عسَىآ رَبي يلْملمَ إثنين تَٱإههُۆ فِي ٱلحَحنينْ سنَينَ

البارت الرابع



لا ذوق نـــــــوم ولا أبـــــات
الــعــي وأســـيع بالنحيب

قعد يفكر ويمشي فحجرته
فارس:اتصل .... شوا قوول .... لا عييب علي اللي اسويه انا مارضاها على خواتي ولازم ما ارضاها عليها
بس لازم تدري اني احبها مايصير جي.. واذا درت شو بتسوي بتحبني مثلا وبتتنازل عن نهيان عشاني وكيف اصلا بترفضه وبتوافق علي مايصير اوووف اووف
واخر شي قرر انه مايفكر ويتصل
وتم الفون يرن
ساره بصوت شبه مسموع:ا الو
فارس:...............
ساره:الوووووووووو و ويعه
فارس ابتسم
ساره:استغفر الله العلي العظظيم هالناس الفاضيه اللي ماتخلي الخلق يرقدون
ويايه تصكر جان يقول :الووو
ساره:...............
فارس:جيف الحال
ساره:ززززززززفت
وصكرت
فارس:هههههههه فديت دفاشتها انا وتسطيلها
وغلق الفون وبدل البطاقه ورقد
------------------------

بيت بو غانم
7:00 الصبح

يافريد الحسن مثلك مارايت
اوماخلق شرواك في هالكون ربك

ام غانم :تريق انزين
نهيان: لالا مابي بخطف على منصور وبروح الدوام
بو غانم: تحمل الدرب
نهيان: ان شاااء الله . . يلا فداعة الله
ام غانم: ربي يحفظك

............

بيت بو حمد
7:30 الصبح

لو يطول البعد ويضيق الصدر
عن غرامك يالغلا ملقى بديل

منصور:لااااااااااا مابوصلهن , انا نهيان خاطف علي بيوديني
جان تغص ساره
حمده بخبث: صحححححححححه على قلبه
ساره:كح . . جب استحيي يابنت
منصور:هههههه سمعتي بطاريه وغصيتي عيل لو شفتييه شو بيغمى عليج ههههههههايي
ساره:هييه هيه طيحو فيني الحين و وين ياحظي بشوفه يوم ان زاخين علينا منقود ومنقود
منصور:قصوووووورج بعد تبين ترمسينه وتشوفينه قبل الملجه مسودة الويهه
بو حمد:الحيين انتو ليش محتشريين يعني لو تضاربتو بتغيرون شي من هالموضوع يلا نشو نشو اذلفو على دواماتكم
منصور:هههههه صدقت يلا فداعة الله
ساره:فداعة الرحمن . . سلم احم
ابوها يشوفها بنص عين
منصور:هههههههههه يبلغ يبلغ
حمد:الا بتخبركم شو على هالموضوع طوولتو تراكم فالخطبه متى بيون يخطبون رسمي
بو حمد:الله واعلم والله
ام حمد:الصراحه بديت اضيق انا موقفه نصيب بنتي والسبه ولدهم عاد لو قالو ما يبوونها حزتها وين ادق براسي كل اللي خطبوها قلنا لهم انها محييره الحين لو فنقش نهيان عيل لا بالله بنتي عنست
ساره:وي فااااااال الله ولا فالج ولا تحاتين امايه نهيان ما بياخذ غيري ان شاء اللللللله
حمده:يااااااااااا واثق انته
ساره:جب
وبعد السوالف والريوق راح كل واحد على دوامه


فالجامعه
10:30

لا تخيب فيك من ظنه
خير وانتوا حق وانصافي

ليلى:حوووووووووووووو وين وصلتي
شويخ:هههههههههه عندي عندي
ساره:ههههه
ميره: لا جد فيج شي . تراج مب ويانا اليوم ابد
ساره:لا بس افكر
ليلى:في شو
ساره:امممم اليوم الصبح قاعدين يرمسون عن موضوع نهيان والصراحه بديت اخاف
خوله:لييش شو صار
شما:شو استوى
ساره قالت لهم السالفه
شما:عادي مناقشات وسوالفات مب شرط ان صدق يعني امج تقول لو
ساره: صدق بديت اخاف هو طوول فالموضوع وابد ما فتحه مره ثانيه واذا قال ما يباني شو بسوي انا !
ليلى:وي بسم الله عااادي ما بيوقف نصيبج على الاخ نهيان يلتعن
ساره:اييييييييه تتخيليني انا اخذ واحد غير نهيان تخبلتي شو امووت ولا اخذ غيره
شويخ:لا ماعليج مثل ما انتي تبينه هو بعد يحببج ويبيج وشاريج ويمكن للحين يعدل اوضاعه ويضبط لج احلىىىىىى عرس ولا صار ولا استوى
ساره:بنشووف !
ليلى:اييه قومي قومي عيشي حياتج يابوج تفكرين من الحين ليش وانشالله اللي كاتبه ربج بيصير
ساره: ان شاء الله
--------------
فالدوام

نهيان:رمست اهلي قبل كمن يوم قالو ان شاء الله عقب اسبوعين بني بيتكم وبنخطب رسمي لان نتريا عمي يرجع من السفر و اول مايرجع بني ان شاء الله
منصور:ان شاااااااء الله وهاي الساعه المباركه
نهيان:ههههه الله يبارك فيك

------------

الجامعه
2:30

لا تعذبني من الود اكتويت
وما اريد الا اعيش العمر جنبك

ناصر:حووو وين رايح
فارس:احس عمري تعبان برد البيت اصلا خلصت كل محاظراتي
ناصر:سلااامتك شو يعورك
فارس:ماشي ربي يسلمك , بس برجع البيت برتاح شوي
ناصر:اوكي الرب حافظ طمني عليك
فارس: ان شاء الله
وترخص ورااح

ركب سيارته جان تتصل به شويخ
فارس:هلا
شويخ:وينك
فارس:توني ظاهر من الجامعه ليش
شويخ:اخطف علي عيل انا بعد خلصت
فارس: مالي نفس خل الدريول يخطف عليج
شويخ:حبييبي فرووس اخطف علي بلييز
فارس:اووف اوكييه
وصكر

------

ساره:لييش بتردين بعدنا عندنا كلاس جنيفر
شويخ:عادي طااف اخوي اهم
ساره:ليييش بلااه اخوج
شويخ:مااادري امس وااايد كان تعبان وقعد يهذرب ومافهمت عليه اليوم برمسه بهدوء وبعرف شو سالفته
ليلى:ان شااااء الله خييير
شويخ:ان شاء الله
------------

الدوام

منصور:الوو .. هلا ابووي وينك
بو حمد:فالدوام بعد ويين
منصور:زين انا الحين تحت بي برمسك في موضوع
بوحمد:حياااك ولدي
ودخل منصور عند ابووه

بو حمد: بسم الله خوفتني شو صاير
منصور:ما شر ابوويه بس حبيت ارمسك فهالموضوه بعيد عن هل البيت شوي
بوحمد:خيير
منصور:اشوفك هالكمن يوم معصب من نهيان خير ابوويه انته مب موافق ان ياخذ ساره
بوحمد:ايواا هااي الساالفه
منصور:هييه ابويه
بو حمد: لا يا ولدي مافي شي بس لااازم بخاف على مستقبل بنتي وانته تدري اني ماحب احيير بناتي حق ولد عمها ولا ولد خالها ولا حد من معارفنا دوم كنت اقول تبونها تعالو لها عقب بس ما بنحيرها بس مادري كيف رضييت اني اضيع مستقبل بنتي جي واتمنى ان شاء الله ثقتي في نهيان ماتخييب وتظل مثل ماهي
منصور:ان شاء اللله ابووويه ومن ناحيتي اقولك تطمن
بو حمد يحط ايده ع جتف ولده : مخلي الموضوع كله بين ايديك يا ولدي دخيلك هذي اختك وهي غاليه علينا كلنا مابي يستوي بها شي
منصور : ان شاء الله ابويه ان شاء الله
---------------------------

2:00 الظهر

بدونه تشعر إن الحـب شـي بـارد
وش أحلى من الزعل لو بعده تراضيت

شويخ:يلا فروس وصل
ساره:طمنينا
شويخ: ان شاء الله يلا فداعة الله
ليلى : مع السلامه
وظهرت وركبت السياره

وتمت ثواني تشوفه تترياه يرمس
بس تم ساكت
شويخ:فارس ؟
فارس:------
شويخ:فرووس
فارس:هممم
شويخ: كمل سالفة امس
فارس: شو صار امس
شويخ: تبى تفضفض ؟
فارس يطالعها :همممم
شويخ: فارس تدري ان كل شي فالدنيا نصييب وانته انسان مؤمن بهالشي صح ولا
فارس:صح بس احتجت وقت عسب اتقبل الفكره شويخ وخلاص فهمت الموضوع
شويخ: انزين والحين شو صار
فارس: شعرفني انا
شويخ: منو هي انزين
فارس يطالعها بكل حزن : ساااره
شويخ: شووووووووو اي ساره
فارس: اخت منصور
شويخ: لالا انت اكييييد تستهبل صصصح
فارس: لا
شويخ: حبيبي فرووس انته تدري انها من زمان محييره
فارس: لا ماكنت ادري وانا احبها من زمان من يوم عمرها 14 وانا عمري 17 وانا احبها
شويخ:فارس بس بعد مايصير تعلق عمرك فيها وانته تدري انها لغيرك
فارس:ادري شويخ والله ادري بس هب بييدي
شويخ: يلا وصلنا انزل صل لك ركعتين واذكر ربك وخل عنك هالافكار اللي ما تودي ولا اتييب وترى مهما سويت هي مب من نصيبك وانته تدري
فارس: الحممدلله على كل حال وان شاء الله الحين بروح اتوضى واصلي
شويخ: يلا وبروح ابدل وجي وبرجع اقعد ويااك اخي العزيز
فارس:هههه ان شاء اللله
--------------

بيت بو حمد
7:30

غصب عني في محبتكم بديت
خذ قلبي وحطني في وسط قلبك

حمده: شو فيج
ساره:احاتي شوييخ
حمده:لييش بلااها
ساره:ماشي بس قالت ان اخوها مريض مادري شو فيه و وايد كانت متضايجه والحين ادق لها ماتررد ودقيت بيتهم بعد محد يرد
حمده : جربي بعد مره دقي
ساره :الحين بدق بيتهم وبشوف
وتم الفون يرن
يرن
يرن

فارس:ألووو
ساره: الو السلام عليكم
فارس:-----------
ساره:الووو
فارس : وعليكم السلام والرحمه
ساره:شيخه موجوده
فارس:هيه لحظه شوي
ساره: ان شاء الله
فارس فخاطره ( اقول لها اني احبها اقول لها اني اعشقها !.... لاا شو بتسوي بتحس فيني يعني ولا بتودر نهياان عشاني هه !)
فارس حط السماعه وزقر شيخه
شويخ :الووو
ساره:هلاا والله
شويخ:هلاا سارو
ساره:شحالج
شويخ:تتمام وانتي ؟
ساره:بخيير . وييينج ياحرمه من الصبح حارقه فونج محد يرد
شويخ:خلاص صكري وانا بدق لج من فوني
ساره: اوكي
وصكرت

وعقب ثواني دقت لها شويخ
ساره:هاه بشري شخبار اخوج
شويخ:---------
ساره:شفيج
شويخ:كسر خاطري تدرين
ساره:لييش شوفيه
شويخ:طلع عاشق له وحده مخطوبه وبتملج
ساره:شوووووووو
شويخ:ومن زماان يحبها ويباها بس ماصار نصيب
ساره:اووويه غمضني اخوووج
شويخ:هههه بس يلا الحمدلله رمسته وجي احسه تقبل الفكره
ساره:يلا الله يعوضه خيير ان شاء الله ويلقى له بنت الحلال
شويخ:امين
ساره: يلا عيل روحي له يمكن يبى شي ولا شي وانا بنزل تحت بشوف الاخبار يقولج نهيان قايل بيون يخطبون عقب يومين
شويخ:اووه حلو والله
ساره فخاطرها ( شكلها مالها خلق لي من الله تفكر في اخوها يلا الله يعوضه ان شاء الله )
ساره: اوكي يلا عيل بخليج
شويخ:اوكي
ساره: مع السلامه
شويخ: فداعة الله
وصكرت

حمده:هاه بشري
ساره: اي ابشرر دخيلج اسكتي
حمده: لييش شو السالفه
ساره: ماشي
وطلعت من الحجره ونزلت تحت

بوحمد:شوو النفسيه
ساره:ززززززفت
بوحمد:ليش بسم الله شوفيج
ساره:ماادري بس نفسيتي تعبانه واحس اني ابد مب مستعده للخطبه وملجه وعرس وحاله
منصور: خلاص وااايد تميتو انتو فالخطبه ع الاقل املجوو
ساره: يصير خير
ونشت راحت لحجرتها

وقعدت تفكر
ساره : صح احبه وابييه بس بعدني مابى اعرس الحيين اووف ياربي خل ارقد احسن
------------

بعد يوميين
الكل يتزهب ومستعيل ومرتبش وحالته حاله

بيت بوحمد
3:00 الظهر

لو كنت قادر أتركك والله تركتك من زمان
ولو كنت ناوي احرقك ما رحت اضمّك بالأخير

ام حمد: يلااا الناس بيوون جريب المغرب ماشي وقت بسرعه
ساره قاعده تشوف امها وساكته
ام حمد:بسم الله عليج شو ياج
ساره:مادري بس احس اني خايفه
ام حمد:ههههههه عادي طبيعي طبيعي
ساره استحت ونزلت راسها
حمده:يارباااااااااه سارو تستحي
ساره:اوووص يلا مناك
منصور:هلااااااااا بعروستنا تصدقين ماعرفتج
حمد:بسم الله منو انتي
ساره:لاتقعدون تستهبلون هااه
منصور:اوكي هاااه
ساره:جب هااه هههههههه
ام حمد: بسكم سخافه يلا يلا ماشي وقت
بو حمد:هههههه امكم من الصبح وهي تصييح ماشي وقت وماشي وقت
الكل:هههههههههههه


--------------

بيت بوفهد


لا تلومني لو بكت عيني عليه
بالهوى ربي بلاني ما بلاك

ليلى:شوووووو تستهبلين
شويخ:والله ليلوو ماقدر ما اقول لحد السالفه ابى افضفض ابى ارمس
ليلى:اووووووويه اخوج يحب سارو ومن 5 سنيين
شويخ:ولو تشوفينه اليوم والله اطالعه يضحك ويقولي نصييب يا شويخ نصيب
ليلى:ماعلييه مرده بيرضى بالامر الواقع وبيتزوج ان شاء الله والله يعوضه خير
شويخ:اميييييييييييين يارب اميين
ليلى:وماخبرتي سارو
شويخ:لااا طبعاا شو اقول لها وليش اقول لها ما بتغير شي غير انها بتستحي مني وااايد بعدين
ليلى:هيييه صح
شويخ:حبيبتي سارو الله يوفقها ان شاء الله
ليلى:اميييين
ليلى فجاه صررررخت
شويخ:عوووذ بالله شوو يااااااج
ليلى:خلوووووووووووووود
خالد:ههههههههه يا هبله لا تصرخين
ليلى نشت ولوووت عليييه
خالد:ههههه لج وحشه يا هبله
ليلى:حبيييييييبي خلود واللله اشتتتتتتتتقت لك
خالد:كل ابوها شهرين
ليلى:هيييه والشهرين شوووي
خالد:شو نسوووي بعد , هااه منو ترمسين
ليلى تغمز له : شويخ ربيعتي
خالد يغمز لها :اهاااااا
ليلى تربع صوب الفون: سوووري ياحيواانه بس خلود اخوي رد من الدوووره وارتبشت
شويخ:هههههه الحمدلله ع سلاامته يلا روحي روحي
ليلى:ههههه الله يسلمج يلا بااي
شويخ:باااي
وصكرت
خالد:هاااه اخبارها علومها ما انخطبت مني مناك
ليلى:لااااا بعدها بس تحررك تحنحن واخطبها ولا بتصير لغيرك ومايخصني عاد انا
خالد:اووف انزين انزين خلاص
ليلى:ههههه يابعدي والللللللله خلود روح روح بدل وانزل تحت بنستهبل شوي
خالد:ههههههه اوكي

---------------

بيت بو حمد
6:30


يا عذولي خايفِ منه وعليه
والسبب جرحٍ بقلبي ماخفاك

ام حمد:حيي الله من ياانا هذي الساعه المباركه
ام غانم:الله يحيج ويبجييج
وسلمو على بعض الحريم ويلسو فالميلس والريايل بعد فالميلس الثاني

بو حمد:شخبارك نهيان شو مسوي
نهيان :بخير
منصور حس ان فيه شي
منصور يكلمه بصوت خفيف: بلااك نهيان فيك شي
نهيان يشوفه وهو شبه متنرفز
منصور:شو ياااااك
نهيان:اقدر اكلمك شوي بروحنا
منصور:تستهبل وين انش يدام هيل كلهم
نهيان:منصووور انا وصلتني رمسه مابقولها يدام حد بس الخلاصه انا ....






نهاية البارت الرابع