اذا غرورك يمنعك تعتذر لي تعال جمبي وابتسم لي واسامح

البارت الرابع عشر 14

أنا ماهمني
حزني
ولا أني للفرح مشتاق بس ليه يادنيا اذا جيت بضحك تبكيني


وصل نواف وعبير للفندق ..

عبير جواها مشاعر مختلطه مابين خوف ومابين فرح

فرحانه لانها اخذت شخص تحبه ويحبها ..

وخايفه من كونها معاه لوحدهم وهي اللي ما تعودت على هالشئ

دخلت برجلها اليمين زي الافلام ...

ابهرها ديكورات الجناح .. كان جناح للعرايس ..

دخلت وجلست على الكنبه اللي قدامها في تلفزيون ..

عبير بقلبها " يوووووه ياهو جسمي مكسر اخيرا جلست "

فز قلبها لما شافت نواف دخل مع الباب خافت ومن الارتباك وقفت ..

قرب منها نواف شوي شوي وكانه يلعب باعصابها ..

عبير كانت منزله راسها وتطالع الارض ..

قرب نواف وباصابعه البارده على وجهها الحار رفع لها راسها

اتلاقت نظراتهم مع بعض ..

عبير تناظرة بعيون مليانه خجل وحب ..

وهو نظرات خبث وكبرياء ..

نزلت عيونها عبير بسرعه قبل ما تقرا وش فيها عيونه .. بس قطع هالصمت وانفجار المشاعر الغريبه بينهم

صوت الكف اللي علم على وجه عبير ...

عبير رفعت يدها على خدها وتلقائي نزلت دمعه منها .. رفعت راسها وشافت نواف اللي بحياتها ما شافته

نواف وهو معصب وواصل حده : هذا على شان الكف اللي عطيتيني اياه من زمان
عبير فتحت عيونها على الاخر

راح نواف وشدها من يدها ودخلها الغرفه ورماها على السرير وهي مصدومه ومو قادرة تستوعب اللي صار ..

جالسه تقول بنفسها لا اكيد حلم اكيد قومي ياعبير ولا تخربين احلى ليله بعمرك قومي من النوم قومي

وقف قدامها نواف بكل هيبته وكبريائه .. كان بالنسبه لها ضخم

قال بصوته القوي : افصخي فستانك ..

قامت عبير بسرعه من السرير وصرخت فيه : خير انت انجنيت ..

نواف عصب منها حيل عطاها كف ثاني اقوى من الاول: احترمي نفسك ولا ترفعين صوتك فاهمه ..

عبير بصراخ: لآآآآآآآآآ انت اكييد انجنيت

ولفت عنه بتطلع ..

مسكها من ذراعها وغرس اظافره بيدها وهي تصرخ : اي نواف ايدي ..

نواف ويتكلم وهو راص على اسنانه : انا اللي بربيك يابنت ابوك ..

ويجدعها على السرير وهي تصارخ : اتركني يامجنون .... آآآآآآآآآآآآآآآآآآآآآهــ .....

نــــــــــــــــــــــــــــــــــــــــــووواااا اااااافــــــــــــــــــــــــــــــــــــــــــ


.................................................


:ألووو

: هلا وغلا .. ويا مرحبا تو بس ما نور الجوال ..

: ثامر ..

ثامر: ياعيون ثامر ..

نورة: حرام عليك ترى والله استحي حيييل

ثامر: وااااي ياربي من هالبنت بتذبحني والله بتذبحني

نورة : حرام عليك انا وش سويت

ثامر: سحرتيني .. علقتيني بحبك .. خليتيني ما شوف بهالدنيا غيرك ... وبدا يصارخ .. أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك أحبــــــك ...

نورة : بس بس خلاص دريت

ثامر بخبث: دريتي بايش ..

نورة : يووووه ثامر ..

ثامر : يالبى بس .. قولي لي طيب دريتي بايش ؟؟

نورة وبصوت من كثر الحيا اختفى : انـ ..ك تح........

ثامر: اني وشو ؟؟

نورة : يووووه خلاص عاد

مات ثامر من كثر الضحك .. ونورة وجهها قلب طماطم من ضحكته حست ان دقات قلبها وصلت لمسامعه من قوتها ..

ثامر : أحبــــــك

نورة وبكل حيا : وانا بعد

ثامر : وانتي ايش ؟؟

نورة بطفش : رجعنا ؟؟

ثامر: ههههههههههه خلاص خلاص لا تزعلين .. ماقوى على زعلك .. بس ترى أحبــــــك

نورة مو قادره تتحمل تحس ان قلبها راح يوقف بسببه: امي تناديني بروح اشوف وش تبي

ثامر : طيب .. الله معك وانتبهي على نفسك

نورة : ان شاء الله

ثامر : نورة نورة

نورة : سم ؟؟

ثامر: أحبــــــك

نورة : هههههه مع السلامه

ثامر : مع السلامه

سكر منها ثامر وهو طاير من الفرح .. ما يدري وش اللي تغير ولكن عاجبه هالتغيرة .. بدا يحس ان نورة تحبه مثل ما هو يحبها .. حاس ان في شئ غيرها بس مو عارف او بالاصح ما يبي يعرف اهم شئ عنده انها صارت متربعه بقلبه وعقله

...............................

نوف صارت انسانه ثانيه ..

صارت كئيبه .. مملة .. دايم حزينه .. نفسيتها زفت من بعد اخر مكالمه مع بدر .. تغيرت مشاعرها اتجاهه بدت تشتاق له .. وكانها حبته .. كانت اخر مرة سمعت صوته فيها من قبل اسبوعين .. كان يترجاها تسامحه وهي مطنشته .. اشتاقة له .. كانت تقول بينها وبين نفسها اه بس خل يرجع .. انا راضيه بملاحقه لي وتهديداته .. كنت احس اني مهمه بحياة شخص .. حبيت فيه معرفته بكل تفاصيل حياتي كبيرها وصغيرها .. ماقد احد اهتم فيني هالكثر .. اه منك يابدر ارجع لي .. ماراح اسامحك بسهوله .. ولا راح اغفر لك .. راح اعذبك اكثر واكثر .. بس بعدين راح اسماحك واعطيك كل الحب .. بس لازم اذوقك من مر كاسك ..

مسكت جوالها ودقت عليه .. بس للاسف كالعاده مغلق ..

نوف: اوف صار له من بعد اخر اتصال وهو قافل جواله

قامت من سريرها وولعت الاستريو وطلعت لها اغنيه راشد الماجد اجيبه

.
" لا تقولوا مقدر أجيبه000لاتقولوا هذي صعيبه
أجيبه يعني اجيبه 000 لو كان تحت الحراسة
ودانه ودانه دانه000 ودانه ودانه دانه
أجيبه يعني اجيبه 000 لو كان تحت الحراسة
بحط عيني بعينه 000يشوف زينه وشينه
والله لسدد له دينه000 مغرورياقو باسه
ودانه ودانه دانه 000ودانه ودانه دانه
أجيبه يعني اجيبه 000 لو كان تحت الحراسة
بحط راسي براسه000 وأذوقه مر كاسه
جاهل بأمور الغرام000مايقدر أهله وناسه
ودانه ودانه دانه 000ودانه ودانه دانه
أجيبه يعني اجيبه 000 لو كان تحت الحراسة "



وخطرت ببالها فكرة جهنمية

وطلعت جوالها وبدت تدور بقائمة الاتصالات الواردة ..

مالقته نوف بخيبت امل : اووف بس انا متاكده انه دق علي مرة منه .. خل ادور مرة ثانيه

جلست تدور من جديد وهالمرة شوي شوي ...

نوف " ايوة لقيته "

دقت عليه .. رنه .. رنيتين .. ثالث .. عشر >>مارد

نوف : اووووووووف

ورمت الجوال على السرير من القهر

الا كلها ثواني وجاها اتصال ..

ركضت طبت على السرير وردت : الوووو

: اهلين .. من معي

نوف : احم .. انا ... انا ابسال انت فهد .. صدييق اممم بدر

فهد وفوق راسه علامات استفهام : اي نعم وصلتي بس من انتي ؟؟

نوف: امم مو مهم من انا .. بس انا حبيت اسال عن بدر لانه له اكثر من يوم مقفل جواله

فهد بلعانه: شلون مو مهم .. لو هالصوت الحلو مو مهم .. اجل من المهم

نوف " اوف بدا حركات المغازل" : فهد .. لو سمحت طلبتك .. وينه بدر

فهد وهو يتافف: بدر مسكين هالبدر .. هج من البلد وتركها .. بخيرها وشرها

نوف بصدمه: ليــــــــــه و شلووون

فهد: مادري عنه قبل اسبوعين جاني وهو حالته يرثى لها وقالي انه بيروح يمسك شركات ابوه برا .. وماعاد يبي بهالبلد احد دام اللي يبيه ما يريده

نوف بصدمه مو قادرة تتكلم

فهد : الووو

نوف: مع السلامه

وسكرت بوجهه


مرت الأيام والحلم أنهدم
لو ندمت الحين وش يفيد الندم..
مابقالي شي غير الله يعينآه لو أرجع بعمري كم سنه ..
كان أصير أنسان ثاني مو أنا
كان أصلح كل غلطات السنين ..
أرتكبت أخطاء بس الله ستر
وأتخذت اسوء قرارات البشر..
كان لي قلبين مبسوط وحزين
ناسي كنت أفهم نصايحهم غلط..
شرهم مع طيبهم فيني أختلط
أكتشفت الحين أنهم طيبين..
ليتني أقدر أرد اللي رحل
ولا أمحي بيدي كل اللي حصل..
آه يا كبر السما وكبر الحنين
خايف الأيام تتوقف هنا
خايف ارحل قبل ماذوق الهنا
خايف تكون اخر أنفاسي أنين
مرت الأيام والحلم أنهدم
.............................................

" نسيت حبي لك في ثواني
نسيت كل الشوق والأماني
بسهوله حبيت غيري
خاين وبسببك أنا أعاني"


كان حيلها منهد من بعد زواج اخوها .. بدلت ملابسها ودقت على نوف وقالت لها بجي انام عندك بعد شوي .. كانت نوف جالسه تكلم فهد بنفس الوقت اللي ريم كانت تغير ملابسها استعدادا لانها تروح لبيت عمها

لبسه بجامتها البرمودا البينك ولمت شعرها وكان طالح مرة حلو وخصوصتا بعد ما فكت الحشوة والكلبسات .. ومسحت المكياج .. وصار بقايا الكحل تحت عيونها مما زادها جاذبيه اكثر..

لبست شوزها ونزلت من الدرج فتحت الباب .. لفحها هوا بارد طير شعرها .. ارتجفت شوي .. ثم لمت يدينها لصدرها ومشت .. وهي تمشي بالحديقه شافت دخان .. كان في احد جالس يدخن بالحديقه .. مشت على اطراف رجلينها تبي تشوف من هذا اللي جالس يدخن ..

وقفت ورى شجرة وكانت الكارثه ...........................!!!

" ريان يدخن لا .. كيف ... وشلون ... ومتى .... "

خافت انه يشوفها فرجعت على ورى تبي تروح بس دعست على جذع كان مرمي بالارض فطلع صوت .. التفت ريان لمصدر الصوت .. وبحركه سريعه رمى السيجارة ودعسها برجله .. وتحرك بسرعه لعند الصوت .. وشاف ريم ماسكه رجلها متالمه وهي تحاول تهرب من دون محد يحس .. ماكانت منتبهه للي واقف وراها .. جلس يتأمل كل شبر فيها وكانه ماعاد يشوفها مرة ثانيه ..

الصوت خان ريان .. وقال: كيفك ريم ..؟؟

وقفت ريم مصدومه لفت شوي شوي .. كان واقف وراها على طوول .. تلعثمت ماعرفت وش تقول .. لفت تبي تركض .. بس هو كان اسرع منها ومسك لها يدها

ريان: ليه تهربين مني ياريم ؟؟

ريم وهي تحاول تفك يدها ولكن للاسف ماسكها بقوه : اتركني ..

ريان : لا ماراح اتركك لين تفهميني هاللي جالسه تسوينه هذا وشو ؟؟

ريم وهي تجر يدها واخيرا قدرت تفك يدها من قضبته : خلاص ماعاد بيني وبينك كلام ...

ولفت تبي تروح ...

ريان : اسمعي ياريم .. انا بحياتي ماحبت وحده كثر ماحبيتك .. انتي حلم طفولتي .. لا تدمرين هالحلم .. على شان غيرتك اللي مالها داعي ..

لفت ريم بقوة عليه وهي معصبه : غيره ..!!! –ضحكت وقالت- صدق ماراح تتغير ..

وركضت لبيت عمها .. دخلت ومشت لين ما وصلت للدرج ومسكت الدربزين وجلست عليه وبدت تبكي وتبكي وتبكي بصوت مكتوم وهي مغطيه وجهها بيدها ...

ماحست الا باليد اللي تطبطب على ظهرها .. رفعت راسها بسرعه .. وانرمت بحظن نوف ..

نوف وهي تمسح على ظهرها : بس ياقلبي .. تعالي ..

واخذتها لغرفتها .. وهم بالغرفه بعد ما هدت ريم

نوف : حبيبتي .. لا تكدرين عمرك .. والله ياريم اني كرهته .. وكرهت كل الرجال من بعد اللي سواه فيك

ريم وهي تشاهق : ماسمعتيه وش يقول لي قبل شوي .. قال ايش .. وتقلد صوته .. لا تدمرين حبنا على شان غيرتك اللي مالها داعي

نوف : اه بس منه .. ودي افقع له وجهه .. هذي مشكلتهم الرجال .. يغلطون ويحسبون نفسهم بريئين .. ومايبون احد يحاسبهم .. ولكن انتي لو غلطتي تشوفين .. هم اول من يحاسبك .. لا ويظلمون ويحكمون قبل ما يسمعون لك ..

ريم وهي تنسدح على فراشها : صدق الدنيا غريبه .. قبل كم شهر كنا .. عنتر وليلى .. روميو وجوليت .. بس اللحين .. اعوذ بالله .. مانقدر نظل اسبوع الا ونتهاوش فيه

تعدلت ريم بسرعه وقالت : الا وش صار معاك انتي وبدر .. اعذريني التهيت عنك هالفترة ..

وجلسوا يحكون لبعض ويشكون همومهم .. لحد ماناموا

..................................................

اما عند وليد وسارة عصافير الحب ..

وليد: هممم سوسو وش قلتي ..

سارة : مادري؟؟

وليد: وش شلون مادري .. انتي تبين تتزوجيني ولا لا ..

سارة وهي ميته خجل: اكيد

وليد: طيب وش المانع

سارة: وليد انت للحين ما كملت جامعه

وليد: حرام عليك اتقي الله فيني ... ماباقي لي الا ترم واحد بس مثل نواف وثامر .. وشوفيهم نواف ماشاء الله تزوج .. وثامر متملك وزواجهم قبل الدراسه باسبوع يعني باقي له اسبوعين ..

سارة: امم خلاص طيب .. تعال اخطبني من اهلي .. ونشوف

وليد طار من الفرح : احلفي..

سارة : ههههههه .. اي بس ها .. ملكه بس وبعدين الزواج

وليد: لا عاد حرام عليــــــــــــك .. ابي ملكه وزواج مع بعض

سارة: لا مجنون .. زي ما قلت لك ملكه اللحين وبعد التخرج الزواج ..

وليد: امري لله .. حكم القوي ..

.
" يادمع عيني خف جرحت عيني .. والعين تبكي خوف تفقد بصرها

كف يادمع ما ودي انك تجيني .. بنسى عسى نفسي تدارى خطرها

ودي الصبر والوقت يرحم انيني .. والنفس من ذا الصبر تجني ثمرها

ياغير صبري مل والله يعيني .. والروح تبكي ظايقه من صبرها

هو صاحبي كفى ودمر سنيني .. كان الامل كان لحياتي عمرها

كان الوفا والشوق يموت فيني .. هو دنيتي من هم عيوني نظرها

هو غايتي هو راحتي هو ضنيني .. هو مهجتي بالحب نفسي غمرها

ياحيف وقتن حال بينه وبيني .. وتبدلت الاحلام لحظه سفرها

واللي انكتب وان صاغ وسط الجبيني .. لابد هالايام تكشف خبرها "


جالسة بارضية الخزانه وقافلة على نفسها .. تبكي كل شئ صار لها .. تبكي ..اخوها اللي سافر

ماتدري عنه.. تبكي ابوها اللي عايش حياتك كل يوم مع زوجه جديده وناسيها .. تبكي امها

اللي رمتهم ولا عاد سالت عنهم.. تبكي حظها مع نواف اللي جرحها اليوم اكبر جرح شافته

بحياتها.. تبكي على اللي صار لها من ذل واستحقار وتعذيب .. شافت يدها اللي مليانه كدمات ..

مسكت خدها اللي مولع نار من الكفوف .. لمست شفتها اللي مشقوقه نصين .. بكت اكثر واكثر

.. بكت مصيرها المجهول مع هالشخص اللي تحول كالوحش .. بكت العذاب والالم اللي لحد

اللحين ما شافته .. صارت تبكي من اللحين على شان تجهز نفسها لاي صدمه بتقابلها بحياتها

.. بكت وبكت وبكت وهي تلم جسمها العاري بالشرشف اللي لقته بالخزانه .. حست نفسها

اليوم بنت شوارع .. حست نفسها .. قذرة ووسخه ..

طلعت من الخزانه شوي شوي .. شافته نايم على السرير بهدوء وكانه بريئ ما سوى شئ ..

آه دمرتني يانواف .. كان بحياتي آمل اني اعيش معك باقي عمري مرتاحه .. بس الظاهر ان مكتوب علي بهالدنيا الشقى

ليه ياربي لـــــــيه .. ثم تنهدت .. استغفر الله استغفر الله اللهم لا اعتراض على حكمك .. اللهم لا اسالك رد القضاء ولكن اسالك اللطف فيه ..

كملت طريقها للحمام دخلت .. وقفلت وراها الباب وفتحت المويه وجلست تحتها .. يمكن تقدر

تمحي كل اللي حصل لها بهالساعات القليله اللي قضتهم وكانوا من اتعس لحظات حياتها ..

رفع راسه وهو يشوفها تقفل الباب .. قام وتعدل ..

" مادري ليه كذا ياعبير .. مادري .. كل ماحاولت اقرب منك الاقي نفسي تلقائي يحاول ياذيك ويعذبك .. آهـ قد ايش انك رقيقه وجميلة .. انا ماستاهلك والله .. اسف .. اسف يالغلا ... اسف "

قام من السرير ولبس ملابسه وطلع برا الجناح ..

قامت عبير من المويه ماتدري كم من الوقت ظلت .. ولكن طولت مرة .. شافت الشباك النور

دخله من زمان .. لفت عليها الفوطه وطالعت وجهها بالمرايه وانصدمت .. خدها مورم لونه

ازرق .. وشفتها متجمع فيها الدم ومنتفخه .. وكتفها ويدها كلها كدمات .. ضحكت على نفسها

وقالت .. والله لو جالسين نلعب مصارعه ههههه .. صدق المثل اللي يقول كثر الهم يضحك ..

غسلت وجهها بالمويه البارده ثم طلعت .. شافت الساعه لقتها 8 دارت عيونها بالغرفه مالقته

فيه .. احمدت ربها .. وفتحت شنطتها وبدلت ملابسها

لبست فستان صيفي ناعم لونه ازرق سماوي وفكت شعرها وجلست تنشفه بالستشوار ..

وحطت جوا عينها كحل ازرق ومن برا كحلت عينها على خفيف ..

قامت من التسريحه وراحت للمطبخ فتحت الثلاجه لقت فيه صحن فواكه .. اخذت لها موزة .. وجلست تاكلها على الكنبه قدام التلفزيون .. الا شوي وينفتح الباب ويدخل نواف .. ابدا مارفعت عيونها وشافته .. كله تناظر بالتلفزيون ..

قرب شوي منها وقفت جنبها .. وضل فترة كذا ومن ثم راح للغرفه وسكر الباب .. كانت خايفه عبير .. لايسوي لها شئ .. ولا يضربها زي امس ..

قامت وشالت قشر الموز ورمته بالزبالة ثم رجعت وعلت الصوت على التلفزيون كانت مسرحيه لطارق العلي ..

كان نواف بغرفة النوم مو عارف وش يسوي .. جالس يروح ويجي بالغرفه .. مايدري يطلع

يعتذر منها .. ولا يخليها بكيفها .. ولا وشو ... اووووف ياربي .. الا شوي ويسمع صوت

ضحكتها .. غصب عليه ابتسم .. وقرب من الباب وسند راسه .. وجلس يسمعها وهي تضحك

وهو كان يبتسم على كل ضحكه تضحكها .. وكان ضحكاتها ترجع له روحه اللي ضاعت امس ..

ماكان حاب ضعفه قدامها امس .. ماكان يبيها تصير اقوى منه .. مايبيها تتملكه .. شلون حرمه

تسوي فيه كذا وهو اللي كان يعذب قلوب العذارى من الثقل .. اللحين صار ضعيف قدامها .. من

اول مادخل الجناح امس وشافها قلبه فز بقوة وكانها تسمع دقاته .. حس بكره لنفسه .. شلون قلبه

حبها .. شلون قدرت تملكه .. لا انا مو ضعيف على شان حرمه تملكني .. حب يوريها انه مو

ضعيف .. عطاها كف .. على شان يذكر نفسه بكفها وبكرهها .. ولكن لا مازال شعور هالضعف

يتملكه .. جرها للغرفه .. وصارخ عليها يبي يحسسها بضعفها على شان هو يحس بقوته ..

ولكن برضوا صرخت عليه وكانها عارفه بانه ضعيف قدامها .. ضربها كف ثاني .. يمكن

هالمرة يحس بالقوة من جديد .. ولكن لا كل ماله قلبه يتعلق بعيونها .. كل ماله قلبه يعلن

استسلامه لها .. لا مو نواف اللي يستسلم ...لا جرها للسريروضربها وضربها واخذ اللي يبيه

.. يبي يحس انه رجال .. يبي يحس انه قوي .. مو ضعيف .. حس بضعفها وقتها .. وحس

بجبروته .. ارضى ذاته وارضى رغبته ...

ولكن ما ان سمع صوتها وهي تبكي داخل الخزانه .. رجع له شعور الضعف ولكن هالمره

اسوء يصاحبه .. شعور الندم .. حس قد ايش هو تافه .. وقد ايش هو حقيير .. حطم قلبها في

ليلة عمرها .. ماقدر يتحمل شعوره بالقرف من نفسه .. طلع من الفندق .. ومارجع الا قبل شوي .. وليته مارجع .. رجع على شان يشوف اجمل لوحة فنية فيها ابداع الله الخولقي .. فيها الجمال اللي كل نساء العالم كانوا يتمنونه .. تشوهت ومن مين .. من اللي ملكة قلبه

.................................................. ..................