روح , ومعآليق , وجــســد

مدخل



والحين يا(غايب) , على الوجد كنّي
من غيبتك,عايش على فضْلة الوقت

لا تقول : كفَ الدمع , خيّبت ظنَي
وانت بـ سبات العشق للحين ما فقْت

قل للجفا لا عااااااااد ياخذك منّي
وانا اوْعدك ما يطيح دمعي ليْا اشْتقت





عمق



كفايه ..وماحصل بالأمس يكفينا
لاتحنّي ايديك ,,خل دموعك الحنّا


الى متى ؟ نكذب ! ..ونوهم امانينا
مليت اجامل ..واقول آنّا واقول آنّا



تعال عند المكان .. اللي ضوى فينا
عشان أورّيك وش صرنا ؟ووش كنّا ؟



خلنا نتوادع ( هنا ) .. ( هنا )تلاقينا
( منّا ) بدى الحب .. لازم ينتهي (منّا )



ماللزمان أي سبّه ..في تجافينا
وش له نلوم الزمن ؟ دام السبب حِنّا!



صارت صباحاتنا ,, تشبه أماسينا !
لابانت الشمس ! ,,والعصفور ماغنّا



لو ندري بنفترق ؟ ماكان حبّينا
ولا تركنا ( قلوب الحب )تتمنّا



وش هو نسوي بعد ! ..وش هو ماسوينا
مقسوم .. والله كتب(حكم القدر )عنّا



في الحب (أحاسيس ) ..ماتوصف بأغانينا
أسمى من الوصف ,,,وأرقى من تخيلنّا



((موضوعنا منتهي )) ..ماعاد يمدينا
عمر ٍ خسرناه ! ,,لايمكن يرد إلنا



واذا رجعنا لبعض ولاً تراضينا !
لاتحسب آنّا ,,برنجع مثل ماكنا



مخرج



بذلت ما أوتيت من صبر , وجلد !
عشان أكبّر هقوتك ؟ .. ( وأستآهلك ) ,


حبّيتك بـ / روح , ومعاليق وجسد
ماهو بـ / حبّ ( أرقمك ..واقابلك ) ,


وأهلك ؟ إليآ صدّوك عني ( لآ تصـد )
قل لـ أهلك ( يمسون مانــي بـ / مآكلك ) ,

لأرواحكم النقيه