا خلي العالم تفرح حتى لو على أحسابنا
الجازي: صح يالعنود
العنود بفرحة : صح وما تقولين إلا الصح
أفرحوا البنات لهذا الخبر
نورة : نسينا ألي جينا عشانه
الجازي: صحيح والله لازم ناخذالخبرة ولا بنروح وطي
لينة : مستحيل تاخذون كلمة وحدة
العنود : لا عاد أعميمة
لينة : الحين أعميمة عند المصلحة
نورة : عمتي وشقال لك فيصل أو مو وش قال وش سوا
لينة أستحت
الجازي: أكيد فشلتنا و صارت مرجوجة قدامة وهو عطاها كم تهزيئه
لينة : لا والله فديته فيصل جالس يبي الكلمة تطلع مني لكن كنت مستحية حيل أول مرة أجلس معه
العنود : والي في البحر
لينة : سكتي لا أحد يسمعك
نورة : ليه وش صار
لينة : شفتي فضحتينا
العنود : لا عادي خليهم يعرفون عمتهم وسوابقها
لينة : لا عاد بقول لكم وش صار أمس بس كتموا والله أنا حيل مستحية ولا بقول لكم وش جاب لي
الجازي : الله الله بعد فيها هداية
لينة : أيه زوجته المهم دخلوا خلونا أنسولف
أدخلوا البنات وجلست لينة تقول لهم عن سوالفها أمس مع فيصل.....
أما أحنا خلونا نروح عند سامي وليلى
سامي: ليلى صحيتي
ليلى : أيه مع أني تعبانة حيل من أمس
سامي: شكلك ما قصرتي رقصتي لين ما قلتي بس
ليلى : افا عليك غطيت على كل البنات
سامي: أشوفك تسوين شي من هذا قدامي
غطت ليلى روحها بالبطانية
سامي : وش فيك ترانا كبرنا على هالحركات قومي
ليلى : ماني قايمة لين ماتطلع
سامي : وليه وش سويت
ليلى : خجلتني بعد
سامي : ما قلت شي عيب أبيك ترقصين لي
ليلى : بعدين مو الحين
سامي : أنزين ليه أتكلميني من تحت البطانية
ليلى : كيفي
سامي : حتى أنا كيفي بشيل البطانية
رفع سامي البطانية بعد جهاد مع ليلى لكنها غطت وجها بيدها
سامي بخاطره: الله وش حلات هالحياة ياليتني زدت من وناستي قبل لا أعرف هالخبر الزفت وش ذنبهم يدرون أن أيام قليلة خلاص وهي وش بيصير لها أن درت لكنها لازم تدري لازم مو لازم أخدعها وراها حمل ثقيل لازم تشيله الله يعينك ياليلى يايت أقدر أسوي شي
ليلى أرفعت يدها ولقت زوجها سرحان في عالم ثاني
ليلى : منو هذي
سامي أنتبه : منوا
ليلى : الي تفكر فيها
سامي: هههههههههه ومين قال لك أني أفكر بوحدة على قولتك
ليلى : قلبك الي بداخلي أحس بنبضه وأحساسه وكل شي فيه
سامي : الله لو حقيقة كان عرفت أنه بخير لكنه كذاب ومخادع
ليلى : شتقول أنت
سامي : بخبرك بشي لكن لازم تعرفين أن الله ما يسوي شي فيه شر الا كل الخير ولازم أنسلم بالأمور وأنقول الحمدلله على كل حال وما أصابنا إلا ماكتب الله لنا عرفي هالشي وأمني فيه بعدها بقول لك الي عندي
سامي تغيرت ملامحه للجدية وليلى زاد رعبها
ليلى : الله يخليك سامي لا تخوفني تراني ما أستحمل
سامي : لا حبيبتي لازم تستحملين من اليوم وطالع بقط عليك حمل ثقيل لازم تتحملينه وراح تلقين مين بيساعدك
ليلى : سامي أرجوك تخيل الي يصير لي من كلامك أدري أن فيك شي من يوم ما رجعنا لكن ما حبيت أدخل إلا لمن تقول أنت لكن ما توقعت أن الأمر شايد كلامك يقول أن مصيبة بتجي
سامي : ماهي مصيبة والله سهلة وكلنا راح نمر فيها لكن مين الي يحتسب الأمر
ليلى : قول خلاص بصبر
سامي: أكيد
ليلى: أيه
قام سامي وجلس على كرسي وعطاها ظهره لأنه عارف مو مستحمل عظم الأمر عليها وعليه
سامي : حبيبتي يوم أنكم بسوريا حسيت بعوار بصدري بعدها رحت للمستشفى وعملت تحاليل وكل شي وبعد يومين اتصل علي الدكتور طلب مقابلتي بأقرب وقت رحت له بعدها قال قال
ليلى : سامي تكلم أعصابي تالفة
سامي: قال أن قلبي تعبان كثير وماراح يستحمل عشان كذا يقول الدكتور ما بقى لي في هالدنيا غير
بدا سامي يتغير صوته للصوت الي يواكب البكا يبكي سامي بس إلا الحين ما قال أنه راح يموت لأنه مو قادر
سامي: ما بقى غير شهور معدودة وبفارق الدنيا بموت ...............
عرفتي ليه أنا صامت كثير من الأوقات جالس أفكر بحالكم وحال العيال من بعدي وش بيصير وش بتسون عشان كذا لازم تستحملين وتصبرين لأن زي ماقلت الحمل ثقيل ....ليلى
ليلى : .......................
سامي : ليلى
ليلى :...........
ألتفت سامي لقى ليلى منسدحه على السرير
سامي بصوت عالي فيه ألم : ليلى
عرفأنها غايبة عن الوعي قام من وقته بسرعة وكله ألم وعذاب بسبب كلامه الي قاله
سامي : ليلى جاوبيني أن سامي أنا أهني قومي أرجوك ليلى قومي ما أقدر أتركك تروحين قبلي لا تنسين ليالينا لا تنسين عند أضمك بالليل لا تخليني أحصد عاقبة كلامي لا يصير كلامي هو السبب أرجوك ليلى
قام سامي وخذ له كاس ماي من المطبخ ورجع مسرع كب الماي بوجها بعدها الحمدلله صحت ليلى لكنه ياليته ما صحت لأنها لأنها
ليلى :’ سامي وش صارليه الماي كذا علي
سامي : يوم شفتك غبتي عن الوعي ما دريت وش أسوي
ليلى : أيه أزعجتك بس ليه أنا......................

ليلى تذكرت ليه هي أغمي عليها وبدت الدموع تسيل على خدها وسامي يناظرها وهو هم يبكي كل واحد يطالع الثاني وبخاطره كلام كثير يبي يقوله
ليلى : لا يا سامي مانت رايح عنا ما ني راضية روحتك ما تروح ما تخليني لوحدي أروح معك أيه أروح معك ما أجلس لوحدي ما أقدر أهدك وش دنيتي بدونك كيف بصبر وأنت سبب حياتي بقولهم بروح معك ما تهدني وش تسوى دنيتي من دونك خلاص أن كنت بتروح قلي لأني مو تاركتك أنت وعدتني نكمل حياتنا مع الأولاد ونزوجهم ويدرسون أحسن تعليم أنت قلت كذا ليه تنقض وعودك أنا ما أقدر أعيش لوحدي وأنت تعرف كذا ليه أجل بتهدني ما ني راضية ماني راضية ماني راضية أنت شمعة حياتي ليه تطفيها ليه تخليني بلا نور أعيش بظلمة ما أقدر بطفي شمعتي حتى أنا
سامي يسمع الكلام وقلبه يتقطع ليته ما قال لها مات ولا شافها تتعذب قدامه
سامي : ليلى
ليلى : ..............
سامي : ليلى سمعيني
ليلى : ما راح أسمعك إلا بحالة وحدة توافق أني أروح معك
سامي بصوت عالي ملاه الغضب: وش تقولين أنتي خافي ربك
لكن الرادع الوحيد لهذي المشكلة أن سامي ضرب ليلى كف رجعها لصوابها
ليلى : هههههههههه ههههههههههه
سامي : ليلى أسف ما أقصد
ليلى : ليه أضربني ألف كف بس لا تروح عني بدى حبي لك بكف لازم أتخليه ينتهي بكف ليه
طلعت ليلى كل حزنها وألمها وهمها بالبكاء لأنه بدل ما كان سيل صار أنهار من الدموع وسامي ما قدر ولمها بصدره
ليلىتلمس صدر سامي : هذا السبب الي بيبعدك عني ليه يا قلبه وش سوالك مع أنه طيب وحنون ليه تظلمه فيه كثير ظلام رح أدبهم وأمرضهم بس الطيب ليه ليه
سامي : لا تبكين يا عمري وأرضي بالقرار
ليلى بصوت عالي: قرار مين
سامي : قرار ربي هو أعلم بالأمور
ليلى أرجعت نفسها المؤمنة لها : الحمدلله يا رب الحمدلله يارب أشفيه هو رجال صالح عنده بنتين على سن زواج وعنده أعيال يبيلهم أمداراه أما أنا مو لازم سلمت بالأمر حسبي الله ونعم الوكيل حسبي الله ونعم الوكيل
جلست ليلى وسامي يبكون على حالهم فخلونا أنخليهم
نرجع للبنات الي لا زالوا مع عمتهم لينة
نورة : الله ياليتني أنخطب وأعيش هالحياة
العنود +لينة يضحكون على نورة
العنود : وش عاجلش تو الناس
لينة : خليها تحلم مو عيب الحلم وأساسا الي بياخذها زعلان ولا يكلم أحد
العنود : أي والله خانت حيلي أخوي مهموم حيل بسبب قوم يفكرهم زعلانين بس ما يدري أنهم يدلعون حتى أنه ما نام أمس بالبيت راح للمزرعة مع عالية بيلقا مين تواسيه مو بعض الناس
نورة بخاطرها : كل هذا صار لعبدالرحمن وأنا السبب أنزين كيف أريحه
العنود : بايش تفكرين حبيتي
نورة : بقوم أنا زعلتهم وابي أراضيهم بس مو عارفة كيف
لينة : سهلة روحي له وقولي أنك أسفة
نورة :تهقين أقدر
العنود : عما توزينها على شر وأنتي تراك بنت مو ولد وسمعتك زي الزجاج لو أنخدشت خدشة وحدة تطلع مو حلوة وخلي الحيا يسري بعروقك لأن أخوي ما يحب المسترجلات يبي وحدة كلها حيا
نورة : هذا جزاني أبي أراضيه ومين قالك أني ما أستحي أنا أستحي من خيالي لكن أخوك زرع فيني شي أسمه ما فيه أي حيا قدامه لأني موت
لينة : موت أيش
نورة : لا أستحي
العنود : توك ها المهم جد يبي لنا نشوف حل وشو وشو
لينة : أنا أخبره لأني أنا السبب في المشكلة
نورة : وش بتقولين له
لينة :مالكم دخل أنا بعلمه
نورة : كيفك بس أنا ما أرسلتك
لينة : أنتي بس طلعي منها
العنود : أنزين زوجك وينه وليه ما أتصل عليك للحين
لينة : الله يقطعني نسيت الجوال
خذت لينة الجوال ودزت فيه الشريحة وشغلته واول ما شغلته
طلعت لها كلمة حبيبتي لينة
لينة : الله حتى بالجوال يتغزل
العنود : كيف
لينة : حط رسالة المقدمة حبيبتي لينة
نورة : زوجك موت يحبك هالله هالله فيه
لينة : خوش والله نورة الصغيرة راح تعطيني نصايح
نورة : خذوا الحكمة من أفواه الأصغر منكم
العنود : والله تعرفين أتفبركين الكلمات
لينة : خمس رسايل راسل الأولة يقول فيها
) لينة ليه ما شبكتي الجوال شبكيه بسرعة تراني مشتاق(
) بكل احساس و باعلى صوت ... بغني لك.. و انادي لك ... و بعلنها ما بين الناس .. بحبك موت..بحبك موت)
)وينك نعم وينك .. يا جاعل قلبي .. في قبضة ايدينك .. قللي عناوينك .. تلقاني ياحبي .. بالحب أنا بينك)
)ليتني اكسر من ضلوعي قلم وامزق من جلدي ورق واخذ من دمي حبر واكتب وحشتني (
(تنعاف ديره ما بها .... صدى صوتك حتى ..... ولو صارت بساتين .... وانهار)
العنود : باقي الخامسة قوليها
لينة : يقول أهديكي 3 بوسات ... بوسة للذكرى وبوسة ... اليوم لبكره وبوسة ... الحين وأنتي تقرين أتصلي تراني متوله
العنود : أتصلي يالله
لينة : صبر حتى ما أعرف رقم جواله إلا هذا هو مافيه غير رقم واحد رقمه وكاتب فيصل لا بغيره بحط لا مو الحين بعدين
الجازي : وليه
لينة : لوحدي بحطه وأنتوا قوموا صلوا الظهر
نورة : صرفيها بس حلا لك الجوال وراعيه بس عرفي أنك بتقولين لنا وش صار
لينة : أنزين فارقوا
لاحت الجازي على لينة المخدة: أوريك بعدين سلام
أطلعوا البنات
لينة : وش أكتب اممممممممم , أيه لقيتها صاحبي خلني أكتبها ص ا ح ب ي صح
خلونا نروح لفيصل الي متظايق حيل
الهنوف : أمي وش بلاه أخوي
مريم : ما أدري
أبو هنوف: كل هذا ولا تدرون شكله لينة أمزعلته
مريم : أفا يا أبو هنوف قول خير ولا أسكت
فيصل : ليه خليه يتكلم جد أمزعلتني
الهنوف : وليه
فيصل : إلا الحين ما ركبت الشريحة بالجوال
الهنوف : تبي أكلمها
فيصل : لا أبيها أهي الي أتكلم ليه معطيها الجوال
مريم : هذا صوت جوالك
فيصل : لا مو جوالي
الهنوف : اله شفه أمولع نوره
فيصل دخل يده بمخباته وطلع الجوال لقا رساله فتحها
)إذا أرسلت لك رساله أقول فيها (أنا أحبك موت) وش راح ترسل لي..؟)!
فيصل : ياهو أمي ركبت الشريحة
الهنوف : وش أرسلت لك
فيصل : مالك دخل بيني وبين زوجتي
الهنوف: توك زعلان بس أرسلت لك نسيت جد أنكم ينقص عليكم بالكلمة الحلوة
مريم : وأنتي صادقة
بو هنوف : لا أجل كنتي تقصين علي
الكل: ههههههههههههههههه
فيصل : وش أرسلك وش أيه خذي
لينة تستقبل الرسالة
انتي الوله والشوق. انتي الحب سلطانته. يا بسمة أيامي هلا يا ضحكة سنيني أحبك حب الغريق للحياة
لينة : حبيبي فيصل الله يستر إذا رسلت له هالرسالة بس خلنا أنغامر
عند فيصل
فيصل : إلا الحين ما ردت ........ أوه اوه أرسلت
الهنوف : تقفا فيصل أقراها
فيصل : عشانك بس هذي غيرها لا تقول فيها(أرد وأشكرك وأقول:أهديك باقة لحم مشوي بفحم وكل عام وأنت شحم(
الهنوف : يمه سمعي شتقول له هههههههههههههههههه
فيصل : اوريك بتصل عليها
طوطوطوطو
لينة : ألو
فيصل بصوت أمعصب: لينة
لينة بخاطرها : الله يعين شكله أمعصب
لينة : أحب الي يزعلون وأحب نبرة صوتهم وأتمنى لقياهم
فيصل ذاب في مكانه
الهنوف : وش فيك قلبت
فيصل : هذا كله لي ما أقدر أجل ليه ترسلين لي كذا
لينة بصوت ناعم : ما أدري أني زعلتك قلت خلني أدلع على حبي الأول والأخير فيصل وان كان كذا زعلك ما راح أمزح معك أسفة
فيصل : لا يا حياتي تدلعي وأطلبي وأمري وأحنا أنفذ بس ترا والله مشتاق
لينة : حياك تعال
فيصل: منحرج والله من أهلك
لينة : خلاص ما فيه أهلي ولا أهلك أهلي صاروا أهلك وأهلك صاروا أهلي ولا
فيصل : صحيح يا حياتي أجل جايك بأسرع شي
لينة بصوت عالي: لا لا تسرع أرجوك أمش أشوي أشوي
فيصل : والله أني متحسف على الثواني الي بتفصلنا لكن بطاوعك سلام ولا ليش خليني أكلمك طول الطريق
لينة : ودي بس بروح أصلي ما صليت
فيصل : أفا ليه ما صليتي وش الي أشغلك
لينة : حبيبي صاحبي
فيصل : منوا
لينة : أنت سميتك صاحبي
فيصل : المهم لا يشغلك شي عن صلاتك أهي أهم شي عندك
لينة : أموت بحبيبي حتى بهذي تحبني
فيصل : أفا عليك أخاف عليك حتى من نفسك
لينة : أجل باي قصدي مع السلامة
فيصل طلع غرفته وتسبح
نترك فيصل ونروح لخليل الي توه صاحي من النوم
من بعد ماقام لصلاة الفجر والوقت عنده 7 الصبح
خليل : أصبحنا وأصبح الملك لله الله يجعله يوم خير علينا والله أني خايف من هاليوم الأول لي بالدراسة لكن خير إنشاء الله
قام خليل وتسبح ومن ثم لبس ملابسه ومشط لحيته ثم ركب تكسي وصله للجامعة
وصل الجامعة
خليل : ماشاء الله جد جامعة ياشيخ الرهبة تنزل على الواحد بس كل الي قالوا لي الدراسة بالخارج أسهل ألف مرة من عندنا بالسعودية خلنا أنطالع الورقة وين الكلاس الحين مبنى 4 غرفة غرفة 43 يالله سرنا
دخل خليل الفصل الي توه الدكتور ماجاء جلس قدام
)بتدخل لنا شخصية جديدة هي الفتاة روس فتاة أمها أمريكية وأبوها عربي طبعا طريقة الكلام حتكون عادية كأنها فتاة خليجية يعني حترجم كلامها لأن صعبة أقوله بالأنجليزية)
روس جالسة أتفكر وتمرر يدها على شعرها المنسدل حولها, متموج كالحرير , يفتن الخلق لو بغت تفتن فيه أحد , ويأسر قلوب الرجال
روس بخاطرها : الله يعين على هذا الفصل الجديد توني معدية واحد بصعوبة حتى الدكتور لسه ما جاء لكن منوا هذا الي جنبي
التفتت روس لقت خليل جالس جنبها
روس بخاطرها: ياي وش حلوه حتى اللحية جعلت من شكله أحلى وأسمر جد حلو
خليل كان سرحان ولا يدري مين تراقبه من فترة لكنه بعد برهة حس فيها والتفت
خليل بخاطره: ماشاء الله أيش هذا وش هذي الفتاة الي تنظر الي بعينين زرقاوين بلون السماء تفيضان من الطهر ... رغم أنهما في وجه إمراءة شبه عارية ولها فم صغير حلو ينطق بالصفاء من غير أن تتحرك شفتاه الرقيقتان وكأن هذا الفم وردة من ورود الجنائن والمزارع غير انه ما يذوي ولا يذبل وانها من لحم ودم وانها تشم بالفم وتلمس بالشفاه ..... وشعرها أشقر متموج يبرق تحت أشعة القمر كبريق الذهب وجسم أبيض ناعم له لون العاج ولين الحرير وسحر الحب هي جد وردة نمت في غغير أرضها فزادت بندرتها جمالا وبهاء لكن المفروض ما يكون مكانها هنا المفروض عند امها تحميها من العيون ولا أخو ولا زوج أي زوج يكتم سر هذا الجمال أن يبان ويلعب بقدسيته وعفافه السارقين والأيادي العابثة هذا مو مكانك جد أنك حوراء من حواري الجنة
خليل : صباح الخير وش فيك
روس : وش تتوقع ليه أطالعني كذا والأكثر غرابة أنت مو زي الباقي ما حسيت بنظراتك الأفراس لجسمي ولحمي وأنت ما تناظر الا وجهي عكسهم الي من يشوفوني ما يناظرون وجهي ولا يقربون له بل ينظرون لجسمي كله ما عدا وجهي
مرت دقايق والكل ساكت منهم وكل واحد يحس ان هالدقايق دهر
خليل : ممكن أطلب شي
روس : بينت على حقيقتك أي شي تبيه بفلوس حتى لو نترك المحاضرة ونروح الحين ومو كثير سعري بس 50 دولار
خليل : أسف ما قصدت كذا لكن ودي تقبلين مني أني أضع الجاكيت عليك لأجل ما أحد ينهش بعيونه جسمك
وضع خليل الجاكييت لكن روس أصابتها مفاجاءة كبيرة ما أستوعبتها لذا ماأستوعبت المحاضرة الي طول الوقت كانت تفكر بالأمان الي حسته من ألبست جاكييت خليل
أنتهى الكلاس وطلع خليل ونسى جاكييته وروس تنبهت بعد برهة توها بتعطي خليل الجاكييت لكنه طلع

ننتقل من خليل وروس إلى السعودية بيت خالد
نورة : وليد ما سمعت أخر خبر
وليد : وشو
نورة : أول شي عطني البشارة
وليد : على حسب الخبر
نورة : اليوم كنا جالسين أن ولينة والعنود و
وليد : وش دخلني أنا
نورة : لا لك دخل الجازي كانت معنا
وليد : والله وش أخبارها
نورة : أخبارها سنعة اليوم جالسة تقول أن يبي لنا أنفصل ملا بس لملكتها
وليد : جد خلاص نسته
نورة : وش ذكر الحين بهالسالفة المهم رح مع أبوي ونسقوا حق الملكة خلونا نفرح بعد من بعد فرحتنا بلينة
وليد : والله أبشاركتك كبيرة عندي خليني أروح لأبوي فوق مع أمي
نورة : بجي وياك
وليد : لا روحي جنب أختك الخبلة جالسة جنب الكمبيوتر أربع وعشرين ساعة
نورة : أكيد بروح وأشوفها تصيح
وليد : ليه
نورة : مندمجة بالقصة مالت قمر خالد
وليد : منو ذول
نورة : قصة مالك دخل فيها روح أنت وكلم أبوي ياي مستانسة الجازي بتجي عندنا
الوليد : قولي الله يسهل
راح وليد لوالديه فوق ودخل الغرفة
منيرة : وليد ماربيتك كذا تدخل من غير أستأذان
وليد : والله من الفرحة يالغالية
خالد : وش عندك
وليد : خلاص نبي نروح أنملك على الجازي
خالد : متى بس أمر أنت
منيرة : وليه مستعجلين
وليد : نعم
منيرة : أيه ما حنا مستعجلين
وليد : لا أنا مستعجل ولازم أتزوج
خالد : صحيح وأحنا المفروض من زمان بتينا في هذا الموضوع لكن كان هناك عقبة والحمدلله أنحلت
منيرة : خليل
خالد : أيه لكنه الحمدلله بارك لهم وعرف الصح من الغلط وأنها مو مكتوبة له وأنها مكتوبة لوليد وسلم وبارك وتمنى لهم الحياة السعيدة صحيح طلع رجال
منيرة : نسيت أنه ضربك وأنه كان بيضربني
خالد : فكينا من هالسالفة وهو عرف الغلط ماله وأعتذر وأنا قبلت أعتذاره مو كافي أن وليد ضرب شيماء
منيرة : كذابة طاحت كذا
خالد : وأن طاحت كذا أستفدنا أنها وقفت العراك بين أعيال العم الي المفروض يكونون يد وحدة
منيرة : ما عليك منه وليد ذول ما يحبونك
خالد : ما عليك منه أنتي ما تستحين
منيرة : أنا الي ما أستحي ولا
خالد : ولا مين
منيرة : أنت عارف
وليد في أثناء شجار والديه بخاطره: ليه كذا مايصدق الواحد يفرح الا تبدا أخناقه جديده ليه كذا يارب وش هالحياة
وليد : أمي أمي (بصوت عالي) أمي
منيرة : سم
وليد : أستعدي بنكلم بيت عمي على الملكة وأنشاء الله بأقرب وقت يحددونه وأنا بكلم عمي أموافق أبوي
خالد : روح وعلى بركة الله
طلع وليد وشايل هموم كثيره لقا أخته تحت جالسة لوحده
نورة : بشر
وليد : أي أبشر لقيتهم وقلت لهم أمي تزعم أن الوقت بدري عليه للملكة
نورة : من جدك بعد كل هذا تقول كذا
وليد : مو بس كذا تهاوشت أمي مع أبوي عشان عمتي شيماء هالأنسانة ما أدر يمخلوقة من أيش كل الطيبة فيها يا حض أعيالها وبناتها وياحض حريم أعيالها فيها ليتك يا نورة تصيرين وحدة منهم
نورة : والله
وليد : وش قصدك
نورة أخجلت ونزلت راسها
وليد : أشفيك طاح وجهك وش قلت أنا ليتك تكونين شنتها والله راح ترتاحين موأنا أحاتي الجازي مع أمي
نورة : تدري أمس وش سوت عمتي شيماء
وليد : أيش
نورة : أمس نقطت كل أم على بنتها بلا مبالغة عمتي ليلى على ريم وعمتي سارة وقمر على غادة وعايشة وعمتي شيماءعلى مين
وليد : على العنود أكيد أو جمانة
نورة : لا نقطت علي وعطتني خمسمائة ريال
وليد : والله أنك كبرتي هالمرة بعيني مع أن ولدها خليل الله يهديه سوا شي فرق بينا لكن أمه تخلي ما فيه أي فراق وأمي وينها ليه مانقطت عليك
نورة : أههههه أمي أتوقع أنها ما رضت تنقط عشان أفلوسها ما تنقص ( وش دراها(!!!!!!!
وليد : لا تظنين إلا تأكدي والله أني خجلان من عمتي شيماء يوم تضاربت مع خليل طقيتها بقوة وطاحت ودي أعتذر لها بس مو عارف لأني أحس أني السبب في سفر خليل هل بتعذرني
نورة : والله أني من دون ما أعرف الرد راح أشوف أنك سعيد وفرحان أنك رحت لها
وليد : ما راح أنتظر بروح لها الحين وأعتذروبقول لها شي ثاني عساها تسويه
وش راح أتسوي شيماء حق وليد وهل راح تقبل أعتذاره
وش بيصير لخليل مع الأميرة روس
نسينا فيصل ولينة وش سو يوم جا فيصل عندهم
ومن هذي خديجة الي بتجي بالجزء الجاي
ليلى حالتها النفسية كيف يوم عرفت عن مرض سامي
والأهم من هذا عبدالرحمن ونورة

الجزء الثاني والعشرين


في بيت إبراهيم الساعة السادسة مساءا
العنود : أمي أشتقت للبيت
شيماء : والله ما ينبغى الحين كله وسخ
العنود : عادي قابلة بوسخه قابلة بريحته قابلة بأي شي أشتقت للظهران وأهلها (تتذكر صديقتها( ...........
شيماء : خلاص أنكلم أبوك عشان نروح هالأسبوع
العنود : لا ما نبي نروح
شيماء : توك تقولين مشتاقة
العنود : مشتاقة قلتيها مو ابي أروح لأن هنا أهلي كلهم وعطلة يعني وناسة بس فيه وحدة بتخربها
شيماء : منوا
العنود : لينة من جا زوجها وهي جالسة عنده
شيماء : قلتيها زوجها
لينة : الا جد أمي يحل يدخل عليها
شيماء : إذا رسميا صحيح بس بحكم الزواج المتعارف عليه والشرع ما أتوقع
العنود : ليه معاه شي يثبت أنها زوجته
شيماء : يا بنتي عرفي شي واحد أن لورقة ما راح تخلي العالم يسكتون أن شافوهم لوحدهم عشان كذا لازم الأشهار لكل الملئ وهذا هو الزواج الصح عشان كذا تشوفين العوائل ما يرضون يخلون بنتهم تطلع مع زوجها فترة الخطبة كثير لأن الناس ما تدري وحتى إذا جلسوا مع بعض لوحدهم في بيتهم تشوفين الأم تدخل والاب يدخل ما يخلونهم
العنود : اهههههههههههههههههها
شيماء تلف ناحية القبلة وترفع يدها : اللهم يا رحمن يا رحيم يا حي يا قيوم أن ترزق أبنيتي العنود بزوج صالح يهنيها ويسعدها وتهنيه وتسعده وتحفظ بينهم سرهم
العنود : امين هالدعوة تسوه الدنيا وما فيها وهذي حبة راس أمواه
*يطق جرس الباب
العنود : منوا الي جاين الحين عساها لينة ولا الجازي
شيماء : أنزين قومي شوفي مين ترا ما فيه خادمة
العنود : إنشاء الله
راحت العنود تفتح الباب
العنود : منوا
الوليد : السلام عليكم
العنود : وعليكم السلام
الوليد : كيف حالك العنود
العنود : الحمدلله منوا معاي
الوليد : أنا ولد عمك وليد بغيت الوالدة
العنود : إنشاء الله
راحت العنود لأمها وفي بالها أكثر من سؤال
العنود : يمه هذا الوليد يبيك
شيماء : وليد ولد منيرة
العنود : أيه
ألبست شيماء عباتها وطلعت
الوليد : السلام عليكم
شيماء : وعليكم السلام
الوليد : كيف حالك عمتي
شيماء : الحمدلله بخير
الوليد : عمتي بغيت أكلمك بموضوع
شيماء : أجل أدخل للمجلس وبجيك
دخل وليد والعنود راحت تحضر عصير حق ولد عمها
أدخلت شيماء وبيدها العصير وكان معاهم جمانة
الوليد : كيف حالك جمانة
جمانة : بخير وأنتا
الوليد : إذا شفتك أنا بخير
شيماء : سم يا ولدي وش بغيت
الوليد : مو عارف من وين أبتدي لكن عندي أكثر من موضوع
شيماء : يله عاد تراني خايفة عساه خير
الوليد : كل الخير إنشاء الله بغيت اأول شي أعتذر لك عن الخلاف بيني وخليل لأني أحس أنا السبب في بعده
شيماء بخاطرها : ليش تعتقد أيه أنت السبب لكن ربي مقدر هالشي وروحت ولدي للخارج
شيماء : كل شي قسمة ونصيب
وليد : هذا شي والشي الثاني أسف ألف على الي سويته فيك كل ما أتذكر والله أحس أني قليل حيا وما تربيت عمتي سامحيني
شيماء : وش سويت لي
الوليد : ذيك الليلة بالمزرعة ضربتك
شيماء : أفا ياوليد لهذي الدرجة تحس أني زعلانة عليك والله أني ما فكرت بهذا الشي وبعدين أنت بمثابة ولدي
وليد : والله أن الشعور متبادل ولو أنك مو غالية علي كان ما جيتك وأعتذرت
شيماء : على هالشيين جاي خوفتني والله قلت أحد صايرة له شي
وليد : مو عشان كذا جييت
شيماء : لا تقول سامحيني أن ماراح أزعل عليك عشان أسامحك
وليد : أمي ماهي متحركة لي عشان الجازي أقول لها خلينا نروح أنملك تقول تو الناس والبنت ما أرضى عليها عشان كذا أبيك تحددين معهم موعد للملكة
شيماء بخاطرها : ياليت هالشي يصير لكن مو لك يا وليد لخليل ياليت
شيماء : يا ولدي أسمع أيش بقول لك انا مو راضية على الي قالته أمك أبد لكن هم في نفس الوقت ما لأأرضى على أمك لأنها تبي أهي تروح تخطب لك ولو انا في مكانها ما رضيت ألا بزعل عشان كذا قل لأبوك ولا عمك وحدد الموعد
وليد : يشهد ربي أنك كبرتي بعيني لكن الي أبيها أنك تكونين أموافقة ولا تكونين زعلانة
شيماء : الي بالقلب بالقلب لكني فرحانة لك وللجازي البنت غالية علي كثير وأحبها كنت أتمناها حق ولدي لكنك ظفرت فيها قبله وانا زي ما قلت لك أعتبرك زي ولدي وعن جد مستانسة لكم ودي يصير فرح قريب نستانس فيه فالله يبارك لك ولها وأما عني لا تشيل هم بلمح الليلة إذا تجمعنا وما راح يصير الا الخير تطمن
وليد : الله يعطيك العافية
قام وليد وحب راس شيماء وطلع
عند العروسين لينة وفيصل
لينة : قريب والله العرس
فيصل : لو الود ودي اليوم مو بعد شهر ونصف
لينة : فيصل حبيبي كل شي صار بينا بسرعة خل الزواج ياخذ مدة أكبر
فيصل : والله عشان خاطرك بس وما علي بجيك كل يوم والله يعيني على دق المشاوير من الظهران بخليها لك شهرين مع أني حجزت الصالة وكل شي
لينة : مشكور أيه الحين أقدر أخذ وقتي في الأستعداد حق زوجي
فيصل : زوجك الله من زمان ودي أسمع هالكلمة
لينة : فيصل كلمني عن روحك كيف درست ومن وين تخرجت كل شي
فيصل : كل شي كل شي
لينة : ليه فيه أسرار
فيصل : أكيد
لينة : مثل
فيصل : أنتي قولي
لينة : مثل
فيصل : وش تتوقعين
لينة : أنزين سؤال حلو أنت حبيت من قبل تراني ما راح أزعل
فيصل : تبين الصدق ولا الكذب
لينة : الكذب
فيصل : أيه حبيت
لينة : منوا
فيصل : توش قايلة الكذب
لينة : غريبة يعني أنك ما حبيت