برفع راية الإستسلام و بقول أحبك

الساعة 11:00
في غرفة وليد
(وليد): ايوه نور .. ايش فيك؟
(نور): مدري يا وليد .. بس قلبي احسه مطعون مدري ليه
(وليد): الشي متعلق برغد
(نور): ما ابي اكذب عليك بس اذا قلت اني مرتاح منها بكذب
(وليد): ما تبيها؟
(نور): لا لا بس احسها غريبة .. صارت تتصل علي و ترسل مسجات
(وليد): انت تعرف هي من هل الجيل يمكن تبي تعيش قصة حب مثل الافلام و المسلسلات
(نور): المشكلة اني قلت لها اني ما احب هل الحركات .. مدري هي تعاند او تلعب
(وليد): طيب كلمها افهم منها الموضوع
(نور): ما فيه فايده اخر مسج كان جارح
(وليد)بخوف: ايش كاتبه؟
(نور): كتبت اني كذبت عليها و خرابيط و كتبت انها مليون واحد يتمناها و مدري ايش قفلت الرسالة اول ما قريتها
(وليد): طيب كان كلمتها و فهمت الموضوع
(نور): لا خلها تنقلع انا ما ينقال لي هل الكلام
(وليد): دام كذا .. ليه انت متضايق؟
(نور): صعبة والله صعبه اصدق انها الي كتبت هل الكلام
(وليد)قام حضن اخوه: نور انت ما شفت البنات الي اذا مشيت ماتو او قاعد تستهبل
(نور): ههههههههههه قويه
(وليد): ههههههه ايوه اضحك ما عليك .. و بعدين اذا هي مليون واحد يتمناها انت العالم كله يتمناك
(نور): هههه طيب يلا ضايقتك كثير روح نام
(وليد): لا ايش ضايقتني.. اذا ما شكيت لي تشكي لمن؟
(نور)و هو طالع: تصبح على خير
(وليد): و انت من اهل الخير
بعد دقايق
اندق باب غرفة وليد
(وليد)بتعب قال: الباب مفتوح
(...)انفتح الباب: نايم؟
(وليد)ميز الصوت: خير ايش تبي هديل؟
(هديل): ابي اكلمك اشوي
(وليد): بهل الليل اكيد تمزحي
(هديل): لا ما امزح
(وليد)قام و لبس قميصه وراح عند الباب: هديل الصباح يصير خير يلا عاد خلاص
جا بسكر الباب لكن هديل ما خلته
(وليد): انا مو فاضي مثلك استاذه هديل
(هديل): ليه مهتم بمستقبلي؟ ايش دخلك؟
(وليد): انا خايف تخربطي عقل تغريد
(هديل): كذاااااااااااااااااااااااب
(وليد)عصب: الى وين بتوصلي؟
(هديل): الى الحقيقة (وطالعته بنظره غريبه): الي في قلبك
(وليد)فار دمه بس حاول ما يصارخ و قال بتهديد: جرائتك هذي طلعيها على غيري .. و انقلعي غرفتك لا يصير لك شي ما تتوقعيه
(هديل): ايش بتسوي يعني؟
(وليد)قال وهو ماسك اعصابه: هديل روحي غرفتك لا احد يشوفنا و يفهم غلط
(هديل): ما بروح
قطع كلامهم صوت فتح باب
وليد بسرعة دخل هديل الغرفة و سكر الباب بخفيف
(وليد)بصوت خفيف: شفتي ايش سويتي؟
(هديل)بصوت خفيف: ايش مدريني ان فيه احد بيطلع
(وليد): ما قلت لك روحي احين كيف اطلعك من هنا
(هديل)بخوف: اترجاك وليد لا تقول الى ابوي و عيسى
(وليد): لا بقول
(هديل)نزلت دموعها: اترجاك لا تقول لهم
(وليد)بعناد: بقول
(هديل): تكفى
(وليد): لا تقولي تكفى
(هديل): تكفى تكفى تكفى
(وليد): طيب طيب خلاص ما بقول
فتح وليد الباب اشوي يتأكد من الطريق
(وليد): مافيه احد يلا اطلعي بسرعة ولا تسويها مرة ثانية
(هديل): ان شاء الله
وطلعت بسرعة
اليوم الثاني
ام نور قاعده مع وليد
(ام نور): والله فرحني ابوك لما قالي انك تبي تخطب
(وليد)استغرب << نسى الموضوع: أي خطبة؟
(ام نور): لا تقعد تستعبط علي ابوك قالي انك تبي تخطب
(وليد)يتذكر: ايوه صح .. طيب
(ام نور): ايش الي طيب؟.. كيف البنت الي تبيها؟
(وليد): على ذوقك
(ام نور): بضاعة هي ؟
(وليد): اف ماما انا ايش معرفني بهل الاشياء؟
نزلت هديل
(هديل)سلمت على زوجت عمها: اشوفكم تتساسرو خلني اروح عشان ما انطرد
(ام نور): لالالا قعدي
(وليد): ما خلصنا
(ام نور): هل الولد بجنني .. طيب ايش رايك في بنت عمك ليان؟
(وليد): لا لا ماما الا ليان انا اعتبرها مثل اختي و هي صغيره بعد لا
(ام نور): امممممممممممممم
(هديل): طيب صديقت تغريد ريم
(وليد): لا تبلوني بمغرورة
(ام نور): طيب نوف؟
(وليد): ماما تبي تزوجيني اطفال
(ام نور)طالعت في هديل: طيب .. ايش رايك في هديل؟
(وليد)طالع فيها: ما اتحمل مجانين
(هديل): مالت من عقالة عقلك
(وليد): عاقل غصب عنك
(هديل): لا احلف .. قوم اضربني كف اشوفك
(وليد)عصب: اعطيكي كف و انتفك بعد
(ام نور): خلاص انت و معاها
(هديل): الله اعين الي بتاخذك بتنتف شعرها ندم
(وليد): الله اعين الي بياخذك انتي
(ام نور): خلاص
(وليد)وهو قايم: يلا ماما مع السلامة بروح الشركة
(ام نور): طيب الله يحفظك
(هديل): واني مالي مع السلامة
وليد حقرها و مشى
(ام نور): ايش فيه وليد عليكي؟
(هديل): الحقيقة ولا تزعلي بس ولدك ملقوف مو عاجبه اني تخرجت من الثانويه و قاعده في البيت
(ام نور)هي قريبه من البنات و عادي معاهم كأنها صديقتهم: و تعتبري هذي شي عاقل
(هديل): حتى انتي
(ام نور): لا اني مالي دخل فيكي بس جد هذا شي جنوني لا وراكي بيت ولا اولاد
(هديل): اوف خلاص بقدم على الجامعة
(ام نور)ابتسمت: هاه تقومي تطبخي او خايبه مثل تغريد
(هديل): لالالا بقوم اطبخ معك .. بس ليه الخدم ما يطبخو؟
(ام نور): اولاد عمك ما ياكلو من طبخ الخدم

عند فاطمة
قعدت من النوم و طلعت الصالة
(فاطمة)مستغربه: محمد حبيبي ما رحت الشركة؟
(محمد): لا
(فاطمة)خايفه: ليه فيك شي؟
(محمد): لا لا تخافي بس خيابه
(فاطمة): بدينا؟
(محمد): لا بروح بعد اشوي زين
(فاطمة)باست خده: ايوه زين
رن التلفون
(محمد)رد: الو (اتضايق): ايوه ما رحت خير في شي
فاطمة توها تتحرك تبي تروح المطبخ سمعت محمد
(محمد): ايوه انا تمام .. انتي كيفك؟
وقفت فاطمة
(محمد): دام انك اتصلتي على البيت تتكلمي على تلفون البيت اكيد تبي فاطمة .. اها مع السلامة
(فاطمة): من؟!
(محمد)ببرود: ورده
(فاطمة)تحاول تمسك اعصابها: ايش تبي؟
(محمد): تسأل بس
(فاطمة)عصبت: تسأل او تتحرش فيك؟
(محمد)عصب: خلاص فاطمة لا تخلينا نتهاوش
(فاطمة)بدت الدموع تتجمع في عيونها: طيب ليه تعطيها وجه؟ هي اتصلت عشان تغثني و جت الغثه قويه لما انت رديت
(محمد): فاطمة خلاص
(فاطمة)بدت تبكي: احسك تبيها تغثني و انت تغثني زياده
(محمد): فاطمة خلاص سكري الموضوع
(فاطمة): و اتوقع لو اتصلت عليك على الجوال بترد بعد
(محمد): هي في النهايه بنت خالتي
(فاطمة): بنت خالتك الصايعه
(محمد)وقف قدامها و طالعها بنظرات حاده: اسحبي كلمتك
(فاطمة)خافت و قالت بتردد: ما راح اسحبها
(محمد)مسك ايدها بقوه: اسحبيها و تأسفي
(فاطمة): ليه ما ترضى على حبيبة القلب؟
(محمد)عصب بجد و وصل حده: انتي ما يفيد فيكي الكلام .. تبي تنضربي؟
(فاطمة)طالعته بجرائه مع الدموع الي في عيونها:...............
رفع محمد ايده و قام يضرب فاطمة مسك شعرها و قال: و احين بتتأسفي او لا
(فاطمة)وهي تصرخ و تتألم من ضربه: دام ضربتني عشان هل النذلة ما بتأسف ولا يهمني
رجع يضربها بقهر و بعدها طلع من البيت و تركها على الارض تبكي رن جوالها بس هي حاقرته و قاعده تبكي

في بيت ابو نور
(ام نور)خايفه: تغريد ما كلمتي فاطمة اليوم .. ما ترد على الجوال
(تغريد): لا ما كلمتها .. يمكن نايمه
(ام نور)مو مقتنعه: يمكن