برفع راية الإستسلام و بقول أحبك

الكل نظراته على فارس غير ان تغريد نطت في وجهه
(تغريد)بحماس: شنو؟ شنو؟ قول تكلم.. ايش السالفة؟
(فارس)يبعدها عنه: بل ما تنعطى وجه.. عمي خالد و عايلته بتجي الاسبوع الجاي
(تغريد)قامت ترقص و تغني و تناقز و تقول: خلودي بجي .. بشوف خلودي
(نور)معصب: خلودك في عينك.. اصغر عيالك عشان تقولي كذا؟.. اذا شفتك تقولي كذا مرة ثانية بقص لسانك
(وليد)سرحان:.....................
(تغريد): هاه وليد اشوفك سرحان
(وليد)ما انتبه:..............
(تغريد)عند اذنه: وليد
(وليد)بملل: خير؟
(تغريد): ايش فيك؟ .. ليكون عشقان (وتطالع في فارس)
(وليد): اقلبي وجهك مالي خلقك
(تغريد): اعصابك
(فارس)راح جنب نور الي كان يشاهد وقال بصوت خفيف: ابي اكلمك في موضوع
(نور)وعيونه على التلفزيون: قول موضوعك
(فارس): لا مو هنا
(نور)طالع فيه: و احنا متى صرنا نغبي على بعض
(فارس): مو قصد بس يعني ...
(نور)قاطعه: طيب خلاص بعد ما يخلص الفيلم
(فارس): يعني الفيلم اهم من اخوك؟
(نور)ابتسم: تستعبطني مع وجهك .. طيب اسبقني غرفتك
(فارس): طيب
في غرفة فارس
فترة ظلو ساكتين
(نور): ايوه هذا موضوعك السكوت
(فارس):..........
(نور)جا بيطلع من الغرفة: حطه بحث لك في الجامعة طيب
(فارس): لا لا بتكلم
(نور)وقف و لف له: ايوه
قال له سالفته مع سمر
(نور): اسمع سالفة انك حبيتها طيب .. بس انك تطلع معاها و تروح و تجي لا صراحة انا ما احب هل الحركات و لا احب احد من اخوتي يسويها
(فارس): طيب انا ما طلعت ولا جيت بس ابي احد يفهم الموضوع و يوقف معاي
(نور): كيف يعني اوقف معاك
(فارس): ابيك تكلم ابوي ..و تقنعه يخطبها لي على الاقل بس كلام ما ابي البنت تروح مني
(نور)طالعه و بتسم: طيب بكلمه
(فارس): اممم نور ليه لين احين ما خطبت رغد؟
(نور): هذي سالفة ثانية
وطلع نور من الغرفة

بعد ساعتين وصلت فاطمة و محمد بيت ابو نور
و قعدو اسولفوا وبعدها راحت فاطمة و محمد بيتهم
في بيت محمد
(فاطمة)وهي متمدده على السرير: حمادي بكره بتروح تداوم في شركة ابوك؟
(محمد): ايوه
(فاطمة): طيب الصباح وصلني بيت اهلي ما ابي اقعد بحالي
(محمد)طالعها و بتسم: اذا ما تعودتي احين شنو بتسوي بعدين
(فاطمة): يعني ما بتوديني؟
(محمد):بس ارجع و غداي جاهز
(فاطمة): و بتشوف البيت يلمع من التنظيف بعد
(محمد): دام كذا عادي
(فاطمة)قامت و باست محمد على خده: احبك
(محمد)رد لها البوسة: و انا اموت فيكي

اليوم الثاني
في بيت ابو نور
تغريد كـالعادة نايمه
و وليد راح الشركة
و نور بعد راح الشركة
و فارس يفرفر في الانترنت
و فاطمة تكلم رغد
(تغريد)نازله على الدرج: صباح الخير
(فارس _فاطمة): صباح النور
(فاطمة): ليه قعدتي كان ظليتي نايمة بعد
(تغريد)قعدت جنبها: استحيت قلت اختي تحت بحالها.. معنى مفروض ما افكر في هل الكلام البايخ لانك مو غريبه
(فاطمة): زين خلاص فهمنا
(تغريد): فارس ايش تسوي؟
(فارس): مالك دخل يالملقوفة
(تغريد)تطالع في فارس وهي تكلم فاطمة: فطوم ابقي اليوم صديقاتي بجو
(فاطمة): لا لا ابي ارجع البيت قبل ما يوصل محمد
(فارس)بخبث: تخافي منه؟
(فاطمة)طالعته و رفعت حاجب: ليه جني مثلاً؟ .. اخاف يزعل لانه قال قبل ما يجي البيت اكون موجودة
(تغريد): اف .. متى يجي الاستاذ هذا بعد
(فاطمة): من؟
(تغريد): زوجي .. طول .. اذا جا بسكر الباب في وجهه
(فارس): ههههه ليه ميت عليكي يعني؟
(تغريد): يعني انت الي مايتين عليك
(فاطمة): ايش السالفة؟ ليه ترمو كلام على بعض؟
(تغريد): ولا شي .. متى بصير خالة؟
(فارس): هههه هذي الي بشيبك في شبابك
(فاطمة): تغريد ايش فيكي؟ متحمسه
(تغريد): ايوه ابي العب فيهم
(فاطمة)وهي معصبة: ليه قالو لك اولادي العاب عندك
(تغريد)تستهبل: انقلعي انتي اولاد اختي او اولاد اختك
(فاطمة): اف اقوم اروح بيتي افضل
(تغريد): امممم دريتي ان خلودي بجي الاسبوع الجاي
(فاطمة): خلودك بعد .. ماما تراه عمك
(تغريد): عمي و بدلعه كيفي
(فاطمة): الله و النبي يحيهم .. اف قولي للسواق يقوم يوصلني البيت
(تغريد): قومي انتي .. او تدري .. سيتي <<الخدامه>> سيتي
(سيتي): نعم ماما
(تغريد): قولي للسواق اقوم اوصل فاطمة بيتهم
(سيتي): حاضر
راحت فاطمة البيت
(تغريد): فروس
(فارس): فروس في بطنك .. نعم؟
(تغريد): صديقاتي بجو
(فارس): ايش اسوي لهم .. حفل استقبال مثلاً
(تغريد): فارس ايش فيك على مثلاً قاري نكت عزيزي؟
(فارس): مالك دخل جايه على بالي
(تغريد): اقول لك صديقاتي بجو
(فارس): و يعني؟
(تغريد): اف وين حماسك لسمر ولا خلاص؟
(فارس)طالعها و فجر ضحك: هههههههههههههه لا مو خلاص بس ماسك نفسي
(تغريد): طيب قوم ودني السوبر ماركت
(فارس)رفع حاجب: احين كل السواويق الي في البيت و جايه تقولي لي انا.. ليه جايبينهم نلعب معاهم مثلاً
(تغريد): ترضى اروح مع السواق بحالي؟
(فارس): عشان اقطع رقبتك و رقبته .. روحي مع وحدة من الخدم .. وبعدين انتي من اقرب عليكي..ما شاء الله عن الف رجال .. طويلة اللسان
(تغريد)اخذت الخداده و رمتها عليه: طيب خلاص فهمنا ما يحتاج محاضرة
و قامت
مرت نصف ساعة و ندق جرس الباب
(فارس)وهو يفتح الباب و كشر: اهلين
(...)بدلع ماسخ: اهلين تغريد موجودة؟
(فارس)بملل حتى ما يطالع في وجها: لا بس ادخلي اشوي و ترجع
(...)وهي تدخل: مشكور
فارس مشى بدون حتى ما يرد
و بعدها رن الجرس بس الخدامة فتحت الباب
و اخر مرة فتحه فارس
(فارس)و الابتسامة شاقته: اهلين بروحي والله اشتقت اشوفك
(سمر)بحيا: تغريد هنا؟
(فارس): ايش لك تغريد خليكي معاي
(سمر): لا واوقف لك في الحر
(فارس): ما تصير عشاني
(سمر): خلاص فارس شفتني خليني اروح
(فارس): ما تكلمنا شي
(...)بصوت حاد: فروس استحي وخلي البنت تدخل
(سمر)انخطف لونها من الخوف:.............
(فارس): لا تخافي هذا اخوي نور قلت له البارحة عشان ترتاحي
(سمر): يعني احين ادخل؟
(فارس)عطاها وردة حمرة: احسبي احسابك غرفتك بتصير كلها ورد
(سمر)ابتسمت اخذت الوردة جت بتدخل لكن فارس وقف قدامها فهي عصبت: نور شوفه مو راضي يخليني ادخل
(نور)كتم الضكة: خلها تدخل لا تموت هنا
و دخلت
(فارس)اطالع في نور الي قاعد يضحك: ايش فيك؟
(نور): هههههههههه ههههههههه لا هههههههههه لالا بس حسيتها طفلة هههههه
(فارس): اه احبهااااااا
(نور)دخله البيت: زين فهمنا