اّنّ زّاّنّ حّظّكّ جّاّبّ لّكّ (مّاّتّمّنّيّتّ )...وّاّنّ شّــآنّ خّـّلّاّ اّلّهّيّنّـهّ مّسّتّحّيّل

12-01-2015

[ الشتا برد ] واشتاقه .. واحن له واخافه
والمسـا فيه متغطرس ومتكبر واناني

والليالي فـ الشتا / تقصر ولو طال انتصافه
بـ السوالف والدفا والبرد ما بين المحاني

والحنين اللي مرافيه تهشمها ضفافه
ما لقى في صدري الا , حسرة بين المواني

من يعلم حسرة الأيام لا تشيل الكلافه
ماذبحني غير مونْتها / وتكشيرة زماني

ومن يعلمها الشتا هذا وهب كل ارتجافه
لـ الحنين اللي نصاه العيب بـ عيون الأماني

ومايحس بـ [ برد قلبك ] غير من يسكن شغافه
كل ما خيم عليك البرد . جابتة الثواني

الدفا : ماهو بـ فرو تلبسه ولا لفافه
الدفا : روحك تضمه , من غلا في روح ثاني

والشعر دمع الشتا / بالله وش عذر إنجرافه ؟
لـ اندفق من عين قلبي دمع / ضايقني مكاني !

والزمن لو باعني للضيق ما الحقته حسافه
عادته فـ الناس يرميهم وانا وقتي رماني

ماعلي معي النوايا البيض والطهر وعفافه
والزمن وش عاد لو مرة , مثل غيري نساني

والسهر والشعر الأرعن وأنـت وجسر الرصافه
موطن برد الشتا , سماه : في صدري أغـانــي !

,

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)