وللفرحة حكاية ...

كـانوا يـالسين في صـالتــهم الصغيــره..والفـرحه مبيـنه على مـلامح ويـههم..
عـايشه: الحمـــدالله والشكـر لك يـارب..عشـرة آلااف نعمـــه..
يوسـف: هي امييه الحمدالله قـدرنا انيمع هالكثـر خـليهم عندج مابنصرف منهم شـي..الي عندج الحين بيكفينا لين آخر الشـهر..
عايشـه: الحمدالله يـاولدييه الحمدالله..واجار البيـت بعد افتكينا منه يـزاه الله خير الريـال الله اكـرم عليه وعطانا البيـت الله يــزييده من خير ان شاء الله..
مـروه: انزين امييه دام ان وضـعنا اتحــسن انا عندي طــلببين..
يوسف: صــح وضعنا اتحــسن بس هذا مب معناته نيلس نطــلب..لاازم نــوفر قـد مانقـدر..
عايشه: ما علييه يا يوسف ..قولي ياامي شــو تبين؟
مـروه نـزلت راسـها بحزن..: خلااص ماابغي شــي..
يوسف: اسفيين حقج علينا انسه مروه يالله قوولي شو تبييين..؟
مروه: ابغي شوية لبـس ومريوول يـــدييد حق المدرسه ..
عايشه حز في خـاطرها هالكـلام وعورها قـلبها لاان المفروض انها من روحها تـوفر لها هالاشـياء..: ان شــاء الله فـديتج بـاخذلج..
يوسف: ههههه مــدرســـه..مال اووووول..
مـروه: اندوووكم الي يسمع يقول من 20 سـنه الاخ متخــرج..
يوسف: هههه قوليلي شـو ناويه علمي والا ادبي؟
مروه: عــلمي طــبعا..اخوي الخقاااااق مب احسن عني..
يــوسف: ههههه خقـــاااق مره وحده!!..حرام عليج..
شيـخه: ماما..ماما..انا بعــد ابي ملاابس وااااااايد..وهي توســع ايدينها..هالكـــــــــثر..وشنطة باربي حق المدرسه
مروه: اخييي انا مااحـــب الي يقلدووون..
عايشه: حبيبتي انتي ان شاء الله باخذلج..وانت يــا يـوسف مب في خاطرك شـي؟؟
يوسف: لااا امــي فديتج مشكووره انا ماابي شــي الحمدالله ماعليه قصوور..
عايشـه: انزين يــالله مروه امي نشـي خلينا انسير انزهب العشا..
مـروه: ان شـــاء الله..
.........................
حمـد تـوه وصـل البيــت..نـزلـت حمده من المـوتر ودخـلت بيتهم ووياها عوشه..وحمد ومـريم بعد سـايرين صـوب بيتهم..حـدروا داخل وحمد كل شـوي يشـوف مريم بنظـرات لــوم ومريم تـرد له بنظـرات عاديه مع ابتسامه وكأنه مـب صـاير شـي..اول مايبون يركبون الدري.يحط حمد الاجيـاس الي فيهم الاغراض الي شـروها عالارض...وينــاديها..مــــريم..تصـد مـريم صوبه و تشـوفه باستـغراب والابتسامه على ويهها..يسير عندها ويـوقف مجـابلنها يطالعها وهـو مبتسم
مـريم: هههه حمــد اشفييك؟!!!
حمد: حبي مب ماخـذه في خـاطرج عــليه؟
مـريم: لاااا ليييش؟!!..
حمد: فديتج انا متلوم منج لااني صـارخت عليج اليووم..
مريم تبتســـــم ..: لاااااا عادي مــاصار شــي..انا نــاسيه اصــلاا..وبعـدين من حقك اتعصــب.. انا الغــلطانه ماكـان المفروض اتأخـــر..
حمـد: بس شفتــج وانتي تذرفين دموعج..
مريم..( وهي تنزل راسـها بحزن)..: لانك اول مـره تصـارخ عليه ومب متعوده على هالشي منك..(ترفع راسها وتبتسم).. بس عادي حمــد انا نسيت كل شي و شرات ماقلتلك من حقك تعـصب..
حمـد وهو يبوسها على راسها..: انا آســــف غـــــناتي وحقــج علي..
مـريم: شــو رايك الحيـن ننســى الي صـار ونسير فوق نشـوف الاغـراض الي خـذناها؟!..
حمــد: يلا فـديتج انســير..شل حمد الاجيـاس بايــد ولـوى على جـتفها بيده الثانيه وهــم يروحون فوق
.
.
في حجــرة حمــــده..
حمـــده يالسه عالكـرسي مال التسريحه مجابله المرايا وتسحي شـعرها..اما عوشه متسـانده عالسـرير..شلت تلفـونها واتصـلت في جاسم..
جـاسم: غـبر غــبر تلفوووني..نعـــم شو تبين؟!!
عوشه: هههه خيبه خيبه ليش عاد
جاسم: شوو لييش بعد؟؟!!!...انا زعلان منج لاا ترمسيني انزين..يوم انا هناك تقولين لي رد ورد والحين يوم رديت مااشوفج اتقرين في البيت..خلااص شـكلي برد بريطانيا..
عوشه: ههههه لاا والله بــذبحك لو سـويتها..انزين شو اسـوي يالسه في بيت عمي عشان مريووم بتسافر الاسبوع اليـاي ومابشـوفها..ان شاء الله بتفرغ لك من الاسبوع اليــاي..
يحـــليلج يا عووشه..شو بتسـوين لو عرفتي اني بسـافر قــبل مــريم!..
تصـد حمده صـــوب عوشه وتزاعج..: لااااا واللــــــه!!..يعني عشان مريوووم هاااا..طلعي طلعي برع من بيتنا..وبعدين تعالي ..منو تكلمييييين هالوقـــت..ترى تلفونات نصـايف الليل انا مااحــبها هااا..
اضـــايج جــاسم من ســمع صوت حمـــده..
عوشه بـــدلع..: حبيييييييييبي هاي بنت عمي ..ياربييي كريييهه كريييهه..كله تبـي تزاعج..مااتعرف اني انا رقيــقه ومااتحمل..
حمــده مبقــقه عيونها تطــالع..: اياالي ماتستحييييين على ويــــهج..مغـــــازل عيني عيــــنك..عطيني..عطيني التلفوووون خليني اادبـــــه..
عوشه: ههههه حبيبي بنت عمي بترمسك لحــظه..
حمــده خــذت التلفون عنها..: الوووووووو
جاسم وحـاس بضــيج وعوار في القــــلب وبصوت خفيف..: الو
حمده: الووووووو مااسمع..
عوشه: ههههههه غربلات ابلييييسج والله دفشــــه...اييه ترى حبيبي شراتي انا رقيييق رمسيه برقـــه ههههه
جاسم: هلا بنت عمي..اشحالج؟!!..
حمده: اوووو جااااااااسم...ههههه اوني عاد ماكـنت اعرف..تماااام والله شحالك انته
جاسم: زين الحمدالله..
حمده: وشو علومك شو مســـــوي..
حمده: والله الحمدالله عاااااايش..
حمده: عـــــااايش!!..لاااا انت جاااسم ههههههه
عوشه: هيهيهيهي نكتتت..
جاسم من دون نفـس..: ههه..اقووول,, بنت العم انا بسكــر الحينه اوكيه..
حمده: اوووووكيـــه خلااص خلنا نشوفك عاد..
جاسم: اووكي مع الســـلامه..
حمده: مع الســلامه..
عوشه: لحـــــــظه لحــــظه لا تسكريييييين..
حمده: اقوول جاسم,,لحظه عوشووه تباك..
عطتها حمده التلفــون..
عوشه: الووووو..
جاسم: هلا عوووشه..
عوشه: جاااسم تعال باجر مــــــر علي ظــهرني من زمااااان ماظـهرت وياك..
جاسم: ان شاء الله..
عوشـه: يلا فــديتك مع السلامه..
جاسم: مع السلامه..
عــوشه بعد مـاسكــرت عــنه صـدت صوب حمده الي كانت يالسه حذالها ..: هاااا اشـوف الحبييب كان في ميـركاتوو اليــووم..وانا اقوووول ليــش ضــيعت عمرها عنا اثاريها مواعـــدتنه..
حمده تشـــهق..: اسكـــــــــــتي ماخــــبرتج شو استـــــوى..اااخ لو اقولج شو استـوى والله مابتصــدقيييين..
عوشه: لييييش شو استـــوى ؟!!!...
حمـده: كـــــله منج انتي اسميييني كـــرهتج يوم ضعت عــنكم..اقــولج خليج ويــايه انتي خلي حمد ومريــم على راحــتتهم..لااااا ..لااااصقــه فييييهم الا اتخــرب علييهم..

عوشه: تراج اتملليـــن الواحد انتي..بس تسيرين صوب الاشياء الي اتعيبج وتوقفيـــــن ساعه بس تتطــالعييين شي واحد وجان زين تاخذييينه عقب..اخر شــي اتحطينه مكانه..المهم يلا يلا قولي شو استـــــوى؟!!!...
حمــده: ااااه لو اقوولج شــــو استـــــوى.....
عوشه تقاطعها: اوهووووو الحين بترمسييين والا شوووه
حمـده: بس بــذبــحج لو خبرتي حد..
عوشه: هاي الي بتذلني الحين..يلا قووولي مابخــبر حد..
حمده: انزييين اسمــــعي..,,تمــت حمده اتقولــها السـالفه من اول ماا ضاعت عنهم ويـوا الشباب يلعوزونها ليـن مالحقـت حارب داخل المحل وشافت شـما..وعوشه تسمع السـالفه وهي منــدمجه ومبحلــــقه عيوونهــا..
عوشــه: معقـــــــــووله كل هاا استـــوى ؟!!..وانا اقووول بعد يوم شفتــج ويـا شما شـكلج كنتي يالسه اتصيحين من الخاطر..قلت في خاطري معقوله هاي كانت اتصيح جيه لاانها ضاعت!!..
حمده: اقوولج انا ماكنــت حاسه بعمري كـــنت ارتجـــــف والله..
عوشه: بس والله حروووبج هذا طــلع مب هيــن.. ريـــال شــهم والنعــم فيه..زييين ســــوى فيهم ..ههههه اونه مـــرتي..حلييله مستعــــيل..
حمده: هههه عيل شــو تبينه يقولهم!!..لاازم يقولهم جيـه عشان يتأدبووون الخياااااس..
عوشه: لا بــــس عيبني حروووبج..لولااااه جــان نحن مب محصلينج لين الحين..
حمده: هههه لااا عاد مب لهدرجه والله يهبوووون انزين مايرومون يسوون شـي في مكان عاام..اسكتي والله مالي ويـــه اجــابله بعــد الي صـــار ماادري شـو بسـوي يوم الملجه..
عوشه: عاادي مــافييها شـي ..احسن يوم استـوى موقف جيـه جمعكم في بعـض عشان اتخف المستحـى بينكم يوم الملجه..
حمده: امحــــــق موقــــف
عوشه: هههههه لاا بس عجييييب الصــراحه..حــلااته اصلا..شفـــتي من كثر ما عيــبتي علي..يقولج من عاب ابتلــــى..
حمده: هههه هي والله صــدقج وانا ابتليييت يا حظـــي ابتليييت..
عوشه: هههه انزين يا حــظي مب ناويه تنخــمديين..
حمده: لاا لاا لاا بنيلس بنــرمس عن الملجه و التجهيزات والاشياء الي بنسـويها..
عوشه: سيري لااا انا فيني ارقــــاد..
حمده: بعده وقــــت الحين بترقدين؟!!!!..
عوشه:اممم شو رايج انسير بيــــــت حمد عند مريووم..
حمده: اندووووكم صدق ويهها لوح هاي..بعد تبين اتسيرين عندهم تخربين عليهم!!..ماكفاج في السنتر..
عوشه: عااااااادي ماسمعتي مريووم اتقول اي وقت تبون تعالوو عندي!!..
حمده: هييه وانتي مااتصدقيين..قالت هالكلام بس المفروض من روحنا ماانسير هالوقــــت..مب وقـت زيـارة الحينه..
عوشه: جيييه وين ســايره انا الا بيت اختيييه..مب وقت زياره اونه..
حمده: بيــــت اخوي لو سمحتي..
عوشه: لاااااا بيت اختيييه..
حمده: عكيييفج هووو..اخوي الي مسوي البيت انزييين..
عوشه: ههههه والله حاله..شرات اليهااال ولا جنها بتملج جريب..
حمده: هههههه خليني اعيش حياااتي هالكمن يوووم عقب لاازم اعقــل شويه..
عوشه: ههههه شـــويه بعد!!!..ومتى ان شاء الله بتعقلين واايد ههههه
حمده: ههههههه ماادري بفكر فيها..المهم قوليلي الحين شو قررتي شو ندرس؟؟
عوشه: قلتلج تراني ادارة اعماال..بزنس بزنس..
حمده: خلااص بزنس بزنس..
عوشه: هي وعقب بنفتح شـركة انا وانتي..شو رايج..
حمده: يصير خير ان شاء الله..انا اقول لو تنخمديين وايد احسن..
عوشه: هههههه انا بعد اقوول جيه قمت اخورها اشووف..شو انتي مابترقدين..
حمده: بـلى برقـد وياج..
..............
اليوم الثاني..اول ما نش من الرقــــاد طلع من حجـرته على طوول وكأنه يتريا ينــش من القهــر الي يحــس فيه..الكلام الي سمعــه امس مستحييل يطوفــها..ولاازم يخلييها تتأدب عشان مره ثانيه مااتسيـــر واتقوول كل شــي..هذا وهوو محذرنهم انهم مايخبرون..دش الصـاله ولحسـن حظـه لقـاها يالسه تلاعب سيف ولد خوله..
مـايد بصــراخ وهو يتقرب منها..: منووووووه!!!..
منى اهني زاغـــت منه ونشـــت من مكانها..: هااا مايد اشفيييك!!..
مـايد بصوت عالي: تبين اكســــر راســـج الحيييينه!!!!..انا ماقلتلج لاا تقوولين حق نوال عن شــــما..ليش تسيرين اتخبرينها هااا!!!..
منى: والله عســب اتعرف ليش انت متغير عليها..مب تفكــر في هاي شمـــا الي مايابت لنا الخييير وانت مالج على المسكيينه نوااال..
مــايد: وانتي اشدراااج اني انا يالس افكــر في شماا هاا اشدرااج
منى: بعد محد غيرها بتشغل تفكيييرك اونك يعني ميت في حــبها..على شووو ماادري..جمالها مايســاوي نص جماال نواال..انا حاسه انهم مسوينلك ســحر يمكن لاان البنت مريضه ويالسه على جبدهم ويبون يفتكوون منها ويبونك انت تبتلش فيها..
مايد ما حـــس بعمره الا وهوو يسطــرها بطراااق من الخـاطـــــر وبعد ما كفااااه..قبضــها من شــعرها بكــــل قوته وهو يصــارخ..: انتي ماتستحييين على ويهج اتقولييين هالكلام..هاا ماتستحييين على ويهــــج..انتي شــقااايل ترمسيني جييه اصـــــلاا..لســـانج طــول اشـــوفه
سيــف كان يرتجــف وزاااايغ..راح ركـــض يزقر امه..
منـى وهي ميـته من الالم واتصيييح من الخاطر: ااااه ااااه مايد يعور والله يعوووور دخيلك هدني انا آسفــــه ااااه مااايد الله يخليييك هدني..(شـافت خوله يايه صوبهم تربع..)..ااااه خوله تعالي بموووووت خووله ااااه..
ســحبت خــوله منــى من ايــد مـــايد وتمت وراها تصيح من العواااار وهي تتنافض من الزيغه..: بلااااكم انتووو..ماايد انت اشفييك عليها مااتقولي اشفييييك..ليش يالس تضــربها..
مايد: عشان مره ثــانيه تتأدب وتسمع الرمســــه الجــلبه..وراح عــــنهم..
مــــنى: ااااه خــــوله اااااه..لو امــي وابوووي عايشيين جان مااتجـــرأ ومد ايــده علي..
خوله وهي تلوي عليها: بس حبيبتي بــــس قوليلي شو مســـتوي شو السالفه..
منى: بس عشــان قلت حق نواال انه هو كان يحب وحده اسمها شـما قبل..
خوله: لا حول ولا قـوة الا بالله بس عسب جييه..وانتي الله يهدييج ليش اتسيرين تقولين لها هو قايل لا تقولوون..
منى: انا ماادري انه هااي نوالووو بتسير اتقووله..
خوله: خلااص فــديتج خـلااص هدي ..

مـايد وهو سـاير سمع كــلام منى قـبل لايـدخل حجـرته وهي تقوول ( ..لو امــي وابوووي عايشيين جان مااتجـــرأ ومد ايــده علي..)..حــز في خاطره وااايد هالكلاااام ودخل حجــرته ..اتساند عالباب ورد راسه على ورى وغمض عيونه ودموعه الحـــــاره تنزل على خدوده..من الكلام الي قـالته مــنى..يحــس انه محتاجهم واايد..صح كلامها لو كـانوا عايشيين جان مااتجـرأ ومد ايده عليها..ويمكن كانت بتكون حالته احــسن من جييه..يمكن امه كانت تـرضى انه ياخذ شمــا..قلب الام طيــب ودووم مع ولــدها..راح صوب السرير وتم متســاند عليه وهو يذرف دموعه من دون لايحــس ..خذ صورة امه وابووه الي كانت في برواز محطايه عالطاوله الصغيره الي عند السرير..اااه الله يرحمكم والله انكم في قلبي ياامي وابووي ومستحييل انساكم.. حب الصوره وردها مكانها وحس بعوار في القلب لحظتها وظيج مب طـــبيعي..لااول مره يــمد ايده على منـــى..تم يطـالع كـف ايده كان محمر من الطــراق..الحين بس حــس بلووم وكســرت خاطره يوم اتذكر كيف كانت تتــرجااه عسب يهــدها لاانها حـاسه بألم..شــل تلفوونه وبالغلــط دق رقــم شــما لاان العاده لو مضايج يتصل فيها..مسحه بســرعه واتضـايج زياده في هاللحظه..مالقــى جدامه الا نواال يمكن تقـدر تخفف عنه..
نواال: هلا والله هلالا مااايد..
مـايد بصوت مبحووح: اهلين,,اشحالج
نوال: الحمدالله بخير..(باستغراب) مايد بلااه صوتك.؟!!!..
مايد: ااه انا مضـــايج!!..
نوال: خيـــــر فديــــتك من شوو مضـــايج!!!!..
مايد: مديت ايدي على منى توه..
نوال تشــهق وهي منصــدمه : وليش مديـــــت ايدك عليها حليييلها!!
مايد: لاانها قالتلج عن شــما..انا ماكنت ابغييج اتعرفيين منها..يوم انا ابغيج اتعرفين روحي بقولج..
نوال: مايــد حرام علييك عشان قالتلي سرت ومديت ايدك عليها..لو ادري جييه جان ماخـــبرتك..
مايد: متــلوم منها مب عارف شـو اســـوي..
نوال: حبيبي شو رايـك اتسير تعتذر منها؟!!..
مايد: لااااا..ماابغي اطـلع من الحجــره محتاج ايلــس روحي شــويه..
نوال: خلااص انا الحين بتصـل فيها وعقب برد اتصل فيك اوكييه..
مايد: اوكي باي..
نوال: باااي..
سكـرت عنه نوال واتصـلت حق منى بس ماكانت اترد عليها لاان التلفون في الحجره ومب وياها..حاولت مره مرتين ثلاث محد يرد..آخر شي قررت تتصـل على تلفوون البيـت..اتصلت وخوله ردت عليها..
خوله: الووو..
نوال: الووو سلام عليكم..
خوله: وعليكم السلااام هلا نوال..اشحالج؟؟
نوال: الحمدالله يسرج الحال..اشحالج انتي..
خوله: تماام ربي يســلمج..وشو اخبار الاهل ان شاء الله كلهم بخير..
نوال: الحمدالله كــلهم بخيير..اقول خوله..بغيت منى لو سمحـتي..
خوله: ان شاء الله..مدت التلفون لمــنى عشان اتشــله..خذي نوال تبااج..
مــنى وهي اتصــارخ: قوليييلها اتســكر ماابغي ارمســــها..هذا يــزاا الاحســـان الحينه!!..خليت اخويه يملج عليها وهي تبا تخرب من بيــــــنا..هذا ملج عليها وجــيه وين لو خــذاها عقب خلااااص يمكن ينســى انه عنده خواات بعــد..
نوال سمعـت كل الي قالته منى وانصــعقت من هالكلام سكــرت التلفوون وتمــت اتصييح..وخوله افتشلت وايد من كلام منى
خوله: يالفشيــــله!!..منووووه انتي شو ياااج..ليش اتقولين هالكلاااام جدامها هاا..حرام عليج ربيعتج هااي..
منـى: مب ربيعــــتي خلااااااص..هاي عــدوتي مب ربيعتي..
خوله: بس عاد منووه هي حليلها اشذنبــها..وبعدين انتي ماقلتيلها مااتقوله شو عرفها مسكينه..
منى: لاا واللــــه!!..المفرووض اتعرف من روحها بس هي متعــمده..
خوله: الله يـــهديج بس..انا الحين مب عارفه كيف ارمس او اتفاهم ويااج..يوم بتهــدين لي كلام ثاني وياج..
................

..عقــب صلاة المغــرب..رن تـلفون أميـره وردت علييه..
اميـــره: هلا واللــــه..
نوره: اهليييين..يلا اظهري..
اميره: هههه اندوكم..قلتلج انا مااقدر اظهــر..يلا بلا مصاخه نوروووه انزلي..
نوره: يعني شو بيستويبج لو ظــهرتي..كششخه والله بنحوووط في السياره شرات ايام قبل اتحيدين..
اميره: هههه هي والله ايام حلوه كانت بس تدرين الحين كبرنا..
نوره: ههههه اونج عاد الحين كبرتي..يلا اترياج انا هاا يالسه اهرن تسمعييين!!..هههه
اميره: ههههه غربلات ابلييييسج لا تهرنييين عمي بيظهر لج..
نوره: هههه وااابووييه بشـــــرد..يلا خست وانا اترياج اميرووه
اميره: نوروووه والله مااروم اظــهر..انزلي انتي شو ماتبين تشوفين بيتنا!!..والله محد يــــالس ريلي طاالع..انا روحي يالســه..
نوره: والله ودي بس.....
اميره: لاا بس ولا شـــي يلا انا بوقف في الحوي بترياج..
نوره: انزين بس مابطــول هااا من الحين اقولج..
اميره: انزيين انتي تعالي الحين..
نوره: خلااص اوكي باي..
اميره: باي..
طـلعت اميــره وتمت تتريا نوره تنزل..شوي ودخلت نوره..سارت اميره صوبها وسلمت عليها وحدروا داخل..
اميره: قـبل لا تيلسييين تعالي خليني اراوييج البيــــت..
نوره وهي تطــالع حوالينها..: لاا ماشاءالله حلووو..
اميره: طـــبعا حلوو..انا الي محليتنه..
نوره: هههههه دخيييلج..
اميره: هههه انزين تعالي نسير فووق..
نوره تطالع اميره من فوق لين تحت: اووووه ماشاءالله انبانت الكرشه اشووووف..اي شهر الحين..
اميره: ههههه بس لاااا عقدتوووني تراكم..الحين في السادس..
نوره: هههه زين زين ماشاءالله..اتربين بالسلامه ان شاء الله..
اميره: ان شاااء الله..يلا نسير..
ساروا اميره ونوره فوق وتمت اميره تراويها الصاله والحجروعقب ودتها حجرتهم..
اميره: احم احم,,ها شوو رايج..؟؟
نوره وهي تمشي صوب التسريحه..: حلوه الحجره ماشاء الله ..انتبهت على صورة راشــد في برواز عالتسريحه..كان متعصــم في الصوره وشعره شوي طالع من تحت الغتره وكان شابك اصابعه في بعض وحاطنهم على حنجه..الي محلنه اكثر ابتسامته ونظراته الجذابه وكانه هالنظرات موجهه للي يطالع الصوره....ونوره حست وكانه يطالعها..الي يشوفه في الصوره مايقول هذا راشد العصبي اللعاب والي تطلع منه سوالف مب زينه ..ومحد يقول هذا سبب في عذاب نوره الي لين الحين اتفكر فيه مرات ومب طايعه تنساه بالرغم من الي سواه فيها ومن الكلام الي سمعته منه ..الشي الي تتضايج منه ومب حابتنه في عمرها هو احساسها بالغيره اتجاه اميـره..هي مااتبيـن هالشي وتحاول تتجاهله قد ماتقدر كلما تتذكـر الي سواه فيها راشـد والعذاب الي سببه لها.. او السبب في عذاب اميره الي مهما يكون زين وياها تحس انها مب مرتاحه وياه لاانهم مب متفاهميين هذا اول شي وثاني شي راشـد عنيد ومايتنازل عن كـلامه لو شـو مايصير..يبي يسوي الي براسه وبس ومايحب حد يقوله لاا تسوي هالشي..أبدا مو مبين عليه هالمواصفات..شكله كان طيـــب وهادي وحبوب في الصوره..شلت عيونها بسرعه من على الصوره لاانها كانت مركزه عليها فتره بس فتره قصيره ممكن نقول لوهــله بس..وعقبها وجهت نظراتها لأرجاء الغرفه..بس مازالت الصوره في بالها ومب مركزه على الاشياء الي حوالينها في الحجره..تقول في خاطرها جان زيـن الملامح الي اكتشفته في راشد في الصوره تكون حقيقيه..لو كانت شرات الصوره جان ماســوا راشـد وياها الي سواه..
نوره: لاا ماشاءالله راهيـه الحجــره..اقوول..ماوديتيني صوب الحماام..ههههه ترى اهم شـــي عندي ديزاين الحمام انا..
اميره: ههههههههه خس الله ابليسج نوروووه شو تبين بالحمااام..تعالي انزين خل اودييج..لاا ماعليج حمامنا راقــي شرات حمامامات الفنادق..
نوره: هههههه اونه..يلا راويني عيل
اميره: هااا شو رايج؟؟!!..
نوره: يا سلاااااام..لا فنااان الصراحه ..
اميره: هههه انزين يلا نسير نيلس تحت..
نوره: لا بس بروح انا الحييين..
اميره: شووووووه!!!..وين بترووحين؟!!..
نوره: بروح البيـــت بعد وين برووح..
اميره: لاااا حبيبتي مابتروحيين الحينه..ماوحالي اشوفج..
نوره: انا ادري انتي جي بتسويين فييه مابتخليني اظهر..
اميره: هههه والله اشتقـــت لسوالفج نوروووه..
نوره:حتى انا والله..يلا انزين انسير تحت..علشان خاطرج بيلس شويه..
اميره: فديتج والله..يلا انسير..
ونزلوا ويــلسوا في الصاله تحت..
اميره: انزييين وبعد شخبارج؟؟
نوره: الحمدالله بخييير وشخبارج انتي
اميره: زيييينه الحمدالله..مابغيتي اتين بيتنا..مليت وانا كل يوم ارمسج في التلفون بس كنت ابغي اشوفج
نوره: وانتي اشحقه ماتييين ؟!!..
اميره: لاااا انا العروس المفروض انتي اتين عندي..
نوره: شو شو ..شو قلتي !!..وانتي لين الحين تتحرين عمرج عروس!!..خلااص ياامي استويتي جديمه انتي بعد كمن شهر بتستوين مااما..ههه قالت شوو قالت عروس..
اميره: هههههه لاا لاا مايخصـني بعدني عروووس..
نوره: هههه انزين انزين عروس..
اميره: اقووول نورووه لا تنسين الاسبوع الياي يوم الخميس ملجة حمدووه..لاازم اتينها..لين الحييين حاطه في خاطري لانج ماييتي ملجتي..
نوره: ههههه الحين حمدووه بعد كبرت وبتملج..هههه لاا فدييتج لا تحطين في خاطرج ترى قلتلج مارمت ايي..ملجة حمدووه ان شاء الله اكيد بيي..بس وين الملجه؟
اميره: الملجه في بيت اخويه ان شاء الله..
نوره: بيت اخوج وين في نفس حوي بيت ابوج صح؟
اميره: هيييه..
نوره: وليش ما بتسوونه في بيت ابوج؟
اميره: حمدووه قالت الا تبا يكون في بيت اخوي لاانه يــدييد..وصالة بيت اخويه بعد احلى بــواايد ..واسعه وديكووره فنااااان تحسين جنج في صـالة فنادق..
نوره: ههههه حشاا ..انتو كل شـي عندكم شـرات الفنادق..الحمام وقلتيلي شرات حمامات الفنادق والصاله تقولين شرات صالة الفنادق ماباجي الا اتقولين بيوتنا شرات الفنادق..هههه قلنا اتخققي بس مب جييه
اميره: هههههه هي حبيبتي شو اتحرين عيل ..على طرف لساني يايه اقوله بس انتي قلتي هههه
نوره: ههههه ويا فيسج..
اميره: انزيين نوروووه خلااص استويتي عيووز متى ناويه تعرسين؟
نوره: هههه يلا جان عندج حد طرشيه صوبنا..
اميره: ههههه انتي خقاقه اصلا..كل حد اييج ترفضيين..امم اقول نورووه..لين الحين ترمسين هذا الي مااعرف شو اسمه..؟!!!..(قصــدها راشـــد)..
نوره: لاا لاا شرات ماقلتلج مودرتنه من زمااان..(تتنهــــد)..طلع مثل ماقلتي عنه ..نــذل وحقييير..
اميره: شفتي كيف..الحمدالله ان الله كشـــفه..بس ماقلتيلي هو شــو ســوى؟؟
نوره: تزوج بنت عمه..
اميره: والله حقيييير ومايستحي على ويهه الخااايس..يوم اقولج هاييله بس كلام كنتي تقولين لااا هذا غيير..كان مواعندج انه بياخذج بس عشان انتي تظهرين ويااه ..ماعليه حبيبتي الحمدالله انها يت على جيه و انج ماطاوعتييه في الي يقووله..انا قلتلج من البدايه ترى الي تسوينه غلط بس انتي الله يهديج..
نوره بــدت تدمع..: اسكتي اميرووه انا روحي نــدمانه..
اتقربت منها اميره ولوت على جتفها..: بس فديتج انا آسفه لاني ذكـرتج..خلااص قولي الحمدالله انها يت على جيه..والله اني كنت خايفه يقص عليج او انج اتسوين الي يباه..انتي حليلج عبالج الحين هذا يحبج صــج وكان عادي اتسوين اي شـي علشانه..بس الحمدالله الحمدالله ان الله نجاج منه..
نوره: اه الحمدالله...(اطالعت اميره وابتسمت)..انزين ماشي ماي عصـــير شي...ريجي نشف تــرى..
اميره: ههههه يا فشييلتي..خلااص قومي وياااي خلينا نسير نسويلنا شـي نشـربه وشي ناكله شو رايج.؟؟
نوره: هههه والله حاله..المفروض اتضيفني و اتيبه عندي لين اهني..يايه بيتهم وتباني اسير وياها المطبخ..
اميره: ههههه هي عيل شووو..عيل تبيني اخليج روحج يالسه؟!!..جي امنوو انتي الا نوروووه صديقة الطفووووله..هههه يلا نشـــي...
نوره: ههههه يلا يا صـــديقتي انسير..
.
.
راشــد وصــل جريب البـيت وشــاف سياره واقفه برع..جرب صوبها وانصـــدم من شاف رقم السياره..وبنفس الوقــت انقــهر من الخــــاطر..اظااهر هااي مايفيد وياها الا انفــذ الي في راسي..انا براوييج يا نوروووه..بتعرفين الي مايسمع كلام راشد شو بيستويبه..حرك موتره ودش داخل البيــت ..وتم يتــريا يشوف نوره تظــهر عسب هو يــدخل..كل دقيقه اتمــر ايحس بقهــر زيــاده ويحس انه كــرهه لهالانســانه يزيييد ويبي ينتقــم منها ابأي طــريقه..اففف الجــلبه شكلها مطــوله..براويج يا نوروووه براويييج..مر نص سـاعه وهو يتـــريا..شوي وشــافها ظـــاهره ووياها اميــره وكانوا يسولفوون ويضحكوون وهذا الي خلا نار قلبه يولع ويشتط من الخاطر..مايبغي يشوفها ويا اميــره جييه والي قاهرنه زياده انه هوو قايلها مايخصها في اميـره بس بعد ماتسمع الرمسه..اتعانديني هاا..ان ماخليتج تندميين يانورووه مااكون انا راشــد..اول ماشافها طــلعت نزل من الموتــر وهو يمــشي عالسريع صوب البيت يبغي يسـوي الي براسه من القهـــر الي يحس فيه..حدر داخل وشاف اميره يالسه في الصـاله..ســار عندها..
راشــد: انتي وبعــدين وياج يعني..ليش ماتسمعيين الرمســـه!!..
اميره: اشفيك شو السالفه!!..
راشـد: انا كم مره قـــايلج تقطعييين علاااقتج ويا هاااي..
اميره: اقطــع علاقتي ويا امنووو
راشـد: لا تستعبطييين..هاي الي كانت عندج اهنـــي..!
اميره توقف عـنده وهي مستــغربه: وانت اشلــك فيها راشـــد..ربيعتي ويايه عندي البيت شو فيها يعني؟!!..
راشـد يصـارخ: هاي بالـــــذات ماابغيها اتي عندج فاهمه؟!!!..وابغيج تنسيييينها خلااااااص تقطعيين علاقــتج وياها..
اميــره وهي منصـــدمه..: واشمعـــنى هاي بالذات..راشــد شو السالفه انت تعرفها؟!!..
راشــد: ههههه وفي حـــد ماايعرفها هااااي؟!!.خليني ساكت بس..
اميره مبهـــته : راشـــد انت شو تقوول؟!!..ربيعتي هاي ربيعتي من واحنا صغار هي ويايه لين الحينه..انته شو اتعرف عنها؟!!..اشدراك فيها اصلا..
راشـد: اعرف كل شـي عنها انا..شو تبيني اقولج..اقولج انه هاي وحده خربانه رايحه فيها..ماتم واحد في البلاد الا واترمسه !!!..ربعي كلهم يعرفوونها!!
اميـره: انت اكيد مغــلط راشـــد..هاي غير مب الي انت ترمس عنها..هاي ربيعتي شرات اخــــتي..مستحيل اتســوي جييه مستحيييييييل راشــد..دخيلك لا ترمس عن بنات الناس الله يهدي الي من هالاشكال الي تقول عنها ويستر عليهن
راشـد بهــدووء..: اميــره..تبيني اقولج اسمها عسب تتأكديين يعني؟!!..
اميـره وبدون اهتمام: شو اسمــها؟!!!
راشـد: مب اسمهــا نـــوره؟!!!..
اميــره واقفه مبهــــــته تطالعه مب قادره تستوعب او تيمع الي تسمعه..: شو عرفك فيها!!!!!
راشـد: اقولج كل ربعي يرمسوون عنها هاي وحده استغفر الله رايحه فيها..انا من اول ما شفتها هاك اليوم في المطعم عرفتها ويوم قلتيلي انها ربيعتج انصـدمت.. بس ماحبيت اقولج السالفه وقلتلج اقطعي علاقتج وياها بس انتي ماسمعتي رمستي..واليوم عرفتها من سيارتها يوم شفتها واقفه عند البيت..
اميره انصعقــــت: راشد نووره مستحيل اتكوون من هالنوع مستحيييل..هي مااتخش عني شي اتقولي كل شي..لو من امس او من شهر شهرين انا اعرفها يمكن كنت بصدق هالكلام لكن انا من سنيين اعرفها مب قادره اصدق راشد دخيييلك قول غير هالكلام
راشد: تبين تتأكديين اكــــثر!!..(طلع موبايله من مخباته وتم يدق عالازرار لين ماطلع الي يباه..سار عند اميره وراواها..).. شوفي..مب هاي ربيعتج!!
اميره بــطلت عيونها وحلجها من الصــدمه..شلت عنه الموبايل وتمت تتطــالع ومــركزه في الصــوره تبغي تكتشف اي فرق بين الي في الصوره وبين نوره بس عشان تقول انها مب هيه بس مب لاقيه!!..
اميره: راشــــد هاي نوره ربيعتي..شو ياب صورتها اهنــــــي..حرام عليك من وين يايب صورة البنت!!..

راشـد: اميره اشفيج ماياسه تفهمين..اقولج كل ربعي يعرفونها يوم نيلس ويا بعض ماعندهم سالفه الا عن هاي..طرشولي صورتها بالبلوتوث..
اميـره: لااااااا راشــــد حرام عليكم تفضحووون البنت حراااام..دخييلك احذف الصوره وخل ربعك يحذفووونها
راشـد: هههه اقول حق كم واحد يحذفها؟!!!..شو حراام..دام هي عادي عندها برايها ..
اميـره: لاااااا نوره مب جييييييه انتو اكيد لاقين صورتها مكان ويالسين تنشروونه حرام عليكم والله حراااااااام..
راشـد: اميره انتي شو تقولين الله يهــداج..الحين بعد كل هاا وبعدج مب مصدقه..تبيني اقولج رقمها بعد والا اوديج صوب بيتهم عسب تتأكديين زياده!!..
اميره سارت يلست وتمت تصيح من الصدمه مب قادره تصــدق الي يقوله راشـد..بس كل شي واضح جدام عينها..وتقول في خاطرها راشد شو مصلحته يقول عنها هالكلام..معقوله ..معقوله انا انخدعت فيج يا نـــــوره..سار راشد ويلس حذالها ولوى على جتفها..
راشـد: اميره فديتج مااعتقد بعد كل الي سمعتيه ترضيــن على عمرج ترابعين وحده من هالاشكـال..ادري انا حاس فيج ..اتعرفينها من زمااان وماشفتي عليها شــي..بس يا حبيبتي مب كل شـي هي بتقوله لج..
اميره: انا بتصل فيها بتأكد..
راشـد: كيفج اتصلي فيها جان تبيين..بس عبالج يعني بتقولج هييه انا جيه وانا جييه..ههه محد يرمس و يقول عن عمره انه هووو مب زين..
اميره: راشـد هي بس قالتلي انها كانت اترمس واحد واتحبه وكان مواعدنها انه بياخذها بس ماخذاها واتزوج بنت عمه وقالتلي انها ندمانه ليش رمسته..
راشــد عرف انه هوو المقصود..: شفتي كييف!!..يعني الوحده الي رمست واحد مب يمكن ترمس عشره غيره انتي مافكرتي فيها!!..هي طبعا مابياخذها ليش غبي هالواحد عشان ياخذ وحده سمعتها في الارض كان يقص عليها..اي ندمانه اي خرابيط ماعليج منها تقص عليج لو كانت صدق ندمانه جان ماسمعت عنها هالكلام..مب هامنها هاي اتقول واحد بداله عشر..
اميره: وانا اقوووول اي حد ايي يخطبها هي ترفض..
راشد: هي طبعا تبا تستانس في حياتها ماتبا واحد يستر عليها ويحافظ عليها ويتحكم فيها..تبا تروح وترد على كيفها..
اميره: بس راشد عايلتهم عايله محافظه يعني مشددين عليهم ..
راشد: ترى هذا هوو.. الضغط الزايد عالبنت هو الي يخليها اتسوي اشياء من ورا اهلها..
اميره: الصراحه طاحت من عيني..عمري مااتوقعتها تكون من هالنوع...يعني اتخيل انا من متى وياها ومااكتشفت هالشي فيها..تصدق كانت تباني اطلع وياها اليوم بس انا قلتلها لاااا..
راشد: اخيييه تخيلي كنتي طالعه وشافوج الناس وياها اكيد بيقولون هاي شراتها بعد ..انا من جيه ماابغيج حتى اترمسينها..ماابغي باجر يطلعون عليج كلااام وانتي مالج ذنب..
اميره: اوييي عيل قبل كنت اسير وياها مرات بس نحوط في السياره ونرد..يا ويييلي ليكون كانوا يرمسوون عني..اكيد كانوا يقولون هاي بعد شراتها لااني وايد كنت وياها..
راشد: الحين ماعليه الي فات مانقدر انصلحه ان شاء الله محد رمس او قال شي..بس انتي ابدي من اليووم..
اميره: انزين راشد شو اسوي؟؟
راشد: شوفي,,رقمج هذا لاازم يتغير..انا عندي رقم مااستخدمه بعطيج اياه..اذا اتصلت على تلفون البيت بعد لا تردين..واذا شفتيها اي مكان سوي عمرج مااتعرفينها انزيين..لين مااتحس انج خلااص انتي قطعتي علاقتج وياها..
اميره نزلت راسها بحزن: اااه راشد والله مب هاينه علي..ليش يا نوره ليش جي تسوين في روحج!!
راشد: اميره!!..لا تستويين عاطفيه زياده عن اللزووم..انتي ماترضيين حد يرمس عنج ولا انا ارضـى..بعد ليش تبين اتبين المشاكل حق عمرج..
اميره: ااه متحســفه على كل شي سويته وياها..متحسفه لااني كنت اضيــع من وقتي ساعااات وانا ارمس وياها في التلفووون..صج انها ماتستااهل الحمدالله انها انكشـــفت..وتمـــت تصيح من الخاطر..تبغي بس اتحــس انها ظالمتنها لاان لين الحين اتحس انها ماتروم على فراقها..ما يمر يووم الا وتسمـع صوتها..لازم كل يوم يرمسون بعض..بس المشكله انه كل شي واضح جدامها ومافي مجال اتفكــر حتى انها مظــلوومه..
راشـد: الحين انا ابغي افهم انتي ليش اتصيحين؟!!..المفروض تستااانسين لاانها انكشــفت على حقيقتها وتحمدين ربج على هالشي..
اميـره: عمري ما عزييت وحده كثــرها راشــد ..
راشـد: ادري ادري حاس فيج انا..بس وايدين شراتج انصدموا في اعز الناس لهم بعد فتره طوييله..ابدي حياتج من اول ويدييد وانســـــي نوووره والي شرااات نووره..حبي ترى هاي سمعــة وانتي اكيد ماترضيين على عمرج..
اميــره هزت راســها بمعـنى صح كلامك..
ابتســـم راشــد باتســامة انتصـــار ومسكـها من ايدينها وقـومها..: شو رايـج الحين تسيرين تتزهبين عشان نطـلع نتعشى برع..
اميـره: لاا راشــد مالي نفس اطــلع اليوووم..حاسه بضييج..
راشـد: ادري انج مضايجه والكلام الي قلته لج مب شويه بس كان لاازم تعرفيين هالشي لين متى بتمين مخدووعه في هالانسانه انا ماارضاها علييج..اتخيلي باجر يقولون مرت راشـد علي الــ.... ربيعة هاي الي اسمها نوره..شو بياخذوون عنج فكــره وبياخذون عني انا؟!!..اكيد بيقولون مرته بعد شراتها وهو مخلنها على راحــتها..انتي ترضين يقولون عنا جييه..!!..اكيد ماترضيين..يلا اميره حاولي تنسيين وانا بطلعج عشان اتغيريين جـــو وتستانسيين ويخف عنج الضيج..
اميـره: مااعتقــد بيخف الضييج...
راشـد: يلا عاد امرمر طوفييها ههه
اميره: هههه امرمر!!!..
راشـد: اوهوو انا نسيت بعد انج مب ويه دلــع..
اميـره: هههه بطــوفها هالمـــره..
راشــد: ههههه انا اهم شـي عندي اتطوفيين السالفه العووده..
اميره: ااااه ما تتطــوف بسهووله..
راشـد: ما علييه مع الايام ان شاء الله بتنسيين..ويلا الحين سيري اتزهبي بترياج في الموتر اوكي..
اميـره: اوكي..وراحت عنه اميـــره وهي مضــــايجه واتصيــــح ودموعها مااتوقف من الضييج..يعني معقووله بعد كــل هذا تكتشــف انه ربيعتها الروح بالروح نــوره تطــلع من البنات الي تحتــقرهم..!!!..
اما راشـــد فرحته ماتنوصــف في هاللحظــــات..مستااانس من الخـــاطـــر انه قــدر يغير اميـره على نووره وكأنــه هــم وانزااح من على قــلبه..ومستانس اكثــر لاانه عرف كيف يـأدب نووره الي ماسمعت كــلامه..عشان اتعــرف اني انا مب ســهل والي يعــــاندي بخلييه يشــقى..فديت خشمك رشوود قوي قوي ههههه..من فــرحته شــغل المسجــل وحـط اغنيـة ميــحد طيــر الحمااامي.. وعــلا عالصــوت وشـــل الخيزرانه الي كانت في السياره وتم يــرزف..شوي والا يشوف اميره يايه صوب السيــاره..خف الصــوت وحط الخيزرانه ورااا..وعدل يــلسته وولاجـنه مسـوي شــي..
اميـره وهي تـركب الموتر.: شو بلاااك مســوي عرس..
راشــد: هههههههه انا اليوم فرحاااااان..بطير بطييير من الفــرحه..ورد عـــلا عالصـــوت..وشــل الخيزرانه وتم يرزف..ايوااااااا...وطير الحماامي..هيج غــرامي..هايم هيامي والشوق غلاب
اميره: ههههه الحمدالله والشكــر ..
راشــد: الحمدالله الله يباارك فييج..
اميره: ههههههههه شو يخصــه!!..لاا انت اليووم مب صاحي..راشــد راشــد خف الصوووت واصطلب ترى عمي ياي صوب الموتر..
راشـــد ما كان يسمع منمدج في الاغنيــه ويرزف...
اميـره: راشــــــــد راشـــــد عمي..
راشـــد انتبـه في حد يدق جامته جان يشـوف ابوووه..قفــط وبنــد المسجل ونزل الجامه.: احـــم..هلا هلا ابويه..
اميـره: عمـــي اشحااالك..؟؟
بو راشـد: الحمدالله بخيير..شو فيــكم حاشـــرين الدنيا؟!!..
راشـد: ماشي ابـويه هاي اميـره ماادري شو بلاها اليـوم مرتبشـه اتقول الا اعلي عالصـوت..
اميـــره تمــــت تطـــالعه وهي مبطــله عيـــونها ورافعه حيـــاتها..
بو راشـد: مب جيــه عاد فضحتوونا..انزين وين سايرين؟
راشـد: بنسيــر ندور شـويه ونتعشــى برع..
بو راشـــد: هييه زيــن عيل ديرو بالكم وهالله هالله بالسواقه الزينه..
راشـد: ان شاااء الله..
وراح عـــنهم بو راشــد..
اميــره: انا اقوولك اتعــلي عالصوووت!!.. دب انزييييييييين..براااويك..
راشـد: ههههههههههه طوفيها طوفيها..
.........................
.
.
مر الاسبوع عليهم بسرعه..وطول هالاسبووع منــى ماترمــس ويا مـايد ..كلما اتشوفه يـالس في الصـاله تدخـل هي حجــرتها وبس يطـلع هي ترد تيلس شويه بس مااتطول معظم وقتها كله يالسه روحها في الحجره..كانت مضــايجه وايد لاان مايد مد ايده عليها..اول مــره يسـويها ومااتوقعت منه هالشي..مرات من كثر ماتيلس روحها في الحجره تتخيل اشياء مستحيل اتصير..يعني مثلا تتخيل انه مايد عقب ماياخذ نوال ينشغل في حياته وينساها وخوله بتهدها وبتسير اتعيش في بيت اهل ريلــها وعلى هالافكـار تقعـد روحها اتصيييح وتحس انها في امس الحاجه لأمها وابوووها اتحـس انها مالها حــد من عقـــبهم ..واتقووول ليش هدووني ليييش!!..حتى نواال الي كانت اتخفف عنها بعــد ماترمس وياهاا وهذا الي معـذب نوااال ومخـلنها تتحســف انها خبرت مايد عن شمــا..وهالشي خـلى مايد يتقرب اكثر من نوال وزادت مكالماته لها من الضيج الي يحـس فيه..واليوم نوال يايه بيتهم بس عســب اتراضي منى لاان طوول هالاسبوع وهي مب مرتاحه لاان منى زعلانه منها بس الي مستانسه منه انه مايد بدى يتغير وياها للاحســن..بطـلت خوله لها البــاب ودخـلتها الصــاله وكــان مايد يالس فيهـــا الي استغــرب من شــاف نوااال..
نوال: سلام عليكم..
مايـد: وعليكم السلااام هلا والله..
نوال: اهلييين..شحالك؟!!..
مايد: الحمدالله شحالج انتي..
نوال: الحمدالله بخير ..هههه اكيد مستغرب من ييتي بيتكم..
مايد: ههه هي والله توني مرمسنج ماقلتي بتيين بيتنا..
نوال: قلت بسويها مفاجــئه..
خوله: انزين شو رايكـم انتو الاثنينه تدخلون عليها الحيـــن...!!..
مايد: لا انا مب ســاير..
خوله: ليش مايد احــسن انته تسير وياها بعــد..انت حتى ماحاولت اترمسها ولا تراضييها من هاك اليووم..حلييلها تيلس روحها في الحجــره اتصييح ما تبغي ترمس حد والسـبه هالسالفه..
نوال: مايد دخييلك تعال وياااي..
مـايد: خلااص يلا نسير
وسار وياها مايد صوب حجرة منى وتم يــدق البــاب..نشــــت من على الســـرير بسرعه وكأنها كانت تتريا خوله اتييها من التعب الي اتحس فيه..هي تتحـرى خوله الي تدق الباب..نشت بسرعه بس اول ماوقفت حست انها مب رايمه تتوازن في وقفتها مشت بصعوبه صوب الباب وتمشـــي وهي تتمــــايل حاسه انه الغــرفه بدت تظــلم في عيـــونها..ماعرفت كيف وصــلت وبطـلت البــاب بس عقــبها خلاااااص ماحســت بعمــرها..
مــايد الي كــانت منى على ايــده وهو يــصارخ ويهزها: منــــــــــى ..منـــــى!!..
نوال وهي تصيييح: مااااايد خــلنا نودييها المستشــفى شوف ويهها شقااايل مصـــفر..
مايد: انزييين شو تترييين يلا بسرعه سيري ييبي عبايتها خلنا نسييير..
.
.

اليوم هو ملجة حمدة وحارب واليوم بعد هو اليوم الي بيسافر فيه جاسم..كان ساير وراد جدام البيت يترياه يظهر..شاف ساعته كانت الساعه 7 ونص المسا..اوهوو وينه هذا اتأخر..توه بيطلع موبايله بيتصله شافه ياي صوب الموتــر
جاسم: ويينك انته هااا؟!!..
فواز وهو مبقق عيونه يتطالعه: شـــنو هذا!!..شنـــو قاعد اتسوي انته؟!!!!!!!!
جاسم: شوو مايالس اسوي شي..
فواز سحب عنه صلب السيجاره من بين اصابعه وعقاه عالارض وتم يدوس عليه..
جاسم: ايييييييه شو تســـــوي انته!!!
فواز: والله اســـوي الي اتشــوفه..جاســم شــو صار فيك انته..ليش جذي قاعد تسوي في روحـــك؟!!..
جاسم: جي شو مســوي انا..الي يقول الحين مرتكب جريمه..
فواز: ايه طبعا جريمه..جريمه في حق نفســك..انت تدري شنو ايي من ورا التدخيين مو ياهل عشان اقولك انا...
جاسم: غصــبن عني والله..
فواز: لا واللـــه!!..ماكو شي اسمه غصـبن عنك..يعني التدخيـن هو الي بيخليك تاخذ بنت عمك..خلااص ياخي البنت اليوم بتصير ملك غيرك..
جاسم: بس لاااا انته يالس اتزيدها علي..انا روحي الي فيني كافيني..مب عشان جييه..بس لااني احس بصـــداااع..
فواز: ايه من كثـر التفكير..شوف جاسم,,انا اعرف انته من عرفت انها انخطبت وانت جذي حالتك..لكــن انت بترد الكويت معاي الحين وان شاء الله اهناك راح اتغير جــو وبتعيش عالم ثــــااااني..وخلني اشوفك تشرب سجاير والله لا اردك بيتكم فاهم!!...
جاسم: هههههه اتهــددني اونك..
فواز: ايه اهــــددك..تعال تعال خلني افتشـك يمكن خاش صلب مني مناك..
جاسم: ههههه لااا هذا كان آخر صــلب..
فواز: زين الحمدالله..يعني ماكو سجاير مره ثانيه؟!!!..
جاسم: هههه لاا ماكوو سجاير مره ثانيه..
فواز: لاا تقعد تتمصخر ..ارمسك جد انا..
جاسم: جد والا عم هاهااااي..
فواز: ها ها ها مااتضحــك والله..
جاسم: هههه ياخي بلااك انته قلنالك خلااص ماكووو سجاير بعد شو تبا..
فواز: حاس انك قاعد تتغشمــر..
جاسم: ماادري شو اقولك فواز انا احس عمري اتعودت خلااص مااقدر اودر..
فواز: لااااا يا جاسم تقــدر..انته بعدك في البـــدايه والحمدالله اني لحقت عليك قبل لاا تــدمن عليه..وبعدين انت راح تكوون معااي يعني تحــلم اخليك اتدووخ ..
جاسم: ههه انزين يلا امــش خلنا نسير عن نتأخر..
فواز: تعال ما قلتلي شلون قـدرت تقنع ابوك؟!!..
جاسم: ههه هي صـح ما خبرتك.. امس قلتله ابـويه بســافر..جان يطــالعني بصــدمه وقالي انت مب امسات راد من السفر!!.اشوفك اتعودت الحينه ماتبا تيلس البلاد..يلا يلا ماشي ســــفر وراح عني كان يبغي يطــلع..وجان الحقــه..قلتله ياامعود نتفاهم
فواز: ههههه لا لاا اتقص علي مااتقول جذي انته..كمل وبعدين؟!!
جاسم: ههههه سرت لحقـــته قلتله ابويه والله غصـبن عني بســاااافر..قالي ويـــــن تبا تسااافر!!!
..قلتله ابويه بسير الكوييت..تقرب مني وهوو منصـــدم وانا تمييت منزل راســي قافط..
فواز: انزيين وبعدييين..
جاسم: قالي وهو معصـــب الكويــــــــت؟!!!..شو تســوي في الكوييييت؟!!..قلتله بسير عند ربيعي هناااك وااايد مرييض ابويه..قالي الكويـــــت!!!..قلتله هي ابويه ربيعي كويتي تعرفت عليه من هناك وهو واااايد تعبااان هههه يعني انته..
فواز: فال الله ولا فاااالك يالدب..الحين هذا يزااي بوديك معاي الكوييت..واخر شي تقعد تفاول علي بالمرض جدام ابوك
جاسم: ذليتنا تراك انته كل كلمه والثانيه قال بوديك معاي الكويت..ماتسوى علينا هالسيره
فواز: ههههه ايه ويا راسك..انا قلت الحين خلااص 5 سنوات وبنفتك منك..شفت لااا الحبيب مايستغـنى عني يبي يلحقـــني وين مااروح..
جاسم: ههه المفروض تحمد ربــك اني بيي وياك اصلا ادري انت بعد مالك غنا عني..
فواز: هههه ايه والله في هذي صـدقت..المهم كمل شنو قالك بعدين..
جاسم: ماشي عقب اقتنع ورضــى اني اسير بس قالي لا تطـول..تدري الحين وانا اودعهم والله حسيت انه قـــلبي يعووورني وخصوصا يوم ودعت الوالده فديتها والله انها غمضتني كانت اتصييح..
فواز: ماتنلام المسكينه مالحقت تتهنى بييتك..ماعليه انته رد لهم بسرعه لا تطول حراام محتاجينك تكون بينهم من بعد هالسنيين..
جاسم: هييه ان شاء الله انا روحي متوله عليهم واحس عمري ابغي ايلس ويااهم بس مب قااادر..
فواز: ان شاء الله بس توصل الكويت راح تنســـى كل شـــي..
جاسم: ههه بنشووف..
فواز: انزين يلا اتحــرك عن نتأخر بعد..
جاسم: شوف انا قلتلك تراني ويا اهــلك مب ســـاير استحــــي..
فواز: مابنسيـــر ويا اهلي لاا اتخاف..بنسير ويا ولد خالي اهوا الي بيوصـلنا..قول بعد تستحي منه!!..
جاسم: منوو احمدووو..
فواز: اييييه احمدووو..
جاسم: هههه لاااا احمدووو عااادي بنسير ويااه..
فواز: انزين يلا اهوا يتريانا في بيتهم داخل يلا ندخــل..
.
.
في حجــرة حمد ومـريم فووق..كانت يالسه حمده الي كانت طالعه حلوه واايد في هالليـــله ..شكــلها كان متغيــر.. مزودين لها الميـك اب شويه وكان غامج وهي مب من عادتها اتحـط الوان غامجه.. حتى في عرس مريم واميره حطولها ميك اب خفييف..فعسب جيه كل من يشـوفها يحس انه الميـك لااعب لعب في ويهها ومخلنها تتغيــــر..وكان ميـك اب عنــابي على لوون فســتانها..وشـعرها مسوين لها فيير ورافعينه فوق بطريقه حلوه ومرتبه..
عوشه: لاا لاا لاا مااصــدق..انتي اكيد مسوينلج عملية تجمييل..
حمده: ههههه هييه عيل شوو نانسيوووو مب احسن عني..صدق والله حــلوه؟!!..ماادري احس عمري خسفه اليوم..
مريم: لاا ماشاءالله عليييج وااايد حلـــوه مستويه..
عوشه: هييه هوو خسفه خسفه بس تدرين بعد ما نبا نجرحج في هالليله فلازم نجاملج يعني..
حمده: هيهيهي جب جب انزين..انتي تتمنيين بس نص جمااالي..
عوشه: ماااااالت على هالويـــه وايد مصـدقه عمرج ترى..
اميــره: انتوو ايييه مب وقت سوالفكم الحيــنه..حمدووه اوقفي اشوف طوولج بالكعب الي لاابستنه..
حمده: ما اروم اوقف اخاف اطيييح..والله احس ريولي ترتجــف ..
مريم: خيبه خيبه ليــش جيه مسـويه في روحج خليج عاديه..
يسمعوون صوت دقـات البــاب..تنش عوشه تفتح البــاب..وتشوف شــما..سلمت عليها وعقب دخلت شما وسـلمت عالباقــي ويلســت عند حمده..
شمـا: ماشاءالله ماشاءالله مرت اخوويه وايد محـــلوه وااايد..
حمده تتصــدد حوالينها وعقب تصد صوب شما: اترمسيـــني؟!!..
اميره: ههههه يا ربي..هالبنت ماادري متى بتيوز عن هالحــركااات..
شما: هههههههه
حمده: ههههه فديتج والله تسلميين عيونج الحلــوه..
مريم: شمــا افصــخي عبــاتج اشوف كيـف طالع عليج اللبس..
شمـا: استحـــــي..
عوشـه: شوو تستحييين ملجة اخووج هذا لاازم تفصخين عباتج وشيلتج..
حمده: يلا شموووووه..
فصخت شمـا عبايتها وخـلت الشــيله على جتفها..
مريم: ماشاءالله واااااااايد حلوو طــالع علييج..
شمـا: تسلميين والله من ذوقـــج..
حمده: هي والله وااااايد حلووو ماشاءالله
عوشه: هي وطـالع احلى ويا الحزام..انزين افصخي الشيله بعد ..
شما: ههه لاا الشيـله بخـليها..
يرن تلفون مــريم وحمد الي كان يتصـل..قالها تطـلع عشان تاخذ منه الدفـتر وتوديه وياه عند حمده عشان توقع..نزلت مــريم وطـلعت شـافت حمد واقف سارت عنده..
حمد: يا ويييل حااالي مااروم على هالجمااال انااا..
مريم: هههه مب وقته مب وقته..عطني الدفتر ..
حمد: اندوج انا بترياج اهـــني انزين لا تتحيـرين..
مريم: ان شااء الله..
راحت عنه مريــم ودخلت داخل وصعدت فووق ودخلت الحجــره..
مريم: يلا عروووس وقعـــي..
حمده: هااا ..مااعرف ..مااعرف كيف يوقعووون..
اميره: حمدوووه انتي اشفييج اليــوم خليج كوووول..
حمده: كوولاا والا بيبسي هااااهااا هاااا..
اميره: هيهيهيهي مايخصه
مريم:هههه يا ربيييي...حمدووه والله مب وقــت هالسخافات الحينه يلا يودي القـلم وقعي اهني..
شـلت حمده القـلم وايدها ترتجــف: امممم لحــظه بفكــــر..
عوشه:هههه طاعووو توج بتفكــــرين..هههه بلاها ايدج جي ترتجف..
اميـره: ههههه حشــا ..اخاف تتحرى عمرها بتجاوب على اسئـلة امتحان مب توقيع
شمـا: هههه حمده بلااج زايغه عاااادي..يلا توكــلي على الله ووقعــي..وصـدقيني ترى اخوي مافي شـراته..
مريم: هاا ..شو تبين احسـن عن جيه بعد..يلا وقعي بسرعه حمد يتريااني..
وقعــت حمده وعقبها سـلموا عليها مريم واميـره وشـما وباركوولها واخر شـي سارت عوشه صوبها وسـلمت عليها وباركت لها ..ماحست الا بدموعها نازله على خـدها وهي في حضنها..
عوشه: خلاااااص بتنسييني..
حمده يوم شافت دموع عوشه هي بعد ذرفت دموعها..: فديييتج والله لا تقوليين بنسااااج..انا مستحييل انساج لو شوو مايصير انتي بنت عمي واختي وربيعتي وكل شــي انتي..مافي شي بيتغير صدقيني..
اميره: اوهوووو هاييله سووها مناحه..حمدووه لا تصيحييين خربتي مكيــاجج وانتي بعد يا عووشه..
سارت مريم صـوبهن وتمت اتهديهن..خذت كلينكس وتمت تمسح دموع حمده قبل لا يخترب مكياجها..بعـد ماهدوا ورجعوا شـرات قبل..دشوا ام حمد وام جاسم وام حارب وساروا صوب حمده وباركوا لها..اما مريم شلت الدفتر ونزلت تحت وطلعت عشان ترده لحمد..عطته الدفتر وراح عنها اول ماتبي تدخــل تسمع صوت من وراها حد يزقرها..تطـالع وراها والا تشـوف وحده يايه صوبها..
نــوره: مـــريم صح؟!!..
مــريم: هلا هلا نــــوره..شحاااالج شخباارج؟!!
نوره: تماام ربي يسلمج اشحالج انتي..
مريم: الحمدالله بخيير..حياج حياج ..
نوره: استحييي وايد نااااس يالسين؟!!..
مريم: ههه لاا ما عليج يالسين في الصـاله انا بوديج فوق في الحجره الي نحن يالسين فيها..
نوره: انزيين عيل يلا نسيير..
دخلوا مريم ونـوره وراحوا فوق في الحجــره..اول مابطـلت مريم البــاب شافووها كلهم وشــافووا نــوره ويااها..انصــــدمت اميــره من شــــافتها..هااي شو يـــايبنـــها!!..اتذكــرت انها هي عزمـتها هاك اليوم يوم يـت بيتهم..وقفوا شما وعوشه وسارت صوبهم سلمت عليهم..عقب سارت عند حمده وسلمت عليها وباركت لها..وصـلت عند اميـره الي كانت يالسه ومانشـت عشان تسلم عليها..
نـوره: لاا واللـــــه!!..ليش يــالسه ان شاء الله!!..تدرين اني متحلفتلج ويا هالويه..ليــش رقمــج مقطووع!!!..
اميـره وهي تمد لها ايدها اتسلم عليها من دون نفس: لا مغيـره الرقم..
نوره وهي تيـلس حذالها: وليش مااتخبريييني ؟!!!..من اسبووع حليلي وانا اتصـــل..حتى تلفوون بيتكم بعد حــرقته من كثر مااتصــل مااترديييين..
اميره: هالاسبوع كله مشغوله نتزهب حق المــلجه..اقوول حمدووه..يلا مابتنزليين؟!!..

حمده: انزل ويـيين اسير؟!!!..
مريم: ههههه انتي ليش وايد تستعبطيين..تنزلين وين يعني عند الناس الي يايين..
حمده: ههههه ضحكتووني..امنوا قالكم بنزل..
عوشه: ليـــن متى تبين تخيسين اهــني يعني لاازم تنزليين..
دشـت عليهم ام حمد وقـالت حق حمده تنـــزل..
حمده ســارت ووقفــت جدام المــرايه..: لحظه لحظه احس شكــلي ماادري كييف..
شمـا: لاااا حمـده والله وايد محـلوه ماشاءالله..
عوشه: هاي تتخقق ما عليج منها بالعماله جيه تقول عسب انقول لها انتي محلوه..
ام حمد: يلا امي حمــده الناس يتريووون..
حمده: امــــي شوفييني دخييلج شوفييني شكلي اوكيــــه!!..
ام حمد: هي فدييييتج قمــر ماشاءالله..
اميره: حمدوووه يلا بســج مدح..
مريم: عوشووه سيري حطــي الزفــه..وانتي حمدووه يلا شوي شوي اتحـركي..
نــزلت عوشه عشان تحط الزفــه..وتمت حمده تمشـي شوي شوي وام حمد ومريم وشما وراها..ولحقـتهم أميــره بدون ماتزقــر نوره الي كانت يالسه حـذالها اتسير وياها..خلتها وسـارت عنها..انصـــــدمت نــوره من هالتصــرف..اصلا هي من اول مايت حست انه اميره مب طبيعيـه متغيره عليها مب شـرات قبل بس ماصـدقت هالشـي لكن من بعد هالتصرف اتأكدت انه فيها شـي..هي روحـها الي كـانت يالسه في الحجـره وقافطـه مب عارفه شـو تسـوي..جان تنــش من مكانها وتسير تلحقـهم..حسـت شكـلها صــدق غلط من بينهم..وخصوصا انه اميـره ماياسه تسويلها سالفه مب عارفه شـو بلااها عليها اليووم..كلما اتسير صـوبها تـلقى اميــره اتسير عــنها وكأنها يالسه تتهــرب منها..آخر شـي من القفطـه سارت وقفـت عند مــريم..شافتها مريم وابتسمـت لها وردت لها الابتسامه حست براحه شـويه انه في حد وياها ومب جـنها يايه رزه بينهم..كانوا واقفيـن كلهم بصـوب وحمده تمشـي بخطوات بطيـئه وكل شـوي تطالع مريم عشان تأشر لها ويــن اتصــد..ليـن ما الكــل شــافها وعقب يلست.. وكـل من شـافها سمـى بالرحمـن عليها لاانها صـدق كـانت طـالعه حلوه واايد في هالليله..والحريم الي يايين من صوب ام حـارب كلهم تموا يقولون لها زيـن مااخترتي ويا حـظ ولدج فيها..عاد هي اسـتانست واايد على هالكـلام وتمت تحمد ربـها انها لقـت وحده بهالمواصـفات حق ولدها الوحيـد..ام جـاسـم قـلبها كــان يعورها واايد على ولــدها كلما اتشوف حمــده وكل شـوي تدمع..كـانت تتمنـاها اتكون لجـاسم من يوم ما خــبرها انه يباها وهي اتقول ليــته كان مخبرني من قــبل..بس الحيـن ماينفع هالكـلام..والزواج قسمـه ونصيـب..الله يــردك لي بالســلاامه يــا ولدييه ويعوضــك بغيرها وافــرح فيك يارب..وهم واقفيـن سارت نوره صـوب أميــره..
نوره: أميـــــره!!..
أميــره وهي تصـد صوبها: نعــم..
نوره: اشفيج اميروووه كلما ييت عندج اتسيريين ..انتي شو فيج اليووم ليش مخليتني روحي والله اني قافطــه؟!!..
اميره: مافيني شــي..ليش تقفطين عادي..
نوره: لااااا فييييج شي..انتي وايد متغيره اليوم ..
اميره: اوووه قلتلج مافيني شــي ..(وراحت عنها وسارت صوب حمده الي كانوا يالسين عندها شما وعوشه)..عوشووه قومي بتصــور ويا حمدووه..
عوشه: الحيــن اشحلااااتي يالسه ليش تبين تقوميييني!!..
اميره: هههه انتي المفروض ماتيلسين يلا نشي ارقصـي اشوووف..
عوشه: انا متحــرقصه ابغي ارقــص لكن حمدووه ما اتخليني..
اميره: لييييييييش؟!!!..
حمده: ههههه ترى عادي انســى عمري وانش ارقص وياها..
اميره: هههههه هي والله بتسوينها انتي بتفضحييينا عقب بيقولوون هاي مــاصدقت تملج من فرحتها نشـت ورقصـت..
حمده: ههههه الله كششخه عقب بنشــهر كل حد بيرمس عني..يلا عوشوه نشي ارقصـي وانا بلحقج..انتم السابقون ونحن اللاحقوون..
شما: ههههههههههه اندوكـــم ..انا ماادري انه مرت اخوووي ســوااالف وعليها حــركاات جييه..
اميره: ههههه يحلييلج ..بعــدج ماشفتي شــي..يلا عوشووه تعبتيني تراج نشــي..
شمـا: تعالي تعالي مكــاني انا بنش..
اميره: لاا لاا خلييج انتي..عوشووه غصبن عنها بتنش..
عوشه: اوفف انزين انزين بنــش..يلا شموووه نشـي ويااي بنرقص..
شمـا: هههه لاا لاا انا استحييي..
اميره: ليش تستحيين عاااادي..
شمـا: ههه لاا لاا في حيـــاتي ما سـويتها..

نوره تمـــت واقفــه في مكــانها منصـــدمه من اسلوب اميــره ومن تصـرفاتها الغريبه وياااها اليوم..شـافت انها مالها مكان اهــني من بينهم وتطــلع احســن ..بس مب قــبل مااتعرف اميــره شو فيها اليوووم..سارت صوب اميره الي كانت يالسه عند حمده..بس في هاللحظه المصـوره كانت اتصـور اميره ويا حمده..فاتريـت لين ماخلصـت وعقبها سـارت صوبها..
نوره: اميرووو نشي برمسج شوي..
اميـره: ارمسـي..
نوره: اممم لاا نشـي احسـن..
نشـت اميره وخـذتها نــوره بصـــوب..
نوره: اميره انتي اشفيج علي اليووم..احسج متغيره واايد عليه..مب اميـره الي اعرفها..
اميره: الحين انتي مقومتني من مكاني بس عسب تقولين لي هالكلام!!..قلتلج مافيني شـــي وخلااااص..
نوره: انا مـتأكده انه فييج شـــي..
اميره: اوهووو انتي وبعدين وياااج..!!!...
يـرن تلفون نــوره في هاللحظه واترد عليه..
نوره: الوو..
....: الووو..هاا وينج؟!!..
نوره: انت واقــــف؟!!..
....: هي اتريااج...
نوره: انزين فــديتك انا الحين بظـهر لك..
....: اوووكي لا تبطيين..
وسكــرت عنه نوره..
نوره: انزين ما قلتيلي شو فييج؟!!!..
أميــره وهي تبتسم بسخريه: اقووول..سيري سيري يتريااج
نوره: انا مب ســايره قبل لا تقولين لي انتي اشفيييج؟!!!..
اميره: ههه لاااا حراام حلييله اتخليينه يترياااا..سيري عن يشوفله وحده ثانيه اليوم تسهــر ويااه..
نوره تطــالعها بــصدمه و مبهـــته بس قالت في خاطرها اكيد اتسولف: ههههه اميرووه بلااج هــذا اخووي...
اميره: ههههه اخوج!!!!..
نوره: هي والله اخوووي واقف يترياااني..
اميره: هههههه انزين انزين ..
نوره: خلااص اميرووه انا بروح الحين اوكيــه..
اميره: اوكي روووحي..
انصعقــت نووره يوم قــالت لها رووحي..اتوقعت اتقولها لاااا يــلسي..بعده وقـــت..تمت فتره تطالعها وكأنها يالسه تتريا هالكلام منها بس اميره كانت صاده الصوب الثاني ولا هامنها..
نوره: يلا مع السلامه..
اميـره ماسـمعت لاانها كانت صاده الصوب الثاني..سـارت عنها نوره وهي مــب قادره اتصـدق الي شـافته اليووم من اميــره..مستحيل هاي تكون اميره ربيعتي مستحييل..
طــلعت وهي تــدمع ماقـدرت تحبس دموعها اكثــر..يا ربيي هاي شو بلاها عليه اليووم..والله مااحيــد عمري غلطــت عليها او سـويت لها شــي ..حتى يـوم سـرت بيتهم هاك اليــوم لين آخر شـي ونحن نضحــك ونسـولف ويا بعــض..ااه يا ربيي..شو بلااها ..شو بلاااها..ليش متغيـره عليه جيــه..الا اميــره ماابغيها تــزعل مني..بس والله اني ما ســويتلها شــي عشان تـزعل..
أميـره عورها قـلبها في هاللحظه حسـت انها وايد زودتها بحـركاتها وياها ..مهما تكوون هــاي نووره شـقايل هانت عليها اتسـوي فيها جييه..بس لاازم تسـوي جيه عشان تقطع علاقتها وياها..اتذكـرت لحظتها كـلام راشـد عنها..اوووه هاي تستــاهل اصلا..شو ابا بوحده خايسه شرات هااي.!! واشكـره عيني عينك ترد عالولد واتقوله انزين فديتك انا الحين بظهـر لك..عنبووج استحي على ويهــج..جدامي عااد!!..الحين بس اتأكدت اكثر واكثر انه كلااام راشـد عنها صح 100%..هاي ماتستــاهل حتى ايــلس الوم عمري عشانها..
شـوي وام حـارب سارت عند ام حمد وقالت انه حـارب بيـدخل..
حمده: لاااا مستحيييل..عوشوووه خليج واقفه يمــي..
عوشه: سيري لاااا هذي شـما واقفه بعد شو تبيين فيني..
حمده: شموووه مب تنقعيين فييه خيانه واتسيرين توقفين الصوب الثاني عند اخووج بذبحج..
شما: هههه لاا افااا عليييج انا بتم لاازقه فييج..
خبروا النـاس ودخـل حاارب وامه قابضه ايده وهو قافـط ومستحــي ..ودته ام حارب عند حمده الي اول ماشافها انبـهر في جمـالها ..حبها على راسها ووقف عندها وحمده ميــته من الحيــا وقابضه ايد شما بالقووو..
شما: هههههه بلااااج انتي مابودرج بس هدي ايدي بسـلم على اخوي ببــاركله..
حمده وهي تساسرها: انتي مابتتحركيين من اهنيي..
شما: ههههه صـدقيني برد ..بس بسلم عليه وبرد اوقف عندج..
هدتها حمده وسارت شما عند حارب سلمت عليه وباركت له..وعقبها شما جربت منهم الشـبكه عشان ايلبسـها حـارب..وقالتلهم يجـابلون بعـض..اول شـي عطـت دبلــة حمده حق حارب عشان يلبسها..حمده مدت اصابعها وهي منـزله راسـها مســتحيه حـارب بلبسها وهو مبتسم مستاانس من الخاطر انه الله جمعه في الانسانه الي بغاها..ويقول في خـاطره فـديت هالاصابع الناعمه انا..وعقب ما لبسـها عطت شـما دبلة حارب حق حمده عشان تلبسـه..مـد لها حـارب اصـابعه وحمده تجـرب الدبله من اصابعه وايدها ترتجـف..كان وده ينقع من الضحـك وهو يشـوف ايدها جيه جنه عالهزاز..ههههههه فـــديتها والله مستحيـــــه..وعقـب لبسها حارب الباقي بمساعدة شـمــا..