قصة اماراتيه آه من قلب

حمـدان : ها شو قال ؟
فطـوم : بيتصرف وياها ..
حمـدان : وانتي شو بتسوين ويا مريوم ؟
فطـوم : اول ما ارد البيت بتسبح و برتـاااح شويه و عقب بتعشـى و بيلس وياكم ,, وببتدي فالشغل فليل
حمـدان : شو بتسوين ؟
فطـوم : تبا تشوف حيـاك الله
حمـدان : ما اقول لا بس شو بتسوين ؟
فطـوم : الله يسلمـك ................... وبس
حمـدان : هييييييه .. خـلااااص بساعدج
فطـوم : هههه فديت خشمك انا ..

يـوم وصلـو البيـت ,, كـانت السـاعه تـسع الا ربع .. يلسـت ويا اهلـها و حمـدان ويـاها .. و عقب ربع سـاعه حـطو العشـى و عقب تعشـوا و يلسـو يسولفون لييين ما استوت 10 ونص .. وقامو بو حمـدان و ام حمـدان يرقـود لانهم كانتو تعبانين
حمـود و سـاره يلسو فالصاله يشوفون الفلـم ,, انا فطـوم سارت الغرفه توهـا ساكه البـاب جان يدخل حمـدان

فطـوم : ياربيـه .. ببدل وتعـال
حمـدان : مـاابا
فطـوم : حمـااااار .. وجان تسير عنه صوب غرفة تغير الملابس .. خذتلهـا بجامه و بدلت ثيـابهـا وسـارت تعطرت و حطت دهن عـود و يلست عـدال حمـدان ع الشبريه ..

حمـدان ياخذ نفس عمييق لول : أأأأأأأخ ريحتـج حلـوه
فطـوم : احـم .. ثانكـس
حمـدان : يلا شو بتسوين ؟
فطـوم : اول شييي !! ييب شنطتي ..
حمـدان : ان شاء الله عمتيـه
فطـوم : هههههههه .. هوه سـار ايب شنطتهـا ,, و هيه تلحفـت باللحـاف و يلست و خلت الـلاب ع ريلهـا .. و عقب حمـدان يلس عدالها .. جـان تاخذ المسـجل الصغيـر و نقلته ع اللاب ..
فطـوم : اووووه بعـد لاازم واير النـت
حمـدان : واير لس عـادي
فطـوم : والله .. اوكيه ..
وعقـب سوته ع الواير لـس و استوا .. و حمـلت التسجيليـن ع موقع عسب اتطرشه حق مريـوم .. دشت المسـن و ماشالله شافت وايد اون ..
حمـدان عصب : منـوه هايل كلهم ؟
فطـوم :ربعـي ليش يعني ؟
حمـدان : متاكده ..
فطـوم : البـاسورد : ****** .. دش ع الايميل و تاكد
حمـدان : ...........
وجـان فطـوم اتدور ايميل مريـوم .. ودشت ع Al-Hotmail .. عشـان اطرشلهـا الايـميل .. و يوم خلصـت من الكتـابه
فطـوم : Send ,, Yeeeeees
حمـدان رافع حيـايه : استخفيتي ؟
فطـوم : هههههه .. وعقب طلعت موبايلهـا و كتبت حق مريوم مسـج " جيكي ع الايميل "
حمـدان : الله يرحم اللاب ,, بتكسريـنه هب صبــع !!
فطـوم كفخته : الله و اكـــبر علييييك حمـاار .. انا رقيقه
حمـدان : هه امبين
فطـوم : جب جب ..
حمـدان بدلع : خليني ارقد ويااااج
فطـوم : اشوووووووه .. جـاااااااااااب .. برع يلا بررررررع
حمـدان يرفع حيـايه : انا تطرديني !!
فطـوم تقووم من الشبريه و تقومه : هييه هييه اطردك يلا ouuuuuuuuuut
حمـدان تم يشوفهـا و لا قـال ولانطق بشي سيـده طلع .. فطـوم استغربت .. توه فاج الباب جان تي صـوب ويهه تمت تشوفه و عقب يودت راسه صوب شعره و بـااسته بالقـوووووووو
حمـدان بوّز ..
فطـوم : حبيبي ليش زعـلان ؟
حمـدان : جيه زين تطردين ريلج ؟
فطـوم : اثـولف وياك حبيبي
حمـدان : لايكـون بعد يوم بنعرس تقوليلي ouuuuuuuuuut ومادري شو مابا ارقد ..
فطـوم بدلع : لاا طبعـاًً
حمـدان : هييه قصـورج بعـد
فطـوم : ههههه ,, فديتك والله .. يلا تصبح ع خير ..
حمـدان : وانتي من اهله ..

وبعديـن طلع و سار صوب الصاله ماحصل حد .. قال اكيد رقـدو .. وعقـب سار يتسبح و رقـد .. و فطـوم نفس الشي رقـدت و تمت ع المسـن اشويه .. تسولف ويا ربعهـا مال المدرسه و ضحك و سوالف لييين سـاعه 12 لووول .. و عقب رقـدت ,,

فـ الطيـااره ..
وصـلت الطيـاره المـانيـا .. وبـاجي شويه عن النـزول .. و عليـا + عمـر كـانو راقدين .. و مريـوم مسويه حشره فـ الطيـاره يالسه ادح ,, الحبيبه كل دقيقه تقول حق المظيـفه ابا و ابـا و كله بـارد .. و يـوم يت صـوبهم المظيـفه
مريـوم : Excuseme ,, I
want 7-up ,, and put ice
عـزوز بصوت عـالي : اييييييييييه ,, انتي بسج !!
يشـوف الحـرمه : thanx ,, she don`t want
الحرمـه اتشوفهم باستغراب و ابتسمت و روحت .. ومريـوم فاجه حلجـها و تشوف عزوز ..
عـزوز معصب : بلااج تطالعين !!
مريـوم : ع كيفك هوه ؟
عـزوز : هييييه ع كيفي .. ماتخافين ربج .. من اول ما يلست عدالج عليـا و انتي كل دقيقه تطلبين شي بـارد و الحين يالسه اتدححين
مريـوم : والله انا اللي بمـرض هاااااااااب انته !!
عـزوز : مريـم خليني سـاكت احسن .. راسي بينفـجر !!
مريـوم اعتدلت و ربعت ايدهـا و اموزه : احسـن ..
عـزوز يطبطب ع جفت عـمر : عمـر .. نش يـلا بنوصل الحيـن
عمـر : هـاا ,, خلاص انزين ..
جـان يشوف صوب عليـا و وعـاها من الرقـاد .. و جـان تلف ويها صوب مريـوم ..
عليـا : فديتج شلي شنطتج و قومي نسير الحمـام ..
مريـوم : اوكيه ..
يـوم قـامت .. كان عزوز مـاد باريوله وحـاطنهم ع بعض .. و لابس النظـاره .. و يوم مريوم كـانت بترفع ريلهـا عسب تمر .. رفعت الاولـى و الثـانيه كـانت بتندبـغ بس عـزوز فز من مكـانه و قبضهـا من خصرهـا و يرهـا صوبه جان تيلس بس يعني يلست ع الارض و ظهرها ع ريل عـزوز ..
مريـوم : آآآآآآي ظهـري
عـزوز قـام وحط ايده تحت ايدهـا و قومهـا ..
عليـا : بسم الله عليـج ..
مريـوم قافطه وتتحرطم بطريقه اتضحك و عزوز كان فيه ضحك .. بس سكت عن تاكله .. جان تسير عليـا حمـام و هيه سـارت حمـام .. عسب يتكشخن لول .. هـم الثنين ,, مشـو ويوهم بـ هالمنـاديل الويـه .. تمسح المكيـاج وجيـه .. كانو بس متجحلين بالخفيف .. خلـوزو اللي ع ويهم .. فجو شنطتهم .. رسـمو عيـونهم بطريقه حلـوه ,, و حطـو مسكره و قلـوز وردي وايد وايد حلـو " يكبـر الشفايف " .. و حطـو شدو ابيض تحت حيـايهم . و عدلو شعرهـم . و عليـا كان عندهـا البودر اللي يلمع ,, من طلعـو و مريوم شافت ويها يلمع ..
مريـوم شهقت : يايبه اللماعي
عليـا : اوووش بيسمعـونـا .. هيه تبين ؟
مريـوم : طبعـا .. جان تاخذه و تسير تحط ع ويهـا و ع رقبتهـا ويوم طلعـو .. كانو خبـال ,, >>> مستخفـات ولا جنهم معرسين
وكـل وحده يلست عدال ريلهـا ..
عمـر يراقب ويه عليـا و هيه فيهـا ضحكه لانه تدري بيتهـا هزبه ..
عمـر : اشووووف اشووووف القمـر
عليـا صدقت عمرها وجان تشوفه و تسوي عمرهـا تغمض ..
عمـر : شوهـااااا !!!
عليـا : بسم الله شو بعـد !! جنـي جدامك !!
عمـر : ليش ويهج يلمع
عليـا : حبيبي عـااااااد
عمـر : اووص امسحـيه .. ولايكون بعد مريـوم .. جان يشوفهـا و هيه تضحـك عليه .. و شاف عزوز ولايدري بالسـالفه بصوت ينسمع ...
عمـر : خووش خوووش يا حرمـة عبد****يـز !!
عـزوز فز : بـلاها حرمة عبد****يـز .. جان يشوفهـا ..
مريـوم : اقولك من الحيـن ,, انا لاااا بمسـح ولا اطشـه !!
عـزوز : انتي وبعديـن ويـاج !!
مريـوم تشوف عليـا " لانه كانت عليـا تشوف ورا " و رمست مريوم بغـرور : ويكـون فعلمـكم ,, انا واختيـه بنفصـخ العبـاه فالمطـار ..
عـزوز + عمـر فاجين حلجوهم ..
عليـا : اييه اييه .. سكـرو هالحلـج .. بلاكم والله نحنا يوم كنـا نسـافر .. كنـا عـادي ماماتي و باباتي مايقولولنـا شي
عمـر : يالله .. ماماتي و باباتي اون .. مشكـله مانروم نقولكم شي ,, دام مدلعيـن من قبـل
مريـوم بصوت عـالي ضحـكة " ضحكت مستخفـات : ههههاااااااي
عـمر و عليـا و عزوز يشوفون بعض و يشوف مريـوم ..
مريـوم : هيهيهيهيهي ,, بروحهـا ظهرت ..
وجـان يسمعـون انه الطيـاره الحين بتنـزل .. و ربطـو الاحـزمه .. و تمت مريوم تشوف المجلـه و عزوز كـان صاد صوبهـا و يشوفهـا و يراقب حركـاتهـا وكـانت حـاطه الشيله ع راسهـا " وهب لافتنهـا " وكـان نزله خصله من شعرهـا وكـانت طالعه كيـوت .. وفجـاه صدت صوب عـزوز تمت تشوفهـا .. عـزوز يشوف عيـونها و يتاملبهم ..
مريـوم رفعت حيـاي واحد : خيـر في شي ؟
عـزوز : عيـونج تذبحني ..
مريـوم احمـرت !! (( الشـله 4 .. بسرعه يحمـرون اذا حد قالهم شي )) و سوت طاف وتمت تجلـب بالصفحـات ..
عـزوز : مريـوووم ..
مريـوم مندمجه فـ المجله : لبيـه
عـزوز فرح : لبـاااج قلبي .. انتـي بيضـا ولا حنـطاويه ؟
مريـوم ضحكت و حطت ايدهـا صوب شفايفـها : ههههههههه .. نص نص .. يوم حنـطاويه و يـوم بيضـا ..
عـزوز : هيييييييه .. ليش جيه ويهج يلامع ..
مريـوم فخاطرهـا : يـاويل حـاليه .. : هـاا طبيعي
عـزوز : امبيـن ..
وعقـب نص سـاعه .. نزلـت الطيـاره والوكـت كان 10 .. و بـدو الركـاب ينزلـون و مريـوم و عليـا قبل لا ينزلـون فصخـو العبـاه و حطوهم فـ الجيـس وسـارو صوب المطـار .. وهـم فالممر .. مريـوم و عـزوز كانو يمشون عـدال بعض ..
عـزوز : الله لايسـامح العـدو ..
مريـوم : اشوووووه ؟
عـزوز : الكـل يشوف لبسج .. اغـاار ..
مريـوم : انا ماقلتلهم شوفوني ..
عـزوز خـلا ايدهـا ع ايده " شرات الاجانب يوم يعرسون .. كيف يمسكون ايد بعض هوه جيه مسوي " ومريـوم كانت بتخوز ايدها بس هوه ماطاع ..
عـزوز : عشـان يعرفون انج حرمتيـه .. عن يصرقونج .. ترا اهنيـه في وايد يصرقون > يقص عليـها
مريـوم شهقت : احللللللف .. وابويه جان تخوز ايدهـا و تمشي و هيه لاويه ع عـزوز " كيف اقولكم .. يعني حاطه ايدهـا اليمنـا صوب ظهر عـزوز و الثـانيه صوب صدره و مخليه راسها عند صدره ..
مريـوم : اميــييييييه اشوفك تخليني ثـانيه