ديوان الغزلي لشاعر الاحداث الرائع عبدالله الردعان

(( اه ودعتك ))




آه ودعْتِك وانا البارحْ معاك



ساهرين الليل يا الحب الْفريد




كِنْت حاير بس اهذْري في غلاك


دَمْعتي في دَمْعتِكْ تكْـتـِبْ قِصيد




نَحْسب الساعات واشْقاني هواك


ودّنــا تْبـطـي ولكن مـا يفيـــد




كل ما سجلْت لك موعد لقاك


تلتفت ليّــه وبالجملــه تعيـــد




هاك عَهْدي هاك كلْ الحب هاك


بسْ لا تَرْحل.. عن عيوني بعيد




إنْ ضحكت الود يَضْحك في شفاك


واشْعر اني صاحب الحظ السعيــد




وإنْ بكيت الود يبكي من بكاك


واذْكر التوديع والحسّره تزيد




وافْترقنا غصْب ما قصدي جفاك


للظروف احكام تفْعل ما تــريــد