"~ استفزتني ~"

**

استفزّتني مواقف زادت الخفّاق ريبه
.........ولّعت في وردة احلامي وبأوراقي لهيب
.
حطّمتني لين صار الجرح أقوى من طبيبه
.........لعنبو جد الجروح اللي عجز عنها الطبيب
.
أمست الدنيا بعيني مرحله جداً عصيبه
.........يا تكون أو لا تكون ويا تصيب ويا تخيب
.
بين رميات الظنون وطعنة الظلم الرهيبه
.........تسكت الأصوات ما به غير صوتك ياالنحيب
.
لو تحس بغربتك في ديرتك ماهي مصيبه
.........المصيبه لو تحس انّك وسط روحك غريب
.
قلت آآه وصرخت الآهات بأعماقي صعيبه
.........ما دريت انّه عذابي صار لي حظ ونصيب
.
ما دريت انّ القصيده أجمل وأوفا حبيبه
.........والقلم لا صار يكتب مرهف احساسي حبيب
.
انتظر يا قلب وأصبر والزمان الله حسيبه
.........يمكن ارماح البعيد ارحم من أحضان القريب..