نصيتك والوفا زادي .. رحلتي والقلوب اشتات

انا والله مل الامل فيني .. يدور للشفاه اصوات
عجز صوتي ينادي لك .. قضى قلبي من بعادك


نصيتك والوفا زادي .. رحلتي والقلوب اشتات

مصايب والرجا خايب .. تقود خطاك رغباتك


كبيره غيبتك هذي .. تعودتي على الغيبات

غريبه حيل ذا المره .. ولاهي مثل غيباتك


سألتك بالذي خلى عيونك تذرف الدمعات

تكف الدمع لاتجني على خديك دمعاتك

انا ما قد خبرت اني تعمدت اجرحك بالذات

وانا ماهمني غيرك اعيش من اجل مرضاتك

سرقتك بالزمن لحظه وعشتك بالفراق اوقات

ولا ادري وش بقى لي بالعمر من دون لحظاتك


تصدق .. رحت ادور في قواميس البشر كلمات

عجزت القى حروفٍ تستريح بصدر كلماتك





توالت كلها فجأه .. تعاظم بالحشا صدمات

يجي يوم وتواري شمسنا من ليل صدماتك

ذكرتك والدروب اللي تعانق خطوتك بالسكات

وانا ما زلت اسافر بين نظراتك وضحكاتك

ذكرتك وانطفى جمر الكلام وذابت الشمعات

سهرتك واستفزيت النجوم بليل خصلاتك


تعالي واذرفي دمعك على قلبٍ كثيره مات
تعالي . واخذي الباقي يفيد لوقت عزواتك

تعالي لاتخليني والسنين المقبله تقتات

من افراحي ولحظاتي وطرباتي وسجاتك

تعالي وواعديني .. لاشقا .. لاصد .. لاغلطات

ترى ما للصبر باقي على جروحنا وغيابك


تركتيني ولا ادري وش جرى وش غير النيات

سألتك واعتكف برد الجواب فـ معطف آهاتك

سرقتك بالزمن لحظه وعشتك بالفراق اوقات

ولا ادري وش بقى لي بالعمر من دون لحظاتك


صح لسانك ولسان قايلها

اختيار اكثر من جميل اختي

الله يسعد ايامك

تسلم على المرور يا اخوي

صح لسانك
ولسان الشاعر

قصيده جميله في معانيها

يسلمو على المرور الذي عطر متصفحي

كثر الله من أمثالك ..!!
قصيدة روعه ..!!
صح لسانك ولسانه
لك شكري و تقديري