صــدقـ ضـنـي وزرتـيــنــي

صدق ظني وزرتيني بعد ما طول غيابك
بعد ما هانت أيامي على عمرك..ذكرتيني

بعد ما انكرك وقتك..عرفتي قيمة أحبابك
بعد ما استيقظ إحساسك وتفكيرك..فقدتيني

بعدما تأهت دروبك وكحل حزنك أهدابك
بعد خذلانك إحساسي بدمعاتي..بكيتيني

بعد ما ضاعت أحلامك وضاع الشوق عن بابك
بعد ما حطمك يأسك ..بعد يأسك رجيتيني

تحسبيني على خبرك أموت أموت وأحيا بك
أنا لو ما نسيت الود ما أنسا انك خذلتيني

ذبل ورد الأمل فيني ومات الوعد بترابك
وبقيتي مثل ما أنتي بعيدة لو سكنتيني

و كيف يسامحك جرح السنين ورحلة عتابك
حسرتي كل شي ري ومع هذا خسرتيني


أعجبتني وحبيت انقلها لــكــمـ واتمنى ان تنــال أعجــابـــكــم

اسم الشاعر غير معروف