ديوان الشاعر طير شلوى

يا بنت وين الجمــال اللي يقــولـــونه!!!؟؟


مع التحية .

إلى رمز المحبة والوفاء .. لك ِغاليتي أقول :


يا بنت وين الجمــال اللي يقــولـــونه!!!؟؟
................................. هوانت خليــت زيــن ٍ يا بعــــد حالي !!!



يا مالك الحسْـــن في شكله ومضمونه

................................. ياجـــامــــع ٍ بالحـــلا الأول مع التالي



يا من خـــذيت الحــــلا رسمه وقانونه

................................. لاشفت زينـــــك ولا زولك بالأزوالي



حتى القـــــوافي استهلت جتك موزونه

.................................. في عذب الأبيات ياحْـلا صوت موالي



يفداك قلب ٍ لشــــوفك يبْست غصـونه

.................................قلب ٍ يناجيـــــــك لا دالـه ولا ســـــالي



يا ما شكى من ضماه الضيم يا جنونه

................................... يشكي ضما شوق الذ من الحلا حالي



ويا ما سمع مَن على شـانك يلومونه

................................. ولا طاع بك شـــــــور حســادٍ وعذالي



أتلفت روحي وروحي فيـــك مفتــونه

................................. ياحْلا معاني الهوى في عـذب الأمثالي



في قربك الهــــم والغـــربال ياهـــونه

................................. يا سلوتي ما يجـــي لحظــه على بالي



شفتك مع البـِـيض بدر ٍ صــافي لونه

................................. سحر ٍ ونوره فــــــلا له شبـه وأمثالي



أنت أعــذب الشعـر والأوزان والحونه

................................. وأنت الهنا وانت أنسي وانت آمـــــالي



مالوم قلب ٍ شكى بلـــــــواه وطْــعونه

................................. يا أجمل الخلـــــــق يارجـــواي يالغالي



ولالـــوم عــذراً على ما فيــك مغبونه

................................. لـوغطّت الراس وارخــت فوقه الشالي



ولالوم حســــادنا باللــــي يسوونه

................................. ما دام بي خــوف من نفسي على حالي



سهوم المنايا برمش العين مقـــــرونه

................................. وما بين عـــذب الثنايا ســــــــر غربالي



سبحان من هو وهبْـــــك الزين وافنونه

................................. يحــــــــق لك توزن الخطــــوة وتختالي



ما دام بي روح لك قلبي ومكـــــنونه

................................. وان مت مسمـــــوح ما دام انت قتـّـالي