مدونتي هي نبرة جريح

اللي عشق صدق يقول أحب

ما يكتـم الحب والإحسـاس


وش عرَّف البنت بما فـ القلب

ان كـان قلـبـك لهــا مـجـلاس


مـا يعلـم الغيب غـير الــرب

العمـــر يحصيـــه والأنفــاس

حبيبي ضايق يا ناس وش فيـه ؟

يا ليت أمر الظروف فـي يـدّي


أشيل حـزنه في قلبي وأخبّيـه

و أجيـه و امسح دمـعه بـ خـدّي

المساء في عيني بدونك ولا شي

أمسي والعالم بلا روح وإحسـاس


وكلمة مساء الخير من مبسمك لي

تخلي مسائي غير عن باقي الناس

لو سرقت العقل واحساسي وروحـي

ولو خذيت العمـر وافراحـه .. وحلمـه


انت أكبـر أمنيـة ترضـي .. طموحــي

تخلق البسمة على وجهـي .. بكلمـه

صباح الخير .. لـ عيونك

وفـ عيونك صباحي غير


ثقيل الصبح .. من دونك

تخونه لحظة .. التقصير


ترفّق بي على .. هونك

أنا فـْ حاجة صباح الخيـر

تعال وضمنّي لصـدرك

قسـم بالله مشتاقــك

تعـال وبـدّد الوحشــة

تراني ضقت من افراقك

تعـال أبيـك تسمعني

تعبت أقــول محتاجــك

(حبيبتي)
حبيـبتـي لا تزيـديــن الألـــم فيـنـي
حبيبتـي لاتكــونيـن ال سهـر عيني
انتي القمر يالي بحياتي عشت لك
انتي العمر وكل امنياتــــي فدوه لك
حبيبتي
ماشوف غيـر اجـمل حبيبة بالعـيــون
هي ابخيالي وين ماجت لي الضنون
انتــي بفـكـــري ول طـمــوحـي غيـر
انتــي لقلـبـــي ول جـــروحــــي كير
حبيبتي
لو كان وقـت الحـــب عـياء للـظـهــور
فينــي امل ياوقت تحـقيق الحـضــور
واجــب يزين الحـــظ في حبك قريب
ويفهم بأني عشت في بعدك غريب
حبيبتي

كل ما عطيته ضو أخضر

ايقـول ظـروف ويتعـذَّر


مـدري علينـا يتكبَّــر

والاَّ ظـروفـه تتعسَّــر


بعطيه فرصة مو أكثر

يثبت لـي حبه لو يقدر


إذا تقـدم هلا ويبشـر

واذا تأخـر راح يخسـر


أنا أصيلـة وطبعـي حُــرّ

والعشق عندي نقاوة وطُهر

كـل صبـح .. وھمّ فرقـاك يتجدد

وكل ليلة ، وانا فـ التفكير غـارق


ولاجـل أخفّف صدمة الفرقى أردد

فـي النھايــة بنتفارق .. بنتفـارق

ماتطيح مـن العيون اللـي تشـيلك

عيّت اوضاعي مع اوضاعك تطابق


لا تشـاورنـي علـى الفرقـا دخيلك

خلَّهــا فجـأة بـدون انـذار ســابق