أهاات جروح حزينه

بعد مرور يومين خطبت أم حمد شهد وشهد لزمت الصمت ويوم كلمتها هنادي بالماسنجر قالت:هنادي أفهميني والله ماأقدر اتزوج أخذت موقف من الزواج أناتزوجت ملياردير وصارت حياتي تعاسه والحين أخوك خطبني وأناأعرف أنه ملياردير وخايفه يصير معي مثل أول هنادي حسي فيني صرت أخاف من الأغنياء لأنهم بسهوله يتزوجون وبسهوله يطلقون أخاف اوافق وأعاني مع أخوك نفس معاناتي مع زوجي الأول والله تعبت نفسيآ وإذا تزوجته بيمل مني وبيطالع حريم وبتشتعل غيرتي وماأتحمل هذا الشي أنا ابي إنسان مايشوف بهالدنيا غيري خلاص ماأبي غني عشان مايسافر ولايتزوج علي ولايطالع أحد غيري تعبت والله تعبت حسو فيني شوي مافيه شاب مايدور الجمال حتى النفس تحب الشي الحلو وأناماأملك هذا الشي.
حمد كان جالس جمب هنادي فأخذ السماعه وطلب من هنادي تطلع برا لأنه يبي يكلم شهد.
طلعت هنادي برا
حمد:ألو السلام عليكم كيفك شهد.
شهد خافت :الحمد الله من معي.
حمد:اناحمد اللي خاطبك أسمعيني ياشهد أناماأخترتك إلا لأني ابيك أنتي عشتي معاناه صعبه وأناعشت معاناه صعبه تذكرين قصه الرجال العقيم اللي قالتها لك هنادي هذي هي قصتي أنافعلآ عقيم وعارف هذا الشي وصعب علاجه أنتي محتاجه أب لعيالك ولأحد يصونك ويوقف معاك ترا أهلك ماراح يدومون لك أنتي محتاجه واحد يوقف معك .
شهد بدت تبكي:ياخي حس فيني أنامحطمه أنهرت أكثر من مره بسبب واحد عديم إحساس صرت أخاف أتزوج أخاف تنعاد التجربه مره ثانيه أناماعاد أتحمل صرت رقيقه صرت حساسه ماأتحمل نقد ماأتحمل مزح صرت وحيده رغم أن الكل حولي وبصعوبه تجاوزت هذا الشي وانامومستعده أعيد نفس التجربه.
حمد:طيب مافكرتي بعيالك هم محتاجين أب تدرين أن خالد يناديني بابا تدرين أنك من دخلتي بيتنا جبتي الفرحه معك تدرين أن أمي من مات أبوي مافرحت كثر فرحتها بك شهد حسي فيني انا عقيم وأبي أطفال مستعد أعامل عيالك كأنهم عيالي واكثر مستعد أعوضك عن كل شي تزوجت جميلات وغنيات وولامنهم دخلت قلب أمي أنتي الوحيده اللي دخلتي قلبها شهد حسي فيني وأعطي نفسك فرصه ثانيه .
حمدجلس يتكلم ويتكلم لأنه يعرف أن شهد محطمه وقدر يقنعها بصعوبه ويوم سألها موافقه.
شهد بعد تردد: اللي تشوفه.
حمدطمر من الفرحه:والله لأسعدك لأخليك أحسن وحده بالعالم والله لأنسيك الحزن وكآبته أبشري بالفرح .
تنهدبقوه:الله يبشر قلبك مثل مابشرتي قلبي ياوجه السعد .
شهد أنحرجت وسكرت الماسنجر.
حمد طلع يبشر أمه بموافقه شهد أم حمد من فرحتها قامت تزغرط وقالت:العرس والملكه الأسبوع الجاي.
حمدبفرحه:تم.
أنتشر خبرخطبه شهد بالجامعه والكل فرح لها لاكن شهد رفضت يكون الزواج بعد أسبوع وقالت لهم أنها تبيه بعد شهرين لاكن حمد رفض وقال بعد شهر ورضت .
(في بيت أهل بندر):
بعد صلاه المغرب كان الكل مجتمع بالصاله.
بدور:جدتي مادريتي باللي صار بالجامعه.
أم بندر:وش صار.
بدور:تذكرون شهد اللي طلقها خالي بندر.
عهود بان على وجهها الغضب .
بندر:وش فيها.
أبو بندر طالع بندر بنظرات إستحقار فهم بندر بأن أبوه يقول له توك تفكر فيها.
نجود: وش فيها.
بدور حبت ترفع ضغطهم وضغط عهود:أناقلت لكم أنها تدرس في ثالث جامعه قسم محاسبه وهي الدافوره في دفعتها مجتهده ماشاء الله وينضرب فيها المثل الكل مصادقها حتى أعدائها صارو صديقاتها إيه صح ونسيت اقول لكم أنها مصممه ديكورات وتتعامل مع شركات عالميه يشترون منها تصاميمها.
بندرتعجب ماتوقعها كذا.
بدور:وعندها زحمه من كثر الناس اللي يبونها تصمم لهم ديكورات.
نوره:وش فيها حمستينا.
محمد:بدورتكلمي.
أم بندر:تكلمي.
بدور:أنخطبت وملكتها وزواجها بعد شر في يوم واحد.
بندربان على وجهه الضيقه.
محمد:ياحسافه كنت بقول لأمي تخطبها لي.
بندرطالع محمد بنظرات غضب.
محمد: وش تبي حرمتك عندك وشهد ماهي على ذمتك يحق لي أخذها على الأقل افرح أمي اللي من راحت شهد ماذاقت طعم الفرح.
بندر توه بيرد قاطعه أبو بندر:لك عين تتكلم بعد اللي صار أسكت دام النفس عليك طيبه .
وطالع عهود بإستحقار وصد عنهم.
نوره: كملي يابدور من بتاخذ.
بدور:بتتزوج واحد ملياردير عطاها مهر مليون ريال ومنهبل يبي يتزوجها قال الزواج الأسبوع الجاي رفضت شهد قالت بعد شهرين أو أكثر وهو مستعجل قال بعد شهر وبصعوبه أقتنعت شهد.
نوره:ومن وين عرفته.
بدور:أخته صديقه شهد وطلبت من شهد تصمم لها ديكور لغرفتها وشهد جلست بغرفه البنت تصمم دخل أخوها وشافها وهي ماتدري وعجبته وحبها من ذاك اليوم وزاد حبه لها من كثر ماتمدح أمه فيها عاد شهد رفضت لأنه شافها لاكنه ألح يبيها
المسكين ذل نفسه أكثر من مره وبصعوبه وافقت.
نوره:ليش رافضه الزواج.
بدور:تقول أنها تحطمت نفسيآ وأنهارت أكثر من مره وزوجها السابق أستحقرها ورماها عشان وحده المهم ماعلينا وش ايكم نحظر الزواج.
عهود:وشوله.
بدور:أعتقد الكلام موموجه لك.
عهود وقفت بعصبيه وراحت لجناحها.
أم بندر تنهدت:الحمدالله اللي طمني على شهد.
أبو بندر:الحمدالله لوتعرفين وشلون كنت متحسف على اللي صار لها ماتستاهل.
نوره:تتوقعين تتذكرنا.
نجود:بدور كيف شكلها أحلوت.
بدور:صارت تهبل ماتوقعتها بتصير كذا تدرين ان عندها فلوس واجد صراحه تصميم الديكورات شي.
ريما:بس موأي أحد يتقنه.
مشاعل:كيف صارت.
بدور:أقولك تغيرت صارت تهبل بس الهم واضح عليها المسكينه حتى وهي مخطوبه ماكانت تضحك الكل يسولف وينكت وهي ساكته وطول الوقت سرحانه وتفكر وتطالع قدام كأنها تتخيل شي مره من المرات كانت بالقاعه ألحالها كانت تطالع الأرض وسرحانه فجأه ضحكت ثم تنهدت ثم نزلت من عيونها دمعه , إيه صح ولدها خلودي يهبل جاء للجامعه يجنن البنات أنجنو عليه لوتشوفونه قلتو ولد عز باين عليه صحته ممتازه وأخلاقه تجنن عمره 7سنوات مره جت بنت بتحب خده بعد عنها وقال أنا مومحرم لك عيب.
الكل:ههههههههههههههه.
نجود:هذي التربيه الصح.
بدور:حتى أنه ماياكل حلويات عطيته كاكاو قال هذا مضر بالصحه ماأبيه أنا حلاوي الفواكه.
الكل:ههههههههههه.
محمد:ماشاء الله هذي التربيه ولابلاش موعيالنا الله يخلف عليهم أن ماراحو للبقاله جتهم جلطه ههههههههههه.
بدور:تدرون أنها رجعت المهر للي خطبها.
نوره: فيه أحد يرد مليون ريال.
بدور:إيه شهد رجعت المليون له ورفض ياخذها فتصدقت بها كلها .
نوره:ماشاء الله عليها.
بدور:هي رفضت يحطون زواج لاكن العريس أصر على الزواج.
نوره:بأي قاعه.
بدور:في فندق المملكه.
نوره:الله يهنيها.
بدور:والدعوه خاصه جدآ وإداره الفندق مانعين إصطحاب الأطفال.
محمد:وأنتي وش عرفك بهالشي.
بدور:نسيت أن سلافه بنت أخت شهد صديقتي.
نوره:إيه صح الملقوفه وشلون تعرفتي عليها.
بدور:عن طريق الصدفه.
نوره:شهد تدري بأنك بجامعتها.
بدور:إيه بس كلما شافتني ابتسمت وبعدين تذوب أبتسامتها وتصير حزينه.
نجودطالعت في بدور وبندر وأكتشفت ان بدور تشبه لبندركثير.
نوره:ماتنلام تشبهين قاتلها.
بندر:نوره ماني ناقصك.
نوره:زين فهمت أنك قاتل المسكينه مالها ذنب لاكن الحمد الله أن الله عوضها بواحد أحسن منك.
بندرتوه بيتكلم أبوه اعطاه نظره معناهاأسكت فلزم الصمت.
وقف وطلع من المكان ووقف عند الباب يبي يسمع وش يقولون.
نوره:زين أنه قام والله أني كلماشفته وشفت عهود ودي أذبحهم ثنينهم.
أم بندر:مايجوز واناامك.
أبوبندر:وهي صادقه ولدك أخطى ويتحمل خطاه ليتني مارضيت عن هذا الزواج.
أم بندر:نصحتك وعارضت وماأهتميت من كلامي.
بدور:من دخلت عهود بيتنا وأحنا كارهين وجودها حتى من تدخل يجيني إحساس ودي أذبحها أكرهها مدري ليش.
محمد:يمه لوماصار نصيب لشهد أخطبيها لي.
أم بندربفرح:والله ياليت تكون من نصيبك.
أبوبندر:أن كانت من نصيبك فأناأول من يخطبها لك.
أم بندر:بنخلي بندر يسكن ألحاله وبنجيبها عندنا.
نوره بعفويه:إيه والله ياليت.
محمد:ماتدرون يمكن تكون من نصيب اللي خطبها.
أم بندربحزن:الله يوفقها.
بندر راح للجناح وهوضايق صدره لهاالدرجه صار في نظر أهله مجرم صارمنبوذ من العائله لأنه طلق شهد
دخل الجناح شاف عهود معصبه
عهود:أخيرآ جيت ولاعجبتك سالفه الشينه., تقصد شهد.
بندر:الشينه هذي كانت زوجتي وهي أم ولدي وأنك قبل ماتجين كانت صاحبه هذا الجناح.
عهودبسخريه: كانت زوجتك ليش تتسمع لكلامهم عنها وليه ضقت يوم قال محمد أخطبوها لي.
بندر:عهود ماني ناقصك.
عهود:إيه قول أنك حنيت لها وتبي ترجعها .
بندر عصب : إيه حنيت لها من طلقتها وإذا بغيت أرجعها أرجعها بكيفي غصب عنك فاهمه.
حس ان المكان ضاق به وطلع وراح لأقرب صديق له فايزعشان يشكي همه.
جلسوا في دكتور كيف وطلبو كفي ووصل الطلب.
فايز وهو يشرب الكفي:تكلم أسمعك.
بندر:مدري وش أقولك لاكني بديت أكره عهود وبدى قلبي يحب شهد ودي أرجعها.
فايزمسك راسه:صاحي أنت اناوش أسوي لك يعني وحده من تزوجها زوجها كان يفكر في غيرها وصارحها بحبه لبنت عمه
وكل يوم يلمح لها بالإنفصال وغير كذا جاها إنهيار عصبي أربع مرات وأخذت منه مواقف وغير كذا طلب منها تنزل طفلها ومايدلعهاإلا إذا بغى شي يعني مصلحجي وغير كذا خانها قدام عيونها وأنهارت بسبب خيانته وبكل بساطه تزوج عليها ودفع لزوجته الثانيه مهر300 ألف وأحسن زواج سواه لها وغير أطقم األلماس والهدايا وهي بخلت عليها عطيتها 30ألف ريال مهر وزواج في قصر أقل من عادي ويوم طلبت منك ألف ريال غضبت عليها وقلت هذي طمعانه رغم أنها محتاجه الأف يابندرأنت ماعدلت بينهم وشهد حست بكذا وهي قالت لك إذا من أولها كذا نفترق أحسن تذكر ولا لا تذكر يوم أقول لك لاتفرط بشهد والله ماراح تعرف قيمتها إلا إذا فقدتها تذكر حتى من كثر مايمدحونها أهلي فكرت أتزوجها .
بندرعصب وبان هذا الشي بوجهه.
فايز:أنت من شفت وجهها وأنت حكمت عليها بأنها شينه شفت مظهرها ولاشفت جوهرها بندر أنت ملايين المرات عيبت فيها تذكر كنت تسميها أم الإسيود وكنت تناديها بخضيره ومعناها يالسوداء مع أنها حنطيه كنت تناديها ياهيش ويابنت ماقد قلت لها ياحبيبتي كانت تبي منك أبسط الأشياء وحرمتها منها هي ماتحملت مهما كان الإنسان عنده كرامه وهي بدت كرامتها ورجعت لك كل شي عطيتهياه حتى الفلوس ماكان يهمها الفلوس وحرمتها حتى من المصروف قليل وإذا وديتها للسوق تعطيها 200 بس لها ولولدها خالد وإذا جابت لك شي بقصد هديه تعصب عليها وترفض تاخذه تذكر ولا أذكرك أماعهود فحدث ولاحرج في الأسبوع لازم سوق وتعطيها 5000 ريال وتطلب طلبيه من الخارج ملابس وذهب وخرابيط شفت الفرق شهد عرفت أنك ماراح تعدل ماحبت تظلم نفسها طلبت الطلاق رغم حبها لك أبسألك أهلك يحبونها طبعآ لا ومايمدحها أحد أما شهد أهلك إلين اليوم يمدحونها وعهود صارو يعتبرونها دخيله عليهم حتى يوم الزواج أمك وخواتك وخالاتك ولاأحد منهم سلم على زوجتك.
سبحان الله الحين الواحد يدورالبنت اللي أهله يحبونها مويبغضونها وأنت عكس حتى أهلك كرهوك بسبب فعلك بشهد وتقولي برجعها أنساها لوترجعها ماراح ترضى ولو رضت ماراح تعدل اللي مافيه خير في أهله مافيه خير للناس.
وإذا عهود مافيها خير في أهلك مافيها خير لك أعذرني قسيت عليك بكلامي لاكن هذي هي الحقيقه.
بندر:أدري غلطت وأحس اني ندمان تصدق من تزوجت عهود واناجايتني مصايب أحس أن هذي عقوبه من الله .
فايز:هذي حوبه شهد.
بندر:اليوم بنت أختي تتكلم عن شهد.
حكى بندر السالفه كلها لفايز.
فايز:سبحانه يمهل ولايهمل.
بندر:أقول لك صيرعون موفرعون.
فايز: الحق حق ظلمتها وتبيها بكل بساطه تسامحك مستحيل صارت مطلقه وربت طفل وتعبت عليه وتدرس وتشتغل هي ماتبي ولدها يمد يده لك لأنك بتاخذه منها لاتلومها .
بندر: لازم أكلمها .
فايز:بندرلاتحاول.
بندر: لازم ترجع لي.
فايز:أنانصحتك وبكيفك.
في يوم من الأيام
أتصل بندر على شهدوسوى نفسه زبون.
شهد:نعم من معي.
بندر:أنتي المصممه شهد.
شهدعرفت الصوت بس سوت نفسهاماتعرفه:إيه نعم أخوي تفضل.
بندر:اناأبي أعرف الخدمات اللي عندك.
شهد:تخصصي تصميم ديكورات تعتيق تنسيق أثاث تبليط فقط.
بندر:طيب أيش أسعارك.
شهد: والله على حسب الطلب وحجم الغرفه.
بندر:انا عندي غرفه كبيره في شركتي وهي غرفه إجتماعات أبيك تغيرين كل شي فيها حتى البويه.
شهد: والديكور المطلوب.
بندر:أبيه يكون مريح.
شهد:إذا كانت غرفه إجتماع فالأفضل نخليها خليط من الألوان الطبيعيه ولازم نبتعد عن اللون البني والبيج والأسود ودرجاتهم لأنهم يجيبون الأكتئاب على العموم راح أعطيك رقم أخوي وتفاهم معه إلا على فكره أتمنى تعطيني رقم المؤسسه اللي بتتعامل معها لأن تخصصي تصميم ديكورات وتنسيق فقط.
بندر:أبيك أنتي اللي تسوين كل شي.
شهد: حاضر بس ياريت تكلم أخوي بالأول اشكرك على إتصالك.
سكرت بوجهه قبل لاتسمع رده ورجعت تكمل تصميمها على الكمبيوتر.
مرأسبوع على الأحداث وبندرخلا سكرتير حقه يتفق مع سامي عشان مايفضح نفسه وزارت شهد المكان واستقبلتها سكرتيره بندر
وشهد ماتدري أنها في شركه بندر بدت الشغل وكان بندر مثبت كمره صغيره ماتنشاف وسجل كل شي كانت شهد فاصخه عباته وفاصخه طرحتها لأن مافيه رجال وكانت تشتغل بسرعه وانهت الشغل خلال أسبوع
دخلت السكرتيره وهي مندهشه من المكان حست أنها في غابه حتى تصميم الكراسي والطاوله تحسس الواحد أنه بغابه لبست عباتها دخل بندر وشافها يوم شافته عصبت وتغطت بسرعه وتوها بتطلع مسك يدها : أنا مدير الشركه.
شهد:لوأدري ماتعاملت معك ولاصممت لك شي.
بندر:طيب كم بتاخذين على تصميمك.
شهدخذت كل الفواتير وبحركه سريعه حسبت كل شي وطلع المجموع 50,000 ريال.
بندرأنبهرحس أنه مب في الشركه حس أنه في غابه أبتسم إبتسامه رضى: مثل ماتوقعت بتكون روحه مثلك.
شهد: أدفع الحساب وخلصني أنا مستعجله عندي زباين غيرك.
بندرطلع دفتر الشيكات كتب مبلغ وأعطاه شهد.
خذت الشيك شافت المبلغ عصبت:أناقلت 50,000 مو100,000.
بندر:هالإبداع يستاهل أكثر من كذا زيدي أسعارك للناس ترا أنتي مبدعه وفنانه وأنتي حولتي غرفه الإجتماع إلى لوحه فنيه لاترخصين أسعارك هذا فن والفن غالي وتعبك لاتزم تاخذين عليه أكثر من كذا.
شهد:شكرآ على نصيحتك أخ بندر لازم أمشي.
بندر:تو الناس.
شهد:أوه نسيت أنت مومحرم لي وهذي تعتبرخلوه ومايجوز أجلس معك.
بندر:أنتي كنتي زوجتي.
شهد:هذاك أول المهم أعذرني لازم أمشي.
بندرتضايق من أسلوبها لأنها تكلمه برسميه وحدود وبنبره جاده.
بندر: وشلونك وشلون خالد سمعت أنك أنخطبتي .
شهد حبت تحرق قلبه رفعت يدها ورته الدبله كانت ألماس.
ضاق صدره تذكر الدبله اللي أعطاها يوم الملكه كانت من الذهب الأصفروساده وصغيره ماتسوى شي.
شهد:خلاص انت نسيتنا ونسيت ولدك كمل جميلك وأبتعد عن حياتنا.
بندر:مافيه أمل ترجعين لي.
شهد:أناالحين مبسوطه أني تحررت من سجنك تبيني أرجع له أسفه حمودي بيزعل علي وأناماأقوى على زعله.
بندر:منهوذا بعد.
شهد:حبيب قلبي وبعد أيام بنتزوج.
فجأه رن جوال شهد والمتصل حمد:هلاحبيبتي خلصتي من شغلك.
شهدتبي تغيض بندر قالت بدلع:إيه حبيبي خلصت.
حمدخق أول مره تكلمه بهذا الأسلوب:حبيبتي ها وش رايك نخلي الزواج بعد أسبوع أفضل من شهر.
شهد:طيب ياقلبي ماخلصت تجهيز نفسي.
حمد: طلبتك تكفين يعني ماعندك لي خاطر.
شهد:من عيوني وعشان أرضيك بأبدأ من الأن تجهيز نفسي .
حمد:يمديك أسبوع.
شهد:أسبوعين أفضل لأني مرتبطه مع زباين.
حمد:كنسليهم.
شهد:من عيوني.
حمد:تسلم لي عيونك.
شهد:اوكيه قلبي مضطره أسكر بأتصل على سموي يمرني عشان أروح للسوق.
حمد:وش رايك ارسل لك السواق ومعه هنادي لأن أختي تعرف الأشياء اللي أحبها.
شهد:لا مايحتاج.
حمد:يهون عليك زعلي.
شهد:لاحبيبي مايهون خلاص أرسل لي السواق وبأتصل على هنادي وبأوصف لها مكاني.
حمد:اوكيه قلبي باي.
شهد: باي حبيبي.
بندريغلي من الداخل وتنرفز كثير: ماشاء الله صار عندك أسلوب في الدلع من يصدق أنك شهد القديمه.
شهد:الواحد لازم يطور من نفسه.
رن جوال شهد:هلا هنوده.
هنادي:هلا حبيبتي بصراحه طرت من الفرحه يوم قال لي حمد أنك تبيني أروح معك للسوق ياي وناسه أنتي وينك فيه.
شهد:حبيبتي وش رايك نلتقي عند دكتور كيف أفضل لي ولك بصراحه أناأنهيت شغلي وصعبه أجلس في مكان غريب وقت طويل بتصل على سموي وبيحطني عند دكتور كيف وبعد كذا تمريني واركب معك.
هنادي:كم معك.
شهد:كل خير.
هنادي : كم يعني.
شهد:توني مستلمه شيك من الزبون ولاتنسين عندي رصيد من قبل لاكن ماراح أطير فلوسي على تفاهات وأنتي عارفه وش أقصد خلاص أجل موعدنا عند دكتور كيف.
هنادي:أوكيه باي.
شهد:باي.
بندرمتضايق لأنها مومهتمه لوجوده ومطنشته وأنقهر زياده لأن جوالها كل شوي يرن.
شهد: أنا بأمشي.
بندر:تو الناس ماضيفناك.
شهد:شكرآ بس أخوي بيمرني وأبأنتظره عند الإستقبال تحت.
بندر:أنتي موغريبه المكان مكانك.
شهد بسخريه:لاتحسبني مثلك ومثل المدام المصون,تقصد عهود.
شهد:أناعندي حدود ونقط حمراء والشرع حرم أجلس مع واحد غريب.
بندركلما فتح موضوع مع شهد سكرته بإجابه وحده وكلما حاول يناقشها بشي أنهت الحديث بسرعه حجرت له وماعرف كيف يناقشها جاها من كل الطرق وماقدر يفتح معها أي نقاش.
جته فكره:شهد هل فيه إمكانيه تقومين بتغيير ديكور مكتبي الخاص.
شهد:أسفه ماأقدر انا مرتبطه باالمره ومضغوطه وماعندي أي وقت حتى نفسي مافضيت لها.
بندر:طيب وأن قلت بادفع لك أكثر.
شهد:أنا لوكنت أدري أنك صاحب هذي الشركه كان مازينت ذي الغرفه لك.
بندر:أدري عشان كذا خليت السكرتيره تتعامل معاك بس في مجال العمل مافيه أمور شخصيه.
شهد:أدري بس من شفت وجهك وأناودي أذبحك والله لوتموت ماراح أحللك أبد يابندر.
طلعت وسكرت الباب بقوه وتركته بوسط حزنه وضيقته.
شغل الكمبيوتر الخاص بالمراقبات وكان يراقبها وهي بالأنصرصير ويوم أتجهت للإستقبال جلست على الكراسي كان يراقبها وهو حزين شافها تشتغل على اللاب توب وجوالها مانزل من أذنها عرف أنها تشتغل ابتسم بحزن تذكر يوم يسميها الفاشله وكيف كانت تقوله انا مب فاشله الله ينصرني على كل من حقربي.
فعرف أنها سوت كذا عشان تبين له أنها ناجحه وفعلآ صارت ناجحه
ومرت الأيام بسرعه وشهد صممت التصاميم لكل الزباين اللي واعدتهم وأنهت أشغالها وقفلت جوالها الخاص بالأشغال وريحت نفسها وكملت جهازها بسرعه طبعى هنادي سوت نذاله في شهد خلتها تشتري ملابس كلها إغرائات وأكثرها عاريه وشهد لأنها مشغوله بالزباين كانت تدفع وهي ماتدري وش شرت لأنها واثقه في هنادي وذوقها أماشهد ماردت على حمد طنشته أسبوعين وتعب من كثر مايدق وهي ماترد , اماحمد من تملك عليها وهو مهتم بعيالها يمشيهم يلعبهم سوى لهم كل شي يتمنونه وجاب لهم مربيه تهتم بهم وبملابسهم وجاب لهم أخصائيه تغذيه تهتم بأكلهم وشربهم ورياضتهم فقط وحمد كل يوم يزيد إعجابها بحمد لأنه ماخلا عيالها يحتاجون شي.
وجاء يوم العرس كان بندر واقف قبال بيت أهل شهد, جت سياره فخمه مزينه بالجوري الأحمر والشرايط البيض والحمر كانت فخمه بالمره ووراها موكب سيارت فخمه أنبهر بندر من هالموكب الحاره تسكرت والشرطه بكل مكان والحرس منتشر أنفتح باب بيت أهل شهد وطلعو 3أولاد صغار لابسين دقلات واضح عليهم أنهم عيال نعمه ماعرف ولده خالديوم شافه وشاف شهد وهي لابسه عباتها ومتغطيه وواضح أنها متشخصه بالمره فجأه جاء سواق وفرش سجاده حمرا قدام شهد ممتده من باب الشارع للسياره الفخمه مشت شهد ووراها أربع حريم سوريات كانو ماسكين لها فستانها وركبوها السياره وأركبو في سياره ورا السياره اللي فيها شهد والأولا الثلاثه ركبو مع شهد وبدت البواري تعلا وبدأ الموكب بالمسير كان مسبب زحمه كانت السيارات عددها 40سياره والحرس حولهم راكبين في 10 سيارات والياره اللي فيها شهد كانت بالنص.
بندرنزلت دمعته للمره الولى مايدري ليش تذكر ليله زواجهم اللي كان أقل من عادي حرمها من العز فيها وتذكر زواجه بعهود ضاق صدره وقال:جاء من يعوضها عن كل شي .
وصلولفندق المملكه الكل أستقبل العروس وكانوا خدمها كلهم سوريات وكانو يشيلون معها الذيل من خلف ويساعدونها بفستانها وصلت لغرفه العروس كانت الساعه 10 بالليل وصل المعرس بنفس الموكب كان بندر يطالعه كان مبسوط بالمره ومتشقق من الفرحه لأنه تزوج شهد بندرأشتعلت نار الغيره وهويشوف زوج شهد طاير من الفرحه وكل شوي يطالع الساعه ويكلم بالجوال وكان يضحك مع أبو شهد وخوانها واضح أنه مبسوط تذكر يوم زواجه كأنه بعزاء حتى أنه ماضحك مع أحد حتى مع أهلها ودمعت عينه :أنا السبب الله عوضها فيه.
مر الزواج بسرعه واهل بندر ماقدرو يحضررون الزواج بسبب الزحمه والحراسات والتفتيش لأن في ذاك اليوم حضرت شخصيات معروفه وغنيه ومن كبار الشخصيات لأن حمد واصل والكل يعرفه في المجتمع.
انتهى الزواج كان بندر يراقب بوابه الفندق من بعيد فجأه طلع ولد صغيرعرف انه خالد ولده كان وده يضمه توه بيقرب سمعه يقول : بابا السياره جت ياالله ماما بسرعه.
وقف مكانه قربت السياره وحاوطوها الحرس من كل جهه شاف شهد وهي تمشي وجنبها زوجها كان ماسك يدها ويضحك ويهمس بأذنها وهي تضحك له وخالد مبسوط ويناديه بابا, بندر حس أن غريب بالنسبه لهم ففضل يراقب من بعيد
ومشى الموكب ووصل لفندق الفيصليه ودخلت شهد وحمد ومعهم خالد ومربيته بندر دخل وهومتلطم كان يشوف شهد تضحك على خالد وهويسولف وحمد مره طاير من الفرحه مسك يد شهد وقال:ياالله حبيبتي.
شهد:وخلودي.
خالد:أنا بروح أرجع للعرس برقص وبروح مع أمي شمسه البيت هنادي بعد بتلعب معي.
حمد:تطمني هو بخير.
المربيه:ماتخافي مدام راح أحطوه بعيوني أنتي هلا روحي أنبسطي مع جوزك.
حمد:ياالله مشينا.
شهد:أوكيه.
جاء واحد من الحراس:أي أوامر ثانيه طال عمرك.
حمد سوا حركه بيده فهمها الحارس وركبت المربيه مع خالد ومشى الموكب للفندق ووصل خالد وراح عند هنادي.
وأنتهى العرس بسلام.
بندرلحقهم إلين ماوصلو لغرفتهم كان يسمع حمد يتغزل بشهد وهم يمشون للجناح كانت خجوله وهو يدلعها وماسك يدها وماأهتم بااللي حوله وصلو للجناح دخلت شهد ووراها دخل حمد وسكر الباب وراه.
وقف بندر وهو متضايق حس انه يسوي شي غلط قرر يرجع لبيتهم أحسن له.
رجع للبيت وراح للجناح وهومقهور ويوم شاف عهود انقهر زياده ونام وهومتضايق وماتكلم بولا كلمه.
في الفندق:
شهد جالسه على الكنبه وحمد ماسكت من كثر مايتغزل فيها ومافيه كلمه غزل وماقالها وشهد منزله راسها ومستحيه تذكرت بندر
ضاق صدرها ونزلت دمعتها.
حمد:وش فيك حبيبتي.
شهد:مدري بس من زمان ماسمعت كلمه حلوه وكلامك أثر فيني .
حمد:بتسمعينهم كل يوم واوعدك أني ماراح أحرمك من كل كلمه حلوه بخلي كل لحظاتك حلوه ياقمر.
أستحت شهد ويوم وقفت حمد:على وين.
شهد:أبي أغيرالفستان لأنه مضايقني.
حمد:بس على شرط أختارلك اللبس اللي بتلبسينه.
راح للغرفه فتح شنطه شهد وأبتسم إبتسامه خبيثه لأنه متفق مع هنادي تحط لها بشنطتها ملابس قصيره وطلع قميص نوم لونه أحمر شفاف له سيور وهو طويل وفيه فتحات كثيره القميض كله شفاف مايستر شي أبد.
حطه على السرير وقال:تلبسين اللي طلعته لك وبدون ملابس داخليه ولاترا بزعل عليك.
شهد نفذت اللي يبيه ووجها أحمر وحالتها حاله دخل شافها جالسه على التسريحه ومعطيته ظهرها وتحاول ماتخليه يشوفها لأن جسمها باين بالمره جلست تفك تسريحتها قرب منها :أساعدك.
هي غطت جهه صدرها بيدها لأنه باين مره أبعد يدها خليه كذا أحلا .
شهدأستحت وماعاد تقدر تحط عينها بعينه حمد: ممكن تزحفين لي بجلس جمبك.
شهد نفذت كلامه وهي خايفه وكملت فك التسريحه وهي ساكته فجأه حست بيده على ظهرها ارتبكت وبدى يسوي حركات غريبه خافت أنتهت من فك التسريحه ووقفت .
حمد:اموت انا على الجسم الفتان.
انحرجت وأجلست ضحك ووقف ومسك يدها وقومها ألتقت عينه بعينها فقال: أدري أنك خايفه مني تطمني تراني ماأعض.
وبدى يتكلم زي البزران: سهوده أناوالله أحبت ليه تستحين مني.
شهد ضحكت غصب عنها لأن شكله مضحك ومالاق عليه حركات البزران لأنه جسمه عريض وهو طويل وملامحه جميله رغم حدتها.
حمدشافها سرحت حط يده على جسمها وبدى يتحسس جسمها كله ويبوس رقبتها شهد أنحرجت:حمد.
حمد حط يده على فمها:أوششششش الليله ليلتك ياعروس.
شهدخافت: بس أنا.
قاطعها ببوسه على شفتها وبهذي البوسه سيطر عليها حمد وقدر يمتعها بليلتها وينسيها حزنها وألامها.
Center]

مرت الأيام والشهور بسرعه وشهد أصبحت إمرأه أعمال ناجحه ومعروفه في العالم
ساعدها حمد في أمور كثيره وصارت مليارديره وصارت تمتلك شركات عالميه وفي كل بلد في العالم تمتلك شركه وقصور وبيوت كثيره , ساعدت أهلها وسددت ديون أبوها وأخوانها وخواتها كلهم خالد صار عمره10سنوات وعيالها التوأم صارت أعمارهم5سنوات وشبههم واحد صعب التفريق بينهم .
شهد شرت لها مزرعه كبيره بالإمارات وأسكنت بها وملتها خيول وحيوانات وخدم وحرس وكل خدمها سواريا وكل خادم معه زوجته وعياله كانت المزرعه كبيره التجوال فيها صعب من كبر حجمها وسكنت معها أم حمد وأخته هنادي وأخوه حمدان لأن شهد ألحت عليهم يسكنون معها.
حمد قرب من سن الثلاثين عاش حياته مع شهد في سعاده وهناء ألتزم بوعده مع شهد وعوضها عن كل شي وماحرمها من الكلمه الحلوه وعيالها صارو ينادونه يبه.
أمابندر خسر كل ثروته وصار على الحديده تعرف على حمد وماكان يدري أن حمد زوج شهد صار مدير أعمال حمد وملازمه على طول.
في يوم من الأيام في شركه شهد في الإمارات
دخل حمد ومعه بندر:بأعرفك على افضل أمرآه في العالم .
بندر:ذيك اللي قلت عنها شريكه لك في كل شي.
حمد:شريكه في كل شي وعلى فكره هي زوجتي.
بندر بصدمه: أغنى إمرأه في العالم هي زوجتك.
حمد:أجل أيش هالثروه والعز ماجت عبث الحمدالله اللي رزقني بها صدق من قال وراء كل رجل إمراه ترا ماصرت بهالمنصب إلا بفضل الله ثم ام عيالي.
بندرلزم الصمت ومتحمس يبي يشوف منهي هذي الحرمه اللي تكلم عنها كل العالم من نجاحاتها وعن ثروتها.
دخلو الأنصرصير وصلو للدوراللي فيه صاحبه الشركه شافوا كل اللي يشتغلون عندها حريم محجبات وقفوا عند السكرتيره.
نور:أهلا طال عمرك بس ممكن أخبر المدام.
حمدبإبتسامه:لايابنتي حاب أخليها مفاجأه لها .
نور:تفضل.
دخل حمد ومعه بندر كانت شهد متحجبه وجالسه بوسط كومه ملفات حمد ابتسم يوم شافها مشغوله:إلين الحين ماتركت طبعك شهد:حمودي أتركني أشتغل.
حمدضحك لأن شهد كانت تظن انه ألحاله.
رفعت راسها شافها بندر أنصدم صدمه عضيمه ماصدق أن اللي قدامه شهد , شهد ماأنتبهت له : حمد اناقلت لك إذا شفتني مشغوله لاتجي ماأبي أروح بالشغل للبيت.
حمد:طيب عندك موظفات خليهم يسوون الشغل.
شهد:لاحبيبي مابعد أنهبلت هذي حسابات وفلوس ماجت بالساهل تبيني اخلي ناس يتصرفون فيها لاياعيوني مادام راسي يشم الهوى باشتغل أبي أأمن مستقبل عيالي.
حمدضحك وماقدر يسكت لأنه يدري أن شهد ماشافت اللي معه.
شهد رفعت راسها:وش اللي .....
توها بتكمل سكتت جت عيونها بعيون بندر ماحبت تبين عند حمد أنها تعرفه فقالت: معك ضيف وماقلت لي العذر والسموعه اخوي ماشفتك تفضل أجلس وش حاب تشرب .
بندرأنصدم منها وقال بينه وبين نفسه: معقوله ماتعرفني بهالسهوله نستني.
حمد:هاه وش تشرب .
بندر: قهوه ساده.
شهد:نور ياقلبي أطلبي لنا وحده قهوه ساده وعصير برتقال لحمد وجيبي لي طلبي المعتاد.
نور:تؤمري أمر.
شهد:تسلمين قلبي.
حمد:أحم أحم ترا أغار.
شهد:هنا مكان عمل رجائآ أستاذ حمد الأمور الشخصيه في خارج نطاق العمل.
حمديهمس لبندر:قايل لك هنا ماتعترف فيني وتوريني العين الحمراء أما في البيت شي ثاني يلوموني فيها ياناس.
شهدطنشت ورجعت تشتغل في الملفات ومومهتمه من بندر ولافكرت فيه وهويطالعها وهو متحسف وضايق صدره.
حمد:إلا ماقلت لك شهد تحضر رساله الدكتوراه.
بندرأنصدم:ماشاء الله على البركه.
شهد:أستاذ حمد رجائآ الأمور الشخصيه خارج نطاق العمل .
حمد:أسف طال عمرك.
وهمس لبندر:قلت لك ماتعطيني وجه همها شغلها وبس صرت أغار من شغلها بس مقدر أمنعها.
فجأه رن التلفون شهد:ايوه نور نعم إيه لامايحتاج تفاهمي معاهم وبعدين نتفاهم أوكيه باي.
شهد: أستاذ حمد كيف أحوال مصنع الرخام.
حمد:لاتخافين وكلت حمدان ووصيته عليه.
شهد:طيب فرعنا في فرنسا طالبيني وش رايك تروح نيابه عني لأني مشغوله.
حمد:ونور.
شهد:ماأقدر أستغني عنها.
حمد: طيب كلمي هنادي.
شهدأقتنعت : خلاص كلمها وخلها توقع العقود وترجع.
وصلت القهوه وبندر ماشال عينه عن شهد وقال بينه وبين نفسه:مثل ماهي ماتغيرت نفس الطبع العادات حتى الجلسه وطريقه الضحكه ماتغيرت ياحليلها إلا الأن وهي تشرب الكفي وفيه جالكسي ذايب بس أنا متعجب وشلون صارت بيضاء وبياضها زي بياض السوريات.
طالع الأرض وتنهد ضاق صدره فرق شاسع بينها وبين عهود تذكر الموقف اللي صار له مع عهود يوم خسر ثروته.
عهود:شوف أنامايهمني اللي صارلك أهم شي أني اتمتع بفلوسي.
بندر:يابنت الحلال ناقصني مبلغ بسيط ولو أخذه منك ماراح تخسرين شي ليه مستخسره علي شي بسيط حبيبتي حسي فيني.
عهود:معليش تسلف صرف عمرك ودبر عمرك مثل ماجمعت الثروه تقدر تجمعها مره ثانيه.
بندر:هذا أخر كلامك.
عهود:إيه.
وقامت وسكرت الباب ولاعطته وجه وعرف في ذيك اللحظه أنه غلط يوم تزوجها.
وتعرف على حمد وصار صديقه الروح بالروح وساعده بالمبلغ وصار يشتغل معه وصار مدير أعمال حمد ومايستغني عنه معه طول الوقت.
قطع عليه أفكاره صوت حمد:هاه بندر وش قلت.
بندر:بخصوص أيش.
حمد:بخصوص الغداء تتغدا عندنا اليوم.
بندرأنحرج وتردد وطالع بشهد وبحمد حست شهد أنه منحرج فقالت:لاترد حمد يابندر.
أبتسم:أنشاء الله.
حمد وقف:بروح أشيك على الأقسام وأجي.
بندر وقف معه حمد:وين.
بندر:بروح معك.
حمد:لالا أجلس دقايق وجاي ياالله في أمان الله.
طلع حمد وبندر توهق مايدري وش يسوي شهد رجعت تشتغل وتوقع الأوراق وواضح عليها الإندماج بالشغل.
بندرحب يقطع الصمت فقال:شهد.
شهدوهي تطالع الأوراق:نعم بغيت شي أخ بندر.
أنقهر من أسلوبها الرسمي.
بندر:ممكن تتركين الأوراق بأقول لك شي.
شهدتأففت: نعم بندر وش تبي.
بندر:أنا أسف على اللي بدر مني لاكن أبي اسألك وشلونك عساك مرتاحه مع زوجك.
شهد تحب بندر لاكن كرامتها فوق كل شي ولأنها تغلي حمد فما حبت تخونه وتتكلم مع بندرفلزمت الصمت.
بندرتضايق عرف أنها ماتبي تتكلم معه فسألها : وش اخبار خالد.
ضحكت ضحكه سخريه ضحكه وحده مازلات تعاني من ألام ماضيها وقالت:توك تسأل عنه هو بخير بخير يغنيه عنك.
بندرتوه بيتكلم دخل حمد:هاه وش رايكم نمشي للبيت خلاص شهد أتركي شغلك وتعالي معنا.
شهد:أسبقوني بقى لي كم شغله وبجي.
حمدبإصرار:لا خلي الشغل بعدين ولاوش قلت يابندر.
بندر:صح كلام حمد.
شهد:أجل بأكمل الشغل بالبيت.
حمديهمس لبندر:قلت لك عنيده وراسها يابس ماتحب تأجل شي ويلوموني إذا قلت ماأبيها تشتغل صرت أغار من إهتمامها بشغلها.
شهدشافتهم يتساسرون رجعت تكمل شغلها وحمد تضايق لأنها تهتم بالشغل أكثر منه.
حمدوقف: ياالله بندر مشينا.
بندرطلع حب يتركهم لحالهم وحمد أغتنم الفرصه وقال:يرضيك أروح ألحالي من دون حبيبتي.
شهدضحكت:لامايرضيني.
حمد:طيب تعالي معي.
شهدبإبتسامه: عشان خاطري روح ماأبي أكمل الشغل بالبيت.
شهدمتعمده تقول كذا لأنها لوتجلس مع بندر بتتذكر ماضيها معه.
حمدماحب يضغط عليها وزعل منها وراح للبيت مع بندر.
بندرأول مادخل للمزرعه أنصدم: معقوله شهد تمتلك هذا المكان اللي كأنه جنه وكل الخدم سوريات.
تذكر موقف له يوم كان متزوج شهد كانو بسوريا.
شهد:بندرطالع فيني.
بندرتنهد:نعم.
شهد:ليه تطالع الحريم قدامي وأنا مامليت عينك.
بندروهو يطالع وحده تبتسم له وتطالعها وهويطالعها ومومعبر شهد.
وشهد عصبت:الشرهه مو عليك علي أنا اللي جيت معك.
وقامت وهي معصبه وهي تدعي على الحريم اللي يغرون زوجها قدامها.
ضاق صدره يوم تذكر ذا الموقف:شكلها من كرهها للسوريات خلتهم خدم عندها ماتنلام كانت تغار علي وانا كنت مااراعي شعورها بس مدري ليه يوم طلقتها حن قلبي لها صدق من قال الشخص مايعرف قيمه شي غلا إذا فقده وأنا ماعرفت قيمه شهد إلا يوم فقدتها.
حمد:هذي مزرعه شهد اللي الكل في الإمارات يتكلم عنها.
بندريطالع المزرعه وهو منبهر كان مدخلها الرئيسي بوابه كبيره بعدها ممر طويل وبعد عشر دقايق من المشي بالسياره تطلع قدامهم بوابه كبيره أسوراها عاليه دخلوها كانت قدامهم نافور على شكل أغصان فيها ورد جوري عليه فراشات وقفت السياره قدام القصر وبندر إلى الأن منبهر من المكان نزل من السياره أنفتح باب القصر دخلو أستقبلتهم وحده أسمها روبينا كانت كبيره الخدم .
روبينا:أهلين طال عمرك تفظل.
حمد:وين العيال.
روبينا:نايف ونواف بالحضانيه وخالد إلى الأن ماإجى من المدرسه أرسلت لهم جميل وراح يجيبهم هلا.
حمد:أوكيه وين هنادي وأمي قولي لهم عندي ضيف.
روبينا:هنادي بغرفتها تشتغل عالكمبيوتر, والعمه شمس جالسه بالحديئه.
حمد:تقدرين تنصرفين.
روبينا: عن إزنك.
بندر منبهر من جمال روبينا:معقوله شهد مشغله حريم أشكالهم كذا بس غريبه ماتغار على حمد من أنه ينفتن منهم.
حمد:وش فيك متنح كذا.
بندرأنتبه لنفسه:لا ولاشي بس غريبه المدام مشغله حريم بهالجمال ماتغار عليك وانت ماتنفتن منهم.
حمد أشر على قلبه وقال:البلا مو مني البلا من هذا حب المعزبه حب جنوني خلا كل الجميلات بالنسبه لي ولا شي شهد ملكتني تعرف وشلون ملكتني خلاص ماعاد أشوف قدامي أحد غيرها.
بندرتعجب أكثر بس لزم الصمت.
حمدوصل بندر لجناح مخصص للضيوف عشان يريح قبل مايحطون الغداء وراح للحديقه يسلم على امه.
في الحديقه أم حمد جالسه مع حمدان وكانت تزن فوق راسه تبيه يعرس.
دخل حمد وحمدان لقاها فرصه يتهرب: وصل المنقذ تعال شف الوالده ناشبه بحلقي تبيني أخذ بنت أختها.
حمدمات ضحك على شكل أخوه وحب يرفع ضغطه:وش فيها هيله تزوجها عادي.
حمدان:مابعد أنهبلت يكفي أنها ذاك اليوم ناشبه بمدرب الخيول وسيم كانت تتميلح عنده وتتبسم له وتسأله أسأله تافهه لدرجه أنها طفشت الرجال ويوم جيت عنده قال فكني من بنت خالتك طفشتني.
أم حمد:ماتنلام وسيم سوري ويهبل .
حمدطير عيونه: هاه وأبوي طاح من عينك.
أم حمد:لا بس وجهه نظر.
حمد:أشوى على بالي بعد.
أم حمد:أستح على وجهك تكلمني كذا أنا أمك وين بر الوالدين.
حمد:أمزح معك يمه وهذي بوسه على راسك بعد.
دخلت هنادي وسلمت:تقول روبينا عندك ضيف منهو.
حمد وهو توه يتذكر:هذا بندراللي كلمتكم عنه.
حمدان:بندر ال.... ماغيره.
حمد:إيه.
أم حمد:من يصدق كان يضرب به المثل عند التجار.
حمد:عشان كذا بعد مافلس شغلته عندي لأن عنده خبره طويله بمجال التجاره.
هنادي:هو أكبر منك.
حمد:إيه أكبر مني بواجد يمكن وصل للأربعين بس مابين عليه.
أم حمد: ماجت شهد.
حمد تنهد:الله يعيني عليها ماتبي تترك شغلها عشان غداء.
أم حمد برضاء:هذي المره السنعه ياحبي لها والله أني حبيتها من دخلت بيتنا كلما شفتها فرحت فرحه كبيره لأنها مرت ولدي.
حمدبفخر:إيه عشان تعرفون اني مااتزوج أي أحد.
هنادي:دق عليها متنا جوع.
حمد:رافضه تجي قبل ماتخلص شغلها.
أم حمد:أنا بكلمها.
أم حمد كلمت شهد وأقنعتها تجي للبيت والشغل معها.
حمد:لوأني أدري أنك بتقنعينها كان خليتك تكلمينها من زمان.
أم حمد:عشان تعرف حرمتك قد أيش تحبني.
حمدان كان ساكت وحزين تدرون ليش بعدين بتعرفون .
وصلت شهد للمزرعه دخلت وأستقبلتها روبينا:أهلين شهوده.
شهد:أهلين حبيبتي وصل حمد.
روبينا: من زمان وضيفوه في غرفه الضيوف.
شهد:والعيال؟.
روبينا: بغرفهم يلبسوأواعيهم.
شهد:أوكيه برح أغيرملابسي وأنزل جهزوا الأكل كالعاده.
روبينا:بتؤمري أمر.
شهد راحت تسلم على أم حمد وهنادي وأستغربت من نظرات حمدان لها طنشته وراحت لجناحها تلبس وتريح شوي وحمد ماصدق خبر انها جت على طول لحقها.
في غرفه الضيوف.
كان بندر منسدح على السريرومنصدم من كل شي ومنبهر من روعه هذا المكان كانت غرفه الضيوف غرفه ملكيه وتجنن تصميماتها روعه كل شي فيها يبهر:ماشاء الله إذا هذي غرفه الضيوف أجل كيف بتكون غرفه شهد.
سكت شوي ثم تنهدتذكر كل المواقف اللي صارت لهم وتوه يحس أنه وقح مع شهد لويدري زوجها عني كان طردني من الشغل من زمان اناالسبب في اللي صار لها .
تنهد بقوه :ياليتني ماخنتها توني أدري أن ملامحها حلوه وتوني أنتبه لغمازاتها اللي حلت أبتسامتها .
تذكر يوم شهد طلبت منه يوديها لمستشفى تبي تعالج بشرتها من الحساسيه كانت تقول له أنا بيضاء بس الحساسيه لعبت فيني لعب وخلتني سمراء, ضاق صدره أكثريوم تذكر كلامه لها:من قال انك بيضاء لاتلعبين على نفسك أنتي سمراء وبتضلين سمراء طول عمرك فحرام ندفع فلوس على شي مستحيل يصيرقال بيضاء قال.
عصب من نفسه ووقف عند الستاره شاف طبيعه تبهر وشاف شهد وهي تسلم على أم حمد وجلس يراقبها ويراقب تصرفات حمد اللي مبينه محبته لها.
تنهد:ليتني ماخنتها.
في جناح حمد وشهد
شهد تطلع لحمد ملابس وهومصر على زعله.
شهد:وبعدين معك.
حمد:أجل تبدين الشغل علي وتبيني أنبسط.
شهد:معليش ياقلبي.
حمد:لاتقولين قلبي ترا أضعف.
شهد تعرف نقطه ضعف حمد واللي هي الكلام الحلو.
شهد:حبيبي عمري انتا قلبي .
مسكت خده:ياناس أموت باللي يزعلون ولبى قلبش.
باسته وكملت كلام الغزل وعلى طول حمد رضى عليها.
وراحت تلبس بنطلون جنزأبيض وبلوزه طويله إلين الركبه لونها أبيض مليانه ورود ورديه ولبست حجاب لونه أبيض ومزين بورود ورديه وحطت روج وردي فاتح وكحل بسيط فقط وطلعت لغرفه الطعام.
في غرفه الطعام
كان الكل جالس دخلت شهد شافت بندر جالس وعيونه عليها أبتسمت لحمد ولهنادي وجلست وبدأو الأكل وطبعآ حمدماقصر طول الوقت يسولف وينكت والكل يضحك وشهد تعلق عليه وأندمج بندر معهم بسرعه وصاريسولف معهم بس ماسلم من أساله أم حمد.
وحمدان بعد اندمج مع بندر وأم حمد حبته وهنادي أرتاحت له بس تستحي تسولف معه بندر كان يطالع خالد بحنيه ويراقب تصرفاته كان ياكل بهدوء ومايتبيثر كأنه ولد كبيررغم صغر سنه وشاف التوأم تذكر أخوه بدر وضاق صدره نفس التشابه صعب التمييز بينهم .
وبعد الغداء حمد جالس مع بندر الحالهم في الحديقه.
بندر:ماشاء الله عليكم السعاده باينه عليكم الله لايغير عليكم .
حمد:أمين تصدق بندر اول حياتي كانت جحيم من دخلت شهد حياتي غيرتها من إلى مدري كيف أكافئها أحبها والله احبها.
بندر:التوأم عيالك.
حمد:لاخالد والتوأم عيال شهد من زوجها الأول والله لوأعرف منهو لأذبحه اللي سواه لها كثير عليها لوأدري منهو ذبحته.
أنصعق بندرمن كلام حمد معقوله شهد ماخبرتني أنها جابت مني توأم معقوله.
جلس ساكت من هول الصدمه ولاعرف يتكلم
مرت الأيام عليهم بسرعه وشهد من سفره لسفره ومن شغل لشغل ودارت الأيام بسرعه والسنين ومرت خمس سنوات.
في بيت أهل بندر
بندر:يمه بكره حنا معزومين في بيت حمداللي قلت لك عنه.
نوره:من اليوم أقول لكم ماأبي أروح.
بندر:أنتي بالذات بتروحين عندي لك مفاجأه حلوه.
عهود:وش مناسبه العزيمه.
بندر:بعدين بتعرفين.
دخلت خلود:يمه أبي فلوس.
عهود:روحي غرفتي خذي اللي تبين.
أم بندرماعجبها أسلوب عهود مع عيالها كانت تعطيهم فلوس بالهبل ولاتسأل عنهم ولاشي همها غيرنفسها.
في اليوم اللي بعده في بيت شهد بالرياض دخل حمد وخبرها أنه عزم بندر وأهله ومن كثره أشغالها نست أنهم بيجون وكانت تصمم ديكور مجلس من المجالس وتعبانه فيه .
دخلو أهل بندر وأنهبلو على البيت اللي كان قصر كبيرفي كل جهه كميره غير الكلاب البوليسيه والحرس أنبهرومن كل شي.
فتحت الباب روبينا الباب:أهلين تفضلو.
عهودأنهبلت على جمال روبينا لأنها أحلا من عهود بألف مره.
أم بندر من دخلت وهي تذكر الله .
روبيناراحت تنادي شهد شهد نست أن بيجيهم ضيوف وقفت بالمدخل أنصدمت نوره وأم بندر قدامها مذهولين كان شكل شهد مضحك لابسه بنطلون برموده أبيض وبلوزه حمراء وكوتش أحمر مع أبيض وفي وجهها بقعه من بويه ولابسه قفازات وحالتها حاله.
عهودأنقهرت:وش جابك هنا إلى الأن تصممين ديكورات ههههههههه والله مسخره.
شهدتسايسها:إيه والله إلا الأن .
شهد سلمت على نوره وضمتها وسلمت على أم بندر وأم بندر ضمتها بقوه وهي تبكي وعهود مقهوره.
عهود:أقول وين معزبتك ناديها.
شهدتسايسها على قد عقلها:لحظه تفضلو بالأول روبينا ضيفيهم بروح أنادي عمتي اللي هي معزبتي.
روبينا: أوكيه تفظلو من هون.
عهودبضحكه سخريه:روحي لايخصمون من راتبك.
أم بندر:وش هالكلام.
عهودسكتت ولاردت.
نوره:يمه أتركيها ذي ماتنعطى وجه.
دخلت أم حمد وسلمت عليهم ومعها هنادي.
نوره:وين شهد.
هنادي:ياحبي لها متعبه نفسها بالشغل.
عهود:وين مره أخوك ودي أشوفها.
دخلت شهد:هاذي هي جت.
عهود:أناقصدي زوجه حمد موخادمتكم.
أم حمد ماعجبها أسلوب عهود: شهد هي زوجه حمد والقصر هذا قصرها عهود عصبت وأنقهرت زياده.
نوره وأمها فرحو لها وأرتاحو لأن الله عوض شهد بهالعائله الزينه.
عهودسكتت.
نوره:قولي لي وش صار لك من ذاك اليوم .
نوره قصدها من تطلقتي شهد فهمت وش تقصت.
وحكت لها كل شي من طق طق لسلام عيكم وعهود عاضه على أسنانها من القهر.
أم بندر:الحمد الله والله أني من ذاك اليوم وأنا أدعي لك كل يوم خايفه عليك.
شهد:هاذاني مافيني شي.
فجأه دخلت روبينا:مدام شهد إجاك إتصال من مديره فرعنا اللي بهولندا بدها راييك بشي.
شهدأخذت السماعه وجلست تتكلم بلغه هولنديه أنقهرت عهود منها.
ويوم سكرت أم حمد قالت لها:فيه مشاكل.
شهد:لابس كنت تذكرني بالعقد اللي بنوقعه مع الشركه اللي كلمتك عنها يوم كنا بهولندا.
أم حمد:طيب أنتي اطلعتي على الحسابات والنتائج.
شهد:كل شي تمام.
هنادي:حتى أنا راجعتهم كذا مره وكل شي تمام.
أم حمد:على بركه الله متى بتروحين.
شهد:بكره أنشاء الله.
كانت شهد تتكلم برموز تتعلق بالشغل وهنادي تتكلم مثلها وأم بندر ونوره وعهود زي الأطرش بالزفه .
وكل شوي يجي إتصال لشهد من إحدى الشركات وكل شوي تتكلم بلغه وعهود تغلي من القهر.
وش بيصير لشهد بعد مارجع بندر يقتحم حياتها مره ثانيه كل هذا بتعرفونه بالجزء القادم
أشكركم على الإهتمام وأعتذر على الإطاله كنت مشغوله بكتابه هذا الجزء الطويل[/[/color][/size]

مر الوقت بسرعه وعهود ساكته تبي تطلع عيب في شهد مالقت وانقهرت يوم شافت أم بندر ونوره مبسوطين منها



فضلت السكوت عشان ماتنقهر أكثر, طبعآ أم حمد ماتدري كيف شهد تعرفت على أهل بندر لاكن شهد قالت أنها قد كانت تعرفهم من زمان وماتوقعت أنهم أهل بندر.



جاء وقت العشاء وأنتقلو من الصاله لغرفه الطعام كانت نوره فاتحه فمها من المفاجأه وعهود بلمت بمكانها وطيرت عيونها وهي منبهره من جمال المكان وجمال الخادمات السوريات اللي هم فيه.



أم حمدقالت للخدم:تقدرون تمشون الأن ياالله تفضلو.



كانت الغرفه كبيره وفيها طاوله طويله وعريضه وفي الزاويه طاوله كبيره فيها بوفيه عهود بسخريه:هالأكل من بياكله التبذير موزين.



هنادي حبت تقهرها:والله ياحبيبتي البيت فيه أكثر من 50 خادمه و50 خادم والبوفيه نحطها يوميآ لأن فيه من ياكل الأكل الكثير من الخدم.



عهود: عاد المفروض ماتعطون خدمكم من البوفيه.



أم حمد: هنا كلنا سواسيه لافرق بين عربي وأعجمي إلا بالتقوى وترا الخدم يجلسون معنا ياكلون على نفس الطاوله اللي جالسين عليها وياكلون نفس أكلنا لازياده ولانقصان لاكن هم مايحبون ياكلون معنا إذا كان عندنا ضيوف لأنهم يستحون.



هنادي: كل يوم ياكلون معنا وإذا جانا ضيوف ماياكلون معنا مع أنه عادي كلنا سواسيه.



عهود:لا من قال هذولي خدم.



شهد:كلآ ووجه نظره خلونا ناكل على فكره حنا نظامنا هنا كل واحد يخدم نفسه.



وقفت شهد وراحت للبوفيه أخذت صحن وملته سلطات, وأخذت صحن ثاني وملته مشاوي وصحن حطت فيه بطاطس وكبه وفطاير وخذت صحن حطت فيه مكرونه بالباشميل ولازانيا وخذت صحن حطت فيه ورق عنب وخذت صحن وحطت فيه رز ولحم وجلست.



أم حمد أبتسمت إبتسامه رضا.



شهد:نظام القصر كل واحد يخدم نفسه لاكن عشانكم خدمتكم.



أم بندر:تعبناك معنا.



شهد:تعبك راحه ياخالتي يالله سمو باالله .



هنادي:روبينا.



جت روبينا وهنادي سوت حركه بيدها فهمتها روبينا وراحت قفلت البوفيه وجابت مشروبات غازيه ومويه.



شهدأكلت وماهمها أحد ألين ماشبعت وهنادي كانت شوي منحرجه لاكن تذكرت مقوله لاحياء في الطعام وكملت الأكل إلين ماشبعت كانت شهد تقرب الأكل لأم بندر ونوره ومتجاهله عهود وأم حمد كل يوم يزيد إعجابها بشهد أنتهوا من الأكل .



شهد ضغطت زر على الطاوله دخلت روبينا ومعها خادمتين سمر وسوزي قدمو الحلا والفواكه وطلعو.



شهد لزمت عليهم ياكلون حلا وفواكه وخلتهم يطلعون من صاله الطعام وهم متخومين من الأكل .



جلسو بالصاله لقو قدامهم طاوله فيها شاي ونعناع وشاي أخضر وجلسو يتقهوون إلين ماجت الساعه 2بالليل وجاء بندر ياخذ أهله وراحو لبيتهم اما شهد راحت لجناحها بعد ماحبت راس أم حمد وهنادي راحت تنام وروبينا والخدم تعشوا ونظفو غرفه الطعام وكل وحده من الخادمات راحت لزوجها بالبيت المخصص للخدم.



في سياره بندر



بندر:هاه عسى المفاجأه عجبتكم.



عهود:أمحق مفاجأه بايخه.



أم بندر:إلا تهبل بردت قلبي وأنا أمك كنت شايله همها وانبسطت يوم شفتها.



نوره:لوتشوف الخير اللي هي عايشته ياويل قلبي يهبل كل شي يهبل .



عهود:خلاص ماصارت يكفي.



أم بندر:قل خيرآ أوأصمت.



سكتت عهود منقهره من كل شي جلست تسب شهد واللي جابوها .



وصلو للبيت دخلت عهود للجناح معصبه على بندر وفي ذيك الليله تمشكلت مع بندر وطفشته منها وطلع وتركها بالجناح وهي مقهوره.



بندر راح لنوره يبي يسحب منها الكلام لاكن نوره قالت له:قلت لك محد راح يندم غيرك أنت اللي أرخصتها وش تبيني أقولك تبيني أوصل لك أخبارها أنسى يابندر مستحيل قهرتها وقهرتني أنا وامي وجاي تسأل عنها ماأعتقد بتلقى عندي جواب.



عصب وطلع من عند أخته وهو مقهور ونام في ذيك الليله وهو كاره نفسه.



في جناح شهد وحمد



دخلت الجناح وهي هلكانه تروشت ونشفت شعرها وتوها بتنام شافت حمد جاء جلس يسولف لها إلين نامت ويوم ألتفت لها لقاها نايمه أنقهر لاكن أبتسم إبتسامه حنونه ومسح على راسها وقال:الله لايحرمني منك.



مر أسبوعين وفي يوم من الأيام كان حمد بالمستشفى مافقد الأمل يبي يصيرأب بأي طريقه وصلت التقارير وطلعت النتيجه إيجابيه وتعافى من العقم بإمكانه يصير أب فرح وطار من الفرحه وأتصل على شهد ولاردت فحب يسويها لها مفاجأه



رجع للبيت مسرع وهو بالطريق فجأه ..........





كانت شهد جالسه على السريرتحس بتعب وخمول ودها تقوم موقادره لايعه كبدها ماتدري ليه كانت تظن أنها حامل تذكرت أن حمد عقيم ضاق صدرها وحست أن بنغزه بقلبها مومرتاحه لهاالنغزه تذكرت حلم شين شافته أمس كانت حالمه بحمد نغزها قلبها مره ثانيه فجأه روعها صوت الجوال ردت.



المتصل:الأخت شهد.



شهد مومرتاحه لهذا الإتصال:إيه نعم أخوي بغيت شي.

المتصل:حمد صار له حادث وهو عندنا بمستشفى ال........



طاح الجوال من شهد فزت من مكانها ماتبي تخسره احت غرفه هنادي وهي منهاره



هنادي:شهد وش صاير شهد تكلمي.



حمدان سمع شهد وهي تقول:المستشفى داقين يقولون حمد صارله.



ماقدرت تتكلم مدت الجوال لهنادي وهي منهاره.



هنادي:شهد أنتي وش تقولين.



شهدبدت تخربط الكلام: حمد....حادث



صرخت وطلعت مثل المجنونه وراحت لسياره السواق.



حمدان طلع مسرع شغل سيارته:شهد تعالي معي بأي مستشفى.



شهد:ال........



وصلو للمستشفى كان حمد بين الحياه والموت فجأه طلع الدكتور: أنتو أهله.



حمدان يحاول يمنع دمعته:أنا اخوه.



الكتور تنهد:أنتوا تؤمنون بالقضاء والقدر وتعرفون أن كل إنسان في يوم من الأيام بيودع دنياه.



حمدان:دكتور وش صاير.



الدكتور:شوف باكون صريح معك أخوك صار له حادث شنيع قطع جسمه تقطيع والإسعاف جابه هنا وحالته خطيره .



حمدان:ريحني يادكتور.



الدكتور:أعظم الله أجركم.



حمدان بكى بصوت عالي وجلس يخبط يدينه بالجدران أنهيل كان حمد بالنسبه له الأب والأخ وكل شي.



ماعرف وش يقول لشهد لزم الصمت تذكر خال شهد فواز وراح له ولأنه طبيب علم نفس قدر يوصل الخبر لشهد ولأم حمد وأخته هنادي بكو وتضايقو وصرخو وبالأخير رضوا بالأمر الواقع صلو على حمد صلاه الميت ودفنوه وراح حمدان وأستلم أغراض حمد وشاف ورقه فيها نتيجه بأنه يقدر ينجب لاكنه مافتحها سلمها لشهد وراح ومرت أيام العزاء كئيبه وبطيئه على شهد خلاص حبيبها وأبوها وزوجها وصديقها رحل لربه واليوم صارت أرمله كلما سألها خالد عن حمد تنهار وتبكي وإذا التوأم قالو وين بابا تضيق صدور اللي جايين يعزون.



وفي أخريوم من العزاء وقفت شهد وركضت لدوره المياه وأستفرغت وصار لها هذا الموقف أكثر من مره ويوم أنتهى العزاء وقفت تبي تروح لجناحها أغمى عليها صرخت هنادي نادت حمدان ووداها للمستشفى وهنا جاهم خبر مفاجىء شهد حامل بأسبوعين.



أم حمد تذكرت زوجه ولدها اللي حملت بالحرام عشان الثروه لاكن حاولت تبعد هذي الأفكار عنها.



مرت الأيام بسرعه وطلعت شهد من الحداد وقررت ترجع بيت أهلها أم حمد شكت فيها لأنها تعرف أن حمد عقيم شهد عرفت أن أم حمد تشك فيها فزعلت وتركت كل ثروتهم وكل العز وماخذت منه شي وراحت لبيت أهلها.



حمدان وهنادي زعلو على أمهم اللي شكت بشرف شهد وأتهمتها بعرضها



ومن تركت شهد البيت والبيت صايركئيب بدون حياه مليان وحشه ولايطاق وصارت الشركات مهمله توهم يدرون أن شهد كانت تشتغل شغل متعب محد يقدر يتحمله.



وفي يوم من الأيام كانت روبينا ترتب جناح شهد شافت ورقه تقرير طبي سلمته لحمدان.



قراه وعرف ان حمد قبل مايموت كان يتعالج وشفي من العقم وبإمكانه الإنجاب وراح مسرع وقرى الورقه قدام أمه وأمه فرحتثم ضاق صدرها لأنها أتهمت شهد بعرضها راحت لبيت أهل شهد وأستقبلوها وماكانو يدرون أنها متهمه بنتهم بعرضها حاولت أم حمد ترجع شهد معها لاكن شهد رفضت بحجه أن عندها أهلها وصعبه تترك بيتهم وتروح لأهل رجلها.



أم حمد يأست وضاق صدرها وراحت لبيتها خايبه وحزينه .



ولدت شهد وجابت توم ولد وبنت فرحت أم حمد ويوم جت للمستشفى شهد عطت أم حمد تقرير لتحليل الدي أن أي وقالت لها عشان تصدقيني ياخالتي هذا الدليل على أن عيالي هم عيال حمد , أعتذرت أم حمد من شهد وقررت تسمي الولد حمد والبنت رغد, شهد كانت تبي تسمي على أم حمد لاكن أم حمد رفضت لأن أسمها قديم جدآ فرضت ولاأعترضت على شي .



مرت ال]ام بسرعه وطلعت شهد من النفاس والشركات تدهورت لأن شهد تاركتها من سنه وحمدان وهنادي ماقدرو يديرون الشغل مثل ماكنت تديره شهد وفي يوم من الأيام أتصل حمدان على شهد.



شهد:هلا حمدان بغيت شي.



حمدان منحرج ومتفشل من نفسه:والله مدري وش أقول لك يامرت أخوي الشركات متدهوره والأشغال تراكمت وانا وهنادي عاجزين نخلص الأشغال ياليت ترجعين لنا والله الشغل بدى يتدهور.



شهد قاطعته:كل شي تدهور.



حمدان:إيه ماني عارف وش أسوي أحس أن المسؤليه كبيره علي ساعديني تكفين يامره أخوي.



شهد:خلاص من بكره بداوم.



حمدان:شهد, أسف لاكن عادي أناديك شهد.



شهد:عادي أنت بحسبه أخوي الكبير.



حمدان:البيت من طلعتو صار كئيب ترا أمي تعبانه رجعت لها حاله الإكتئاب ياليت تقدرين ذى الشي أنتي تعرفين أنها تحب عيالك و أنا ااااااا .



سكت شهد:أنت وشو.



حمدان أنتبه لزلته:هاه لاولاشي بس لاتطولين غيبتك علينا ترا حنا مشتاقين لك.



شهد:خلاص من بكره بأجي للشركه وخالتي بأكلمها بعد شوي تامرني بشي ثاني ياخوي.



حمدان:أنتبهي لنفسك ولعيالك.



شهد:أنشاء الله يالله في أمان الله .



حمدان: في أمان الله.



شهدسكرت وتعجبت من أسلوب حمدان معها ذكرها بحمد وبعد ساعه أتصلت على أم حمد وأم حمد حلفت عليها تتغدا عندهم بكره وداومت شهد وشافت الأشغال متراكمه وبدت الشغل وصارت تعتمد على حمدان لأنها تعتبره مثل اخوها سامي وبندر يقابلها يوميآ لأنه كان مديرأعمال حمد رحمه الله ومرت 3أشهر وبصعوبه أنجزوا الأشغال اللي تراكمت ورجعت الشركات مثل أول وأحسن وفي يوم من الأيام كان حمدان يراجع بعض الأوراق مع شهد بمكتبها لاحظت عليه شهد الشروذ فقالت له: حمدان أنت معي.



حمدان:هاه عفوآ ماكنت معك وش كنتي تقولين.



شهدحطت يدها على راسها:لي ساعه أشرح لك المخطط وتبيني أعيد الشرح مره ثانيه أسفه أستاذ حمدان .



حمدان: معليش ممكن تعيدينه.



شهد:لا نور نور تعالي.



نور:تاميريني شي طال عمرك.



شهد:خذي ذا الملف وأشرحي المخططات للأستاذ حمدان .



حمدان: أنا طلبت منك تعيدين الشرح فقط ليش مكبره الموضوع.



شهد:لأنك كلما جلست عندي تسرح وتروح بعالم ثاني خل نور تشرح لك أفضل أنا عندي أشغال ثانيه.



حمدان بينه وبين نفسه:أه بس ياليتك تعرفين وش اللي مشغلني عشان أرتاح.



شهد:ياربيه رجع يسرح مره ثانيه أستاذ حمدان برا.



طلع حمدان وهو ميت ضحك على مره أخوه حمد.



قابل بندرعند نوروسلم عليه بندر:المعزبه كيف مزاجها.



حمدان: طفشت مني وطردتني أنتبه لاترفع ضغطها ترى تطردك .



بندرتنهد وأخذ نفس حمدان:الأخ داخل معركه.



بندر:لابس للإحتياط ههههههههههه.



حمدان:لاترفع ضغطها ولابتطردك.



بندر:الله يعين.



دخل بندر وسمع شهد تكلم بالجوال:إيه حبيبي ماراح أتأخر متى بتجي طيب طيب أول ماأخلص شغلي أقولك يالله حبي في أمان الله.



بندرأنصدم شهد تكلم واحد شهد العاقله تكلم وتواعد معقوله.



دخل وهو متفاجىء.



شهد:تفضل أستاذ بندر وين الملفات.



بندرعطاها الملفات والشكوك تدور براسه من كانت تكلم.



بندر:شهد ممكن سؤال من كنتي تكلمين.



شهدضحكت:وش عليك لاأنت زوجي ولاواحد من أهلي عشان تسأل.



دخل حمدان:أستاذه شهد خلودي جاء.



دخل خالد وباس أمه:أنتي تقولين إذا خلصت شغلي جيتك مليت فقلت أجي عندك وأنقهرت يوم سكرتي أبي أكلمك.



شهد:وش قلت أنا توني مكلمتك خلاص يكفي أنا مشغوله حبيبي لازم تقدر هالشي أنا اشتغل عشانك أنت وأخوانك.



خالد:أسف يمه بروح عند نور لين تخلصين شغلك.



حمدان:أفا وأناوين رحت ماتبي عموحمدان ياخالد.



شهد: أول شي فهمت المخطط.



حمدان:لا.



شهد:اترك ولدي ورح أدرسه زين ولاتوريني وجهك إلاليما تفهمه وسكر الباب وراك.



خالد:أوه طرده محترمه عمي حمدان لقط وجهك.



حمدان يسوي نفسه مستحي يغطي وجهه ويقول : يوه تفشلت جيبولي كيس ألقط وجهي.



شهد توها بتهزئه طلع بسرعه وهو مبسوط.



طلع خالد وجلس عند نور.



شهد:ألحين تقدر تمشي.



بندر:شهد ممكن سؤال؟.



شهد:نعم.



بندر:أنتي قلتي لخالد أني أنا أبوه.



شهدتغيرت ملامح وجهها : لا.



بندر:يعني ليمتى بتحرميني من ولدي .



شهد:على فكره حتى التوم عيالك.



أنصعق بندر من هذا الخبر:يعني نايف ونواف عيالي.



شهد:إيه ماتلاحظ شبهم فيك قوي.



بندر:أنالاحظت بس توقعتهم عيال حمد الله يرحمه.



شهد:ماأبيهم يعرفون أنك أبوهم.



بندر:ليه تبين تحرمينهم مني.



شهد:بكل بساطه أنت رميتني وخذت بنت عمك ولاسألت عني أبد وتبيني بهالسهوله أرضى أعترف لك أنسى.



بندر:أن ماقلتي لخالد أنا بقول له.



شهد:بيكون هذا أخريوم تشتغل فيه هنا.



بندر:ممكن تخبريني سبب مقنع يعني بتضلين كذا مخبيه عليهم من أبوهم لويسألونك منهو أبونا وش بتقولين بتقولين حمد وهم أساميهم مختلفه والعائله تختلف يعني لاتعقدينهم .



شهدبعد تفكير أقتنعت:شوف انا بفاتح خالد بالموضوع وتحمل تصرفاته معك.



بندر:مومهم أهم شي يعرف أني أبوه.



شهد:تقدرتمشي الأن.



طلع بندروهو مبسوط شاف خالد أبتسم له وباس راسه وطلع



بعد مرور يومين بسرعه عرف خالد بالموضوع وعصب وجلس يصيح من القهر ويكرر أبوي حمد حمد موبندر.

جاء فواز خال شهد وتكلم معه بهداوه واقنعه بهدوء وقال له قصه أمه مع أبوه بس ماعلمه عن المشاكل والإهانات اللي سواها بندر لشهد سكت خالد وبعد أسبوعين أقتنع قابل بندر وهو في باله ميه سؤال وسؤال.



بندر:ياحياالله خالد وشلونك وأناأبوك.



خالد:ليه تركتنا عشان عهود.



بندر مالقى إجابه.



خالد:أناأبوي مات من زمان أبوي حمد صح أسمه غير أسمي بس هو أبوي.



بندر:وأنا.



خالد: بأعتبرك أبوي بس عشان الله مايغضب علي وإلا أبوي الصدقي حمد.



بندرسايسه:خلاص وش رايك نروح الملاهي.



خالد وافق.



وصار بندر كل يوم ياخذ معه خالد ونواف ونايف ويلعبهم إلين مايتعبون ويرجعهم للبيت بعد مايعشيهم وإذا وصلو للبيت يجلسون يحكون لأمهم وش صار.



بعدشهرين خالد تعود على بندر وصار يناديه يبه وأستغل بندر هذا الشي وقرر يقول لخالد أنه بيتزوج أمه وبيعيشون مع بعض فرح خالد وقال لأمه وهناالصدمه.



شهد ساكته.



خالد:يمه أبوي يقول بنعيش مثل اول واحسن.



شهد:لا.



خالد:ليه يمه.



شهد:خالد أنت توك صغير ولوأقولك السبب منت فاهم قل لأبوك أنسى ولوتطيح السماء على الأرض مستحيل أرجع لك كرامتي فوق كل شي.



خالد مافهم شي وصل لبوه كلام أمه ضاق صدر بندر وقرر يكلمها بنفسه.



وفي يوم من الأيام شهد خلصت من شغلها بدري جلست على النت تشيك على حلالها وأسهمها دخل بندر شهد مطنشته.



بندر:ممكن تسمعيني.



شهد:وش بغيت أخ بندر.



بندر:شهد أبيك على سنه الله ورسوله.



شهد:مستحيل.



بندر:نسيتي أحلا الأيام اللي عشناها مع بعض ماأشتقتي لها ولاأشتقتي لي.



شهد أشتاقت له وتحبه موت لاكن هو أهانها فرفضت وطلبت منه مايفتح الموضوع مره ثانيه.



بندر:على راحتك في امان الله.



طلع والعبره خانقه شهد هي تبيه وتموت فيه لاكن كرامتها فوق كل شي.



وفي يوم من الأيام كان الكل مجتمع على سفره الطعام في بيت أم حمد.



أم حمد:ليه ماتعرس وانا أمك جب لي وحده توسع صدري.



حمدان: توني على العرس.



هنادي:لا خلاص عمرك 28سنه لازم تتزوج.



أم حمد: إيه وبنتي صادقه.



شهد:عندي لك عروس لقطه نوره أخت بندر.



أم حمد:ونعم والله أنها شيخه البنات مزيونه وتقطع القلب وراعيه بيت.



حمدان وقف:الحمدالله شبعت.



هنادي:وين رايح .



حمدان بعصبيه:ماني متزوج فاهمين وذي اللي قالت عنها شهد ماأبيها أوف الواحد مايقعد دقيقه إلا تطفشونه.



أم حمد:وش فيه ذا الولد.



هنادي:شهد هو يستحي منك كلميه وأقنعيه.



شهد:أنشاء الله بكلمه في الشركه.



في اليوم الثاني في الشركه كان حمدان جالس في مكتب شهد والظاهر أنه كان ينتظرها وصلت وأول مادخلت شافت حمدان سلمت وجلست.



شهد:وش عندك؟.



حمدان:ممكن تسمعيني.



شهد:تكلم.



حمدان:واحد من أخوياي يحب وحده وتزوجها اخوه واخوه مات وهولين الحين يحبها وبيجن جنونه لو ماتزوجها.



شهد:طيب ليه مايخطبها.



حمدان:يخاف انها ترفضه.



شهد:قل له يتوكل على الله ويخطبها ويستخير إلاعلى فكره ليه ماتبي تتزوج خالتي منجنه تبي تشوف عيالك.



أبتسم حمدان:قريب أنشاء الله قريب بس اللي نبيه ماندري وش شعوره تجاهنا.



شهد:الله يوفقك.



حمدان:أمين يالله أستاذن وراي شغل.



طلع وترك شهد وهي مستغربه منه.



في يوم من الأيام واحد من رجال الأعمال خطب شهد ورفضت لأنها تعرف أنه يبيها مصلحه وطمعان بفلوسها وخطبها واحد ثاني أنهبل بندر يوم درى أعترض لاكن شهد طنشته ورفضت وخطبها ولد وزير ورفضته وفي يوم من الأيام الساعه 12بالليل كانت شهد منسدحه في غرفتها فجأه جاها إتصال من حمدان.



شهد:هلا وش عندك متصل بكره وراي دوام.



حمدان بجديه:شهد أنا أبيك أنتي.



شهد:أنت شارب شي ولامخرف.



حمدان بدى يصارخ:لاعاقل تعبت والله تعبت كتمت بقلبي وتحملت خلاص أحس اني بنفجرشهد أنا انا.



حمدان نزلت دمعته وبدى يصيح:أناأحبك والله أحبك.



شهد أنصدمت:حمدان مايجوزتقول كذا.



حمدان:تعبت والله تعبت كانت هنادي يوميآ تتكلم عنك وتمدحك ودخلتي قلبي وحبيتك جيت بقول لأمي زوجينياها سمعتها تقول لحمد مبروك وعرفت أنه خطبك ضاقت بي الدنيا كنت اشوفكم مع بعض وأنقهر أبيك لي موله من جيتي وأنتي جايبه معك السعاده خليتينا كلنا مبسوطين بمرحك وضحكك ولعبك كنت أشوفك تركبين الخيل وضحكاتك مرتفعه كنت افرح لفرحك وأبكي لحزنك خلاص ماعاد أقدر اتحمل شهد تتزوجيني.



شهدمازالت ساكته من هول الصدمه.



حمدان:شهد تسمعيني قلت تتزوجيني تتزوجيني وبدى يصارخ ويبكي أحبك تكفين لاتكسرين قلبي وافقي تكفين أنا أحبك والله أحبك.



شهد ظلت تسمعه وهي تبكي قطع قلبها بصياحه ماتحملت قفلت السماعه وأتصل مره وثنتين ولاردت وقفلت جوالها وصحت الصبح وراحت للدوام سألت عن حمدان ولاجاء للشركه.



مرأسبوع وحمدان مختفي وجواله مقفله وضاق صدر أمه عليه وأرسل رساله لشهد ماراح أرجع إلا لماأعرف جوابك.



صار بندر يوميآ يفاتح شهد بموضوع الزواج وتعبت نفسيتها من التفكير في حمدان تخاف توافق تتورط وتخاف ترفض ويخسرونه أهله وبهد أيام قررت تستخيرأستخارت 10 مرات وبعد تفكير مسكت جوالها ودخلت على الرسائل ثم إنشاء الرساله وبدت تكتب وأنتهت من الكتابه وتوكلت على الله وأرسلتها.



وصلت الرساله لحمدان كان مرهق وتحت عيونه أسود وعيونه حمر من البكا.



فتح الرساله كان مكتوب فيها



الحب دايم غريب يوهق ناس ويفرق ناس



أنابكون صريحه معك أبيك ترجع لأهلك وأن كان بينا نصيب راح يصير



حمدان لاتحرق قلب أمك عليك قلبي تقطع وأناأشوفها تبكي طلبتك كلمها



وطمنها عليك



وإذا تبيني أحترمك أرجع لأمك.



شهد



قراها أربع مرات مومصدق طمر من الفرحه وبوس الجوال وركض للسجاده وسجد سجده شكر وراح جهز أغراضه ورجع للبيت كانت أمه تعاتبه وزعلت عليه لاكنه راضاها بصعوبه وراح للشركه وصل لمكتب شهد بدى قلبه يخفق مايدري هوليش جاء.



دخل وهو مرتبك شهد أنصدمت من شكله من يصدق حمدان اللي شكله هيبه ورزته تذبح واللي جسمه عريض وطويل صار شكله كذى ويدخل وهو يرجف سبحان مغيرالأحوال صدق من قال الحب عذاب.



حمدان وهويطالع الأرض:السلام عليكم.



شهدسوت نفسها عادي:أنت وينك الشغل تراكم علي صرت احاتيك كذى تسوي فينا.



رفع عينه وشاف عيونها دمعت عينه شهد أنصدمت وش فيه ذى صار كنه طفل على أي شي تدمع عينه الله يعين.



حمدان:شهد أنا أبيك .



شهدأنحرجت وماعرفت وش تقول.



حمدان: ممكن تعطيني رقم أهلك يعني يمكن فرضآ يعني يمكن.



شهد ضحكت عليه لأنه يخربط بالحكي.



شهد:طيب ممكن تبدأ الشغل هنا مكان عمل .



حمدان:أنشاء الله.



بدو الشغل وحمدان ماشال عينه من شهد ونظراته صارت تربك شهد فقالت له يروح يكمل الشغل مع نور.



تضايق في البدايه لاكن راعى شعورها البنت مستحيه مني.



مر أسبوع وشهد تتجنب مقابله حمدان وصارت نور هي اللي تشتغل معه.

في بيت أهل بندر
أم بندرمازلت متضايقه من عهود والبيت صاير كئيب ونوره تزوجت خالد أخو عهود وجابت منه بنت سمتها جوري
أماعهود حالتها حاله تعرفت على رجال قال لها أنه تاجر وبيستثمر ثروتها ولعب عليها وسرق كل حلالها وبنتها خلود تزوجت واحد من خذته وهو ينقد فيها عاشت نفس معانات شهد مع بندر وبالأخير زوجها خانها وتزوج بنت عمه ونطلها عند أمها مطلقه وصارت تتعرف على شباب وتواعد وبالأخير أنكشفت من عرف بندر بسوالف عهود وخلود طلق عهود ورماها في بيت أهلها
ورجع لجناحه وكتب خاطره وهو متضايق ومتحسف على اللي صارله وأنقهريوم درى أن حمدان يبي يتزوج شهدفكتب خاطره وقال فيها:
تقول الناس نفسك وش بلاها
ولايدرون باللي متعبني وعيني وش اللذي كدرسماها
ليتني صارحتها ليتني ماطلقتها
كانت يمي وأصبحت سراب بعدماأهنتها
وجرحتها وأبعدت عني وكانت يمي وأنااللي أبعدتها
ليتني ماطلقتها....أه....ليتني ماطلقتها
خنتها مع بنت عمي وبعدماخنتها حبيتها وعشقتها
شفت نفسي عليها بالنسب والمال والجمال
وجاملتهاودلعتهالاكني ماقصدت الدلع لها
كنت أبي أتزوج بنت عمي وليتني مافكرت بالزواج بها
وطلقت شهدبلاسبب حسبت أني أقدر أعيش من دونها
ومن بعدهاصرت حزين أمشي بلاهدف ووحيد
تعبان ماأعرف الإبتسامه حيران وزادت نفسي ملامه
ليتني ماطلقتها.......أه.........ليتني ماطلقتها
خذوا عمري كله لأجلها بس ردوا لي شهد
اللي أسحرتني بطيبها ونيتهاالطيبه وحنانها
هي الوحيده اللي فهمتني
من بين كل اللي هم حولي
وينها عني مادرت أني من بعدها تعيس
ليتني ماطلقتها.......أه.........ليتني ماطلقتها
وينك ياشهد لوتشوفين وش صار لي بعد كل شي صار لي حوبتك وعقوبه من الله كان همي الجمال والدلع وعمري مافكرت بالدين والقلب كنت أناني لماأشوف الحريم قدامها وأمدحم وأنتقدها كنت أناني يوم كنت أتريق عليها وأغلط بالكلام كنت أناديها بهيه ولابنت عمري ماسمعتها كلمه حلوه كل اللي كنت أقوله لها نقد في نقد حتى خالد ماسلم من نقدي ياربي مدري وش أسوي إذا قابلتك يوم القيامه أنت اللي خلقت شهد وأنت اللي عطيتها السمار وهذا الشكل يارب أغفر لي زلاتي كنت أقول شينه كنت أقول سودا ونسيت أن مالها ذنب في شكلها أنت اللي خلقتها كذا يارب أغفر لي إنتقاداتي أنت اللذي صنعت وأنت اللذي خلقت وبإمكانك أن تحول الجميل قبيح في ثواني وتحول القبيح إلا جميل جملت شكل عهود وأصبح قلبها قبيح وصارو الناس مايحبونها وجعلت شهد غيرجميله وجعلت قلبها جميل وحببت الناس فيها يارب أغفرلي زلاتي أنت القادر على ذلك سجد على السجاده وجلس يبكي ويدعي ربه.
وفي يوم من الأيام مات أبوبندر وراحت شهد تعزيهم ومعها عيالها أول مادخلت البيت الكل أنبهر من جمال عيالها كانت تمشي ومعها أم حمد وهنادي وخالد ونايف ونواف أماعيالها من حمد ماجابتهم الكل ساكت ويطالعها
عهود منقهره وقفت وقالت:شرفت ست الحسن والدلال.
أم عهود:أوص فشلتينا.
راحت شهد وسلمت على أم بندر وضمتها وجلسو يبكون وسلمت على نوره وضمتها وجلسو يبكون شهد حاطه جوالاتها صامت وكل شوي يرن وشهد ماترد.
أم بندر:وش أخبارك.
شهد:الحمدالله.
أم بندر:راح الغالي ووصاني وصيه قالي أمانه قولي لشهد تحللني وتبرد حره قلبي.
شهد:ياخالتي خلاص لاتبكين مايجوز.
أم بندر:غصب عني والله غصب.
بعد ساعه هنادي:شهد حمدان يقول تأخرنا على الموعد.
أم حمد:أي موعد.
هنادي:حنا مواعدين الشركه البريطانيه.
أم حمد:وشهوله.
هنادي:عشان توقيع العقود نسيتي يمه أمس شهد شرحت لك المشروع.
أم حمدوتوها تتذكر:إيه صح شهد وانا أمك الشركه.
أم بندر:شهد روحي لشغلك.
شهد:لاياخالتي كل شي يتأجل .
عهود:وش عندها شهدوه مسويه البنت الحبوبه.
شهدأبتسمت:الحمدالله كله من فضل ربي.
عهودأنقهرت وسكتت.
خالد:يمه الطياره جاهزه لونحسب الحين الوقت يمكن ماتلحقين على الموعد.
شهد شافت جوالها كل شوي يرن طنشته وجلست.
هنادي:سوزان تبي تكلمك.
سوزان:هلا حبيبتي ياالله تأخر الوقت تكفين عجلي ياالله يمديك على الموعد.
شهد:بس أنا.
سوزان:أدري أنك تحبينهم لاكن هذي فرصه العمربالنسبه لك وللشركه لاتخربين كل شي يالله حبيبتي عشان خاطري.
شهد بعد محاولات سوزان:أوكيه جايه.
طلعت شهد بعد مابينت لأم بندر سبب خروجها وأم بندر أعذرتها واتجهت على طول للمطار وسافرت.
بعد أسبوعين من الأحداث أتصلت أم بندرعلى شهد وقالت لها تبيها ترجع زوجه لبندر , شهد أرتبكت ماعرفت وش تقول هي فعلآ تعشق بندر بس كرامتها وكبريائها أنجرح حتى قلبها أنحرق من القهروالضيم سكتت يوم أم بندر قالت لها:لاتحرقين قلبي على وليدي هويبيك وحنا نبيك ترجعين له تكفين أن كان لي خاطر عندك وافقي.
شهد سكتت أم بندر:أستخيري وردي لي بعدين سلمي لي على الوالده في أمان الله.
شهد صارت بين نارين بين عقلها وقلبها عقلها يقول حمدان وقلبها يقول بندر
فكرت وتعبت من التفكيرويوم جت تنام
أتصل عليها بندر.
شهد:هلا.
بندر:شهد وشلونك.
شهدحن قلبها له ولأيامها الحلوه معه:الحمدالله.
بندر:شهد أناأحبك والله أحبك موت جن جنوني يوم عرفت ان حمدان يفكر يخطبك شهد أنامن دونك ولاحاجه شهد تكفين سامحيني تذكرين الأيام الحلوه تذكرين شهر العسل كيف كان تذكرين ذاك الموقف اللي صار يوم كنا في الفندق يوم طحت واناشايلك وطحتي علي.
شهد تذكرت الموقف وضحكت ماتدري ليه : أذكرذاك اليوم أنت منمت من ألم ظهرك هههههههههههههه .
بندر:لاتلوميني طحت على طرف السرير.
شهد وهي تضحك قال لها بندر بصوت كله حنيه:وحشتيني ووحشتني غيرتك علي.
شهد سكتت حن قلبها له مهما سوى ومهما عمل لها قلبها يحبه ومستحيل ينساه كانت تحترم حمد لاكنه ماسيطرعلى قلبها كانت تحاول تنسى بندر ماقدرت خلاص صارت تعشقه تموت فيه نست كل شي ونست حمدان وطوايفه يوم سمعته يغني لها أغنيه كانت شهد تموت فيها:
بندربصوت عذب
أول ليله من بعدك عانقت الحزن فيها خايف لايطول بعدك ومدري كيف اقضيها
غيابك هد فيني الحيل أثر فيني فاجأني والله وشفت منه الويل ليله وبس أتعبني ليله وليله أتعبني أول ليله من بعدك
الله يسترمن الجاي أخاف دموعي تفضحني وأخاف أنك بعد موجاي وتنسى وماتتذكرني تنساني ماتذكرني
أول ليله من بعدك
بندر:شهد.
شهد وهي تمسح دموعها:هممم.
بندر:تحبيني.
شهد زلت لسانها خلاص ماتقدر تكتم بقلبها قالتها وهي مغمضه عيونها:وأموت فيك بعد.
وسكرت السماعه بوجهه وأندمت أنها قالت له لأنها إذا سمعت صوته أوقابلته تنسى نفسها وعقلها يطير وقلبها يتحكم بها.
سكر بندر وهو طاير من الفرحه وراح لأمه وخبرها فرحت كثير أخيرآ بيبرد قلبها واليوم الثاني راح وخطبها من أبوها ووافقت وصل الخبر لحمدان بغى يموت من القهر.
دخل مكتبها وهومعصب : أناقلت يمكن تحس فيني وفي النهايه تجرحيني.
شهد: أول شي قصر صوتك وثاني شي أجلس أبي اكلمك.
حمدان جلس شهد: بندر كان زوجي وطلقني وأنت تعرف السبب لاكني كنت أحبه ومازلت اعشقه.
حمدان دمعت عيونه:وأنا وبعدين وش تبين بواحد خانك وجرحك وانتي تعرفين انه أناني يوم يخونك.
شهد:أنت تحبني صح.
حمدان:وأموت فيك.
شهد:وأنا أحب بندرأكثر من حبك لي أنت ماتعرف بندر وش بالنسبه لي هو حب حياتي حاولت أنساه ماقدرت خياله في كل مكان أحسه حولي حمدان حس بموقفي أنت الحين منجن لأني وافقت عليه بس أناميته من الفرح بندر روحي هوالوحيد اللي ملك قلبي قلبي حبه غصب عني ياليت تقدر هالشي وبعدين أنت ليه ماتحس باللي حولك فيه وحده تموت فيك وأنت ماعبرتها.
حمدان:لاتحرقين قلبي يكفي اللي جاه منك.
شهد:أسمعني زين أنت مالاحظت شي على نور.
حمدان بقهر:وش فيها بعد.
شهد:تحبك أكثر من حبك لي تراها من سنوات وهي تطالعك ليه ماتخطبها يمكن تخليك تنساني أناأعتبرك أخ لي فقط لاغير.
حمدان:وحمد كنتي تخونينه بتفكيرك في بندر.
شهد تنهدت:تدري ليش كنت أعامله معامله حسنه لأنه خلاني أروع أمرآه بالعالم ومن ناحيه التفكير في بندر ماكنت أفكر فيه كنت أشتغل عشان ماأفكر فيه.
حمدان غمض عيونه وهومقهور وهوحزين وهومجروح:يكفي يامره أخوي عذبتيني وسكتت خلاص أنابطلع من حياتك إلى الأبد ولاتخافين ماراح أأذي بندر ومثل ماقلتي ماينجبرقلب على قلب مايبيه خلاص بطلع وأنسي اللي صار وأنسي أني صارحتك بشي.
طلع ومن ذاك اليوم وهو يتجنب مقابله شهد وشهد قررت تترك الشركه وتركتها وطلت.
وصل الخبر لأم حمد ضاق صدرها لاكنها ماتقدر تجبر شهد تتزوج حمدان وحمدان فكر بنور وقرر يتزوجها عشان تنسيه شهد وقال قلب يحبك ولاقلب تحبه ومايبيك.
وصل الخبرللكل بزواج بندر وشهد حلف بندر يحط العرس بأفخم فنادي الرياض وحط الكوشه على شكل قلب أحمر كله ورد جوري وحواليه بالونات بيضاء وحمراء كان كل شي بااللون الأحمر والأبيض وبدت الزفه والكل منبهر بكل شي فيها دخلت شهد ووقفت قدام الناس بعزه وشموخ أتفاجأت بموسيقى وخاطره كاتبها بندر لها وكان يقولها بصوته الكل ضحك على حركته بهالعمر ويقصد يحسب نفسه شباب رغم أنه صار بنهايه الثلاثين
كان يمدح شهد ويناديها بانها خاطفه قلبه وعهود تسمع وقلبها يعتصر حسد وغيره لأن بندر قدم مهر لشهد مليونين ريال يبي يقهرعهود اللي خانته
أنتهت الخاطره وشهد نزلت الدرج بشويش كان شكلها صغير ماكأنها أم أربع توائم وولد لأن مالها بطن كان فستانها ناعم وبسيط ولابسه طقم ألماس فخم من أغلى الأنواع مشت بكل ثقه ووصلت للنص الطريق فجأه أنكب عليها من فوق ورد جوري أحمر ووصلت للمنصه ووقفت قدام الكل والكل يسمي عليها لأنها تغيرت وجلست على الكوشه وقلبها يخفق وجلست وهي مرتبكه ماتدري ليش وفجأه دلو عيالها من حمد رغد وحمد كانت رغد لابسه نفس فستان أمها ومعها مسكه نفس مسكه أمها وحمد لابس دقله سودى مطرزه بذهبي وماسك يد رغد وكأنهم معاريس صغار ووراهم نايف ونواف لابسين مثل حمد ووراهم خالد اللي لابس مثلهم ومعه أبوه اللي هو بندر وسامي وأبوشهد شهد يوم شافت بندر بغى يغمى عليها كان شكله مره رزه
وصلو للكوشه وسلموعلى شهد وجلس بندر وهو مبسوط سلم أبوشهد على بنته وسلم سامي على أخته وطلعو.
بندر:مبروك ياعروس.
شهد:الله يبارك فيك.
بندر:أوعدك ماأتركك ولاأزعلك طول عمرك.
خالد:ترانا هنا أحترمونا.
بندر:أقول رح لعمتك نوره.
خالد:لابروح لهنادي أحسن منها هي تقبص خدودي دايم هنادي تلعبني وتجيب لي كل شي بابا عمتي مزعجه.
شهد:عيب ياولد.
خالد:يوه بتقعد تقزل محاضره أقول نايف نواف رغد حمد تعالو عند هنادي أحسن من هنا.
شهدتوها بتتلكم أنحاش هو وأخوانه.
ضحكت عليهم وعلى حركاتهم وبندر جلس يتأمل وجهها وهو مبتحسف على كل كلمه جرحت شهد وتحسف أنه طلقها لأجل كذا حلف أنه يعوضها عن كل شي.
راحوللمطار وكل واحد فيهم ودع أهله وسافرو لجزر الهاواي لقضاء شهر عسل للمره الثانيه.
بعد مرور 12سنه.
خالد صار عمره 22سنه والتوأم نايف نواف15سنه والتوأم رغد وحمد 12سنه
وشهد صارعمرها35سنه وبندر بالأربعينات وحمدان 36سنه وهنادي صارت بالثلاثين وتزوجت سامي أخو شهد
وعندها بنت سموها شهد عمرها 5سنوات
أم حمد كبرت بالسن وماعاد تشوف زين وهنادي عايشه وهي مبسوطه مع سامي
نوره أخت بندرقمه بالسعاده مع خالد وعهود تحاول تشيش أخوها على نوره وماقدرت لأن خالد متعلق بنوره من يوم كانت بالثانويه تذكرون يوم يشوفها الصبح يوم كانت في بيت عمها تجيب ملازم بندر من عندهم من ذاك اليوم دخلت قلب خالد.
أختها نجود مازال تركي يموت فيها وتزيد غيرته من عياله عليها وعايشه معه بسعاده أما محمد أخوبندر رفض يتزوج تعقد من سالفه أخوه بندر يخاف ياخذ شينه ويظلمها ويخاف ياخذ جميله ويتورط مع أهله وبالأخير خطب سلافه بنت أخت شهد لاكنها رفضته تخاف يصير لها مثل خالتهاشهد.
أمافهد من تزوج مشاعل وهو من سفره لسفره صار عالم في الدين ومشاعل صارت مديره في جامعه من الجامعات الإسلاميه وعندهم ولد واحد سموه خالد.
عهدأخت عهود خطبها ماجد طليق عهود ووافقت لأنها ودها تتزوجه من زمان عيشت ماجد بعيشه جميله صار يموت فيها ويكرر سبحان من خلق وفرق يقصد عهود وعهد فرق شاسع بينهم أما ندى بنت أخو عهود خطبها واحد جامعي وتوها ماتملكت عليه.
أما غرام صارت عربجيه ودها تتزوج محمدأخو بندرلأن شخصيته مثلها لاكنه رفض الزواج ففضلت الفله وسعه الصدر على الزواج وضلت عانس.
خلود بنت عهود ضاع مستقبلها صارت تواعد شباب ومافيه شاب ماكلمته وبالأخير تورطت مع واحد صورها بدون ملابس وصار يهددها تطلع معه ولاينشرالصور وصارت تطيعه تخاف ينشرها وصارت لعبه بين الشباب وكلما راحت مع واحد عرفها على خويه وبالأخير راحت معه وأنصدمت يوم شافت كل أخوياه معه وكلهم أغتصبوها بوقت واحد ورجعت لبيت أهلها وهي تبكي وأكتشفت أنها حامل وضربوها خوالها كلهم وتبرو منها ومنعو عنها الجوال والطلعات حبسوها بغرفتها وصارت تدعي على أمها لأنها هي السبب هاذي نهايه الغزل والحب والمكالمات وعهود من بعد سالفه بنتها طنشت كل شي وراحت تقابل خويها وهي معه بالسياره صار لها حادث وتشوه وجهها تشوه مريع وسوت عمليات تجميل لاكن وجهها صار مشوه وصارت منعزله عن الناس خويها تركها بحجه أنها صارت شينه أساسآ كان يلعب عليها قضى غرضه منها تركها ويوم أحتاجته قفل جواله ولارد عليها وجتها حاله نفسيه قضت عمرها بالبكى والقهرتوها تحس بموقف شهد وإلى الأن تنتظرموتها.
أهل شهد مثل ماهم مافيه أي تطورات
شهد عاشت بسعاده مع بندر عوضها عن كل شي وماحرمها من شي أستعاد قوته وأسس شركات عالميه وصار أسم شركاته وأسم شركات شهد أسم واحد بندرصار أسعد رجل بالعالم وشهد صارت أسعد إمرأه بالعالم وصارت دكتوره تدرس قسم تجاره وإداره أعمال بأكثر من جامعه وهي الحين خلت بندر يدير الشركات وتفرغت لبيتها وصارت ماتداوم بالشركه حبت تريح من بعد الشغل المتعب وبالأخير تفرغت لولدها خادلاللي رافض الزواج وهي مصره تزوجه
أوه نسيت أخبركم عن حمدان قدرت نور تنسيه شهد وطوايف شهد وحس أنه غبي يوم مافكر فيها عنده منها ثلاث بنات وولدين
وهم شهد وجود وجولي والأولاد حمد وراشد.
وبالأخير أقول لكم:
على درب القدر نمشي ولاندري وش المكتوب نضحك بوجه اللي نحبه ونعبس بوجه اللي نكره صارت حياتنا هذي زي لعبه الأقدار ندور من يحبنا ويسعدنا بحياتنا دوم ونكتشف أن كل شي يدور وكل شي مكتوب
هذي هي الدنيا دواره وطول عمرها بتدور لازم نعرف زلاتنا ونصلحها ماندري يمكن فيه أحد صارله مثل ماصار لبندر هذي هي الدنيا دنيئه وطول عمرها دنيئه تجرنالملذاتها وتنسينا اللي خلقها تجرنا بشهواتها ونغلط ونهين ناس ونتكلم عليهم بدون أي مبالاه بمشاعرهم وبالنهايه ننصدم من اللي يصير لنا من مصايب ومن نكبات وماندري أن اللي يصير لنا هو سبب أفعالنا كثير ناس ينقدون هذا شين هذا دب ذا نحيف ذا أسود ذا يفشل وفجأه نلاقي هزواتنا تصير فينا أوفي عيالنا صدق من قال الهزوه عدوه
يقول الله تعالى(وماأصابكم من مصيبه إلا بماكسبت ايديكم). يعني حطوها حلقه بأذنكم أي شي يصير لكم فهو بسبب أفعالكم
وهذا كلام رب مولعبه.
تم بحمد الله

رساله لكل الرجال والنساء:
يارجال المرأه كائن حساس مايتحمل النقد لوناديتها بأحلى الأسامي أودلعتها عيشتك بجنه ولوأهنتها بتعيشك بجحيم كثير من الرجال يطنش زوجته ويغلط عليها وإذا طنشته وماأهتمت من وجوده أوماتشخصت له يقعد ينقد حط في بالك كل تصرف سلبي تسويه الحرمه لزوجها بسبب تصرفاته معها عاملها باللين تعاملك كأنك حبيب حسسها بانوثتها تحسسك بالسعاده لوتطنشها وتطالع في غيرها وتمدح غيرها تحمل اللي يجيك منها بعض الرجال يظنون أنهم إذا أنقدو زوجاتهم بيتغيرون للأفضل وهذا إعتقاد خاطىء وعلى فكره كل الممثلات وأي وحده تطلع بالتلفزيون كلهم يستخدمون مكياج واكثرهم مسويين أكثر من عمليه تجميل لاكن الرجال دلوخ يظنون أن اللي بالتلفزيون جمالهم رباني مايدرون أن ياماتحت السواهي دواهي
الحرمه إذا عاملتها كأنها أنثى وراعيت مشاعرها بتنسى كل شي وبتعيشك بسعاده وهذا شي مجرب وإذا تغيرت عليك فجأه فأعرف أنك أذنبت ذنب والله بلاك بزوجتك (وماأصابكم من مصيبه إلا بما كسبت أيديكم).
وأنتي يازوجه ليش تنقدين زوجك ليش تعاملينه بجفى ليه ماتحترمينه ليش تتعالملين معه بأسلوب جاف كثير من الرجال يشكو من أن زوجته أسلوبها جاف كأنها ولد صوتها عالي وماتتزين حتى لوكنتي شينه تزيني له ولوكنتي جميله لاتشوفين نفسك عليه وعلى أهله ترا الجمال مايدوم والشين بيجي يوم يصير زين
نصيحه للبنات ترا أغلب الرجال الأن يدورون البنت الملتزمه بحجابها الكامل حتى الصايع يرفض البنت اللي عباتها مطرزه ومخصره وكلها كرستلات تدرون ليش لأن لهم نظريه يمشون عليها
الملتزمه بحجابها وماتطلع عيونها ولاتبين شي من شكلها يعني كل شي أسود في اسود في نظرهم هي مثل الحلاوه حلوه وتخفي حلاتها وماتظهرها إلا لزوجها فقط وهي ثقه لأنها تخاف ربها ومستحيل تخون زوجها أما البنت اللي مافيه لون ماحطته بعباتها أوكاشفه وجهها أومخصره عباتها ولابسه بنطلون اونقاب أولثمه أوبرقع يعني تفتن اللي يشوفها حتى لوكانت عباتها واسعه ولابسه برقع أونقاب في نظرهم هذي جايه تعرض نفسها للشباب يعني مثل الذبابه القذره تنتقل من وحل قذر لوحل أقذر وفي نظرهم هذه الفتاه تصلح للتسليه وليس للزواج لأنها ستخون وجميع الرجال نظرو إلى مفاتنها والرجل يحب ان لاينظر لمفاتن زوجته أحد غيره هذه النظريات حقيقيه ولم أتي بشي من عقلي لذلك كثرت حاله العنوسه بالمملكه صارو الشباب لايريدون الزواج إلا من ملتزمه يمكن ماتصدقون براحتكم لاكن تبون تتأكدون أسألو الشباب ويابنات ترا نظره الشاب للبنت اللي مخصره عباتها ومزركشتها نظره إستحقار وان لحقها بيرقمها عشان يهتك عرضها لأنها فتنته وفيه شاب معترف بأنه يهتك عرض البنات وغرضه يقضي على كل بنت تغري الشباب بلبسها وهذا واقع بالمملكه كثير من الشباب معترفين بأنفسهم أنهم قضو على بنات كثير ولعبو عليهم بس لأنهم أغرو الشباب بعباياتهم أحذرو يابنات الشباب ناوين نيه خبيثه على كل بنت تغريهم بشكلها حتى ولوماتعمدت الإغراء لذلك يرفضون الزواج.
خلف الكواليس:
صراحه أحترت وش أكتب لاكن بعد تفكير طويل كتبت القصه بديت فيها عام 2009 وأنتهيت منها في 2010وبصراحه كتبتها على عجل بدون تدقيق كان همي اوضح شي واحد أن الجمال مو كل شي ترا موكل شين زين وموكل زين شين بس حبيت اوضح نظريه أنتشرت بشكل فضيع بالمجتمع لأن الشباب صارو يدورون البنت الجميله وماهمهم غير الجمال وهذي مصيبه لأجل كذ الرسول عليه السلام دعى للقبيحات ,
ماحبيت أدقق بالتفاصيل بالقصه لأني ماأبيها تصير طويله عليكم اختصرتها لأن رمضان قرب وماأبي قصتي تشغلكم عن العبادات مدري وش أقول لاكن كل اللي أقوله أتمنى أنكم أستفدتم من القصه وأنا ماكتبتها إلا لأخذ العضه والعبره منها فقط
وأتمنى أنها نالت إعجابكم لاتبخلون علي بردودكم الأخيره على أمل أن يكون لنا لقاء أخر بروايه أخرى
ولكم مني جزيل الشكر على أرائكم ومتابعتكم لقصتي
وأتمنى لكم قضاء وقت جميل

بُوْرِكَ الْجَهْدَ وَالْقَلْبْ
ول ِروحكْ هَذِهْ