قدسية النوح

مدخل

طينة رمال الليل ما تيبس الصبح
و اصبحت حزني رطب و ايدّي يبـّاس
.

أجمل شعور يمرك فـ غاية القبح
... لمـا تحـس إنك وحـيــد و ولـد نـــاس

عمق

طيب إذا ما كان لي صبح و أحباب
ـ ليه أنتظر صبحً وصالك | ماهو فيه !

يمكن على ذكراك و الباب | بالباب
كذا الصباح أحبّ وصله و طاريه .

أيام كنّا نشعل الصبح بأهداب
طاحت سهر مابين حاضر و لبيه .

أيام كنّا ما حسبنا لها حساب
وش يجني العاشق سوى فقدّ غاليه !

وينك صباحي بعد فرقاك ما جاب
إلا صورك و ذكرياتك و ماضيه .

أبستمر يعني كذا غياب بـ غياب
والله كذا يأسرني الحزن و التيه .

يا أول قصيدة صبح في صفحة كتاب
شعري و غنّاك القصيد و قوافيه .

ياما غرقنا دمع , و فراق , و عتاب
ياما و , ياما لكن الله : يخليه !

الحب يجمعنا بلا عذر و أسباب
و الصبح يهدينا المحبّه بأغانيه .

,

اول لشوفك أفتح لقلبي الباب
و اليوم مابه باب يفتح لـ غاليه .

يعني ما دام الصبح في وصل الاحباب
ليه أنتظر صبحً وصالك ماهو فيه !

مخرج

غربة .. كثير اللي كتب غربة الروح
وانا اتعثر في زحام الحناجر
.

قلت اكتبك من باب قدسية النوح
زيف المدينة .. كبرياء المحاجر

للأرواح النقيه