بنت الشامية....منقول.....((.لنبض القصيم)) اكثر من رائعة

الشخصيه هذي جديده لكن راح يكون له دور كبير بالقصه ..


مطلق

ما كان لي خاطر أجي لأني عارف إني أبسمع نغزه من نغزات أمي ,, لكن نايف أخوي طاح و التوت رجله و كلم علي يبين أروح لأمي عشان لا يضيق صدرها علاه ..

من دخلت المستشفى و نظرات الناس علي ,, كان لثوبي المصفر و شماغي المعصوب على راسي أثر بجذب الانتباه لي ,, لكن ما فيه وقت أغيره أنا عند بعاريني و مكالمة نايف أرعبتني ,, هذي أمي و منيب ناقص عشان تجي تهاوشني و تزيد همومي ..

سألت وحده من السسترات عن غرفتها و وصلتني للغرفه و لسريرها بعد ,, دخلت و سكرت الستاره و جلست أنتظر أمي ..

مر وقت علي و أنا أسمع صياح مره ,, شدني الصوت لأنه كان مكتوم و باين إنها موجوعه بالحيل ,, آآآآآآآه يا حظكن يالحريم أي شي يجيكن تنزلن هالدموع و ترتاحن لكن حنا لاااااااااا صعب نرتاح لأن الدموع على قولتهم ميب للرياجيل ,, و نضطر نكتم همومنا و لو كثرن و فاضن بهالقلب ..

أرهفت سمعي للمريضه اللي بجنب سريري أمي ,, تمنيت أعرف وش فيها ,, عارف إن الموضوع و لو كبر موضوع حريم تافه و ماله أي معنى لحد ما تناهى لمسامعي صوت ثاني