ديوان فارس مهدي الغنائي

أنت ياللـي تبطـي الصبـه بفنجالـك لحالـه

صب لي والا اترك الدله وابـا كيـف مزاجـي

أدري انك لو تحاول في جنوبـك مـع شمالـه

منت صاير مثل ابن حثلين وعقـاب العواجـي

والحبارى اللي تحاول ثنيهـا فـي كـل حالـه

صابها طيـري ولا يمكـن يداويهـا العلاجـي

كل بنتٍ لا عشقـت رجـال مـا تـدور بدالـه

والجبل راسي وانا مثل الجبل وانت العجاجـي

ودي أبشرك لجل تعيـش مضمـون الرسالـه

لجل تشبع غيض مع شربٍ من الجم الهماجـي

وصلني مرسالها على النقـى يـا حـي فالـه

قال قالت قل لفارس حبـه بالاعمـاق لا جـي

فارس اللي عارفينه من عمـام ومـن خوالـه

لي شرف في حب راعي المرجله طلق الحجاجي

قالت وقالـت كـلامٍ يشـرح الخاطـر مجالـه

والصحيح انه على وضح النقى ما هو منآجـي

شفت كيف الفرق بين الروس عن ذيك الحثاله

مثل فرق الحر الاشقر ما يوصـف بالدجاجـي

والذلول اليا خذاها الذيـب تامـن فـي جبالـه

وانت تفهمها حسب فهمك وانا طلق الحجاجـي

لافاحت الذكرى بدلـة سنينـي

يفوح من نار المسافـات هيلـه

تلقين كل اللي مضى يحتوينـي

متجرداً مـن فرحتـي يابخيلـه

اليوم شوفي هالحزن معترينـي

كم عام كم لحظه وروحي عليله

لك في حياتي شي مامات فينـي

ذكرى الطفوله والليال الجميلـه

يابلسم الجرح القديم اعذرينـي

دخل العيون الناعسات الكحيلـه

بحروف من وهج الغرام اكتبيني

وعلى جناح احلى الغرام ارسليله

ان كان طبعي تغير وانعرف تارس

هذا دليل الشقى وانتي بديتيها

لا تزعمين الوفاء اصبح ترى طارس

مابين ايادي بنتها ثم هدمتيها

ولا تحسبين الغلا يجيبها اغتارس

الحكمه اللي سمعناها سمعتيها

ماكل من ياصل القمه ترى دارس

واكبر دليل ٍ مشاعرنا قتلتيها

ياللي غرورك لك الله مارمى فارس

منتي رموز الحياة ولا ملكتيها

صحيح احبك ولكنك مثل وارس

كل يوم في شكل ٍ ابهت وان غمرتيها

برد الشتاء يذبح الطلاب والحارس

والا شعور الدفاتر مابكيتيها

تعالي نرسم الفرحه تعالي

تعالي يابعد عمري تعالي

أنا مآصدقت عيني تشوفك

أمانه لا تخليني لحالي

تعالي نطوي الماضي ونرسم

أمل يبقى على طول الليالي

انا ماودي ابقى حب مبهم

خيال واوف من بعض الخيالي

انا ودي اعيشك طول عمري

اعيشك حب امولك والآ آ لي

يالاآ لا لي يا لا لا لا يالآ لوه

احبك يابعد كل الغوالي

احبك رغم كل اللي عملتي

احبك حيل احبك يامنالي

واذا في دنيتي منوه وابيها

فهو انتي ولا بالكون غالي

غلاك اللي بقلبي مانسيته

ولا بدد وجودك من مجالي

غرقت بحبك وجيت اتسائل

جوابٍ مابعده اية سؤالي

تعرفين اني انتظر الاجابه

وغبتي ماسئلتي ما في بالي

رغم قرب المسافه والشوارع

ورغم هذا التطور والهبالي

انا مثل اول وازود من اول

تعالي لعن ابو جدك تعالي

اتي يقول انصت ساوصيك كلمه

ياابن ادم ابسط حالك ولا تهالك

واجعل من الدنيامروراً بحشمه

تنجيك من نار تطالك تطالك

واكثر دعائك .. فا لله حكمه

واصبر وصبر وأكثر سؤالك

واعرف بان العلم نوراً لضلمه

دروبها العليا تحقق منالك

وانعم بما في الجيب واقسمه قسمه

واحسن وقل صدق ٍ ورتب مقالك

اعتر فـلك ما بقى للحب فيني من مهابة

طحت أنا كني غريق وصوت حزني سامعينه

اشهق أنفاسي وأنا ابكي آه يا عمر الكئابة

ما أصعبك يا درب تكفى هون أجروح ٍدفينة

ليل يا ليل الموادع التوى حظي التوابة

وانكسر صبر ا ً ضفر بي هذا عمري اللي تبينه

وش على العقبال عقبك لا بكى قوس الربابة

شوفي أوتاري تقطع من عزى دمعة سكينة

ما برى جرحي وأنا اللي موجعٍ قلبي صوابه

والسفينة مشتهاها هالـهوى صوب الضعينة

اعترف ما عندي إلا جرح من عشق الكتابة

هو كتبني ما كتبته والرجاء لو ترجعينه

العشق يابنت مايرحم

هني منهٌ تهنابه

ودي بجرح الغلا يلتم

والهجريفنى من كتابه

غنيت جرحي به اترنم

ويون من حر ماصابه

ويومٍ سلم راح ماسلم

لاشاف فارس ولا احبابه

عشقٍ كتبته سرى بالدم

غنابه الشوق غنابه

لاشك نحلم وبه نحلم

والنفس والروح طلابه

يالله ياللي بنا تعلم

ياغافر الذنب واسبابه

من خوفي الناس تتكلم

طحت ونصيبي على بابه

حظيظ منهٌ لها يترجم

احساسه بروح خلابه

ويتوج الحسن بالمبسم

ويسلى جروحه ويسلابه

سم الافاعي جرى بالدم

غصبٍ على القلب يرضابه

ماقلتله ياخفوقي تم

مكتوب لي والبخت جابه

هذي جروحي ولها المرهم

تجرح تداوي وتلهابه

أسكت ولا اشكي ولا اتألم

يمكن يجي يوم واهنابه

ياذيب لي منوه

ابيك لي تافي

البر له نشوه

مع فارس وافي

له تسعدالغفوه

بيدين ٍرهافي

وله عشق محلوه

لوالعمرهافي

ماتت بي الهقوه

ظلمتني كافي

الموت والرجوه

ماتافي ماتافي

قلت العمر سلوه

اداعب اطرافي

وابكتبه غنوه

لوماهو لي ظافي

وأظفر بعد حروه

يمكن يجي لافي

واثر الهوى عنوه

مابان لي خافي

وناديت بالخوه

ياذيب ياسنافي

عسى على القوه

ابيك لي تافي

لا تحسبين الحـب كلـه تماثيـل

قولي ترى صدفه مرت وراحـت

ولا تحسبين الحب هو كذبة ابريل

ولا تحسبين ان المشاعر تناحـت

الحب قصه عاصرت جيل مع جيل

من عهد مجنون الليالي استباحت

يابنت شعري للعطا والمواصيـل

نسايم ٍ مع باقـة الـورد فاحـت

الشعر فني واللحن يطرب الليـل

والصوت نبرات الحزن

ماينثني عزمي لو الوقت بي مال

نفسي على مر الليالي صبوره

صحيح راسي شاب ياخال ياخال

واقول تفرج ضيقتي ومعسوره

امسيت طفل واخلي الف رجال

تجهش اركاب القايله والوعوره

واصبحت رجال البس شماغ وعقال

وفي داخل مليون صوره وصوره

حلمي تبعثر وانقتل بوسط الجال

ومع كل هذا غصت بحر الخطوره

سطرت من شعري جزيلات الامثال

وبالصدر جرات ٍ تون معذوره

هذا وانا من لوعة الحب رحال

اجمع شتات الحب واقطف زهوره

جيتك طفل ياملتهي بعشق الاطفال

طفل ٍ على درب المراجل عبوره

ماهمني من يكثر القيل والقال

ولاهمني منهو يفاخر بزوره

وياناشدي لا عاد تنشد عن الحال

الحال ماتخفى عليك مخبوره