على نفس المكان الي اجي له والفكر ينساح
كتبت البوح واسرار العمر للنور يقراها
انا والليل والمغنى سوالف والأمل مالاح
وجيران القمر ملت تحرا نور قمراها
غدا جو السهر معتم بعد لبس الظلام وشاح
بعد ماعودت كل النجوم لدرب مسراها
كذا صار الوعد ليل وحيش وممتلي اشباح
على قلب فقد زين الوعود الي تحراها
أعيش جوّي وانت خلك بجوّك ما دام جوّي جايز لي ومبسوط
ما هو ضروري نجتمع حول ضوّك جو السعادة فيك ما هوب مربوط
سعادتي ما ترتبط في سموّك ولا ارتباطي فيك دايم ومشروط
لو يختلف بالذوق نوّي ونوّك خل الونس لي شوط ولحضرتك شوط بوحي
لاملت الخطوة من الدرب ترتاح
لاصار درب البعد كله كلافة
كم واحد يتبع سراب اذا لاح
يركض ولوبينه وبينه مسافة
ماياصله وان مل في ماقفه طاح
مصير حاله للتعب والكسافة
وانا عن المشوار وقفت ياصاح
من خوف يلحقني ملام وحسافة
وصلاة ربي عد ماطاير طار
وعد النجوم اللامعات السهيرة
وعد الرمال وعد همال الأمطار
واعداد من يسكن بلاد وديرة
مع ماخلق بالكون في بر وابحار
مع مثلهن واكثر صلاة كثيرة
على النبي الي من الله مختار
محمد الي للخلايق بشيرة بوحي
ياملاك الزين ياكل الحلا
جابك الطاري وجيت اسأل عليك
من نظرتك قالت عيوني هلا
نظرتك ياشوق تاخذني اليك
خاطري ياشوق عنك ماسلا
والمشاعر كلها فيني تبيك
اشهد انك ماخذن كل الغلا
والخفوق الي ملكته في يديك
شوقي الي زاد فيني وامتلا
كل ليلة ياخذ القلب ويجيك