ديوان الشاعر سعد علوش

الشي الغريب


أنت بتسافر حبيبي .. نعم سافر وغيب
بس تكفا سم بالله على عقلي .. لا ماع

لأن ماني قادر آوادعك وأنته قريب
كيف وأنت بعيد تبغاني آقول الوداع

بس لحظه قبل لا أنسى لاتنسى يا اللبيب
قل لما تملكه من مغريات ومن متاع

أنّي آحبّك وأحبّك وأحبّك .. لين أشيب
يعني لين آموت وآنا أحبّك للنّخاع

أحشمك وأغليك بالحيل .. والشي الغريب
أنّي أكره كل فكره تقودك .. لنصياع

كان مال لمشكلة وصلنا الاّ حل .. عيب
كب حبّيلك وسمّه متاهات وخداع

لانّي أطهر من بيخسر على الدنيا حبيب
ولأّنك أنقا من وطت بطن رجله ظهر قاع

كثر مايدعوني أهل الهوى ولا أستجيب
كثر ما صفّط على بعدك ذراع .. وذراع

آه لا وقّفت من بين بتصيب وتخيب
بين يدّين المواليف وأفواه السباع

وآه لامنّي ذكرت أن كلّن له نصيب
وآه لامنّي ذكرت أن على وجهك قناع

أشعر أنّه منخلق من عسل ورد وحليب
وأشعر أنّي كل ما أذكره .. مجموعة جياع

ليت مالك في حياتك خويّ .. ولا طليب
كان بااخشّك وسط خافقي وآآقول .. ضاع

أمحق الله سعو ولف الهيام . وقطع صيب
من يبكّي مقلتين الشجاع ابن الشجاع

لو على البحرين شرهه . ودمعات . ونحيب
كان ما خلّتك تقفي عن حدود الرفاع

ولو جنيف أتحس في جرحي المر العطيب
كان ما تاخذك منّي وتعطيني ضياع