ليــه هاللحظه تجينـــي .,.

الجـــــــــــــــــــــــــــــــــــــــــــــــ ــــــــــــــزء الرابـــــــــــــــــــــــــــــــــــــــــــــ ـــــــع
كان الجو حلو وهو مستمتع فيه وفي نفس الوقت قلق وخايف من الجاي بس حاول يهدي اعصابه ومايوتر نفسه
محمد:اووف...خلني ادور شي اسمعه...
وهو يدور لقى كاسيت وابتسم وتذكر ذيك الليه مع ان الموقف كان عادي لكن بالنسبه ماكان كذا بالعكس...ورجع وطالع ساعته
محمد:اووووه....يلا توكلنا على الله...
وكمل طريقه......
...............
لينه: اي مزون معليش عاد حبيبتي......بس عندي الحين محاضره وبضطر اتركك
مزون: ولايهمك...حتى انا الحين برجع البيت...
لينه: مزون انا بتركك بس ارجوك فكري زين في اللي بتسوينه...
مزون بضيقه: انشاااءالله
لينه: يلا مع السلامه...
................
في الشركه
عبدالعزيز: عبدالله وين محمد..؟
عبدالله:ليه..؟
عبدالعزيز: ابيه في اشغال عطيته اياها بشوف وش سوى فيها
عبدالله: والله ما ادري عنه من الصبح ماشفته...
عبدالعزيز: طيب عن أذنك...
عبدالله: تفضل.............عبدالعزيز..
عبدالعزيز وهو يلتفت:هلا...
عبدالله: عزوز انا احتمال اتأخر اليوم وبصراحه عاد ابيك تمر ترجع ساره.......... (بعد سكوت لحظات)...اناااا ما ادري ليش انا قاعد اتكلم معك بأدب روح اذلف خذ زوجتك انت مسؤل عنها..
عبدالعزيز: ههههههههههههههه من زينك مالك شغل فيها زوجتي وانا بوديها واجيبها
عبدالله بأبتساامه عريضه: ياحلوك بس هذا الكلام هي زوجتك يلا يلا روح لها
عبدالعزيز: ههههههههههه مع السلامه........(وهو طالع)انا بروح اخذها بس شوف من بيرجعها ياعبود..
عبدالله: عزيز وش بتسوي؟؟
عبدالعزيز: مااااااااااااااااااالك شغل ههههههههه
وطلع عبدالعزيز بسرعه قبل لايطيح في ايد عبدالله
...................
مزون:انشاءالله يمه...خلاص انا الحين في الطريق
ام عبدالعزيز: اقول مزون لاتقعدين تلفلفين ترى انا ابي من السواق اغراض بينزلك البيت ويروح
مزون: انشااااءالله خلاص يمه..
ام عبدالعزيز: يلا مع السلامه
مزون: مع السلاااااااااامه
وصل السواق مزون ومشى وكانت بتدخل البيت بس استوقفتها يد
مزون وهي تلتفت: بسم الله
محمد بأبتسامه: بسم الله عليك لايكون خفتي..؟
مزون أول ماشافت محمد حست بقلبها ينقبض وتضايقت بعد ماتذكرت موضوع الخطبه
مزون: محمد؟!!...وشفيك..؟
محمد: سلامتك...مزون ابيك في موضوع ضروري...
مزون: وشو..؟...وش تبي..؟
محمد: امشي معي واقولك..
مزون: وين امشي معك..؟؟؟؟
محمد: امشي اول بعدين تعرفين...
مزون: محمد شلون اروح معك.؟؟
محمد: مزون انا ولد عمك واخاف عليك مثل ابوك واخوك واكثر....ومستحيل بضرك...فأرجوك تطمني وامشي معي...
مزون:........
محمد: مزون....الناس تطالعنا يلا...
رضخت مزون لكلام محمد مع انها ماكانت حابه انها تروح معه
محمد: مزون معليش بس اركبي قدام شكلي كني سواق...
مزون: نعم؟؟؟
محمد: ركبي انا ماراح اكلك...
مزون بعدم راحه: طيب
بعد ماركبوا كانت مزون حاسه بتوتر بسيط عكس محمد اللي كان حاس انه بيطير من الفرحه
محمد وهو يحرك السياره: وش تبين احط لك تسمعينه..؟
مزون:انا جايه ابي اعرف وش تبي ما ابي اسمع..
محمد بأبتسامه: طيب انا بحط..
حط محمد اغنية مزون المفضله واللي هو بعد كان يحبها
مزون: محمد قولي وش تبي..؟
محمد: مزون........انا ودي اقولك اشياء كثيره انا حاس فيها انا رايي ان هالاغنيه اللي انتي قاعده تسمعينها تقول كل اللي في قلبي (وهو يطالعها)..لك
محمد مع انه كان من النوع اللي يحب الضحك والاستهبال الا انه كان رووومنسي بشكل كبير ما احد يتوقعه بس مايحب يظهر عاطفته كثير
محمد كان حاط اغنية تشطر وأفهمها
مزون بعد ماسمعت كلام محمد جاتها حالة ذهول.......معقوله محمد يحبني..؟....هو قاعد يمزح ولا يتكلم جد..؟؟
مزون: محمد وش قصدك..؟
محمد: مزون والله واضحه...معقوله مافهمتيها..؟؟
مزون: محمد ارجوك لاتتكلم بالالغاز وتقول سمعي وتفهمين كأننا في فلم...انا ما احب هالطريقه..
محمد: مزون حرام عليك...والله مايبيلها كلام (وهو يمسك يدها لاول مره)..مافهمتي يعني اني احبك...؟؟
مزون وهي متأثره من تصرف محمد وجرأته وكلمته: تحبني.؟!!
محمد: اي احبك واموت فيك...وانتي مو حااسه فيني
مزون:........
محمد: اوووه...مزون...مو مصدقتني..؟
مزون:........
محمد: مزون ردي علي......انتي ماتحبيني..؟
مزون: محمد....
محمد: عيوني..؟
مزون: انت تتكلم جد ولا هذي وحده من حركاتك...؟
محمد: هههههه يابنت الحلال حرام عليك احبك احبــك واللـــه احبك...تبين اصارخ واقول انا احب مزون ياناااس
مزون ضحكت ضحكه بسطيه غصبن عنها
مزون: يعني مو قاعد تكذب علي يامحمد
محمد: لا اله الا الله
مزون: هههههه خلاص صدقتك بس احلف
محمد: والله احبك من كل قلبي واموت فيك
مزون بحياااا: اوكي صدقتك
محمد: جد مصدقه اني احبك..؟
مزون بحيا: مممم
محمد: يابعد عمري انتي...طيب وانتي تحبيني..؟
مزون بحيا: محمد انت عارف..
محمد: وش دراك اني عارف..؟
مزون: لو غير كذا كان ماتجرأت تقولها لي بهذي الثقه...
محمد: هههههههه طيب انا اعرف انك تحبيني بس ابي اسمعها منك حرام..؟
مزون: ههههههههه اي
محمد: ههههههههههه اوريك
مزون بحيله: بس خساره يامحمد انا خلاص الحين انا مخطوبه لواحد ثاني..
محمد: وشو..؟
مزون: انا وافقت على المتقدم لي..
بعد هالكمله محمد تغيرت تعابير وجهه وفتح عيونه بغضب
مزون: يييييييييممممه.......امزح معك
محمد بنظره حاده: مزون من صدقك ترى مو وقت خفة دم...
مزون: امزح اسم الله علي كنت بعلن موافقتي اليوم...بس.....
محمد براحه وابتسامه: بس وشو..؟
مزون: اعوذ بالله توك شاب نار امداك هديت..؟
محمد: ههههههههه اقول لاتضيعين السالفه بس وشو..؟
مزون بأبتسامه وحيا: بس شكله في مراجعه للقرار..
محمد: ممممم.......يعني وشو القرار بيتغير..؟
مزون: ممممممم
محمد: حلو اجل انشاء الله عشانا يوم الاربعاء عندكم...
مزون: اقول يلا بس رجعني البيت
محمد: ليش.؟؟
مزون: لا ليش ولا غيره انا بتكفخ اليوم
محمد: ههههههههههه ماعاش من يكفخك وانا موجود
مزون بهمس: الله يخليك لي يامحمد
محمد: ويخليك لي ياعيون محمد
سمع محمد رنة موبايله وبدى يدوره
محمد وهو يحول نظره بين مزون والموبايل بأبتسامه خبيثه
مزون كانت حاسه نفسها مثل الاطرش في الزفه مع نظرات محمد اللي كانت تتوجه لها بين لحظه والثانيه
محمد: هلا والله بهالصوت جعلني ما انحرم منه...هلا قلبي...
لينه: قلبي في عينك ناطلني وقاعد تتغزل
محمد: ياعيوني انتي والله اشتقتلك مررررره
لينه: ليت من يسطرك الحين مخليني وتقولي اشتقلتك..؟؟؟
محمد وهو يطالع مزون اللي كان مرتفع ضغطها
محمد:طيب ياقلبي انا بجيك الحين..مع السلامه
لينه: يلا خلصني
مزون وهي معصبه:محمد رجعني البيت
محمد وهو ماسك ضحكته:ليش بدري..؟
مزون: اسمع انت مالك حق علي انا غلطت يوم طاوعتك وطلعت معك وصدقتك رجعني البيت
محمد: ليش حبيبتي وشفيك..؟
مزون: حبك برص هالكلام قوله للي تكلمها مولي...رجعني البيت
محمد: ههههههههههههههههههههههههههههههههههه
مزون: ولك عين تضحك رجعني البيت
محمد: هههههههههههههه ترى ذبحتيني رجعني البيت رجعني البيت.......الحين انا وش قلت قاعد اتغزل في اختي..
مزون: اختك!!.......(مزون بعد ما استوعبت)..انت من كنت تكلم..؟
محمد: ههههههههههههههههههه.....كلمي لينه واسأليها
قال محمد هالكمله ومشى بعدها عشان يرجع مزون اللي حست انها في موقف لاتحسد عليه
محمد بأبتسامه: وصلنا يلا
مزون بأحراج: يلا مع السلامه
محمد : مزون
مزون: نعم
محمد: لاتزعلين من حركتي لازم تتعودين من الحين على حركاتي
مزون بأحراج اكبر: مع السلامه محمد..
محمد: مع السلامه عيوني
مزون قعدت تفكر باللي صار وحركة محمد صدق اني غبيه الحين انا ما اعرف محمد وحركاته والله ساره وريم طلعوا احسن مني هههههه
.........................
ساره وهي تركب السياره: السلام عليكم
عبدالعزيز: عليكم السلام...هلا والله
ساره: هلا فيك....وين عبدالله..؟
عبدالعزيز: ياسلام يعني انا مو مالي عينك.؟؟
ساره: ههههههه لاوالله ماليها ونص
عبدالعزيز بأبتسامه: اي خلك كذا مو تقولين وين عبدالله
ساره: هههههههههههه انشاءالله...يلا عاد خلنا نروح..
عبدالعزيز وهو يحرك: وين تبين نروح..؟
ساره: وين بعد بروح البيت
عبدالعزيز: مممممم لامعليش اليوم عاد بنروح بيتنا
ساره: بيتكم!!.....ليش.؟
عبدالعزيز: انا عازمك عندك مانع..؟
ساره: لا عزيز خلها يوم ثاني..
عبدالعزيز: اقول عاد بلا يوم ثاني بلا ثالث.......انتي زوجتي ولازم تسمعين كلامي
ساره بأبتسامه: طيب
..........................
لينه وهي تبتسم وتتكلم من تحت اسنانها: حمود حبيبي ليش جاي بدري؟؟
محمد: انتي قلتي لي..
لينه وهي تعلي صوتها: يمه على البروووود....بيرفع ضغطي
محمد: يوووه...فيك ضغط..؟
لينه: محمد والله مو ناقصتك ياثقيل الدم
محمد: ههههههههههههههههههه
لينه: محمد
محمد: هلا والله
لينه: شفيك اليوم فرحان والوناسه طاقتك...لا وبعد يوم اكلمك مابقى كلمه حلوه ماقلتها وحتى امس فرحان وتعلب معنا
محمد:ممممممم....ما ادري
لينه: علي انا انت وجههك..؟...قول وشفيك..؟
محمد: ههههههههه مزون
لينه: مزون !!...محمد انت.......
محمد: اي انا هههههههههههه
لينه: محمد مو وقت مزحك عاد...انت قلت شي لمزون...؟
محمد: ذكيه على اخوك
لينه: لا والله....قولي وش صار..؟
محمد: ياحبك للقافه
لينه: عليك
محمد: هههههههههه..طيب اسمعي نروح نتغدى انا وانتي برى واقولك السالفه..وشرايك..؟
لينه: طيب يلا شوف لنا مكان نطفح فيه
محمد: ههههههههههه
..........................
دخلت غرفتها ورمت كل اغراضها على الفراش وكانت حاسه انها بتطير من الوناسه
مزون وهي تقعد الكنبه: اااه ياربي واخيررررا...اخيرا محمد عرف اني احبه وهو بعد يحبني اوف الحمدلله
قامت مزون وشغلت التلفزيون وقعدت تسمع اغنية الحب الكبير
مزون: ااه يامحمد وش اكثر احبــــــــــك...
..........................
بعد ماقال محمد لـ لينه كل اللي حصل
لينه: اللــــــه والله طلعت مو بهين..
محمد: احم احم اجل وش تحسبين..؟
لينه: هههههههه اي والله كل هالجرأه من وين جات لك..؟
محمد: سمعي يالينه انا طول عمري جرئي لكن صراحه في هالمواضيع صعب الواحد يتجرئ فيها لكن لما سمعت مكالمتك مع مزون بدون قصد
وعرفت انها تحبني مثل ما احبها هالشي عطاني دافع وجرأه اني اصارحها بحبي لها....
لينه بأشمئزاز: اقووول عاد والله مو وقته الواحد جوعان وانت تتفلسف
محمد: هههههههههههه هذي اخرتها تدرين انا الغلطان عاد
لينه: بس شلون قدرت تقولها هالكلام صدق ماتستحي كلامك مره قوي..
محمد: مالك شغل القوي الكف اللي بيجي على وجهك..
لينه:اي هذا اللي ناقص...
محمد: ههههههههههه ياغيراانه...
لينه: هههههه الله يوفقك
محمد: امين
لينه في قلبها: الله يسعدك يامحمد مع مزون
محمد: لينه وش تفكرين فيه..؟
لينه بحزن: حلو الحب لما يكون صادق
محمد: عقبالك حبيبتي
لينه وهي تغير الموضوع: وين الاكل عاد..؟
محمد: الحين بيجي وشفيك جايه من مجاعه..؟
لينه: ههههههه تقريبا حضرتك كنت لاطعني عشان الانسه مزون
محمد: طلعت الغيره هههههه
تغدوا محمد ولينه وقعدوا يكملون سوالفهم
...........................
ابراهيم: السلام عليكم...
الكل: عليكم السلام
ابراهيم:كيف الحال ياحلوين
العنود: كلنا بخير وينك فيه..؟؟
ابراهيم: ياحيااااااااتي انتي...وشدخلك يا الملقوفه..؟
عهود: يووووه ماعندك لطافه ابد
ابراهيم : خليناها لك
عهود: احسن منك
ابراهيم: اسكتي لا اقوم اكسرك
عهود: والله كان اذبحك
فيصل بنبره حاده: بس انتي وهو......ترى طفشنا من حركات البزارين اللي كل يوم
بعدها ابراهيم طلع لسانه لعهود اللي ردت عليه بيدها وهي تكشها عليه
عنود: هههههههههههه فيصل نبي نسافر
فيصل بتريقه:بس كذا ماطلتي شي......طيب والدراسه..؟..والشغل..؟
عنود: اوف طول عمرنا ندرس ونشتغل وش حصلنا..؟
ابراهيم: اي والله ماحصلنا شي
عهود: تكفى تكفى فيصل نبي نسافر
فيصل: هذا اللي فالحين فيه انتوا
ابراهيم وعنود وعهود: تكفــــــــى
فيصل: بزارين والله العظيم
عنود: تكفى فيصل الله يخليك....بنقعد نترجى فيك يعني..؟
فيصل وهو يقوم : طيب يصير خير اجلوها للصيف
الثلاثه: يووووووووووووووووووووه
فيصل: ههههههههههه خلاص نروح اسبوع ولا كم يوم تغيرون جو...
عنود وعهود: ياهوووووووووووووو
ابراهيم: خلك كذا يابو فهوووود
فيصل: هههههههه يلا بروح اقيل تعبان
ابراهيم: نوم العوافي
فيصل: الله يعافيك يا الدب
ابراهيم: مشكوووور
........................
ام عبدالعزيز : وشذا الصوت....طالع من غرفة مزون
ام عبدالعزيز وهي داخله الغرفه: مزون وشفيك...؟...قصري الصوت وليش قاعده لين الحين ماغيرتي..؟
مزون: سلامتك ياعمري ماااافي شي بس مالي نفس
ام عبدالعزيز: اقول خلصينا عاد غيري ونزلي سلمي على ساره بنت عمك عندنا
مزون: جد..؟...جايه بروحها ولا معاها احد..؟
ام عبدالعزيز: لابروحها يلا عاد...
مزون بأحباط: انشاءالله الحين نازله
ام عبدالعزيز وهي طالعه تذكرت شي واستواقفها
ام عبدالعزيز: مزون
مزون: هلا يمه
ام عبدالعزيز: وش قلتي في موضوع الخطبه...؟
مزون: يمه....الضاهر ما الله كاتب نصيب
ام عبدالعزيز بتنهيده: براحتك يابنتي والله يكتب لك اللي فيه الخير....وانا بقول لابوك رايك
مزون وهي تحب راس امها: الله يخليك لنا يارب ولايحرمنا منك
ام عبدالعزيز بأبتسامه: ويخليكم...يلا لاتتأخرين
مزون: انشاءالله
........................
عبدالله: السلام عليكم
ريم: عليكم السلام
عبدالله: ليش قاعده بروحك..؟
ريم: مافي احد
عبدالله:وينهم..؟
ريم:انا الصبح رحت موعد الدكتور مع اختي مها ورجعت الظهر لقيت خالتي وعمي رايحين بيت اخو بو بدر...ولينه ومحمد راحوا
يتغدون برى وساره معزومه عند بيت عمي بو عبدالعزيز.......
عبدالله: ههههههههههههههههههههههه
ريم: بسم الله عليك.... وشفيك..؟
عبدالله: ااه بس عليك ياريم انتي وطيبتك
ريم: وشفيها طيبتي..؟
عبدالله: سلامتك حبيبتي....ابي اعلق على اللي قلتيه ممكن..؟
ريم: ههههههه علق
عبدالله وهو يقعد مع ريم : سمعي حبيبتي اول شي عبدالعزيز ذا انا اوريه هههههه ثاني شي انتي تنفعين مذيعة نشرة اخبار ههههههه
ثالث شي والاهم مره ثانيه تروحين موعد دكتور تقولين لي لان ما احد غيري مفروض يروح معك رابع شي (وهو يقوم) قومي لبسي
ريم: ليش..؟
عبدالله: اجل ساره ولينه ومحمد يطلعون ويتغدون برى وانتي يابعد عمري تتغدين في البيت وتنحبسين لاوالله مايصير
ريم: هههههههههه ووين بنروح..؟
عبدالله: انتي وين تبين..؟
ريم: ممم ابي ازور اهلي
عبدالله: خلاص انا باخذلي شاور في الوقت اللي تلبسين فيه ونروح نزورهم
ريم بأبتسامه: انشاءالله
........................
ساره: ماشاءالله مزون اليوم مره طالعه حلوه
مزون: شفتي عاد هههههه
عبدالعزيز: اقول لاتقعدين تتميلحين ساره مافي مثلها
ساره وجهها احمر: تسلم
مزون: احرجت البنت ههههههههه... (وهي تكلم ساره )الله يعينك ترى ماراح يخليك اليوم
مسك عبدالعزيز علبة المناديل اللي جنبه ورماها على مزون
ساره: هههههههههه
.........................
بعد مارجع بوعبدالله وزوجته البيت
بو عبدالله: ام عبدالله
ام عبدالله: سم
بو عبدالله: سم الله عدوك......بغيت اكلمك في موضوع
ام عبدالله: امر...
بوعبدالله: لينه في ناس خطبوها مني...
ام عبدالله بقلق: وشرايك فيه..؟
بو عبدالله: اكيد ماينرفض ولا ماكان كلمتك...اللي ابيه منك الحين تكلمين لينه وتقنعينها لان هالولد ماراح ارفضه اول كنا نقول صغيره الحين خلاص...
ام عبدالله بضيقه: انشاءالله
بوعبدالله: يلا انا بطلع ارتاح

بعد اعتراف محمد لمزون بحبه واعترافها هي وش بيصير بيستمرون ولا الظروف بتفرقهم..؟
من اللي خاطب لينه..؟ وهل راح توافق عليه ولا ترفضه..؟
كله بيكون في الاجزاء الجايه
.............................................