 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
أدوات الموضوع | انواع عرض الموضوع |
03-19-2016
|
#13 | |||||||||||||||||||||||||||||||||||||||||||||||||||||||||||||||||||||||||||||||||||
|
نشف حلقي و صوبت نظري بحده لأمي و أنا أشوفه تطلق كلمات بعيده عن مدى استيعابي ,, كانت كأنه طلاسم !! أو يمكني فهمته لكني حاولت التهرب بعيوني و التخفي تحت عذر اللا فهم و عبرت عن تهربي بسؤالي : وشلون يعني يمه ؟!! تواست أمي بجلسته و بدت تشرح لي من جديد و هي تحرك ايدينه و كأنه تحاول تشرح لي و توصل لي الكلام بأوضح طريقه ,, و مع حديث أمي اللا منتهي عن هذا الموضوع الجديد نزلت راسي بلا شعور كمحاولة لإخفاء معالم وجهي الخائفه ,, و امتدت الرجفه لجميع اجزاء جسمي ,, حاسة إن الحراره تنبعث من وجهي اللي اكتسته حمرة الخجل ,, كانت امي بخضم حديثه متحمسه توصف و تمدح و بين وقت و الثاني تحط ايده على فخذي ,, تمنيت أبعد ايدين أمي عنّ ما أبيه تحس برجفة جسمي و حرارته لكن أتوقع إن حمرة وجهي فضحتن و كشفت المستور ,, المكان كله ضاق بي ,, تمنيت الأرض تنشق و تبلعن ,, لأول مره أستحي من أمي هالحياء ,, لأول مرة أرتبك و ما أعرف أتصرف معه ,, حتى إني عمري ما حسيت قدامه بهالشعور بالعكس كنت أتكلم مع أمي بدون حدود ,, يعني لا حياء و لا خوف لأنه أمــــــــــي .. لكن الموضوع هذا غييير ,, أربكن و ضيع علومي ,, نزلت راسي و أنا أعصر ايديني بحجري و كلام أمي يتردد صداه بداخلي ,, " عزام يبيتس يا ميمتي !! " " عزام يبيتس يا ميمتي !! " " عزام يبيتس يا ميمتي !! " يآآآآآآآآآآه كنت دايما أرسم هاليوم بخيالي و على كثر ما تخيلته ما عمري توقعت إنه صعب بهالشكل ,, تبون الصراحه أحس إني خآآآآآآيفه ,, تمنيت إن هاليوم ماجاء ,, تمنيت إن هالحلم ماصار علم و لا تحقق ,, : وش قررتي يا ميمتي ؟!! وش قررت!! سهل السؤال ياميمتي لكن صعب جوابه,, ايه و لا لا ,, لكن هالإيه بتنبني عليه حياتي ,, ما أدري هل ذا الإنسان بيسعدن و لا لا ,, هل بيهينن و لا لا ,, يا الله ,, أحس إني موب قادرة أقرر وش أسوي ؟؟!! أنا أعرف عزام هذا عشان أقرر!! ياربي و الله الموضوع صعب ,, تذكرت شي ,, إذا قلت إيه يعني أترك هالبيت ,, و أمي و أبوي ,, لااااااااااا و الله ما أتخيل إني أعيش بغير هالبيت و لا أتخيل إني أصبح على غير هالوجيه ,, أعتقد إن رفضي الداخلي لهالموضوع انطبع على ملامح وجهي لأني حسيت بضغط أمي على ايدي ,, رفعت راسي له و أنا ضآآآآآآآآآآآيعة ,, ابتسمت لي ابتسامه مطمئنه و همست لي و هي تلف شيلته على أطراف أصابعه : يا بنيتي ترى البنت مصيره بتروح لبيت رجله ,, و ولد عمتس يحشمتس و يكرمتس ميب مثل الغريب , , و أنا يا نهى ودي أشوفتس ببيت رجلتس وودي أشوف عيالتس ,, أبيتس تجيبين لي فهد بدل اللي رآآآآح ......... و سحبت صرف شيلته ومسحت به دموعه ,, كان المنظر بحد ذاته يخلين أوافق بدون لا أعرف من الشخص ,, تأملت التجاعيد بوجهه يآآآآآآ الله كم سنه مرت على وفاة فهد و لا نسيتيه ,, مع إنه ما كان له ذكريات كثيره معه لأنه توفى بعد ولادته بعشرين يوم ,, لكن صعبه عليه و على كل أم تواجه هالموقف ,, تنام و هي تناغي مولوده و تصبح و هو جثه هامده ,, جن جنونه بعد اللي صار لوليده و استبدلوه له بمولود ثاني ,, ماكان المولود اللي ربته من بطنه لا كانت بنت غيره ,, لكنه حبته بكل جوارحه و اهتمت به وما حسسته بيوم إنه موب مثل الأطفال ,, إيه و الله يمه إني عمري ما حسيت إني ما عندي أم و لا حسيت انتس قصرتي بشي .. جاء اليوم اللي أرد لتس الجميل يا يمه و أسعد قليبتس ,, سحبت الكلام سحب و اغتصبت ابتسامه ذابله بقدر ذبول كلماتي : خلاص يمه موافقه على و..... ( و كأني استصعبت أقول هالكلمة لكني استجمعت قوتي و قلته ) : على وووولد عمي ... رفعت ايده و كأنه تعترض على كلامي : لا يا عمري ما ابيتس توافقين على طول هذي حياتس و أنتي للي تقررينه .. و تابعت لما ماسمعت ردي : فكري لتس يمه كم يوم وردي لنا خبر !! أنا : ان شاء الله يمه .. تسندت على الجدار و قمت واقفه و أنا أحس إن الدنيا تدور قدامي ,, تحاملت على نفسي و اتجهت ما شيه لبرى غرفة أمي ,, لكن صوت أمي استوقفن . : وش بتس يا ميمتي عسى ما شر؟!! التفت له احتراماً و رديت عليه : ما بي شي يمه .. أمي : أجل وراتس تقل تهزين وأنتي تمشين ,, كودتس منتب مصيخينه .. تعالي ارتاحي هنا يا ميمتي .. ابتسمت له ابتسامه مطمئنه و رديت : لا يمه مابي إلا العافيه بس أبروح أشوف أبوي .. طلعت من الغرفه و دعوات أمي تطرق مسامعي ,, دعوات إن الله يريحن و يهدين للقرار الصحيح ,, و تمتمت بصدق : آآآآمين .. دخلت للصاله و شفت أبوي بجسده المتهالك على كرسيه المتحرك ,, قربت له و حبيت راسه ,, جلست عند رجلينه و مسكت ايدينه .. أنا : وش أخبارك يا أبيي ؟؟ أبوي : بخير ياعمري أنتي وشلونتس ؟؟ أنا : بخير يا دنياي . حسيت بعيونه كلام من تركيزه علي ,, ركزت عيوني عليه و تكلمت و أنا رافعه حواجبي : أقوووووول ابراهييييم شكل عندك كلام ؟!! ابتسم و ثواني تحولت ابتسامته لقهقهه ملى صوته الصالة ,, كان راسه منحني على ورى و هو يضحك ,, حتى إن عظام رقبته بانت,,ابتسمت و أنا أتحسر على هالحس اللي أبفقده في يوم من الأيام ,, على قولة أمي مصيرتس لبيت رجلتس !! لحظات و تعدل و تكلم : يا قلب ابراهيم أنتي ,, و الله ما عندي شي أقوله إلا شي واحد .. ابتسمت و أنا أأشر على عيوني : من هذولي بس أنت آمرنْ . ابوي : أبقولتس ترا عزام ما مثله ,, رجل عاقل و موب مثل شباب هالجيل .. مجرد ذكر اسمه يوترن لهيت روحي بنظر أي شي بوجه أبوي ما عدا عيونه ,, لكنه فهم علي و مد ايدينه و قبص خدودي و رد : يا لبآآآآ قلب اللي يستحووون يا ناس .. أنا : احــم ... لا موب كذا ... بس .... بس أبفكر أول .. حط ايده على كتفي و طبطب علي : استخيري يا ميمتي و ردي .. أنا : و هذا اللي أنا ناوية عليه ... ــــــــــــــــــــــــــــــــــــــــــــــــــ ــــــــ حسيت بإيد على راسي ,, يالله من اللي نكد علي نومتي ,, و الله شي يقهررر ,, شلت البطانيه و أنا أتأفف ,, لكن من شفت اللي جالسه بجنبي راااح كل القهر اللي بقلبي و تحول لحب و شوق لهالكائن البريء ,, سحبته و حطيت راسه على صدري و أنا أناظر عيونه البريئه و هي ترمش و تكلمت : ليونه الحلوه عندي يا دعمهم ( يا طعمهم ) الحلوين .. حسيت انه تضايقت و تركته تقوم ,, و راحت برا الغرفه .. جلست بفراشي أفكر أنام و إلا أقوم بس و الله طار النوم من الدوبآآآ .. قمت من فراشي و اتجهت للحمام تحممت و توضيت للصلاة ,, لما طلعت صليت سنة الضحى ,, و أنا أصلي تذكرت الجوال ,, هذا الشيطان الله ياخذه ما لقا يذكرن إلا بالصلاة ,, بعد ما سلمت استغفرت ربي و أنا أرفع سجادتي ,, يالله وين حطيت شنطتي .. ياربي وينه ,, لا أصير ناسيته ,, درت نظري بالغرفه و طاحت عيني على شنطتي ,, أنا ما جبته معي من بيت محمد من اللي جابه هنا ,, ايه أكيد هذي هند الله يجزاه خير ,, فتحت شنطتي و طلعت جوال القطه ,, ضحكت على اسمه و تذكرت هالمهبل أمجاد و ندى جابن لي هالجوال متقاطات عليه ,, ابتسمت على هالذكرى و همست : الله يسعدهن يارب . فتحت الجوال و لقيت فيصل مكلم ست مرات و أمجاد مرتين و ندى ثلاث مرات .. بدون حتى ما أفكر فتحت على رقم فيصل وضغطت على زر الاتصال و أنا أتلفت بخوف .. ما كملت الرنه الأولى إلا و وصلن صوته المرحب : وينتس ياشيخه !! أنا : توي أقوم .. تنهد و رد : طيب وشلونتس الحين . أنا : تمام التمام !! فيصل : لا المزاج رايق اليوم .. أنا : ايه الحمد لله .. فيصل خلاص أبسكر أخاف أحد يدخل علي و أنا أكلم بس قل للعبدات لا يكلمن لأني ما أقدر أرد عليهن .. فيصل : طيب تبين شي ؟!! أنا : لا يله مع السلامه .. فيصل : لحظه اسمعي رونق اسألتس بالله اذا تضايقتي دقي علي .. أنا : خلاص ان شاء الله .. سكرت من فيصل و تلفتت بالغرفه وين أودي الجوال ,, أحطه تحت مخدتي ؟!! لا لا أخاف يلقاوه عزيز ,, ايه صح خل أحطه دولابي ,, رفعته و أخفيته بين ملابسي .. و طلعت للصالة ,, كانت هند جالسه قدام التلفزيون و معه ورقه و قلم شكله متحمسه ,, تكلمت لما ما حست بوجودي : صبحتس الله بالخير .. التفتت علي و ردت بسرعه و كأنه مشغوله : صبحتس الله بالنور و السرور .. لا تفوتس طريقة الفيوتشيني رووووعه . مرت عشر دقايق و خلصت الطبخه و التفتت علي هند ,, و تكلمت : أفطرتي .. أنا : لا . رفعت هند الكاس اللي معه و ردت : تبين نسكافيه . أنا : لا أبي قهوه !! ابتسمت هند و تكلمت : يالعجوووووز أنتي تصرفي زي اللي بعمرتس .. أنا : قولي عجوز قولي أي شي ما يهمن أهم شي إني أشرب حبيبتي القهوه . هند : طيب يالعجوز فيه باقي من قهوة عبدالرحمن .. قمت مع هند : هذاي جيت أتقهوى .. ما نسيت همي و الله ما نسيته ,,, لكني ما نمت أمس إلا بعد ما حلفت على نفسي إني و الله لأنسى اللي نسان و اللي يقسى عليّ مرة أبقسى عليه ألف مره .. دخلت المطبخ و طاري طرى علي فجأه و سألت هند عنه : هند ما تدرين عن مي ؟؟؟!! لاحظت الصدمه على هند ,, و ردت : مــ....ـا ما أدري عنهم و الله !! أنا : الله يــ .. " الله يوفقهم " دعاء تعودنا عليه من حنا صغار ,, نقوله لكل من سمعنا عنه إنه تزوج ,, و خصوصا إذا صار غآآآآلي ,, و هذا إذا ما أتبعناوه بدعوات ثانيه ,, لكن هالمرة عجزت ,, وقفت الكلمه بحلقي و الله ما أقدر أدعيلهم بالتوفيق !!! : مشكله لا صار اللي عندتس ما يبي الا الرز . مسحت دمعه تسللت من عيني بطرف كمي و رديت : لا تقولين بأخـوي شي ,, ترى أعلمه !! ضحكت هند : وش اسوي به ودي أغير عن الرز كل يوم رز بس هو ما يقتنع يقول العشاء سوي اللي تبين بس الغدى رز . رديت بعد ما طرت علي فكرة : هند أنا أبسوي الغدا . هند : لا عادي أنا أسويه . أنا : تكفيييييين و الله ما عندي شي خل أوسع صدري .. هند : بس ...... قاطعته : لا بس و لا شي اطلعي بس و فضي لي المطبخ أنتي و نور .. هند : يا سلام مطبخي و تطردينن . أنا : ترى أبسوي الغدا مالح و أقول لعبدالرحمن إنتس أنتي اللي مسويته . شهقت هند و ضربت على صدره : حرام عليتس . ضحكت على هند و رديت : أجل اطلعي . مسكت هند طرف تنورته و تكلمت : أجل الهجه !! و طلعت تركض من المطبخ ,, كان شكله ابداااع يضحك ,, ياليتي م صورته لعبدالرحمن خل يشوف هاللي تمثل دور العاقله وش تسوي . نور : أنا يروح رونا ؟!! أنا : ايه روحي غسلي ملابس سوي أي شي .. طلعت نور و سكرت المطبخ ,, لا تشرهون عليّ موب ذنبي إني ما أحب أحد يقاطعن و أنا أطبخ ,, و ما أحب أحد يساعدن .. ــــــــــــــــــــــــــــــــــــــــــــــــــ ــــــــــــــــ طلال : مجنون و ربي مجنووووووووووووووووووون !! عزام : ليه ؟ طلال : و الله إنك موب صاحي تحب وحده و تاخذ أخته . عزام : قلت لك إني كنت أحبه و الله بس يوم شفت أخته هونت .. طلال : أنت مجنون !! عزام : ياخي قلت لك أنه ما تبين قلت له إني أبخطبتس بس هي كارهتن ! طلال : يعني أنت هامك إنه كارهتك ,, عزام اعقل عقب ما هدمت حياة البنت هونت عنه .. عزام : أووووف أنت وش فيك أقول لك ما تبين و أنا الحين ما أبيه . طلال : أبي أفهم شي واحد ليييييه ؟!! عزام : شفتَه و حبيتَه .. طلال : الله يستر لا تقلب عليَه هي بعد !! وكمل طلال : أقول عزام طيب البنية اللي فضحته وش تبي تسوي له ؟!! عزام : مانيب مسوي شي .. طلال : لا ياشيخ عقب ما فضحته هذي بنت عمك .. عزام : أدري و بعدين ترى اللي خلان تهورت و أرسلت الشريط لأني عارف إن عمي يبي يتكتم على الموضوع .. و كمل : تدري لو تركي ما كان عند عمي و ما سمع الشريط بنفسه كان ما عرف لأن عيال عمي عبدالله كتموا على الموضوع حتى عمي صالح كبير العائلة ما درى بالسالفه .. طلال : ما أدري وش أقولك بس الله يكفيك شر دعواته . انقبض قلب عزام و ردد : لا أصلا بتحمد ربه إني كشفت له تركي ,, هذاه تخلى عنه بأول شده . طلال : ترى أي رجال بمكان تركي بيسوي اللي سواه . عصب عزام و صرخ : طيب أنا وش أسوي و الله العظيم إني أحبه بس هي كارهتن و بعدين حتى نهى أحبه ,, أنت قل لي وش أسوي بقلبي لا حب ثنتين . طلال : اذكر الله يا عزام و اقصر صوتك ,, و بعدين تذكر دايم إن هذولي بنات عمك و خوات يعني لا أخذت وحده انسى انك تاخذ الثانية هذا محرم من فوق سبع سماوات لذلك احكم بصدق قلبك مايل لمين .. عزام : أنا خطبت نهى و أباخذ نهى . تنهد طلال و رد : الله يكتب اللي به الخير ياآآآآآآآآآرب .. ــــــــــــــــــــــــــــــــــــــــــــــــــ ــــــــــــــــــــــــــــــ بعد صلاة المغرب نزلت و دخلت المطبخ ,, حاسه اليوم بنشاط لأني حسيت إن الألم خف ,, بديت أسوي العشاء ,, و فكري مشغول برونق ,, مع إني كلمت عبدالرحمن أمس بالليل و تطمنت عليه لكن ما أدري وش أخباره اليوم .... حسيت بسكاكين تقطع بطني ,, جمعت يديني و ضغطت عليه بكل قوتي ,, لكن ما نجحت بتخفيف الألم ,, انتظرت الألم يخف للحظات و أنا بالموت واقفه ,, كنت أون ونات مكتومه من شي أحسه ,, شي لا يوصف ,, وجع لا يطاق .. زاد الألم و زادت وناتي ,, حسيت اني ما أقدر أقاوم ,, راحت طاقتي كله و طحت على الأرض ,, نزلت دموعي ,, عضيت على شفايفي و علا صوت صياحي ,, همست بصوت متقطع : يآآآآآرب رحمتك ... ــــــــــــــــــــــــــــــــــــــــــ دخلت للبيت و قلبي مشغول عليه ,, أدري إن الألم يجي له فجأه و يروح فجأه ,, و أدري إنه تحاول تخفي عنّ آلامه ,, كنت مشتاق له مشتاق لبسمته اللي ماتفارق وجهه ,, بس خل أسلم على أمي أول بعدين أروح له.. دخلت البيت و لقيت بوجهي رغد بنيتي ,, شلته و حبيته و تدللت عليه عاد هي استانست و بدت تتدلع عليّ ,, نزلته و أخذت الأكياس الي جبتهن ,, دخلت للمطبخ أبحط الأكياس و انصدمت من اللي شفته ,, أسماء كانت متجمعه على بعضه و تصيح بشكل يقطع القلب ,, لا شعوريا طاحت الأكياس من ايديني ,, أسرعت بخطواتي لحد ما وصلت له ,, طحت عنده على الأرض ,, و مسكت وجهه بين ايديني ,, كانت تتألم و الله أسماء تتألم ,, ناديته بصوت خايف : أ...أسـ...ـماء .. فتحت عيونه و طاحت دمعه ,, ذبحتن هالدمعه و الله ,, أسماء ماتبين أوجاعه و تتصرف و كأنه سليمه ,, كل هذا عشان ما أخاف عليه .. همست لي : يوجعن بس شوي .. يآآآآآآآآآآآآآآآآ الله شفتوا تكابر ما تبي تبين أوجاعه !! أنا : أسماء أنتي تعذبين نفستس .. أسماء : الله يخليك سلطان ما أبي أروح للمستشفى .. وصل صوت ثاني لمسامعي ,, كلمات مثل النار : اقلبي وجهتس الله يقطع جنستس ... غمضت عيوني بقهر ,, ليه يمه ليه تدعين على بناتي ,, و الله إنتس تعذبينن معهن ,, موب ذنبهن إنهن صارن بنات .. أنا بعد ودي يجين ولد لكني أحب بناتي و لا أبي شوكه تمخشهن ... أنا : بتروحين غصبا عنتس تبينن أشوفتس تتعذبين و أسكت , و بعدين أنتي آخذه المسأله عناد !! أسماء : لا و الله ميب عناد بس أنا أكل مسكنات . أنا : لااااااااا لا تحاولين المسكنات مايسون شي للي مثل حالتس ,, أسماء : الا و الله إنهن يهونن .. قاطعته برجاء و أنا اضغط على إيده : أسماء طلبتس تتعالجين ,, و إذا أنا ما لي خاطر عندتس سوي اللي ببراستس ... أسماء : بس أ..أخـ...ـاف أموت و بناتي من يباريهن .. ضميته لصدري بعد ما ارتجف جسمي من طاري الموت : أسماء أنتي منتب بزر ,, تكفييييين طلبتس طيعين و ادخلي اليوم .. تكلمت من بين شهقاته : طيب بس موب اليوم .. تأففت بملل أكيد تبي تماطل بي : قلت لتس اليوم .. اعتدلت بجلسته لكن ما زال ظهره منحني و ايدينه ضامتهن و ضاغطه بهن بطنه و تكلمت : أنت نسيت إننا ما علمنا أحد عن مرضي . أنا : الحين أدق عليهم و أعلمهم . أسماء : لاااا ما أبيك تضيق صدورهم بالليل .. و كملت : خله لبكرى .. ــــــــــــــــــــــــــــــــــــــــــــــ ــ من قمت الصبح و أنا أدّعي القوه ,, لكن باين إن هالقلب شايل لين قال بس من هموم ,, كنت جالسه بالصاله و مسكره صوت التلفزيون ,, أبي أضيع وقتي و اسلي نفسي .. سمعت صوت هند تنادين من المطبخ ,, رديت عليه : نعم . هند : روحي افتحي باب الشارع ََبسرعه !! استغربت و بنفس الوقت سرت رجفه بجسمي و أنا أتخيل عزام هو اللي جاي ,, تردد صدى صوته مرةثانية : رونق بسرعه .. حبيت أفرحه و ناديته : رونق . قمت و اتجهت للحوش ,, مشيت بخطوات بطيئه ,, وصلت الباب و فتحته ,, ما انتظرت لأن المره على طول دخلت .. رفعت غطاه و صرخنا أنا وياه , مجوده الدوبآآآ جايه ,, ضميته و حنا نضحك ,, : متى بتخلصن من هالفلم الهندي .. رفعنا روسنا على الصوت وكان فيصل ,, سلمت عليه و دخلنا للمجلس ,, أمجاد : وش اخبارك يالدوبا ؟ أنا : الحين و أنتي زايرتن تنادينن يالدويا . فيص : ما عليتس منه ,, المهم قوليلي وش أخبارتس . أنا : بخير الله يسلم قلبك . فيصل : شكلتس مرتاحه اليوم .. أنا : الحمد لله .. أمجاد , وش سر هالراحه يا ترى . أنا : حلفت على نفسي إني ما أتضايق عشان احد مايستاهل . أمجاد : يا عيني على القويه !! أنا : هههههه شفتي عاد ,, تهاوشين عشان أوريتس قوتي .. أمجاد : لا يا خيتي دوبا الحين تذبحبنن . فيصل : حرام عليتس رونق دوبا . أمجاد : أهم شي إنه أسمن منّ . أنا : ذليتين على هالكم كيلو اللي خسرتيهن , أمجاد : طيب منتب مقهويتنا . أنا : ثواني و تصير القهوه جاهزه . فيصل : أجل أنا أبروح أجيب شوكلاتات من البقاله و أجي .. قمت أنا و أمجاد نسوي قهوه و أول ما دخلنا المطبخ لقيت هند مشغوله ,, قربت له و ضميته مع ورا : الله يسعدتس يا هند على هالمفاجأه الحلوه ..
|
|
«
الموضوع السابق
|
الموضوع التالي
»
Loading...
| |||||||||||||||||||||||||||||||||||||||||||||||||||||||||||||||||||||||||||||||||
العرض الشجري
