مـ♥ـڷـڪﮧ بأنُـوثٌتًـے ♫♪~ ( ركن هادئ ) :

عسى ما زعلتك البارح و زودتْ الجراح جراح
عسى ما مرت الدمعة على أهدابك من أسبابي


جرحتك من كثر شوقي وخليت الكلام رمّاح
ولا أدري شلون ياعمري طعنتك حيل بعتابي


بدون شعور صدقني ترا كثر الغلا ذبّاح
تعال وشوف بغيابك ( غلاكــــ ) شلون سوا بي



حرام تغيب من عمري وتعطيني الفراق وشاح

حرام الدمع في عيني مناديله بــ أهدابي


غيابك يشغل عيون الزوايا وأمتلي أشباح
وأنا انثر صوتك بقلب المكان واشعل أبوابي



تلفت للأمل دام الرجاء في عمري المنواح
أناديلك ولو شرهك وصولك تقطع أعصابي



أبيك الجاي من عمري أنا ما بيك شي وراح

ما دامك اجمل وآخر ... ما دامك أول أحبابي


أبي ارتاح يا عمري أنا أدري هم تبي ترتاح
تعال وقبل ما افرح ترا تفرح بكْ ثيابي


أحبك أحبك يابعد عمر الحزن والجرح والأفراح
أحبك أحبك كثر مانامت عيونك داخل أهدابي