اذكر اذكار المساء واذكر اذكار الصباح

السلآم عليكم ورحمة الله وبركآته
قصيدهـ من أبدآع الشآعر / فهد بن شويمي

اذكر اذكار المساء واذكر اذكار الصباح
لـ اجل تنجوو ، من غثا كل شيطانٍ لعين
•
حب كل الناس ، واعمل بـ ايمان وكفاح
خل عزمك يلجم افواه .. كل الحاقدين
•
لاتضيق ان شّنوا الحرب اعداء النجاح
دايم الفاشل يحارب .. نجاح الاخرين
•
من حسد مايهتني ، من يراقب ما استراح
من بلا خلق الله بـ يبتلا .. لو بعد حين

الحياه اشد حدّه .. من خشوم الرماح
ماني عالم ، لكن اعلم بـ ان الصبر زين
•
والسجين الذ مايسمع ( اطلاق السراح )
اسئله وش يشعر اليا سمع هـ الكلمتين
•
يااالاهي : كم هي اعذب من الماء القراح
لا روا كبود الضوامي .. بعد يومٍ مُشين
•
والبشر تظلم وتُظلم .. وراح الظلم طاح
جعل حنا مظلومين .. وما حنا ظالمين

الجبل ماهو يزحزح ، لو ان هوج الرياح
كم لها : وهي تهوجه من يسار ويمين
•
طامعين بعفو ربي عسى اللي راح راح
وانّا لله .. وانّا لـ عفوه طامعين
•
التواضع فيه : متعه ، ولذه ، وارتياح
التكبر ليه ياخي .. ترا الانسان طين
•
جملة ( الله لايهينك ) ماهي ضمن المباح
ربي الطف من عباده .. وربي مايهين ..
•
والله ان تقطف ثمار السعاده والنجاح
كلماا .. احسنت ظنك برب العالمين .!

..~