ديوان الشاعر ردة السفياني

تداعيات
ــــــــــــــــــــــــــــــــــ




انت من .. ومن اين ؟ .. ولمن تنتمي لاية شريحة
اه ياهـذا السـؤال السهـل كـم يصعـب عليّـه
وش بي الليلة وحيد الا مـن اسمـي والقريحـة
وارتباك اصوات تخرج مـن مواقيتـي عصيّـه
كيف اكون ابن الكلام وطفلـة احلامـي ذبيحـه
مـن يفتـش عنـي الليلـة يزيـد التيـه فـيّـه
كل ماحولـي مـن الاشيـا . تنادينـي جريحـة
مالي الا اكـون وافـي مثـل مـا كانـت وفيّـه
للنوافذ .. واختـلاس البـاب للـدرب الشحيحـة
جلسة الميسـور باحزانـه وهـو يذكـر خويّـه
قلت في نفسي على ارتـب أخطـاي الصحيحـة
واغسل يديـه بطيـن الملـح .. تستاهـل يديّـه
ياخوي البال .. طفـل البـال تغويـه النصيحـة
ضاق بي والساق بـي والذاكـرة ماهـي بهيّـة
قلت ابحلم .. واثري أحلم .. أية احـلامٍ قبيحـة
واهنيـه كثـر مايكـره فـي صـدره واهنـيّـه
من تكون .. وكيف هذا الخزي عن صمتك تزيحه
وش تقول وكفك الميسور فـي صحـن الخطيّـه
ياتخيـط الجـرح بالسكيـن ياتحفـر ضريـحـه
كون مع ذاتك ولـو مـرة وعيـش بحسـن نيّـه
ينشدك غيـم البيـاض اللـي سـوادك يستبيحـه
تسمعـه ينشـدك ليـه أسبلـت كفـك للـرزيّـة
للرضا صدر اجودي يستدرج خطـاك الفسيحـة
لين يبني خاتمـة غيـظ الرضـا نـار اجوديّـه
والصبـاح اللـي بضيـه يسنـدك ودك تطيحـه
ليه تعطيـه الظـلام السرمـدي وتخـون ضيّـه