أحقا ستحلق الطيور / الكاتبة : وصيت قلبي عليك ، كاملة

منورين القصه حبااايبي

الجزء الثالث


بنات حـــواء


==============





ناظرت الأفعـى وهي تقترب منها بحركاتها الملتويه والمترصده
اتسعت عيونها بخـوف وهي تناظر لسانها اللي اخرجته بكـل مكر وعرفت هاللحظه انها بتنقض عليها و بترمي سمهـا
حاولت تصدر أي حركه لكنها حست انه جسمها مشلول واطرافها متجمده..تمنت تصرخ و تنادي أي احد ينجيها لكن حتى صرختها ماتت قبل ماتحيها.. حاولت تبكي وتعبر لجل تخفف الغصه اللي بدت تكتم حلقها الجاف..لكن الأفعى كانت اسرع منها وبلحظـه ماكانت على البال انقضت عليها بكـل قوه وبشاعه
عايشه\لااااااااااااااااا يمـــه
يمه هذه اول كلمه نطقتها وطلبت منها العون..لكن وينها! ووين امهـا!
حوطت جسمها الضئيل باايدينها ووطت راسها وظلت بمكانها تصرخ وتنادي امها بااعلى صوتها

ساره\عايشه..عايشه بسم الله عليك..وشفيك حبيبتي..عايشـه..اهدي..اهــدي..
عايشه\لاااااااااا بتذبحني..طلعوهــا..طلعوهااااااااااا
حاولت ساره تفك ايدين عايشه اللي محاوطه جسمها الضئيل وتطمنها وتهديها..لكن هيهات عايشه تهدأ لأنه الكابوس تحسه ينعاد قدامها,,
ابعدت عايشه ساره عنها بشده وضلت موطيه راسها ومحاوطه جسمها لأجل تحمي نفسها وهي ترجف وتفطر أي قلب على حالها و تصـرخ وتصـرخ بدون شعور وبكل خوف..
صرخت ساره \عايشه حببيتي انا ساره..شوفيني الله يخليك..رفعي راسك انا ساره
رفعت عايشه عيونها ببطء ولمن شافت عمتها ضمتها بكل قوتها وكانها لقت حبل النجاه بوجودها
لمن حست ساره انها بتقطع ملابسها من شدّ ايدينها عليها ..غمضت عيونها بشده وارتعشت وهي تستعيد الحلم بذاكرتها \ساره...حيه كبيره.بتذبحني..بتقتلني..انا خايفه..خايفه,,لاه... لاااا وغاب صوتها بكل ضعف واستسلام..
بكت ساره على بنت اخوها الوحيده اللي ترجف بين ايدينها \حلم ياحببتي.هذا حلم...بسم الله عليك..بسم الله عليك
مو عارفه شلون تتصرف..الحلم يعيد نفسه لك مره..فكرت توديها شيخ يقرأ عليها..يمكن يطمئن بالها ..او حتى دكتور نفسي..
لكن عايشه رافضه كليا الفكره..
ظلت عايشه فتره وهي بحضن عمتها بنفس وضعها وعيونها مغمضتها لكن صوتها بكائها خف تدريجيا وانفاسها اعتدلت وهي تقرأ عليها القران..
ساره\هديتي..!
اومائت برأسها
وفجــأه
فتحت عيونها بشده لمن شعرت بـ بللّ بملابسهـا وارتعشت لمن تذكرت مرضها الغريب..
ابتعدت عن عمتها بسرعه وبكل خجل وهي موطيه رأسها وتقاوم دموعها وصرخاتها..
عايشه\عمتي..خلاص انا مافيني شي..ممكن تطلعين شوي..
ساره\ليش!؟
زمت عايشه شفايفها بتوتر\بس
ساره\اوكي..تروشي وتعالي جسمك كله معرق..قربت منها لجل ترفع شعرها المتناثر حولها..لكن عايشه ابتعدت بسرعه وكانها لسعتها كهرباء
تفاجأت من حركتها ساره لكنها خلتها على راحتها ومشت خارجه من الغرفه بعد مااغلقت الباب..
اسودت الدنيا بعيون عايشه..وانهمرت دموعها بكل حرقه مره ثانيه!
معقوله عمتها تدري عنها..وحست فيها!
غطت وجهها باايدينها الصغيره وبكت...وبكــت.. وهي حاسه بالعجز ..بالضعف..وقل الحيله..
لازم تشوف حلّ لمرضهـا!
خوفها الغير طبيعي يرغمها على امورّ هي كارهتها!
لكنها وش تسوي..مو بأيدها كل اللي يصير
والله مو بايدها!
تذكرت حمد الحقير..وموقفه معاها امس..هو السبب في كل شي..هو السبب ولولا الله ثم خالتها حليمه اللي دخلت عليهم فجأه كان الله اعلم بحالتها!
قامت من سريرها بكل ببطء وهي تشعر انها منقرفه من ملابسها ومن نفسها ومن حياتها كلها..رفعت مفرشها بااطراف أيدينها ورمته بالسله واخذت الشرشف وهي راصه على عيونها بكل الم..ورمته..
ودخلت الحمام وهي تبكـي وترتجف بخـوف..
"وينك يمه!.تعالي شوفي بنتك ضايعه ووحيده..غطتيها بكل قسوه ومادريتي انه بنتك لسه صغيره!...؟؟"
لسه صغيره يايمـه والدنيا مارحمتهـا


---------------------







جعـدت شعـرها بمسحـات جلّ خفيفه واكتفت بهالقدرّ..اخذت بندانه الصفـراء ووضعتها بمقدمة رأسها..وطـت رأسها بسرعة لمن تناثر شعرها المبلول على رقبتها وبعدها رجعـت شعرها بحركه سريعه ومعـتاده,,
ضحكت على نفسها وهي تفكـر وش اللي بتقدر تحطه ويغيرها ..!ناظرت بتسريحتها اللي كانت مليانه من انواع الجلّ المتعدد الماركات والبندانه من جميع ألالوان..وقلوس وردي مرمي بااهمال بزاوية التسريحه وشكله منتهيه صلاحية استعماله..
ليش أصلا تفكـر بالتغير!؟؟هذا ستايلها ومستحيل تغيره لأجل ناس مايستاهلون التغيـر!؟
لكنها ماسرع ماغيرت فكرها وسرحت بخيالها,,,
وبدقايق كشـرت وهي كارهه شكلها وخيبة حظها ..وفتحت علبة الحلق بقوه واخذت اللي تقدرّ عليه من اشكال غريبه ومنوعه لمن امتلت اذنهـا منهم بشكل ملفت وعجيب..
وقبلّ ماتخـرج نظفت نظارتها البيضاء ولبستها وضبطت سلسلتها اللي بشكل رمز الحريه
بدور\ساعه وانتي تلبسين..!اللي يشوفك يقول متوهقه بفستان!
كشرت بوجهها فريد\لسانك هذا بيوم صدقيني بقصه بس انتظري لمن اتخرج وافضى لك,,
بدور\ايه سويها..مجرمه من بنت!؟
كشت بوجهها فريد ومشت من جنبها لمن ضربت كتفها بقوه
بدور تأوهت من الضربه\ايييي يادفشه! ياحمـ,,
فريد\كولي عسل
;
توجهت هيا وبناتها بيت بدريه كعادتهم يوم الخميس و استقبلتهم بحديقة البيت الخلفيه لأنه الجو اليوم لايفوت ابدا
فريد\خالتي..وين لولو!؟
بدريه\والله يابنتي لولو بسريرها عجزت اصحيها..
وقفت فريد على رجولها \اوكي بصحيهـا!؟
دخلت فريد الصاله الهاديه والصفرة الألوان..
وشعرت بالفرق الكبيـر بين صالتهم المتواضعه المزينه بالأوراق الخضراء الصناعيه وصالة بيت خالتها اللي تعج بااجمل الثريات وافخم التحف اللي مشتراه من كل بقعه ..لكن استحوذت على اهتمامها ولااثرت فيها لا الألوان الصارخه والا الموكيت المتجدد ولا حتى الأثاث كثر ما آثرت فيها الوحشة والهدوء القاتل اللي تصـرخ فيه كل جدران هالبيت
طلعت باللفت وهي سعيده بقناعتها اللي نادر ماتنوجد بين اهلها وحتى اخواتها اللي يتمنون ولو ربع النعمه اللي عايشتها خالتها وعيالها..ودخلت على لولو اللي كانت نايمـه على بطنها ومغطيه جسمها بشرشفها البنفجسي ماعدا جزء بسيط من وجهها اللي مبينه تعقيدة حواجبه
فكـرت شلون تصحيها!وهي عارفتها مجنونة نوم وماتصحى إلا لمن تاخذ القدر الكافي وزياده عليه اربع ساعات..
وطرى على بالها انه لولو تكره أي شخص يرفع الغطاء عنها..وهذه اسهل الطرق عشان تصحى..
قربت منها وابتسامه ماكره تعلي شفاها ورفعت الغطاء بكل مااوتيت من دفاشه وصبينه..
اعتفست ملامح لولو وبتلقائيه مدت ايدها لأجل ترفع الغطاء لكن ايدينها رجعت خايبه..وبهاللحظه فتحت عيونها وتفاجئت من فريد اللي تبتسم لها,,
فريد\قومي يادبه!
لوت لولو فمها بعصبيه وغمضت عيونها اللي صارت اكثر حده بسبب النوم الكثير\دبه في عينك...
فريد\ههههههههههههه قومي يالله,,
فتحت عيونها لولو وقالت بكل زمجرة\كم الساعه!؟؟
فريد\الساعه خمس..قومي والله انك عفنتي..انا عارفه,,!
تفاجأت لولو معقوله نامت 13 ساعه متواصله!
ضغطت على رأسها بمناطق مختلفه من الألم اللي تشعر فيه..
لولو\راسي بينفجر!؟احس بالدم كلها مجتمع برٍأسي
جلست فريد جنبها على كنبه الطويله عنابية اللون\ هذا من كثرة النوم ياقلبي..
استعدل لولو بجلستها ورجعت راسها للخلف\بندول محتاجه بندول..
فتحت فريد فمها بذهول وهي هاللحظه انتبهت لشيء معين في بنت خالتها\لولو صبغتي شعـرك..
ابتسمت لولو بغنج\شرايك!"حركت شعرها يمين ويسار بدلع"..اكيد حلو صح!؟
فريد بصوتها المبحوح\خطيـر..
تهللت اسارير لولو لأنها تحب احد يمدح جمالها وانوثتها\ثانكيو..انا لولو.. لولو انـــا مـوو
فريد قاطعتها بملل\مو اي احد...فكينا حفظنا هالمقطع من كثر ماتعيدينها.بس تعالي..انتي رجعتي تحفين حواجبك.!
لولو\وليش..انا متى بطلت اصلا,.!
فريد تنهدت بضيق\لولو تعرفين وش عني ملعونه..يعني مطرود من رحمة ربي..!لعن الله النامصه والمتنمصه
لولو بدون اكتراث ردت\عارفه.!
فريدومدام انك عارف ..ليش لازالتي مصره تعصين..لولو انا ابي مصلحتك..تكفين بلاه هالحف..انتي ماتدرين متى يجي اليوم اللي تنقبض فيه روحك...
لوول تأففت بملل\اييييييييه ادري..بس شسوي تعودت..
فريد\ومثل ماتعودتي تحفين..بتتعودين تبطلين هالمعصيه..جربي التشقير ..شوفي عواشي تشقر ولا يبان اصلا..
لولو\ايه..بس كم اسبوع وبعدها مايطلع حلو!
لولو\وين المشكله ارجعي شقري من جديد.
لولو\ياربي...مازهقتي انتي من هالسريه..مليون مره تعيدينها!.
فريد\وبرجع اعيدها لمن تقتنعين...!
قامت من على سريرها وسحبت روب الحمام\زين انا باخذ دوش..لاتطلعين لمن اخلص..واذا تمللتي تفرجي على التلفزيون او المجلات اللي عالطاوله..
فريد سكتت عن الموضوع لكنها بترجع تفتحه من جديد بفرصه احسن\طيب انتي خلصينا..ولاتطولين..
لولو ارتحت لأنها قدرت تغير الموضوع\من عيوني..ياعيوني
جال نظرها على غرفة بنت خالتها اللي كلّ مالها وتزداد حلاوه..تجاهلت الشاشه البلازميه اللي تغري الشخص على فحصها و تشغيلها واتجهت للتسريحه اللي كانت ماخذه اكبـر مساحه من الجدار اللي بقرب الباب
عطورات جديده ماكانت تشوفها الا بالتلفزيون..ورفوف مخصصه للمكياج تحوي عدد كبير من علب الشدو واقلام الأنلاينر والبلاشر ..وفرش غريبه متعددة الأشكال والرؤؤس جاهلة طريقة استعمالها
عقدت حواجبهـا بااستنكـار وهي ماسكه فرشـه مدببه الرأس كانت عليها اثر شدو فوشيا لامع
جلست بتهالك على كرسي التسريحه وهي تفكـر كيف تستعمل هالفرشه!؟
لولو\واااااااااااااااو فريد جالسه على تسريحتي..انجاااز!
ارتكبت فريد ورجعت الفرشه مكانها بدفاشه ورفعت ايدها بسخريه
فريد\كف على وجهك يطيرك..من صجك انتي!انا بس اتمصخر على محل المكياج اللي بغرفتك!
تعودت لولو على اسلوب فريد الهمجي\ وانتي هذا اسلوبك مااراح يتغير!وبعدين تعالي انتي متأكده!
فريد\متأكده ايش!
غمزت لولو بعينها وهي تقرب منها \متاكده انك ماتهتمين لـ هألأمور؟؟!
تجاهلت فريد كلمتها وكتمت احرجها\كولي عسل..ومشت خارجه من الغرفه..
لولو\وين بتروحين.انتظري!
فتحت الباب وهي تصرخ\لبسي ونزلي..ترى ضاع الوقت بسببك!
لولو\طيب لا تطقين..
ظغطت على اللفت فريد وهي كارهه الموقف اللي انحطت فيه..يعني لازم تنبش بإغراض البنت..!وتسوي روحها فاهمه!
هي مو عارفه ليش فتشت!كان عندهـا فضول غريب حول هالأغراض اللي متواجده بغرفة أي بنت من سنها!
كان عندها فضول تعرف ليش كل البنات ينجذبون لـ هالمستحضرات !
وهي!
ليش مو مثل البنات!
هذا اللي جاهلته فعلا..
انفتح اللفت على وقع خطوات خلفها..التفت بتلقائيه وطاحت عينها عليه...وغصبن عنها كشرت لأنها ماكنت تتمنى يشوفها بهاللحظات!
مصعب\يهود احنا..!
ناظرته نظـره غريبة ولاحظت العود اللي بأيده ولبسه الأنيق اللي دوم يربكهـا ويرغمها على التأمل فيه بكل جنون وحب..لبسه بسيط جينز رمادي مقطع من جميع الجهات وتيشرت ابيض وشعره من كثرّ نعومته كان خفيف وبأي حركه تصدر منه ينسدل معاه.
تأففت بصوت عالي يوم شعرت انه النظرات طالت والهدوء سكن.. وبدأت الحرب بعد كلام العيون
لوا فمه بطريقته وكمل\وبعد!؟
فريد\وآنت خليتني اصلا اسلم..مصعب ابعد عني ترى مالي خلق لك!
مصعب\ليش!..رفع حاجبه وكمل...مات لك قريب!
كتفت أيدينها بعصبيه وضغطت على اللفت مره ثانيه لأنه تسكرّ
فريد\تستهبل حظرتك!
باابتسامه لاذعة رد\مدري ..وش رأيك انتي!؟
فريد\فكني منك يااخي..انا كنت مرتاحه وانت بعيد!؟
بهدوء قال \قولي والله!
ارتكبت لكنها تظاهرت العكس وردت بكل خشونه وعجرفة\والله..والله..وأكدت له أكثر.. واللـه..
تفاجأ مصعب ولجمته كلماتها!..تفاجأ انه حلفت..تفاجأ من نظرتها الصارمة والحادة!
مرّ من جنبها بكل هدوء ونزل من السلالم..ومن شعرت بالهواء اللي ملى مكانه دمعت عيونها..لكنها
مسحتها بكل قسوه قبل ماتنزل..وكتمت آهاتها بقلبها الرهيف..
فريده حساسة لأبعد درجه لكن شخصيتها المتعصبة اخفت مشاعرها الرقيقة...
اللفت كان ينفتح ويرجع يتكسر من جديد..وفريده سارحة بأفكارها..وبكلام مصعب اللي مثل الخناجر على قلبها..
طلعت هاللحظه لولو وتفاجأت من وجود فريده
لولو\أنتي مانزلتي!
حاولت فريد تتناسى الموضوع\نزلت وطلعت ابي استعجلك..
لولو\اها..يالله ننزل..دخلوا المصعد..ولولو كان تناظر نفسها بالمرايه..تصدقين..احس الصبغه عرضت وجهي..شكلي برجع أصبغه اسود ..
ناظرت فريد لبس لولو اللي كان عباره برمواد جينز اسود بنهايته فصوص صفراء وتيتشرت اسود\وانتي ناقصه اسود..يااختي كل لبسك هاللون..بعد تبين تصبغين شعرك اسود!
لولو\يا حبيبتي انا أحب الأسود..وغير كذا انا البس هاللون عشان يضعفني!
دخلوا الصالة
لولو\افصخي عباتك..
فريد بصوتها المبحوح\اخاف يكون اخوك موجود..
لولو\لا ربعه مسوين له اليوم عشاء في المزرعه..وبيدق عود للفجر..وناسه والله..
شعرت فريد براحه لكن بنفس الوقت كانت تتمنى لو تلتقي معه مره ثانيه وثالثه..وطبعا مااارح تمل!

صادق مصعب يوم سماها غبيه!
كيف تتمنى تشوفه وهو اللي كان يسخر منها من دقايق..
هي غبية فعلا...غبية لأنه تحبه!

وعلى هالحال ظلت فريده..تتقرب مجيء مصعب بكل شغـف و جنون الحب...كانت متملله من سوالف لولو وحكيها عن الحفلة اللي كانت في بيت الوزير..لولو كانت تتكلم بحرارة وبعيون حالمه..آما فريد فكانت بعيده عن ارضهـا وطموح بنت خالتها..
لمن اسدل الليل ستاره..وبان حندسه المظلم.. ورجعت فريد لمسكنها الصغير والبسيط وهي ما حاضت على رؤية حبيبيها ابو شامه مره ثانيه
و رجعت تفكر من جديد!
شلون قدرت تحط عينها بعينه..وتحلف بالله ثلاث مرات!
وش هالقوه العظيمة اللي صابتها وهي اللي كانت بيوم ماتقدر تحط عينه بعينه!
كانت ترتعب اذا سمعت صوته كانت تهابه بداخلها من وهي طفله
وظاهريا كانت تظهر العكس والقوه والصبينه وبكل براعه..ماكنت تدري انه غرقانه بحبه الا لمن كبرت وعرفت وش تفسير دقات القلوب والحراراه الغير معقوله اذا ناظرت عيونه ودققت بتفاصيل حروفه وتأملت تقاسيم وجهه..كان يحرك فيها شي غريب وهي جاهله وغارقة وراضيه..
أفتنتها الشامه السوداء اللي تحت شفاته..
واسرتها نظراته المتعصبه اذا شدد على عيونها وبانت خطوطها المستقيمة
حبيت عصبيته وزمجرته وتقلباته..
عشقت سخريته وغرابة تصرفاته
كانت تعرف انه انسان مستهتر ومتقلب ومغازلجي درجه اولى ..
كانت تشوف عيونه المكاره وهو يرمي وبكل مهارة كلمات الحب على البنات ويأسرهم فيها..
لكنها حبته..وعشقة صوته اذا غنى واطرب قلبها قبل مسامعها..كان قلبها يرقص حب وجنون..
لكنها كانت صادقه بكلامها!
من رجع وهي ما ذاقت الراحة بيوم!
نامت فريد وهي غارقة بأحلامها..وطيف مصعب يجول حولها..


--------------

صبح السبت
بناااااااااااااااات يابناااااااااااااااااات تعاالوااااااااا
التفتوا ثلاث ازواج من العيون لحنان اللي جايه من بعيد بنفس لاهثه
فريد\وشفيك..وعمى ان شاء الله فقعتي اذني!؟؟؟
رمت حنان جسمها على الأرض وهي تسمح جبينها بكف ايدها اليمنى بحركات سريعه..
وفجأه
انفجرت ضحـك
أرفعت لولو حاجبها بنظرة استخفاف ورجعت تتصفح مجلة تحت 21 بهدوء
آما عايشه رجعت تكمل نقاشها مع فريد على مسأله بالرياضيات
لكن حنان ظلت تضحك وتضحك ووجها كل ماله ويحمر لمن ارغمت البنات يرمون اللي بأيدهم و يضحكون على هيئتها
رمت عايشه الدفتر\ياحمـ.. والله ان ماتكلمتي اللحين ياويلك..
فريد\وقسم بالله مصخره..قولي وشفيك..!ضحك وضحكنا..ودفتر وصكيناه!قولــي لأصحكك بهالجزمه!.؟
سكتت شوي حنان وفتحت فمها لأجل تتكلم..لكنها اطلقت ضحكه بدال أي حرف
فريد تنرفزت وقامت لها..وحنان على طول تكلمت\تذكروا فيلم كان يعرضونه على mbc 3 لمديرة مدرسه كانت مسويه رعب لطالباتها ..وبأخر الفيلم الطلاب رموها بره المدرسة
لولو تذكرته على طول لأنها تخصص افلام\ايه ذكرته..ذكرته..اسمه ماتيلدا اظن..ههههه هي البنت اللي استعملت قوتها الخاصه ورمت المديره من نافذة الفصل,,
حنان\ايه هاي اللي كنت بئصدوا..ابشركم..مراقبه جديده تعينت بدال استاذه حصه..وهونيك بالساحه مسويه رعب عند البنات..تخيلوا يابنات عيونها صغار ئد النمله لكن البؤبؤ شوي وبيطلع من جفنها!
لولو باستمتاع علقت\حماس الصراحه..افتكينا من حصوه..وجات وحده العن منها..!
فريد\انتي من صجك..قولي الله يعنيا عليها..قوموا..ابي اشوفها وتخسي تكلمني!
ضحكت حنان بسخريه\اقولك البنات صاروا يهربوا منها..وانتي مو مهتمه!
قامت فريد \ماابقى غير هذه تخوفني..
نطت حنان معها بحركه سريعه\نشوف ياستي..
اتجهوا البنات للساحه بخطوات سريعه وروح حماسيه وحنان صرخت\شوفوها اللي معطتنا ظهرها ومساكه المسطره!
تكلمت لولو بدلع وهي لاويه فمها \ سوفاااااج..شوفيها وش لابسه..!
عايشه\ماشاء الله عليك..شلون شفتي ملابسها!
لولو\شوفي تنورتها على ايام السبعينات من قصرها!
حنان\هههههههه روئوا شوي..لسه ماشفتوا وجهها!؟
قربوا البنات بخطوات وحده ومستقيمه لمكان التجمع البنات
وبهاللحظه سمعوا صرخة المراقبه الجديده..وبتلقائية صار الكل يحط ايده على إذنه
فريد\وعمى مو صوت عليها..شكلنا بنرجع البيت واحنا مانسمع..
ضحكت عايشه بخفه وسكتت..وكلهم شغف انه المراقبه تلف لجهتم لأجل يناظرون وجهها
لولو\امشوا..ابي اشوفها من قريب..!
قربوا البنات اكثر لمن اصبحوا مايفصل بينهم وبينها الا خطوات..
وبنفس اللحظه لفت المراقبه راجعه لداخل المبنى لكن وقفت خطواتها لمن شافت اللي واقف خلفها..
اما البنات ماقدروا يستحملون اللي يشوفونه وكل وحده فيهم كاتمه ضحكه ممكن تنفجر أي لحظه..
كانت المراقبه لابسه بلوزه صفراء وسيعه..وفوقها جاكيت كحلي على تنوره بنفس اللون ..ورافعه شعرها كله بتسريحة الكعكه..
عايشه بتلقائيه ابتسمت وهي تتذكر مقطع الفيلم اللي ذكرته حنان وفعلا كانت تشبه مديرة مدرسة الفيلم..
اما حنان أطلقت ضحكه كبيـره ورنانة وهي تشوف المراقبه بتاكلها بعيونها..
فريد كشرت وجهها وهي تتأمل عيونها. اللي فعلا بيطلع بؤبؤها.
اما لولو كانت حاطه ايدها على خصرها وتنـاظرها بقرف وكأنها حشره صغيره قبالها
المراقبه انصدمت من هالقروب الغريب الشكل واللي يناظرونها بكل جراءه وعجرفة..
قربت منهم وخصوصا قبال حنان اللي لازالت تضحك ومو هامها الموضوع..
فريد شعرت باانه اليوم مااراح يعدي على خير وضربت رجل حنان وهي ترص على اسنانها\لازم يعني ضحكه الرقاصات!؟؟
حنان بدون شعور حطت ايدها على فمها وبعثرت نظراتها لأي مكان المهم ماتشوف عيون المراقبه اللي بتلتهمها
المراقبه مافاتتها الحركه وحست انه براكين بتتفجر اذا مافرغت غضبها\وقاحه..وقلة ادب..!
الجميع سمع صرخة المراقبه واصبح التجمع اكبر..ونص بنات المدرسه كانوا شاهدين الموقف بتسليه والهمسات كل مالها وتعلى نبرتها..
لولو بنبره جامده\نعم!؟
المراقبه\الله ينعم عليك..قدامي كلكم على الأداره!
تأففت فريد بصوت كان عالي بالسنبه للجميع ام بالنسبه لها كان جدا واطي\من بدايتها!
المراقبه\مو عاجبك حبيبتي!
فريد بصوت واطي\كولي عسـ
قاطعتها عايشه \الجو معتدل..والفسحه بتخلص..والأبله دخلت..والدرس انشرح..والمدرسه سكرت تراراراااا
عقدت حواجبها المراقبه ومافهمت شي\شتقولين انتي!؟
فهمت فريد كلام عايشه وضحكت بهدوء..
لولو بصوت واطي\مشكله اللي يستهبلون!
عضت عايشه على شفايفها\بلا1
فريد\بلا2
حنان\بلا3
لولو\بلا4
المراقبه شوي وبتقطع شعرها من القهر\انجروا قدامــــي على الأدراه!..التفت المراقبه للبنات اللي مجتمعين حولها..خيــر..كل وحده تورني عرض اكتافها..
لولو بنبره دلوعه\ينقال انها خوفتنا اللحين!
عايشه\مسكينه والله..
مشوا البنات للأدراه بكل ثقه وكأنهم رايحين حفله يضحكون ويتكلمون ومو هامهم الموضوع ابدا
وقفوا قبال باب الأداره ولازال حديثهم مستمر ومو مكترثين بالمراقبه اللي دخلت مكتبها وطلبت منهم الوقوف قدام المارين..
فريد كانت متسنده على الجدار براحه ورجلها بشرق والرجل ثانيه بغرب وحاطه ايدينها بجيوبها وتناظر سقف الممر\الغبيه تفكر انا حنا بنتفشـل بهالوقفه..
طلعت حنان علكه من جيبها ووزعته على صديقاتها\خلونا نتسلى شوي..
لولو\يااااي علكه عطيني بسرعه..
مرت هاللحظه ابلة الفنيه اللي كانت تدرس البنات السنه اللي فاتت
ابله جهينه باابتسامه حلوه\ لااااا الـ b هنا وانا مدري!
فريد بنبره عاليه وخشنه\ هلا بالقمر اللي طلّ...نورّ السيب والفصول والمدرسه كلها..
تظاهرت ابله جهينه بالخجل ومسكت خد فريد بخفه\ياربي هالبنت اموت فيها..هي بس اللي تفهمني..كيفكم ياحلوين..!
البنات بصوت واحد\تمااام..
ابله جهينه\عسى ماشر..ليش واقفين !اكيد عاملين مصيبه جديده..اعترفوا..
اترفعت اصوات البنات واجتعموا حول ابله جهينه وانتصر صوت فريد المبحوح بينهم\والله ياابله ماسوينا شي..بس الله يسامح من كان السبب..
ابله جهينه\منوا!؟
فريد قربت من ابله جهينه اكثر وبكل جراءه ردت\هالمراقبه الجديده..مدري و ش اسمها!
ابله جهينه\ استاذه سلوى..
لولو طلعت لسانها قرفانه وقالت بااذن فريد\اععععععع وش هألأسم!
كشرت ابله جهينه وبنبره هامسه كملت\ تبون الصدق..حتى انا مااستطلطفتها !وقربت منهم اكثر وكملت ..بس ها مو تقولون...!
ضحكت حنان بصوت عالي\ههههههههه ماتخافي!
ابله جهينه\ايوه كذا حلوين..يالله اشوفكم مره ثانيه..ومشت داخل غرفة المعلمات
فريد\مري عاد ياابله..
ابله جهينه لفت لهم من بعيد\من عيوني ياعيوني..ورمت بوسه لفريد
فريد\فديتها تهبلّ..
لولو\يااختي انتي حايزه على اعجاب نص المدرسات!
حنان\ولاتنسي والطالبات..وابتسمت بخبث
عايشه ماعجبها الكلام\بس جريئه..جريئه بالمره
لولو\هههههههه حلاتها والله..
عايشه\هذا مايمنعـ
لجمت عايشه بحكيها وشاحت بنظرها بحركه سريعه وظلت عيونها متركزه على الأرض بتوتر بالغ
بتلقائية تصوبت نظرات البنات لمكان نظرات عايشه وانرسمت ابتسامه خفيفه على شفايفهم وهم يناظرون ابله اميره اللي توجهت للأدراه بعد ماالقت نظره متفحصه لعايشه
فريد\ياعيني ياعيني والله وصار حكي بالعيون!
احمرت خدود عايشه من الأحراج \لا ياربـي ليش!
حنان\شوا؟؟!
كملت عايشه ورغبه كبيره ترغمها وتحفزها على البكاء \اللحين وش بتقول عني!؟تونا فسحه وواقفين قدام الأداره!
فريد لوت فمها بعدم اكتراث\يعني انتي متفشله اللحين!؟
عايشه\ياربي افهموني عاد..استغفر الله العظيم..
لولو\وشفيها يعني اذا شافتك..كل هذا اعجاب
عايشه\اي إعجاب أنتي بعد..انا احترمها واقدرها وهذا كل الموضوع!
لولو رفعت حاجبها بمكر\واضح!
طنشتها عايشه وظلت تفكر باابله اميره لمن سمعوا صوت ابله سلوى الصارم اللي انتشلهم من معمعة حديثهم
توجهت لهم والمسطره لازالت بصحبتها وملف ابيض اللون باايدها اليسرى\اشوفكم طاقينها سوالف!
فريد تاففت بملل بنظرات متصوبه للأعلى\يالييييل مااطولك..
ابله سلوى كانت تتمنى تفهم مصطلحات البنات اللي شعرت انها غريبه واللي جننها اكثر صوتهم اللي يحاولون يخففون من نبرته الساخرة\كل وحده تكتب اسمها وتوقع تعهد ..بسرعه اشوف..!
ارتجفت فريد بحركات استهباليه وكل هذا ورى ابله سلوي اللي اعطتهم ظهرها لأجل تفتح الملف\يمه خوفتني..بموووت
حنان\شوي شوي على ركبك لا تتكسر
فريد كملت تمثيل\لا تكفووون خلوني اعبر عن خوفي بليييز
سكرت عايشه فم حنان قبل ماتطلق ضحكتها\دقايق وضحكي على راحتك فوق..
وقعوا البنات على التعهد بااعصاب باردة وكأنهم متعودين على هالتوقيع بشكل مستمر
فريد\مرده بينطق بالزبالة..
ابله سلوى بنبره صارمه وآمره\بسرعه على فصولكم وماابي اشوف وجهكم..يالله..
مشوا البنات بخطوات بطيئه ومقهوره.اما عايشه فكانت متنرفزه لأنها تكره تسلط المعلمات واستغلالهم مهنتهم\أخلاقها عسل..
فريد بلهجه ساخره\جدا ..بس ان ماطفرتها مااكون فريد..
عايشه\ياخوفي هي اللي تطفرنا!
مسحت فريد على ذقنها دلاله على التفكير\تهقين!؟؟؟
اكتفت عايشه بالسكوت لكن نظرة عيونها كانت تحمل معاني كثيرة
مرّ اليـوم والحدث ألأكبر كان ابله سلوى اللي ناويه على التغيير الكلي لمدرسة البنات!؟وخصوصا شلة الـ b اللي حطتهم في بالها والمخططات العديده اللي بتتنفذ بااقرب وقت ممكن

----------------

مرت الأيـام والامتحانات كانت تدب الرعب في نفـوس جميع طلاب الثانوية العامة..ونظام التقييم اللي تقرر هالسنه احدث معمعه وترقـب لنتائج مجهوله نهايتهـا..
وبـ زغردة العصافيـر وهديـل الحمامات وهسيس الريـاح اللي محمله برمـال حجبت الأعين
كانوا الـ b وقفين كعادتهم بنهاية الطابور وبايدهم دفتر الرياضيات اللي يبدأ اختباره الحصه الأولى ومن سوء حظهم انه يوم السبت يوم النظام العالمي للمراقبه سلوى اللي بدت جولتها من فصول اولى ثانوي
لمن تقدمت بمسطرتها الخشبيه لفصل 3\3 وتركزت نظراتها لعايشه اللي منهمكة بقانون رياضي عجزت تستوعبه حتى لمن فريد شرحت لها..
المراقبه سلوى\انتي
شعـرت عايشه بشي ثقيل على كتفها..التفت ببطء وشافت المسطره متوسطه كتفها..
سلوى\يعني ماتعرفين انه تسريحة شعرك ممنوعه..
بتلقائيه ارخت جفونها باحراج وحطت ايدها على شعرها تحسسه ببرائه..كانت رافعته بكلبسات صغيـره بشكل فراشه وطالع منظرها جنان..
سلوى بصرخه دوت بالساحه\رفعي راسك لمن أكلمك..وقدامي على دورة المياه تفكين شعـرك
تدخلت فريد بقهـر لمن شعرت انه جميع ألأنظار على عايشه اللي بتبكي من الإحراج..
فريد\مااظن انه هالشي ممنوع..
المراقبه\ليكون هي موكلتك محاميه عنها..وأنا مدري..!سكري هالدفتر اللي فاتحته..
تأففت فريد بصوت عالي وهي تمتم بشتمات ماسمعتها غير حنان اللي شاهده الموقف وودها لو تقطع شعر المراقبة من القهر..
اتجهت عايشه لدور المياه وهي ترتجـف وعيون البنات حولها..وانهرمت دمعتين من عيونها من القهـر والفشيلة
دخلت دورة المياه وانخرطت ببكاء مرير
اليوم بالنسبة لها كان منحوس من بدايته..
أوله بسبب حمد اللي سمعها كلمتين سامه قبل مايمشي لشغله..وثانيها ابوها اللي تعب عليهم فجأة وهي ماتعرف وش إخباره..وثالثهم امتحان الرياضيات اللي من عشر درجات..وأخرهم المراقبه سلوى ..
فتحت شعرها وهي لازالت تبكي ولمته على فوق وحطت بقية الكلبسات بجيبها..
غسلت وجهها بماي بارد ..ورفعت عيونها للمرايه وانصدمت من احمرارها ووجهها اللي زاد انتفاخ من البكي..غسلته مره ومرتين وثلاث لمن شعرت انه الماي وصل لعيونها وحمرّ اكثـر..
سندت ايدينها على المغسلة وهي تحس بالعجز
و بالرجفة اللي دبت بأوصالها..لمن تنزف و تتسرب لداخل اعماقها
تمنت تكون مذكرتها بين ايدينها وتكتب ما يخالج بنفسها الضايقـه..
تنهدت بالم لأنها عارفه مدى ضعف شخصيتها وخصوصا بهالمواقـف والصميبه العظمى انه الكـل يستغلون ضعفها اللي دمرهـا..معلمة الفيزياء اللي ماتقدر تحط عينها بعينها اثناء الحصه..والمراقبه اللي زادت الطين بله .. كفكفت دموعها بالمنديل لأنه مو وقت تفتيح جروح عيت تبـرى..
سمت بالله وغيـرت مسارها لفصلها لأنها مستحيل تطلع للبنات وهي بهالحال..

==========











كانت متقدمـه الطـابور بكـل جرءاه وهي تسخط وتشتم سلوى..تسللت من الساحه بخطوات ماهره وسريعـه ودخلت لقسمهم وهي فرحانه انه عيون الكل انحجبت عنها..
فريد\عوااااشي..
تقدمت فريد لها\انـتي هنــا..
بانت البحه بنبرة عايشه\ايـه..أخذت الملزمة وركزت عيونها عليها..ابي اراجع قبل ما يبدأ الامتحان..
شدت فريد الملزه بقوه\مو علي..اوكـي!بكيتـي صح!؟
من سمعت عايشه كلمة فريد..غصتهـا العبـره لمن انهمرت دموعها..
فريد\عشان وحده ماتستاهل تبكيـن..!
عايشه بصوت متهدج\لا..مووو..هذااا السبب الوووحيــد..
جلست جنبها\مشكله بالبيت..!
كفكفت دموعها بسرعه لمن حست بالبنات داخلين\تعــودت على المشاكل والألم..بعدين اقولك
دخلوا البنات..واولهم كانت حنان اللي من شافت فريد ضربت جبينها..
حنان\والله اني حاطه ايدي على ئلبي خفت حد يشوفك..عواشي حبيبتي كيفك هلا!!
همست عايشه\الحمدلله..
ماكمولا البنات نقاشهم لأنه مدرسة الرياضيات دخلت والأوراق باايدهـا..
حنان\تعالي..لولو ليش غايبـه..!
فريد\بجده.!
طلعت حنان مقلمتها\السخيفه ماخبرتني..
فريد\قالت لي سلمي على البنات وخبريهم..وانا نسيت..
حنان\ومتى حتيجي!
فريد\يومين وراجعـه..
اعطت المدرسه نظـره حاده لفريد..لكنها ماكترثت لنظراتهـا وظلت تتكلم بهمس
لمن كملت السالفه لحنان..وبعدها رمـت ابتسامه غبيه لمعلمة الرياضيات اللي اضطرت تبتسم لها وماتقاوم سحرها..

-----------------







بوقت الغروب
اجبروها تحط السماعات..وبعد تردد دام دقائق ارضخت لمطالبهم بعدم اقتناع..
.وتعالت صوت فيروز بـ"كيفك انت"
=سوس=
شو رايك..صوت وكتابه..احلى صح!؟
قرأت حنوا رسالة سوس..وكتبت له
=حنوا=
وفي احلى من فيروز..سوس..وينها جروحي..مادخلت اليوم..
=سوس=
ناس عازمينهم على العشاء..وهي بتحضر حالها..
=حنوا=
شو عرفك!
=سوس=
انا بكلمها عالتلفون..
=حنوا=
والله؟؟؟؟؟؟؟؟؟؟
|فلفل اسود|
وينكم انتوا..سافطيني وتتكلموا لحالكم..
=سوس=
شوبك!فلفله احنا عم بنحكي..
|فلفل اسود|
وعمى بشكلك اسمي فلفل اسود..مو فلفله..
=سوس=
نفس الشيء
=حنوا=
هههه أي والله..
|فلفل اسود|
طيب اصطفلوا لحالكم..
=حنوا=
لااااااااا فلفل اسود..وينك عم نمزح..
=سوس=
اتركيها..هي اللي حابه..
حست بالأحراج حنوا لأنها لأول مره تتكلم لوحدها مع سوس...فكرت انها تطلع..لكن مو عارفه كيف..!
هي مو مجبوره تتكلم معه!!او بالأصح هي مو مجبوره تدخل هالشات اللي يجمع اشخاص كبيره من بني جنسها.!
وين مبادئها!وين كلامها اللي ادرجته الرياح!
قطعت عهودج كبيره على نفسهـا انها مستحيل بيوم تنخلي مع شاب بغرفه منفصله
وهذه اليوم وباارادتها وبكل سهوله تحكي معاه وكأن شيئا لم يكن..!
=سوس=
وينك انتي التانيه؟
=حنوا=
موجوده..
=سوس=
ليه ساكته..!
=حنوا=
سلامتك..عم فكر!
=سوس=
حنوا بدي ائولك شي!
=حنوا=
عم بسمعك..
=سوس=
تصدقين حنوا,,انا بحسك غير البنات..!
استغربت من كلامها وفضولها ارغمها ترد عليه بالرغم من الألم الغريب اللي عصر قلبها العذري..
=حنوا=
كيف يعني؟؟
=سوس=
يعني بحسك خجوله..طيبه..بريئة..حبوبه..بصراحه انا معجب فيـــك!
شعرت بوخز بقلبها وهي تقرأ كلامه..وبدون شعور اغلقت المحادثه وفصلت النت وطفت الجهاز ..
أسندت رأسها على الطاولة وهي تبكي!؟وتسأل نفسها..
ليـــــه؟؟؟؟؟؟
ليه دخلت بعالم الشات وهي تتوسط ثلاث صديقات الجميع يحسدهم على رابطتهم القويه..!
ليه عجبها هالعالم الللي جاهله نهايته وهي بمقدورها تطلع منـه!
ليه ماردت على سوس وهي عارفه انه اللي يحصـل غلط بغلط..
معقولـه بمر يوم ثاني وبتدخل تتكلم معاه بعد اللي حصل!.
معقوله هذا يكـون فارس احلامها اللي ظلت ترسمه بأوراقها!

--------------------











تشانيل وديور وفالينتينو كنزو وكريستيان لا كروا وجيفنشي وفرساشي
غرفتها الفاخره كانت اشبه بمحل
تجاري مليئ بالماركات العالميه,,
عيونها تجـول هنا وهنك..تقيـس هذا..وتترك هذاك..ترفع الأيشارب..وتتأمل الفستان..تربط الصنـدل..وتتلمس السلاسل الذهبيه المتدليه بعنقها..
كانت تشعر انها اميـره وبكـره يوم تتويجها التاج
بكـره بداية التحليق..بكـره الحلم الجميل..بكره بداية الأماني والسعاده..
بكـره يوم ارتباط اسمها بعايلة الوزير اللي ملئو غرفتها بكل اللي تتمناه أي بنت بعمرها..
ماهمها مين اللي تكفل بالهدايا اللي انرسلت لها امس مع باقة جوري بيضاء!..
الأهم انها سعيده..سعيده حتى الجنـون..
صحيح انها حاولت تكشـف هوية زوج المستقبـل..ومره وحده ترددت للقصر لأجل تشوفه..لكن خططها بائت بالفشـل لأنها مسافر لرحلة عمـل..
حتى المدرسه كانت متخلفه عنها من اسبوع..وبصعوبه شدديه ارضخت لاوامر فريد واظطرت تحظر الأمتحانات اللي انتهت من اسبوع..

ارفعت من صوت الأستريوا على موسيقى هاديه ورومانسيه وبدت تتمايل بخطواتها الرشيقه والفرحه وهي تحلم احـلام يقظـــه

--------


بكـره بداية التحليق لـ لولو!
وبكره بيحـل علينا شخصية سامي اللي لازالت مجهوله!

حنان هل فعلا سوس فارس احلامها!

وعايشه شخصية تفرغ مواقفها وآراءها وحزنها وشكوها بقلم!

وفريد ومواقف لاتنتهي مع مصعب!

اختكم
كـ \وصيت قلبي عليك

الجزء الخامس


\\..من يقتل الطمـوح..\\

------------








نــاظرت اسمهـا وسرحت بأفكارها!
خلاص..ثواني وتكون زوجة سامي..
سامي ولد الوزير..
سامي اللي فيه مواصفات تتمناها أي بنت!
قرب الحلم..معقوله بهالسهـوله..وبهالسرعه المفاجأه.!
ليش تحس انها لازالت تحلم..
وعشان تتأكد انها بواقع..
اخذت القلم ووقعت تحت اسمهـا ..وماحست الا بمصعب يطبع بوسه رقيقه على جبينها
مصعب\الف مبروك..
::
ارتفعت الزغاريط لمن مصعب نزل للدور الأرضي والجميع عرف انه الزواج تم والحمدلله..
ونزلت لولو بفستانها الذهبي الفخم
على موسيقى هاديه وهي تتوسط صديقاتهـأ حنوا وعواشي وفريد اللي ينثرون عليها الورد بكل اتجاه..
وبدت التباريك والسلامات تهلّ عليهـا وهي سعيـده ..فرحه..واثقه بنظراتها..حلوه بدلعها وغنجها وضحكتها الرقيقه..مغروره بجمالها الرباني
فريد\منتي خايفـه!؟
قطبت لولو حواجبها المحفوفه بااتقان\من ايش!؟
همست بااذنها فريد وهي حاسه انه الكل مصوب نظراته عليهم\من لحظة اللقاء..
ابتسمت لولو بثقه تامه\بالعكـس..انا احتريهـأ..
عضت فريد شفايفها بقهر\ياقواة وجهك..!
انفجرت ضحكه من لولو اكتمتها بأيدها الصغيره\ههههههه كيفي..
فريد بااسلوب ذكري\اقولك..قولي لـ هالهبله سندس..قصدي لحماتك سندس ماترجع تلبس هالفستان..,قسم بالله افتكرتها لعبة شطرنج..وهي مع الكحـل اللي منزلته لتحت خدودهـأ كأنها من ايام السبعينات.ايام الأبيض والأسود..
اشاحت عايشه اللي شاهده الموقف وجهها وهي كاتمه ظحكه بتنفجر أي لحظه..وحمدت ربها بينها وبين نفسها انه حنوا بدورة المياه..والا كانت بلاوي
كملت فريد حديثها وهي تتأمل سندس بحواجب معقوده\وقسم بالله مصخـره..شكلها ماشافت نفسها بالمرايه عشان ماتخترع..!
لولو\اقول فريد..وشفيك على البنت!؟
عواشي\اقولك ليش..عشان حنوا غاضتها وقالت لها انها اكيد تحب باابو شامه ..!
لولو حبت تغيض فريد اكثر\يجـوز..
وفعلا لولو صابت الهدف..وأضغطت على الوتر الحساس..واشعلت قهر فريد اللي مااسعفها وردت عليها برد يبـرد خاطرها لأنها لاحظت سندس تتقدم لهم بكـل دلع
سندس\هاي صبايا..
الوحيده اللي ردت عواشي بنبرتها الهاديه\اهلييين..
كتفت ايدينها من القهـر وهي تحاول تقليد صوت سندس المايع بااذن عواشي
سندس\كيف مرت خيي..مستعده!؟
لولو بابتسامه زادت جمالها جمال\على ايش!؟
سندس\يعني ماتعرفيـن!وناظرت فريد..
لولو بخجل مصطنع\انتي قصدكــ
فريد بدفاشه عشان تنهي النقـاش وماتسمع صوت سندس\بلا هبـل..انتي عارفـه ايش!؟
ارمقتها لولو بنظـره كفيله بتسكيتها..لكن فريد ابتسمت بمكر وطلعت طقم اسنانها المصفوفه لمن ارغمت لولو انها تبتسم بوجهها..
قامت لولو من كرسيهـا..وحنوا جاءت هاللحظه
حنوا\على وين!؟
لولو من شافت سندس ابتعدت عنهم واتجهت لأمها بان عليها التوتر اللي حاولت تخفيه\بنات ساعدوني ..شوفي حنوا فستاني من تحت مظبوط..وشعـري خرب والا لا!؟؟
ناظرتها حنوا نظره تفحصيه ..
لولو الليله تعمدت تخفف من المكياج عشان زواجها وتكتفي بالشدو الذهبي اللامع واحمر الشفايف الصارخ ..لكن على بساطة مكياجها كانت جميلـه بمعنى الكلمه ومافي شخص ممكن ينكـر ملامحهـأ المثيره اللي ترغم أي انسان على الـتأمل فيها..
ضبطت لها حنوا بخفة ايدهـا بعض رولا ت شعرها المنسدله بكتفهـا,,وعواشي رشت لها رشتين من عطرها المفضل,,
حنوا\بسم الله عليكي..كامله..مافيك شي مو حلو..
عواشي\لاتخافين..كل شي اوكـي..اللحين
ارتاحت لولو نسبيا..لكنها من تذكرت سامي اللي ارسمتها بخيالها ارتعبت وصابها الخوف وبان هالشي من ملامح وجهها اللي شعرت فيها فريد
فريد\مرعوبه
لولو بابتسامه متوتره\شوي بس..بس شوي
فريد غايضتها\قلت لك انه شايب..بس انتي عنيده..!
لولو\فريييييييييد
عواشي\فريد حرام عليك..البنت متوتره وانتي تزيدينها..
فريد\يالله توقعاتكم بنات..تتخيلون شكله كيف!؟
اتسعت عيون لولو..وشعرت انها بتبكي..وفعلا..هي توها تحـس بالشيء الكبيـر اللي ارتكبته..
توها تكتشف انها اصبحت امراءه متزوجه عليها حقوق وواجبات..مثل مالها..
كيف تتزوج شخـص ماعرفت عنه غير اسمـه..والملايين اللي يمتلكها..
لهدرجه الفلوس عمت بصيرتها..
لهدرجـه رخصت عليها نفسها

حنو\انا متأكده انه وسيم..!
فريد\لا ياخبله..اسمه سامي مو وسيــم..
عواشي\هههههههه حلووووه
..ضلت فريد تتكلم وهي مستمتعه باغاضة لولو وبدون مللّ لمن قالت لهم سندس يلبسون عبيهم لأنه سامي هو الوحيد اللي بيدخـل,,
وحانت لحظة الصفـــر عند لولو اللي بدت دقات قلبها تخفق بشكل جنوني خوف وترقب ومصير مجهول..

-----------------













خطـوه..خطوتين..وثلاثـه..
ومثـل مامشـى هالثلاث خطـوات تراجـع بتردد..
رفــع عيونه للسقـف وتلألأت بلمعان وهو ينـاظر الثريـا اللي بارتفعات بسيطه ويكون مساوي لها بالطول
فكر لوهله باللي اقبـل عليـه من شهـرين..وهذا هو اليوم يحصـد افعالـه باارادتـه وبدون مايتلقـى ظغوط من أي شخـص..
سم بالله..ودخـل المكان المترقب باابتسامه حاول يزيدها اتساع وهو يسمـع موسيقـى هـاديه بتلقائيه خففت من توتره ورجفـان ايده اللي حاول يلهيها بضغطه على السبحه الفضية اللون اللي كانت محاوطه ايده ..
تقـدم اكثـر لمن حـس باامه ونوره وسندس يباركون له ويشدون من عزيمـته بنظراتهم عشان يتقدم اكثـر ويشـوف هالجمـال اللي اصبح هالليله حلاله..
:
وبلحظه ما طاحت عينه عليها..توارى له انه اللي قباله حوريـه..او بطلـه من ابـطال الروايات اللي يقرأها ويتخيلها
اكيـد هو محظوظ اليوم مدام هذه بتكـون شريكة حياتـه..
تقدم منها وصافحهـا وشعر انه عملاق امام ايدهـا الصغيـره..
سامي\مبروووك..
"
استنشقت ريحة العود قبل ماتشوفه..وحست باايده الحاره على أيـدها..وبعد برهه سمعت همسه وهو يبارك لها..
واخيــرا بتقدر تشوفه..واخيرا حانت اللحظه..
رفعت عيونهـا له ببطء وماشافت غير ثوب ناصع البياض..ارفعتهـا اكثر وطاحت عينها على ذقنـه المشعـر بشعيرات خفيفه وحلوه حست انها بذلت مجهـود كبيـر رقبتها بدت تعورهـا رفعت رأسهـا بجرأه اكبـر لمن وصلت لأنفه المستقيـم...
واخيرا تقابلت العيون بلحظــه دامــت ثواني بسيطه مستحيـل تنساها وبتظل متعلقه بذكرتهـا و من هول صدمتها تمتمت بنفس البطء\ اللــه الله يباارك فيييك,

صرعهـا طوله الغير طبيعـي..
شدتها سمرة وجهه الجذابــه
بهرتها ابتسامته الخفيفه اللي اشرقت وجهه وصغـرته عشر سنين ولاكأنه الشايب اللي قالت عنه فريد..
ماعرفت كيف تتصرف..!
ايدها لازالت حاضنه اايده الحاره بكل راحه..وجلوسهم وقربهم من بعضهم اشعـل فتيل حارق بينهم..
تحس حركاتها بلا شعور تتجه له....كانت تتمنى تمتلك القوه وتبتعد عنه وتاخذ نفـس ممكن يصحيهـا من الخمول اللي تشعر فيه..
وبالمثل سامي كان يحس نفس احسااس لولو ويمكن اعظـم..
كان يحاول يداري عيونه عنهـا..كان يتمنى يبعد عيونه عن عيونهـا لو لحظه وحده..لكنها كل مابتعدت ترجـع وبكل تمـرد لهـا,,
في شـي غريب يجذبهـم..شي جهلوه معنـاه واحساسه...
لكن اللي ريحهـم هو ام سامي اللي تقدمت لهم وقربت سلـة جوري ابيض ويتوسطها خاتمين وشبكة لولو..
تنفـس سامي بعمـق وهو يمد ايده للخاتم ويدخله لأصبع لولو الصغير..
وبالمثل لولو لبسته الخاتم بكل رقه وبدون شعور قابلت عيونه واخييرا قدرت ترد له ابتسامته الحنونه وكانها تعبيـر واعجاب عن شكلـه وحظوره اللي اعجبهـا
لبسهـا الشبكه بمساعدة سندس بشكل سريـع واقرب للخشونه وكانت واضح توتره وهو يقـرب منهـا لمن انتهـى اخيـرا وزفـر زفره دخلت لمسامع لولو,,

--------------------












"واااااااااااااااااااااااااااااااااااو"
هذا اللي طلع من حنجرة فريد وحنوا وعواشي وهو يدققون بشكـل سامي اللي ابهرهم حضوره وهيبته القويه..
فريد\يهبـل الحمـ...
عايشه\ههههههههههههه طيب ليش تسبين!
فريد\تعبير شخصي لأنه عجبني..
حنوا\حلوه هاااااي..بس مابتحسوا انه متوتر..شوفي خده احمـر اكتر من لولو..!
فريد تأملته وضحكت\وقسم بالله كأنه هو العروسه ولولو المعـرس..وشفيها تناظر فيه الهبله..
عايشه\بلا مبالغه ياللي ماتستحون هي بس تسرق النظرات ويليته عاد تطول ماشاء الله عليه توصل لتحت كتفه...وشي طبيعي يكون متوتر..اول مره يشوفها!؟
فريد\عليه طـــول ابن اللذين..مو طبيعي..والله شوي وبيدخل باللمبه ههههههههههه..
حنوا\بس احلى شي ابتسامته..شكله مهضوم..
فريد\مهضوم بعينك؟؟ليه هو اكله على غفله..!
حنوا حمر وجهها\فريييييييييييييييد بلا هبل انا بقصد انه شكله رحيم..ولو انوا ملامحوا عاديه جدا جدا جدا..والصراحه خوتوا اجمل منه بكتييييير
فريد\بهذه صدقت..ياخوفي مايعجب لولو
عواشي\فهمت وش قصدك حنوا..اللي يشوفه لأول مره يحس بالراحه ..!
حنوا ارتاحت لمن شعرت انه في احد بيفهم لهجتها\ايوووووه هذا اللي بقصد بالضبط..شكله عادي لكن في جاذبيه,,
فريد بلهجه خشنه ومختصره\يعني بالعاميه يدخل القلب بسرعه..
حنوا وعواشي ماتوا ضحك..
فريد\عشان ماتتفلسفون..وكل وحده تفهم الثانيه قلت خليني اختصر الموضوع من البدايــه..
حنوا\شكلو بدوا يخرج..
عواشي\يمكن بيجلسون لحالهم
تفاجئوا البنات لمن حصلوا سامي وقف على رجوله..وبان طوله الغير طبيعي وطلع لوحده وسندس تلحقه وترك لولو...
وبتلقائية فصخوا عبيهم وقربوا من لولو اللي شكلها مايوحي بالخيـر..
وأول من تقدم لها فريد اللي سلمت عليها وباركت لها وبعدها البنات..
فريد\بتطلعين له..!
لولو ماكانت معهم ابدا..عيونها متصوبه للأمام وواضح انها تفكر\ها..
فريد\وجعاااه
حنوا\عيييييب هي متزوجه اللحين....ههههههههه والله وطلع بيجنن يالولو..
لولو رددت الكلمه مره ثانيه\ها
قربت منها فريد ولمست جبينها اللي انصقعت من برودته\لولو..وشفيك!؟
لولو من شعرت بايد فريد البارده رجعت للواقع\تصدقون ..سلم علي..وطلع..شكلي ماعجبته..سكتت فتره وكأنها تفكر ورجعت تقول بهمس..بنااااات بكره زواجــي من ..مـــن سامي.اللي..اللي صار زوجــي وبلعت ريقها الجــاف..
فريد كانت ثرثاره بشكل مفجع\بالله..مبرووووك..وبعدين تعالي..وشفيها يمكن مايبي يسولف معك وبكره يوم زواجكم..بس تعالي وشفيه ماقطع الكيك معك..ولا شربك العصيــر..يمكن هذه عادتهم ولول اني اشك..وضحكت بمصخره..شكله طالع علي..مايعرف الأتيكيت هههههههه..ههههههههههههه
عضت عواشي شفايفها يوم حست بأسلوب فريد الدفش..رفعت عيونها لـ لولو وحست انها سرحت من جديد وماشعرت اصلا بكلام فريد الجريء..
لولو\بطلع فوق..ابي اطلع فوق..
حنوا\ماتبي تتعشي !وإلا اطلع لك فوق..
لولو\لا لاااااا..بطلع ماابي شي..وسرحت وهي تتذكر شكله اللي انحفر بمخيلتها..ابي انام بس..
فريد ناظرتها بتشكك\منتي بصاحيه..امشي بطلع معك..الصراحه مااضمن إلا لمن اشوفك مغمضه عيونك..
مسكت لولو ايد فريد بشده\طلعيني لغرفتي..
حنوا\لحظه..والدفتر..اللي اتفقنا عليه..مابدك تشوفيه..لأنه جهز..
لولو\مو مهم..بكره..بكره بشوفه بالمشغـل..فريد طلعيني بسرعه..
مشت فريده مع لولو باللفت..وتركوا اكبر علامة استفهام بوجه حنان وعايشه
لكن هالعلامه تلاشت تدريجيا وهم يتناقشون بحراره زفة لولو اللي محتاجه تتدرب عليها,, لكن اللي استغربت منه حنوا سرحان عواشي الغريب بين فتره وفتـره..

----------------



















مرت ألليله واسئله عديدة كانت تجول في بال الجميـع وأهمها خروج سامي المفاجئ ...لكن جواب أي سؤال كان واحد..بكره الزواج ومردهم بيتعرفون لبعض بشكل اكبـر..
وفعلا انقضـى هالليل بنـومه طويلة نامتها لولو لأجل تمنع نفسها من أي تفكيـر ممكن مايعجبهـا..
وأشرقت شمس يوم ثانـي بأفخم قاعات الشرقية بأرقى خدمـه وضيافـه ابهـرت الجميـع من أول ماعتبوا باب القاعة وهم بنظراتهم علامـة الإعجاب والانبساط والأثاره..
"""


آآه على قلّ الحيله والألم..
آآه على الشوق اللي ماسكـن..!
آآه شوفيني اقولها يمه..سمعيها
آآه وآآه ليتك بقرب عين وجفن.!

العين تدمع..والقلب يبكي..والنفس عافت الراحه..
والحقيقه مره على كل اللي خاض تجربتها..
كيف تفـرح بشكلها الجذاب وهي مـتأكده انا سبب ضياع عمرها هو جمالها وبياض وجهها,,!
كيف بترتاح وهي عايشه على ذكرى ماضي بشـع لحد الألم!
فكـرت..وتعبت من التفكيـر ونبش الجروح..وبالأخيرا استقرت على رأي بلحظة ضعف وضيـاع
"ليتها ماانخلقت بهالشكـل ,,ليتها ماانوجدت بهالدنيا من الأساس"
لاابو معافى..ولاأم تحن..ولا حتى حضن حاني يرحمها اذا جارّ عليها الزمن!
تشكي لمين!
وتحكي لمين!
وليش اساسا تتكلم..اللي راح صعب يرجع..واللي انسكر محال تصلحيه!
غمضت عيونها باالم..وبكت ضياع ووجع لحد مااختلطت دموعها بكحلها وساح بوجهها المرهق..
دخلت عليها ساره..وتفاجأت من شكلها..
ساره\عواااااااااشي..!وشفيك.!
رمت عايشه نفسها على ساره وهي ترتجف بين ايدينها..
عايشه\ابيهــا
ساره\تبين ايش؟؟!
عايشه\ابـي ابـــي امـــي..واشهقت وهي تنطقهـا..
ضمتها ساره اكثـر وماتوقعت عايشه تسأل عن امهـا ..توقعتها تنساها..يقسى قلبها عليها ومايحن..لكن عايشه فاجائتها وعورت قلبها..
عايشه\محتاجتها..مسحت دموعها بكتف ساره وكملت بكل الم..ليش ماتحبنــي..لييييش!انا مو بنتهــا..!انا مو قطعه منهـا,,؟
مسحت سره على شعرها وتنهدت\شقولك يابنت اخوي..يمكن هي انشغلت بحياتها!؟
ابتعدت بقسوه عن عمتها وصرخت بوجهها\16 سنه مشغوله عنــي..16 سنه وهي ماتدري عنـي..اي ام هذه ياساره..اي ام قولي لي!.!؟؟؟؟؟
سكتت ساره لأنها عاجزه عن الرد..
ناظرت بنت اخوها بحـزن فظيع,,وهي شاعره بمعناتها والمها ويمكن اكثر قسـأوه منها..
ساره\قولي الحمدلله..على الأقل انتي امك حيه وابوك حـي..اذا ضاقت بك الوسيعه وتتذكرين انهم بوجه الأرض تهون عليك مصيبتـك حتى لو هم منفصلين عن بعض!وسكتت فتـره وهي تحـس بالعبره تخنقها لكنها كملت وبكل اصرارا....لكن انا وش اقول يابنت اخوي..امي ماتت بعد ماولدتنــي..وابـوي تعبه المـرض ولحقهـا..
واذا انتي مره قلتي يمـه وانتي صغيـره..فاانا انااا ماعمري نطقتهـا وسمعت صوتها وهي تلبي ندائي..حتى شوفتها يابنت اخوي..انحرمت...انحرممممت من منهـا..
قربت عايشه من عمتها بكل ضعـف وهالمره هي اللي حضنتهـا..
وبكوا الثنتين والهم كان واحد..
وبعد فتــره..وهم قريبين من بعض وكل وحده تواسي الثانيه..صرخت عايشه بهستريا
عايشه\ياوييييييييييلي..
ساره\وشفيك!َ
عايشه\العرسسسسسسسسسسسس..

-----------

مدت شفايفهـا بملل وقـرف
ماتبيه..ماتبي هالروج الأورنج الفاقع اللي سايح بكل انوثه بشفايفها الصغيره..
تحس انها برتقاله متحركه هنـا وهناك..والجميع يضحك عليها ويناظرها بشماته..
ماعمرها توقعت تكون بهالشكل الغبي..واذا فكرت انها تكشخ..تجعد شعرها بالجل وتحدد عيونها بكحل شمعي..

لكن مكايجها اليوم كان مثل حرب داحس والغبراء.. مسحته ثلاث مرات..وحنان المسكينه هي اللي تكفلت بوضع المكياج بعد مازمجرت عليها اللبنانيه ورفضت تعمل لها مره ثانيه..
اما لبسها اللي عباره عن برمودا ذهبي حريري مع فستان قصير شيفون ممزوج بااصفر واخضر وزيتي واورنج مضايقها اكثـر ..و اللي مهون عليها شوي ومحسسها انه ستايلها ماتغير هو شعرها اللي رولته مصففة الشعر بصعوبه لأنه قصير بشكل غير معقول وثبتته برغوة بناء على طلب حنان اللي خافت من تهور فريد..
""
ضربت رجلها بالأرض بتمرد\والله اني ماحطه..لا تحاولين..لا تفكرين..ولا تتخيلين حتى..!
تعوذت حنان من إبليس ثلاث مرات..وحاولت تقنع فريد بأسلوب رقيق وهي ترفع من غرتهـا الحاجبه عينها اليمنى\حبي..حياتي..فديت قلبج على ئولتك..شيلي هالحلق اللي بإذنك..وجربي هاي..وبعد ماينتهي الزواج علي بيهم متل متحبي..حتى لو رميتيهم بالزباله,..اوكي..
عضت فريد شفايفها\وانتي وش عليك..ماابي ...كيفي انا حررررره..
حنان\شوبدك تعملي اكتر..مكياج ومسحتيه ومابقيتي غير روج بسيط..وكحل خفيف مايبان مع نظاراتك..والله كأنك رايحه عزيمة مو عرس..
صرخت بذهول فريد\كل هالحفلــه..وتقولي رايحه عزيمه..حمدي ربك إني للحين مامسحت هالروج المعفن..ورفعت حواجبها وكملت بسخرية.. خذي حلقك وعلقيه بغرفتك..أو حطيه بتصاميمك..ومشت لداخل القاعة تاركه حنان تفرك تشتم نفسها من القهر..
ظلت دقيقتين بنفس وقفتها..ايدها على خصرها ..والأيد الثانيه على جبينهـا المعرق..
وماحست بعايشه للي دخلت عليها الا لمن صـرخت بااذنها اليمنـى
عايشه\بوووووووو
خـل توازن حنان ويوم طاحت عينها اللي مالينه بالشدو الفوشي على عايشه صرخت\عواااااااااااااشي..شو عملتي بوشك..!
ابتسمت عايشه بقلق ونظرت شكلها بالمرايه اللي ماليه ارجاء دورة المياه\حادث بسيط..
قالت حنان بلا1 بنفسها وحولت تمسك عصابها..\مو معقول هيك..انتي طلعتي من المشغل ومابقى لك غير تلبسي فستانك..ليه مسحتي مكياجك..
عايشه شعرت كانها طفله صغيره مذنبه\توضيت لصلاة العشاء ونسيت اني حاطه مكياج..واضطريت امسحه واعمله من جديد..بس..هذه الحكايه..
حنان\يالله..انتي بتهويني..الهبله فريد..مسحتوا كله..ومابقت غير الروج..
ظحكت عيشه بذهول\صحيح..هههههههه شي متوقع اصلا..
حنان\ولله بموت قهر..
عايشه\طيب حنو..شعري من ورى عدل!
ضبطت حنان شعرها\ايوه..
رشت عايشه من عطرها..ودخلته بشنطتها الذهبيه\اوكي..يلله نروح..تأخرنا..
مشوا البنتين للقاعه..وكل وحده تنافس الثانيه بالجمال..
حنان كان فستانها طبقتين من الحرير والشيفون السمني..واساور فوشيه محاوطه معصمها ألأيمن..كان تدرج هاللونين جريئين وبنفس الوقت غريب..لكنها قدرت تسلب الأنظار بشكلها اللي ابهر الجميع..وشعرها الطويل..
اما عايشه كانت متألقه بالفستان الذهبي بكرستالات بنفس اللون..وبالرغم من بساطة مكياجها الا ان الشدو الذهبي اعطها رونق مميز..
حنان\شوفي هالهبله فريد!
عايشه\وينهـا !؟
حنان\هونيك..
درات عيون عايشه لمكان مااشرت عليه حنان وتفاجئت لمن حصلت فريد جالسه وبكل جرءاه على الستيج الممتلى بورود الزنبق الأبيض وتضحك مع وحده من معارفهم..
تعالت ضحكه من عايشه وهي مصدومه من جرأه فريد\والله هالبنت مافي مثلها اثنين..
حنان\امشي نروح لها..الغبيه..
تقدمت عايشه\يالله..
اتجهوا البنات لفريد اللي قامت من مكانها لمن ناظرت صديقاته وصافت وحده ومشت بدفاشتها المعتاده..وصفرت لمن ناظرت اقتربت من عايشه
فريد\فديييييييييييييت الذهبي والله..
احمر وجه عايشه على هالأطراء\شكرا..انتي كمان..ياحلو الأورنج عليك..
ضربت فريد ايد باايد\ايه..هين..
حنان\بدي افهم..شو جلسك على الستيج..
فريد \وانتي شعليك..كيفي..
حنان تفشلت\كولي عسل..
فريد ارفعت صابعها السبابه بوجه حنان\بلاش سرقه..لو سمحتي..
عايشه\طلعتوا..لـ لولو..
فريد\ايه...توني جايه من عندها..تتصور من زوجها!
حنان\والله..
فريد\الخبله..من عرفت انها سامي بيدخل وهي فاتحه فمها..بنت خالتي انهبلت.!
عايشه\سبحان مغير الأحوال..توقعت سامي مايشدها لهدرجه.؟
صرخت فريد لمن سمعت اغنية نانسي \ليش للحين ماتغني هالمطربه..لـ سيلين ديون..و كرستينا ارجليلا..و برتني سبيرز..؟
عايشه\من صجك انتي!؟
نطت حنان من الحماس \بدي ارقص..بدي ارقص..تعالوا معي..
فريد\اسفه حبيبتي..مااعرف ارقص مع هالأغاني البايخه....!
حنان\عواشي..اتركيها لحالها..تعالي معي!
عايشه كان طبعها خجول وخصوص بامور الرقص \توني جايه..وبطلع شوي للعروس..
حنان\ماااااااااالت عليكن..تصطفلوا..
مشت حنان للستيج وهي تسرع من خطواتها..وصوت الأغاني يطرب مسامعها..
ام البنات اتجهوا للعروس بغرفتها بعد ماتأكدوا من امها انه سامي خرج لقاعة الرجال..وقابلو سندس اللي لابسه فستان احمر جريء وكان فاصخ اكثرمن انها ساتر
وبتلقائيه وبدون شعور فريد لمست فستانها وهي تفكر لو مصعب قارن بينهم بتكون اكيد سندس الأجمـل وألنعم وألكثر انوثه..ماتت قهر وهي تتخيل الوضع.. وتخطت سندس بدفشاتها المعهوده وماحست بنظرة الأعجاب اللي رسمتها سندس لها..
واول مادخلو الغرفه البنتين اتجهت عيونهم للبياض اللي جالس بميلان على الزاويه والفلاش الأبيض يتصوب عليه ويغمرها نور..ويصور بعض من تقاسيم جمالها..
اندهشت عايشه من جمال لولو وماتوقعت يكون شكلها بهالصوره المذهله..الأبيض زادها جمـال فوق جمالها..والطرحه المطرزه بنقوش ذهبيه وبيضاء اعطتها هيبه وبالرغم من عري فستانه الشديد لكنه لابق عليها وبشده..فكرت بسامي لوهله..اكيد فتنته لولو وبكل قوه..
..وبتلقائيه رمشت بعيونها..ونطقت بصوت عالي\ماشاء الله..
التفت لولو لمكان الصوت وطاحت عينها على صديقاتها اللي كنت محتاجتهم من اول ماخرج سامي من الغرفه..هتفت بصوت عالي..ونست المصوره اللي تلتقط صور عديدة لها\عواااااااشي..فريييييييييييييد..
ضحكت فريد وتقدمت مع عايشه اللي ماكترثت بالمصوره وقربت من لولو وضمتها فتـره طويـله وهي تغمرها الفرحه لأجلها
\مبرررررروك..ياقمر..الف مبروك..
لولو\الله يبارك فيك..وينك انتي.تأخرتي!
ابتعدت عايشه بخفه لكنها ظلت ماسكه ايد صديقتها بحنان\معليش..السموحه هالمره..!
تأففت المصوره الفلبينيه بصوت سمعته فريد\عواشي..وخري..بتذبحنا هالغبيه..
التفت عواشي للمصوره وابتسمت بخجل لها..وابتعدت شوي..
ورجعت تاخذ صوره عديده لـ لولو..بااماكن مختلفه وجريئه بعض الشيء..
اما لولو ماقدرت تمسك نفسها عن الكلام لمن سألت فريد عن سامي..
لولو\لاتذكريني فريد..وبهمس وفكر شارد كملت..مدري وشفيني.!احس انه عقلي يطير اذا ناظرت عيونه,,
فريد بشماته جريئه\..وين اللي عهد بـ اقسام وحلوف وين اللي يقول..وقلدت شكلها ورفعة انفها لفوق..انا مستحيل احب..!شكل السحر يابنت خالتي انقلب على الساحر وبدال مايحبك..انتي حبتيه!
لولو اخذتها الحميه فجأه وقالت بكل كبرياء وهي رافعه انفها البرونزي\وانتي مفكره اني احبه..!ياقلبي انا بس مذهوله فيه..و يمكن تقدرين تقولين اني ماتوقعته يطلع بهالصوره...وبعدين مو من جماله عشان احبه..!مافي غير طوله للي اعجبني بس.
عايشه\بسسسسسسسسس!؟
لولو بكل دلع\بس.!
فريد\نشوف!
ضاقت ملامح لولو وهي تعيد ذاكرتها للخلف\تدرون انه ماصور غير صورتين معي!
فريد\والله..!
لولو بقهر مكبوت ردت وهي تزم شفايفها الملونه بالأحمر القاني\ولله..
عايشه\ليش طيب!؟
تخيلت لولو ملامح سامي وكأنه واقف بكل هيبته امامها\شكله ..وارخت جفونها بقل حيله واستغراب..مستحي..ّ
فريد حست انه الجلسه مطوله فااخذت كرسي عريض المقعد وارخت جسدها المتكسر\وش دراك انتي!
لولو\سندس تقول..اخوي حيوي..ومايحب يصور هالصور الجريئه..
فريد بصوت عالي ردت\منك يالهبله..اكيد قلتي له كلمات مشفره..اوسبلتي بعيونك كأنك قطوه مع هالرموش.!
لولو احمر وجهها والتفت لفريد بنفس لحظة التقاط المصوره صوره مفاجأه \يالدبــه..لاتحاولين تغيظيني..وعلى فكره انا الوحيده للي بدخل بالزفه..
فريد\وبعد!!!!!!!
لولو\و مهم..عشان تخلى لي الساحه وتكون الأنظار متصوبه لي فقط....واذا كان سامي متكبر وغريب الأطوار ..بيعرف منوا لولو..وكملت بكل عزيمه واصرار مجنون..والأيام بتثبت له.,,
عايشه\ناويه على حرب..!
لولو ابتسمت بمكر\ومو أي حرب..حرب انا لولو..لولو انا..
دخلت هاللحظه حنان وتغير الموضوع جذريا وطلبت لولو من صديقاتها تاخذ صوره جماعيه معهم للذكرى..وكل وحده منهم بتكوت معها نسخه..

ومـرت ساعتين والأجواء كل مالها وتكون اجمـل..لمن حانت زفة لولو اللي كانت بموسيقـى كلاسيكـه تناغمت مع مشيتها الواثقه والثابته..والأضاءات متصوبه عليها من جميع النواحي..وورود الزنبق الأبيض مصفوفه على طول مسار الستيج وتفوح بعبيرها وكاميرات الفيديو تتقدمهـا وتلتقط جميع حركاتها
لمن وصلت لنهاية الستيج والتفت للمعازيـم بوجه مبتسم ومشرق ..وبشكل تنظيمي اشتعلت انوار القاعه من بداية لباب الرئيسي لنهاية مكان لولو وتغيـرت الأغنيه لموسيقى سريعـة اللحن
وفريده وعايشه وحنوا واقفين بقرب بعض ويتأملون لولو بكل حنين وحب
جزء منهم بيفارقهم الليله..جزء كبيـر وله مكان عظيمه بقلوبهم العذريه..
كيف يتكيفون مع هالوضع اللي ماتوقعوا سرعتـه
معقوله بيمر باكر وماراح تدخل عليهم لولو وهي مبتسمه لأنه قدرت تهرب من فصلهـا.!
معقوله بيمر باكر..وبيرجعون لمكانهم المعتاد خلف المدرسه وكرسي لولو بيكون خالي..
معقوله بيقولون بلا 1 و2 و3..والرابعه بتكون بعيده كل البعد عنهم..
معقوله محد بيتدلع عليهم بعد اليوم.. محد بيقرف من عدم نظافه المكان..ومحد بيحرضهم على وضع الكحل والروج..
ليش توهم يحسون بغيابها...!ليش هاللحظه يتألمون وهم عارفين انها بتبدي حياه جديده هي تمنتها وطمحت لأجل توصلها..!
العبره اختنقت ووصلت للمحاجر والدموع اختلطت بشوق وحنين..والقلوب تدعـي بتوفيق وسعادة لولو الأبديه مع سامي اللي لازالوا جاهلين شخصيته..لكنهم متفائلين خير..
تقدموا البنات لصديقتهم الغاليه وكل وحده منهم اخذت قدر كافي وهي تحضنها وتعبـر لها عن مدى اشتياقها لها..
فريد ضربتها بكتفها وهي تمسح دمعه خانتها والمتها..
اما عواشي همست باذنها بكلمتين كان لها الأثر الكبير بنفس لولو "وصيت قلبي عليك"
اما حنوا ظلت ثواني تتأملها..وخانها لسانها وماقدرت غير تضمها من جديد وتبكـي معها..

انتهت زفة لولو وطوت صفحة حب عنوانها صداقه بريئه..وابتدت صفحه جديده مع سامي اللي بتكون بدايتها سفره طويله بلندن

----------------------












علبة المنديـل باقي منها القليل من المحارم وتفضى ..وبكائها متواصل ولايمكن ينتهـي..
هذا حال حنان من اول دخلت غرفة نومها اللي شهدت الليله على حزنها القاتل
ضلت تبكي بصمت واحساس الوحده يوجعها وبوحشه مفرطه لحد الألم..
المسأله تعدت غيـاب لولو اللي بيضـل ايام وبترجـع..المسأله وصلت لفقدان شي كبير بداخلهـا يرهقها ويلزمها البكـاء..
طـول هالشهرين اللي مروا كانت منشغله بتجهيزات لولو وتصميمها لفساتين صديقاتها..حتى الزفه هي اللي عملتها بريمكس ولا اجمـل..
كانت تشتغـل بلا ملل وبكل طاقه مكنونه..
وبهاللحظه توهـا تستشعر انه اللي شتغلت لأجلها سافرت والله العالم متى بتشوفهـا!؟
طرى على بالها الشات وخصوصا سوس اللي من هذاك الموقف وهي متناسيه موضوعه..!
ويمكن انشغالها بالأمتحانات ثم التجهيز هو اللي حدها من دخول الشات..
مو عارفه وش السبب..لكن اللي تعـرفه اللحين انها وصلت لأقصى حالات الشجـن..
وماكان حال حنان افضـل من عواشي اللي غفت ورجعت لها الكوابيس من جديد وعيا يجيها النوم..
ولا كان حال عواشي افضل من فريد اللي اضطرت تركب بسيارة مصعب اللي كان هاجسها ليل ونهـار وظغطت على نفسها وحاولت تكتم أنفاسها وغيظها لكن كل محاولاتها راحت عبـث وكل حزنها على فراق لولو زاد اضعاف واضعاف من سمعت حوار مصعب القاتل..
مصعب\اقول خاله..ماعجبتك بنت من اللي شفتيهم اليوم..
كان حديث مصعب مثل الشهد على فؤاد خالته بالرغم من استنكارها من سؤاله الغريب\والله ياولدي لو اعدد لك البنات..ماراح خلص..كل وحده احلى من الثانيه..
رفع عينه للمرايه لمكان مقعد فريد اللي راكبه بنهاية الفورد اكسبلولر وابتسم بمكر\يعني في وحده تصلح لي ..وغمز بعينه لفريد اللي من لاحظت حركته رمت علبة منديل بدون شعور وتصوبت على بدور اللي كانت اقرب وحده لمصعب
بدور\وعمــــــــــــــــــى..
افلتت ضحكه من شفاة مصعب لأنه كان يتأمل كل حركه تصدرها فريده..
فريد\عمى يعميك..ويعمي اللي يضحكــون وياك..
بغمرة ضحكته رد مصعب\عمتي..شوفي بنتك هي اللي تبدأ...
هيا ماكانت معطيه الموضوع اهتمام لأنها متعوده على مواقفهم البايخه
هيا\تموتون..تحيون..انا رافعه الرايه البيضاء..
زفرت فريده بعمق لدرجة انه نقابها ارتفع من الهواء اللي زفرته بحراره\يمـه تكفين ..لاتربطيني وياه.
لف مصعب بالدريكسون على شارع حارة خالته\يحصلك يالغبيه انه اسمي يقترن وشد على كلمته وهي يقول ..بااسمك..
ذاب قلب فريده وهي تسمع كلامه اللي مثل الماء الضامي على جسدها. حاولت تبين عدم مبالاتها وقدرت بقولها الخشن ونبرتها العاليه \ويـــــــه بسم الله علــي..الله لايقوله..
ناظرها مصعب بالمرايه بنظره تحمل الاف المعاني,,والتزم السكوت.. ودقايق معدوده ووصلوا البيت..

اخر مقعد كانت فيه فريد فااستغل مصعب الفرصه ورجع كلمها اثناء ماتنزل..
ناظر امامه وهو يلعب بمفتاح سيارته\متاكده انه كلامي مايعني لك أي شـي..

انشلت فريد بحركتها وحطت كل قوتها بأيدها اللي كانت متمسكه بالمقعد الأمامي..التفت له وحاولت تشوف الصدق بعيونه مثل ماشعرت بالصدق بكلماته..لكنها ماشافت غير ظهره اللي اخفى تعابير وجهه..
وبهالثواني البسيطه استوعبت فريد انها لازالت واقفه بمكانها..ناظرت السماء اللي زينها القمره بنورها وسحرها وداست على قلبها وطلعت من السياره ..واغلقت الباب بكل قوتها وكأنها تمحي أخر جسر للتواصل بينها وبين مصعب ..
المته بصدها ...المته بسكوتها..لكنها حاولت تذوقه نفس العلقم اللي ذاقته منه..
دخلت غرفتها بسرعه..وبكـت..بكت على نفسها وعلى مصعب..مصعب اللي أعلنت عليه حبها بليله شبيه بهالليله القمريه,,
شعرت بااحساسيس مختلطه وبنفس الوقت متناقضه..
ضباب من الفرحه..على شجن مشروخ..
فرحت لانها صدته..وحزنت لأنها متألمه عليه..
وش حلّ هالألم المدفون..وش حلّ هالفرحه اللي خانتها!؟
كيف بتقابله بكره..وكيف بتحط عينها بعيونه..بترجع ترد لها الكلمه بعشره..!
وبتشتمه بدخلته وخرجته..!

بيصدها مثل ماصدته!
بيعلن عليها الحرب من جديد!
والا بيكابر وبيتمادى بتعذيبهـا..!
والا بيرجـع..لمصعب..
مصعب اللي كان صغيـر وسلمها عهد صانته وحفظته بداخلها..!
"طويــل ليلك يافريـد.!"

---------------

هناك بعنوان السحر والجذابيه..والبقعه التي رسمت وكنيت بالضباب
باآحدى الكوفيهات الهادئه
ورائحة القهوه تعب المكان و تتناغم مع موسيقى هادئه ..بجدران بلون شوكلاته ذائبه تبث في نفوس الزبائن السكينه والراحه
بزاويه معينه على طاوله خشبيه مصفوفه عليها كوبين من قهوة البندق وصحـن زجاجي مليء بااصناف الدونات الطازج
كانت لولو تفطر بهدوء وعينها على سامي المنهمك بقراءة جريدة الصباح
لولو\ماودك تفطـر..!
طوى سامي الجريده وقابل لولو باابتسامه حنونه
سامي\مالي رغبه حاليا..واشر على كوبه..تكفيني هالقهوه..
بادلته الأبتسامه وهي شاعره بااحراج بالغ..صعب انها تأكل براحه..وهو على لحم بطنه من امس..
ودهـا..تكمل قطعة الدونات اللي بصحنهـا..ولأول مره تحس انه استعمال الشوكه والسكينه يحسسها بالجوع اكثـر..
بلعت ريقهـا..وعيونها تناظر صحن الدونات المليء بجميع الأصناف..واهمها الشوكلاته اللي ماخذه الأعجاب الأكبر لنفسها الشهيه..
نزلت الشوكه بقهـر..وسحبت منديل بوسطه علامة الكوفي المميزه..
سامي\شكلي نقلت العدوه لك..
لولو باابتسامه مجامله\لابالعكس..شبعت..الحمدلله..
تأملت سامي بشكل جريء اثناء انشغاله بدفع الحساب..
اكثر شي يشدها هو طوله الفارغ وعيونه الرحيمه..
كان جسمه يميل للضعف لولا وجود العضلات اللي تخللت اكتافه وبالرغم من لبسه الرسمي اللي كان عباره عن كرفته رماديه تزين بلوزته البيضاء وبنطلونه الرمادي الداكن..
جالت عيونها حول نفسها وحست بالكره الشديد لجسمها وقصرها الغير طبيعي ..وبالرغم من ثخانتها الا ان اطرافها صغيـره بشكل ملحوظ..وخصوصا ايدينها وارجلها..
وهالشي ماعابها ابدا..بل زادها جمـال وانوثه..
سامي\نمشي..!
لولو\اوكـي..
عدلت نقابها وطلعوا يتشمون بطرق لندن..
تذكرت موقف سامي لمن طلب منها لبس النقاب,,
في البدايه انصدمت منه..وناقشته بسلاح الدلع والكلام المعسول..لكن اللي تفاجأت منه اصرار سامي على رأيه ومعارضته الشديده في فتح الموضوع مره ثانيــه..
توقعته فري لأنه عارفه انه بنات عايلته من اصغرهم لأكبرهم مايلتزمون بالحجاب,,وخصوصا انه من طبقه مخمليه ومتفتحه..لكن تصرفاته كل مالها وتفاجأها..
وتأكدت هاللحظه انه سامي غير عن الكل..كون له عالم خاص لوحده.. ويبيله قلب جامد لأجل تغير البعض من انطباعاته..
لكن متى!وكيف!وشلون!.هذا اللي ماتعرفه..!؟
سامي شخصيته قويه بالرغم من حنانه وطيبته اللي اكتشفته خلال هاليومين
توقعت شي ثانـي بزواجها منه..لكن تصرفات سامي كل مالها وتثير غراباتهـا..وكانه شخـص من عالم اخر وغرب عن مجتمع اهله..حتى لبسه كان بسيط بالرغم من اناقته المذهله..وتواضعه الملحوظ على كثـر الأموال والأراضي اللي يتكلها..
تخـاف انه يغير من شخصيتها..بدال هي ماتغيره..!
والأرجح بالتغيير واضح انه من ناحيتها..
صحت من افكارها على ايد سامي اللي تشد ذراعها
سامي\وين الحلو سرحان..!
في خصله مميزه بسامي..وصعب انها تنكرها..
بشاشة وجهه..وابتسامته المرسومه دوم على شفاته..
كل ماناظرت هالأبتسامه..تشعر انه العالم خالي من الكراهيه والحسد..حتى قلبها الغيور والمحب لملذات العالم ينبع طهاره وسلام بنظره منه..
سامي\هههه سرحتي من جديد..!؟
نعست عيونها بخجل
لولو\سامــي..
سامي\سامي..سامي..سامي..سكنت خطواته وقال...كيف تنطقينهــا.!؟
شعرت بعروق خدهـا تنبـض بقـوه..ولأجل تخفف من نبضه..تخطت سامي وهي تقول\تحب تحرجنـي..
تقدم معها ولازالت ابتسامته مرسومه\ليش!..مو من حقــي..!؟
لولو\....
كمل سامي وهو مستمتع بااحرجها\كل هذا خجــل..!؟
ارتفعت نبرة صوتها لمن شعرت بالحراره اللي اعتلت وجهها بالرغم من برودة الجو\سااااااامي..
رجع يشد ذراعها باايدها \خلاص ..بسكت خمس دقايق..
رجعت لولو لدلعها المعتاد\بالله كثرت..!؟

سكت سامي وواضح من ملامح وجهه انه يفكـر وهو ينـاظر حوله
لولو\وش تفكر فيه.!؟
سامي التفت لها\اذا قلتي لي وش كنتي تفكرين فيه من شوي بقولك..!؟
لولو\ياسلام..!
سامي\مو من حقي..!
لولو\رجعنا مره ثانيه لنفس الموال....!..اوكي بقولك..
سامي بهجه حنونه\قولـي يااميرتي..
لولو ناظرته بعيون واسعه ونبرتها اصبحت هامسه \انا اميرتك
اوما برأسه..وتمنى لو تكشف وجهها ويلاحظ الحمره اللي اعتلتها..
ظلوا فتره ساكتين واياديهم متشابكه..ولولو هالمره قطعت الصمت بجراءه..
لولو\اممممم..تصدق مو عارفه و ش اقولك..احس عقلي متلخبط..وبالتشويش اللي لعب عقلها قالت..سامي..انا كنت افكـر فيـك..بس بليز لاتسألني اكثـر..لأني فاقده الجواب حاليا..
سامي تأملها وهو مصدوم\الأحساس نفسـه..انا كنت برضوا افكـر فيك..
لولو\صدق ههههههه..
سامي\القلوب مالت وقربت من بعضـها..
ابتسمت له بحنان..وهي اللي مافكرت بيوم ترد لشخص هالأبتسامه..
غيرها سامي بظرف يومين..
كل تخطيطاتها في اغواءه فشلت..لأنها اصبحت تمشي على اللي يمليه عليه قلبهـا,
كل شي جاء فجأه مثل ماوافقت عليه فجأه وتزوجته فجأه..
مشت معاه وهي مو عارفه وش بيحصل لها باكر..
بتكمـل حياتها معاه بهالطريقه العفويه والمريحه,,
والا بترجع لولو صاحبة الطمـوح المجنون..!
سامي ماعاد سامي الشايب ولد الفلوس..طلع بصورته الحقيقه بان تواضعه بالمواقف البسيطه اللي جمعتهم مع بعـض..

----------






















شهادة..مستقبـل..طمـوح..وظيفة..زوجه ..طفـل..!
امنيـات عديده تمناها بقلب داعي ومؤمن
حلم يراوده ليل ونهـار..يطمح لوصوله..يجاهد للأقتراب منه.. ..لكن لكل حلم مشوار طويـل ومتعثـر لغاية الملل..صعب شاق,,بعيــد ويتطلب الصبـر
فكر لوهلة..بوظيفه راقيه تحسن من مستواه ألأجتماعي..بزوجه حبيبه تمناها منذ الصغـر..ببيت متواضع يضم اطفاله ..يربيهم كتربية ابيه,,يعلمهم حب الله..والقرب منه..
هل الحلم صعب المنـال!
اكيد من حقه يحلـم..لكن ليس اجمـل من تحقيق الأحلام!؟
::
وقف على رجـوله وهو يتأمـل بكل اهتمام رجـل متوسط العمر داخل المحـل وشاد باايده اليمنـى زوجته بكل موده ويجرّ طفله بعربه كحلية اللون
ابتسم على هالمشهـد..وشعـر بحميمه اشعلت حواسه ..وارخت عيونه الحنونه..
تمنـى بينه وبين نفسـه امنيه ماسمعها غير اللي خالقه..
تقدم للرجل يعـرض خدماته بكل ادب واحترام,,
انهلت عليه مشاعر جياشه وهو يتأمل الرجل يبتسم لزوجته ويختار لها على ذوقه بكل موده وسعـة صـدر..
غبطهم بحالميـه..وهو متفاجأ من نفسه..اي مشـاعر اغمرته هاللحظه!وليه هالوقت بالذات!؟
حاسبهم بشكل سريع ولازالت الأبتسامه الحالمه مرسومه على شفاته لمن انتهى دوامه..
وطـول الطـريق والأفكار تداهمه وهو يتذكر الموقف اللي حصل له والمشاعر اللي اسكنته بكل قوه وكأنه هو ناقص اثارت هالمشاهر بهالوقت الحرج!
وصل البيت وقابل اخته
لمياء\عساها دووووم.!
دخل خالد مفتاح سيارته بحيبه\وش هي؟
لمياء\هالأبتسامه..!
ضحك خالد ضحكه بسيطه وهو يحس بنشوة غريبه\وياك..اين البقيه!؟
غيرت لمياء المحطات وردت على سؤاله\بيت عمتي..وابوي نام بعد ماحطيت له العشاء....احط لك عشاء!
استرخى خالد بجلسته اكثر بعد فصخ جزمته والكرفته السوداء \مالي نفــس..ابي انام بس..
لمياء\انا اللي عرضت لك خدماتي وانت رفضت..اذا جاء بكره وامي هزئتني بقول انت اللي رفضت اوكي..
خالد غمض عيونه وداهمه النوم\اوكــي
لمياء\اقولك..قوم نام بغرفتك..
خالد بصـوت هامس \مالي خلق..نفسي اتمدد هنا..
لمياء\من بعد الغرفه يعني؟!
خالد\بعيده..قريبه..ابي انـام..تصدقين لمياء اليوم حصـل لي موقف هيض مشاعري!
اعتدلت لمياء بجلستها بكل اهتمام لأنها عارفه مدى رقة مشاعر اخوها\ايوه..الرومانسي اخوي بدأ يشعر
عبس خالد وجهه\تتريقين مع ذالوجه!
لمياء بكل خشونه ردت\وش اسوي فيك..انت شاعري بزياده..
خالد\وانتي دفشه بزياده..تدرين وش المشكله...!!.المشكله انه مافي احد افضفض له غيرك!؟
لمياء\احم احم..عشان تعرف اهميه اختك..
خالد\خليني اكمـل..
عـرض خالد لها الموقف بكل تفاصيله وهو مستمتع بحديثه..وكأنه يتمنى فعلا يكـون بدال هالرجل اللي واضح من ملامح وجهه الراحه والسعاده.
خالد\والمشكله بذيك اللحظة انا كنت افكر بمستقبلي..دراستي اللي اتمنى اكملها..وزوجه ابيها تملى علي دنيتي..
لمياء تألمت لحال اخوها لكن بنفس الوقت هي عارفه انه اخوها قد هالطموح اللي باذن الله بيوصل له
لمياء بكل حرارة قالت\يارب ياخالد ياولد امي وابوي..تتحقق كل امانيك..

----------------














مرّ الأربعاء والخميس والجمعه وهي بـ كآبه مالها مثيـل ..كل الأمور تحسها واقفه ضدهـا..والهموم ماخذه النصيب الأكبر في حزنهـا..
وابوهـا كمـل عليها الناقـص يوم سمعها تتناقش مع امها باأمر بيحدد مصيرها ومستقبلهـا..
ابو حنان\شو جامعه انتي التانيه..يعني مابتعرفي انك اجنبيه بهالبلد..!
حنان\يعنـي شوا..مافيني اكمل دراستي هون..!؟؟
ام حنان ماهان عليها تشوف بنتها تذبل امامها وهي عارفه مدى تعلقها بالتخصص اللي لها سنين وهي تحمل فيه\بلا..بتقدر تكمليها..
وضع ابوها السماعه على اذنه وقال بملل عشان ينهي الموضوع\لا..مابتقدري..
وضعت كل قوتها على ايدها المتمسكه بمخده الكنبه\معناها اني مو مهم احصل على نسبه عاليه!؟
ابو حنان\النسبه مو الي..اليك..الا اذا بدك تسافري لعند عمك بالأردن وتكملي دراستك هدا شي تاني..
سكت ابوها لمن سمع صوت صديقه على الخط..
وحنان طلعت لغرفتها منهاره..وامها تناديها وهي مو قادره تلبي ندائها..
حنان اليوم كان موتهـا ومحد حاس بالسم اللي تذوقته من ابوها
اتصلت على عايشه بدون تفكير..واول ماسمعت صوتها بكـت بهستريا
صابها الخوف عايشه وهي تسمع صديقتها تبكـي بجنون..ظلت تنادها بااسمها لكن حنان عاجزه انه توقف بكي..
عايشه\مو معقوله..حنوا..بتذبحيني..قولي.وش فيك..!؟
حنان كانت مستلمه للبكـي..وكلمات ابوها تتردد بمسامعها بكل قسوه
ومن عظـم نحيبها المؤلم ارغمت عايشه تبكي معها وهي جاهله السبب..
وبعد فتره تكلمت حنان لمن سمعت صوت صديقتها كيف تبكي لأجلها وهي متـاثره لحالها..
حنان\علميني..شو اللي لازم اعمله..بابا اليوم قتلني بدون مايشعر..بابا اليوم..قتل طموحي اللي تمنيتوا وانا لسه ماوصلت له..عواشي..انا حزينه كتير..حزينه على حالي..
عايشه بعقلانيه تكلمت\ممكن تهدين اللحين..وتقولين لي..ليش ماتبغين تسافرين لعند عمك..!؟
انهارت حنان بوجه عايشه وصرخت بقهر\شلون تقولين هالحكي وانتي عارفه نوع علاقتي بعمي وزجته وبناته..ها غير الغربه اللي بحس فيها وانا بعيده عن اهلي..يكفي اني متغربه عن بلدي..بدك ايان اتغرب كمان عن اهلي..مو معقول اللي يصير لي ..مو معقول..حسي فيني ارجوكي..
عايشه\والله اني حاسه فيك..لكن انا اعطيك حلول ممكن تخفف عن المك شوي..وبعدين ياحبيبتي بقولك كلمه ولازم تفهينها زين..اللي يبغى يواصل طموحه لازم يسعى بنفسه..وحتى لو قدم تضحيات..مو كل شي بالدنيا بيجيك على طبق من ذهب..حنا لازم نضحي عشان نوصل لمرادنا..صح والا لا..!؟
حنان\صح..بس انا وضعي غيــر..كيف تبيني افارق اهلي وافارقكم..صدقيني انا مو قد هالمسؤليه..قلبي رهيف وممكن من اول موقف سلبي اتراجع لورى..عايشه صعب اللي تقولونه..صعب علي..يكفي اني قدرت اتأقلم بحياتي هون واكون لي صحبه حلوه متلكم..كيف بقدر بالأردن وانا بغربه..انا اصلا اذا سافرنا لعمي اعد الأيام عشان ارجع السعوديه...صعبه..والله صعبه..
عايشه\راسك يابس..لكني ماارح اخليك توقفين عن طموحك..انتي اكثر وحده فينا تتمنين تتخرجين اليوم قبل بكره ..مستحيل اخليك تفرطين بأحلامك بسهوله..مستحيييل
مسحت حنان دموعها اللي انهلت من جديد وتمددت على السرير وهي تناظر كراسة لاسمها اللي زادتها الم ووجع\خلاص ياعايشه..انقتل طموحي اليـوم

-------------------













اخذت الحبوب منه..وبدال ماترميها على الحمام رمتها خلفها من كثر حماسها..
ضحك عليها لمن سالت دموعه..وهي كشرت ومدت شفايفها,,
ماهان عليه يشوفها بهالصوره,,فااعطاها شوبة حبوب ورفع ايدهـا لفوق لأجل توازي طوله وسم بااسم الله وحثها على التسميه..وثواني والحبات تناثرت بالأرض والحمامات تحوم حولهم بشكل اثيري ورائع..
حست بالخـوف وبدون شعور تشبصت بذراعه وهو شدها له اكثر ومشوا تاركين الحمام يتلذذون بغذائهم..
لولو\تدري..انا بالمدرسه كنت اقرف من الحمام واخاف منهم..لكني انبسط لمن اشوفهم من بعيد.بس انت اليوم خليتني احبهم..
سامي\والله..شي طيب..همس بااذنها ..جوعانه..!
لولو كانت ميته جوع لأنهم قضوا نهارهم كله بالمجمعات لكنها لازالت تخجل من الأكل امامه\هههههه شوي..
سامي\طيب وش رأيك اذوقك سندويشات..تاكلي اصابعك وراهـا..هي قريبه من هالشارع..
لولو استنكرت كلامه لكنها مابينت استنكارها\يعني مو راكبين السياره..؟
طلع تلفونه من جيبه \لا بنمشي..وبخلي السواق يرجع الأكياس الفندق..لكن اذا تعبت مشي نركب السياره..ولو انه بالشاراع الثاني
لولو\لا مو مشكله نمشـي مدام هو قريب..
كلم سامي سائقه الخاص وطلب منه يرجع الفندق ..وكلها كم خطوه ووصلوا المطعم المطلوب
انفجعت لولو لمن شافت المطعم لأنه كان اقرب بالكوشك البسيط وحوله طاولات تعج بالزبائن..
حثها سامي على المشي وهو يشدها بنعومه من ايدهـا..
طلب سامي السندويشات مع عصير جوافه وببسي ..وجلسوا بااحدى الطاولات الخاليه,,
فتح سامي سندويشته بشهيه..ومضغ لقمه بتلذذ
ولمن رفع عينه لـ لولو لاحظها مامست اكلها وظلت تناظره..
سامي\كولي..صدقيني بيعجبك..
لولو لاعت كبدها\ احس انه هالأكل مو نظيـف,,
ابتسم سامي وهو ياكل\لولو خذيها قاعده أي اكل من بره لازم يدخل فيه شي من عدم النظافه بس هذا اظمن لك انه نظيف.
لولو\... بس امممم..مافي شوكه وسكين.
ابتسم سامي بودّ\حتى هذه بتحطين فيها شوكه وسكينه..اصلا ماتحسين بلذة ألأكل الا باايدك....
مسك سندويشتها وفتحها..وفتح معها علبة الببسي ومده لها..
وبتردد اخذت السندويشه واكلت قطعه بسيطه وهي مغمضه عيونها
وهالقطعه البسيطه تحولت لقطعه أكبر وهالمره فتحت عيونها متلذذه بالصلصه اللي انحطت فوق الدجاج المشوي..وشوي شوي..بدت تأكل وتشرب وواضح انه السندويشه عجبتها..
سامي\مو قلت لك..!؟
لولو\حلوه..شوي..
سامي رفع حاجبه وعرف انها تكابر\صحيح..!
كملوا اكلهم وهم يحكون بمواضيع متنوعـه..وحتى الحديث اللي كان من الأمور الممنوعه عند موعد اكل لولو غيره سامي..واصبح احلى الحديث عند الأكل..
لولو\شكلك تحب الجوافه مره..!؟
سامي\شفتي هالجوافه اللي ماتحبينها..بيجي يوم..وبتسوينها لي..!
لولو ترددت تنطق\بس انا مااعرف اطبخ..
سامي\مافي احد انولد وهو يعرف كل شي..
لولو رفعت حاجبها بقهر لأنها تكره الطبخ\شكلك بتغصبني..!
سامي\مافي شي عندي يجي بالغصب..هذه سياسه يااميرتــي.
لولو ناظرته بعمق\تخوف ياسامي..
سامي\ههههههه حرام عليك,,والله اني رحيم..تبين نرجع الفندق..والا نكمل شوبينغ..
لولو\لا ابي ارجع ..فيني نوووم..
سامي\اذا على كذا..مافي رجعه..بسك نوم
لولو بدلع\الا النوم..مقدر استنغنى عنه..ولاتقول انك بتغريني في هذه بعد..!
سامي باابتسامه ماكره\اللي يخليك تمتنعين عن الشوكه والسكينه..يخليك تنسين النوم معي..
لولو\كنت مغصوبه اليوم..لكن مره ثانيه صعب انك ترغمني..
مسك سامي ايدهـا وشبكها باايده وهو يناظر عيونها الكحيله\نشــوف..
كرهت ثقته العمياء..وتأكدت انه حتى هو لاحظ تغيرها الغريب وكأنه يعرفها من زمان ومو كأنه مضى على زواجهم اربع ايام؟؟
وعلى كثـر حديثهم ونقاشتهم وارائهم المختلفه لكن ولا شخص منهم تجرأ يفتح سبب هالزواج الغريب
وهذا الشي اكد للطرفين انه هناك حلقه فارغه وواضحه..
ومتى بتتوضح هالحلقه..هذا اللي بنعرفه بحياة هالشخصين المتناقضين..

---------------





انقلب السحر على الساحر وواضح انه لولو في تغيير ملحوظ..هل فعلا بتم الأوضاع على هالحال العاطفي والهادئء؟

فريد بتتغير علاقتها مع مصعب..!

حنان بتسافر تكمل دراستها!؟؟

عايشه هل امها لها علاقه بماضيها المجهول!.


خالد
سامي
مصعب
طيور حلقت..وطيور لازالت بااعشائها تنتظر التحليق..!

منورين القصه حباايبي

الجزء السادس



جروح غائرة

--------------














حيـره غريبة تسكن فؤادها وهي بقمة خجلها..!؟
"خجولة"..هالكلمه كانت ممسوحة من قاموسهـا..لكنها تثبت وبكل معانيها من اول مادخلت عالمه..عالمه الأبيض..!؟
هل فعلا هي المفروض تتقدم بالخطوه الأولى ..او هو..!؟
انتظرته يوم..يومين..وثلاثة..وهذه الليلة الرابعـه انكتبت لهم..ولا واحد منهم بادر بنظره..!
هل هي تصنف من فئة الجريئات اذا بادرت بأسلوبها السحري ومقوماتها الأنثوية..!؟
وليه التفكيـر..!اللي يحصـل شي طبيعي وفطـري..!
هذا اللي توصلت له لولو وهي تناظر نفسها نظره أخيره بالمرايه بعد انعشت نفسها بماء دافي برغوة التوت البري بعد يوم مرهق كان بأضخم مولات لندن..
طلعت من دورة المياه بخطوات بطيئه وخجوله وهي ترتب من هندامها وتلف قميصها الزهري بأكثر من عقده بتوتر بان بأصابعها المرتجفة..
تذكرت مجموعة الكتب اللي اهدتها لها عايشه بمناسبة زواجها وتمننت لو اخذت فكره عنهم.. ممكن تستفيد وتقلل من توترها..!
خذت نفـس عميق قبل ماتدخـل على سامـي وتسحره بجمالها..وبساطة ماكياجها..
سمت بسم الله لأنها سامي عودها على هالتسميه بظرف اربع ايام..
"سامي..سامي..ســأااامي..بيجننها هالسامي اليوم..كل تفكيرها استحوذه سامي"
طردت هالأفكار من رأسها لأنها عارفه انها تلهي نفسها بـ لا شي
ودخلت غرفة النوم ..وثانيه..وثانيتين..وثلاثه..ودماغها ارسل لها اشارات تنبيهيه انه المخلوق اللي كان بالسرير الدائري نائم.وواضح من نومته والفراش الحريري اللي اخذ ربع جسمه انه تعبان ومرهق..
واللي قهرها اكثر..انه هالمشهد انعاد خلال الأيام اللي مضت بالظبط..لكنها لازم تنهي الموضوع اليوم..والليلة بالذات..
قربت جنبه بابتسامه ماكره ممزوجه بخجل طفيف..وضربت كتفه بكتفها بدفاشه تعلمتها من فريد..
عاد الكره مرى ثانيه..واستمرت بالضرب والنتيجه كانت وحده..
دخلت نفسها بالفراش بقهـر..وضلت تفكـر..وتفكر..
اسئله عديده في بالها..والأجوبه فارغه ومعدومه..!؟
ليش الأستعجال..!؟
معقوله هي فعلا تبي هالشيء؟؟!
لالالا...هي ماتبيه..بس مستنكره الموضوع..!؟
مستنكره حرارة سامي في توضيح مشاعره طول النهار..وبروده القاسي بنهاية اليوم..!؟
ونامت والأفكار كانت تداهمها حتى بااحلامهــا...
وصحـت على حاجه ناعمه كانت تتخلل خياشيمها بكل رقه..
فتحت عيونها المكحله من آثار امس...وابتسمت لمن لاحظت وجنات الوردة البيضاء أمامها..
مدت يدها تلتقطها..وقربتها من انفهـا..
سامي بابتسامه حلوه\عجبتك..!؟
أومأت برأسها ونبرتها ثقيله من النوم\مره
سامي\طيب..
لولو بعيون ناعسه\طيب..
سامي\طيب
لولو غصبن عنها ابتسمت\طيب
بعد ملل قال جملته اللي تعودت عليها كل صباحيه..
سامي\وش تنتظرين..قومي..!؟
كانت عارفه رده فاستخدمت اسلوبها الدلوع \لا سامي.بلييز..خلني انام شوي..
سامي\لا..
لولو\بليييييييز
سامي\ولا ثانيه..
رفع الغطـاء عنها بقوه..تأملها بدون شعـور وهو يحس بشي داخله يرجف وينصهـر لحد الذوبان...!
..وثواني قصيرة مرت لمن استوعب اللي يحصل شاح بنظره عنها ووقف على طوله .
سامي\تروشي..الفطور بيوصل بعد دقايق..
وطت لولو رأسها بخجل\اوكـي..
سمعت وقع خطواته وهو خارج..ولمن اغلق الباب بهدوء..رمت نفسها على السرير وجهها احمـــر
لولو\ويلللللللللي..
قامت من سريرها بسرعة وقفلت الباب..واخذت روبها ودخلت دورة المياه..


---------------


ماعمر البيت أصبح بثلاث عواميد..
ولا كانت الطيور ثلاثيه ووحيدة..وتنتظر طفلها الرابع..بكل شجن وفراق..
وماحصلت ولاكانت اللي يرغمهم على الأستسلام لأحكام القدر بكل خضوع ورأس منكوس
,
نقـص كبيـر عاشوه الـ b وهم جالسين بمكانهم المعتاد ويناظرون حولهم بنظرات فارغه وضايعـه..
في مرض غريب يألم قلبهم الصغيـر ومالقوا له علاج..في شي قوي بداخل اعماقهم وودهم لو يتنتزعونه ويرتاحون ..لكن وين الراحه وهو يشوفون اثر لولو يحوم حولهم بكل مكان
هنا كانت تضحك وتحكي..وهناك كانت تتمايل بجسمها وترغم الجميع يصوب نظراته عليها فقط..
تضـربها فريد لمن تشوفها تاكل بدال وجبة الفسحه ثنتين..وتهزأها عواشي لمن تتقرف من عدم نظافة المكان..
وتصرخ عليهم حنوا وتقول.."الا لولو"

فريد\ملل..
حنان بعيون متورمه من كثر بكيها امس\والم..
عايشه ضمت مذكرتها واردفت\وبعدين..؟!؟
قامت فريد من الأرض ونفضت الغبار اللي التصق بمريولها الضيق\معقوله بيمر يومنا واحنا كذا...!؟؟لازم نشوف حل..!؟
تسندت حنان على الجدار الرمادي المشخبط بكلماتهم المميزه\ماتحاولـي..!؟؟
تقدمت فريد لهم خطوه\ليش..وش تسوى الدنيا اذا ماحاولنا..لولو سافرت صحيح..فرقاها مو سهل هذا شي اكيد..مشاكلنا لازالت تصارعنا وللأسف لحد الأن مالقينا حل..لكن بنظل الـ b اللي ما نستسلم بسهوله...!؟
عايشه عقبت على كلام فريد بنظره بعيده مافهمها الا هي\فعلا..المفروض مانستسلم بسهوله..
حنان\كل شي اشوفه حولي كئيب..مو عارفه افكر بـ لولو..والا فيكم..والا مستقبلي اللي يضيع وانا ما بأيدي حل..!؟
جلست فريد على ركبها ووضعت ايدينها على ارجل حنان الممدوه بااهمال\ناظريني حنوا
ارفعت حنان وجهها لفريد\شوا..!
فريد بنره دافيه \مو حلمك تدرسين هندسه معماريه..
مسحت دمعه نزلت على خدها الأبيض \بلا..
فريد اقتربت منها اكثر وكأنها بتغوص بداخل حناياها\ وتكونين مصممة ازياء..!
غرقت دموع حنوا وناظرت السماء الصافية وهي تتخيل لو الحلم يكون حقيقه\اكيد..
فريد\طيب..ابوك ماوقف بوجهك أبدا..تتوقعين لو بأيده يدرسك هنا وتحت عينه... بيرفض..!
وطت حنان راسها وتمكنت الدمعه توصل لشفاتها \لا..
مسكت فريد كتوفها اللي تهتز\اوكي..ابوك ماعنده إلا حل واحد..تكملين دراستك بالأردن..
حنان خشن صوتها بألم\بس انا..مابدي..افهموني لو مره وحده..
فريد\حنوا..فديت قلبك..انتي اللي اعطي نفسك فرصه وانسي عواطفك ومشاعرك لو مره وحده..!؟
هزت حنان رأسها باعتراض وسكرت فمها بأيدها الثنتين لمن استقامت بوقفتها وركضت بعيده عن صديقاتها وصوت نحيبها هو الشيء الوحيد اللي وصل لأرواحهم قبل مسامعهم..
قامت لها عايشه بسرعه لكن ايد فريد كانت الأقرب\اتركيها..مردها بتعرف انه كلامنا صح وواقــع..
عايشه\بس..وسكت لحظه..ثم كملت كلامها بحزن يطفر بعيونها..فريد خليني اشوفها..مايصير كذا..
فريد\كولي عسـل..يعني هي ماتعرف انه ماعندها غير هالحل..!؟وقطبت حواجبها وهي تكمل..بلا دلع..
يئست عايشه من صاحبتها العنيده\اوكي.ممكن نمشي..البريك انتهــي..
أرخت فريد أيدها بكتف عايشه ومشوا تاركين مكانهم و أوراق الشجر تتساقط بإهمال خلفهم
لمن وصلوا لفصلهم واطمئنوا لمن حصلوا حنان جالسه بمقعدها بوقار والسرحان غلب ملامحها..
دخلت معلمة اللغة العربية حامله بأيدها كتاب الأدب وأقلام اللوح وانشرح الدرس اللي كان مملّ بعيون الـ b
وبين فتره وفترة أخرى كانت توصل ضربات خفيفة لساق حنان من عايشه لأجل تنبها للشرح..
لكن حنان بعالم آخر وبفكر شارد..
لمن انتهـى اليوم الدراسي ورجعوا البنات لأول مره خائبين الأمل..ومرهقين جسديا ونفسيا..

---------------

خرج من المبنـى وهو سعيــد..
والله وتحققت أمانيه..أخيرا لقى مراده اللي بحث عنه من سنين..
خطوات قليله ويدخل عالم الشهرة والفن
ماكان محتاج لا شهادة بكالوريوس لأجل يوصل لطموحه..ولا حتى سعي طويل لأجل يرضون بقدراته..
صوتــه..صوته هو الشيء الوحيد اللي دخـله لـ هالعالم اللي اساسه الأقـوى..
هذا غير طبقات صوته المميزه اللي ترغم الجميع تستمع له بكل ايثار لغاية ماتنتهي كلماته..
وهيئة شكله ومظهره الجذاب تأكد انه بيصعد بظرف ايام للنجوميــه..
ضربه ركان اللي كان العنصر الأساسي بتحقيق حلمه بكتفه \وش عليك ياعم..والله وبتصير مشهور..!؟
برقت عيون مصعب بحالميه..وابتسم بزهو\مشكور ركان..مدري كيف برد جميلك علي..
لبس ركان نظارته الشمسيه الرماديه عن السنة الشمس الحاره اللي كانت مشابهه لنظارة مصعب\افا عليك بس..ماسوينا حاجه..اهم شي تجي بكره وتوقع معهم العقد..وبعدها كل شي اوكي..
مصعب اومأ برأسه\اكيد..
ركان\الا اقولك..وش بتسوي بدراستك..!؟
ابتسم مصعب بسخريه وركب سيارته..هو يعرف انه مو وجه دراســه..وبدليل انه كل مره يغير الجامعه والتخصص مثل مايغير موديل سيارته\اخر شي ممكن افكر فيه دراســه..متى مابغيت اكمل..بكمـل..الجامعه مو طايره...
ركان\ومنت خايف من الطرد..!؟
التفت مصعب له بسرعه وهو لاوي فمه بغرور والشامه السوداء وضحت اكثر\تخسي..مابقى الا ذي..!؟ادفع لهم مبلغ يسكتهم ويتنهي الموضوع..!؟
ضحك ركان بسخريه لاذعه\منت بهين..!؟
شغل مصعب سيارته\تلميذك يالحبيب..ههههههههههههه
ركان\في هذه صدقت ههههههههههااااااااي
مصعب لأول مره يتكلم بجديه\تدري..احلى شي..اني لقيت اللي ابيــه... صدقني كنت ضايع..ولاتتوقع بيوم اني راضي اني كل سنه بجامعه جديده..وعمري يضيع وانا مو حاس فيه..بس خلاااص..لقيت اللي ابيه..
وضحك بعدها بجنون مثل ماساق سيارته بجنوووون..
وما فكر بأمه..ولا فكر بأهله..ولا حتى نظرة الناس له إذا عرفوا انه بيصبح مطــرب..!!!!!

-------------


ناظرت شاشة التلفون بوجه عبوس وحواجب مرفوعة..
كانت متأكده مليون انه سبب انشغال خط فريده وعايشه لأنهم يكلمون بعـض..وكالعاده...ناسيين انفسهم بالتلفون..
عادت الاتصال مره ثانيـه وهي تدعي خالقها انه الخط يفتـح..وثواني..واغلقت السماعه بقوه من القهـر..
لاحظها سامي اللي كان منهمك ببعض الملفات اللي محتاجه دراسه دقيقه منه..لكنه مااصدر غير التفاته صغيره ثم رجعت عيونه تتأمل الملفات..
تضايقت لولو اكثـر..وضربت كعبهـا الذهبي بالسيراميك الأصفر اللون..ولمن اكتشفت انه كل ضربات رجلها ضاعت هباء..طلعت من البلوكونه المزينه من جميع الأماكن بشتلات الورد وتعدت الصاله ودخلت غرفتها واتجهت للمرايـه على طـول..زادت من الروج العنابـي اللي كان متناسق مع الهاينك المربوط اعلاه بوردة جوري بنفس اللون..على تنوره ذهبيه قصيره
اخذت الكنترول الموجود بالقرب من شاشة التلفزيون وفررت المحطات وهي واقفـه..واستقرت على اغنية "اغلى الحبايب"
وبدون هزت كتفينها وحست نفسها طربانه..
مشت خوطتين امام..وبهدوء ورقه رجعت بنفس الخطوتين خلف..فتحت شعرها المرفوع..وبدت تتمايل على نغمات الأغنيه..
حست انه لها فتره وما مارست رقصها المعتاد..وظلت تتمايل بدون شعور وهي تفرغ كل طاقات الأربع الأيام من مشاعر غريبه..وقلق..ومصير مجهول
وصوت نوال هو الوحيد اللي تخلل مسامعها بكل رقه وهدوء..
ولمن انتهت الأغنيــه..أكنست جسمها المعـرق من عمق الأجهاد اللي بذلته وضحكت..وظلت تضحك بكل حريه وبدون خوف وبكل مشاعر كانت ولدية هاللحظه..واثناء رفعا لجسمها لاحظت سامي اللي كان وقاف امامها و يـتأملها بوجه جامد وخالي الملامح..
اختفت الأبتسامه منها وحست بحراراه قويه..وبتلقائيه رفعت ايدينها الصغيره لخدينها وظلت تمسح العرق اللي تصبب بكل جسمها..
شعر سامي فيها..واخذ علبة المناديل كان بالقرب منه ومده لها..
التقطته لولو بخجل\شكرا..
لازالت عيون سامي عليها..وماحس ابدا بخجلها والحمره اللي اعتلت وجهها..
سامي\حلوه..
لولو ماسمعت كلمته\اايش
تردد ثواني..وماعرف كيف يتكلم..
هالمخلوقه الصغيره قدرت تغلب كيانه..وتاسره بعفويتها ودلعها..
سامي\الأغنيه..الأغنيه حلوه.
لولو\اها
ظلوا فتره ساكتين..وواقفين..
لولو تلهي نفسها بالمنديل اللي كان يتخلل اصابعها..
وسامي يبعثر نظراته بكل اتجاه..لكن انظاره وبكل ثقابه ترجع لها..
ولمن حس انه وقفته مالها معنى..طلع من الغرفه بهدوء وجلس على نفس كنبته..ورجع للملفات يناظرها..لكن نظراته كلها كانت فارغه وبعيده عن تفكيره..
مرت ربع ساعه..وخرجت لولو للبلكونه بخطوات حرجه ومتردده جاره معها نسمة هواء بارده اغرمت سامي يرمش بعينه..
جلست بعيده عنه بـ كنبتين..وهو حاول يتمالك نفسه...,ويلهي نفسه بالأوراق..وشيئا فشيئا رجع الوضع طبيعي..سامي انشغل..ولولو رجعت تدق على صديقاتهـا..والحمدلله انه حنان ردت هالمره..واخذتهم السوالفهم لفتره طويله..
لولو بنبره حاره وهي تتمشى بالبلكونه وتتأمل تاره زخاريف السيراميك البنيه وتاره ترفع نظرها لشتلات الورد الفاتحة العطره الريحه \وحشتوني..موووت..ابي اشوفكم..!
حنان بنبره حاره\وانتي كمان واحشتنا اكتر..مابتتخيلي يالولو كيف المدرسه بدونك..
لولو \ههههههه اكيد حبيبتي..انا لولو..لولو انا..مو أي احد..خليك مني اللحين..وقولي لي..حنوا شخبارهــا..!
حنان لاشعوريا تذكرت احزانها \بدك تعرفي حنوا..شو اخبارها..!؟
انمزجت نبرة لولو باهتمام دافي\حنوا..قلبي..صاير لك شي..!؟
انتبهت حنان انه شوي وبتشكي لصديقتها وهي بشهر عسلهــا\هههههههههههههه وشفيك ئلبتي الحكي جامد..!؟
لولو\ياحمــ..تضحكين وانا راح بالي بعيد..!؟
حنان\ههههههههههه شو بدي اعمل بتفكيرك..!؟
لولو تضجرت\سخيفه ياناس..المهم حسابك معي بعدين..سلمي على فريد وعواشي..وبوسيهم طعش مره..اوكي..
حنان\ههههه اوكي..انتبهي على حالك..
لولو\طيب قلبوا..مع السلامه..
حنان\الله يسلمك..
سامي عقد حواجبه باستغراب\حنوا..عواشي..وشدّ على أخر كلمه..فرييييد...!
لولو تأكدت انه سمع جميع المكالمه\صديقاتي..
سامي\شكلك تحبينهم مره..
ابتسمت لولو بحب وهي تتذكرهم..حست بدقات قلبها تتزايد بفقدانها لهم\بشكل ماتتصوره....امم..حنا اربعــه..اربعه بنات..جمعنا مكان واحد..وناظرت السحب بنظره اشرده لموطنها
ترك سامي اللي بأديه وشدّه حكي لولو\وبعـدّ..
تقدمت له لولو..وجلست بنفس كنبته المزدوجه\كنا متخذين اسم اللي هو b....!
سامي\عشان اكون معك على الخط..ايش يرمز له هالأسم..!
لولو\الأسم هذا يرمز للطيور..كل وحده كان لها حلم..او طموح معين..وعلى قولة عواشي..ورفعت عينها للسماء وكملت..بيجي يوم وبنحلق مع الطيور..!
سامي\طيور..!؟
لولو\ولأبعد افق..امنياتنا كثيره..واحلامنا كبرت معنا..ماكنا نعرف شو يعني صعب..ولا حتى محال..كل شي نتمناه نحصله..واذا ماحصلناه..سعينا له..واذا تقفلت علينا الطرق..قابلنا الموقف باابتسامه صابره..
ظحكنا كثير..وبكينا اكثـر..صداقتنا فريده من نوعهــا..صديقاتي علموني شنوا يعني امـل..سعاده..حب..جنون..خلوني اشوف الحياه بمنظور ثاني..احبهم موووت..ولاأتخيل اني بفارقهم بيوم..صحيح تقهرني دفاشة فريد..وجنون حنوا..وحالمية عواشي..لكن هم احبهم..وانا اللحين فاقدتهم بشكل ماتتصوره..!؟آآآآه..ليتني قربهم..!
سامي بابتسامه صادقه عقب\وأنا..ما انفــع..!؟
تأملته لولو بدون شعور...ولمن شعرت باابتسامته الخبيثه تبعرثت نظراتها بكل مكان..ولمن غلبها الخجل..اخذت مخده صغيره واخفت وجهها فيها,,
سمعت ضحكات سامي تتردد وتوصل لمسامعها..وغصبن عنها ضحكت معاه..وسامي ازال المخده عنها..
لولو\سامي..والله استحي..
سامي بلهجه مازحه\فكينا زين..!؟
لولو\شوا..شوا قلت..فكينــا..!؟
احمر وجهه وهو يعيد الجمله ويضحك\ههههههههههه فكينا زين..
اغتاظت لولو منه لكنها تأكدت انه عفوي اقصى درجه فقالت بدلع زادته بالعيار الثقيل\كل صباح تزمجر وتقولي...وقلدت نبرة صوته.. وش تنتظرين قومي..واللحين طلعت كلمه جديده....فكينا زين..سوفااااااج..
سامي\وش ذا سوفاج..!؟..
لولو\ههههههههههه على ألأقل مو فكينا..زييييييييين
سامي\بتلذينا بهالكلمه..
مدت شفايفها الحمراء\احســن..
مارد سامي عليها ورجع لملفاته يناظرها لكن لولو كانت اسرع منها ووضعتهم على الطاوله\خلاااااااااااااااص والله طفشت.ماتزهق من الشغل..!
سامي\شوي بس بشوف كم ورقه..!
لولو\لا..مافي..
سامي احتد صوته\لولو..
لولو قابلته بنفس الصوت\سامي..
سامي\لــولــو
لولو ترجته بنعومه\سامي..سامي..ساااامي..ابي اطلع..مللّ..شسوي بحالي..!
سامي سكت..وبعد برهة قال\هالمره بس..بسمح لك..اوكي..
لولو رفعت حاجبها المحفوف باتقان وصابها الغرور\تشكرات..مسكت ايده وقومته..وانا اللي بطلع لك بدله..بمناسبة السهره..بس بليز بلبس اليوم نظرات كبيره وبتحجب..
سامي بنبره صارمه\لاااااااااا
لولو\ارجوك..
سامي\لاتحاولين..المناقشه مرفوضه..وقومي اختاري لي بدله..
ياست لولو منه..وحست بقهر بداخلهـا..المصيبه ماقتدر تقنعه على شي محرم..ولو شي ثان بسهوله اخذته منه..لكنه عارفه انه كلامه صحيح..
سامي\غيرتي رأيك..
قامت لولوبسرعه\لا طبعا
مشى معها وهي لازالت ماسكه أيده وتجره لأجل تحثه يتقدم اكثر\شوفي..انا رجال..ما أحب المظاهر..ويكفيني ثوب ابيض مخطط..وووو
لولو قاطعته وجلسته على السرير\اوش..
سامي\اسمـ
لولو حاولت تفك غيضها وقهرها فيه\اووووووووش
فتحت الدولاب و لاحظت صمته.. وبحثت بين ملابسه عن بدله محببة لها..لكن تفاجأن انه جميع الملابس بنفس اللون..!
لولو وهي تبحث لعل وعسى تحصل اللي يناسب مزاجها\شكلك تحب الأبيض!؟؟
ارخى جسمه على السرير وغمض عيونه\صفـاء ونقـاء..الأبيض صفاء ونقـاء
تذكرت لمن سمعت كلمته شيء قديم عن اللون الأبيض لكنها جاهلة الحادثة..حاولت تعصر مخها..لكن بدون فائدة..
واخيــرا قدرت تطلع بدله باللون الأسود كانت بقماش المخملي والثوب أيضا كان اسود بخطوط دقيقه بيضاء..
ابتسمت برضاء وتقدمت لسامي اللي فتح عيونه يوم استنشق رائحة عطرها..
وبدال ما يناظر السواد اللي حاملته..تأملها بنفس النظرة اللي كانت ترقص فيها..
استغربت لولو من سكوته و هدؤءه..
سامي\تعالي..
قربت لولو منه ولازالت مستغربه من أسلوبه اللي سكن لمن أصبحت أمامه..وهو بالمثل استعدل بجلسته لمن حس بحرارة جلد كتفينها على أيدينه....
رجع لحالة ذوبان....الحراره دخلت لتجاويف عظامه...قرب منها اكثر لمن باس خدها الناعم واسند رأسه برأسها وغرق بعيونها والشدو الذهبي اللي حاوطها
ظلوا فتره على هالوضع..ولا أحد قدر يبتعد عن الأخر..
كل المشاعر الحميمة حسوا فيهـا..وطغت عليهم لمن أسرتهم..وكانوا ضعاف بصدهـا..
وبلحظه.انتهى كل شي..وسامي ابتعد عنها بعد ما اخذ ألبدله اللي متمسكة فيها بكل هدوء..وترك لولو تصارع المشاعر وحيـده..

-------------------



بعد مضي 3 ايام..
____________




تشعـر بالشمس قريبه منها وتصهرها بألسنتها الحارقة.. والغطاء اللي كانت متغطيه فيه ذاب مع دموعهـا اللي تذوقها وكأنها علقم مرّ..
كلام البنات لازال يرن بإذنها مثل المطرقـه الصارمه ماصنعت الا للدق وألأستسلام لواقـع حزين
وسيمفونية بكائهـا وصلت لمسامع ابوها اللي كان يسوق الباص بفكر شارد وقلب مطعون وهو يوصل اخر بنت لبيتهـا..ويزيد السرعه لأجل يوصل البيت وينسى الموقف السيئ اللي حفظه بكل حذافيره لمن وصلوا وابتعدت فريد عن ملامح ابوها الكئيبه..وعن الجو اللي كل ماله ويخنقهـا..
دخلـت البيت واتجهت لغرفتها ولأول مره ماتمرّ على امها بالمطبـخ..
قفلت الباب..وظلت تبكـي ولأول مره تحس انها دموعها اللي تنهمر ممكت تعزيهـا..وتلطف من حرقان قلبهـا..
رجعت تتذكر الموقف السيء بكل الم..وبداية نقاش البنات..
:
سعاد بلهجه مزمجرة\هي يالشايــب..خذ هالشريط وشغلـه..رمت الشريط بالغلط وتصوب على كتف بومحمد..اللي المتـه الضربـه لكنه مابين والتزم السكـوت وهو يعـارك الموقف اللي احرجه والعرق اللي تصبب ببعثره على جبينه الأحمـر..واهلك قواه..
ضحكوا البنات على الموقف بااصوات عاليـهز.وضحكوا اكثر على سلبية بوم محمد..والبعض كان يتشمت بكلامات لاذعه..وكل هذا كان تحت ماسمع فريد اللي شهـدت الموقف وانخـرس لسانها من هول اللي تشوفــه..
سعادبصوت عالي\ههههههههههههههاي..قسم بالله اشك انه سعودي..شكله هندي وشايب..شوفي بس كيف رميته للشماغ اللي بدون عقــال..والله انه واحد اهبــل..
ظحكوا البنات على كلامها اكثــر..واكثـر ..ورجعت تكمل تعليقهـا الوقح\لالالا هههههههههههههههه بمووت..بطني عورني.وش فيه هالخبل ماتحرك..!؟
سمعهـأ بومحمد وتمتم بصوت واطي وهو يحـتـرق ويقاوم وبقلّ حيله\الله يهديكم..
تحركت فريد لمن سمعت صوت ابوهـا..وعلى طـول..وبدون مقدمات..مسكت رأس ساره اللي لازالت غامرتها الضحكة وعطتها كـف حااار احدث صوت قــوي رن بمسامع الجميـع..واخرسهم
وبكل قهـر والم وضيق وجروووح اهتـز صوتها بالباص يعلن صــرخه داميه ومطعونه\يالحقيــــررره..ياللي ماعرفوا اهلك يربوك..تعرضين قوتك على رجال كبرّ ابوك..هذا ابوووي...ابوووووووووي ويشرفني الف مره انه سايــق..

أنلجم لسان ســعاد وهي تضغط على وجهها اللي شوهه أصابع فريد..وعمّ الهدوء بالمكـان..عمّ السكـون ومافي غير صرخـة فريده القاهرة تـدوي وتخنـق وتدمي قلوب الجميع..

:

غمضت عيونهـا الحارقة..وضربت رأسهـا على السرير..وهي تقول..ابي انســى..ابي انســى..
عماد البيت اهتز اليوم وهو اللي علمهم كيف يتغلبون على الصعـاب بالصبـر اللي بعده الفرج .وجملّ بعيونهم حلاوة القليل رغم عدم بهجته..رباهم على التواضع والأخلاق العاليه والطمـوح اللي ماقدرّ يوصل له.. عطاهم درس عن الحيـاه مستحيل يعطيه معلم..واهداهم بتربيته القنـاعه اللي مثـل الكنـز اذا ما حافظت عليه راح تضيع من أيدينك وانت تناظره وبكل عجـز,,
وهذا اليوم ربّ البيت يهتـز بكل طواعيه وانكسار..
شلون هي ماتنكسـر لأنكساره..وتنجرح لجرحـه.!
ضعـف..
قلّ حيله..
قسمـه
نصيـب
فقــــــرّ
كلمـات طعنت فريده واهلهــا ..وهذا هم يصـارعون الحياه بكل مراره..ورضـى..
وتضـاد هالألم..والتعاسـه اللي انكتب لفريـده..كان هذا اليوم اللي انفتحت فيـه ابواب السعاده لمصعـب..
قبل يومين وقـع العقـد مع شركـه صاعـده باسمها..وثابتة بوجودهـا وشهرتهـا اللي متعارفه بالخليـج
تقاعدت معه لمدة سنـه..لكنها كانت تنظرّ له المطرب اللي بيوصـل للنجوميـه بنبرة صوته المميزه واحساسه الفريد عند غناءه..بغـض النظـر عن الواسطـه االقويـه اللي دخلته عالم الفـن..
وبهاللحظـه هذه.. كان مصعب جالس بغرفـة كحلية اللون ديكوراتها على شكل اسطوانات متبعثره بكل زاويه وماسك العـود بأيـده
ويردد اغنية لفنان العرب طلبها منه الملحن لأجل يميز أي طبقة صوت تنفع للألحان اللي بيعرضها عليه.

قلتي لي وش تحرى ذابت نجوم الليل من جمر الآهات
ماعاد بدري تدري العمر مرّه سرقت سنينه مننا ..كيف لحظات..!؟
ماعااااااااااااااد بدري
تقول باكر وانت باكر تبرا..مره الزمن واقف على مرّّ الأوقات
بتنتهي الدنيا قبل ماتجرأ..لا ضاعت الفرصه ترى الموت حسره
ماعاااااااااااااااااد بدري

الملحن سعود\الله عليك يامصعب...وينا احنا عن هالصوت..
بزهو وسعاده رد مصعب وهو يسند العود على الطاوله\تسلم..هذا من ذوقك..
أشعل سعـود سيجارتـه \طيب انا لاحظت ميولك للأغاني القديمه..والموالات..عكس اغاني هالأيام اللي بمثابة عرض فيدو كليب مع موسيقـى صاخبه..وضاعت نكهة الطرب اللي كان نعشقها بالماضي..
أومأ مصعب رأسه علامة الموافقة\صحيح كلامك..صارت الأغاني تجاريـه..وضاع الطرب الأصيـل..
سعود\كذا حلو....لأنه طبقة صوتك تناسب ..ونقدر نرجع الطرب الأصيـل بصوتك.لكن بنفس الوقت محبوب التنوع .خصوصا اللي بيسمع مصعب مختلف الجماهير وسواء كانوا شباب او كبار..
مصعب\أكيد..وهذا اللي اللي اخطط له..
سعود\اوكـي انت اقرأ كلمات الأغاني مره ثانيـه..و
قاطعه السكرتير عيسى بدخوله المفاجىء
عيسى\استاذ سعود..ألأستاذ راشد ينتظرك..
سعو\جاي...اوكي يا مصعب..ارجع أقرأ النوته بتمعـن..ونشوفك ان شاء الله بكـره
اخذ مصعب الأوراق اللي كانت بالطاولة وترجلّ واقف\على خير ان شاء الله..
صافحوا بعـض وخرج مصعـب من المبنى وعلى وجهه ابتسامه تـدل على سعادتـه
طلع للشوارع ولاحظ المارين..
صحيح كان الكل يلتفت لأجل يناظر ملامحه الجميله..ويسمع كلمات من البنات وهم يشبهونه بتوم كروز..
لكن من بكـره النظره بتكون غير..وبتختلف كليا..
بكره بيدخل عالم الفـن..عالم الفن اللي ياما تمناه وهواه ..
اخيرا عرف طريقـه وطموحـه..
اخيـرا بيكون له هدف وشي كبير يوصل له..
تعـب من حياة البطاله والملل..
تعب من الفشل في دراسته..والأنذارات اللي تلقاها من ارقى جامعات العالم وافضلها..
تعب من كذبه على نفسه قبل مايكذب على الناس ويقول انا طالب مجتهد لكن الزمن هو اللي شتتني
تعب وهو يلقى لومه على تخصصه والزمن اللي ماانصفه
لكن هالمره غيــر..هالمره بيدخل عالم حلم وبيطلع للعالي
خــلاص
رحلة الشقاء انتهت
ومشوار الضياع انمحـى..
ونقطة الألف بدأت
---------------------

مابقـى شات الا ودخلتـه وسجلت فيه..واصبح لديها اكثر من معرف..
مره..حنوا..ومره دموع..ومره طير مجروح....ومره انتهيــت..
وكل معرفاتها تدل على الألم اللي ساكن قلبها والضياع اللي تشعـر فيه
مو عارفه مين الغلطان..هي..والا ابوهـا..
والا كونهـا فسلطينيه مصيرهـا الشتات حتى بمجال دراستها اللي ياما طمحت للوصول اليه..
شي غريب ومثيـر للضحك..حتى بالدراسه بتعاني منها وبتواجه اموره ممكن تعثر دربهـا!؟

^,,بطة,,^
شو بك انتهيت..مو معقوله..هدا تاني مره اكملك ومابتردي عليه..!؟

^,,بطة,,^
ييييه..متأكده انك هون

^,,بطة,,^
يابنت ردي..!

^,,بطة,,^
؟؟؟؟؟؟؟؟

طير مجروح
بلا معك..بس..بس سرحت شوي..

^,,بطة,,^
للمره الألف تسرحي..مو معقول..!؟

طير مجروح
معليش..سماح هالمره..

^,,بطة,,^
اوكيك..شو كنت بقولك....

طير مجروح
كنتي بتقولي عن زواج احمد اخوكي..

^,,بطة,,^
أي اخويه..انتي التانيه..صاحبي ياهبله..صاحبي....انا زعلانه عشان صاحبي اللي تركني اول رفض ابوه الزواج من وحده تعرف عليها بالشات..!

طير مجروح
معليش انا اسفه..ماتوا خزيني..بس انت مابتقولي انه صاحبك بالجامعه..!

^,,بطة,,^
بلا..بس ابوه رافض هالكلام..على قولته..بنت خالتك محجوزه له من زمان...

طير مجروح
طيب انتي مابتقولي لي انه يحبك..ومايقدر يعيش بدونك..

^,,بطة,,^
بلا..انا بحبه..وهو يموت فيني..لكن ابوه هو السبب..مابعرف شو بدي اساوي...انا كارهه حياتي ..

طير مجروح
والله مو عارفه شو بدي اقولك..الموقف صعب..ولاتلومينوا..لأنه انتي حبه..وهو ابوه..

^,,بطة,,^
آآآه ياطير...انا ضايعه..

طير مجروح
كلنا ضايعين..كلنا ضايعين..

^,,بطة,,^
ليه..عم تقولي هالحكي..في شي صار اليك!.

طير مجروح
لا سلامتك..بس شوية مشاكل..اوكي بطه بطلع هلاّ بكره وراي مدرسه..

^,,بطة,,^
اوكي حبي..اشوفك ببكره..تشاو

اغلقت حنان المحادثه..ولاحظت دخول سوس..لكنها مو رايقه له اللحين ابدا..فصلت الكيبل بسرعه..واتجهت لمكتبتها الصغيره..وبالتحديد لمكان كراستها اللي لي من سافرت لولو وهي مالمستهـا..
لكن اليوم حست برغبـه شديده انه تصمم..او حتى تشخبط وترتاح..
لمست الكراسه وحست ببرودتها انتقلت لها..اخذتها وضمتها لصدرهـا برقـه..وقربتها لأنفها لأجل تستنشق ريحـة عطرها الدافي الباقي فيه..وبتلقائيه دموعها تساقطت على الورق وتفجرت مشاعرها وكبتهـا اللي ظـل قرابة اسبوع وهي عايشه بين وهم وآآهات..وشتات وطعنات..
رمت نفسها على السرير..وظلت تتصفح بعض من تصاميمها اللي رسمتها بكل اتقان وجمال..
معقوله هالحلم اللي رسمته بخط ايدها يضيع هباء منثورا
ليـه هي محرومه من أقل القليل..ومو مثل بنات جنسهـا تحلم وتتحقق مطالبهـا,,
في البدايه كانت تحلم ولازالت تحلم بأرض اسمها فلسطيــن..
وللأسف غير مسموح لها تشوف إلا دمار وخراب ويهود خونه فجار مستحلين هألأرض..
اليهود هم اللي حرموها من ألاستقرار والأمان..
اليهود هم اللي حرموها من الفرحـه والسعادة..
اليهود هم اللي حرموها من الدراسه والأحلام وكل شي جميل تطمح له..
اليهود هم اللي حرموها من العيش في فلسطين..
فلسطين اللي ما استنشقت هواها وشربت من مائها..
فلسطين اللي ما حبت أرضها وداست على ترابها..
فلسطين المستحلة والمظلومة
فلسطين الأم والعائلة و والحب والوطن
والعااااالــم..
مسكت قلمها..وكل قوتها وجروحها وآلامها ودموعها كتبت "فلسطيـــن"
ونامت وهي كئيبة ومحبطه وحزينة ..

----------------

طبعت بوسـه على رأسها وهي تبتسم له
عايشه\انت كذا تمام..كل يوم ابي شهيتك مفتوحه مثل اليوم..
اومأ ابوها رأسهـا..وبادلها ألأبتسامه..
وخرجت من الغرفه بعد ماتمنت له احلام هانئة حامله معها صينية العشاء..
وما لبثت تتحرك خطوتين الا واحمد طلع بوجهها وأرعبها..
عايشه\بسم الله..
تقدم احمد لها \خوفتك...وابتسم بمكر سلامة هالروح اللي خافت..
ارتجفت عايشه من كلامه ونظرته الخبيثه..
عايشه\ممكن تبعد..ابي انزل..
احمد\طيب..انزلي..احد ماسكك..!؟
وطـت برأسها بالأرض وعقبت على كلامه بكل رجاء\لو سمحت ابعد شوي..
احمد\واللي يقولك اني مو متحرك..واليوم انا مو تاركك
واثبات على كلامه قرب وجهه لها وتوه بيلمسها الا ورمت الصينيه بوجهه وركضت لغرفتها من الرعب اللي تملكهـا ..قفلت على نفسها مرتين...وطاحت على الأرض وهي تضم جسمها الراجـف...
سمعت صوته رجع من جديد..وبدون شعور ظغطت على الباب وهي متأكده مليون انه مقفل..
احمد\طيب..بشوف اخرتها وياك..انا ترمين الصينيه بوجهي..!
عايشه\........
لصق احمد بالباب\انا عارف انك ورى الباب..بس حبيت اقولك ..اني الأيام بيننا..
بكت عايشه بهستريا وهي تسمع آخر جمله نطقها..وكرهت حياتها اللي متواجد فيها عم مثل احمد..
حست انه شيطان بهيئة انسان ..ماعنده لا ضمير ولا قلب..
لكن مين اللي تشكي له حالها..!مين اللي بيفهمها وبيحن عليهــا!؟
متى بتترك ضعفها وانهزاميتها وبتواجهه بكل قوه..متى.!؟
اليوم سلمت منه..لكن بكـره..بكره مو عارفه وش اللي مكتوب لها.!؟
قامت من على الأرض بهلع وجلست على سريرها وهي متأكده انها مستحيل عيونها تذوق النوم بعد اللي صار,,
وفعلا الكوابيس حاصرتهـا وحتى بتنفسها مارحمتهــا..وعيا النوم يطرق بابه الليله..
لمن بانت خيوط الفجـر مع ظهور الشفق اللي تسلل بهدوء للسماء الزرقاء
وبدأ اليوم الدراسـي اللي كان سيء بعيون الـ b
جالسين بقـرب بعـَض والصمت هو سيد الموقف..
فريده كانت تستذكر موقف امس بكل تفاصيلـه والجرح الغائر اللي نفتح وعيا يندمل لكن الشيء الوحيد اللي مريحها انه سعاد ماكنت متواجده بالباص اليوم ..اما حنان كانت خالية الملامح والبرود يتأصل روحهـا..وكأنها خلقت بلا مشاعر..
وعايشه الهالات السوداء المحاوطه عيونها الحمراء تدلّ على المها القاتـل..

:

مـرت معلمة الرياضيات على فريده المتمسكه بقلم الرصاص لمن احدثت فجـوه عميقه بدفترها..
المعلمه\فريده..ابعدي ايدك..خرمتي الدفتر الله يهديك..فرييييده..
انتهبت فريده على الصوت اللي ازعجهـا ولمن التقت عيونها بعيون معلمتها قامت من على الكرسي بتلقائيه\ها
اشرت المعلمه على مكان الفجوه\خربتي دفـترك..!
صوبت فريده نظرها لمكان ماتأشر المعلمه ولمن لاحظت اللي ارتكبته شهقت\اوووبس..وش سويت..!؟
المعلمه\مو مشكله انزعي بعض ألأوراق..حليتي الواجب..!
توترت فريده..وثبتت صفحتها على المسائل اللي حلتهم امس بدون نفس ومو عارفه هل الجواب صح او لا\ايه حليته..
ناظرته المعلمه نظره سريعه واتجهت لعايشه اللي كانت فاتحه الصفحه..ثم مرت على حنان واستغربت من نظافة الصفحه وفقط وجود ارقام ألأسئله..وللأسف هذه مو اول مره تعملها حنان..ثلاث ايام مرت وهي من حال لأسواء..لكن صديقاتها كانوا معها ويعطونها الواجبات ويرغمونها تحل ..واذا امتنعت.. عايشه تكتب عنها بكل رحابة صدر.. لكن اليوم كان مأساوي على الثلاثه..ومافكروا يشيكون على دفترها
والكارثه مرض التبلد والبرود اصاب حنان..واصبح الموضوع عادي جدا..سواء حلت او لا..وغابت..او حظرت..
وين تكمن المشكله وهي متيقنه بقرارة نفسها انها ممنوعه من مواصلة دراستها..
المعلمه\وقفي ياحنان..
وقفت حنان على طولها بطواعيه وكأن شيئا لم يكن..وتسندت على الجدار وهي تلم شعرها اللي بشكل ضفيرة على جنب وفكرها سـرح لبعيد..والمعلمه واصلت تفتيشها ثم بدأت تحلّ جميع مسائل الكتاب لأنه الوقت بدأ يخونهم وهو لسه بمعمعة الرياضيات..
انتهت الحصه..وخرجوا الطالبات للفسحه ...واخر من خرج كان ال b بسبب خطواتهم البطيئه وهم يتوجهون لمكانهم المعتاد..
جلست فريد على الأرض وفردت ارجلها بضيق..ولاحظت جلوس حنان على كرس لولو..وانكماش عايشه على الأرض وكأن هموم الدنيا بأجمعها حملتها بعيونها..
رجعت تناظر حنان وما حست بروحها معهم..
شعرت بالمكان يخنقهم وهو اللي بيوم يجمعهم..وقفت على طولها..وفكرت تعزمهم على فطور
دخلت من باب المقصف بدون ماتبالي بازدحام البنات. لأنها تعتبر شخصيه هامه ومحبوبه عند الجميع.
اخذت فطاير..وعصاير..وشيبس..وترجلت للمكان قبل رن الجرس..واثناء مشيها
لاحظت المراقبة سلوى موقفه طالبتين وصوتها العالي يتخبط بزوايا الساحة..خافت انها تشوفها وهي بهالزي..وبعجله غيرت مسار طريقها واضطرت تأخذ لفه على المدرسه كلها ..وتحملت الطريق الأطول لأجل الوصول لصديقاتها..لاحظت البنات يناظرونها ..اللي يناديها.واللي يرمقها بنظرات حب..واللي يرمي عليها كلمة اعجاب..طنشتهم وهي تحس بالحر يلفح وجهها وبعد خطوات طويلة وصلت وهي تلهث من التعب ودقات قلبها ازدادت سرعه
شعـرت بملوحة لسانها وهي حزينة بسبب جمود موقف حنان وعايشه ووضعهم اللي ما تغيـر أثناء جلستهم..وكأنهم يجسدون لوحه صامته معدومة الحياة..
فريد\قومي انتي وياها..وافطروا..
عايشه وحنان لا تعليق..
اكفهر وجه فريد وبمقاومه كملت\طيــب..
نزلت كيس الفطور بالأرض بالقرب من عايشه..وشدت ايد حنان البارده لمن ارغمتها تجلس بمحاذاتهم وتكتمل دائرة الجلسه..
فتحت الكيس وبدأت تأكل واثناء ماوصل الطعام لمعدتها حست بمدى جوعها لأنها ظلت يوم كامل خالية المعده وحرمت نفسها من غداء وعشاء امها الذي لا يفوت..وكل هذا بسبب الحزن القاتل اللي تعرضت له بالباص
واثناء تلذذها بوجبتها البسيطه لاحظت عدم تجاوب احد..
فاشرت بأيدها لناحية الفطور بااستهزاء عالي\مابقى شي..تبوني اطعمكم.!!!!!!!!؟
ابتسمت عايشه بوهن\مالي نفـس..
وحركت حنان شعرها اللي مجمع بكتفها ألأيمن بضيق\وانا كمان..
بلعت فريد اخر قطعه وهي تتمنى سندويشه ثانيه\بلا دلع..وكلي انتي وياها..بســرعه..
حنان تكلمت بقهر وهي قاصده هالرد المجروح\كل حاجه بالغصب..حتى ألأكل بالغصــب..!
فريد كانت اطول منها نفس\ايه..عندك مانع..!
حنان\ اففففففففف لا..
فريد\روحي مستشفى المانع.......
اطلقت عايشه ظحكه عاليه وكأنه لها سنين ما ضحكت..وظلت على حالتها لمن ارغمت فريد تنفجـر مثلهـا..وحنان ما قدرت تقاوم وبانت ابتسامه صغيره على شفايفها لمن استسلمت وضحكت معهم..
وتدريجيا تحولت هالضحكه لدموع غزيره رجعت الحزن لقلب عايشه وفريده..
فريده\ما مليتي..!؟
مسحت دموعها بطرف كمها البني مثل الطفله \بلا..بس..شو اساوي..!؟
فريد\واصلي مشوارك..وراجعي حنوا اللي نعرفها..وتوكلي على ربك..وصدقيني بيفرجهــا..
حنان حاولت تقاوم الغصه اللي رجت تعلتي فمها\ياليت,,
فريد\حاولي..تناسي الموضوع..وكأنه ماانوجد..تناسي....مثل ماانا احاول اتناسى..وبتلقين نفسك فعلا نسيتي صدقيني سهله..والا الله ليش رزقنا بهالنعمـه..!
عايشه لأول مره تكون محبطه لدرجة اليأس\الكلام سهل..والأفعال صعبه..
فريد\لا عواشي..هذا مو كلامك..مو انتي اللي تستسلمين بسهوله..مو انتي!؟
هزت عايشه رأسها بالنفي\مدري..مدري اأأأنا..ااااانا مشوشه..
رن جرس انتهاء الفسحه وقطـع نقاش البنات الغير منتهي..

----------------------



تأملت الشعيرات البيضاء الغالبه على جميع شعـره..
والمرتخيه بسلام على جبينة القمحي..
اسبوع ونص عاشته بصحبته باايطاليا وكان اجمل مايكـون..
تلمست جوانب كثيره من شخصيته اللتي تعتبر نادره بنظرهـا..
كان رقيق بمشاعره...حنون بشخصيته..صبور بحلمه..
مجتهد بعمله..منظم بحياته..
والأهم من هذا كله..انها ماعمرها قابلت شخص بطيبته وعفوية تصرفاته..او خطر ببالها انه ممكن يكون شريك حياتها يحمل هذه الصفات..وبالرغم من بناء الحواجز اللي عزمت عليها من انخطبت له واقترن اسمه بااسمها ..بالرغم من غرورها وكبريائها وشخصيتها المتعجرفه الا نها تعترف بينها وبين نفسها انه سامي قدرّ يغير من شخصيتها وكأنها انسانه ثانيه ماتعرفها وبفتره قصيره وغير متوقعه...
لكن اللي مكدر حياتها نقطه فقيره..وحيده.. تحاول تكشفها..وتجاهد للوصول اليها حالها كحال أي انثـى تطالب بحقوقها الأساسيه ..بس صدود سامي والجمود والنفور الواضح اللي يلزم وجهه يرغمها تخـاف من المستقبل المجهول..
ابعـدت هالأفكار عن مخيلتها اثناء ما لاحظت ابتسامه صغيـره تتوسط خده الأيسر..وتوقعت سبب هالأبتسامه من الكتاب اللي يتسلى فيه وهو بالجو لأنه مستحيل يضيع فرصه الا وهو مستقلهـا..
شعرت بغيـره من هالكتاب اللي عيـا يبعد عيونه وعقله عنه..وبتلقائيه مدت ايدهـا وشدت الكتاب برقه..لكنه كان اقوى منه وظل متمسك فيه وابتسامته كل مالها وتكبـر وبأيده الثانيه مسك ايدهـا الصغيره وضمها بحضنه لأجل يقيدهـا..ويمنع شغبها..
تأففت لولو وسندت ظهرها على المقعد وهي متيقنه محال إبعاد هالكتاب من ايده
قطبت حواجبها وهي تتأمل الغلاف البحري\التسامح...اعظم علاج على ألأطلاق..
رفع سامي عيونه لها لأول مره\لـ جيرالد جامبولسكي
لولو\هذه روايه..!؟اووو
سامي\لا هي خطط ناجحه لعلاج الكراهيه والشر..تعرفين..وشد على ايدهـا برقه....التسامح كلمه بسيطه لكنها ذات الف معنى..التسامح اول كلمه تداوي الجروح لأنها بداية حياه جديده بعيده عن الحقد والكره
تخيلي لو انتي باخر الليل وحظرتي نفسك للنوم وعهدتي عهد بينك وبين ربك وبنيه صادقه انك مسامحه جميع الخلق حتى لو ضروك وكنتي المظلومه وهم الظلمه..بتحسين بالأنشراح..بالراحه..بالزهد..
والحـب والأيمان بيحاوطك وبتنامين بسلام..

قرأت الصدق بعيونه..وشعرت بالأنشراح اللي نطقه سامي..
تخيلت لوهله لو سامي يعرف بااسبابها بقبول هالزواج ..كيف بتكون ردة فعله..!؟
حست انها حقوده ومجرمه..لأنها مافكرت الا بالفلوس والشهره..
ابعدت هالأفكار من بالها اثناء ماحست بضغطه على ايدها اللي امتصت الحراره من ايده...واغلاقه الكتاب اللي اكمله..
سامي\اميرتي..
ارتعشت من صوته..وكرهت نفسها اكثـر وهي ضايعه بين مشاعر متناقضه.
سامي\وشفيك!.
لولو\ولاشي..
بعثرت نظراتها لمن تثبت على منظر السحب بالنافذه..
شد على ايدها للمره الثانيه وهي متيقنه انه هذه طريقة تعامله معهـا اذا ارد ان يحسسها بالحنان
ورجع لكلامه العفوي\قولي قسم..!؟
لولو ابتسمت بشماته\نفسي اعرف من وين تجيب هالمصطلحات..!
سامي\صدقيني تطلع عفويه..انتي بس ناظريني وبتشوفين الصدق بعيوني..
معقوله بتشوف الصدق بعيونه..وبتحس بحنان لمسة ايده..وبتخاجلها نفس الأحاسيس الجميله..
معقوله بيظل هالوئام والتفاهم حتى لو رجعت لللسعوديه..!والا بينشغل سامي بحياته حاله كحال أي رجـل مشغول بتطوير هالثوره اللي يمتلكها..!
وينتهي كل شي حلو عرفته لولو..!؟
ليش لا..!؟
هي لازالت غير مستقره سواء عاطفيا او حتى كـ مسمى امراءه متزوجه!.

وافقت على رأيها وهي تنقصها الخبره وهي بنت ال 17 سنه..والجهل يسيطـر عليهـا..وجميع المخططات اللي طمحت لها بتواصلها لأنه مبتغاها الوحيد الثوره اللي طمحت لها من اول مافكرت تتزوج سامي..!؟

-----------------

كل قوتها وقهرها وجنونها وعشقها وحزنها وعذابها وضعته بأصابعها اللي تقطع شعرها بلا شعور وملل..
فعلا الكتاب مفتـوح..والمكيف بااعلى مستواه..والبيجامه اللي لابستها تفاحيه وصيفيه ..والجو ساكن..والأضاءه قويه..وكل شي مهيء للمذاكره..لكن العقل بعيد..بعيــد لأخر مدى..وتفكيرها مستحوذه مصعب وابوها واهلها وصديقاتها..وحياتها ودراستها..ومدرستها ومعلماتها..وحتى بوصالح حارسهم اللي دوم يهبلون فيه كان ماخذ حيزّ بعقلها..
وبلحظه سمعت طـق قوي قطع بنات افكارها..
رفعت بتلقائيه رأسها لناحية الباب وهي مذهوله من الأقتحام المفاجىء اللي حدث بغرفتها
وارتفع ضغطها وهي تشوف بدور واحلام يتقدمون لها وهم يتضاربون وكل وحده تطلب الثانيه تبدأ بالكلام..
شعرت انهم مثل طنين نحلتين مزعجين ومربكين.
لذلك خارّ صبرها القليل وانفجرت بوجههم بقوه\وعمــى تكلمـــوا...!!!!!!!!!!!
انتفضوا البنتين واتسعت عيونهم بخوف..وبدور انهت هالتعذيب البطيء اللي احدثوه لفريده..
بدور\خلاص كلتينا...بنقولك شي..ومستحيل تصدقينـــه..!؟
احلام\اكيد مو مصدقته..لأني انا كمان مو مصدقه..!والتفت لبدور..قولي..
بدور\امممممممم
فريد اغتاظت أكثر وكان ودها تقوم وتضربهم بكل حراراه لكنها تماسكت\جعلك الماحي انتي وياها ..انطقوااااااااااا
بلعت ريقها احلام وقالت\مصعب
من سمعت فريده اسم مصعب على لسان اختها حست بالأرتعاش الخفيف..
وبكل عجرفه ردت\مالت عليه..وشفيه.!؟؟
رمقت بدور فريد بنظره ساخره وهي كاشفه الاعيبها\مافيه شي..يلا احلام..مسكت ايدها وهموا خراجين من الغرفه ..لكن صرخة فريد اوقفت خطواتهم..
فريده\لحظــه...
بدور\خيييييير..
فريده\بلا هبل وقولوا وشفيه...!؟
بدور\وليه اقول..شكلك مو مهتمه..
احترقت اعصاب فريده\بدووووووووووووور..
ارفعوا البنتين ايديهم لأذنهم باانزعاج..
بدور\عليك صوت مو طبيعي..
فريد\يعني انتي ودك تختبرين صبري...!؟
احلام استجمعت قوتها وقالت بنبرة خوف\انا بقولك...فريد..مصعب آآ
بدور قاطعتها\تذكرين حلم مصعب اللي ياما تمناه..
فريده\حلمه؟؟؟!
بدور\فريد..مصعب كلها كم اسبوع وبتشوفين البومه نازل بالأسواق..مصعب صار مطرب يافريد..
بتلقائيه تعقدت حواجبهـا..وحست انه كلام بدور نكته الأسبوع..وعشان كذا كانت ردة فعلها ظحكه
فريده\هههههههههههههه نكته بايخه تصدقون..
احلام بنره حزينه وكئيبه\فريد..حنا مانمزح معك...توها خالتي داقه على امي وتبكي على مصعب ..حتى قالت عنه انه صايع وضايع..وعااااق بوالديه بوم فكر يدخل هالمجال...صح بدور...!؟
اومأت بدور رأسها\صــح..ياكرهي له هالمغرور..من مبطي وانا قاول انه مافيه ذرة اخلاق ..اجل يصير مطرب..!!!
حقق اللي في باله من زمان..بس ما ظنيت يسويها بهالسرعه..يعنني مسوي فيها مطرب وصوته حلو..على اييييييش ياحظي...!اكرهه هالمخلوق..
احلام بنبرة طفوليه\لو سمحتي لاتسبينه..
كشت بدور بوجهها بقهر\جات لنا المراهقه..اقول يالبزر..تراك بااولى متوسط ..يعني لاتسوين فيها رومانسيه..
حمرّ وجهه احلام بخجل وغيض\مالك دخـل..كيفي..!ولد خالتي واحبه..يكفي انه يشتري لي السيديات اللي احبهم..ويغني لي اذا طلبت منه..
بدور\وععععععععععععع من حلاة صوته...وسيديات السوني..تنقعي فيهم انتي وياه....اصلا خلاص الولد مااراح يعطيك وجه بعد اليوم..الشهره بتعمي بصيرته..وقولي بدور ماقالت..
احلام شعرت انها بتبكي لمن تخيلت انه مصعب ممكن يتغير\كذابه..
بدور\ماغيرك الكذابه..
احلام\اصلا انتي مقهوره لأنه يحبني ومايحبك..
بدور بنبره عاليه\تكفييييين انا اللي بموت عليه واتمنى نظره منه..مالت عليك انتي وياه..
احلام بنبره لاعلى\اسـك
فريده\بسسسسسسسسسسسسس..طلعوااااااااااااا برررررررررررررره
انتففضوا البنات للمره الثانيه من صرخة فريده ومثل البرق خرجوا من الغرفه ..
وتركوا فريده تعاصـر الخبـر اللي صدمها لوحدها..
وبلا شعور..وبلا مقدمات..تجمعت الدموع بعيونها بكل اسى والم..وهي مفجوعه من الخبرّ الغير متوقع..
"خلاص يامصعب...سويت اللي تبيه..يعني كنت صادق يوم قلت لي انك بتكون بيوم مطرب..!؟
حلفت لي وماصدقتك...وهذا هم اليوم يزفون لي خبـرك..!؟
ليه يامصعب..لييييه...!؟
بلاك ماتدري انك هدمت اخر جسرّ بيني وبينك...!؟"





بتغيير حياة لولو برجوعها للسعوديه!؟؟

حنان رجوع سيء ومدمر للخلف..!؟

فريد من صدمه الى صدمه!.!

عايشه وكابوس اسمه احمد..!

مصعب دخل عالم الفن.........نقطه على السطر..!؟؟؟؟؟

الجزء السابع


وتتوالى الأيـــام..


--------------

اول اوقات غروب الشمس\

الجدران بيضـاء..والأثاث والموكيت والممرات والأناره والتحف ايضا بيضاء ..واللون الرمادي الباهت كان دخيـل عليه بشكـل بسيط و ابرز المكان اكثـر..والزجاج الشفاف جمـلّ الديكورات وزادها فخامه..
شعرت لولهله..انها بجنـه..جنـه بعيده عن الكوره الأرضيه..ومافيها غير هي و هو..
توقعـت اكيد الأجمـل..والأرقى...لكن اللون الأبيض والديكور الغربي اعطى القصر رونق مميز
سامي\عجبك..!؟
التفت له لولو بملامح تشع فرح وسعاده وذهول\جنـان..
ابتسم سامي براحه\الحمدلله..
لولو\تصدق..وجالت عيونها على اللوح الطويلة الحجم..اول مره اعرف انه هاللون حلو..بس مو كأنك تبالغ..!؟
حك سامي شعـره وكانه يفكر بردّ على لولو..
لولو\ياحبك لهاللون..عكسي تماما.احب الأسود..
مسك ايدها وطلعوا الدرج العريض اللي يتوسط الصاله\يعجبني..وسكت بره ثم كمـل..تصدقين احسه يمثلني..
لولو تأملته وهي تطلع الدرجات\فعلا..يمثلك..سامي..
سامي\امري
لولو\مافي مصعد..!
سامي\لا..
لولو استنكرت الموضوع..قصر بهالمساحه ومافيه مصعد\ليييييش!؟
سامي\لأني عارفه انك كسلانه..وماتحبين تمشين كثيـر..
لولو بصوت رقيق\اهون عليــك..
سامي غمز بعينه وقال\شوي.
لولو بخيبة امل\شــوي!؟؟
سامي كانت يتحاشا النظر بعيونها\يعنـي.!؟
لولو\والخدم..وينهم مااشوفهم..!؟
سامي \انا شخص اكره الخدم يمسكون اغراضي..لكن فردوس مربيتني من وانا صغيـر وواثق فيها وشايله القصر....وبتعلمك كل شي ..لكنها نامت اللحين..!
لولو باسلوب طفولي ردت\ياسلام..انا مااعرف شي..لا اطبخ ولاانظف..!
سامي\تنظيف بعديها لك لأني عارف حجم هألأيد الصغيره...لكن طبـخ..محد انولد وهو عالم..واظن عرفتي اسلوبي اكيد..
لولو برجاء وهي تحاول توصل لعيونه\سااااامي..
سامي\لاتحاولين.. ووصلوا اخير الدور الثاني بعد النقاش اللي ضايق لولو..لكنها تناست كل شي لمن جالت بعينها على المكان اللي كان مايقل جمال عن الدور الأول....

ناظرت الممر الطويـل المتفرع المداخـل ومليء بالغرف والتحـف الزجاجيه الموضوعه بالأرض بترتيب جميل بفضول ممزوج بااعجاب..وباخر الممر كان هناك باب كبيـر ومميز عن بقية ألأبواب..وبدون شعور تثبت نظراتها للباب وخمنت انها جناحهم الخـاص..
شد سامي ايدها الصغيره ولولو شعرت كأنها طفله تنتظر مفاجأه تسعدها..هموا ماشين له..لمن وقفت خطواته..ودفّ الباب اللي مفتوح بالوسط..وحرر ايدّها ..وترك لمخيلتها العنان والتأمل..
لولو كانت متفاجأه
مذهولـه بورعة المكان..وجماله الخيالي....
الجناح كانت دائري الشكـل مكسوا بالزجـاج جليدي ..وتغطيهـا ستائر بيضاء خفيفة الوزن..
والسرير ايضا كان دائري ويتوسط الغرفه ومزين بخداديات كبيـره الحجم باللون الرمادي..
وبالجهه الشماليه كان مدخـلّ لغرفة الملابس ودورة المياه..وبالجهه الأخرى كنب ابيض مزودج امامه شاشة بلازميه بقلب الجدار..
وبقربه مرايـــه عريضة الحجم اسفلها طاوله على طول المرايه..
مشـى سامي خطويتين ..وطلع درج السرير..ورمى جسمه وهو مرهق.و.بتلقائيه تقدمت له..وجلست بنفس السرير ونزلت الغطاء عن شعرها وهي تتلمس الحرير الأبيض اللي جملّ السرير ..وتحضن مخده لصدرها ..
لاحظ شرودها سامي..وهدؤها الغير معتاد..
وهو مرخي اجفانه قال\تعبانه..!؟
لولو\لا..
سامي بنبره هاديه غلبها النعاس\اجل وش فيك!؟
لولو\انا..
عقد سامي حواجبـه ينتظر ردّ منها..
بنفس هدوء سامي ردت\مدري..مدري..احس اني بحلم..!
ابتسم براحـه..وغمض عيونه..
سامي\لولو..ابي انام..
لولو كتفت ايدينها بقهر لأنها تذكرت نحاسته اثناء مايغلبها النعاس\بالله..بسك نوم..!؟
زادت ابتسامته\اصلا مو قادر ارتاح..لازم اطلع بظرف ساعتين
لولو\وبتتركني..!؟
سامي فتح عيونه وناظرها\تخافين.!؟
رمت المخده بضيق\ليش تحسسني اني طفله..!؟وماافهم لشيء
ضحك على عصبيتها العفويه\اميرتي..مو قاصد..!
كتفت لولو ايدينها بضجر\صدقتك..
سامي اخذ المخده اللي رمتها ووضعها على وجهه\مو لازم تصدقين..
التزمت السكوت لحظات ..وصبـرها كان شحيح لدرجة الثوران
لولو\سامي...انت نمت..!؟
هزت كتفه بضيق\سامي.ماابي.لاتنام..
اعطاها ظهره وتمدد اكثـر لمن وصلت رجله لنهاية السرير \شوووي بس..اوكي..دقايـــ.... ضاع صوته واستسلم للنوم بكل طواعيه..

-------------





هلّّ الظلام\

صدمتها فعلا كبيـره..ووقع الخبر المفاجئء هزها من الداخل بدرجه ماتصورتها بيـوم..
وكأنه شـي حاد انتشـل من روحهـا..وجرحها جرح مالها علاج..
لكنها مو فريد اللي بتخضع لجرح مصعب..
لازم ترجـع فريد القويه اللي تعطي وماتنتظر الردّ
لازم تبدأ حياه جديده بعيـد عنه..وبعيده عن كل شـي يرجعها للخلف..واذا مصعب اليوم حقق طموحه..فهي عندها طموحات اكبـر منه وبتوصلها باذن الله للعالي..
طلعت من غرفتهـا اللي كانت حبيستها من اول ماتعرضت للموقف البايخ اللي كان مع ابوها وسعاد اللي طلعت من الباص من بعد الكف اللي اعطتها اياه..وانتهي بمفاجأتها بمصعب..
واخذتها خطواتها للمطبـخ اللي كان خالي وماينسمع فيه غير صوت العفاسي على اذاعة البحرين وصوته الجهوري وهو ينشد "دعوني اناجي" يخترق اذنها ويوصل لقلبها المجروح بنبرته العذبه..
فتحت الثلاجـه..وحست انها محتاجه حاجه دافيه تروق اعصابهـا..وقررت تصلح لها "اسبرسو فريد"..لأنها هي اللي مخترعته وفخوره بتصليحها..
طلعت حليب سائل..واغلقت الثلاجه برجلها بحركه عمليه..وباأيدهـا اليمنى طلعت الخلاط..
جهزت الكوفي ..والشوكلاته السائله..والسكر.
وخلطتهم مع بعض بمقدار يكفيها..وانتظرت الرغوه تكثـر ..
واوقفت الخلاط وفرغت المحتوى بكوبها ألأورنج
تذوقت طعمه وهي مغمضه عيونها وحست بالرضا وتوجهت للصاله وهي تفكر بحمودي اللي ماشافته اليوم..
وكأنه الله استجاب دعاؤها لمن لاحظته يلعب بسياره صغيره بقرب شهد ورغد اللي مطنشينه ويناظرون الكرتون..
تقدمت له بشوق..وهو من شاف زولها خطى كذا خطوه وهو يضحك ويقول كلمات غريبه تدل على اشتياقه لها..لمن أمسك طرف بيجامتها وهي رفعته لها..
فريد\فديت هالضحكه..فديت حمودي حبيبي..بوسه فريد..حبيبي..بوسه هههههههه لللحظه هههههه
ضمته بقـوه بايدها اليمنـى..وطلعت وياه للحوش ..وجلست وياه على جلستهم العربيه بصنـع الخشب كانت بسطيه ومتواضعـه..ومكانها مريـح للأعصـاب ..وضيقتهـا تلاشت وهي تلاعب حمودي وتتذوق القهـوه بااستمتاع.ونست تقريبـا انه حتى بكره بيكون عندها كويز بمادة الرياضيات..
ومن عظم ماكانت الأفكار تحيط بها من كل جانب..ماشعرت بالشخص اللي جلس بقربهـا بكل هدوء ويتأمل ملامـح وجهها اللي مرات تشدّ ..ومرات ترتخي بكل حزن..
"فريـــد"

التفت فريد بسرعـه..واتسعت عيونها اللي حاجبتها نظارتها البيضاء
فريد\يبــه!!!!!
ابتسم ابوهـا بحنان\وين سرحانه فيه!؟..ماحسيتي بوجودي ابد..!؟؟
فريد\لا..وارتبكت وهي تقول.سلامتك..
والتزاموا الصمت ..ابوها كان يناظر الأرض بعجز وتعب..وهي تبعثر نظراتها بالهواء.. وماكان يقطـع هالسكون غير كلمات حمودي وهو يلعب بكوب اخته اللي شده لونه البرتقالي..
فريده ماكنت تتمنى انها تلتقي باابوها بهاللحظات..طول هالأيام اللي مرت وهي تحاول تتجنبـ الحديث معه.. ماودها تطيح عينها بعينه وتشوف نظرة ألأنكسار اللي اسرتها.. وهالشيء ماكان بـ ارادتها ولاحتى من طبايعها لانها هي تتعب وتتألم..وكيف لو كان الألم هي سبب من اسبابـه..!؟
ياما تمنت ترحم هالقلب الكبيـر..وتريحـه من عناء هالدنيا اللي مارحمتهم بيوم..لكن وشلون والظروف كل مالها وتعاندهم..!.؟
كانت كاره الجمود اللي يحتويها..والجفا اللي عنوان هاللحظه..
ماعرفت كيف تهدم هالحاجز اللي حال بينها وبين ابوهـا..
كان ودهـا تقرب وتدخل بين ضلوعـه وتنزع كل همومه..وتقوله..يبه..انا اسفـه..حقك عليك..بس تكفى الا هالنظره اللي اسرت هالعيون الحنونه..!
يبه انا لازالت اثق فيك..وافتخـر اني بنتك..يبه ارفع راسك وقول للعالم اني انسان..!
كان ودها تبكـي بحظنه لمن ترتاح وتشعر بالأمان..
كان ودهـا ترجع البسمه بشفاته..والثقه اللي زرعها بقلوبهم لأجل يعيشون حياه هنيئه رغم أي صعاب ممكن تكدر صفو حياتهم..
هي تقدر....هي فريد القويه الصامده اكيد بتقدرّ
فريد من اول ماحست انها بتتكلم وتزودت بشجاعه كان الدموع ماخذه مجرى بعيونها\يبـه..آآآآنا..انا..اسفــه..ناظرني تكفــىىى..
رفع بومحمد عيونه والتفت لها وبالرغم من سواد وجهه من جور الزمن عليه الا انه كان منورّ لكن من شاف دموع بنته..ضاقت ملامحه ومسح على رأسها بحنان\افا والله..بنتي تصيح مره ثانيه..من يقول اني زعلان عليك..
مسحت دموعها بسرعه من خلف النظاره\يعني انت مسامحنـي..!مو متضايق مني..!؟
بومحمد\وانا اقدر اصلا...والا يحق لي ازعـل..!!؟بس عتبان..عتبان لأنه بنتي ماقدرت تتحكم بااعصابها مثل ماعلمتها..!؟
تذكرت فريده الموقف وانقهرت واسود وجهها وعضت شفايفها بالم\مقدرّ..لاتلومني..انا لو باايدي كان ذبحتها من الضرب لمن يبرد قلبي..!
ضحك ابوها لأجل يلقب الموضوع لجانب اخر\وّلّ ..بنتي مجرمه وانا مدري..!؟
ضحكت فريد بوسط دموعها لضحكته\يبـــه..لاااا..مو لهدرجه ههههه
"ياسلام..انا ادور عليك بامحمد وانت مع بنتك!"
التفت فريد وابوها وهم لازالوا يضحكون لمكان الصوت..وكانت هيا تتقدم لهم وريحة دهن العود تشع من جلابيتها الزيتيه وابتسامته السعيده منوره وجهها..
فريده بصوت عالي ورجولي\يمــه..ليكون تغارين..!؟
رمقتها امها بنظره ثاقبه وقالت\على منوا...عليك انتي..!؟
فريده وهي تحرك ايدينها بحراره\اعترفــي..اعترفي انك ميته قهر..عادي يمه..خذيها بروح رياضيه ؟؟ابوي يحبني اكثر منــك..
صابها الشك هيا..وبلا شعور تقدمت لبومحمد بأسلوب متهجم\صج اللي تقوله بنتك..!؟
مات ضحك بومحمد وشد ايدها لاجل يحثها على الجلوس \كلكم احبكم..وسكروا الموضوع..مالي خلق هوشه..
فريد رفعت حاجبها وقالت\حتى سوير..قصدي...واعتفست ملامحها بضجر..اوووف.. ساره..
بومحمد رمقها ابوها بنظره\قصدك عمتك ساره..
لوت فريد فمها..وهمت على الوقوف..لكنها حست بحاجه ثقيله على حضنها..وارتخت ملامحها بحب..لمن لاحظت حمودي نام بحظنها..وهي ولا داريه..
فريد\ياحياتي..نااام..فديت قلبه..
بومحمد\من هذرتك..ماحسينا..وديه داخل..
فريد غمزت لأبوها\طيب يابومحمد..بنفوتها لك هالمره..عشان ست الحبايب ماتزعل..وهذه قومه..
رفعته فريد بخفه على ضحكات امها وابوها..ومشت لداخل ..لمن استوقفت لحظه..وناظرت امها وابوها اللي لازالوا جالسين بقرب بعض بنظرة حب عميقه..ورجعت تناظر السماء المغيمه بحالميه..وكانها تحكي لها قصـة حلم وطموح ابطاله اهلها..!
دخلت البيت وهالمره بنفس مطمئنه ومرتاحه
وكل الشجن اللي ساكن حناياها داواه ابوها بنظرة رضا من عيونه..
-----------------




يوم جديد..وصبـاح مشرق\

حنان\يعني..هدا رايك انتي..!؟
ام حنان\اكيد..ولاتفكري بيوم انو ابوكي حابب يسفرك لبره..لكنه مظطر..
وهون ما حدى ببعترف بيك اصلا.!والمفروض انتي مابتزعلي من ابوكي وتتعودي عاسلوبه الجاف..هو صحيح عصبي شوي..لكنه بيحبك..وبدوا مصلحتك..ونفسوا لو بنته تتخرج من احسن الجامعات!؟
"
فاقت حنان من سرحانها على صوت عايشه..
عايشه\والله اني تعبت وانا اناديك..حنواااااااا
رمشت حنان عيونها بخجل\سوري..ماسمعتك..
عايشه\لحظه..فتحت مذكرتها..وكتبت بسطرين الموقف اللي تعرضت له مع حنان لأجل تحبره بالبيت وتظبطه..ولمن انتهت اغلقت المذكره..ووضعتها بدرجها..ممكن تقومين..فريد تنتظرنا لها دهر ..والطابور بيدأ اللحين..
ضربت حنان على جبينها ووقفت على طولها بعد لمت شعرها الطويل اللي بشكل ضفيره على جنب..ورشت عطرها اللي بلون الفواكه الفواحه..
حنان\يالله..امشــي..
خرجوا البنتين للساحه..ولاحظوا تجمع كبير قريب من المقصف..قربوا بفضـول..وانصعقوا لمن شافوا فريد تصـرخ باعلى صوتها على بنت كانت غريبه بنظرهم..وشكلها مخيـف..وهيئتها مثل هيئة الذكور..
قربت حنوا من عواشي\منو هاي!؟
عايشه وتسرح من خطواتها \مدري..امشي بسرعه..
وصلوا ووقفوا جنب فريد اللي مو مكترثه لأي احد وتصـرخ بحريه وهي رافعه اصابعها السبابه للبنت اللي امامها..
فريد\شوفي ياهبله..ياغبيـه..ياللي عقلك اصغر من حجمك..ان مريت..وشفتك مرتزه جنبي..ماراح اسكت لك مره ثانيه..والوعد مره ثانيه في ألأداره..عشان اعلمهم عن حركاتك القذره..
تراجعت للبنت للخلف من شد صديقاتها لها..وعلى وجهها ابتسامه خبيثه..ورمت لها بوسه طايره..
وهنا فريد اشتدت اعصابها..لكن عايشه وحنان قدروا يمسكونها بلحظه حرجه ويهدونها..
مشت البنت وهي ترمي نظرات اعجاب لفريد..
وفريد رمقتها بنظرات حاده وعاصفه لمن اختفت من امامها..وخذت نفـس عميق..وزفرت بقهـر..
عايشه بنبره خوف\شصاير..!؟
عضت فريد على شفايفها..وسكتت..
حنان\لك تكلمي..قلبي عم يرجف..!
فريد\الحمـ..المتخلفه..تفكرني..مثلها..!
حنان\يعني شو..!؟مافهمت..!؟
عايشه فهمت..واستغفرت ربها..
مشت فريد بقهـر وهي تشتم وتسخط بالبنت\بويـه..
ماتت حنان ضحك..وظلت تضحك بشكل متواصل..وهم يتمشون على ارجاء الساحه بكل حريـه وعيون الكل تجول حولهم..
فريد تنرفزت\تضحكين على ايش باخبله..!؟
وطت حنان رأسها وهي تضرب رجلينها بجنون..
وعايشه ماقدرت تمنع نفسها من ألأبتسامه وهي ترفع كتوفها لفريد بدلالة الأستسلام..
حنان\هههههههههه بويه..انتيهههههههههه هههههههههههههههه والله انك رهيبه..مو مووومتخيله ههههههههههه
حمرّ وجهه فريد..وضربت حنوا على ظهرها بقهـر..
فريد\كولي عسـل...كووولي عسـل..
سكتت حنان وردت بكل مكر\بحبك اذا عصبتي..بموووت فيكي..
فريد التفت لعايشه\سكتيها..ترى والله بذبحها..
عايشه \انا مالي شغــلّ..ذبحيهـا..بس مدري هي تهون عليك..!
حنان\شو..اهون عليك فريد..وغمزت لها.!؟
ضربت فريد رجلها بالأرض\كولـــوا عسسسسسسسسسسل..
وهالمره ضحكت عايشه وحنان..ولأنه عايشه متوسطتهم..مسكت اياديهم..وكملوا مشـي..وكل وحده كان احساسها مختـلف عن الثانيــه..
فريد ماسكه اطراف من خصلات شعرها المغموره بالجل وتفكـر ليش الكل يحسها ولد وهي بنت..!؟
وحنوا تعيد موقفها مع امها اللي ريحها نسبيا,,!
وعواشي سرحانه بمصيرها بالأيام المقبله مع حمد..!
عايشه بكل ملل قالت\بلا1
حنان\بلا2
فريده جارتهم وهي مستأه\بلا3
"بـــلاااااااااااااااااااااا 4"

التفتوا ثلاث ازواج من العيون لمصدر الصوت بنفس اللحظه...وحسوا بشيء عميق ذاب داخلهم..وشوي شوي..تجمعت دمعه بهدبهم..وبكل سهوله..سالت على خدهم,,
وبأسرع من البرق ركضوا ناحية لولو اللي طاحت من حجمهم الثقيل عليهــا..
مره يضحكون..ومره يبكون..ومره يعاتبون..ومرات يصرخون..
اخيرا التم شملهم..
حنان قفزت من الفرحه\سويتيها يادوبه..وجيتي..والله ماني مصدقه..لولو..انتي ئبالي..!
لولو من عظم سعادتها بشوفة صديقاتها..اصبحت تأتأ بكلامها\وووربي..حتـ حتى ااانا فاقدتكــم..وحشتـ..وحشتووووونــي..
ضربتها فريده بكتفها وهي تعلق\وليش ماقلتوا لنا انك جيتي من امس..يالدبـه..
اختفت البسمه من وجه لولو \وانتي للحين تقولي دبــه..وبنره باكيه كملت..آهه والله تحطيــم..
ضحكوا البنات بفرحــه..وحنوا ضربت كتف لولو بخفه وهي تقول بكل مكر\ها..شو رايك بالزواج..!؟
ثواني مرت..ولولو متلزمه الصمت..وهي تفكر بسامي...وبكل تناقض ردت\حليو..
حنوا\بلا شو..!؟حيلو..وخدودك مورده..والفرحه ماليه وشك..!؟
فريده\وانتي للحين على افكارك الجهنميه.!.
لولو\اكييييييييييد..
كشت فريده بوجهها بقهر\بتندمين صدقيني..!
كانت بترد لولو وبتوضح لهم انه سامي شخصيه رائعه ونادرة الوجود لكن صوت الجرس اللي دق
مره ثانيه تنبيأ لبدء الطابور الصباحــي اخرسها....
مشوا بخـط واحـد وهم يحكـون لها احداث الأيام اللي مرت بغيابهـا ..لغاية ماوصلوا لمكان الطابور..
لولو لوت فمها الصغير بقرف\ماماتت هالسلوى,,!.
ضحكت حنان بحريه وهي تناظر المراقبه سلوى تشد الكتب من ايدي البنات..وتهزأ بصوتها الرنان\ههههههههه لا تنتظرك..
تراجعت عايشه خطوتين للخلف\بنات..خلونا نروح من الجهه الثانيه..مالي خلق لها..
تكلمت فريده بصرامه\لاااا..بنمشي..ومو هي اللي توقفنــا..
استسلمت عايشه لكلامهم وتقدمت لمحاذاتهم ونظراتها مارفعتها من الأرض..لمن وصلوا لمكان الطابور..وتعالت ألأصوات والتصفير من صف ثالث ادبي اثناء ما لاحظوا لولو تتقدم لهم بخطـوات لاهفه وابتسامه واسعه..

---------------





اثنـاء الغروب وغفوة شعاع الشمس\

الحروف لكي..والحب خلق من اجلكـي..
هذا الذي علمتني اياه مدرستـي.!؟؟ً
لكن..ايعقل انني لم اشعـر بهـذا الحب..وتلك العاطفه الجياشه التي تسيل حنان وتغمرني سعاده
ايعقل انني لم اشعر بتلك الكلمه التي رسمت البسمه في شفاة بنات مدرستي..وتلك الأغنيه التي طربتها ريمي وحفرت بقلوب اطفال عالمي..
امـــي..
اعذريني..واغفر لي عقوقي..
حقـاّ
قد بدأت انســى
معنى اول كلمه نطقت بها جوارحي قبل لساني..واول صرخة طفـل مولود..
"امــي"..هذه الكلمه التي اصبحت تكتب دون أي احساس ومشاعر رقيقه..
سامحيني يامان كنتي امّ لي..
سامحيني لأنني كنت ابحث عنك..ولم اسمع تلبية ندائي المؤلم
سامحيني لأنني كنت باامسح الحاجه لكي ولم اجدّ من يرحم مقلتي المحرومه..!
سامحيني لأنني فقدت اعـز مأاملك ولم ارى من ياخذني لأحظانه..!
ربما
الزمن الشحيح ..والعواطف الميته..
هي السببـ..!
سامحيني..يامن كنتي..امـ....ـي
كـ \وصيت قلبي عليك


اغلقت مذكرتها وهي تبكي على النتيجه اللي توصلت لها...وعلى اليأس اللي انفرض بحياتهــا..
خــلاص..
قبل دقائق اكتشفت فعليا انه امها ماتت..وبدون رجعــه..
؛

دخلت عليها ساره قبل ساعات وخبرتها بخبـر تمنت تسمعه من سنين عده..ولحظـه حلمت فيهـا منذ ألأزل..
امها بتوصـل اليوم..وبتزورها..هذا اللي قالته سـاره..!
وهــي!؟
..وش حالها هي..!؟صدمـه..رهبـه..حنين قديم..واشواق متبعثـره ومحتاجه مين يجمعها....حاجه غريبه كانت تدب بااوصالها وتضخ الدم بحراره بخلاياها....حاجه حلوه وبنفس الوقت مؤلمه..لكن ألمها كان حلو..احساس جديد..اول مره تشعـر فيه..يمكن كان موجود بداخلها,,لكن ماتفجر الا هالليله..

وليتها..ليتها ماشعـرت فيه..يمكن حالتها بتكون اقلّ وقـع من الدمار اللي تحس فيه هاللحظه..
لأنه وبكل بساطه امها رجعت للبقعه اللي كانت فيها..
والسبب انه زوج امهأ اظطر يرجـع الرياض لعمل طارئ لايتأجل..
وانتهت اللحظه الحلوه..واندفنت المشاعر قبل ولادتها.....وبدون مايحدث لقاء بينهم..وتجتمع القلوب اللي فرقتها الأيام..

ساره\خلاص حبيبتي..اعذريهـا..هي مسيره..مو مخيــره.!
عايشه رفعت ايدينها باستسلام وكحلها سال ذاب بعيونها وسودّ اهدابها \رجــاء..لاتحطين لها اعذار..وخليني بحال..خليني انساها..انا ماابيهــا..قولي لها لاتجي ولاتسأل عنــي..قولي لها انسي عايشه..انسيهـأ..
ضربت خدودها بقهر وحرقة قلب..كانت متزينه لها..كانت تبي توريها انه بنتها كبرت وحلوة..لبست لها احلى الثياب ..وتعطرت باجمل العطور واغلاها..ورتبت الصاله والممرات....وغرفتها..وبخرتها..كانت تبي تعلمها انها تسكن هنا..وتنام هناك..تناديها بالقرب من نافذتها.. وتدعي لها بمصلتها باانه ربي يحفظها من كل شر..وتبكي عليها بمخدتها الورديه اللي تشهد لحظات وحدتها....وتقول لها انا مسامحتك بس رجعي لي وخليك جنبي..لاتتركيني..يمه انا حزينه....مجروحه..ووحيده..
وهذه تتركها مثل كل مره....لكن الألم اليوم زاد وتعدى الحدود..

ساره تجاهلت ردها وكملت\والله ياعايشه انه امك كانت متشوقه تشوفك وماصدقت زوجها ينزلها الشرقيـه..لكن ربي مو كاتب تتلاقون..ان شاء الله بالصيف بتشوفون بعــض..
وقفت على طولها وكأنه شي هزها وجرحها من الداخل\بسهوله ..تتوقعين اني انسى انها كانت بتجي بسهوله....و اقدرّ أأقلم نفسي اني بشوفها بالصيف..لا ياساره...اناا موقد هذا كله..وبعدين..ليش تجي..ليش توها تفكر انه عندها بنت...بنتها اللي ماافتكرت تسأل عنها وهي صغيـره....بعد أيـــش..بعد ايش قولي.!؟؟؟
ساره\رجعنا للموضوع مره ثانيــه.!.
عايشه\وهو انتهى عشان نرجـع له..!؟تدرين..انا..آآآنا امــي مااااتت..ماتت من زمان..
انصدمت ساره من كلمتهــا وتألمت على الحال اللي توصلت لها بنت اخوها\عايشـــه.!؟لااا
سالت الدموع من عيونها وهي تقرّ وتصر باللي نطقت فيه\ماتت ياساره..

--------------


يتبع

على صوت اذا العشاء\

بكل فخـر..ومجن..وكبرياء..كان جالس على المقعد الذهبي مثل ألأسد المالك..وهو يرد على موقفهم السلبي بلهجه قاسيه ...وفرحـة الفن حاجبه عن عيونه اموره كثيـره ماوضعها بالحسبان..والمصيبه الكبـرى انه اخته فخوره لتحقيقه حلمه..وأسرتها فكرة انها تكون اخت الفنان الصاعد السعودي ..مصعــب..

بدريه\جبتك عون..وصرتي لي فرعون..!
لولو كرهت سلبية امها وتفكيرها المحدود\يمــه..بدال ماتفرحين انه ولدك مصعب بيطلع لفــوق..توقفين ضده!؟
بدريه كانت تحس بالغليان بكل مفاصلها\انتوا بتجنوني..والله لو ابوكم عايش ماكان رضى بهالحال..
زفرّ مصعب بضيق وهو يناظر ساعـته الجلدية..ساعتين فقط وبتحين موعد طيارته..وبيسافر مصر لأجل يسجل اول البوم له..وامه لازالت محاضرته في بدايتها
هبّ وافق على طوله\يمه..عندك شي ثاني تبين تقولينه..
بدريه\ايــه..وبنره رجاء كملت..ارجع في قرارك ياولدي ترى الطريق اللي تمشي فيه بيضيعك..!؟اسمعني لو مره وحده..والله اني خايفه عليك..
ردّ عليها مصعب بكل قسوه\يعني يوم بحقق اللي حلمت فيه..وبوصل للي ابتغيه..بتوقفين بوجهي..مو انتي اللي كنتي تتمنين انه حياتي تستقر..
قاطعته بقهر\لكن مو بهالطريق..!؟
مصعب\وشفيه هالطريق..يمه لاتمنعيني على شي كنت ابيه من زمان..صعب انه افرط فيه بعد مالقيته..والفرصه ماتجي الا مره وحده..
بدريه\ودراستك..
مصعب\الدراسه مو طايره..وانا اصلا موقف هالسميستر..
بدريه بقهر ردت لأنها ملت من كلمة توقيف..ملت من استهتار ولدها\وهذا حالتك..كل مره بتوقف وبالنهايه بتطلع فاشل من الجامعـه..

انجرح من كلمة فشل..وامه صابت الهدف وضربتعلى الوتر الحساس..
فشـــــل
ياثقل هالكلمه عليه..وياعمق جرحها ..
فشــل
الم..وضيــاع..ودوامه مالها اخر
فشــل
حقيقه مره وقاتلــه..


ردّ عليها بهدوء والكلمات تطلع مغصوبه من روحه المجروحه..
\هذا انتي قلتيها ..هذا انتي قلتيها ياام مصعب...ولدك فاشل..وماعمره فلح بدراسته...وطلـع من البيت وهو بقمة غضبه وبدون مايودعهم..والله العالم متى راجع لهم..!؟
وسافر مصعب..سافـر لمصـر وقلبه صابه مرض الا مباله سواء عن اهله..او دينه..وربه اللي خلقه..
وحتى خالته هيا وبناتها اللي متعود يسلم عليهم قبل مايسافر أي سفـره..نسى يودعها..او يمكن..تناسى..كل شي ممكن..!؟

وتوالت الأيام سريعـه..وهادئه..
فريده وصلها خبرّ سفر مصعب وحلفت اقسام وايمان انها تنساه..وتفكر بدراستها..
اما حنان فبدأت تقتنع انه دراستها بالأردن شي واقع لامفرّ منه ..وألأماني عمرها ماوصلت للأنسان بسهوله...وبهألأقتناع السديد رجعت لحياتها الطبيعيه..واولهم التصاميم اللي احدث فراغ كبيـر بنفسها..
ومذكرة عايشه الذهبيه تسجـل جميع احداث حياتها وتترقب للنور والنشر..وموقف امها لازال ينعاد بذاكرتها..واذا قالت انها ماتت بالنسبه..فهذه اكبـر كذبه ممكن انها تقترفها..لأنه امها وبكل بساطه تنكتب بكل سطر تخطه ايدها..
اما لولو فالمظاهر والحفلات مستحوذه نص ايامها ومانقدر ننكر وجود سامي اللي اضاف طعم جميل في حياتها.... لولا غموضه اللي لازالت جاهله اسبابه لغاية ما انكتب اليوم اللي بدأت تحس انه الموضوع زاد عن حده ومو لأنها صغيـره على هألأمور بتلتزم السكوت.

عايشه\وضحي اكثــر..وجلست بقربها بعد ماوزعت الشوكلاته وطلبت من فريده تصب القهوه لأنه الموضوع شدها..
ذابت شريحة الشوكلاته بفم لولو وكملت اللي بدأته\قصدي..اممم..يعني هو..وانا..ما.. زفرت بقوه..ياربيه..مو عارفه شقول..وحجبت وجهها عنهم باايدينها الصغيره..
ناظروا البنات في بعـض..وهم متفاجائين..!؟
من متى لولو يصيبها الخجل..!؟
وماخطر في بالهم ابدا اسباب هالخجل الغريب ومبرراته.!؟
صرخت فريد بااسلوبها الخشن\اقول..بلا عبط..وقولي وشفيك..!؟
ابعد لولو ايدينها وهي تسب وتسخط بفريده\والله العظيم انك دفشــه..وماعمرك بتتغيرين..
رفعت فريده ارجلها من الأرض واخذت قطعتين من الشوكلاته..وحده مضغتها بسهوله..
واخرى تهم على فتحها \خلصي علينا وتكلمي..!؟
رمقت عايشه بنظره وابتسمت لـ لولو\ماعليك منها.؟؟كملي كلامك..
عصبت فريد واشرت على عايشه بأيدها\هي انتي..مو لأنك عازمتنا في بيتك تسوين نفسك كبيرتنا..!؟
ضحكت حنان\والله انك هبله..
فريده لوت فمها بقرف\تكلمت هالحالمه..!؟
حنان ضحكت بجنون\موتي حررره..
تجاهلت عايشه فريده ولا ردت عليها..وهي عارفه انه اسلوب التحقير بيذبحها\لولو.
اخذت نفس لولو وتممت بخجل\طيب..انا قصدي..والا شوفوا..بسالأكم سؤال..بس بليز.لاتعاملوني اني طفله..اوكي..
البنات بصوت واحد وبدأ صبرهم ينفذ\اوكي..
لعبت لولو بشعرها البني وقالت\اي اثنين اذا تزوجوا..لازم يكون بينهم..بينهـــم..لاااااااااااااا.. والله مقدر..ورجعت تخفي وجهها بخجل فاضح..
وصرخوا البنات بعد صرختها..
وعايشه شعرت انه اللي بالها صح..فحبت تخفف العبء على لولو..وقربت منها..\انتي قصدك..وكملت حديثها بصوت هامس ماسمعها غير لولو.وسط نظرات حنان وفريده الحارقه والفضوليه..

شعرت لولو بالبكاء اثناء ماسمعت كلام عايشه اللي كان صحيح وكأنها عايشه الموقف.....شكرتها بسرها على هالمعروف وطلبت منها تفهم البنات وهي بدورها قربت منهم ونقلت لهم الكلام
وكانت ردت فعلهم صرخـه اكبـر من اللي قبلها..وعلامات استفهام تتمنى اجابه سريعه لهالموضوع المفجع
فريده وقفت على طولها من اثر الصدمه\شهـر مرّ على زواجك..وهو..وهو..
لولو وهي حزينه\مالمسني..
عايشه تكلمت باهتمام\طيب ماعرفتي ليش.!؟
لولو بنفس يائسه\لا..
فريده ضمت ايدنيها بقهر\والله اني كنت حاسه انه هالرجال وراه بلاء..
عايشه رمقت فريده بنظره
فريده لوحت باايدها بعصبيه\اقول لاتطالعيني ..ماني ساكتــه هالمره..انا ميته قهر..
عايشه\طيب..طيــب مو لازم تصارخين..هالأمور ماتنحل بعصبيه.... لولو حبيبتي..ليه ماحاولتي تكون المبادره منك..!
لولو اطلقت العنان لدموعها ولأول مره تحس انها صغيــره جسديا ونفسيا على هالموضوع اللي اكبـر منها\والله حاولت .وربي عالم..في البدايه افتكرت انه هو بيبادر..ومرت ايام..وهو ماتغير..قلت يمكن مني انا الغلط..او يمكن انا جاهله هالأمور..ومسحت دموعها ثم كملت..فتحت الكتب اللي اهديتيهم لي..وقرأتهم كلهم..وطبقت اللي مكتوب بالحرف الواحد..والنتيجه كانت وحده..صحيح اني نادر مااشوفه..وشغله واجتماعاته وسفراته ماخذه كل وقته..وصحيح انه يعاملني مثل الجوهره الغاليه اللي محرم احد يشرخها..لكنه مايعرف انه الشرخ جاء منه هو..توقعته ينصرع بجمالي واغريه لكن اللي ذبحني انه ماعبرّ هالجمال وقابلني بالصدّ والهجران..والله صعب على أي انثى تتودد لشخص وهو يتحاشاها فما بالكم بزوجها..اجهشت بالبكاء وهي تكمل ..ساعدوني..والله اني ضايعه..!؟
حنان تأثرت بنبرة الحزن اللي بصوتها..قربت منها..وطوقتها بقوه..وخلتها تفرغ كل حرتها..\وانا اللي مفتكرته رجال وابن ناس..
ابتعدت عنها لولو بقوه\لا..حرام عليك..والله انه طيب ويعزني..بس شكلي انا اللي مافهمته..!؟توقعت اني لمن ارجع من السفر بستغله من جميع الجوانب..واللي صدمني انه هو يهديني بدون مااطلبه..
فريده عصبت لأنه لولو بتظل لولو وفكرها ماراح يتغير\وانتي للحيين ناويه تستغلينه..وشلون مافهمتيه..المسأله مايبي لها نقاش..!
لولو\يعني شنوا..!؟شسوي..!؟نوروني..!
جلسوا حولها..وهم يفكرون بمشكلتها الحرجه..وكل شوي يعروضن عليها افكار جديده..لكن كل افكارهم جربتها لولو..لمن عايشه توصلت لحلّ ارغم الكل يصرخ بفرحه على عقلها الراجح.!؟
حنان\صح كلام عواشي..المصارحه افضل طريقه...
لولو\بس هذه يبغى لها جراءه..!؟
عايشه جاوبتها بصراحه \شوفوا مين يتكلم..لولو حبيبتي..انتي تملكين سلاح الجراءه والإغراء والكلام المعسول والأقناع..
فريده بنبره خففت من اعلاءها\والدلع..
عايشه\ايوه والدلع...في البدايه ادخلي بمدخل الأطفال..وشوفيه..هو يحب الأطفال او لا..ومن اجابته بتعرفين وش سبب صده لك..!؟
لولو\اخاف يقولي وشفيها هالبنت مفجوعه..!؟
حنان ماقدرت تكتم ضحكتها\ههههههههه خليه يئول لبكره..هذا حق من حقوقك..
لولو\بس انا ماابي اطفــال..!مااحبهم..قصدي.مااحب اسمع صياحهم..احب اشوفهم من بعيد بس..
فريده\مدري اضربها على راسها هالغبيه..انا عارفه انك مو شي مع ألاطفال...بس مثل ماقالت لك عواشي..ادخلي من هالمدخل..وبكذا بترفعين الحرج عنك وعنه..!فهمتي ياحظي..
لولو\تصدقين.تذكريني فيه..نفس حركاتك واسلوبك..!؟
فريده اتسعت عيونها من خلف النظاره البيضاء\منوا!؟؟؟؟؟؟؟؟؟
لولو\سامي..
ضحكت عايشه وحنان..اما فريد رمت المخده على راس لولو بقهر..وخربت تسريحة شعرها..
لولو\اييييييييييه وعمى.!؟
عايشه\هههههههههههههههههههههه لاتجيبي لها طاري الذكور..هي توها تعرضت لموقف جدا سخيف..!
وبكل استمتاع ذكرت حنان الموقف للولو اللي بمثل ضحكت وماقدرت توقف..
فالتقطت فريده جميع المخدات اللي حولها..وصارت تضرب الثلاثه بكل حره..واصبحت الصاله ملعب تنس ..والفائز كانت فريده لأنها كانت ترمي بدفاشتها المعهوده..
وتناست لولو نسبيا الكارثه اللي وقعت فيها..لمن قربت العزيمه بالأنتهاء..ووصلت الساعه لـ 10 بالليل..
حنان\شو ئلتي..بتطبقي اللي حكيناه..!؟
عضت لولو على شفايفها وقالت\بااقرب وقت..
دخلت عليهم عايشه وهي تناولهم عبيهم\وليش مو اليوم..!؟
لولو بخيبة امل بانت بملامحها\لأنه مسافر..اصلا انا مااشوفه الا مره او مرتين بالأسبوع..لكن بنهاية ألأسبوع بتكون حفلة استقبال علشاني..وهو بيكون متواجد..
فريده\وكل هالحفلات اللي كنتي تحضرينيهم حق شنوا..!؟
لولو\اللي تبين..عيد ميلاد..زيارة مرت وزير..حفلة نجاح..والله قرف..كرهت هالحفلات..كرهتهم من قلب.لكني مظطره احضرهم..لأجل محد يقط علي كلمه..ومظطره ابتسم كل دقيقه لأجل مايقولون وشفيها مرت ولدكم شينه..!
فريده زفرت بضيق \لاتتذمرين انتي اللي بغيتي تدخلين هالعالم يالولو..وتكونين منهم..ومطالبك كلها تحققت....وش تبين اكثـر..!؟

سكتوا البنات..بعد حديث فريده الواقعي والمرّ..وكانهم فعلا يأيدونها قولها....
شعرت فريده انها زودتها على بنت خالتها اللي مو ناقصه هم!..
فحبت تغير الموضوع وليتها صابت\وبعدين تعالي..ليه توهم يسوونها..!اقصد الحلفه,,
لولو تنهدت بااسى\سامي طلب يأجلونها لأنه ماكان فاضي...وانتوا طبعا اول المدعوين..
عايشه\وين بتكون الحفله..
لولو\بقصر الوزير..
لبست فريده عباتها ورتبت هندامها وعقبت بااستخفاف\قصدك عمك ياخبله..
لولو ماكان استخفافها اقل من فريده\خليني اشوفه عشان اقوله عمي..
حنان\والله انه حالتك حاله انتي..
لولو\خليها على الله..
طلعوا البنات بسيارة لولو وهم مصدومين وحزينين على حال صديقتهم..ماتوقعوا بيوم لولو تتعرض لهالموقف الحرج..بالرغم من امتلاكها كل شي كانت تتمناه..القصر....والنسب.. والمال ..
لكن كل هذا كان كماليات فانيه..والسعاده الحقيقه عمرها ماتشترى بماده..

-------------

بمنتصف الليل..وبسواده المظلم..\

رفعت الرصاص ورسمت حدودها الشماليه"لبنان وسوريا"ونزلت للحد الغربي..وكتبت البحر المتوسط..واكملت الحد الجنوبي بمصـر..والشرقي بالأدرن..
رجعت للشمال الغربي وكتبت بشكل تنازلي عكا وحيفا وتلّ ابيب ويافا وغزه..
وبالمثل بالشمال الشرقي طبريا وبيسان واريحا
وبالوسط.. القدس وخليل
شعـرت انه الرسمه لازالت غيـر مكتمله..وفي شـيء ناقصـها..فكرت برهه..
واثناء تذكرها..ابتسمت بفرح..وكتبت بقلبها بخط كبيـر وعريض "فلسطيــــن"

وبكذا اكتملت الرسمــه بنظرهــا..
وبـ الم..وجرح غائـر..شكلت دوائر باللون الأحمر على تلّ ابيب ويافا وطبريا وبيسان والقدس..وغرزت بجانبهم كلمة "محتلــه"
طوت الورقه بحـزن..وفكرت انها تدخل للشات قبل ماتنام وتفرغ كل طاقاتها المكبوته والحزينه فيه بالرغم من دخولها الظهر بعد رجعتها من المدرسه..لكن دخولها مره واحده مايشبع رغباتها لأنها بكل بساطه..ادمنــت..

..وقفت على طولها ..لكن اوقفها رؤية مجموعة الكتب بااعلى الرف اللي اشترتها من قبل يومين ..امتدت ايدها والتقطت اول واحد وكان لـ د.طارق السويدان بعنوان "فلسطين التاريخ المصور"
وقرأت اول ابوابـه

"لقد اورد التاريخ لنا ان بنى ابراهيم عليه السلام اسحاق ويعقوب قد ولدا في فلسطين ولكنهم من المهارجين اليهما ولم يكونوا مستوطنين بها ..ويعقوب عليه السلام هو ابن اسحاق ويوسف عليه السلام هو احد ابناء النبي يعقوب وفي القران الكريم ان يوسف ذهب عبدا الى مصـر الى ان مكنه الله تعالى واتاه الحكم والتأويل فأصبح عزيز مصر ومن ثم طلب اياه يعقوب واهله ان يحلقوا به الى مصر..فااخذ يعقوب عليه السلام جميع اهله وابناءه واقام فيها فلم يغادر من بعد ..وهكاذ انتهت هجرة هؤلاء من فلسطين واستوطنوا مصر فلا مجال ان يقال ان يعقوب عليه السلام من اهل فلسطين او من سكانها الأصلين وقد اثبت التاريخ وجميع الكتب هذه الوقائع غايه في الدقه والأتفاق وذريه يعقوب لم تكمل جيلا واحدا في فلسطين ..فكيف يدعي اليهود الآن ان فلسطين ارضهم بدعوى سكنى يعقوب عليه السلام بها فتره من الزمن!؟.."

والهجره الأخرى كانت هجرة موسى عليه السلام حين هاجر بقومه بني اسرائيل من مصر تخليصا لهم من فرعون وجنوده وهكذا نرى انا لم يدخولوا اليهود فلسطين الا مهاجرين اما اهل البلد ألأصليين فهم الكنعانيون وقد رجعت في قصصهم هذه الى الكتب المقدسه والغربيه..فقد انعم الله على بني اسرائيل فأنجاهم واغرق
ال فرعون وجنوده في البحر ولنا مع هذه القصه وقفه وعبره لنعرف من هم اليهود شعب اسرائيل ,

اغلقت الكتاب..وهي مقرره بعزيمه ونيه صادقه انها تتطلع وتاخذ اكبر قدر من معلومات لكل تاريخ وطنها واجدادها وتكـوّن قـوه تقدر بعدها تتخذها دفـاع وحصن لها ولأبناء بلدها..وهي قـوة القلـم واظهار الحق بالدلائل المدفونه..
بيدها رساله عظيمه..ولازم توصلها للجميـع..واذا عجزت عن فعل هالشيء..يكفي انها عرفت تاريخ وامجاد ارضها..
اتجهت لسريرها..وتكومت بالأغطيه الدافيه وهمتها اصبحت اكثـر علاء وقــوه وفخـر ..
ولسانها يردد وقلبها يقرّ
راجعين يافلسطين......

----------------


باخر ايام الأسبوع..وبليله ظهر فيها الهلال\


الليله هذه بتكون ناريه ..واجابة لكل سؤال جاهله معرفتـه..
بتتعامل معاه بشتى الأساليب..سواء كانت مبادره..او اقناع .. او حتى جراءه..وعلى طاري الجراءه..فستانها اليوم ولونه الأصفر كان يشهـد على جرئتها في لبسـه..وبالرغم من بساطته الا انه الحرير ابرز انوثتها اكثـر..والتاج اللي يتوسط قمة رأسها يدل انها اميـرة سامي وحده..سامي اللي مااكترث لجمالها..ولا لدلعها..
ناظرت بعيونها المنحوته بكحـل اسود يسحرّ ويرجف أي قلب يدقّ.. "متى تجي ياسامي وتقدّر هالجمال..متـى!"
نزلت لضيوفها وهي تصبـرّ نفسها انها سامي على وصول..وكل شي بينتهي الليله.....والتقت بسوزان اللي كانت تصـرخ بااعجاب لها..
سوزان\لولو..شو هالجمال...!؟
رفعت انفها بغرور\ثانكس..
سوزان\اقولك خليك مغروره..لكن مو علي انا..!؟
لولو ضحكت \ههههههههه طيب..جوا البنات..!؟
سندس\صحباتك لسه ماجاو..اممم عزمتي فريده.!؟
لولو رفعت حاجبها بااستغراب\اكيد..بس وش معنى سألتي عن فريده.!؟
ظهرت ابتسامه خفيفه على وجه سندس اللي دعكته بلون البرونز تناسبا مع فستانها البحري\بس..كذا...واختفت مع زحمة المدعوين..
اما هي..فتحركت خطوات على مهلّ ..تسلم على هذه..وتردّ السلام على اللي بعدهـا..ولأول مره تشعـر انه هذا القصر جزء منها..او بعباره اصح..لأول مره تشعر انه من اهله وليست دخيله عليهـا..
يكفي انه النظره تغيرت..وبدال ماتصيبها الحسره لأنها خارج نسبهم المعظم فهي الآن مرت لأحد ابنائهم..
ومو أي ابن..هذا سامي اللي تميز عن احفاد العايله بثورته التي لاتقدر بثمن..
والمأدبه الليله..على شرفه وشرفها..
وعت من افكارها اثناء مالاحظت صوت امهـا امامهـا..
ابتسمت لها..وتقدمت تسلم عليها..واثناء مشيها لاحظت امراءه جالسه بالقرب من سوزان .. ترمقها بنظرات حاده..اشبه بنظرات تكبر واستعلاء..جذبها لون شعـرها الأسوده..وبياضها الصارخ..وماتقدرّ تنكر انها جميله..لكن اكيد هي اجمـل..ماكترثت لنظراتها وسلمت على امها...
لولو\يمه..ماجت معك خالتي..!؟
بدريه\قلت لها يابنتي...بس البنات ماخلصوا..
لولو\ماخلصوا...!؟؟؟الساعه عشر ونصف..
بدريه\كيفهم..انا اللي قدرت سويته..خليني اسلم على الحريم..
رفعت ايدها لولو تستوقف امها\يمه لحظه..لكن امها مشـت وماسمعت نداءها....
تأففت بسخط..وهي تناظر ساعتها الذهبيه المرصعه بالألماس..صديقاتها تأخروا..وهي وحيده بين هالجموع..
..ولاحظت المرءاه اللي كانت تناظرها تتقدم لها وصوت كعبها يدلّ على شموخها..
ادعت انها مااهتمت لقربها..ومشت تاركتها..لكن اوقفها صوتها..
المرءاه\لحظــه..

---------------------

10 و45 كانت تشير ساعة الحائط بغرفة فريده\




لبست على عجل سلاسلها المعتاده وحجبتهم داخل بلوزتها الشيفون الكحليه المخططه باللون الذهبي..وهي تسمع صرخات امها بالصاله تستعجلها..ومن عظم توترها طاحت على ألأرض وهي تلبس بوتها الذهبي..
صرخت بالم..وقامت بصعوبه وهي تسب وتسخط بهالحفله اللي ماتسوى عليها ..وجلست على السرير وهي ترفع الجينز وتدخل البوت بغضب
دخلت عليها بدور..وهي جاره شهد ورغد معها..
فريده\فكوني قولي لأمي ..خلاص بطلع اللحين..
تقدمت بدور لها وشعرها الطويل اللي يغيض فريده يتحرك معها..وجلست التوامين جنبها..ومعهم مشط صغير وردي..وربطات بنفس اللون..
حست فريده بالمطلوب..ورفعت حاجبها بقهر\خير انسة بدور..
بدور\تقولك امي مشطي شعرهم..
فريده\وانتي..واحلاموا..وش معنى انا..!؟
بدور كتفت ايدينها براحه\لأنهم مايبون الا انتي.على قولتهم يبغون تسوين لهم تسريحة المجانين..
فريده\شنوااااااااااااا!...
بدور\ههههههههه هم اللي قالوا..
انحرجت فريده..وهي ترمق التوأمين بنظرات توعديه..ومن شافوا نظرتها حسوا بالغلط اللي ارتكبوه..وحاطوا فمهم بااياديهم الصغيره
خرجت بدور من الغرفه قبل ماتسمع رد فريده..
"يــاااارب" هذا اللي قالته فريده وهي تسرح شعرّ شهد ورغد..وهم ملتزمين الهدوء خوفا من أي صرخه او ضربه من فريده..
فريده\مره ثانيه يااخواتي العزيزات لاتقولون لبدور أي شي اقوله لكم فاهمين..
رغد كانت اكثر جراءه بعكس شهد الخجوله\زييين..فروده..!
ابتسمت فريده برضا وبتلقائئة انزاحت التكشيره على ملامحها لأن التوأمين هم الوحيدين اللي يدلعونها بالبيت..
فريده وهي ترتب شعرها من الأمام\ها حبيبتي..!
رغد\ابي انام بسريرك اليوم..!؟
فريده\ليش..وغرفتك..!؟
عبست رغد وجهها \بدور مو حلوه..كله تطول على المسجل بالليل.وماتخلينينا ننام.. وبعدين ماتخلينا نتابع الكرتون..احنا مانحبها.. صح شهوده..!
اومأت شهد برأسها بخجل..\صح..
بدأت فريده تصلح شعر شهد وهي تبتسم لرغد\اوكي..بس بشرط..
رغد بفرحه اطفال ردت\شنوا.!
فريده\اليوم بس تنامون اتفقنا..
دخلت بدور مره ثانيه وهي تلهث..وفريده على طول صرخت بوجهها\وعمـــى..ذبحتوني مايسوى علي اخت كبيره لكم..
انصرعت بدور من صرختها ومن هجومها المفاجأ \فريد..قومي بسرعه..قومي بوريك شي..
فريده\اوووووف وش تبين بعد...!؟؟؟
بدور\مصعب..!

غمضت فريده عيونها بقلق..ماتبي تسمع اخباره بعد اليوم..ولا تبي تنصدم بشي جديد ارتبكه...خلاص ياناس ارحموها..ولاتجيبون طاريه..!
وبعدم اكتراث ردة وهي توقف على طولها وتاخذ شنطتها الصغيره وعباتها\بدور..خذي شهد ورغد..وقولي لأمي اني خلصت
بدور\فريد..لازم تسمعيني..فريد مصعبـ
فريد قاطعتها\بدووور ماتفهمين..وبنره عاليه كملت..بررره..
احمر وجه بدور وطلعت وهي ماسكه التوأمين..لكن قبل ماتغلق الباب قالت\انتي الخسرانه اذا ماجيتي الصاله اللحين..
طنشت كلامها فريده..وظلت تدخل اغراضها الشخصيه بشنطتها الصغيره وتفكيرها مو معها..بكلام بدور اللي وترها..ظلت نص قيقه وهي تدخل بعض الأغراض بشنطتها ببعثره وعقل تايه..
ولأنها مااستحملت هالظغط المعنوي اكثـر..تركت اللي بأيدها وركضت مسرعه للصاله..وهي تشتم نفسها ومشاعرها وحبها..و كل الوعود اللي قسمتها كذب..
واثناء ماوصلت الصاله..ما شافت شي يثير الأنتباه..وحست انها اكلت مغلب سخيف من بدور اللي واقفه بالقرب من احلام اللي تناظر التلفاز بعيون حالمه بعكس نظرات بدور المعصبه.. ..
التفت بتلقائيه لناحية التلفاز...واتسعت عيونها من هول مارأت..


--------------------









على انغام موسيقى تركيه..وبوسط قاعة الحفله كان هناك حوار ناري\

"انتي زوجة سامي صح..!؟
استغربت لولو من اسلوب هألأنسانه الغريبه والمستفز..ونبرة حكيها المتعالي..يعني اكيد بتكون زوجة سامي..!؟؟؟؟؟؟؟؟
لولو\ايه..ورفعت شعرها بدلع..وتناثر على كتفها بنعومه..معاك لولو..
مدت ايدها وقالت بكل ثقه\وانا عاليه..بنت عمه..
لولو كرهتها من اول لقاء لأنها تكون بنت عمه ..وكرهتها اكثـر لأنها تشبها بغرورها وثقتها بنفسها...
ابتسمت ببرود..وهي تصافحها..\تشرفنا..
عاليه\عذريني لأني ماحضرت حفل زواجك..كنت مسافره و
لولو قاطعتها وهي قاصده\لا عادي..
عاليه انقهرت منها لكن ماوضحت\شخباره سامي..!؟
لولو\الحمدلله..
عاليه حبت تنهي هاللقاء \اكيد كلمك سامي عني..!
لولو رفعت حاجبها وهي متفاجأه من جرئتها\سامي..!
عاليه باابتسامه ماكره\ليش هو ماقالك..!؟
لولو\ما قالي...!؟

"

"

عاليه شخصيه جديده هلت على الطيور...!؟

لولو وسامي هل فعلا بتكون هالليله ناريه بينهم..!؟

فريده هل بيرجع مصعب لحياتها بعد اللي شافته!..

حنان ورسالة فلسطين اللي باايدها..!؟

عايشه وامها البعيده..!؟

الجزء الثامن

" لا "
--------------







لا..لااا..لااااااا\
تتمنى لو تقول لاّ بثقتها المعتاده..وكلمتها المسموعه.. وكبريائها الجامـح..
تتمنى لو تقول لا للحب..لا للألم..لا للحزن.. لا للجروح..والف لااااا لمصعــب..
صعبه عليها هالكلمه..!؟صعب تصد هالحب الكبير وتتجاهله..!
ليش تبين له الكره بوجهه..وبداخلها تحبه..!وتبكي على حبه الف مره..
وين القوه العظيمه اللي تتباها فيها..!
والأهم..وين الوعود اللي قطعتها على نفسهــا..!
مصعب لا يستاهل لا حب وفي .ولا دموع تهلها على بعده..
مصعب مايستاهل غير الجحود والنكران والنسيان....
لكن رغم كل هذا..هي مقهوره..مجروحه..وحزينه بلا نهايه..
متى تتخرج..وتدرس...وتحقق احلامها وتبين له انه هي افضل واحسن منه..
هي افضل من طموحه..واطهـر من ملاذاته,.
هي على ألأقل ماباعت اهلها مثل باع اهله عشان رغباته..!
هو القاطع..هو الجاحد..وهو اللي خاااان..
وبهالقناعات البسيطـه خمدت النار اللي بداخل فريده..لكن القلب لازال مجروح والله العالم متى بيتضمد..!؟
لكن صورة مصعـب..صورته وهو يغنــي بمخيلتها..وكانها لازالت تشوفه بالتلفزيون..
ماكنت تذكر وش غنى! او حتى وين صور الأغنيــه.!في ذيك اللحظه ماكنت تشوفه الا هو..هو وبــس؟؟

"فريييييييييييييييد"

فريد\........ها
حنان بلهجه قريبه من لهجة فريد\وجعاه..شو بك يابنت..من اول مادخلتي وانتي ساكته!فيك شي!..؟
فريد\..........
اتسعت عيون حنان بذهول..وناظرت عايشه اللي تشاركها الذهول والأستغراب..
وبهاللحظه تقدمت لهم لولو بوجه تكسوه الحمره والغضب..وضغطها على ايدنيها الصغيره ينبأ على حدوث شي كبير ازعجها..
جلست بقوه على الكرسي وهي تزم شفايفها الورديه لأجل تحافظ على هدوئها\الغبيه,..المتخلفه..المغروره..
عايشه\منوا..!منوا هذه!؟
لولو بصعوبه قدرت تنطقها\عاليه..عاليه
حنان\منوا عاليه..!؟
تكلمت لولو بحراراه..وعرضت لهم الحدث بتفاصيله..وطبعا بين كل كلمه كانت هناك شتيمه متحرمه منها لأجل تخمد القهر اللي يثور بداخلها..
عايشه\طيب..واذا كانت بنت عمه..!
لولو كررت الكلمه بالم\وصديقته..!صديقــته..صديقته سمعتي.!
حنان\سمعنا وعمى..ليش تعيدينها!
لولو \ياربي..
عايشه\لولو وش هالتخلف..واذا قالت لك انها صديقتــه من هم صغار..وشفيها!؟؟؟
لولو\لا..بس ليش اللحين.!انا عارفه..هي تبي تغيضني.!؟
عايشه\هذا انتي قلتيها..يعني لاتحطين عقلك بعقلها..!
لولو ضربت رجلها بالأرض\ودي ذبحتها..وشمخت وجهها..الغبيه..ماشفتيها كيف تكلمني من طرف خشمها..
عايشه\وانتي بعد ماقصرتي..مشيتي ولا كأنك تشوفينها..
لولو \تستــــاهللل ..والله خليتها مثل الحشره..كان ودي اعمل اكثر بس مسكت نفسي..
حنان\ياهبله لاتخلين افكارك الغبيه تسيطر عليك..ومثل ما قالت عواشي كانت صديقته ..واللحين انتي زوجته.ولاتخلين كلمه منها تخرب عليك هاليوم..لاتنسين انه هذه حفلتك وسامي بيجي الليله وبتكلمينه بالموضوع..
التزمت السكوت لولو بعد كلام حنان المقنــع..لكن السكوت ماكان غير ثواني
لولو\ليتني اقدرّ..والله مقدرّ
عايشه ابتسمت بحب\كل هذه غيره..اثاريك تحبينه.!؟
لولو بتلقائيه ردت\منوا..؟؟يخسي...!
عايشه ثارت بغضب\لــــولــــــــــو.!؟.....
لولو ماتعرف كيف طلعت منها هالكلمه..بس اللي تعرفه انها انقهرت من هالأستنتاج الخطيـر..
هي تحبه!.!معقوله تحبه!.؟؟
مستحيل..هي اصلا..ماتعرف تحـب..وتكره اللي يحبون ويتعذبون بالحب..!
هي ماتحبه..هي فقط..تعتبره من ممتلكاتها..والمفروض تحافظ عليه..
هي ماتنكر انها تعجب بشخصيته..لكن حــب..لايمكــن!؟
لايمكـــن!؟
حنان\والله انكم تجيبوا المللّ..انتي هبله ومابتعرفي مصلحتك..وفريد ماده البوز شبرين..ومابدها تكلم حدى..قرف يقرفكم على عيشتكم..!
لولو توها تنتبه لفريد اللي لازمه الصمت ومتكومه بالمقعد بكل راحه وماده رجلينها كعادتها وحده شرق واخرى غرب وكأنها شبه نائمه\شفيها!؟
عايشه وحنان بنفس اللحظه \مانعرف..
لولو\فريد..
فريد\........
لولو\فريد..انتي معنا..!؟
فريد\معكــم..وبنفس همساتها ووضعيتها كملت..اكيد معكم..
لولو\طيب شاركينا.!؟
طلعت آهه من فم فريد\وش تبيني اقول..كل اللي الحكي اللي انقال انا معهم فيه..ماعدا شي واحد انا معك فيه..!؟
لولو بفضول ردت\شي واحد!؟
التفت لها فريد وناظرت عيونها\لاتحبينه ..والا اقولك..لاتعرفين معنى الحب..لأنك بتندمين..مثل ماانا اللحين اعيش هالندم..
عايشه\فريد..احسك فيك شي..ليش هاللهجه في طريقة كلامك..!
فريد\مو لازم تعرفون..ابتسمت لهم ابتسامه عبيطه ماكانت بوقتها..تدرون ودي ارقــص..خلونا نرقــص..ابي اغير جو..لولو قولي لراعية الدي جي..تحط مساري.مشتهيه استهبل..ابي اضحك واصرخ..وابكي وافرغ كل طاقتي..
تفاجئوا البنات من التغيير الغريب اللي حلّ على صديقتهم..سكون بعده جنون!اي مزيج انتي يافريده!؟؟؟
فريد صرخت ولوحت باايدها\لاتناظروني كذا..قوموا يالله..!
قاموا البنات على عجل..وفريد تشجعهم يتقدمون اكثر لناحية الدي جي ولولو طلبت من صاحبة الدي جي تغير الأغنية فورا..وبدئوا البنات يتمايلون على وقع الحان الموسيقى وعيون الجميع تراقب هالرباعي العجيب اللي ياما اثار اعجاب الكل..وكل وحده منهم كانت تتمايل بحسب نفسيتها.فريده كانت اقرب للجنون بحركاتها ايدها وارجلها السريعه..وحنان عيونها الحالمه كانت اقرب للأفق..وعايشه تتحرك بخطوات هاديه وتائهه..اما لولو فكل طاقاتها فرغتها بهالحلبه وكل مواهبها اخرجتها هنا لأجل تغيض عيون عاليه اللي تجول حولها..
-----------------------











على الساعه الواحده فجرا..وبحديقة القصـر\

رفعت غطاءها المزين بنقشات ورديه دقيقه..وشدت على ايد صاحبتها بلطف..
عايشه\ما اوصيك..خليك هاديه..واظبطي اعصابك مهما كانت الأجوبه..!
عضت لولو شفايفها بتلقائيه\والله مدري عواشي..هل بقدرّ اتحكم بااعصابي او لا!؟
عايشه\انتي قدها حبيبتي..لاتخافين..!؟
جالت عيون لولو على بتلات الورد المرصوصه على طول ممر القصر بوئام واريحه\طيب..اذا صدني مثل كل مره..!؟
عايشه\ليش تتوقعين الأسوء..!وبعدين مثل ماقلت لك لاتحاكينه وهو خلاص مفتح عين ومسكر عين..اختاري الوقت المناسب ياحلوه..وابتسمت بمكر..وبعدين مااظن وهو توه ارجع من السفر بيقدرّ ينام..
لولو ابتسمت بخجل لكن قاومت هالخجل بااستهزاء\ايه..واكبر دليل انه جاي من زمان ومافكر يسأل عني.!
عايشه\يمكن انشغل بالمعازيم..ماشاء الله معارفهم كثيـره..وكلهم من الطبقه الراقيـه..!
لولو\آآآه ياعواشي..وانا وش كان مجنني غير هذا..!
فهمت عايشه جملة صديقتها\خلاص اللي راح راح..ومانبي نندم على أي شيء..المهم..حاكيني اذا استجد أي شيء..ماارح اقفل تلفوني..!يالله..سلام..وطبعت بوسه سريعه على خدها..
لولو\سلام حبيبتي..
ودعت لولو عايشه لغاية مااختفى طيفهــا..ورفعت عينها للسماء المغيمه وتبشر بقدوم الغيث..رجعت للقصـر بخطوات بطيئه وهي مكنسه رأسها جاره معها اذيال فستانها الأصفـر والتاج الذهبي اللي يتوسط شعرها كان يحكي قصة اميـره تائهه وسط معمعة حياه رماديه..
واول مادخلت القصـر..وبصالة الأستقبال خيـلّ لها صوت ظحكاته..رفعت رأسها ببطء..وماخابت توقعاتها ..
كان جالس على كنبه مزدوجه بثوبه الابيض الناصع..وغترته البيضاء ويتوسط امه وسندس اللي ماليه عليه بدلع وتضحك معاه..ومالك الصغير جالس على رجوله ويلعبه بخفه..
شعـر بوجودها ورفع عيونه لها وابتسم ابتسامه حنونه ومشتاقه..
سوزان\خيي..شو رأيك بهالقمر الليله..!حلو الأصفر..مو!؟
زادت ابتسامته وتقدم لها بعد جلس مالك على الكنبه وباسه على خده.. وهو يلاحظ خجلها وخصوصا انه العايله جميعها مجتمعه واولهم ابوه..وخواته..
لمس ايدها البارده..وسلمّ عليها..واكتفى بهالشيء..لكن عيونه كانت تفيـض مشاعر واحاسيس جياشه..
ولأنه ماقاوم اثكر فقال قريب من اذنها\..وحشتيني..
اقشعـر جسم لولو من كلمته..وحنان صوته..وبلا شعور..غمضت عيونها بخوف وشعرت انها ودها تبكي..وبنفس الوقت تضحك..
انتهت هاللحظه بصوت سندس العالي..
سندس\ياهوااااااااااا حنا بالصاله..
التفت سامي لها بقهر\اكرمينا بسكوتك لو سمحتي..!
شدّ ايد لولو وجلسوا بااقرب كنبه ولأول مره يكون هالأجتماع العائلي..اللي نادر مايحصـل..
رجعوا يكملون حديثهم..ولولو الوحيده اللي ملتزمه الصمت بينهم.... لكنها ماقدرت ماتردّ أبتسامته الحنونه اللي يقابلها بوجه الجميـع.. ولاقدرّت تنكـر اهتمام سامي الشديد بـ مالك ولد نوره اللي بسن خمس سنوات..وتعلق ألأثنين في بعـض وهو يشده لصدره ويمسح على شعره بحب..
وغصبن عنها..نزلت هالرحمه بعيونها وهي تـتامل مالك وهي اللي بيوم كانت تكره الأطفال..لكنها اكتشفت شي خطير اليوم..
اللي يحبه سامي..هي بلا شعور بتحبه..!؟

صحت من افكارها على صوت سامي\لولو..لولوووو..وينك يابنت الحلال..
التفت لولو له\وحست بنظرات الكل متجه ناحيتها..فعرفت انها سرحت ..
لولو\هلا..
سامي\الوالد يقول الليله بنام هنا..بسبب الرعد والمطر..و ش رايك!؟
بلا شعور اعتفست ملامح لولو..!كيف نست انها اليوم بتناقش سامي بالموضوع..وبتسأله عن بنت عمه المغروره!.؟
ام عبدالله\انا اقول..باتوا الليله هنا..وانت ياسامي تعبان واكيد تبي ترتاح..!
سامي\يسلم لي هالقلب يايمـه..تعبان حدي..ومانمت غير ساعتين..!
حست بالكآبه الشديده..يعني معقوله الموضوع برضوا بيتأجل!
أي حظ هي فيه..!؟
كيف بتصبر ليوم ثاني..بتجن لو ماتناقشت معه الليله..!؟
لولو بقل حيله ردت\خلاص سامي..ننام هنا..!
وجهه كلامه لنوره وهو يطبع بوسه عميقه لرأس مالك\ولدك شكله نام بحظني..بدون مايحس..
نوره نادت ميريم تطلع مالك لغرفته..
سامي\طيب تعالي انتي شيليه..!متى بتتحملين مسؤلية ولدك.!
نوره بضيق اردفت\اوووه ..مافيني..ظهري بينكسر..!وهو كل ماله ويزيد وزنه..
ام عبدالله\بتحسدين ولدك يابنت.!
سامي\الله يهديك بس..وضع سامي مالك على الكنبه..وهمّ بالوقوف..ومسك ايدّ لولو
سامي\يالله تصبحون على خير..وبنفس الشيء لولو تمتمت بصوت هاديء تصبحون على خير..
الجميع ردّ\وانتوا من اهله.!

\

تلمست اطراف مفـرش السرير السكري المحدد بلون الذهب وهي تشكل خطوط وهميه تدلّ على توترها الفاضـح..فصخ غترته ورتبها وفتح اول زرين من ثوبه..وتقدمّ لها وجلس بقربها وكعادته مسك ايدها وحاوطها بااصابيعه..
سامي\كل اللي طلبيتيه جبته لك..وفي خاتم الماس لو تشوفينه بتبرق عيونك فرح..!
ابعدت ايده بجفاء واتجهت للتسريحه وارخت التاج اللي محاوط رأسها ووضعته على الطاوله بهدوء..
لمس سامي كتوفها البارده من الخلف وبنبره رحيمه عقب\اميرتي ضايقـه..!
ناظرت انعكاس صورته وهي تحس انه هذا الوقت المناسب..
حاولت تجمع كلمه وتشكل جمله..لكن ماتدري ليه كل شي حولها يقيدها..ولسانها انلجم..
لولو\سامي..
سامي باابتسامه حنونه\عيون سامي..
لولو وبعقل فارغ قالت\ماعندي لبس نوم..ومقدر انام بالفستان..!؟
سامي\ولايهمك..ابتعد عنها وفتح الدولاب..وهي تمنت لو تعطي لنفسها كف قوي من شدة غبائها..
فرصه ثمينه وانتهت بسببها..وماتدري هل بتكون في افضل من هالفرصه او لا..
استجمعت قوتها والتفت له..ولاحظته يفتش بين الرفوف الممتئله بالملابس لمن حصل له على بدله حريره سكرية اللون..
قابلها وبوجهه ابتسامه طفوليه وهو يحك مقدمة رأسه\يعني اكيد هي بتكون وسعيه عليك..لكن تمشي الحال..!؟وبنطلون البيجامه يستحسن تفسيطينه..!
مدّ لها البيجامه وهي بتلقائيه وضعتها على جسمها ولاحظت طول البنطلون الغير الطبيعي..والبلوزه اللي توصل لتحت اردافها..
سامي\البسي البلوزه بس..
حست بالدم يضخ بخلاياها..وبلا شعورّ احمرّ وجهها واذنيها..
اول مره سامي يكون جريء..!
وهذه خطوه بتكون من صالحها..!
دخلت دورة المياه بخطوات مرتبكه..وغسلت وجهها..ولاحظت فرشاة اسنانه..وهي بالعاده لازم تفرش قبل النوم..فكرت انها تستعملها لكن كل مافكرت انها مو فرشاتها تحس بالأشمئزاز والتقيأ..لكن هذا سامي..!
سامي اللي علمها الجمال في بساطة الشيء..!
امتدت ايدها للفراشه..وبسرعه ابعدتها وهي معقده حواجبها..مو مهم..ان شاء الله تضل اسبوع بدون ماتفرش..مااراح تموت..!
لبست البيجامه بدون البنطول بغرفة التبديل وناظرت نفسها بالمرايه اللي تحاوط معظم الغرفه..
معقوله بتقدرّ تطلع له وهي بهالشكل..!
وليش لا,,,!كذا مره حاولت تستقل جمالها..لكن للأسف ماتوصلت لنتيجه مرضيه..
طلعت من الغرفه وهي تجرّ خطواتها..وتحثّ نفسها على الجرءاه..
حست بنظراته حوله..لكنها ماقدرتّ ترفع عيونه لها..وكلي اللي قدرت عليه انها تجلس بااقرب اريكـه وتنزلّ البلوزه لحد نهاية ارجلها لأجل تخفي سيقانها البيضاء..
جلس مقابلها..ووضع ايده على خده وطال تأمله فيها..وبكل جراءه وبدون تحفظ,,وكأنها ملّ من هالوضع اللي عايشه ..
وبعده برهه تحدث بنبره هاديه وجميله\حلوه عليك..ولابقه لك اكثر منـي..!
رفعت عيونها له ولاحظت عيونه النعسانه وتأكدت انه يقاوم لأجلها\شكرا....
سامي\بكره عندي كذا ورقه اوقعها..وبنطلع انا وياك لليل..لغاية ماتتعبين وتنامين..!
لولو فرحت لأنها لها فتره ماطلعت معاه لوحدهم وهي بالفعل محتاجه هالطلعه \بنشوف اللي بينام..انا والا انت!...سامي..
وقبل مايردّ عليها رمت عليه القنبله بدون مقدمات تذكر...منوا عاليه!؟؟؟
-------













بأول الصباح البارد..ووشوارعه الرطبه\

ضبطت قهوتها كما تحب وارتشفتها بتلذذ..ووضعتها على الطاوله..فتحت نافذة غرفتها وهبّ الهواء وتخلل خياشيمها اللي تتنفس براحه..
شعرت انه هالصباح غيـر..هادي..وجميـل..والأهم من ذلك انها سعيده نفسيا وجسديا..
ومعنوياتها مرتفعه بشده..وكلها فضـول لتكملة كتاب الدكتور طارق السويدان..ونست..او يمكن تناست انها تصبح على الشات اللي كان من اول اساسيات يومها..!
تقدمت لمكتبها الصغيره والمتواضعه واللي بلون البيج الباهت..وفتحت لغاية اخر صفحه قرأتها..وجلست الكرسي وبدأت تقرأ التكمله بااهتمام وحرص شديد..

"الهيكل المعزوم"تورد بعض المصادر ان سليمان عليه السلام هو النبي الذي بنى الهيكل الذي يزعم اليهود الى وجود الى هذا اليوم..والصحيح الوارد في المصادر الأسلاميه ان النبي سليمان كان قد جدد المسجد الٌصى ولم يبني هيكلا وانا جاءت كلة هيكل من كتب يني اسرائيل المحرفه..والتي تعتمد لا على دليل ولاسنه ولكي نوضح قضية الهيكلز.لابد ان نوضح بعض النقاط ومنها..1\قام ببناء الهيكل المعوم جنود وبنائيون الذين عرفوا بااسم الماسون أي البناؤون ومن هنا اتت كلمة ماسونيه..وهي حركه يهوديه خطيره تهذف الى بسط نفوذهم ..ولهم طقوس وشعائر عجيبه..وهي حركه معاديه للأسلم..
2\وصف بناء الهيكل اقرب للخيال في الكتب اليهوديه وفي مبالغه كبيره مثلا جعلوه قصرا كاملا من الذهب ..وامامه الذمبح المغشى ايضا بالذهب..
3\اليوم اليهود يبحثون عن الهيكل وجاء في متبهم وكثير من الروايات والأخبار ان هذا الهكيل هدم واخرق بالكامل ولم يبق منه حجر..
---------------









انا بالليل حائره..وبالنهار رجعت اكثر حيره\

ضلت ساعتين وهي مستلقيه على البانيو وصوت الموسيقى الأيرلنديه تسمعه بانصات وهدوء..لعل روحها ترتاح وتستقر نفسيـا..
تذكرت احداث امـس وصدود سامي الغريب عن الردّ..وتصغيره للموضوع وكأنه لا يعنيه اذا كانت عاليه بنت عمه او لا..!
هوصحيح وضح لها انه علاقته فيها كانت قويـه وماتتعدى الأخوه والصداقه..لكن ردوده مااقنعتها ابدا.و اظطرت تنهي الموضوع ومو عاليه اللي بتعكر صفو حياتها..
واظطرت ايضا تأجل الموضوع الأهم لأنها تذكرت نصايح عايشه لها ..واصرت ترجع بيتها الصبـح...وفعلا رجعوا وهي ماذاقت النوم دقيقه..كانت تسمع انفاسه الثابته وهو نائم بااسترخاء وهي بقربه جالسه على جمـر وقهر..وماقدرت غير انها تهمس بقلبها ..ليه..!؟ليه ياسامي.!وش اللي ناقصني عشان تصدني.!؟لهدرجه انا مااعجبك,,!اي غمـوض انت تعيشـه!؟
طلعت من البانيوا بصعوبه ولبست ملابسهـا برمودا جنيز وتيشرت اسود..وكل تفكيرها منحصر بنقطـه وحده..!
مافكرت تحط مكياج..!..تـاملت نفسها بالمرايه اكثـر,,وفكرت وش اللي ماانجذب له سامي.!؟
حست انها عاديه واقل من عاديه..!
كرهت نفسهــا..وكرهت شكلها..!
اعرفت من هاللحظه انه الجمـال شيءتافه كانت تتباها فيه..
تجمعت الدموع بعيونها..ووصلت لدرجة الأحباط والكآبه..!؟
سامي اعطاها كل شـيء..وخذلها بأهم شيْ..
سمعت صوت نغمة تلفونها..مسحت دموعها ومشت بخطوات مهزومه.. فتحت الرساله على عجـل..وقرأت المكتوب..
"اميرتي ..تأجلت الطلعه..انا عارف انك زعلانه..لكن عندي شغل متراكم ومظطر انهيه..يمكن اتأخر لليل"
رمت تلفونها على ارض السيراميك..وزادها هالخبر كآبه..!
-----------



تساقطت اوراق التقويم واتى يوم الثلاثاء\

اسبوعين فقط ويبدأ العد التنازلي..والطيور لا نعلم مامصيرها..هل ستحلق الى الأفق..ام ترجع لأعشائها..!
*
المدرسه تعجّ بالطالبات والضيــوف الذين حظروا اليوم المفتوح..الأقسام مرتبه بشكل مرتب ومنظم..ولمسات الطالبات واضحه بكل جهه..وكل قسم مميز وفريد عن باقي الأقسام..هناك طاولات مبعثره بجميع ألأتجاهات ..وامامها مطعم متواضع لبيع المأكولات السريعه وبعضها كان من عمل المعلمات..
و باخر الساحه هناك خيمه شعبيه مزينه بفوانيس ملونه واقمشه من صوف ووبر الحيوانات..وبوسطها اربع طالبات متبعرين لنقش الحناء .. اما بقية الأقسام فمتنوعه بين بيع اشرطة اناشيد وكتب منوعه وادوات للذكرى..وكوشك ايس كريم وذره...وباامام الساحه كان هناك مسـرح خشبي معد من قبل الطالبات يعرض فيه فعاليات اليوم المفتوح من اناشيد ومسابقات ومسرحيات ..
اما الـ B....فكان قسمهم بنفس مكانهم المعتاد.. خرافـي لدرجة الجنون ويدل على ذوقهم الرفيع في انتقاء الوان الجدار الذي خلفهم ..استعملوا خامتين من الشيفون..اصفر فاقع..وفوشيا..وثبتوهم بطريقه عشوائيه..وتجذب الأنظار..وكتبوا بوسطها ال b بخط كحلي وعريـض..وعمموا لبسهم اللي كان تيشرت ابيض بوسطه حرف الـ b
اما عمل هذه الخانه فكان الرسم على التيشرتات البيضاء برسم حنان الفنانه..
و الرسم على الوجه بلمسات لولو الأنيقه..
والأكسسوارت المجنونه من حلق وسلاسل حديده طويله وخواتم كبيره الحجم اشرفت عليها فريد ..اما عايشه فكانت تكتبت بالحبر السائل على الأكسسوارت بعبارات محببه للبنات مثل
(friendship, for ever…love birds… ) او حتى اسمـائهم..
كانت الخامات جدا بسطيه وغير مكلفه وتقتصر على نفس لونين شعارهم..اصفر فاقع وفوشيا..

فريد بنبره غاضبه\شوفي عاد..انا عطيتك وجه بزياده..مو كل مره بتجين وتغيرين الخاتم..استقري على واحد لأفقع عيونك..!
طاحت الفرشاه من ايد لولو وهي ترسم عيون البنت بااتقان..والتفت لحنان اللي اطلقت ظحكه عاليه..
البنت اللي صرخت عليها فريد..انسحبت بهدوء بعد ماحست بالأحراج البالغ اللي انحطت فيه..
جلست فريد على الكرسي الخشبي وهي تردد\مشكله البزارين وقسم بالله..اولى ثانوي وجايه تتحاجج..صج ماينعطون وجه..!
ابتسمت عايشه على جنب وهي تضع لمساتها الأخيره بتعليقة سلاسل على شكل قلب\وانتي خليتي فيها وجه..البنت طارت..!؟
ظحكوا الأربعه بخبال..والبنت اللي كانت ترسم بوجهها لولو خافت من عصبية فريد..وظلت طول الوقت موطيه رأسها للأرض لمن انهت رسمتها..ومشت بخطوات سريعه..وكأنه حرامي بينقظ عليها..
حنان بتوسل\والله يافريد..لو ظليتي كمان على هالمنوال لا تشوفي الزحمه اللي بخانتنا بتنفرّ مناّ..!ّ
فريد مااكترثت لتوسلاتها\كولي عسل زين..!؟
حنان\فديت هالعيون..باكل علشانها عســل..
فريد ماقدرت تمنع نفسها من الأبتسامه..وهي تسمع جنون حنان..
مضـوا الb في شغلهم وهم مستمتعين بااشغالهم البسيطه اللي تقبلوها البنات وحازت على اعجابهم..
كانوا يشتغلون بسعاده مفرطه واستمتاع لا نهايه له..كانوا يعرفون انه هاللحظات محسوبه ومستحيل تتكرر..وبتظل راسخـه بقلوبهم الصغيره.. بالرغم من عصبية فريده على البنات..وحالمية حنان وهي تشخبط على التيشرتات بتصميمات بسطيه وكلها انوثه..وفرحة لولو وهي ترسم بوجوه البنات وكانها تمكيـج بثقه وهي متأكده انه لمساتها بتعجب الكل..وسعادة عايشه وهي تخلق بعـض العبارات للبنات وتشوف الأنبساط بعيونهم والرضا..
تمنتوا هاليـوم ماينتهـي وهالنهـار الربيعي يضـل بنسيمه واعتداله..
نسوا احزانهم..ومشاغل حياتهم..ورموها خلفهـم..بالرغم انهم عارفين انه اسبوعين فقط ويخرجون من هالمدرسه اللي عاشوا فيها اجمل لحظات حياتهم..اسبوعين فقط يبتدأون فيه اول طموحاتهم..واحلامهم اللي رسموهـا مع بعـض وتمنوها ايضا مع بعض..
وبأخر اليـوم..كانت جميـع الأغراض مشتريه..والمبلغ اللي حصلوه هائل وغير متوقـع..جمعته عايشه واعطته معلمة الفنيه اللي كانت المشرفه على البرنامج وطبعا جميع الأموال بتكـون دخـل لمبنى اليتامى بالدمام..
رجعت عايشه لصديقاتهـا..ولاحظت اختفائهم المفاجىء..التفت يمين ويسـار..والنتيجه واحده....
مشت خطوتين وحست بشـيء بشـيء بارد اعلى رأسها..وهالشيء وصل لجميع ملابسها..
التفت بسـرعه وغمضـت عيونها من الألوان اللي دخلت عيونها وتطبعت بجميع ملابسهـا ..
ارتجفـت واقشعر جسمها..وصـرخت بااعلى صوتهــا.."لاااااااااااااااااااا"

ركظت لصديقاتها بقهـر اللي ماكانوا افضـل منها وهي ناويه نيه شينه عليهـم..تعبت وهي تصـرخ وتتوعد وتسخط..كل وحده منهم كانت اسرع من الثانيه..حتى لولو كانت بالنسبه لـ عايشه ارنب بري..
شعـرت انه مافي فايده من الركـض ..رجعت لمكانهم واخذت رمل ملون كانت تستعمله حنان في تزيين التيشرت..ومسكت بايدها اليسار ترتر ..ورجعت لهم واول ماشافت فريد اللي كانت تنظف نظاراتها من الألوان وماانتبهت لها..استغلت وقفتها..ومشت بسرعه لها..ورمت عليها كميه كبيره من الرمل والترتر وهي تضحك بجنون..
فريد صرخت لأنها بصعوبه قدرت تنظف نظارتها..ركظت لها وبسهوله قدرت تاخذ الرمل والترتر ورشته عليهـا..ورمت الباقي على لولو وحنان باانتصــار كبيــر..
فريد\تستاهلون ياحمــيـــــ..
بكت لولو بضيق وهي تجلس بالأرض\حرام عليكم..مويه والون ورضينــا..لكن رمــل..لااااااا ياربي..!اههه
طاحت عايشه على الأرض مثلها وهي تتنفس بقــوه ورمت نفسها على ظهر لولو..وبالمثل حنان واخرهم فريد اللي طاحت عليهم بقـوه ودفاشه متعمده ارغمت الكل يبكــي من الألم..وهي ضحكت بجنــون..\وقسم بالله هطف..!
عايشه\هطف بعينك كسرتي ظهري.!
فريد\ههههههههههههه تستاهلون..!؟
رمقت حنان لولو بنظره عرفتها وعايشه بنباهه فهمت تخطيطهم..!
وبحركه سريعه وغير متوقعه انقضو الثلاثه على بطن فريد لمن حست انه معدتها بتنفجـر من اصبعهم اللي يحاولون يضحكونها..
فريد\بنااااااااااااااات ههههههههههههههههههوالله خلاصههههههههههه توبه توبــــــــــــــه ههههههههههههههه تكفونههههههههههههه تركووووووووووووووني يادببببببببببببب ابعدوااااااااااااا..
"بـــــــسسسسسسسسس"

التفتوا اربع ازواج من العيون لمصدر..واثناء ما اكتشفوا هوية الشخـص ..عرفوا انه النهار الجميل انتهى..
-----------------