وشلون بلقى لي وطن وبداخلي منفى كبير

سئمت من ( رتم الحياة ) وصرت لـ أحلامي أسير !
ومليت من .. ( تخاذل اقرابي ) .. وحبيت الغياب

أثر محاتاة المصير ؟ ( تزوّد غموض المصير )
واللي ( تأمل ) في أكتئابه ؟ لا صحى زاد اكتئاب !

عقب المتاهات هذي .. استحق استريح ؟
ابطفي انوار عيني .. واسدل ستارها !


خلوني اصد .. دام الصبر عندي شحيح
مالله خلقني من الصحرا .. وصبارها !


ماعاد فيني اوقف لجل اوقف واطيح
اشوف لي من ملامح .. بحفظ اوقارها !


اخطيت .. بس الخطا كان بعيوني صحيح
( وكل الخطايا بريئه .. قبل تكرارها ) !


الله يسامح غلوي .. بالغرام و يبيح
من صارلي اغلب احلامي .. ولا صارها !


ليه اكتب الشعر .. واوراقي مداهيل ريح
تطير لـ آبشع جروحه ، اجمل اشعارها !


من غاب عني .. وانا اغتابه بكل المديح
اصغر اكبر اذنوبه .. ببسط اعذارها !


مايسمعك من بغا مايسمعك لو تصيح
كم لي وانا .. مهمل دروبي وخطارها !


صرت اتبسم على حزني .. وقلبي جريح
كبر المصايب .. تضحكني .. بأصرارها !


تبي الحقيقه .. وهي جل الكلام الصريح
بعض الاماني .. انا ماكنت مختارها !!

وشلون بلقى لي ( وطن ) ؟ وبداخلي ( منفى كبير ) !
وشلون ببني بيت لـ ( أمالي ) .. وبعماقي ( خراب ) ؟

ماهو أليم ( إحساسي بغربه ) .. ولا حولي ( عشير ) !
بس الأليم ! إني ( مع أحبابي ) وعايش ( بإغتراب ) !

المدخل والمخرج لـِ : عازف الضاد سعود بن مهدي
النص لـِ : المبدع سعد بن هندي