ديوان الشاعره:: ليــن

جاني على مركب خيالي مع الطيف

ينثر على جرحي رماد الأماني

سلم وقفى ماسأل حالتي كيف ؟

مايدري إن الشوق يملا كياني

قمت آتلفت حولي الواقع مخيف

القلب ينزف والضماد المحاني

أنا حسبته لا حضر دنيتي ريف

يروي هشيم الجوف ود وحناني

ويعوض الخافق كثير التكاليف

عقب الفراق اللي سواده كساني

معقوله أحلامي غدت كلها زيف

وبالغت بالهقوة حسبته يعاني

ليت الدروب اللي لفت به كما الضيف

قصرت ولاجابت خطاه لمكاني

بُعده وقربه نشف الريق تنشيف

كنه سحابة صيف مرت ثواني

منْ يمسح الدمعة وهم التحاسيف ؟؟

ويلملم اشتاتي وجرح كواني ؟؟