 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
أدوات الموضوع | انواع عرض الموضوع |
09-21-2011
|
#11 | |||||||||||||||||||||||||||||||||||||||||||||||||||||||||||||||||||||||||||
 
|
داخل سيارة ابو تركي الجوهره كانت جالسه مع الجوال مره متوهقه وخااايفه لايجي أحد ويشوفها ...
كانت تبكي وتحاول في محمد انه مايعلم تركي الجوهره : خلاص محمد تكفى ابعد تركي عن السالفه محمد: الجوهره ترا والله أن كلمتي صالح تراني ابعلم أخوك الجوهره : ان شاء الله بس خلاص محمد تكفى ترا الناس كلهم عندي حتى في زواج ولد عمي ماخليتوني أفرح له الكل يطالعني مستغرب محمد : طيب طيب خلاص بس اياني واياك تكلمين صالح الجوهره : ولايهمك لميا دخلت على الجوهره ... وكانت مستغربه من شكلها .. اللي مليان دموع والمكياج مررة خربان لميا : الجوهره وش فيك ؟. الجوهره : لميا خلاص والله مافيني شي خلاص لميا : الجوهره طيب وليه الصياح الجوهره : يووووه خلاص قلت لك أطلعي لميا : يمه يمه خلاص طيب وترا أمي وعبد الملك بيجون الحين الجورهره : طيب طيب خلاص :::::::::::::::::::::::::::::::::::::::::::::::::: :::::::::::::::::::::::: كان جالس برا القاعه بس كان تفكيره بعيييييييييييد ..... عن فيصل حتى كان بينسى يسلم على فيصل ويبارك له ((اااخ لو اني مكانك يافيصل ...أتمنى بس أبي أصير مكانك بس اعطني هاليوم .. اللي ان شاء الله بوقف بجنب نوف ...)) فيصل : طلال يالله مع السلامه انا ماشي طلال: اوه معليش نسيت تعرف مشغولين شوي ... يللا تروح وترجع بالسلامه فيصل : لالا عادي وسلم عليه وركبوا السياره اللي بيسوقها مشاري .. وكل اهل المعرس راحوا لبيتهم ماعدا فارس ونوف اللي يبون يتأخرون وبعدين بيروحون مع أي احد من عمانهم نوف: خلاص فارس خلنا نروح مع عمي ابو تركي فارس : لالا شوفي سيارتهم مررة زحمه نوف: طيب وين نروح فيه لمحه طلال من بعيد ماصدق انه يشوفهم متورطين على طول راح عند فارس .. طلال: فارس وراكم مارحتوا ؟ فارس : مدري السياره ماتكفي طلال: طيب تعالوا معاي أنا بلحالي فارس : لالا خلاص مو لازم طلال: يووووووووه لاتخليني أحلف عليكم يللا بس تعالوا معاي نوف اللي كانت منحرجه وماودها يروحون مع طلال ((اها اجل هذا هو طلال ...اخيرا عرفناه ... هذا هو اللي اتصل علي وشافني بالغلط .. هههههه ..أما ذاك اليوم يضحك )) ركبوا في سيارة طلال ...فارس فيه النوم هلكان مررة من السهر .. .. اما نوف مستحيه كثير لأنها ماتعودت عليه .. بس طلال كان فرحان ومو مصدق انه بيوصل نوف ... كان يلعب ويسوي نفسه مضيع الطريق عشان يطولون بالسياره فارس : طلال والله فيني النوم وراك تدور البيت قريب طلال: معليش رحت من طريق ثاني فارس : شكلك مضيع تبيني أدليك ؟ طلال: لا لا مضيع ولا شي .. طلال شغل اغنية ياعمري انا لميامي وكانت الابتسامه شاقه فمه .. وكان يحرك المرايه اللي عنده لجهة نوف .. فارس غلبه النوم .. ونوف مستغربه تصرفات طلال بس ماهتمت كثير ومو فاهمه ليه ياعمري انا بالذات ابد الا ان وصلوا للبيت ... نوف كانت بتطلع كرسي فارس من ورا السياره ,, وحاولت انها ماتلفت انتباه طلال طلال: نوف نوف: نعم ؟ طلال: خليه عنك انا ابشيله .. وبدخله انتي بس ادخلي للبيت نوف: مشكور طلال: العفو دخلت للبيت وطلال وراها يدف فارس من الكرسي ((اخيرا الطريق مررة طويل يقطع ابو الاحراج ... وانا ماراح اركب معا طلال المره الجايه أنواع الاحراج )) نوف : يمه وينه فيصل مشعل : توه طالع نوف: ياحليلهم ومتى بيرجعون فهد : مدري يقول احتمال يقعدون اسبوعين ويجون نوف: يروحون ويجون بالسلامه مشاري: الا نوف من اللي جابكم .؟ نوف: طلال ولد عمي ابراهيم مشاري: وفارس وينه فيه ؟ نوف: راح ينام يقول انه داايخ :::::::::::::::::::::::::::::::::::::::::::::::::: :::::::::::::::::::::::::: الجوهره : خلاص خلك ظامن اني مارح اكلم صالح أبد اصلا وشو له اكلمه ؟ وانت عندي محمد : طيب جوجو الجوهره: ياهلا محمد: شوفي بكرا يمكن أنا وسارا بنت اختي بنروح للعثيم اللي جنب بيتنا ... وش رايك نمرك ؟ الجوهره: لالا محمد لا مقدر محمد: يعني تكرهيني ؟!! الجوهره: لالا والله ودي بس المشكله ابوي مارح يوافق محمد: طيب انا ابمرك في وقت ابوك يصير موموجود الجوهره: لالا محمد لا مقدر محمد: طيب خلاص عارف انك تصرفين الحوهره: لالا وش اصرف !! تخيل اطلع من ورا اهلي والله اخاف يدرون محمد: معنا ساره ومكان عام وشوله الخوف ... الجوهره بعد تفكير: طيب خلاص انا أبشوف وارد لك .... وبعدين الحين احنا في الرياض محمد: ان رجعتوا للدمام الجوهره: متى بتروحون ؟ محمد: اللي تبين ..أنتي اختاري الوقت المناسب الجوهره : خلاص احاول في امي كأني بروح مع صديقتي وبعدين أرد لك خلاص؟ محمد: اوكي ... الجوهره: لاتقول اني اصرف ... وعساك مازعلت محمد: هههههه لاظمنت انك ماتصرفين .. وان رحتي ويانا طبعا مارح ازعل محمد كان ناوي يجمع ربعه ويوريهم الجوهره عشان يخليهم يتأكدون أنه مايكذب عليهم .. محمد: طيب متى بتجون للدمام؟ الجوهره: يمكن بكرا على العصر احنا واصلين لأن ابوي مررة مستعجل محمد: خلاص ليه مايصير الوعد المغرب بكرا ؟ الجوهره: انا قلت لك أبسأل وارد لك محمد : طيب طيب مو مشكله أنا الحين مشغول يللا مع السلامه الجوهره:باي :::::::::::::::::::::::::::::::::::::::::::::::::: ::::::::::::::::::::::: طلال وامه وابوه كانوا ساكنين بالشرقيه وكان طلال وحيد أمه وأبوه .. ((أنا لازم أشوف نفسي زين ... يعني لازم ماخذ نوف يعني ماخذها ... بس ليتها تعرف أني أنا أحبها المشكله حتى لو عرفت أنا كيف أعرف هالشي .. الله يانوف ليتك تفهميني ..وانا لازم اعلمك )) :::::::::::::::::::::::::::::::::::::::::::::::::: ::::::::::::::::: وتدخل الآن شخصيه جديده بالقصه هذي (سمر) اللي كانوا ساكنين بجنب بيت أبو طلال ... سمر كانت تحب طلال كثير .. مع انها أصغر منه بس هو الشخص اللي سرق تفكيرها .. وكانت تتمناه دايم ... واكثر الوقت تروح لبيت خالتها ام طلال بس تحاول تلفت أنتباهها لكن كل محاولاتها فاشله ... :::::::::::::::::::::::::::::::::::::::::::::::::: :::::::::::::: مرت الأيام والشهور سريعه ورجع فيصل وريما من باريس ... بدت الدراسه ... وجا وقت العوده للمدارس ... فيصل بعد ماجلس عند أهله اسبوعين وبعدها راحوا لندن عشان دراسة فيصل ... فيصل كان مررة مرتاح مع ريما وريما نفس الشي .. وام فيصل اكثر وحده فرحانه لولدها ولبنت اختها .... نوف جا وقت التعب والكرف لأنها دخلت مرحلة ثالث ثانوي ... :::::::::::::::::::::::::::::::::::::::::::::::::: :::::::::::::::::: طلال وام طلال بالصاله ام طلال: طلال علمني ياولدي وش فيك ؟ طلال: لايمه ولاشي ام طلال: الا فيك شي ماتعلمني وش بلاك صاير كذا لا سواليف ولاضحك وكن عندك عزا طلال: يمه ماودك تصيرين جده ام طلال: بالمبارك أجل تبي تتزوج ؟ طلال: ايه يايمه ابي اتزوج ام طلال: بس والدراسه طلال: ابوي مو مقصر وبالنسبه للدراسه مارح يأثر ان شاء الله ام طلال: بس ليه العجله ...خلها بالاجازه على رواقه احسن طلال: لالا الحين احسن ام طلال: ليه حاط احد ببالك ؟ طلال: ايه ام طلال: ومنهي ؟ طلال: نوف بنت عمي خالد ام طلال: نوف؟!! مالقيت الا نوف لالا توها صغيره ماظنيت اهلها يزوجونها بدري ... طلال: لا اقل شي انا ابحجزها وبعدين نشوف ام طلال: لالا ماتاخذ وحده من بنات عمانك .. أنا من زمان أبيك لندى بنت خالتك طلال: وش ندى يايمه ماتعجبني ندى ابد ام طلال: اجل نوف ؟ طلال: ايه نوف ام طلال: لالا طيب وش رايك ببنت الجيران سمر؟ طلال: سمر ؟؟!! مابقى اللا سمر لو يخلصون البنات كلهم ماآخذ سمر ام طلال: شف عاد ان فكرت ببنت عمك هذي لاني أمك ولاتعرفني طلال: معقووله !! تحطمين حياتي كذا .. وليه بنات أعمامي لأ لازم ندى ولا سمر طيب انا ماابيهم .. والولد ماينغصب ام طلال: طيب شف سمر بنت ناس وماعليها طلال: تربية اهلها ماتعجبني أنا من يوم شفتها طالعه بها العبايه .. ورايحه مع خويتها غسلت يدي من البنت ام طلال: أختار أي بنت غير نوف هذي انساها طلال بحزن: لا لييه ؟ ام طلال: ظني أنك عارف طلال: طيب وانا ونوف وش دخلنا بمشاكلكم .. ان كانت هذي سالفه قديمه بينك وبين أم فيصل انا وش علاقتي وش دخلني ؟ ام طلال: أتمشكل معاها وبعدين اجي أطلب بنتها ؟ طلال: عادي انا وابوي بنروح .. ومااظن انه مارح يرضى ام طلال: انا قلت لك غيرندى أنسى طلال: لايايممه لاتجبريني يمه لاتوقفين بطريقي ام طلال: هذا انا ودي ببنت خالتك وانا من زمان بغيتك لها . طلال: بس نوف.. ام طلال قاطعت طلال: خلاص لاتجيب لي سالفة نوف ثانيه طلال عصب كثير من كلام أمه ... وفعلا كانت ردة فعل ماتوقعها منها ... اخذ المفتاح وطلع من البيت ام طلال: طلال وين رايح ؟ طلال: مدري أي مكان .. اهم شي اطلع ام طلال تتنهد: قال ايش قال نوف مابقى الا بنت الجوهره طلال ركب سيارته وجلس يفكر((الحين امي ماتبيني لبنت عمي .. يعني أنساها عشان امي ؟.......لالا ليه انساها ليه يضيع حبي لها هباء مثورا لالا زم أتصرف ... وفي النهايه تزوجني لها المخيسه ندى ... ولا سمر ....أاااه يالقهر ...طيب وكيف بيهون علي أشوفها مع احد غيري معقوله أنسى نوف ... عشان مشاكل أهل ...لالالو يصير اللي يصير ياطلال لاتخلي أحد يوقف بوجه حلمك )) ومن غير شعوره نزلت دمعة قهر ... صدمة ... من كلام امه ...كان يشوفها تتكلم على بنت عمه ...واهو ساكت ومو قادر يقول شي ... يبكي على حلمه اللي على وشك انه يتحطم .. ((أنا الحين وش قاعد اسوي ... لاليه تنزل دمعتي ... عشان نوف !! للحين نوف ماراحت نوف موجوده وانا بااخذها رضوا ولا مارضوا نوف مارح تكون لأحد غيري )) كان يمشي لكن مايدري وين يروح مافي مكان محدد في باله بس يحاول ينسى ويعزم على اللي يبيه ويحط في باله ان حلمه للحين ماراح وفي أمل كبير انه يحققه .. :::::::::::::::::::::::::::::::::::::::::::::::::: :::::::::::::::::::::: اما بالنسبه لسمر كان ابوها متوفي وامها متزوجه من بعد ابوها واخواتها ( سماهر وليلى وسمر ) سمر كانت اصغر وحده فيهم سمر كانت دايم تقضي وقتها في الشارع تتمشى مع اخواتها أو الجيران وتتكلم على الرايح والجاي أو تتحرى طلال متى يطلع وتحاول تلفته طلال عارف الشي هذا بس يعتبرها حركات مراهقه وسمر لايمكن يفكر فيها ابد رجعت من البيت طفشاانه سمر: أووووووووف ماشفت هالمخيس اليوم ليلى : مين ؟ سمر: طلييييييييييل ماعد صرنا نشوفه مايطلع كثير ليلى : خلاص وش عليك من الرجال خليه في حاله وماعليك منه سمر: انا أبملكه يعني أبملكه كل محاولاتي فاشله ؟!!وش زود الناس عنني ؟ ليلى : مايحبك هههههههههه يامسكينه سمر: غصب عنه بيحبني مو بكيفه ليلى : الله يرحم حالك بس سمر: الا أقول ورا مانروح لعند أم طلال ولدها توه طالع ... مسكينه تلقينها طفشاانه سماهر : أنا انا ابروح معاكم ليلى : لالا مااحد بيروح بس يللا شدوا ارضكم سمر: اقول بس مابقى الا انتي تمنعيني سماهر: يللا بس باجيب عبايتي سمر: يللا بسرعه وراحو عند أم طلال اللي مضيق صدرها ولدها واصراره على نوف .... جاتها الشغاله وعلمتها ان سمر وسماهر عند الباب فرحت كثير ودخلتهم سماهر: ياهلا خالتي وراك كذا متغيره ام طلال: ابد ولاشيء سمر : الا وين طلال عنك ؟ الحين توه جاي من الرياض المفروظ يجلس معاك سماهر همست لسمر: خلاص بلا لقافه سمر: ماعليك مني ام طلال: والله طلال الحين طالع ... سماهر وسمر كانوا يسولفون مع ام طلال اللي كانت مررة فراحانه لأنهم جوا عشان يوسعون صدرها لكن قصدهم كان ثاني كانوا بس ينتظرون طلال متى بيجي دخل طلال متأخر على الساعه 11 الليل وماكان متوقع ان أمه صاحيه أو ان عندها سمر وسماهر .... دخل وهو متنكد وطفشاان ومستعجل وتفاجأ بوجود سمر .. صد ورجع لمكانه عشان مايشوفها سمر لبست غطاها وقالت : الله يحييك طلال تعال معانا وطبعا هي قصدها يجلس في الصاله عشان تعطيه كم من نظره ... أو ابتسامه ...أو لفته .. أما طلال مارد عليها وعصب كثير ورقى فوق لغرفته ... وكان يحسبها خطه من أمه عشان ينسى نوف .. ((مابقى الا هالأشكال تتفلسف .. قالت ايش قالت ياهلا طلال الله يحيك .. مالت عليها ...أنا لازم احط حد لها ولأشكالها ...الحين جايين يخربون عقل امي علي )) سمر حست بتأنيب الضمير وعرفت وقاحتها وقلة أدبها على طلال وودها تنهي الزياره بأسرع وقت سمر : يللا خالتي احنا ترخص الحين سماهر : ايه يللا مع السلامه ام طلال: وسعتوا صدري يابنات بس تجوني ثانيه سمر: أي ان شاء الله .. مع السلامه ام طلال: مع السلامه .. :::::::::::::::::::::::::::::::::::::::::::::::::: ::::::::::::::::::::::: سماهر : سمر وووجع فشلتينا وش هالكلام خير ان شاء الله شفتي الولد عصصب عليك سمر: معليش الحين بيعصب بس يمكن يتغير ان شاء الله سماهر: ياربي منك انتي بتوديننا في دواهي سمر: اقول بس وسعي صدرك :::::::::::::::::::::::::::::::::::::::::::::::::: ::::::::::::::::::: اما نوف كانت جاده في المدرسه بس تذاكر عشان النسبه طبعا .. والباقي كللهم مطنشين الدراسه مثل فارس ومشاري ومشعل كلهم تاركين المدرسه على جنب وفهد مابقى على التخرج غير سنه وحده مشعل: يبه تكفى خلني اروح للمباراة اليوم مع الأتحاد والله ظروريه ابوفيصل: طيب خلصت مذاكره مشعل: ايه ابو فيصل: وكل مباراة مهمه ؟؟ أجل وش المباراة اللي مو مهمه ؟ مشعل: ههههههه مدري بس اهم شي ابي اروح ابو فيصل: بكيفك بس لاتطول مشعل: ان شاء الله فارس : يبه بروح وياه ابوفيصل: طيب روح بس اهم شي تكون مذاكر فارس: اييه اكيد خلصت مذاكره ابو فيصل: خلاص بكيفكم وراحوا مع المشجعين مشاري: ترا هالاربعاء يمكن يجينا طلال نوف: طلال!!!!! وليه ؟ مشاري: مدري والله يقول ابجيكم نهاية الاسبوع ابو فيصل: حياه الله نوف: طيب متى بيوصل؟ مشاري: يمكن متأخر الساعه 2 لأنه يقول عنده شغل ام فيصل: خلاص خله في المجلس :::::::::::::::::::::::::::::::::::::::::::::::::: :::::::::::::::::::: فيصل كان مع ريما في بريطانيا ............ريما اللي كانت تعبانه مررة كانت ماسكه ظهرها وتتألم فيصل: ريما خليني أوديك للمستشفى ريما: لالا ماله داعي فيصل: يووه ريما امشي يللا شكلك مررة تعبانة ريما: فيصل والله مافيني شي ..خلاص فيصل:" ريما ان كان مو عشانك خليه عشاني ... يللا مشينا وداها فيصل للمستشفى .... وبعد ماكشف الدكتور حالتها فيصل: هاه د بشرني عنها وش اخبارها ؟ د: لالا الحمدلله تمام فيصل: طيب وشفيها بالضبط د: بالمبارك بتصير أب فيصل: يعني حامل د: أي حامل مبروك فيصل: الله يبارك فيك وراح على طول لريما ... ريما: مبروك فيصل فيصل: الله يبارك فيك ومبروك لك انتي بعد ريما: هههههه الله يبارك فيك د: بس المدام محتاجه راحه أكثر لأن الشغل مو زين ع الجنين فيصل: عاد انا اللي ابخليها تشتغل ... د: هههههه يالله الله يهنيكم فيصل: ان شاء الله ...مع السلامه د: مع السلامه مسكها مع يدها وراحوا للبيت فيصل: ريما روحي ارتاحي خلي العشا علي ريما: فيصل الله يهداك وش دعوه مافيني شي فيصل: ريما عشاني أنا اللي ابسوي العشا اليوم ريما: لالا خل العشا علي انا فيصل: يوووووه شكلك ماسمعتي الدكتور وش يقول ريما:خلاص خلاص براحتك فيصل: ايووا هذا اللي نبيه :::::::::::::::::::::::::::::::::::::::::::::::::: :::::::::::::::::::::::::
|
|
«
الموضوع السابق
|
الموضوع التالي
»
Loading...
| |||||||||||||||||||||||||||||||||||||||||||||||||||||||||||||||||||||||||
العرض الشجري
