تعــــرف فلانه

يقول اعرف فلانه قالها ضمن ماقال
الله يسود وجهه ان بار فيها

ترا سواتك ماهي سوات رجال
خل العلوم الشينه ولاتجيها

حطيتها هرجه على كل منوال
استر على ماشفت لاتبتليها

مادامها معطيتك الحال والمال
اتحبها والا لاتلعب عليها

البنت تبغي طيب وافي خصال
يحطها بعينه ولا يشتكيها

ان افرحت غنى لها كل موال
وان حزنت من ضيق فرج عليها

واليا بكت وقف على ساق ثم قال
تكفين مشي دمعتك ما ابيها

وان نادته رده يا لبيش بالحال
وان اعتزت به قال روحي خذيها

تفداك روحي يا بعد كل الازوال
ضحكة شفاتك بالحياة اشتريها

لا مرطاري للمحبة والاقبال
انا مايجذبني سوى بنت ابيها

اللي مواقفها مواقيف رجال
وتفزع معي قدام لا اعتزيها

في عينها حربه وفي خدها خال
محتكرة اوصاف الحلا كل ابيها

فيها من الريم المعزل تعزال
واقول غطي فتنتك واستريها

مثل مايستر شعرها الاسود الشال
استر عليها من العرب واحتويها

كن عينها حر ً عقب طول مقيال
طلعن وشاف الصيدة اللي يبيها

وكن خشمها سيفآ وسط ساحة قتال
تقتل به الفرسان من ضرب ايديها

وكن قدها شمعآ على شعلته سال
يعشق ديار البرد ويعيش فيها

احبها واموت فيها ولا ازال
لو روحي جروح الغلا تكتويها

هي ساحرة قلبي وهي مشغلة بال
وانا معاليقي فدا ناظريها

اما اعشقها عشق وسلوم رجال
والا يا جعل الله يستر عليها


للشاعر المبدع .. حمد البريدي~

راقت لي

طرح رائع
سلمت اناملك
ويعطيك العافيهه

صح إلسآنك وطآب هِتآنك ,
آبيـآت رآقيـه وأكثر ,
مآننحرم من جديدك آللآمنتهي ,
وبِ إنتظآر المزيد من هذآ الفيض ,
لقلبك السعآده والفـرح

روعه
صح لسان شاعرها
وسلمت ذائقتك الجميله
الف شكر

..
فاح العبق وأندلق عطركم
لاجف مداد هذا السكب ي أحبه
يأبى آلآبدآع آلآ وآن يگون ملازما لكم
صفَحَه ترتَقِي بِالْجمَال الْعَاطِر
لَاعَدَمَنَا رَوْعَة مَجُهُوْدِكم
دُمْتم بِوِد وَكُل الْوَرْد

صح لسانك ولسان شاعرها

قصيده جدا جميله وفيها سلاسة
معنى

اشكرك على تقديمها بهذا الشكل الانيق

صح لسان شاعرها
ويسلم يمين ناقلها
يعطيك العافيه وسلمت الأيادي
بإنتظار جديدك بكل شوق
مودتي

طرح رائع قلبي

طرح رائع جداً
راق لي متصفحك
تحيااتي

تقف الكلمآت عآجزة ..
عن وصف روعةحضوركم ..وعذوبة ذوقكم ..
تسلم يمينك على روعة مروركم وآنتقآئكم لكلمات ردكم..
لروحك آكآليل آلورد