رواية سعوديات بعروق أيطاليه

(28)

حجرف جالس في الإستـــراحـــه ...

و مازالت " العــنود " تزعجه بكثر إتصالاتها ...

حجرف : هههههه ياليل وش اسوي معها تعبت والله ما تمل المشكلة اني البارح مهزيء ربعها

نواف : لا تكون اللي لزقت فيك بس

حجرف يبتسم : ماغيرهاا ههههههههههه

نواف : اجحدها بس

حجرف : ياخي مدري بس احس ا ن وراها شيء بس مادري ايش

نواف : هي ماقد شافتك صح

حجرف : لا

نواف : لو هي شايفتك كان قلنا تعلقت ومن هالحكي بس المشكلة انها ماتدري عن هواء شكلك يعني مثلا

افرض لو انك كويحه

حجرف : خخخخخخخخخ الظاهر قرار الإبتعاث اللي من تحت راس الحكومة ابوي و اخوانه لحس مخك

نواف : أي والله قاهريني هههههههههه تقول على راسهم انا

العنود تدق للمرة العاشرة يمكن

نواف : يااما ترد او تقفل جوالك ترى عجزت اركز بالمباراة !

حجرف : برد بشوف وش تبي بس غثتني لها شهر تقول بشوفك بشوفك

نواف : طيب شفها فكنا منها يمكن يطيح مابراسهااا هههههههههه مع اني ما اظن

حجرف : هههههه احم احم مشكور طال عمرك ادري اني حلوو ....

نواف : يجاملونك ترى وياقلبي المرجلة ميب بالأشكال

حجرف : خخخخ بس رحمتك والله يالله بالاذن

حجرف : هلا

العنود وطبعا وهي متسنده على طارق : اهلين قلبو وينك ماترد

حجرف بإمتعاض : والله موجود بس مالي خلق

العنود : افااااااا مالك خلق تحاكي عنودهـ

حجرف بملل : والله بيني وبينك متضايق مالي نفس

العنود : افا وش فيه الحلو متضايق طيب خلينا نشوفك ونبسطك إن شاءالله

حجرف ( ياليل التبن وشذا اللزقة ) : نشوفك نشوفك

العنود تناظر طارق اللي يقولها بإشارات : اوكي قلبه يوم الأربعاء الجاي وش رايكـ !

حجرف ( وربي إن هالبنت وراها شيء بس مدري وشو ) : الأربعاء الأربعاء بإذن الله

العنود : بشتاق لك قلبو

حجرف : مي تو

مرـرـرت الأيام تجر بعضها ....

يوم الأربعاء ....

سلمان جالس عند حجرف ويبدو ان حالة الإستسرسال بالشعر ماسكه معه ...

حجرف يفكر في العنود ...؟؟؟

فجاءة ولعت فوق راسه لمبه " جته فكرة يعني "

مسك الجوال و دق على محمد اللي بالخبر

حجرف كلم محمد و وضح له السالفة

محمد : ابوك يالولد اقوول اسكت بس لا تدري زوجتي تزنطني

حجرف : بعدين تعال ترا ملاحظ انك خاق وبقوة مع زوجتك لا يكون بس السعودية كلها محد تزوج غيرك

محمد : اعوذ بالله منكم قل هو الله أحد البارح نايف و اليوم أنت

حجرف : أي وش علي تزوجت وانت صغير نايف تؤأمك مابعد تزوج للحين

محمد عصب : ياليل التبن اسمع ضف وجهك

حجرف : سوووري اسف

محمد : ناس ماتجي إلا بالعين الحمراء

حجرف : فيك خير هالعين الحمراء مدري التركواز طلعها على زوجتك

محمد : لا ابوك ولا ابو من عطاك وجه يالـــ..

حجرف قاطعه : هههههههههه امزح وربي امزح

(( اقنعه حجرف أنه يروح يشوف العنود على اساس انه حجرف .. ووصاه يكشخ على آخر ستايل و يكون

راقي جدا ... ويبيه يشوف وش آخرتها معه ..))

محمد و علامات الرهبة بينت عليه لانه ياقلبو مو متعود يودي زوجته لاهلها من دون ما تطلب هي

عبير : يا سلام أي قول انك بتروح البحرين قول

محمد : غبي هانتِ ياقلبي لو بروح البحرين اخذتك ورحنا سوا اروح لوحدي هناك وش اسوي يعني

عبير بنظرة شائكة : اللي مطمني اني خابرة قلبك ومشاعرك بس

محمد عصب من الرهبة : يالله بس انجزي عشان ما نتأخر ترى صديقي على وشك مابقى عليه إلا نص ساعة

عبير نزلت عند اهلها .....

حجرف دق على محمد

حجرف : هههههههه خلك عادي ريلاكس

محمد : وش قالوا لك وجه ابن فهره مثلك متعود منيب متعود مثلكم المهم وين خويتك ذي ..؟

حجرف : يالله دقت علي من شوي تقول انها عند بنـدهـ

محمد بعصبية : ياليل التبن بنده قدام الهيئة عاد وربي لو يصير لي شيء لا ألعن شكلك

حجرف : ههههههههههه لا تخاف يامحلاتك والهيئة ماسكينك عني انا عبير بتجحدك والروحة لاهلها هي

الروحه

محمد : اهب يا وجهك تدري كيف يالله اذلف خلاص

حجرف : لا تنسى المهم واضبط الوضع ومثل ما خططنا بالحرف الواحد واذا شفت معها برجل او رجال لا

تقرب لها خير شر

محمد : تراك صدعت براسي من زود هالبربرة عرفت خلاص يالله اقلب وجهك

محمد بدأ يضبط نفسه

طبعا حجرف دق عليها .. ويحاكيها و يقول لمحـــمد عن مواصفتهااا

العنود : حياتي وربي والله العظيم نورت الخبر

حجرف ( ابوك يالنصب كيف تنور وانا بالرياض اصلا) : ههههههه الله يسلمك بوجوك منورة

حجرف دق على محمد وقاله انها وصلت خلاص

لحد ما بدأ العد التنازلي يبدأ لمحمد

فتحت باب السيارة ...

العنود بدلع متصنع : هاي

محمد << مرتبك : هايات

العنود تناظره بتمعن ( يجنن ما توقعته كذا اجل لو شايفه حجرف بجد وش بتقول خخ) : كيفك نورت الخبر

والله

ابتسم محمد وهو يلعن حجرف وساعته : بوجودكـ ...انتِ كيفك علومك

العنود بدلع : بخير بشوفتك حبيبي ( وينك ياعبير وربي راح تزنطيني لو تدرين خخ)

محمد يناظرها ( وتذكر تعليمات حجرف قايل لها لو انها تكرونية امدحها خخ ) : ماشاءالله عليك قمر

العنود تضحك بدلع : ثانكس ....اقولك حياتي وش رايك نروح الإستراحه ...؟؟

صاعقة

( هذا اللي والله ما كنت عامل حسابه ))

محمد : عفوا

العنود : وش فيك قلبو صاير كول ودمك راكد اليوم محترم يعني

ابتسم محمد ( ملعون ابو الظرف اللي حدني عليك ) : الله يسلمك بس وينها فيه ذالإستراحة تدلينها

العنود : طبعا ادلها كل ليلة نسهر فيها

محمد ( الله لا يوفقك يا حجرف جايبني عند حفلات خليطية ) : انتِ ومين

العنود تبتسم : انا و الصبايا و الشباب كل وحدة و صديقها و نفل ابو السبحة هناك وااو اجواء كريزي من جد

محمد ( الله لا يوفقك يا حجرف على هيك عمله فيني ) : طيب عيوني شويات وبجي بنزل السوبر ماركت بغيتِ

شيء

العنود تفكر : أي باكيت دخان

محمد بلم ساعة عجز يطلع المفتاح ( الله لا يوفقك يا حجرف وين مارحت اجل زقاير بنت و تطلب زقاير اصلا

من يوم اشوفها فالتها و تسولف كنها تعرفني من سنين اغسل يديني )

العنود : وش فيك حبيبي قايلة لك قبل اني ادخن

محمد : متى << جاب العيد

العنود : يؤ حبيبي مسرع نسيت سواليفناا ههههه << يوم كانت تحاكي حجرف قايلة له ^_^

محمد طق راسه : ايه ايه صح نسيت المهم يالله شويات وبرجع بإذن الله

نزل بسرعه و دخل جوا السوبر ماركت

وطلع جواله

دق على حجرف

حجرف : هلا ههههههههه

محمد : الله لا يوفقك قل آمين

حجرف : الله يلعن ابليس لا تقول خربت الامور

محمد : لا والله بس شكلها بتخرب البنت تقول ودني الإستراحة فيها الشباب و البنات اسمع انا لا

قاطعه حجرف : بنت كلب وربي حسيت انها متواطئة معهم بنت اللذين اسمع قلها مافيه روحة للإستراحة

و خذها لأقرب شقة

محمد فتح عيونه على آخر شيء : ايش شقة خبل انت

حجرف فهمه الخطة

محمد : مستحيل اسوي كذا لو ايش خبل انت وربي حرام

حجرف : اخ يالقهر ياليتني بالخبر اسمع هذي ماتخاف الله ماعليك منها اقل شيء بشوف وش قصتها بنت الـ..

محمد : الله يعين يالله و الله يستر دعواتكـ

من الطرف الأخر

العنود تكلم طارق

العنود بصوت خافت : هلا

طارق : وينكم وصلتوا

العنود : بالطريق بس نزل السوبر ماركت جهزوا كل شيء خلاص شويات وبيجي ههههههههه

طارق : ههههههههه يا محلاتك يا حجرف الـ......

قفلت العنود ... ومحمد فتح الباب و رفع النظارة

محمد : اسمعي حياتي ترى مايهون علي اوديك الإستراحة لكذا بوديك الشقة

العنود خافت نوعا ما : ليش الإستراحة فلة و عادي ناخذ راحتنا

محمد بدون ما يناظرها : واللي يقولك حاجز الشقة من زمان و مزبط كل شيء تكسرين بخاطره ...

العنود ابتسمت بخوف : عندي شرط

محمد : تدللي

العنود : نروح الإستراحة إذا طلعنا من الشقة

محمد : نروح نروح << -- ناويها بنية خخخ ^_^

راحوا و نزلوا الشقة المترفة في أرقاء احياء الخبر ...

دخلت العنود تجر الخطى بغرور و خيلاء ...

و ماحست إلا بــ محمد وراها قفل الباب ...

ناظرت ورا مباشرة و شهقت

محمد : شوفي عاد مايمديك تسوين أي شيء إن ما اعترفتِ بكل شيء راح تندمين

( قرب )

العنود تبتسم : اعترف بشنو

محمد فسخ عقاله : يبدو انك بتعاندين ....

دقتها ام الركب يوم شافت العقال بيدينه ...........

ويبدأ يمحطها بالعقال لين عرفت إن الله حق ^_^

محمد : ولعلمك منييب حجرف أنا ولد عمه زين بس قسما بالله اذا ما اعترفتِ وش قصتك يابنت بزيد الضرب

العنود تبكي : خلاص خلاص اتركني ابي حجرف بحاكيه

محمد : خذي كلميه وقسما بالله لو تكذبين مو بأحسن لكي الله اعترفي

العنود : بقول لحجرف انت مالك شغل ( تبكي )

محمد : خذ تبي تكلمك

حجرف : يامرحبا يامرحبا

العنود : حياتي حجرف

حجرف : ولعنه ولعنتين

العنود : وربي مالي ذنب طارق هو اللي ارسلني

حجرف : ارسلك لي يعني و انتِ جاهزة

العنود تبكي من الضرب : وش اسوي غصب يجبرني والله

حجرف : ابن الـ ...... وش ناوي عليه بالضبط اهرجي بسرعه ! قبل اجي انا الخبر و تكون نهايتك على يديني

العنود تناظر محمد و تبكي : طارق و اصحابه كانوا ناويين اني اشبكك لين تحبني و اطلبك تجي الخبر وبعدين

اخذك للإستراحة عندهم و يبون يقدمون لك كل شيء لين تفقد و تسكر و بعدين يفسخونك و يصورنك و

ينشرونها بلوتوث !!!

حجرف وقف شعره راسه من خباثة بعض القلوب .....

محمد استنكر خفايا نفوس البشـــــــــر و شرها ....

حجرف : لا يالمعلون ياللي مافيك ذرة رجولة و طبعا ينتظرك توصلين وانا معك صح

العنود : أي بس تكفى

حجرف بعصبية : تدرين انت تحت رحمتي الحين يعني اقدر افسخك و اصورك واخليك عبرة و عظة لكل

بنت ضيعت سمعتها و ارخصت عمرها لحثالة المجتمع

العنود تبكي بحسرة : تكفى اهلي لو يدرون

حجرف : الحين عرفتِ قيمة اهلك ...عموما انا ارقى من كذى تدرين اني اقدر اسوي ذالشيء و بكل سهولة

بس انا ارفع من حركات سخيفة مثل اللي فكرتِ فيها مع الحيوان طارق

العنود تبكي : سامحني انا عبدة مأمورة ليس إلا والله

حجرف : الشرهه على اللي اخذ معك وعلى فكرة ترا كنت حاس ان وراكـ شيء عشان كذا سحبت عليك المهم

عطيني رقم ذالثور بربيه لك

قفل منها

و طلب الرقم

طارق وسط الضوضاء و الميوزك الصاخبة و تمايل الصبايا على النغمات

طارق : هلا

...................: أنا اللي تنتظر دخلته ياكلب !

طارق ارتبك و انلخم : مين معي !!

حجرف : قمطت طبعا اكلت هواء يالرخمه هاه اجل تنتظرني ادخل مع الـ..... عينك على المدخل هاه

طارق تلعثم : مين انت ..؟

حجرف : معك حجرف الـ ..... او بالاحرى ضب مشخص بكرفته عشان تكون بالصورة

طارق دقته ام الركب و قمط وبقوه : هاااه انتم ادري ...وشو ( وقفل الخط وقفل جواله )

حجرف : لاابوك ولابو من انت رخمته يالثور من جد ناس سخيفة قال رجال قال أي مرجلة وهو

من تحت لتحت بس مواجهة الرجال يقمط و يبلع ام العافية

طبعا نواف مع حجرف في كل الخطوات ...

((( في الشقة ))

محمد : يالله بسرعه الحقيني بالسيارة

العنود : وين بتوديني

محمد : وين يعني المكان اللي خذيتك منه ...

العنود قامت تبكي و ترثي حالها وهي تحس بضياعها و اللي كسر قلبها و هيض مشاعرها تجاوز حجرف و

ولد عمه عنها مع إنه بإمكانهم يفضحونها !

بالسيارة

العنود تبكي

محمد يناظرها : خلاص اختي استغفري ربك وتوبي لله ارجعي لله ربي يقبل توبة العبد مالم يغرغر

العنود تبكي : موقفكم كبير و ربي احس بشعور غريب ( بكت )

العنود : تدري كل ليلة نلتم بالإستراحة احنا يا اعضاء روم الـ ..... اللي بشات الــ......

محمد : اعوذ بالله لذالدرجة وين اهلك

العنود : ابوي مطلق امي و ابوي طول وقته مشغول و امي متزوجة واحد ولا تدري عنااا و اخوي الوحيد

مبتعث برى

محمد : يالله انزلي وصلنا المكان اللي خذيتك منه و فكري بكلامي و توبي

العنود بكت بكاء عنيف و هي تنزل ....

وها هي تجر الخطى لحد ما ركبت سيارتها

محمد اخذ نفس عميق وارتاح : الحمدلله اللي ذلفت

دق على عبير وهو يحس بإرتياح شديد ....