000 أثْنِينهٌم فِي البَردْ - عَآشُوآ 000

طريق ../ أصفر !

( 1 )

المطر حاد .!
وعيونك السودا .. حداد
لا ينتهي هـ الليل ..
وافقدك ،
ونصير البعاد !





( 2 )

يا عيونها ..
بالله لو شفتي الفراق .. تجاهليه
أو شقّقيه ! / أو اشنقيه ! / أو فرّقيه !
ويا روحها ..إنسي الحزن ..
وآنا اوعدك :
إنّي لـ اخيّط لك فَرَح ..
من كلّ لحظات الفَرَح!
وانتي على شاني البسيه.
أو لحّنيه ! / واحفظيه ! / وردّديه !






( 3 )

مَرّيت هذا الليل .. لحظة ( من فراغ )!
نرجسة ذبّل ورقها قبل موعد .. هـــــــ الخريف !
وصار ينبت في المدى :
لون الشّوارع : حَرّ .. ( صيف ) !
في ما مضى :
مرّوني الأصحاب .. في ذروة فراغي
انكسر فيني مودّه !
وقتها / :
طَأطَأتْ أنا راسي .......... وحيد!
وهُمّا راحوا فِــ :
الـ .......... بعيييييييييييييد!






( 4 )

حقّاً .. ليالي البُعد دايم :
موجعه !



( 5 )

ناقص مسائيْ ! صوتك العذب وينه ؟!
............. ملّ انتظاري صبر , والليل /:ساري
يـ اجمل نساء الكون .. يا ياسمينه
............. بدون صوتك صرت بالحيل عاري!
مفجوع هذا الليل .. لا / تتركينه !
............ وتزوّدين الهمّ .. فوق انكساري !





( 6 )


في الحزن هذا الليل ..واطلال السفر !
واثنين تاهوا في الجفاف :
قلبي .. وانا!
من كم سنه ..
يا بنت : انا إشتقت لك
بس للأسف ما مرّ بي طاري
ولا زادت امطاري !




( 7 )

على الله يا بحر .. هالحزن فيني يغرز ارماحه
............. وانا في وحدتي عاجز .. ولا ادري كيف أيّامي
تخطّاني سفر بُكرا .. ودمعه حيـــل فضّاحه
............. بقى فيني وطن ضايع وسرب من الأمل ظامي
يغلّفني الزّمن بالعاصفة ... بالليل /: وجراحه
............. واغفّي فيني احزاني .. وانادي وحدتي/ نامي
أغادرني ولا القاني .. ودربي ضاع /: مفتاحه
............. عسى المقبل من ايّامي ربيع, وبالفرح سامي




( 8 )

كذا .. هالليل يغرز في حنايا الروح :
نار .. ودمعتين
- غربة ..
مع انّي في الوطن!
- وقلب لـ :
الطائف / يحن !



( 9 )

في الفراغ اللي بقى ع الطاولة ..
جرحين :
........... موعد تركتيه بطريقك للتغلّي!
وانهزام انسان باقي :
يحتريك !
......................... ولا تجين !

برب