(( لوحه شعريه.......

انا ما غرقت كمي بالدموع ولا جحدت بكاي

وأنا الشكوى تململ في فمي والدمع في اهدابى

حداني للهواء طرف ذبحني وارتعاشة ناي

وأنا اكتب بالشجون وبالجروح الي من احبابي

قراني خالى باله وأنا اللي كاتب شكواي

بحبر من حضورى في ليالي الحب وغيابي

لأني من كتبت أشبه دروبي وقلمي وغناي

وهو رمشه طويل وله رسوم في أول كتابي

لقاني والبحر قايم وتل القاع من مرساي

وكان التيه صاري مركبي وشراعة أعصابي

لأنه طاغي حسنه طغي قلبه وانأ لولاي

غشيم في المودة كان ما عرطت في ثيابي

على من صب لي ترياق قلبي من يديه وداي

وعلى هونه سقاني من ضماه ودار دولابي

احسب انه نصيح لي واحسه في مدى يمناي

ومحبوبي من الماء ويتشكل لى وينسابي

وخلاني على بكم المفارق شاعر معاني

مقيد من ندم قلبي معاه وفايت أعتابي

ولولاي اتصبر في كنف رب السماء مولاي

وأقول الشعر كان الله عليم بعمري ألغابي

بعد كل السنين و ما نقص من مهجتي واشياي

نقص شوقي وقلت دهشتي واسعدني إعجابي

معه صحبة سفر ويذوب السكر بقلب الشاي

مثل ما قلب أيامي جفاه وخاطري ذابي

نظر لي نادم فاتت معاذيره وكسب رضاي

بعيد مستحيل وضحكتي يلعب بها نابي

ويتكرر تلاقينا أنا الرايح وكان الجاي

على الدرب بمعاذيره وقلت بخاطر طابي

يقولون البدو ما يتبع المقفيين فالح رأي

وأنا أقول العرب لا هبلو بك خلك إعرابي