سجل حضورك ب حروف غناها نجوم

من الوقت الشحوحي .. ودنيايا الغريبه
وصالك ما حصلي .. من الوقت الشحوحي

معه قلبي نصوحي .. وغيره ويش ابيبه
بها ارحب واهلي .. معه قلبي نصوحي

بسره ما يبوحي .. له اوصافً عجيبه
ولا عقبه تسلي .. بسره ما يبوحي

لو ان الغالي يوحي .. دواء القلب وطبيبه
عنالي في محلي .. لو ان الغالي يوحي

الحمد لله ما بدى مني قصور
لا يكون بعض من العرب قد وشوبي
حتيش لو قالو القلب مسرور
ما اوحيتهم لو كلهم عذربوبي

انا حشيم ومسهد العين ومستور
وراس مالي عزتي وستر ثوبي
نفس الرجال ما تقبل الكيد والجور
ليه الزعل يا منصف الحق صوبي

الحقكم الشرهه ولاني بمجبور
اشره على اللي له غلى ومحبوبي
من ما حصلي منك منه بمعذور
ابيات شعري شرهةٍ رحوبي

الله على جواً ينشك براده
في ليلة قمره ولا حولك أجناس
من بين ضوح النور وعتمة سواده
النار يوقدها الحطب سمر كداس

يمر فكري مثل نظم القلاده
الماضي الي عشته أيام مع ناس
القلب هزه من زمانه وداده
غنيت يا مغناي وما نوخ الراس

والراس به من جور وقتي جلاده
حزت رخا من بين حزات محتاس
احدً موفق حظ وحصل مراده
واحدً شحيح الحظ رده على الساس