مخاوف والمدى غيمة وأحجار الطريق كثار ..

مخاوف .. والمدى غيمة وأحجار الطريق كثار .. وانا الأعمى .. وكل الدرب من حولي ..كلامْ صغارْ ..! هنا لا من هنا تمشي أطيح وضحكة الجهَّالْ .. من حولي .. (كلام كبارْ .. ) مخاوفْ من بقي شايفْ ظلام الصبح .. غير الدربْ ومن يقدر يجيله قلبْ ..؟ يحبْ وضحكة الجهَّال من حوله ( تصير غبارْ .. ! ) مخاوفْ .. والشفق واقف على باب المسا بوّاب ..! دموع الليلْ .. فالمنديلْ .. كُحْل جْنُونها فيني أنا ويني ؟! تركتَ الشمس تنفيني .. ورا صوتي ..! وفي موتي ..! عزا .. واصحابْ مايدرون منهو ماتْ ..! وَعَدْنا فاتْ باقي فآخر الساعة دقايق كبْتْ وبكرة السبتْ .. دوام الجامعة .. والشارع الكذّابْ ..! مخاوفْ والسما سودا .. وأسراب الظلام طيورْ ..! أنا المذكورْ بأعلى صفحة أحزاني طِلِعْ في هاجسي هلحين شيْ ثانيْ ..! صحيحْ إنه ورا الميعادْ بقي لليلْ ف .. عيون االنجومْ أسرارْ شظايا نارْ ؟ نقوش جدارْ ؟! شرشف وجهها العشبي ؟؟!! وياغلبي نسيت إن الظلام طيورْ ماتنصاد ..! مخاوفْ , والكلام أقسى من الإحساسْ .. بقيلي ناس .. من حولي وفي قولي شراشف أمي الخضرا وضحكة وجهك الصفرا ورعشة كاسْ ..! مخاوف لوقدرت أكذب ..كذبت وقلت ما احبّك ! ولو إني قدرت أحسبْ حسبتَ الصدق في قلبكْ .. بس المشكلة قلبي م هو ذنبي .. طفل حسّاسْ ..! مخاوف والصديق آخرْ حديث الآهْ على ذكراهْ .. وقفنا الليلْ للشمعةْ .. وذبنا ملح للدمعةْ وعلمنا الكلام اسمه .. وما ينساهْ ..! أن أَوّل سنين الموت والذكرى وآخر واحد اي ..فكر .. متى بكرة ابطّي دقّة الساعة إذا وِدّي أجيب الهرج ..ما أوَدّي.. وأحب أنساهْ ..! مخاوف والقلوب ألوانْ من الأسود إلى الأخضر من الأبيض إلى الأخطر كتاب أمّي ..! ومن همّي كتبت إن السما بيضا وميراث الشفق أزرقْ وقلب الغايبة أرفقْ وميلاد القمر عنوان متى الشاعرْ ؟! إذا مرّة عشق .. يكتبْ أو العاشق .. إذا مرة كتب يكذب ؟! أنا الإنسان أكبر همي النسيان في عيني .. جمعت النور والبهتانْ في قلبي .. كِبِر بستان شوكُهْ .. آخرُهْ وردهْ وأسفاري بلا عودهْ وتذكاري حكاوي .. كلها تبدا ب .. ياماكانْ : قلم فوق السطور أحمر وعاشق شاغل الجيران عطر تركيبته ( ليلى ) وعين الغايبة نجلا وأنا عطشنْ ..! أمانة لاذكرتيني وقلتي ( كانْ ) خذيني من تفاهاتي .. وغلطاتي وصورة طيفك الفتّانْ مخاوف لاتروحي هناك تنسيني مواقف .. ما تصير الحين تلقيني ؟!! بلا حرمانْ شواطي صوتك احساسي وآخر صمتك أنفاسي ومهما كانْ أحبك ماقدرت أخفي إذا كنتي مرض ياارب لاتشفي بموت الشاعر الولهانْ ..!

روعه ماننحرم من جديدك المرموق

شكرا ع جهودك المبذوله


كن بخير

خاطرة رااائعة
وجلب مميز
ما اروع متصفحك يا رائع
ما ننحرم من عطائك

اختيارك جميل للطرح
‏و دقه في اختيار المحتوى

كله فائده وإمتاع

دليل ذآئقة عالية المستوى لديك
وهذا مانبحث عنه

لقلبك السعاده
‏اتمنى المواصله والاستمرار

تقديري
‏عود الليل

,‘*
شكراً لطرحك الهادف
وإختيارك القيّـــــــــم
أسأل الله لك كثرة الهبات
وتحقيق الأمنيات
|‘,

*،




آنتقاء مميز .. مَ ننحرم من جديدك

يتجسد الابداع دائما في
مواضيعك عندما يكون
لها هذا التميز مجهود جدا رائع
تحياتي لك

انتقاء مكلل ب اهاديِج الزهور
اشكرك عدد مداد الارض
لروحك الجوري

صح لسانك ولسان كاتبها

آختيَآرَ جَميلَ جِدآ
سَلمتَيِ علىَ هذهِ الآطَروحهَ الآنيقَهَ
وَسَلِمتَ يُمنَآكِ المُخمليِهَ لِ جلبهآ المُتميزَ
جَزيَلِ شُكِريَ