الغلا قصه عجيبه تبتدي بضحكة عيون

الغلا قصه عجيبه تبتدي بضحكه عيون قصة فارسها مشاعر نابضه بأحلى غرام نصّها كلمة [أحبــ ــك] ياحبيبي للجنون تنطلق من قلب عامر بالمحبه والسلام هذي هي قصة غرامي يوم جيتك ياحنون مابقى شيء بكياني غير حبِّك بـ احتدام.! جيت لك تضحك شفاهي بإبتسامات الجفون جيت لك والقلب غارق في عبارات الكلام ماتصنّعت المشاعر لاجل أبرهن من أكون كان همِّي اني آآصل ساحلك يا احلى غرام أبتسم ساعة أشوفك وأنسى أيام الشجون و أتخذ لأجلك مساحه في مواعيد الزحام لاتلاقينا وشفتك [قاسي] الغربه يهون والفرح يسري بدمِي ويخترق صلب العظام وإن تفارقنا دقيقه مالت اوراق الغصون والدقيقه في عيوني شفتها ألفين عــام الغياب..!!ياهو غيابك صب لي كاس المنون أشربه ظلم وتجنِّي وأرتويبه بانصدام الغلا ماهو حكايه تعتبر ضمن الفنون الغلا عشته بقلبك ياقمر وسط الظلام لو درا بصادق غرامي[الغدر]حرّم يخون ولويعيشه كل مذنب إلتزم بعد الحرام وإن كلامي ماعجبهم يفعلون مايشتهون يمكن لاشافوا ولا عندهم ينشاء اهتمام الغلا قصه وصارت بيني وبينك [جنون] حكيتها بشعور قلبي قبل مايبدا الكلام لغلا واقع أعيشه ..معك مايرضى الظنون واقع أجمل من خيال ..واقع نبراس الوئام بطلبك قبل أنتهي كانك لـ إحساسي تصون إن لحظات التواصل نغتنمها اغتنام مانبي الايام تمشي والمشاعر يتعبون..!! والخطاوي الهاويه في سراديب الخصام