روايه ..سعوديات في بريطانيا..لاتفوتكم..كامله

تابع الفصل التاسع عشر

(( البندري ))
البندري جالسه بغرفتها مقهوره متقدر تحضر زواج مروى علشان امها بكره بترجع للبيت .. ( وهذي مالقت تطلع الا بهذا ليوم حتى فرحتي باخت صديقتي بتحرمني منها .. اكرها خذت مني بابا وهاللحين تبغى تاخذ مني الفرحه بس والله رايحه رايحه .. واوريك يا سميره )
ناظرت الساعه بجوالها كانت 4 الفجر قامت صلت وقراءة وردها اليومي ... ودقت على ذوق علشان تخليها تمرها بكره لان محمد حالف مايوصلها الزواج ..دقت دقت على الجوال ماترد قررت تدق على البيت ( بس الوقت ماينفع .. المشكله ضروري اكلمها اخاف تروح للمشغل قبل لاتمرني ..آف بكلم واللي فيها فيها ..يارب يرد عمي عبدالعزيز وماترد امها القشره )

ترن ترن
رائد جالس يناظر الفلم مندمج معه : الله يلعن اللي يتصل بهالوقت ...( بزمره) اللللو
البندري خافت من الصوت : الو
رائد سمع صوت ناعم : في احد يغازل الساعه 4 لفجر
البندري عصبت ( اغازل جد قليل الادب ) : لو سمحت ممكن ذوق
رائد يستوعب : ذوق ... من اقولها على الفجر
البندري وماسه اعصابها وحبت تلعب فيه شوي : قولها سهام او سحر
رائد عرف انها اخت الخكري : والله ياخت بدران اختي نايمه ومافي احد عاقل يدق بهذا الوقت
البندري ماسكه ضحكتها لانه معصب لانها اخت بدران : انت تعرف اخوي بدران
رائد: مع الاسف حصلي الشرف
البندري ( هههههه شكله قرفان حياته) : والله يارائد ..رائد مو .. ذوق تحكي عنك كثير
رائدد يصوت واطي سمعته : شكل العايله كلها رايحه فيها
البندري بعدت السماعه تضحك
رجعتها وبجديه : هلا رائود قلت شي ماسمعتك
رائد: رائود بوجهك ..اسمعي الكلام اللي مايعجبك ..اذا شفتك او سمعتك مره ثانيه تحكين مع اختي ماتلومي الا حالك
البندري: حالي والا حالك هههههههه اموت على الشديد والحمش
رائد وصلت معه : جد ناس ماتستحي
سكر بوجهها السماعه
البندري:هههههههههههه
ضلت تضحك حتى وهي ترسل لذوق رساله تمرها بكره ...ونامت وهي مبتسمه