حــشــمــة الــبــنــت وحــيــاهــا

كل شبـر بهالوسعيـه ملـك ربـي تعلميـن
وأعلم إن اللي خلقني هو خلق لـك هالعيـون

لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون

لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون

ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحـون

الركادة عاد زينة والحياء فـي البنـت زيـن
وفيك جـآزم لا ركـادة ولا حيـاءٍ يذكـرون

تعرفيني ؟! أعرفـك ؟! مذكـر إنـا ملتقيـن
لا أعرفك من تكوني و لا تعرفي مـن أكـون

وإطمأني أن كان قصدك بس فينـي تشبهيـن
ما هو أنا إلـي تعرفيـه والبشـر يتشابهـون

مـا دريتـي مالتشابـه يخلـق الله أربعيـن
وأعرف أربع يشبهنـك بـس والله يستحـون

وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجون

وإذا ع البال عاجبتنـي لا يحوشـك تحلميـن
صح ربعي من جمالك فيـك صـار يمدحـون

بس وش لي في حلاتك دام فيهـا ترخصيـن
حشمـة البنـت وحياهـا والكرامـة يلفتـون

ولو توفر فيـك هـذا مـع حلاتـك تبشريـن
ما هو أنا ألف غيري بـاب بيتـك يطرقـون

وش علامك رغم كل اللـي أقولـه وتسكتيـن
مو طبيعي هالسكـوت وهالبـرود وهالسكـون

إنتـي خرسـا أسألـك ولا مانـك تسمعيـن ..!!
قالوا ربعي ذي كفيفـة.. قلـت لا لا تمزحـون ..!!

لين شفتك يـوم رحتـي يمسكونـك باليديـن
ما دريت إلا عيونـي أربـع أربـع ينزفـون

آآآآآه ياني منـه مشهـد يـوم شفتـك ترحليـن
جيت اشوف عيون ربعي لقيت الكل يدمعـون

قلت سنّـة هالحيـاة وحـن ترانـا مؤمنيـن
سبحان يلي مصورنا ولله في خلقـه شـؤون

يعني حنا كـل أبونـا عـاد إسمنـا بنادميـن
وليا قضى ربك أمر وقـال لـه كـن فيكـون

فينـا يلـي رازقـه خـيـر رب العالمـيـن
وفينا يلي هو لعطفه بحاجـة القلـب الحنـون

وفينا يلي مـا شكـى مـن علـةٍ كالآخريـن
صـمٌ و بكـمٌ و عمـيٌ فـهـم لا يفقـهـون

بس قليـل عـاد فينـا للنعـم هـم شاكريـن
والله يرزق هالخلايق من حيث هم لا يعلمـون

وتدرين عاد يالكفيفة حنـا تـراى متشابهيـن
وإن ما أنعمت أبصارنا القلوب أهم إلي يعتمـون

يالكفيفة يالعفيفـة إن قلـت آسـف تقبليـن
يغفر الله ذنوب عبده ليا خطا وهل تغفرون...؟!


مــرهـ روعــهـ القــصــيــدهـ حبيت أن انــقــلــها لــكــمـ واتــمنــى أن تــنــال إعـــجــابـــكـــمـ