صدفه لقيته اللي هويته محلى عيونه وايه فديته

فى بيت ابو بندر
كانت ديم مع اختها فيافي فى غرفتها قاعدين يكملون الروايه
فيافي .. ديوم تتذكرين الموقف اللى صارة لك بثاني ثنوي
ديم.. اللى البنات كانوا مسوين فيه عيد ميلاد وجات المديرة وقامت تهزئنا وقالت كل وحدة راح انقصها من كل مادة درجتين ورجعت البيت اصيح وبعدها كلمهم تركي على انه ابوى وقالوله انه كل كذب وماراح يخصمون من درجات البنات >>> ترى السالفه صدق
فيافي ......هههههههههه ايه شرايك اكتبها فى القصه
ديم .. حلو وخلى الموقف حق جوري
فيافي .. اوكي
قعدت فيافي تكتب الموقف
ديم ..بتروحين السوق
فيافي وهى مندمجه...... اممممم ليه
ديم .. عشان تاخذين فستان حق ملكه تركي
فيافي ...... مدري وانتى
ديم .. لا بلبس فستان اللى شريته حق زواج فجر لان ملكه تركى قبل زواجها بيومين
فيافي .... حلو الفستان والظاهر انا بسوي مثلك بعد مالى خلق للسوق
ديم .. احسن لك
طق طق
فيافي .. تفضل
تركي ..السلام عليكم
ديم وفيافي .. وعليكم السلام
تركي .. شنو تسون
ديم .. ابد قاعدين انسولف
تركي .. منتوا رايحين السوق
فيافي .. لا
تركي ليه ماراح تشترون بدل حق ملكتي
ديم ... لا بنلس فستينا اللى شرينها حق عرس فجر
تركي .. اها
وقعد يسلوف معهم ليما اذن المغرب وبعدها طلع وراح يصلي
فى بيت ابو خالد
ديمه .. غنود متى بتروحين السوق تشترين لك فستان
غندة .. مدري يمكن بكرة
ديمه .. وانتى ساره بتروحين معنا
سارة .. لا انا بلبس الفستان اللى لبسته بملكتى وانتى
ديمه .. وانا بعد مالى خلق دواره بالسوق عندى بدله جديدة بلبسها
ساره ..اها
غندة .. احسن عشان تسعدونى
دخل ابو خالد
وقاموا البنات يسلمون عليه
سارة .. شلونك عمي
ابوخالد .. الحمد لله بخير انتى شلونك وشلون الحمل معاك
ساره .. الحمدلله بس محد متعذب الا خالد معي
الا بدخلت خالد عليهم
خالد .. شفيه خالد
ابو خالد .. سلم بالاول
خالد تفشل .. السلام عليكم
الكل .. وعليكم السلام
خالد .. شفيني انا
غندة .. ابد مافيك الا العافيه بس سارة تقول حد متعذب بحملها الا انت
خالد .. فديت ولدي وامه عذابهم راح الله يخليهم لى
الكل .. امين
ابو خالد .. الا متى سفرتك
خالد .. بعد ثلاث ساعات والحين انا جاي اخذ شنطتى وماشى
ابو خالد .. تروح وترجع بالسلامه
خالد الله يسلمك
سافر خالد وديمه وسارة انشغلوا بتجهيزات للملكه والمعااريس سافروا شهر العسل ايطاليا
مرت الايام ومابقى على ملكه تركي غير ثلات ايام
وام محمد قررت انها تكلم اختها ام بندر بكرة بخصوص خطبت فيافي الا فهد
وبكذا انتهى البارت