09-06-2020
|
#2
|
.
.
.
قدرت اعرف جميع اللي تبي وكنته
قدرت الغيني واتوحّد مع ذاتك
قدرت اشوف جرحك وين وضمّدته
قدرت اساندك في اصعب محطاتك
حلم القرب منّك سهل حقّقته
قدرت اكون في كل اتجاهاتك
وصلت لباب قلبك يوم شرّعته
عجزت أرقى بـ نبضك لين خفقاتك
أجل ماكان هذا حب
أجل كلّه تهيّالي
أجل كلّ الحقيقه كذب
قصّه عشتها لحالي
حزين وداخلي مكسور كسّرته
وانا احاول أعدّي سفح نظراتك
يفرّحني قليلك لين جاملته
ويجبر خاطري وهو من لطافاتك
ألم واحساس تعّبني وتعّبته
وخوف يهزْ روحي بـ كل صدّاتك
خذاني الحلم غرّر بي وصدّقته
ظلمتك وانظلمت وفاتني وفاتك
أجل ماكان هذا حب
أجل كلّه تهيّالي
أجل كلّ الحقيقه كذب
قصّه عشتها لحالي
|
|
|
09-07-2020
|
#3
|
حزيـن و الحـزن عـمره ما يروّعـنا
لو كان أبكى عـباد الله و ابكـاني
نعـاني اليـوم لين يسـيل مدمـعـنا
و بعدين نفرح و نرجع بكره نعاني
و هـكـذا ليـن دنـيــــانـا تـودّعـــنـا
ما فيه انسان عاش فْـ دنيته هاني
ليه نْـتـزاحـم و أرض الله تاسـعـنا
ليه نتخاصم مدام ان العمر فاني
اللي وقف ضدّنا واللي وقَف معنا
نظـل مهما حصـل ربـعٍ و خـلاّني
|
|
|
09-07-2020
|
#4
|
صمت البوح
منك وعليك الــهم من وين ما اروح ... يمشي معي يا شاغلي مثل ظلي
انا حياتي بالــــهوى كــــلها نـــــــوح ... تشرب ظنوني هـــم واقول علي
أغلى الجروح اللي بها منك مـجروح ... الله يا حبي لـــــــجرح الـــــتغلي
لي في عذاب الحب رحمة ومــصلوح ... عذابك ارحم من نعـــــــيم مولي
حبك عذاب الروح ويونس الــــــروح ... مستوليٍ حبك على كل كــــــــلي
اصمت ويظهر منك في صمتي البوح ... ملامحي منها جليسٍ فطـــــن لي
|
|
|
09-07-2020
|
#5
|
اهات
آهات من طول العنا طاولتني ..
ونفسي من الفرقا وحالي سخيفه
جارت علي من الفراق و قصتني ..
غزت ولكن مانوت بالنكيفه
بهمومها اللي شفت منها كوتني ..
هذا الذي خلا حياتي مخيفه
باكر يروعني وانا فيه فتني ..
واقول ليت الغيب يبخل بحيفه
خيل السعاده بالهوى خالفتني ..
خالفت معها عيد قلبي وريفه
هبت هبوب بالنيا عطشتني ..
وكم غالي قبلي ظما من وليفه
ليت الليالي عن غرامي نهتني ..
ولا بدا زرع الامل منك هيفه
والا انها في غايتي خيرتني ..
واختار انا مرباع قلبي وصيفه
خل جيوشه بالمحبه غزتني ..
وانا اسير للعيون العفيفه
اغلى هجوس طول الايام جتني ..
ماكل هجوس اللي تجيني بطيفه
الماضيات بغيبها ما انصفتني ..
والمقبلات ارجي عدلها خريفه
اتبع ظنون بالهوى ماشفتني ..
واحسب حمولي بالمحبه خفيفه
واليوم ظالمة المحبه طوتني ..
طي الورق يوم انطوى به خريفه
واشباح ياسي بالهموم اعترتني ..
وانا علي اسباب صدك كليفه
اشيل حتفي راضي فوق متني ..
واروح نفسي من حياتي معيفه
واقول للي بالجفا عذبتني ..
عسى الشقا من بيننا بالنصيفه
شربت من فيض الشقا واشبعتني ..
دنيا مع الاحزان ضدي حليفه
|
|
|
| | | |