آدم اول سيارة في حياتك

المشاركة الأصلية كتبت بواسطة الغنــــــد

كم كان عمرك في اول مره سقت فيها سياره؟؟

عمري 17 سنة
بس لا تستغربون أنا عايشه بالأمارات ومن مواليد أبوظبي الى أن خشيت الجااامعة رديت لبلدي الأصل السعودية

نووع السياره؟؟

لكزس

سياره مين كانت ابوك اخوك عمك او جاركم اوسارقها؟؟<<براا..

وحدة من سيارات الوالد الله يحفظه وما كان يستخدمها الا قليل جدا وتااركها لأي أحد يجي زياارة من أخواني لأنهم مو بالأماارات وكنت بجرب لأني بثااني ثانوي وشفت صديقاتي معاهم سيارات وعلموني بدون علم الوالد وسرقتها يوم ههههههه بس جت سليمة طلعتها من القراش ورجعتها ماعرف احد بس كان الموقف متغير وعرف الوالد وقاام يهدد وخفت منه وأختفيت عنه يومين ونسى الموقف وبعدها طلبته وخذت شهر وأنا أقدم طلبي له بأوراق لأن الوالد شخصيته قوووية وأخاف منه الى أن وافق

المكان اللي رحت له قريب والا بعدين من بيتكم؟؟

والله مو بعيد طلعت لمحطة بانزين هههههههه بتعلم كيف أعبي

كيف كاان شعورك؟؟

شعوري كأني أملك الكون كله مبسوووطة وأضحك وأنا لوحدي الى حد أن عامل المحطة منتقدني وعاارف أني صغيره ويقول هذا السيارة لك قلت نعم بكل بجاااحة بس شكله ماصدق سلك لي


صدمت والا طلعت سليم منها ؟؟

لا ماصدمت الا يوم أخذت السياره مرة ثاانية صدمت بزباالة الله يكرمكم وصدمت في صبه مرة ثااانية وكانت معي سيارتي الخااصة لأن الملف كان صعب

كيف كانت ردود اهلك شجعوك او مدحووك او فشلووك على سواقتك؟؟

بالعكس أول خوفوني من القيادة وقالوا ماراح تتصرفين لو يصير شي
قلت عادي لو يصير شي كلمتكم هههههههه

كاان وقتها معك رخصه والا استمااره والا؟؟

وشلون أستماارة الأستمااره تبع السيارة
أو قصدك تصريح
خذت رخصة بعد سنتين
وكنت ما أقود السياره الا أذا طلعت زيااارة للواالد بالأمااارات أو برا السعودية

بس الأن ما أخذ السيارة الا برا الرياااض


كان فيه احد راكب معك والا؟؟


أول ما خذت سيارة الوالد لا مامعي أحد أخاااف يلخبطوني
صديقااتي وأجيب العيد

قويه شخصيه فيك في الجنون والتهور وايد
تحبين الحياة
الله يعطيك العافيه
شكرا من الأعماق ل المشاركه